ᱵᱚᱭᱦᱟ ᱵᱤᱥᱚᱱᱟᱛᱷ ᱴᱩᱰᱩ
ᱵᱚᱭᱦᱟ ᱵᱤᱥᱚᱱᱟᱛᱷ ᱴᱩᱰᱩ (ᱤᱝᱞᱤᱥᱺ Boyha Biswanath Tudu) ᱫᱚ ᱢᱤᱫ ᱧᱩᱛᱩᱢᱟᱱ ᱚᱱᱚᱞᱤᱭᱟᱹ ᱠᱟᱱᱟᱭ ᱾ ᱟᱭᱢᱟ ᱯᱚᱛᱚᱵ ᱯᱩᱛᱷᱤᱭ ᱯᱟᱨᱥᱟᱞ ᱟᱠᱟᱫ ᱥᱟᱶ ᱥᱟᱶᱛᱮ ᱪᱤᱠᱤ ᱪᱷᱟᱨᱟᱣ ᱞᱟᱹᱜᱤᱫ ᱵᱟᱦᱨᱮ ᱫᱤᱥᱚᱢ ᱦᱚᱸᱭ ᱫᱟᱬᱟ ᱟᱠᱟᱫ-ᱟ ᱾ ᱥᱟᱦᱤᱛᱭᱚ ᱮᱠᱟᱰᱮᱢᱤ, ᱱᱟᱣᱟ ᱫᱤᱞᱞᱤ ᱯᱟᱦᱴᱟ ᱠᱷᱚᱱ ᱯᱩᱭᱞᱩ ᱥᱤᱥᱩ ᱥᱟᱶᱦᱮᱫ ᱥᱤᱨᱯᱷᱟᱹ (Child Literature Award - 2010) ᱒᱐᱑᱐ ᱛᱮᱭ ᱢᱟᱹᱱ ᱦᱟᱞᱟᱝ ᱟᱠᱟᱱᱟ ᱾
| ᱵᱚᱭᱦᱟ ᱵᱤᱥᱚᱱᱟᱛᱷ ᱴᱩᱰᱩ | |
|---|---|
 | |
| ᱡᱟᱱᱟᱢ | (᱒᱗.᱐᱖.᱑᱙᱖᱙ ) 1969 (age 54–55) ᱟᱸᱫᱷᱟᱨᱡᱷᱩᱨ, ᱢᱚᱭᱩᱨᱵᱷᱚᱸᱡᱽ, ᱳᱰᱤᱥᱟ |
| ᱠᱟᱹᱢᱤ | ᱚᱱᱚᱞᱤᱭᱟᱹ |
| ᱡᱟᱹᱛᱤᱭᱟᱹᱛ | ᱥᱤᱧᱚᱛᱤᱭᱟᱹ |
| ᱥᱤᱨᱯᱷᱟᱹ | ᱠᱮᱸᱫᱽᱨᱚ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱥᱤᱥᱩ ᱥᱟᱶᱦᱮᱫ ᱥᱤᱨᱯᱷᱟ. (᱒᱐᱑᱐) |
ᱡᱟᱱᱟᱢ ᱥᱟᱯᱲᱟᱣ
ᱵᱚᱭᱦᱟ ᱵᱤᱥᱚᱱᱟᱛᱷ ᱴᱩᱰᱩ ᱫᱚ ᱒᱗. ᱐᱖. ᱑᱙᱖᱙ ᱥᱟᱞᱮᱨᱮ ᱳᱰᱤᱥᱟ, ᱢᱚᱭᱩᱨᱵᱷᱚᱸᱡᱽ ᱨᱮᱭᱟᱜ ᱟᱸᱫᱷᱟᱨᱡᱷᱩᱨ ᱟᱹᱛᱩᱨᱮᱭ ᱡᱟᱱᱟᱢ ᱟᱠᱟᱱᱟ ᱾ ᱡᱟᱱᱟᱢ ᱵᱟᱵᱟᱦᱟᱜ ᱧᱩᱛᱩᱢ ᱫᱚ ᱯᱚᱫᱽᱢᱚ ᱞᱚᱪᱚᱱ ᱴᱩᱰᱩ ᱟᱨ ᱟᱭᱳ ᱫᱚ ᱠᱩᱭᱞᱤ ᱴᱩᱰᱩ ᱢᱮᱱᱛᱮ ᱧᱩᱛᱩᱢ ᱟᱹᱠᱤᱱᱟ ᱾
ᱥᱮᱪᱮᱫ ᱟᱨ ᱠᱟᱹᱢᱤ ᱥᱟᱯᱲᱟᱣ
ᱯᱩᱭᱞᱩ ᱯᱮ ᱪᱟᱱᱚᱪ ᱫᱷᱟᱹᱵᱤᱡ ᱫᱚ ᱟᱞᱦᱟᱯᱟᱬᱤ ᱟᱥᱲᱟ ᱨᱮ ᱚᱞᱚᱜ ᱮ ᱮᱛᱚᱦᱚᱵ ᱞᱮᱜ-ᱟ ᱾ ᱤᱱᱟᱹ ᱛᱟᱭᱚᱢ ᱦᱟᱹᱛᱤᱵᱟᱨᱤ ᱟᱥᱨᱚᱢ ᱨᱮ ᱮᱭᱟᱭ ᱪᱟᱱᱚᱪ ᱫᱷᱟᱹᱵᱤᱡ ᱮ ᱯᱟᱲᱦᱟᱣ ᱞᱮᱱᱟ ᱾ ᱱᱚᱲᱜᱚᱡᱟ ᱟᱥᱨᱚᱢ ᱨᱮ ᱩᱱᱩᱥᱩᱞ ᱟᱥᱲᱟ ᱫᱚᱭ ᱥᱟᱹᱛ ᱞᱮᱜ-ᱟ ᱾ ᱤᱱᱟᱹ ᱛᱟᱭᱚᱢ ᱟᱭᱤᱹ ᱮ ᱫᱚ ᱮᱢᱹᱯᱤᱹᱥᱤᱹ ᱢᱟᱨᱟᱝ ᱵᱤᱨᱫᱟᱹᱜᱟᱲ, ᱵᱟᱹᱨᱯᱟᱫᱟ ᱨᱮ, ᱵᱤᱹ ᱮᱹ ᱫᱚ ᱨᱟᱭᱨᱚᱢᱯᱩᱨ ᱨᱮ, ᱮᱢᱹ ᱮᱹ ᱫᱚ ᱚᱱᱩᱜᱩᱲ ᱟᱨ ᱮᱞᱹ ᱮᱞᱹ ᱵᱤᱹ ᱫᱚ ᱨᱟᱣᱩᱞᱠᱮᱞᱟ ᱨᱮᱭ ᱯᱟᱲᱦᱟᱣ ᱥᱟᱹᱛ ᱟᱠᱟᱫ-ᱟ ᱾ ᱟᱡ ᱫᱚ ᱥᱟᱱᱛᱟᱲᱤ ᱛᱮᱦᱚᱸ ᱥᱚᱱᱮᱨ ᱮ ᱥᱟᱹᱛ ᱟᱠᱟᱫ-ᱟ ᱨᱟᱭᱨᱚᱢᱯᱩᱨ ᱠᱷᱚᱱᱟᱜ ᱾ ᱠᱟᱹᱢᱤ ᱫᱚ ᱵᱤᱢᱟᱹ ᱵᱟᱺᱫᱤ ᱨᱟᱣᱩᱞᱠᱮᱞᱟ ᱨᱮᱭ ᱠᱟᱹᱢᱤ ᱠᱟᱱᱟ ᱾
ᱥᱟᱶᱦᱮᱫ ᱥᱟᱸᱜᱷᱟᱨ ᱥᱟᱯᱲᱟᱣ
ᱥᱟᱱᱛᱟᱲ ᱥᱟᱶᱛᱟ ᱥᱟᱶᱦᱮᱫ ᱨᱮᱫᱚ ᱵᱚᱭᱦᱟ ᱵᱤᱥᱚᱱᱟᱛᱷ ᱴᱩᱰᱩᱣᱟᱜ ᱚᱥᱚᱢᱵᱷᱟᱲ ᱜᱚᱨᱚᱡᱽ ᱫᱩᱞᱟᱹᱲ ᱢᱮᱱᱟᱜ-ᱟ ᱾ ᱱᱤᱛᱚᱜ ᱫᱷᱟᱹᱵᱤᱡ ᱟᱭᱢᱟ ᱯᱚᱛᱚᱵ ᱯᱩᱛᱷᱤ ᱚᱞ ᱠᱟᱛᱮᱭ ᱯᱟᱨᱥᱟᱞ ᱟᱠᱟᱫ-ᱟ ᱾ ᱚᱞ ᱪᱤᱠᱤ ᱪᱷᱟᱨᱟᱣ ᱞᱟᱹᱜᱤᱫ ᱟᱹᱰᱤ ᱴᱚᱴᱷᱟᱭ ᱥᱟᱸᱜᱷᱟᱨ ᱟᱠᱟᱫ-ᱟ ᱾ ᱵᱤᱫᱮᱥ ᱥᱮᱱ ᱠᱟᱛᱮ ᱦᱚᱸ ᱟᱡ ᱫᱚ ᱚᱞ ᱪᱤᱠᱤᱭ ᱪᱷᱟᱨᱟᱣ ᱟᱠᱟᱫ-ᱟ ᱾ ᱟᱡᱟᱜ ᱠᱩᱨᱩᱢᱩᱴᱩ ᱟᱨ ᱥᱚᱨᱮᱥ ᱥᱟᱶᱦᱮᱫ ᱮᱱᱮᱢ ᱦᱚᱛᱮᱛᱮ ᱥᱟᱱᱛᱟᱲᱤ ᱥᱟᱶᱦᱮᱫ ᱫᱚ ᱟᱹᱰᱤ ᱜᱮ ᱠᱤᱥᱟᱹᱬ ᱟᱠᱟᱱᱟ ᱾ ᱘᱑ ᱜᱚᱴᱟᱝ ᱯᱩᱛᱷᱤ ᱱᱤᱛᱚᱜ ᱫᱷᱟᱹᱵᱤᱡ ᱛᱮᱭ ᱯᱟᱨᱥᱟᱞ ᱦᱩᱭ ᱟᱠᱟᱫ-ᱟ ᱾
ᱯᱟᱨᱥᱟᱞ ᱟᱠᱟᱱ ᱯᱩᱛᱷᱤ ᱠᱚ ᱥᱟᱯᱲᱟᱣ
ᱥᱟᱶᱦᱮᱫ ᱪᱮᱛᱟᱱ ᱨᱮ ᱟᱡᱟᱜ ᱠᱩᱨᱩᱢᱩᱴᱩ ᱨᱮᱭᱟᱜ ᱫᱚ ᱦᱤᱥᱟᱹᱵᱽ ᱜᱮ ᱵᱟᱹᱱᱩᱜ ᱟᱱᱟ ᱾ ᱚᱞ ᱪᱤᱠᱤ ᱪᱷᱟᱨᱟᱣ ᱞᱟᱹᱜᱤᱫ ᱫᱤᱥᱚᱢ ᱜᱚᱴᱟ ᱡᱟᱦᱟᱸ ᱞᱮᱠᱟᱭ ᱫᱟᱬᱟ ᱟᱠᱟᱫ-ᱟ ᱚᱱᱠᱟ ᱜᱮ ᱢᱤᱫᱴᱟᱹᱝ ᱛᱟᱭᱚᱢ ᱢᱤᱫᱴᱟᱹᱝ ᱯᱚᱛᱚᱵ ᱯᱩᱛᱷᱤ ᱦᱚᱸ ᱟᱭᱢᱟᱭ ᱯᱟᱨᱥᱟᱞ ᱟᱠᱟᱫ-ᱟ ᱾ ᱚᱱᱟ ᱠᱚ ᱯᱚᱛᱚᱵ ᱨᱮᱭᱟᱜ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱᱟ -
᱑. ᱪᱤᱨᱜᱟᱹᱞ ᱟᱲᱟᱝ (Santali Proverbs and usages) - ᱒᱐᱐᱐, ᱒. ᱜᱟᱵᱮ ᱟᱲᱟᱝ (Santali Metaphors)- ᱒᱐᱐᱐, ᱓. ᱛᱤ ᱚᱞ ᱦᱮᱣᱟ ᱞᱟᱪᱷᱟ (Hand Writing) - ᱒᱐᱐᱑, ᱔. ᱵᱚᱱᱚ ᱟᱢᱜᱮ ᱤᱧᱤᱡ ᱦᱚᱯᱚᱱ (Novel) - ᱒᱐᱐᱒, ᱕. ᱦᱚᱨ ᱟᱲᱮ ᱟᱞᱟᱝ ᱦᱚᱯᱚᱱ (Novel) - ᱒᱐᱐᱒, ᱖. ᱥᱟᱶᱦᱮᱫ ᱛᱟᱨᱟᱥ (Modern Prose) - ᱒᱐᱐᱒, ᱗. ᱨᱟᱦᱟ ᱟᱲᱟᱝ (Poetry) - ᱒᱐᱐᱓, ᱘. ᱫᱟᱹᱱᱜᱤ ᱫᱟᱹᱭᱮᱢ ᱫᱟᱱᱟᱝ ᱮᱱᱟ (Novel) - ᱒᱐᱐᱓, ᱙. ᱦᱟᱭᱨᱮ ᱪᱟᱸᱫᱚ ᱞᱤᱠᱷᱚᱱ (Novel) - ᱒᱐᱐᱓, ᱑᱐. ᱨᱚᱜᱷᱩ ᱵᱤᱨ (Poetry) - ᱒᱐᱐᱓, ᱑᱑. ᱥᱟᱶᱦᱮᱫ ᱥᱚᱠᱲᱟ (Prose) - ᱒᱐᱐᱓, ᱑᱒. ᱞᱟᱛᱟᱨ ᱜᱟᱸᱛᱟᱠ ᱜᱚᱢᱠᱮ ᱠᱚ (Life sketch of our ten downtrodden leaders) - ᱒᱐᱐᱓, ᱑᱓. ᱱᱟᱶᱟ ᱱᱟᱜᱟᱢ (A Reformative Novel) - ᱒᱐᱐᱔, ᱑᱔. ᱵᱷᱚᱬᱡᱟ ᱟᱞᱚᱢ ᱵᱷᱟᱵᱽᱱᱟᱜ-ᱟ (Novel) - ᱒᱐᱐᱔, ᱑᱕. ᱪᱟᱸᱫᱚ ᱪᱟᱜ ᱮᱢ ᱚᱱᱠᱟᱱᱟ (Novel) - ᱒᱐᱐᱔, ᱑᱖. ᱥᱤᱥᱩ ᱥᱟᱶᱦᱮᱫ (Child Literature) - ᱒᱐᱐᱔, ᱑᱗. ᱡᱮᱜᱮᱛ ᱡᱚᱛᱚ ᱜᱟᱢ ᱠᱟᱹᱦᱱᱤ (Collected folk tales of 24 different Countries), ᱑᱘. ᱥᱟᱹᱨᱤ ᱠᱟᱛᱷᱟ ᱠᱟᱹᱦᱱᱤ ᱞᱮᱠᱟ ᱟᱹᱭᱠᱟᱹᱣᱜ-ᱟ (Collected true facts and events), ᱑᱙. ᱥᱟᱱᱛᱟᱲ ᱢᱟᱨᱮ ᱠᱟᱛᱷᱟ ᱟᱨ ᱠᱟᱹᱦᱱᱤ ᱠᱚ ᱨᱮᱱᱟᱜ ᱢᱩᱨᱩᱭ (Santali folk tales), ᱒᱐. ᱯᱤᱞᱪᱩ ᱟᱢ ᱫᱚ ᱤᱧᱤᱡ ᱯᱤᱞ (Novel), ᱒᱑. ᱛᱩᱨᱛᱟᱹ ᱛᱩᱢᱫᱟᱜ (Child Literature) - ᱒᱐᱐᱖, ᱒᱒. ᱟᱭᱳ ᱟᱲᱟᱝ (Prose) - ᱒᱐᱐᱖, ᱒᱓. ᱦᱟᱹᱬᱩ ᱦᱟᱲᱟᱢᱵᱟ (Child Literature) - ᱒᱐᱐᱖, ᱒᱔. ᱯᱩᱥᱤ ᱯᱟᱨᱜᱟᱱᱟ (Child Literature) -, ᱒᱕. ᱵᱟᱱᱟ ᱵᱟᱞᱟ (Child Literature) - ᱒᱐᱐᱗, ᱒᱖. ᱥᱮᱛᱟ ᱥᱩᱥᱟᱹᱨᱤᱭᱟᱹ (Child Literature), ᱒᱗. ᱛᱟᱹᱨᱩᱵ ᱛᱮᱧᱟᱝ (Child Literature) - ᱒᱐᱐᱘, ᱒᱘. ᱪᱚᱣᱟᱲ ᱪᱮᱴᱨᱟ (Child Literature), ᱒᱙. ᱨᱟᱭᱵᱟᱨ ᱨᱚᱴᱮ (Child Literature) - ᱒᱐᱐᱘, ᱓᱐. ᱡᱩᱜᱤᱭᱟᱜ ᱡᱟᱞᱟ (Child Literature) - ᱒᱐᱐᱘, ᱓᱑. ᱯᱷᱟᱹᱜᱩᱱ ᱯᱟᱛᱟ (Santali translation of Mid Summer Night dream), ᱓᱒. ᱥᱟᱶᱦᱮᱫ ᱥᱚᱱᱫᱷᱟᱭᱱᱤ (Modern Prose) - ᱒᱐᱐᱘, ᱓᱓. ᱱᱟᱦᱟᱜ ᱵᱤᱫᱩ ᱪᱟᱸᱫᱟᱱ (Novel) - ᱒᱐᱐᱙, ᱓᱔. ᱜᱚᱭᱟᱜ ᱜᱟᱹᱲᱤ (Child Literature) - ᱒᱐᱐᱙, ᱓᱕. ᱠᱩᱭᱟᱹ ᱠᱟᱨᱟᱡᱽ (Child Literature), ᱓᱖. ᱠᱚᱸᱫᱟ ᱠᱷᱤᱠᱲᱤ (ᱥᱤᱥᱩ ᱥᱟᱶᱦᱮᱫ) - ᱒᱐᱑᱐, ᱓᱗. ᱫᱤᱥᱚᱢ ᱜᱚᱢᱠᱮ ᱯᱨᱚᱛᱤᱵᱷᱟ ᱯᱟᱴᱤᱞ (ᱫᱤᱥᱚᱢ ᱜᱚᱢᱠᱮ ᱯᱨᱚᱛᱤᱵᱷᱟ ᱯᱟᱴᱤᱞᱟᱜ ᱡᱤᱭᱚᱱ ᱪᱩᱨᱤᱛ)- ᱒᱐᱑᱐, ᱓᱘. ᱢᱩᱧᱪᱩᱯᱩᱨᱤ ᱢᱟᱨᱟᱝ ᱜᱚᱢᱠᱮ ᱠᱚ (World Eminent personalities) - ᱒᱐᱑᱐, ᱓᱙. ᱥᱟᱶᱛᱟ ᱥᱟᱹᱢᱵᱷᱟᱹᱣᱲᱟ (ᱱᱟᱦᱟᱜ ᱯᱚᱱᱚᱰ) - ᱒᱐᱑᱐, ᱔᱐. ᱥᱤᱧᱚᱛ ᱱᱚᱵᱮᱞ ᱥᱤᱨᱯᱷᱟᱹ ᱡᱤᱛᱠᱟᱹᱨᱤᱭᱟᱹ (ᱥᱤᱧᱚᱛ ᱨᱤᱱ ᱱᱚᱵᱷᱮᱞ ᱥᱤᱨᱯᱷᱟᱹ ᱡᱤᱛᱠᱟᱹᱨᱤᱭᱟᱹ) - ᱒᱐᱑᱐, ᱔᱑. ᱡᱟᱱᱟᱢ ᱡᱟᱹᱛᱤ ᱟᱢ ᱫᱚ ᱛᱟᱞᱟ ᱡᱟᱞᱟᱨᱮ (ᱱᱟᱦᱟᱜ ᱯᱚᱱᱚᱰ) - ᱒᱐᱑᱐, ᱔᱒. ᱡᱟᱦᱮᱨ ᱟᱭᱳ ᱡᱟᱹᱲᱤ ᱢᱮᱥᱮ ᱥᱟᱱᱛᱟᱲ ᱡᱟᱹᱛᱤ ᱞᱟᱹᱜᱤᱫ ᱦᱚᱸ ᱥᱩᱞᱩᱠ (ᱱᱟᱦᱟᱜ ᱯᱚᱱᱚᱰ) - ᱒᱐᱑᱐, ᱔᱓. ᱩᱭᱦᱟᱹᱨ ᱩᱫᱩᱜ (ᱵᱷᱮᱜᱟᱨ ᱵᱷᱟᱜᱟᱨ ᱦᱚᱲᱟᱜ ᱵᱷᱮᱜᱟᱨ ᱵᱷᱮᱜᱟᱨ ᱩᱭᱦᱟᱹᱨ ᱨᱮᱭᱟᱜ ᱛᱩᱢᱟᱹᱞ) - ᱒᱐᱑᱑, ᱔᱔. ᱯᱚᱛᱟᱢ (ᱥᱤᱥᱩ ᱥᱟᱶᱦᱮᱫ) - ᱒᱐᱑᱑, ᱔᱕. ᱥᱤᱯᱤᱵᱤᱞ ᱥᱚᱱᱛᱚᱠ (ᱱᱟᱦᱟᱜ ᱚᱱᱚᱬᱦᱮ) - ᱒᱐᱑᱑, ᱔᱖. ᱥᱤᱯᱤᱵᱤᱞ ᱥᱟᱝᱱᱟᱹᱲᱤ (ᱜᱟᱢᱟᱢ) - ᱒᱐᱑᱑, ᱔᱗. ᱯᱚᱦᱟ ᱯᱟᱹᱨᱥᱤ (ᱱᱟᱦᱟᱜ ᱯᱚᱱᱚᱰ) - ᱒᱐᱑᱑, ᱔᱘. ᱦᱩᱯᱴᱟᱹ ᱦᱩᱲᱟᱹᱜ (ᱥᱟᱫᱷᱟᱨᱚᱱ ᱦᱩᱲᱟᱹᱜ) - ᱒᱐᱑᱑, ᱔᱙. ᱥᱮᱬᱟ ᱥᱟᱱᱛᱟᱲ ᱠᱚ (Santal great men), ᱕᱐. ᱩᱭᱦᱟᱹᱨ ᱢᱮᱞᱮ ᱡᱩᱜᱮ ᱡᱩᱜᱮ (ᱵᱚᱸᱜᱟ ᱟᱠᱟᱱ ᱥᱤᱫᱷᱮᱥᱣᱚᱨ ᱦᱟᱸᱥᱫᱟᱜ ᱟᱜ ᱡᱤᱭᱚᱱ ᱪᱩᱨᱤᱛ) - ᱒᱐᱑᱒, ᱕᱑. ᱥᱟᱶᱦᱮᱫ ᱥᱟᱸᱜᱷᱟᱨ (Travelogue) - ᱒᱐᱑᱒, ᱕᱒. ᱚᱱᱚᱞᱤᱭᱟᱹ (ᱱᱟᱦᱟᱜ ᱯᱚᱱᱚᱰ) - ᱒᱐᱑᱒, ᱕᱓. ᱦᱟᱭᱨᱮ ᱪᱟᱸᱫᱚ ᱞᱤᱠᱷᱚᱱ (ᱜᱟᱢᱟᱢ, ᱫᱚᱥᱟᱨ ᱟᱨ ᱫᱚᱦᱲᱟᱱ ᱥᱟᱯᱲᱟᱣ), ᱕᱔. ᱜᱟᱵᱮ ᱟᱲᱟᱝ (Santali Metaphor) (ᱫᱚᱥᱟᱨ ᱟᱨ ᱫᱚᱦᱲᱟᱱ ᱥᱟᱯᱲᱟᱣ), ᱕᱕. ᱢᱚᱱᱮ ᱢᱟᱱᱛᱟᱨ (ᱯᱚᱧᱪᱚ ᱛᱟᱱᱛᱨᱚ ᱨᱮᱭᱟᱜ ᱥᱟᱱᱛᱟᱲᱤ ᱛᱚᱨᱡᱚᱢᱟ), ᱕᱖. ᱦᱚᱭᱚᱝ ᱦᱟᱹᱱᱰᱩᱣᱟᱹ (ᱱᱟᱦᱟᱜ ᱯᱚᱱᱚᱰ), ᱕᱗. ᱡᱟᱹᱛᱤ ᱨᱮᱱᱟᱜ ᱡᱟᱞᱟ (ᱱᱟᱦᱟᱜ ᱯᱚᱱᱚᱰ) - ᱒᱐᱑᱓, ᱕᱘. ᱫᱷᱚᱨᱚᱢ ᱜᱟᱱᱟᱰᱮ (ᱱᱟᱦᱟᱜ ᱯᱚᱱᱚᱰ) - ᱒᱐᱑᱓, ᱕᱙. ᱥᱮᱫᱟᱭ ᱥᱮᱨᱮᱧ ᱨᱮᱭᱟᱜ ᱥᱚᱲᱚᱢ (ᱥᱮᱫᱟᱭ ᱥᱟᱱᱛᱟᱲ ᱥᱮᱨᱮᱧ ᱛᱩᱢᱟᱹᱞ) - ᱒᱐᱑᱓, ᱖᱐. ᱱᱟᱦᱟᱜ ᱥᱮᱨᱮᱧ ᱨᱮᱭᱟᱜ ᱱᱟᱹᱴᱠᱟᱹ (ᱱᱟᱦᱟᱜ ᱥᱟᱱᱛᱟᱲ ᱥᱮᱨᱮᱧ ᱨᱮᱭᱟᱜ ᱛᱩᱢᱟᱹᱞ) - ᱒᱐᱑᱔, ᱖᱑. ᱚᱡᱷᱟ ᱢᱟᱹᱛᱤ (Santal Worshiping Method), ᱖᱒. ᱜᱩᱨᱩ ᱜᱚᱢᱠᱮ ᱢᱤᱫ ᱢᱟᱨᱥᱟᱞ ᱛᱟᱨᱟᱥ (ᱜᱩᱨᱩ ᱜᱚᱢᱠᱮ ᱯᱚᱸᱰᱤᱛ ᱨᱚᱜᱷᱩᱱᱟᱛᱷ ᱢᱩᱨᱢᱩᱣᱟᱜ ᱡᱤᱭᱚᱱ ᱪᱩᱨᱤᱛ) - ᱒᱐᱑᱔, ᱖᱓. ᱦᱟᱯᱲᱟᱢ ᱠᱚᱣᱟᱜ ᱯᱚᱨᱚᱠ (an observation of ancient people) - ᱒᱐᱑᱔, ᱖᱔. ᱥᱤᱧᱚᱛ ᱥᱚᱱᱟ (ᱱᱟᱦᱟᱜ ᱯᱚᱱᱚᱰ) - ᱒᱐᱑᱕, ᱖᱕. ᱢᱟᱱᱟᱣᱜ ᱢᱟᱦᱟ (Observed day part 1 ) - ᱒᱐᱑᱕, ᱖᱖. ᱢᱟᱱᱟᱣᱜ ᱢᱟᱦᱟ (Observed day part 2) - ᱒᱐᱑᱕, ᱖᱗. ᱵᱟᱹᱲᱤᱡ ᱵᱷᱮᱭᱟᱬ (ᱱᱟᱦᱟᱜ ᱯᱚᱱᱚᱰ) - ᱒᱐᱑᱕, ᱖᱘. ᱥᱚᱱᱟ ᱛᱷᱟᱹᱨᱤ ᱨᱮᱭᱟᱜ ᱛᱳᱣᱟ ᱫᱟᱠᱟ (ᱱᱟᱦᱟᱜ ᱯᱚᱱᱚᱰ) - ᱒᱐᱑᱖, ᱖᱙. ᱠᱷᱟᱹᱞᱤ ᱦᱚᱴᱚᱜ ᱨᱮᱭᱟᱜ ᱦᱟᱨᱢᱟᱞᱟ (Collected songs of Late K.C. Hembram) - ᱒᱐᱑᱖, ᱗᱐. ᱥᱚᱱᱚᱛ ᱫᱷᱟᱹᱨᱛᱤ ᱫᱟᱬᱟ (Travelogue) - ᱒᱐᱑᱖, ᱗᱑. ᱠᱚᱠᱞᱚ ᱠᱩᱞᱟᱹᱭ (ᱱᱟᱦᱟᱜ ᱯᱚᱱᱚᱰ) - ᱒᱐᱑᱖, ᱗᱒. ᱢᱩᱠᱨᱩᱲ ᱢᱚᱱᱮ (ᱱᱟᱦᱟᱜ ᱠᱚᱱᱚᱰ) - ᱒᱐᱑᱖, ᱗᱓. ᱫᱟᱱᱟᱝ ᱨᱮᱱᱟᱜ ᱫᱩᱠ (ᱱᱟᱦᱟᱜ ᱯᱚᱱᱚᱰ) - ᱒᱐᱑᱖, ᱗᱔. ᱫᱷᱚᱨᱚᱢ ᱫᱚᱠᱟᱱ (ᱱᱟᱦᱟᱜ ᱯᱚᱱᱚᱰ) - ᱒᱐᱑᱗, ᱗᱕. ᱥᱤᱧᱚᱛ ᱫᱤᱥᱚᱢ ᱜᱚᱢᱠᱮ ᱠᱚ (ᱥᱤᱧᱚᱛ ᱨᱤᱱ ᱫᱤᱥᱚᱢ ᱜᱚᱢᱠᱮ) - ᱒᱐᱑᱗, ᱗᱖. ᱫᱩᱯᱤᱞᱟᱹᱲ ᱨᱮᱭᱟᱜ ᱫᱚᱲᱦᱚ ᱫᱟᱹᱭᱠᱟᱹ (ᱱᱟᱦᱟᱜ ᱯᱚᱱᱚᱰ) - ᱒᱐᱑᱗, ᱗᱗. ᱥᱟᱶᱛᱟ ᱜᱟᱸᱰᱟᱨ (ᱱᱟᱦᱟᱜ ᱯᱚᱱᱚᱰ) - ᱒᱐᱑᱘, ᱗᱘. ᱥᱮᱭᱟᱱ ᱥᱟᱱᱛᱟᱲ (ᱱᱟᱦᱟᱜ ᱯᱚᱱᱚᱰ) - ᱒᱐᱑᱘, ᱗᱙. ᱥᱚᱨᱚᱫᱷᱟᱡᱽ ᱥᱟᱱᱛᱟᱲ (ᱱᱟᱦᱟᱜ ᱯᱚᱱᱚᱰ) - ᱒᱐᱑᱘, ᱘᱐. ᱥᱟᱦᱮᱵᱽ ᱫᱤᱥᱚᱢ ᱥᱟᱸᱜᱷᱟᱨ (Travelogue) - ᱒᱐᱑᱘, ᱘᱑. ᱥᱚᱨᱚᱢ ᱵᱟᱹᱱᱩᱜ ᱥᱟᱱᱛᱟᱲ (ᱱᱟᱦᱟᱜ ᱯᱚᱱᱚᱰ) - ᱒᱐᱑᱙ ᱾
ᱢᱟᱹᱱ ᱥᱤᱨᱯᱷᱟᱹ ᱥᱟᱯᱲᱟᱣ
- ᱵᱤᱥᱩᱭ ᱥᱮᱢᱞᱮᱫ ᱠᱷᱚᱱᱟᱜ "ᱥᱟᱶᱛᱟ ᱟᱹᱨᱥᱤ" - ᱒᱐᱐᱓ ᱨᱮ
- ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱠᱷᱚᱱᱟᱜ "ᱯᱚᱸᱰᱤᱛ ᱨᱚᱜᱷᱩᱱᱟᱛᱷ ᱢᱩᱨᱢᱩ ᱯᱷᱮᱞᱚᱥᱤᱯ" - ᱒᱐᱐᱔ ᱨᱮ
- ᱟᱢᱵᱮᱫᱽᱠᱚᱨ ᱥᱴᱩᱰᱮᱸᱴᱥ ᱯᱷᱮᱰᱮᱨᱮᱥᱚᱱ ᱦᱚᱛᱮᱛᱮ ᱢᱟᱹᱱ "ᱧᱩᱛᱩᱢᱟᱱ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ" - ᱒᱐᱐᱕ ᱨᱮ
- ᱨᱟᱣᱩᱞᱠᱮᱞᱟ ᱳᱰᱤᱭᱟ ᱥᱟᱶᱦᱮᱫ ᱜᱟᱶᱛᱟ ᱠᱷᱚᱱᱟᱜ "ᱯᱚᱧᱪᱚᱢᱚ ᱥᱛᱚᱢᱵᱷᱚ ᱥᱚᱢᱢᱟᱱ" - ᱒᱐᱐᱙ ᱨᱮ
- ᱥᱟᱦᱤᱛᱭᱚ ᱮᱠᱟᱰᱮᱢᱤ ᱱᱟᱣᱟ ᱫᱤᱞᱞᱤ ᱯᱟᱦᱴᱟ ᱠᱷᱚᱱᱟᱜ "ᱥᱤᱥᱩ ᱥᱟᱶᱦᱮᱫ ᱥᱤᱨᱯᱷᱟᱹ" - ᱒᱐᱑᱐ ᱨᱮ
- ᱨᱟᱹᱧᱪᱤ, ᱡᱷᱟᱨᱠᱷᱚᱸᱰ ᱠᱷᱚᱱ "ᱟᱠᱷᱲᱟ ᱥᱚᱢᱢᱟᱱ" - ᱒᱐᱑᱑ ᱥᱟᱞᱮᱨᱮ
- ᱡᱟᱢᱥᱮᱫᱽᱯᱩᱨ ᱯᱟᱦᱴᱟ ᱠᱷᱚᱱ "RASCA Award" - ᱒᱐᱑᱓ ᱨᱮ ᱾