ᱵᱚᱨᱜᱮᱥ, ᱡᱚᱨᱡᱽ ᱞᱩᱭᱤᱥ
ᱡᱚᱨᱡᱽ ᱯᱷᱨᱟᱱᱥᱤᱥᱠᱳ ᱤᱥᱤᱰᱳᱨᱳ ᱞᱩᱭᱤᱥ ᱵᱚᱨᱜᱮᱥ ᱟᱥᱵᱷᱮᱰᱳ ᱠᱮᱵ (/ˈbɔːrhɛs/;[᱑] [ˈxorxe ˈlwis ˈborxes]; (᱒᱔ ᱚᱜᱚᱥᱴ ᱑᱘᱙᱙ᱼ᱑᱔ᱡᱩᱱ ᱑᱙᱘᱖)ᱢᱤᱫ ᱟᱨᱡᱮᱱᱴᱟᱭᱤᱱ ᱠᱷᱟᱴᱚ ᱠᱟᱹᱦᱱᱤ ᱚᱱᱚᱞᱤᱭᱟᱹ , ᱜᱟᱢᱟᱱᱤᱭᱟᱹ, ᱚᱱᱦᱚᱬᱤᱭᱟᱹ,ᱚᱱᱩᱵᱟᱹᱫᱤᱭᱟᱹᱭ ᱛᱟᱦᱮᱸᱠᱟᱱᱟ , ᱢᱮᱱ ᱞᱮᱠᱷᱟᱱ ᱥᱯᱟᱱᱤᱥ ᱯᱟᱹᱨᱥᱤ ᱥᱟᱶᱦᱮᱫ ᱨᱤᱱᱤᱡ ᱢᱩᱠᱷᱤᱭᱟᱹ ᱢᱩᱴᱷᱟᱹᱱ ᱮ ᱛᱟᱦᱮᱸᱠᱟᱱᱟ ᱾ ᱟᱡᱟᱜ ᱧᱩᱛᱩᱢᱟᱱ ᱯᱚᱛᱚᱵ ᱠᱚ ᱦᱩᱭᱩᱜ ᱠᱟᱱᱟ ᱑᱙᱔᱐ ᱨᱮ ᱯᱟᱨᱥᱟᱞ ᱞᱮᱱ ᱯᱷᱤᱥᱤᱣᱟᱱᱥ, ᱮᱞ ᱟᱞᱮᱯᱷ ᱾ ᱱᱚᱣᱟ ᱵᱟᱱᱟᱨ ᱯᱚᱛᱚᱵ ᱨᱮᱱᱟᱜ ᱠᱷᱟᱴᱚ ᱠᱟᱹᱦᱱᱤ ᱫᱚ ᱥᱟᱶ ᱜᱮᱭᱟ ᱟᱨ ᱢᱤᱫ ᱥᱟᱛᱟᱢ ᱫᱷᱟᱨᱟ ᱜᱮᱭᱟ ᱡᱮᱢᱚᱱ ᱠᱩᱠᱢᱩ,ᱟᱹᱨᱥᱤ, ᱫᱷᱚᱨᱚᱢ,ᱜᱩᱞᱟᱹᱭ ᱪᱷᱟᱸᱫᱟ ᱾[᱒]
ᱵᱚᱨᱜᱮᱥ ᱟᱜ ᱠᱟᱹᱢᱤ ᱯᱷᱤᱞᱚᱥᱚᱯᱤᱠᱟᱞ ᱥᱟᱶᱦᱮᱫ ᱟᱨ ᱵᱷᱟᱹᱵᱤᱛ ᱜᱩᱴ ᱨᱮᱱᱟᱜ ᱨᱮ ᱮᱱᱮᱢ ᱢᱮᱱᱟᱜᱼᱟ ᱾ ᱑᱙᱑᱔ ᱨᱮ ᱵᱚᱨᱜᱮᱥ ᱜᱷᱟᱨᱚᱸᱡ ᱥᱩᱭᱡᱚᱨᱞᱟᱸᱫ ᱛᱮᱠᱚ ᱩᱪᱟᱹᱲ ᱮᱱᱟ, ᱚᱱᱰᱮ ᱟᱡ ᱠᱚᱞᱮᱡ ᱰᱤ ᱡᱮᱱᱮᱵᱷᱮ ᱨᱮ ᱯᱟᱲᱦᱟᱣ ᱮᱱᱟᱭ ᱾ ᱟᱠᱚᱣᱟᱜ ᱜᱷᱟᱨᱚᱸᱡ ᱭᱩᱨᱳᱯ ᱨᱮᱱᱟᱜ ᱟᱭᱢᱟ ᱴᱷᱟᱶ ᱠᱚ ᱫᱟᱲᱟᱸ ᱞᱮᱫᱼᱟ ᱾ ᱑᱙᱒᱑ ᱨᱮ ᱟᱠᱚᱣᱟᱜ ᱜᱷᱟᱨᱚᱸᱡ ᱟᱨᱡᱮᱱᱴᱤᱱᱟ ᱨᱩᱣᱟᱲ ᱮᱱ ᱛᱟᱭᱚᱢ ᱟᱡ ᱟᱡᱟᱜ ᱚᱱᱦᱚᱬᱮ ᱟᱨ ᱜᱟᱢᱟᱱ ᱥᱩᱨᱟᱞᱤᱥᱴ ᱥᱟᱶᱦᱮᱫ ᱯᱟᱛᱷᱟᱢ ᱨᱮ ᱯᱟᱨᱥᱟᱞ ᱞᱮᱫᱼᱟ ᱾ ᱟᱡ ᱞᱟᱩᱵᱨᱮᱨᱤᱭᱟᱱ ᱟᱨ ᱫᱤᱥᱩᱣᱟᱹ ᱜᱟᱞᱚᱪᱤᱭᱟᱹ ᱞᱮᱠᱟ ᱦᱚᱸᱭ ᱠᱟᱹᱢᱤ ᱦᱟᱠᱟᱫᱼᱟ ᱾᱑᱙᱕᱕ ᱨᱮ ᱱᱮᱥᱱᱟᱞ ᱯᱚᱵᱞᱤᱠ ᱞᱟᱭᱵᱨᱮᱨᱤ ᱨᱮ ᱞᱟᱭᱵᱨᱮᱨᱤᱭᱟᱱ ᱟᱨ ᱭᱩᱱᱤᱵᱷᱟᱨᱥᱤᱴᱤ ᱚᱯᱷ ᱵᱤᱩᱱᱮᱥ ᱨᱮ ᱯᱨᱚᱯᱷᱮᱥᱚᱨ ᱞᱮᱠᱟᱛᱮ ᱵᱟᱦᱟᱞ ᱞᱮᱱᱟᱭ ᱾᱕᱕ ᱥᱟᱞ ᱩᱢᱮᱨ ᱨᱮ ᱟᱡ ᱟᱱᱫᱷᱟ ᱮᱱᱟᱭ; ᱟᱡ ᱡᱠᱷᱳᱱ ᱵᱨᱮᱞᱤ ᱛᱤᱥ ᱦᱚᱸ ᱵᱟᱭ ᱯᱟᱲᱦᱟᱣ ᱦᱟᱠᱟᱱᱟ ᱟᱡ ᱪᱮᱫ ᱦᱚᱸ ᱵᱟᱭ ᱯᱟᱲᱦᱟᱣ ᱫᱟᱲᱮ ᱦᱟᱫᱼᱟ ᱾ ᱯᱚᱲᱦᱚᱱᱤᱭᱟᱹ ᱠᱚᱠᱚ ᱢᱮᱱᱼᱟ ᱟᱡᱟᱜ ᱠᱟᱬᱟ ᱠᱷᱟᱹᱛᱤᱨ ᱜᱮ ᱟᱡᱟᱜ ᱥᱟᱶᱦᱮᱫ ᱞᱟᱦᱟᱱᱛᱤ ᱨᱮ ᱵᱷᱟᱹᱵᱤᱛ ᱟᱨ ᱩᱭᱦᱟᱹᱨ ᱡᱟᱹᱥᱛᱤ ᱥᱤᱨᱡᱟᱹᱣ ᱮᱱᱟ ᱾
᱑᱙᱖᱑ ᱨᱮ ᱡᱮᱜᱮᱛ ᱨᱤᱱ ᱦᱚᱲ ᱠᱚᱣᱟᱜ ᱢᱮᱫ ᱟᱡ ᱴᱷᱮᱫ ᱰᱷᱟᱝ ᱮᱱᱟ ᱡᱚᱠᱷᱚᱱ ᱟᱡ ᱯᱩᱭᱞᱩ ᱯᱷᱳᱨᱢᱮᱱᱴᱚᱨ ᱥᱤᱨᱯᱟᱹᱭ (ᱯᱨᱤᱠᱥ ᱤᱱᱴᱮᱨᱱᱮᱥᱱᱟᱞ)ᱧᱟᱢ ᱠᱮᱫᱼᱟ, ᱱᱚᱣᱟ ᱥᱤᱨᱯᱟᱹ ᱥᱟᱢᱩᱭᱮᱞ ᱵᱮᱠᱮᱴ ᱥᱟᱞᱟᱜ ᱮ ᱦᱟᱹᱴᱤᱧ ᱞᱟᱜᱼᱟ ᱾᱑᱙᱗᱑ ᱨᱮ ᱟᱡ ᱡᱮᱨᱩᱡᱮᱞᱚᱢ ᱥᱤᱨᱯᱟᱹᱭ ᱟᱢᱮᱴ ᱞᱮᱫᱼᱟ ᱾ ᱟᱡᱟᱜ ᱚᱞ ᱟᱢᱮᱨᱤᱠᱟ ᱟᱨ ᱭᱩᱨᱳᱯ ᱨᱮᱱᱟᱜ ᱟᱭᱢᱟ ᱴᱷᱟᱶ ᱨᱮ ᱚᱱᱩᱵᱟᱫ ᱟᱨ ᱯᱟᱨᱥᱟᱞᱚᱜ ᱠᱟᱱ ᱛᱟᱦᱮᱸᱫ ᱾ ᱟᱡ ᱟᱹᱰᱤᱜᱟᱱ ᱯᱟᱹᱨᱥᱤ ᱛᱮ ᱨᱚᱲ ᱨᱤᱱᱤᱡ ᱯᱟᱹᱨᱩᱠᱷᱤᱭᱟᱹᱭ ᱛᱟᱦᱮᱸᱠᱟᱱᱟ ᱾ᱟᱡᱟᱜ ᱢᱩᱪᱟᱹᱫ ᱚᱞ ᱫᱚ ᱠᱚᱥᱯᱤᱨᱮᱴᱚᱨ ᱟᱡ ᱥᱣᱤᱡᱚᱨᱞᱟᱸᱰ ᱨᱮᱱᱟᱜ ᱡᱮᱱᱮᱵᱷᱟ ᱱᱟᱜᱟᱨ ᱮ ᱟᱞᱟᱭ ᱞᱮᱫ ᱛᱟᱦᱮᱸᱫ ᱾[᱓]
ᱟᱡᱟᱜ ᱡᱮᱜᱮᱛᱟᱹᱨᱤ ᱢᱟᱱᱚᱛ ᱛᱟᱭ ᱑᱙᱖᱐ ᱨᱮ ᱡᱟᱹᱥᱛᱤ ᱥᱟᱡᱟᱣ ᱮᱱᱟ ᱡᱚᱠᱷᱳᱱ ᱟᱡᱟᱜ ᱠᱟᱹᱢᱤ ᱞᱟᱴᱤᱱ ᱟᱢᱮᱨᱤᱠᱟ ᱨᱮ ᱤᱸᱜᱞᱤᱥ ᱛᱮ ᱧᱟᱢ ᱮᱱᱟ ᱟᱨ ᱜᱟᱨᱥᱤᱭᱟ ᱢᱟᱨᱠᱣᱤᱡ ᱟᱜ ᱥᱟᱭ ᱥᱮᱨᱢᱟ ᱦᱟᱥᱞᱟ ᱨᱮᱱᱟᱜ ᱨᱟᱥᱹᱠᱟᱹ ᱥᱚᱫᱚᱨ ᱮᱱᱟ ᱾ ᱡᱮ ᱮᱢ ᱠᱚᱴᱮᱡ ᱮ ᱢᱮᱱᱞᱮᱫᱼᱟ " ᱥᱟᱱᱟᱢ ᱠᱷᱳᱱ ᱡᱟᱹᱥᱛᱤ ᱟᱡ ᱜᱮ ᱯᱷᱤᱠᱥᱚᱱ ᱠᱟᱹᱦᱱᱤ ᱟᱹᱨᱩ ᱨᱩᱣᱟᱹᱲ ᱠᱮᱫᱼᱟᱭ ᱟᱨ ᱢᱤᱫ ᱯᱤᱲᱦᱤ ᱞᱟᱹᱜᱤᱫ ᱦᱚᱨ ᱮ ᱥᱚᱫᱚᱨ ᱦᱚᱴᱚ ᱦᱟᱠᱟᱫᱼᱟ "
ᱜᱩᱡᱩᱜ
ᱥᱟᱯᱲᱟᱣᱟᱡᱟᱜ ᱡᱮᱱᱮᱵᱷᱟ ᱨᱮᱱᱟᱜ ᱢᱩᱪᱟᱹᱫ ᱡᱤᱭᱚᱱ ᱨᱮ ᱟᱡ ᱟᱡᱟᱜ ᱡᱤᱭᱚᱱ ᱛᱟᱭᱚᱢ ᱨᱮᱱᱟᱜ ᱠᱟᱛᱷᱟ ᱡᱟᱹᱥᱛᱤ ᱵᱷᱟᱹᱵᱤ ᱠᱮᱫᱼᱟᱭ ᱾ ᱚᱱᱟ ᱠᱷᱳᱱ ᱡᱟᱹᱥᱛᱤ ᱟᱡᱤᱡ ᱡᱩᱨᱤ ᱠᱳᱰᱢᱟ ᱚᱠᱟ ᱫᱷᱚᱨᱚᱢ ᱨᱮ ᱯᱟᱹᱛᱭᱟᱣ ᱢᱮᱱᱟᱜ ᱛᱟᱭᱟ ᱚᱱᱟ ᱤᱫᱤ ᱠᱟᱛᱮᱫ ᱡᱟᱹᱥᱛᱤ ᱥᱚᱱᱫᱷᱮᱦ ᱮᱱᱟᱭ , ᱟᱡᱤᱡ ᱡᱩᱨᱤ ᱟᱡ ᱟᱯᱟᱛ ᱮ ᱯᱟᱸᱡᱟ ᱦᱟᱠᱟᱫ ᱥᱤᱱᱛᱳ ᱥᱮ ᱟᱡ ᱟᱭᱚᱭ ᱯᱟᱸᱡᱟ ᱞᱮᱫ ᱠᱟᱛᱷᱚᱞᱤᱠ ᱨᱮ ᱯᱟᱹᱛᱭᱟᱹᱣ ᱢᱮᱱᱟᱜ ᱛᱟᱭᱟ ᱥᱚᱱᱫᱷᱮᱦ ᱮᱱᱟᱭ ᱾ ᱵᱚᱨᱜᱮᱥ ᱑᱔ ᱡᱩᱱ ᱑᱙᱘᱖ ᱥᱟᱞ ᱨᱮ ᱘᱖ ᱩᱢᱮᱨ ᱨᱮ ᱡᱮᱱᱮᱵᱷᱟ ᱨᱮ ᱵᱚᱸᱜᱟ ᱮᱱᱟᱭ ᱾ ᱑᱘ ᱡᱩᱱ ᱨᱮ ᱟᱡᱟᱜ ᱵᱟᱭ ᱠᱟᱹᱢᱤ ᱯᱨᱳᱛᱮᱥᱴᱟᱸᱴ ᱠᱭᱟᱛᱷᱮᱰᱨᱟᱞ ᱰᱤ ᱥᱮᱱᱴ ᱯᱭᱤᱨᱤ ᱨᱮ ᱥᱟᱹᱛ ᱮᱱᱟ ᱾
ᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣ- https://www.britannica.com/biography/Jorge-Luis-Borges
- https://curlie.org/Arts/Literature/Authors/B/Borges%2C_Jorge_Luis/
- https://openlibrary.org/authors/OL18928A/Jorge_Luis_Borges
- https://www.theparisreview.org/interviews/4331/jorge-luis-borges-the-art-of-fiction-no-39-jorge-luis-borges
- BBC Radio 4 discussion programme from In our time.
- Jorge Luis Borges at The Modern Word
- Borges Center, University of Pittsburgh.
- The Friends of Jorge Luis Borges Worldwide Society & Associates Archived ᱒᱐᱐᱖-᱐᱒-᱑᱔ at the Wayback Machine.
- International Foundation Jorge Luis Borges
ᱥᱟᱹᱠᱷᱤᱭᱟᱹᱛ
ᱥᱟᱯᱲᱟᱣ- ↑ http://www.dictionary.com/browse/borges Random House Webster's Unabridged Dictionary; accessed 1 April 2016.
- ↑ https://en.wikipedia.org/wiki/David_Wheatley_(director) (Director) (1983). Profile of a Writer: Borges and I (Feature Documentary). Arena.
- ↑ http://southerncrossreview.org/48/borges-barili.htm Interview by Amelia Barili.