ᱵᱟᱠᱩ
ᱵᱟᱠᱩ (ᱟᱡᱟᱨᱵᱟᱭᱡᱟᱱᱤ : Bakı) ᱫᱚ ᱟᱡᱟᱨᱵᱟᱭᱡᱟᱱ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ ᱟᱨ ᱚᱸᱰᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱟᱜᱟᱨ ᱦᱚᱸ ᱠᱟᱱᱟ ᱾ ᱱᱚᱶᱟ ᱱᱟᱜᱟᱨ ᱫᱚ ᱟᱡᱟᱨᱵᱟᱭᱡᱟᱱ ᱨᱮᱱᱟᱜ ᱠᱚᱧᱮ ᱥᱮᱦᱮ ᱨᱮ ᱟᱨ ᱟᱵᱮᱥᱴᱚᱱ ᱯᱮᱱᱤᱥᱩᱞᱟ ᱠᱟᱥᱯᱤᱭᱟᱱ ᱥᱟᱹᱢᱩᱸᱫᱽ ᱨᱮᱱᱟᱜ ᱯᱟᱪᱮ ᱟᱲᱮ ᱨᱮ ᱢᱮᱱᱟᱜᱼᱟ ᱾ ᱠᱟᱥᱯᱤᱭᱟᱱ ᱥᱟᱹᱢᱩᱸᱫᱽ ᱡᱟᱯᱟᱜ ᱱᱟᱜᱟᱨ ᱵᱷᱤᱲᱟᱹᱣ ᱨᱮ ᱟᱭᱢᱟ ᱥᱩᱱᱩᱢ ᱠᱷᱟᱫᱟᱱ ᱢᱮᱱᱟᱜᱼᱟ ᱾ ᱥᱩᱱᱩᱢ ᱥᱟᱥᱟᱯᱷᱟ ᱫᱚ ᱱᱚᱶᱟ ᱱᱟᱜᱟᱨ ᱨᱮᱱᱟᱜ ᱢᱩᱬ ᱠᱟᱹᱨᱜᱟᱲ ᱠᱟᱱᱟ ᱾ ᱵᱟᱠᱩ ᱠᱷᱚᱱ ᱠᱷᱚᱸᱡᱟ ᱦᱟᱠᱟᱱ ᱯᱟᱭᱤᱯ ᱞᱟᱭᱤᱱ ᱛᱮ ᱥᱟᱦᱟᱥᱟ, ᱡᱚᱨᱡᱤᱭᱟ, ᱱᱚᱵᱚᱥᱟᱨᱭᱤᱡᱟᱠ (Novosaryczak) ᱟᱨ ᱨᱩᱥᱤᱭᱟ ᱨᱮᱱᱟᱜ ᱦᱮᱸᱫᱮ ᱥᱟᱹᱢᱩᱸᱫᱽ ᱟᱲᱮ ᱟᱨ ᱛᱮᱦᱨᱟᱱ ᱨᱮᱱᱟᱜ ᱢᱮᱰᱤᱴᱮᱨᱤᱭᱟᱱ ᱥᱟᱹᱢᱩᱸᱫᱽ, ᱛᱩᱨᱠᱤ ᱮᱢᱟᱱ ᱴᱚᱴᱷᱟ ᱛᱮ ᱥᱩᱱᱩᱢ ᱥᱮᱱᱚᱜ ᱠᱟᱱᱟ ᱾ ᱵᱟᱠᱩ ᱨᱮ ᱟᱨᱦᱚᱸ ᱡᱚᱢᱟᱜ, ᱢᱮᱬᱦᱮᱫ, ᱛᱩᱞᱟᱹᱢ ᱟᱨ ᱦᱟᱨᱛᱟ ᱠᱟᱹᱨᱜᱟᱹᱲ ᱦᱚᱸ ᱢᱮᱱᱟᱜ ᱜᱮᱭᱟ ᱾ ᱞᱚᱱᱞᱤ ᱯᱞᱟᱱᱮᱴᱟᱜ ᱠᱷᱚᱸᱫᱽᱨᱚᱸᱫᱽ ᱞᱮᱠᱟᱛᱮ ᱵᱟᱠᱩ ᱫᱚ ᱡᱮᱜᱮᱛ ᱨᱮᱱᱟᱜ ᱱᱟᱭᱤᱴ ᱞᱟᱭᱤᱯᱷ ᱵᱟᱝᱢᱟ ᱧᱤᱫᱟᱹ ᱡᱤᱭᱚᱱ ᱞᱟᱹᱜᱤᱫ ᱴᱚᱯ ᱑᱐ ᱴᱷᱟᱣ ᱵᱷᱤᱛᱤᱨ ᱨᱮ ᱢᱮᱱᱟᱭᱟ ᱾[᱓]
| ᱵᱟᱠᱩ Bakı | ||
|---|---|---|
 ᱵᱟᱠᱩ ᱨᱮᱱᱟᱜ ᱚᱥᱟᱨ ᱪᱤᱛᱟᱹᱨ | ||
| ||
| Coordinates: 40°23′43″N 49°52′56″E / 40.39528°N 49.88222°ECoordinates: 40°23′43″N 49°52′56″E / 40.39528°N 49.88222°E | ||
| ᱫᱤᱥᱚᱢ | ᱟᱡᱟᱨᱵᱟᱭᱡᱟᱱ | |
| ᱥᱚᱨᱠᱟᱨ | ||
| • ᱢᱮᱭᱚᱨ | ᱦᱟᱡᱤᱵᱟᱞᱟ ᱟᱵᱩᱴᱟᱞᱤᱵᱚᱵᱽ | |
| ᱮᱨᱤᱭᱟ [᱑] | ||
| • ᱞᱮᱠᱷᱟᱜᱩᱴ | 2130 ᱠᱤᱢᱤ২ (820 ᱜᱟᱺᱴ ᱢᱟᱭᱤᱞ) | |
| ᱩᱥᱩᱞ | -28 ᱢᱤᱴᱚᱨ (-92 ᱯᱷᱩᱴ) | |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱐)[᱒] | |
| • ᱞᱮᱠᱷᱟᱜᱩᱴ | ᱒,᱐᱖᱔,᱙᱐᱐ | |
| • ᱰᱮᱱᱥᱤᱴᱤ | 969.44/ᱠᱤᱢᱤ2 (2510.8/ᱜᱟᱺᱴ ᱢᱟᱹᱭᱤᱞ) | |
| ᱮ.ᱡᱮᱰ.ᱴᱤ (ᱭᱩᱴᱤᱥᱤ+᱔) | ||
| • ᱥᱤᱛᱩᱝ (DST) | ᱮ.ᱡᱮᱰ.ᱮᱥ.ᱴᱤ (UTC+᱕) | |
| ᱯᱤᱱ ᱠᱳᱰ | AZ1000 | |
| ᱮᱨᱤᱭᱟ ᱠᱳᱰ(ᱠᱚ) | 12 | |
| ᱣᱮᱵᱽᱥᱟᱭᱤᱴ | BakuCity.az | |
ᱱᱟᱜᱟᱢ ᱥᱟᱯᱲᱟᱣ
ᱵᱟᱠᱩ ᱱᱟᱜᱟᱨ ᱨᱮᱱᱟᱜ ᱢᱟᱨᱮ ᱮᱞᱟᱠᱟ ᱫᱚ ᱱᱚᱶᱟ ᱱᱟᱜᱟᱨ ᱨᱮᱱᱟᱜ ᱡᱤᱣᱤ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱᱟ, ᱡᱟᱦᱟᱸ ᱨᱮᱱᱟᱜ ᱧᱩᱛᱩᱢ ᱫᱚ ᱤᱱᱪᱮᱨᱤ ᱥᱮᱦᱟᱨ ᱾ ᱒᱐᱐᱐ ᱥᱟᱞᱮ ᱨᱮ ᱭᱩᱱᱮᱥᱠᱚ ᱤᱱᱪᱮᱨᱤ ᱥᱮᱦᱟᱨ ᱫᱚ ᱡᱮᱜᱮᱛ ᱨᱮᱱᱟᱜ ᱦᱮᱨᱤᱴᱮᱡᱽ (heritage) ᱴᱷᱟᱶ ᱞᱮᱠᱟᱛᱮ ᱢᱟᱹᱱ ᱮᱢ ᱟᱠᱟᱫᱼᱟᱭ ᱾ ᱱᱚᱶᱟ ᱮᱞᱟᱠᱟ ᱨᱮ ᱟᱹᱰᱤ ᱵᱷᱮᱜᱟᱨ ᱵᱷᱮᱜᱟᱨᱟᱜ ᱟᱨᱠᱤᱴᱮᱠᱪᱚᱨ, ᱟᱢᱮᱴᱷᱤ , ᱥᱟᱥᱟᱱᱤᱭᱟ, ᱟᱨᱚᱵᱤᱠ, ᱯᱚᱨᱥᱤᱭᱟᱱ, ᱥᱤᱵᱷᱟᱱᱤ, ᱚᱴᱚᱢᱟᱱ ᱟᱨ ᱨᱩᱥᱤᱭᱟᱱ ᱞᱟᱠᱪᱟᱨ ᱨᱮᱱᱟᱜ ᱪᱤᱱᱦᱟᱹ ᱠᱚ ᱧᱮᱞ ᱧᱟᱢᱚᱜᱼᱟ ᱾ ᱤᱱᱪᱮᱨᱤ ᱥᱮᱦᱟᱨ ᱨᱮᱱᱟᱜ ᱫᱩ ᱫᱟᱨᱟᱢ ᱵᱷᱤᱛ ᱫᱚ ᱑᱒ ᱥᱟᱭᱟᱸᱫ ᱨᱮ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾ ᱠᱟᱥᱯᱤᱭᱟᱱ ᱥᱟᱹᱢᱩᱸᱫᱽ ᱥᱟᱢᱟᱝ ᱨᱮ ᱟᱭᱢᱟ ᱜᱚᱴᱟᱝ ᱢᱞᱚᱰᱚᱨᱱ ᱵᱤᱞᱰᱤᱝᱥ ᱠᱚ ᱛᱮᱭᱟᱨ ᱟᱠᱟᱱᱟ ᱾ ᱢᱚᱰᱚᱨᱱ ᱵᱟᱠᱩ ᱱᱟᱜᱟᱨ ᱵᱷᱤᱛᱤᱨ ᱨᱮ ᱵᱟᱠᱩ ᱥᱚᱨᱠᱟᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱦᱚᱸ ᱥᱮᱞᱮᱫ ᱢᱮᱱᱟᱜᱼᱟ ᱾ ᱟᱭᱢᱟ ᱛᱷᱤᱭᱮᱴᱚᱨ ᱟᱨ ᱢᱤᱣᱡᱤᱭᱚᱢ ᱡᱟᱦᱟᱸ ᱫᱚ ᱑᱙᱑᱙ ᱥᱟᱞᱮ ᱨᱮ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾
ᱪᱷᱟᱹᱴᱭᱟᱹᱨ ᱥᱟᱯᱲᱟᱣ
ᱱᱟᱜᱟᱨ ᱨᱮᱱᱟᱜ ᱧᱩᱛᱩᱢ ᱫᱚ ᱯᱚᱨᱥᱤᱭᱟᱱ ᱟᱹᱲᱟᱹ ᱵᱟᱰ-ᱠᱩᱵᱮ (باد-کوبه Bād-kube) ᱠᱷᱚᱱ ᱦᱮᱡ ᱟᱠᱟᱱᱟ, ᱡᱟᱦᱟᱸ ᱨᱮᱱᱟᱜ ᱢᱮᱱᱮᱛ ᱦᱩᱭᱩᱜ ᱠᱟᱱᱟ "ᱦᱚᱭ ᱛᱷᱟᱯᱲᱮᱜ ᱱᱟᱜᱟᱨ" ᱾ ᱵᱟᱰ ᱢᱮᱱᱫᱚ "ᱦᱚᱭ" ᱟᱨ ᱠᱩᱵᱮ ᱫᱚ "ᱠᱩᱵᱤᱰᱟᱱ" (کوبیدن kubidan) ᱨᱮᱱᱟᱜ ᱢᱩᱬ ᱟᱹᱲᱟᱹ ᱡᱟᱦᱟᱸ ᱫᱚ "ᱛᱷᱟᱯᱲᱮᱜ" ᱟᱨᱵᱟᱝ "ᱟᱹᱰᱤ ᱡᱩᱨ ᱛᱮ ᱛᱟᱹᱠᱤᱡᱚᱜ" ᱨᱮᱱᱟᱝ ᱢᱮᱱᱮᱛ ᱮ ᱥᱚᱫᱚᱨᱮᱫᱼᱟ ᱾ ᱢᱮᱱᱫᱚ ᱢᱤᱫ ᱛᱷᱟᱶ ᱡᱟᱦᱟᱸ ᱨᱮ ᱦᱚᱭ ᱟᱹᱰᱤ ᱡᱩᱨ ᱛᱮ ᱛᱟᱹᱠᱤᱡᱚᱜᱼᱟ ᱵᱟᱝᱢᱟ ᱛᱷᱟᱯᱲᱮᱜᱼᱟ ᱾[᱔] ᱚᱥᱚᱞ ᱨᱮ ᱱᱚᱶᱟ ᱱᱟᱜᱟᱨ ᱫᱚ ᱡᱩᱨ ᱦᱚᱭ ᱦᱤᱥᱤᱫ ᱦᱩᱰᱩᱨ ᱵᱚᱡᱚᱨ ᱫᱟᱜ ᱡᱟᱹᱲᱤ ᱠᱷᱟᱹᱛᱤᱨ ᱵᱟᱰᱟᱭᱚᱜᱼᱟ ᱾ ᱱᱚᱶᱟ ᱱᱟᱜᱟᱨ ᱫᱚ "ᱦᱚᱭ ᱱᱟᱜᱟᱨ" ᱢᱮᱱᱛᱮ ᱦᱚᱸ ᱠᱚ ᱵᱟᱭᱱᱟᱭ ᱜᱮᱭᱟ ᱾
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ "Administrative, density and territorial units and land size by economic regions of Azerbaijan Republic for January 1. 2007". Archived from the original on 2007-11-24. Retrieved 2009-07-17.
- ↑ "Population by economic and administrative regions, urban settlements at the beginning of the 2009". Retrieved 2009-11-21.
- ↑ "Travel Picks: Top 10 cities to party the night away". Reuters. 13 ᱱᱚᱵᱷᱮᱢᱵᱚᱨ 2009. Archived from the original on 23 November 2009. Retrieved 21 November 2009.
{{cite news}}: Unknown parameter|deadurl=ignored (help) - ↑ "Culture & Religion on Podium: Politicizing Linguistics". Web.archive.org. Archived from the original on 13 October 2007. Retrieved 25 July 2009.
{{cite web}}: Unknown parameter|deadurl=ignored (help)
ᱵᱟᱨᱦᱮ ᱡᱚᱱᱚᱲ ᱥᱟᱯᱲᱟᱣ
| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱵᱟᱠᱩ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |