ᱵᱚᱰᱚᱥᱟᱦᱤ ᱵᱽᱞᱚᱠ
ᱵᱚᱰᱚᱥᱟᱦᱤ(ବଡସାହି/Badassahi): ᱳᱰᱤᱥᱟ ᱯᱚᱱᱚᱛ ᱢᱭᱩᱨᱵᱷᱸᱡᱽ ᱦᱚᱱᱚᱛ ᱨᱮᱱᱟᱜ ᱒᱖ ᱜᱚᱴᱟᱝ [᱑]ᱵᱽᱞᱚᱠ ᱠᱷᱚᱱ ᱢᱤᱫ ᱴᱟᱝ ᱵᱽᱞᱚᱠ ᱦᱩᱭᱩᱜ ᱠᱟᱱᱟ ᱵᱚᱰᱚᱥᱟᱦᱤ ᱵᱽᱞᱚᱠ ᱾ ᱵᱚᱰᱚᱥᱟᱦᱤ ᱵᱽᱞᱚᱠ ᱫᱚ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱨᱮ ᱢᱮᱱᱟᱜ-ᱟ ᱾ ᱱᱚᱣᱟ ᱫᱚ ᱢᱚᱭᱩᱨᱵᱷᱚᱸᱡᱽ ᱨᱮᱱᱟᱜ ᱢᱩᱠᱷᱤᱭᱟᱹ ᱥᱚᱫᱚᱨ ᱵᱟᱨᱤᱯᱚᱫᱟ ᱠᱷᱚᱱ ᱒᱙ᱹ᱓ ᱠᱤᱞᱚᱢᱤᱴᱚᱨ ᱠᱚᱧᱮ ᱥᱮᱫ ᱪᱟᱞᱟᱣ ᱞᱮᱱᱠᱷᱟᱱ ᱧᱟᱢᱚᱜ-ᱟ ᱾ ᱵᱟᱨᱤᱯᱚᱫᱟ ᱠᱷᱚᱱ ᱑᱙ ᱱᱚᱢᱵᱚᱨ ᱯᱚᱱᱚᱛ ᱰᱟᱦᱟᱨᱛᱮ ᱑᱙ᱹ᱘ ᱠᱤᱞᱚᱢᱤᱴᱚᱨ ᱰᱩᱠᱩᱨᱟ ᱥᱮᱴᱮᱨ ᱟᱛᱮᱫ ᱚᱱᱰᱮ ᱠᱷᱚᱱ ᱞᱮᱸᱜᱟ ᱯᱟᱥᱴᱟ ᱑᱓ᱹ᱒ ᱠᱤᱞᱚᱢᱤᱴᱚᱨ ᱪᱟᱞᱟᱣ ᱞᱮᱱᱠᱷᱟᱱ ᱵᱚᱰᱚ ᱥᱟᱦᱤ ᱧᱟᱢᱚᱜ-ᱟ ᱾ᱚᱱᱟ ᱪᱦᱟᱰᱟ ᱟᱛᱮᱫ ᱵᱟᱜᱰᱤᱦᱟ-ᱯᱨᱚᱴᱟᱯᱯᱩᱨ ᱦᱚᱨ ᱛᱮ ᱦᱚᱸ ᱒᱙.᱓ ᱠᱤᱞᱚᱢᱤᱴᱚᱨ ᱥᱟᱺᱜᱤᱧᱨᱮ ᱢᱮᱱᱟᱜ-ᱟ ᱾ ᱟᱨ ᱵᱟᱝ ᱠᱷᱟᱱ ᱵᱟᱨᱤᱯᱚᱫᱟ ᱠᱷᱚᱱ ᱑᱘ ᱱᱚᱢᱵᱚᱨ ᱡᱟᱹᱛᱤᱭᱟᱹᱨᱤ ᱰᱟᱦᱟᱨ ᱑᱘ ᱛᱮ ᱵᱮᱸᱛᱱᱚᱴᱤ ᱥᱮᱴᱮᱨ ᱟᱛᱮᱫ ᱡᱚᱡᱚᱢ ᱯᱟᱦᱴᱟ ᱵᱚᱰᱚᱥᱟᱦᱤ ᱰᱟᱦᱟᱨ ᱥᱟᱵ ᱞᱮᱠᱷᱟᱱ ᱦᱚᱸ ᱵᱚᱰᱚᱥᱟᱦᱤ ᱔᱘ᱹ᱘ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱧᱟᱢᱚᱜ -ᱟ ᱾ ᱴᱨᱮᱱ ᱛᱮ ᱥᱚᱡᱷᱮ ᱥᱮᱴᱮᱨᱚᱜ ᱨᱮᱱᱟᱜ ᱰᱟᱦᱟᱨ ᱵᱚᱰᱚᱥᱟᱦᱤ ᱛᱮ ᱵᱟᱹᱱᱩᱜ ᱟᱱᱟ, ᱵᱟᱞᱮᱥᱚᱨ, ᱨᱩᱯᱥᱟ, ᱵᱮᱱᱛᱱᱚᱴᱤ,ᱵᱟᱨᱤᱯᱚᱫᱟ ᱱᱚᱣᱟ ᱨᱮᱱᱟᱜ ᱥᱩᱯᱩᱨ ᱨᱮᱞ ᱥᱴᱮᱥᱚᱱ ᱠᱟᱱᱟ ᱾
ᱥᱤᱢᱟᱹ
ᱥᱟᱯᱲᱟᱣᱵᱚᱰᱚᱥᱟᱦᱤ ᱵᱽᱞᱚᱠ ᱨᱮᱱᱟᱜ ᱥᱤᱢᱟᱹ ᱟᱭᱛᱟᱱ ᱫᱚ ᱓᱑᱒ᱹ᱑᱕ km² ᱠᱟᱱᱟ [᱒]᱾ ᱵᱚᱰᱚᱥᱟᱦᱤ ᱵᱞᱚᱠ ᱨᱮᱱᱟᱜ ᱥᱟᱢᱟᱝ ᱵᱮᱱᱛᱱᱚᱴᱤ ᱵᱽᱞᱚᱠ, ᱮᱛᱚᱢ ᱨᱮ ᱵᱟᱨᱤᱯᱚᱫᱟ, ᱟᱨ ᱥᱟᱢᱟᱠᱷᱩᱸᱴᱟ ᱵᱽᱞᱚᱠ ᱢᱮᱱᱟᱜ-ᱟ,ᱯᱟᱪᱮᱨᱮ ᱠᱷᱩᱸᱴᱟ ᱟᱨ ᱜᱳᱯᱚᱵᱚᱸᱫᱷᱩᱱᱚᱜᱚᱨ ᱵᱽᱞᱚᱠ ᱟᱨ ᱠᱚᱸᱡᱮ ᱨᱮ ᱵᱟᱞᱮᱥᱚᱨ ᱦᱚᱱᱚᱛ ᱢᱮᱱᱟᱜ-ᱟ ᱾ [᱓]
ᱞᱮᱠᱷᱟᱠᱚ
ᱥᱟᱯᱲᱟᱣ᱒᱐᱑᱑ ᱨᱮᱱᱟᱜ ᱦᱚᱲ ᱮᱞ ᱞᱮᱠᱟᱛᱮ ᱱᱚᱣᱟ ᱵᱽᱞᱚᱠ ᱨᱮ ᱒᱒᱔ ᱜᱚᱴᱟᱝ ᱟᱹᱛᱩ ᱟᱨ ᱓᱐ ᱜᱚᱴᱟᱝ ᱜᱨᱟᱢᱯᱚᱸᱪᱟᱭᱚᱛ ᱢᱮᱱᱟᱜ-ᱟ ᱾ ᱵᱽᱞᱚᱠ ᱨᱮ ᱓᱕,᱑᱗᱕ ᱚᱲᱟᱜ ᱢᱮᱱᱟᱜ-ᱟ ᱾ ᱱᱚᱣᱟ ᱵᱽᱞᱚᱠ ᱨᱮ ᱑,᱔᱖,᱒᱓᱒ ᱦᱚᱲ ᱢᱮᱱᱟᱜ ᱠᱚᱣᱟ ᱚᱱᱟ ᱢᱩᱫ ᱨᱮ ᱠᱚᱲᱟ ᱠᱚ ᱦᱩᱭᱩᱜ ᱠᱟᱱᱟ ᱗᱓,᱖᱖᱗ ᱟᱨ ᱠᱩᱲᱤ ᱠᱚ ᱦᱩᱭᱩᱜ ᱠᱟᱱᱟ ᱗᱒,᱖᱖᱕᱾ ᱱᱚᱰᱮ ᱨᱮᱱ ᱡᱚᱛᱚ ᱵᱟᱹᱥᱤᱸᱫᱟ ᱟᱹᱛᱩ ᱨᱤᱱ ᱠᱟᱱᱟ ᱠᱚ [᱔]᱾
ᱟᱹᱢᱟᱹᱞᱤ
ᱥᱟᱯᱲᱟᱣᱵᱚᱰᱚᱥᱟᱦᱤ ᱨᱮᱱᱟᱜ ᱵᱽᱞᱚᱠ ᱟᱨ ᱛᱚᱦᱚᱥᱤᱞ ᱵᱟᱱᱟᱨ ᱵᱚᱰᱚᱥᱟᱦᱤ ᱨᱮᱜᱮ ᱢᱮᱱᱟᱜ-ᱟ ᱾ ᱵᱚᱰᱚᱥᱟᱦᱤ ᱛᱚᱦᱚᱥᱤᱞ ᱨᱮ ᱗ ᱜᱚᱴᱟᱝ ᱟᱨ ᱟᱭᱤ ᱢᱚᱱᱰᱚᱲ ᱢᱮᱱᱟᱜ-ᱟ ᱡᱮᱢᱚᱱ ᱵᱚᱰᱚᱥᱟᱦᱤ, ᱠᱩᱨᱟᱰᱤᱦᱟ, ᱢᱟᱬᱚᱛᱨᱤ, ᱯᱨᱚᱛᱟᱯᱯᱩᱨ, ᱠᱷᱟᱱᱩᱣᱟ, ᱥᱟᱱᱠᱮᱨᱠᱳ ᱟᱨ ᱫᱩᱨᱜᱟᱯᱩᱨ [᱕]᱾ ᱵᱽᱞᱚᱠ ᱨᱮ ᱵᱚᱰᱚᱥᱟᱦᱤ ᱨᱮᱜᱮ ᱢᱤᱫᱴᱟᱝ ᱛᱷᱟᱱᱟ ᱢᱮᱱᱟᱜ-ᱟ [᱖] ᱾ ᱵᱚᱰᱚᱥᱟᱦᱤ ᱨᱮ ᱢᱤᱫ ᱜᱩᱥᱴᱤ ᱰᱟᱠᱛᱚᱨᱠᱷᱟᱱᱟ ᱢᱮᱱᱟᱜ-ᱟ [᱗] ᱾ ᱚᱱᱟ ᱥᱟᱶ ᱥᱟᱱᱠᱮᱨᱠᱳ, ᱠᱚᱢᱚᱞᱟᱥᱚᱲ, ᱥᱟᱠᱩᱣᱟ , ᱫᱮᱣᱩᱲᱤᱭᱟ ᱨᱮ ᱯᱩᱭᱞᱩ ᱛᱤᱠᱪᱷᱟᱹ ᱛᱟᱞᱢᱟ ᱢᱮᱱᱟᱜ-ᱟ [᱘]᱾ ᱵᱮᱸᱠ ᱚᱯᱷ ᱤᱱᱰᱤᱭᱟ, ᱠᱚᱨᱯᱳᱨᱮᱥᱚᱱ ᱵᱮᱸᱠ, ᱠᱟᱱᱟᱨᱟ ᱵᱮᱸᱠ, ᱭᱩᱠᱳ ᱵᱮᱸᱠ, ᱭᱩᱱᱟᱭᱴᱮᱰ ᱵᱮᱸᱠ ᱚᱯᱷ ᱤᱱᱰᱤᱭᱟ,ᱥᱴᱮᱴ ᱵᱮᱸᱠ ᱚᱯᱷ ᱤᱱᱰᱤᱭᱟ ᱮᱢᱟᱱ ᱵᱮᱸᱠ ᱠᱚᱦᱚᱸ ᱱᱚᱣᱟ ᱵᱞᱚᱠ ᱨᱮ ᱢᱮᱱᱟᱜ-ᱟ ᱾
ᱵᱟᱰᱟᱭᱡᱚᱝ ᱠᱟᱛᱷᱟ
ᱥᱟᱯᱲᱟᱣᱵᱚᱰᱚᱥᱟᱦᱤ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱢᱟᱰᱮᱨ ᱠᱷᱚᱱ ᱫᱚ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱴᱤ ᱨᱤᱱᱤᱡ ᱢᱟᱱ ᱥᱚᱱᱟᱛᱚᱱ ᱵᱤᱡᱩᱲᱤ ᱢᱮᱱᱟᱭᱟ ᱾ ᱰᱩᱠᱩᱨᱟ ᱫᱤᱥᱚᱢ ᱡᱟᱦᱮᱨ ᱵᱟᱦᱟ ᱵᱚᱸᱜᱟ ᱦᱚᱸ ᱟᱹᱰᱤ ᱧᱩᱛᱩᱢᱟᱱ ᱵᱟᱦᱟ ᱵᱚᱸᱜᱟ ᱠᱟᱱᱟ ᱾[᱙] ᱱᱚᱣᱟ ᱵᱽᱞᱚᱠ ᱨᱮ ᱦᱤᱱᱫᱩ ᱫᱷᱚᱨᱚᱢ ᱨᱮᱱᱟᱜ ᱵᱟᱵᱟ ᱠᱚᱠᱷᱟᱨᱩᱣᱟ ᱵᱚᱭᱫᱭᱚᱱᱟᱛᱷ ᱢᱩᱸᱫᱤᱨ ᱦᱚᱸ ᱧᱮᱞᱡᱚᱝ ᱴᱷᱟᱶ ᱢᱮᱱᱟᱜ-ᱟ ᱾[᱑᱐]
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ https://mayurbhanj.nic.in/subdivision-blocks/
- ↑ https://censusindia.gov.in/2011census/dchb/2107_PART_B_DCHB_MAYURBHANJ.pdf
- ↑ https://gisodisha.nic.in/District/mayurbhanj/mayurbhanjpdf/Blocks/Badasahi%20Block/Badasahi_GP%20Map.pdf
- ↑ https://censusindia.gov.in/2011census/dchb/2107_PART_B_DCHB_MAYURBHANJ.pdf
- ↑ http://bhulekh.ori.nic.in/TahasilWebsite/TahasilInfo.aspx[permanent dead link]
- ↑ https://mayurbhanj.nic.in/police/
- ↑ "Archive copy". Archived from the original on 2020-07-11. Retrieved 2020-07-26.
{{cite web}}: CS1 maint: archived copy as title (link) - ↑ "Archive copy". Archived from the original on 2020-07-11. Retrieved 2020-07-26.
{{cite web}}: CS1 maint: archived copy as title (link) - ↑ https://www.youtube.com/watch?v=ccBqV1OgGhI&t=5s
- ↑ https://www.youtube.com/watch?v=FDUE68kC8wE