ᱵᱟᱹᱡᱟᱹᱞ ᱥᱚᱨᱮᱱ

ᱵᱟᱹᱡᱟᱹᱞ ᱥᱚᱨᱮᱱ (ᱡᱟᱱᱟᱢ:᱒᱘ ᱢᱮᱹ ᱑᱘᱒᱔) ᱫᱚ ᱢᱤᱫᱴᱟᱹᱝ ᱥᱟᱱᱛᱟᱲ ᱵᱤᱨᱵᱟᱱᱴᱟ ᱠᱟᱱᱟᱭ ᱾ ᱑᱘᱕᱕ ᱨᱮ ᱦᱩᱭ ᱟᱠᱟᱱ ᱥᱟᱱᱛᱟᱲ ᱦᱩᱞᱨᱮᱱ ᱢᱤᱫ ᱦᱩᱞᱜᱟᱹᱨᱤᱭᱟᱹ ᱠᱟᱱᱟᱭ ᱾ ᱟᱫᱟ ᱥᱤᱫᱷᱩ-ᱠᱟᱱᱦᱩ-ᱪᱟᱸᱫᱽ-ᱵᱷᱟᱭᱨᱳ-ᱯᱷᱩᱞᱳ-ᱡᱷᱟᱱᱳ ᱞᱮᱠᱟ ᱫᱚ ᱵᱟᱹᱡᱟᱹᱞ ᱥᱚᱨᱮᱱ ᱟᱜ ᱧᱩᱛᱩᱢ ᱵᱟᱹᱠᱩ ᱵᱟᱰᱟᱭᱟ ᱾

ᱵᱟᱹᱡᱟᱹᱞ ᱥᱚᱨᱮᱱ ᱢᱩᱴᱷᱟᱹᱱ,ᱥᱤᱣᱲᱤ, ᱵᱤᱨᱵᱷᱩᱢ, ᱥᱤᱧᱚᱛ

ᱡᱟᱱᱟᱢ ᱥᱟᱯᱲᱟᱣ

ᱵᱟᱹᱡᱟᱹᱞ ᱥᱚᱨᱮᱱ ᱫᱚ ᱥᱤᱧᱟᱛ ᱨᱮᱱᱟᱜ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱭᱟᱜ ᱜᱚᱰᱰᱟ ᱦᱚᱱᱚᱛ ᱨᱮᱭᱟᱜ ᱠᱟᱞᱦᱟᱡᱳᱲ ᱟᱹᱛᱩ ᱨᱮ ᱑᱘᱒᱔ ᱥᱮᱨᱢᱟ ᱨᱮᱱᱟᱜ ᱒᱘ ᱢᱮᱹ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱟᱡ ᱵᱟᱵᱟ ᱫᱚ ᱪᱩᱱᱠᱩ ᱥᱚᱨᱮᱱ ᱾ ᱟᱨ ᱟᱡ ᱵᱚᱭᱦᱟ ᱫᱚ ᱡᱮᱴᱷᱟ ᱥᱚᱨᱮᱱ ᱾

ᱞᱟᱹᱲᱦᱟᱹᱭ ᱡᱤᱭᱚᱱ ᱥᱟᱯᱲᱟᱣ

᱑᱘᱕᱕-᱕᱖ ᱥᱮᱨᱢᱟ ᱥᱮᱡ ᱦᱩᱞ ᱞᱟᱦᱟ ᱚᱠᱛᱚ ᱨᱮ ᱥᱟᱱᱛᱟᱲ ᱪᱮᱛᱟᱱ ᱨᱮ ᱢᱚᱦᱟᱡᱚᱱ ᱠᱩ ᱟᱹᱰᱤ ᱜᱮ ᱠᱷᱟᱨᱟᱯ ᱜᱮ ᱠᱩ ᱵᱮᱵᱷᱟᱨ ᱟᱠᱟᱫᱟ ᱾ ᱟᱹᱠᱚᱣᱟᱜ ᱵᱮᱵᱥᱟ ᱠᱷᱟᱹᱛᱤᱨ ᱦᱚᱲ ᱠᱚ ᱠᱚ ᱴᱷᱚᱠᱟᱣ ᱠᱟᱫ ᱠᱚᱣᱟ ᱟᱨ ᱚᱱᱠᱟᱛᱮ ᱠᱤᱥᱟᱹᱬ ᱠᱚ ᱵᱮᱱᱟᱣ ᱞᱮᱱᱟ ᱾ ᱡᱟᱸᱦᱟᱸ ᱞᱮᱠᱟ ᱠᱮᱱᱟᱨᱟᱢ, ᱵᱮᱪᱟᱨᱟᱢ ᱟᱜ ᱠᱟᱛᱷᱟ ᱵᱚ ᱟᱸᱡᱚᱢ ᱟᱠᱟᱫᱟ ᱚᱝᱠᱟᱜᱮ ᱨᱩᱯᱩᱥᱤᱝ ᱛᱟᱹᱢᱩᱞᱤ ᱦᱚᱸ ᱥᱩᱫᱽ ᱠᱷᱳᱨ ᱢᱚᱦᱟᱡᱚᱱᱮ ᱛᱟᱦᱮᱸ ᱠᱟᱱᱟ ᱚᱱᱟ ᱵᱤᱫᱟᱹᱞᱨᱮ ᱾

ᱵᱟᱹᱡᱟᱹᱞ ᱫᱚ ᱢᱤᱫ ᱡᱚᱢ ᱧᱩ ᱚᱲᱟᱜ ᱨᱮᱜᱮᱭ ᱡᱟᱱᱟᱢ ᱞᱮᱱᱟ ᱾ ᱮᱱᱨᱮᱦᱚᱸ ᱟᱡ ᱵᱟᱵᱟ ᱨᱩᱯᱩᱥᱤᱝ ᱥᱟᱶᱛᱮ ᱠᱟᱨᱵᱟᱨ ᱪᱟᱞᱟᱣ ᱠᱟᱛᱮᱡ ᱟᱭᱟᱜ ᱚᱛ ᱦᱟᱥᱟ, ᱢᱮᱨᱚᱢ, ᱰᱟᱝᱜᱽᱨᱟ ᱡᱚᱛᱚᱜᱮᱭ ᱪᱟᱵᱟ ᱠᱮᱫᱟ ᱾ ᱛᱟᱭᱚᱢ ᱛᱮᱫᱚ ᱟᱡᱨᱮᱱ ᱜᱩᱛᱤ ᱠᱚᱲᱟᱭ ᱵᱮᱱᱟᱣ ᱠᱤᱫᱤᱭᱟ᱾ ᱮᱱᱛᱮᱨᱮᱦᱚᱸ ᱜᱤᱛᱤ ᱠᱟᱹᱢᱤ ᱠᱟᱛᱮᱫ ᱦᱚᱸ ᱨᱤᱱ ᱫᱷᱟᱨ ᱵᱟᱝ ᱪᱟᱵᱟᱞᱮᱱᱛᱟᱭᱟ ᱾ ᱵᱟᱹᱡᱟᱹᱞ ᱟᱡ ᱵᱟᱵᱟᱭ ᱵᱚᱸᱜᱟᱛᱟᱞᱟᱭᱮᱱ ᱠᱷᱟᱱ ᱟᱹᱰᱤ ᱫᱩᱠᱷ ᱨᱮᱠᱚᱯᱟᱲᱟᱣ ᱮᱱᱟ ᱾ ᱨᱩᱯᱩᱥᱤᱝ ᱛᱟᱹᱢᱩᱞᱤ ᱛᱟᱶ ᱦᱚᱸ ᱵᱟᱹᱡᱟᱹᱞ ᱛᱟᱹᱠᱩ ᱴᱷᱮᱱ ᱨᱤᱱ ᱫᱷᱟᱨ ᱢᱤᱴᱟᱹᱣ ᱞᱟᱹᱜᱤᱛ ᱦᱟᱱᱟ ᱱᱟᱣᱟᱭ ᱠᱚᱭᱮᱛ ᱠᱩ ᱛᱟᱸᱦᱮᱸᱱᱟ᱾ ᱵᱟᱹᱡᱟᱹᱞ ᱫᱚ ᱟᱡ ᱟᱨ ᱟᱡ ᱜᱚᱜᱚ ᱟᱹᱥᱩᱞ ᱞᱟᱹᱜᱤᱫ ᱰᱟᱝᱜᱽᱨᱟᱭ ᱜᱩᱯᱤᱭᱮᱛ ᱠᱚ ᱛᱟᱦᱮᱸᱱᱟ ᱟᱨ ᱩᱱ ᱚᱠᱛᱚ ᱨᱮᱜᱮ ᱛᱤᱨᱤᱭᱚ ᱚᱨᱚᱝ ᱮᱫ ᱛᱟᱦᱮᱸᱱᱟ ᱾

ᱢᱤᱫ ᱫᱤᱱ ᱨᱩᱯᱩᱥᱤᱝ ᱛᱟᱹᱢᱩᱞᱤ ᱥᱟᱫᱚᱢᱨᱮ ᱫᱮᱡ ᱠᱟᱛᱮᱛ ᱰᱩᱝᱨᱤ ᱟᱲᱮᱨᱮ ᱵᱟᱹᱡᱟᱹᱞᱮ ᱧᱟᱢ ᱠᱤᱫᱤᱭᱟ ᱟᱨᱮ ᱢᱮᱛᱟ ᱫᱮᱭᱟ ᱡᱮ ᱟᱡ ᱵᱟᱵᱟᱣᱟ ᱫᱮᱱᱟ ᱵᱟᱝ ᱪᱟᱵᱟᱣ ᱟᱠᱟᱱᱟ ᱾ ᱢᱤᱫᱴᱟᱹᱝ ᱛᱚᱣᱟ ᱜᱟᱹᱭᱮ ᱮᱢ ᱞᱮᱠᱷᱟᱱ ᱜᱮ ᱥᱟᱱᱟᱢ ᱫᱮᱱᱟᱧ ᱢᱩᱠᱷᱩᱵ ᱛᱟᱯᱮᱭᱟᱵ᱾ ᱟᱫᱚ ᱵᱟᱹᱡᱟᱹᱞᱮ ᱢᱮᱛᱟᱫᱮᱭᱟ ᱩᱢᱩᱠ ᱫᱤᱱ ᱦᱤᱡᱩᱜ ᱢᱮ ᱟᱨ ᱜᱟᱹᱭ ᱤᱫᱤᱭᱮᱢ ᱾ ᱱᱮᱸᱰᱟ ᱞᱮᱠᱟᱜᱮ ᱨᱩᱯᱩᱥᱤᱝ ᱛᱟᱹᱢᱩᱞᱤ ᱥᱟᱫᱚᱢ ᱨᱮ ᱫᱮᱡ ᱠᱟᱛᱮᱭ ᱦᱮᱡ ᱮᱱᱟ᱾ ᱟᱫᱚ ᱩᱱ ᱡᱚᱠᱷᱚᱡ ᱵᱟᱹᱡᱟᱹᱞᱮ ᱢᱮᱛᱟ ᱫᱮᱭᱟ ᱦᱟᱹᱱᱤ ᱜᱟᱹᱭᱮᱢ ᱧᱮᱞᱮᱠᱟᱱ ᱩᱱᱤᱜᱮ ᱤᱫᱤᱭᱮᱢ ᱾ ᱩᱱ ᱡᱚᱠᱷᱚᱡ ᱨᱩᱯᱩᱥᱤᱝ ᱥᱟᱫᱚᱢ ᱪᱮᱛᱟᱱ ᱠᱷᱚᱡ ᱜᱮ ᱜᱟᱹᱭᱮ ᱩᱭᱩᱝ ᱫᱤ ᱛᱟᱦᱮᱸᱱᱟ ᱾ ᱩᱱ ᱡᱚᱠᱷᱚᱡ ᱜᱮ ᱵᱟᱹᱡᱟᱹᱞ ᱯᱟᱥᱮᱨᱮ ᱡᱷᱩᱯᱩᱛᱩᱲᱩ ᱨᱮᱭ ᱩᱠᱩ ᱟᱠᱟᱛ ᱛᱟᱨᱣᱟᱲ ᱩᱰᱩᱝ ᱠᱟᱛᱮᱛ ᱥᱟᱫᱚᱢ ᱪᱮᱛᱟᱱ ᱨᱮᱜᱮᱭ ᱨᱩᱯᱩᱥᱤᱝ ᱟᱜ ᱵᱚᱦᱚᱜᱼᱮ ᱦᱮᱞᱮᱡ ᱠᱮᱛ ᱛᱟᱭᱟ᱾ ᱟᱫᱚ ᱥᱟᱫᱚᱢ ᱫᱚ ᱚᱝᱠᱟ ᱛᱮᱜᱮᱭ ᱫᱟᱹᱲ ᱠᱮᱫᱟ ᱟᱨ ᱵᱟᱹᱡᱟᱹᱞ ᱫᱚᱭ ᱢᱮᱱ ᱠᱮᱫᱟ 'ᱛᱤᱦᱤᱧ ᱫᱚ ᱥᱟᱱᱟᱢ ᱫᱮᱱᱟᱧ ᱦᱟᱞᱟ ᱠᱮᱫᱟ' ᱟᱨ ᱚᱱᱟ ᱢᱮᱱ ᱢᱮᱱ ᱛᱮᱜᱮ ᱰᱩᱝᱜᱽᱨᱤ ᱪᱮᱛᱟᱱᱮ ᱧᱤᱨ ᱤᱫᱤ ᱠᱮᱫᱟ ᱟᱨ ᱢᱤᱫ ᱟᱲᱮᱨᱮ ᱨᱩᱯᱩᱥᱤᱝ ᱟᱜ ᱚᱱᱟ ᱵᱚᱦᱚᱜᱼᱮ ᱛᱚᱯᱟ ᱠᱮᱫᱟ ᱾

ᱤᱱᱟᱹ ᱛᱟᱭᱚᱢ ᱟᱡ ᱫᱚᱭ ᱩᱠᱩᱭᱱᱟ᱾ ᱤᱝᱨᱮᱹᱡ ᱯᱩᱞᱤᱥ ᱠᱚ ᱱᱚᱣᱟ ᱠᱟᱛᱷᱚ ᱵᱟᱰᱟᱭ ᱠᱟᱛᱮ ᱵᱟᱹᱡᱟᱹᱞ ᱥᱮᱸᱫᱽᱨᱟ ᱠᱚ ᱫᱷᱩᱨᱟᱹᱣ ᱮᱱᱟ᱾ ᱟᱫᱚ ᱵᱟᱹᱠᱩ ᱥᱟᱵ ᱫᱟᱲᱮᱣᱟᱭ ᱠᱟᱱ ᱛᱟᱸᱦᱮᱸᱱᱟ᱾ ᱵᱟᱹᱡᱟᱹᱞ ᱢᱟ ᱮᱱᱮᱡ ᱥᱮᱨᱮᱧ ᱟᱹᱰᱤ ᱠᱟᱡᱟᱠᱮ ᱠᱩᱥᱤ ᱟᱜ ᱠᱟᱱ ᱛᱟᱸᱱᱮᱱ ᱟᱨ ᱟᱡ ᱦᱚᱸ ᱟᱹᱰᱤ ᱱᱟᱯᱟᱭ ᱛᱟᱹᱨᱭᱟᱹᱭ ᱚᱨᱚᱝ ᱠᱷᱟᱹᱛᱤᱨ ᱤᱝᱨᱮᱡᱽ ᱠᱩ ᱮᱱᱮᱡ ᱥᱮᱨᱮᱧ ᱨᱮᱱᱟᱜ ᱠᱩ ᱵᱮᱵᱚᱥᱛᱷᱟ ᱠᱮᱫᱟ᱾ ᱚᱸᱰᱮ ᱵᱟᱹᱡᱟᱹᱞ ᱡᱚᱠᱷᱚᱱ ᱛᱟᱹᱨᱭᱟᱹ ᱚᱨᱚᱝᱮ ᱦᱮᱡ ᱮᱱᱟ ᱩᱱ ᱚᱠᱛᱚ ᱨᱮᱜᱮ ᱩᱱᱤ ᱫᱚ ᱠᱩ ᱥᱟᱵ ᱠᱤᱫᱤᱭᱟ ᱟᱨ ᱥᱤᱣᱲᱤ ᱡᱮᱦᱮᱞ ᱛᱮᱠᱩ ᱤᱫᱤ ᱠᱤᱫᱤᱭᱟ᱾ ᱩᱱ ᱚᱠᱛᱚᱨᱮᱱᱟᱜ ᱢᱤᱫ ᱥᱤᱨᱤᱧ ᱱᱤᱛ ᱦᱚᱸ ᱟᱵᱚ ᱥᱟᱱᱛᱟᱲ ᱠᱩ ᱠᱚ ᱥᱮᱨᱮᱧᱟ᱾ ᱚᱱᱟ ᱥᱮᱨᱮᱧ ᱫᱚ ᱱᱚᱝᱠᱟ -

ᱛᱚᱠᱚᱭ ᱦᱩᱠᱩᱢᱛᱮ ᱵᱟᱹᱡᱟᱹᱞ ᱛᱚᱠᱚᱭ ᱵᱚᱞᱮᱛᱮ

ᱨᱩᱯᱩᱥᱤᱝ ᱛᱟᱹᱢᱩᱞᱤ ᱫᱚᱢ ᱢᱟᱜ ᱠᱮᱫᱮᱭᱟ?

ᱥᱤᱫᱷᱩ ᱦᱩᱠᱩᱢᱛᱮ ᱱᱟᱭᱳᱜᱚ ᱠᱟᱹᱱᱩ ᱵᱚᱞᱮᱛᱮ

ᱨᱩᱯᱩᱥᱤᱝ ᱛᱟᱹᱢᱩᱞᱤ ᱫᱚᱧ ᱢᱟᱜ ᱠᱮᱫᱮᱭᱟ᱾

ᱛᱤ ᱨᱮᱛᱟᱢ ᱦᱟᱹᱲᱤ ᱵᱟᱹᱡᱟᱹᱞ ᱡᱟᱸᱜᱟ ᱨᱮᱛᱟᱢ ᱵᱮᱹᱲᱤ

ᱱᱟᱢ ᱫᱚᱢ ᱪᱟᱞᱟᱜ ᱠᱟᱱ ᱵᱟᱹᱡᱟᱹᱞ ᱥᱤᱣᱲᱤ ᱡᱮᱦᱮᱞᱛᱮ᱾

ᱛᱤ ᱨᱮᱛᱤᱧ ᱛᱤᱨᱤᱭᱳ ᱱᱟᱭᱳ ᱡᱟᱸᱜᱟ ᱨᱮᱛᱤᱧ ᱞᱤᱯᱩᱨ

ᱱᱤᱧ ᱫᱚᱧ ᱪᱟᱞᱟᱜ ᱠᱟᱱᱟ ᱱᱟᱭᱳ ᱥᱤᱣᱲᱤ ᱢᱮᱞᱟ ᱧᱮᱞ᱾

ᱥᱤᱣᱲᱤ ᱡᱮᱦᱮᱞ ᱠᱷᱚᱱ ᱛᱟᱭᱚᱢ ᱫᱟᱨᱟᱢ ᱛᱮ ᱵᱟᱹᱡᱟᱹᱞ ᱫᱚ ᱵᱷᱟᱜᱚᱞᱯᱩᱨ ᱡᱮᱦᱮᱞ ᱛᱮᱠᱩ ᱤᱫᱤ ᱞᱤᱫᱤᱭᱟ᱾ ᱡᱮᱦᱮᱞ ᱨᱮᱦᱚᱸ ᱵᱟᱹᱡᱟᱹᱞ ᱫᱚ ᱞᱤᱴᱷᱩᱨ ᱟᱲᱟᱝ ᱛᱮ ᱛᱤᱨᱤᱭᱳᱭ ᱚᱨᱚᱝ ᱮᱛ ᱛᱟᱸᱦᱮᱸᱱᱟ᱾ ᱩᱱ ᱚᱠᱛᱚᱨᱮ ᱦᱚᱲ ᱠᱩ ᱟᱜ ᱟᱸᱡᱚᱢ ᱠᱟᱛᱷᱟ ᱞᱮᱠᱟᱛᱮ ᱵᱟᱝᱢᱟ ᱡᱮᱞᱟᱨ ᱥᱟᱦᱮᱵᱽ ᱨᱮᱱ ᱦᱚᱯᱚᱱ ᱮᱨᱟ ᱵᱟᱹᱡᱟᱹᱞ ᱟᱜ ᱛᱤᱨᱤᱭᱳ ᱟᱸᱡᱚᱢ ᱛᱮᱭ ᱢᱩᱦᱤᱛ ᱞᱮᱱᱟ᱾ ᱟᱫᱚ ᱛᱟᱭᱚᱢ ᱫᱟᱨᱟᱢ ᱛᱮ ᱵᱟᱹᱡᱟᱹᱞ ᱫᱚ ᱵᱟᱝᱢᱟ ᱠᱩ ᱯᱷᱟᱸᱥᱤ ᱠᱮᱫᱮ ᱥᱮ ᱠᱩ ᱪᱮᱠᱟ ᱠᱤᱫᱤ ᱚᱱᱟ ᱟᱨ ᱵᱟᱰᱟᱭ ᱵᱟᱝ ᱧᱟᱢ ᱞᱮᱱᱟ᱾ ᱦᱚᱲ ᱠᱚ ᱠᱚ ᱞᱟᱹᱭᱟ ᱵᱟᱹᱡᱟᱹᱞ ᱥᱚᱨᱮᱱ ᱫᱚᱠᱚ ᱯᱟᱹᱥᱤ ᱮᱭᱟ ᱢᱮᱱᱛᱮ ᱾ ᱟᱡᱟᱜ ᱛᱨᱤᱭᱟᱣ ᱚᱨᱚᱝ ᱛᱮ ᱨᱤᱡᱷᱟᱣ ᱞᱮᱱ ᱡᱮᱞᱟᱨ ᱥᱟᱦᱮᱵ ᱦᱚᱯᱚᱱ ᱮᱨᱟ ᱜᱮ ᱛᱟᱞᱟᱨᱮᱭ ᱜᱟᱸᱰᱮ ᱮᱱᱟ,ᱢᱮᱱᱠᱮᱫ-ᱟᱭ ᱱᱩᱭ ᱫᱚ ᱟᱞᱚ ᱯᱮ ᱯᱟᱹᱥᱤ ᱮᱭᱟ ,ᱟᱵᱚ ᱫᱤᱥᱚᱢ ᱛᱮᱵᱚ ᱤᱫᱤᱭᱮᱭᱟ ᱾ ᱱᱩᱭ ᱴᱷᱮᱱ ᱦᱤᱸᱥᱟᱹ ᱥᱩᱭᱟᱹ ᱫᱚ ᱵᱟᱹᱱᱩᱜ ᱟᱱᱟ ᱾ ᱟᱹᱰᱤ ᱱᱟᱯᱟᱭ ᱟᱨ ᱥᱚᱛ ᱪᱩᱨᱤᱛᱟᱱ ᱟᱨ ᱫᱤᱞᱜᱟᱹᱨᱤᱭᱟᱹ ᱦᱚᱲ ᱠᱟᱱᱟᱭ ᱾ ᱟᱫᱚ ᱵᱟᱝ ᱯᱟᱹᱥᱤ ᱠᱟᱛᱮ ᱟᱠᱚ ᱫᱤᱥᱚᱢ ᱠᱚ ᱤᱫᱤ ᱠᱮᱫᱮᱭᱟ ᱾

[᱑]

ᱵᱟᱨᱦᱮ ᱡᱚᱱᱚᱲ ᱥᱟᱯᱲᱟᱣ

ᱯᱷᱮᱰᱟᱛ ᱥᱟᱯᱲᱟᱣ

  1. ᱵᱤᱨᱵᱟᱱᱴᱟ ᱵᱟᱹᱡᱟᱹᱞ (ᱯᱩᱭᱞᱩ ᱩᱪᱷᱟᱹᱱ ed.). ᱟᱵᱽᱫᱟᱨᱯᱩᱨ, ᱵᱚᱲᱚᱵᱟᱜᱟᱱ, ᱥᱤᱣᱲᱤ, ᱵᱤᱨᱵᱷᱩᱢ,ᱥᱤᱧᱚᱛ: ᱟᱵᱽᱫᱟᱨᱯᱩᱨ ᱟᱹᱫᱤᱵᱟᱹᱥᱤ ᱥᱩᱥᱟᱹᱨ ᱜᱟᱶᱛᱟ. ᱑᱙ ᱡᱟᱱᱩᱣᱟᱨᱤ ᱒᱐᱑᱙. {{cite book}}: Check date values in: |date= (help)