ᱵᱤᱞᱟ.ᱛᱤ ᱥᱚᱥᱚ

ᱵᱤᱞᱟᱹᱛᱤ ᱥᱚᱥᱚ ᱫᱚ ᱢᱤᱫ ᱞᱮᱠᱟᱱ ᱵᱷᱟᱹᱛᱤ ᱠᱟᱱᱟ ᱾ ᱵᱤᱞᱟᱹᱛᱤ ᱥᱚᱥᱚ ᱫᱚ ᱟᱹᱰᱤ ᱥᱤᱵᱤᱞ ᱢᱤᱫᱴᱟᱹᱝ ᱜᱷᱟᱱᱛᱤ ᱾ ᱵᱤᱞᱟᱹᱛᱤ ᱥᱚᱥᱚ ᱫᱟᱨᱮ (ᱵᱚᱭᱜᱟᱸᱜᱟᱱᱤᱠ ᱧᱩᱛᱩᱢ Anacardium occidentale; ᱪᱮᱛᱟᱱ ᱟᱹᱲᱟᱹ Anacardium curagellifolium A.St.-Hil.) ᱵᱟᱦᱟ ᱟ ᱮᱱᱟᱠᱟᱨᱰᱤᱭᱟᱢ ᱫᱟᱨᱮ ᱜᱷᱟᱨᱚᱸᱡᱽ ᱨᱮ ᱞᱟᱲᱟᱜᱼᱟ ᱾ ᱱᱚᱶᱟ ᱫᱚ ᱢᱤᱫᱴᱟᱹᱝ ᱠᱟᱣᱰᱤ ᱟᱨᱡᱟᱣ ᱡᱚ ᱵᱷᱟᱹᱛᱤ ᱾ ᱡᱟᱝ ᱠᱷᱚᱱ ᱫᱟᱨᱮ ᱠᱚ ᱡᱟᱱᱟᱢ ᱚᱪᱚᱭᱟ᱾ ᱵᱟᱹᱞᱭᱟᱹ ᱢᱮᱥᱟ ᱚᱛ ᱦᱟᱥᱟ ᱟᱨ ᱵᱟᱝ ᱠᱷᱟᱱ ᱰᱩᱝᱜᱽᱨᱤ ᱫᱷᱟᱨᱮ ᱨᱮ ᱵᱷᱟᱞᱮ ᱛᱮ ᱡᱟᱱᱟᱢᱚᱜ ᱜᱮᱭᱟ ᱾

ᱵᱤᱞᱟ.ᱛᱤ ᱥᱚᱥᱚ
Ripe cashew fruit
ᱥᱟᱬᱮᱥ ᱞᱮᱠᱟᱛᱮ ᱦᱟᱹᱴᱤᱧ
Kingdom:	ᱯᱞᱟᱴᱮᱭ
Clade:	Angiosperms
Clade:	Eudicots
Clade:	Rosids
Order:	Sapindales
Family:	Anacardiaceae
Genus:	Anacardium
ᱡᱟᱹᱛ:	A. occidentale
ᱵᱟᱭᱱᱚᱢᱤᱭᱟᱞ ᱧᱩᱛᱩᱢ
Anacardium occidentale L.

ᱡᱟᱱᱟᱢᱚᱜ ᱴᱷᱟᱶ

ᱵᱤᱞᱟᱹᱛᱤ ᱥᱚᱥᱚ ᱨᱮᱭᱟᱜ ᱡᱟᱱᱟᱢ ᱴᱷᱟᱶ ᱫᱚ ᱵᱨᱟᱡᱤᱞ ᱾ ᱱᱟᱦᱟᱜ ᱫᱚ ᱵᱟᱹᱲᱛᱤ ᱜᱟᱱ ᱛᱮ ᱤᱱᱫᱳᱱᱮᱥᱤᱭᱟ, ᱢᱟᱞᱚᱭᱮᱥᱤᱭᱟ, ᱥᱤᱧᱚᱛ, ᱠᱮᱱᱤᱭᱟ, ᱢᱳᱡᱟᱢᱵᱤᱠ, ᱛᱟᱱᱡᱟᱱᱤᱭᱟ, ᱢᱟᱫᱟᱜᱟᱥᱠᱟᱨ ᱟᱨ ᱦᱚᱸ ᱟᱭᱢᱟ ᱫᱤᱥᱚᱢ ᱨᱮᱜᱮ ᱟᱨᱡᱟᱣ ᱜᱮᱭᱟ ᱾

ᱵᱟᱝᱞᱟᱫᱤᱥᱚᱢ ᱵᱤᱞᱟᱹᱛᱤ ᱥᱚᱥᱚ

ᱠᱷᱟᱜᱲᱟᱪᱷᱚᱲᱤ ᱨᱮᱭᱟᱜ ᱰᱩᱝᱜᱽᱨᱤ ᱠᱨᱤᱥᱤ ᱠᱷᱚᱸᱫᱽᱨᱚᱝ ᱠᱮᱸᱫᱽᱨᱚ, ᱦᱚᱨᱴᱤᱠᱟᱞᱪᱟᱨ ᱥᱮᱱᱴᱟᱨ ᱠᱷᱮᱡᱩᱨᱵᱟᱜᱟᱱ, ᱥᱮᱱᱟᱱᱤᱵᱟᱥ, ᱦᱚᱨᱴᱤᱠᱟᱞᱪᱟᱨ ᱥᱮᱱᱴᱟᱨ ᱱᱟᱨᱟᱱᱠᱷᱟᱭᱱᱟ, ᱯᱟᱱᱠᱷᱟᱱᱟ ᱯᱟᱲᱟ, ᱠᱚᱢᱚᱞᱪᱷᱚᱲᱤ ᱟᱨ ᱡᱟᱢᱛᱚᱞᱤ ᱡᱟᱭᱜᱟ ᱠᱚᱨᱮ ᱦᱚᱸ ᱵᱤᱞᱟᱹᱛᱤ ᱥᱚᱥᱚ ᱫᱟᱨᱮ ᱧᱮᱞᱚᱜ ᱜᱮᱭᱟ ᱾ ᱱᱚᱶᱟ ᱵᱟᱝ ᱠᱟᱛᱮ ᱦᱚᱸ ᱨᱟᱢᱜᱚᱲ ᱪᱮᱛᱟᱱ ᱡᱤᱞᱟ ᱨᱮ ᱦᱟᱨᱴᱤᱠᱟᱞᱪᱟᱨ ᱥᱮᱱᱴᱟᱨᱮ ᱦᱚᱸ ᱢᱮᱱᱟᱜᱼᱟ ᱵᱤᱞᱟᱹᱛᱤ ᱥᱚᱥᱚ ᱨᱮᱭᱟᱜ ᱵᱟᱜᱟᱱ ᱾ ᱯᱟᱨᱵᱚᱛᱛᱚ ᱪᱚᱴᱴᱚᱜᱨᱟᱢ ᱨᱮᱦᱚᱸ ᱵᱤᱞᱟᱹᱛᱤ ᱥᱚᱥᱚ ᱟᱨᱡᱟᱣ ᱰᱷᱮᱨ ᱦᱳᱭ ᱫᱟᱲᱮᱭᱟᱜᱼᱟ ᱾ ᱱᱮᱛᱟᱨ ᱫᱚ ᱯᱟᱨᱵᱚᱛᱛᱚ ᱪᱚᱴᱴᱚᱜᱨᱟᱢ ᱨᱮ ᱢᱟᱹᱡᱷᱟᱹᱨᱤ ᱵᱤᱞᱟᱹᱛᱤ ᱥᱚᱥᱚ ᱟᱨᱡᱟᱜ ᱠᱟᱱᱟ ᱾ ᱡᱟᱦᱟ ᱦᱟᱥᱟ ᱨᱮ ᱦᱳᱲᱳ ᱵᱟᱝ ᱟᱨᱡᱟᱣᱚᱜ ᱠᱟᱱᱟ ᱚᱱᱰᱮ ᱵᱤᱞᱟᱹᱛᱤ ᱥᱚᱥᱚ ᱟᱨᱡᱟᱣ ᱨᱮᱭᱟᱜ ᱫᱟᱣ ᱢᱮᱱᱟᱜᱼᱟ ᱾ ᱦᱟᱯᱮᱱ ᱫᱤᱱ ᱠᱷᱟᱜᱽᱲᱟᱪᱷᱚᱲ ᱨᱮ ᱟᱨᱡᱟᱣ ᱚᱜ ᱵᱤᱞᱟᱹᱛᱤ ᱥᱚᱥᱚ ᱦᱚᱸ ᱢᱤᱫᱴᱟᱹᱝ ᱡᱟᱭᱜᱟᱭ ᱛᱮᱭᱟᱨ ᱫᱟᱲᱮᱭᱟᱜᱼᱟ ᱾

ᱡᱚᱢ ᱨᱮᱭᱟᱜ ᱫᱷᱟᱸᱪ

ᱵᱤᱞᱟᱹᱛᱤ ᱥᱚᱥᱚ ᱫᱚ ᱥᱟᱱᱟᱢ ᱠᱚᱜᱮ ᱵᱷᱟᱹᱡᱤ ᱠᱟᱛᱮ ᱜᱮᱜ ᱡᱚᱢ ᱜᱮᱭᱟ᱾ ᱰᱩᱝᱜᱽᱨᱤ ᱫᱷᱟᱨᱮ ᱠᱚᱨᱮᱱ ᱦᱚᱲ ᱠᱚ ᱫᱟᱛᱨᱚᱢ ᱛᱮ ᱵᱤᱞᱟᱹᱛᱤ ᱥᱚᱥᱚ ᱨᱮᱭᱟᱜ ᱵᱷᱟᱹᱛᱤ ᱚᱸᱰᱚᱠ ᱠᱟᱛᱮ ᱥᱤᱛᱩᱝ ᱨᱮᱠᱚ ᱛᱟᱥᱮ ᱨᱚᱦᱚᱲ ᱟ ᱟᱨ ᱵᱷᱟᱹᱛᱤ ᱪᱮᱛᱟᱱ ᱪᱷᱟᱞ ᱪᱷᱟᱰᱟᱣ ᱠᱟᱛᱮ ᱵᱩᱞᱩᱝ ᱫᱟᱜ ᱨᱮ ᱡᱚᱵᱮ ᱨᱟᱠᱟᱵ ᱠᱟᱛᱮ ᱠᱚ ᱵᱷᱟᱡᱤ ᱭᱟ᱾ ᱟᱨ ᱦᱮᱲᱮᱢ ᱞᱟᱹᱜᱤᱫ ᱪᱤᱱᱤ ᱫᱟᱜ ᱨᱮᱠᱳ ᱡᱚᱵᱮᱭᱟ ᱾ ᱟᱹᱰᱤ ᱟᱭᱢᱟ ᱡᱚᱢᱟᱜ ᱨᱮᱜᱮ ᱢᱚᱪᱟ ᱥᱤᱵᱤᱞ ᱵᱟᱹᱲᱛᱤ ᱞᱟᱹᱜᱤᱫ ᱠᱚ ᱢᱮᱥᱟᱭ ᱜᱮᱭᱟ ᱾

ᱡᱚᱢ ᱡᱤᱳᱭᱤ

ᱥᱟᱱᱟᱢ ᱑᱐᱐ ᱜᱨᱟᱢ ᱵᱤᱞᱟᱹᱛᱤ ᱥᱚᱥᱚ ᱨᱮ ᱓᱐.᱑᱙ ᱜᱨᱟᱢ ᱦᱮᱲᱮᱢ, ᱑᱘.᱒᱒ ᱜᱨᱟᱢ ᱴᱤᱭᱟ.ᱞ ᱵᱟᱨᱟᱵᱟᱨᱤ, ᱔᱓.᱘᱕ ᱜᱨᱟᱢ ᱤᱛᱤᱞ ᱛᱟᱦᱮᱱᱟ᱾ ᱵᱤᱞᱟᱹᱛᱤ ᱥᱚᱥᱚ ᱨᱮ ᱟᱭᱢᱟ ᱞᱮᱠᱟᱱ ᱵᱷᱡᱴᱟᱢᱤᱱ, ᱢᱮᱲᱦᱮᱫ, ᱠᱮᱞᱥᱤᱭᱟᱢ,ᱢᱮᱜᱱᱮᱥᱷᱤᱭᱟᱢ, ᱯᱷᱚᱥᱯᱷᱚᱨᱟᱥ, ᱯᱚᱴᱟᱥᱤᱭᱟᱢ, ᱡᱤᱸᱠ ᱠᱷᱟᱹᱱᱤᱡ ᱛᱟᱦᱮᱱ ᱜᱮᱭᱟ᱾

ᱜᱚᱸᱲᱦᱚᱱ

ᱵᱟᱦᱟᱜ ᱚᱠᱛᱚ ᱨᱮ ᱢᱤᱫ ᱵᱤᱞᱟᱹᱛᱤ ᱥᱚᱥᱚ ᱫᱟᱨᱮ

ᱦᱟᱨᱟ ᱯᱩᱨᱟᱹᱣ ᱫᱟᱨᱮ ᱑᱐ ᱠᱷᱚᱱ ᱑᱒ ᱢᱤᱴᱟᱨ ᱡᱷᱟᱹᱞ ᱫᱟᱨᱮᱜ ᱜᱮᱭᱟ ᱾ ᱫᱟᱨᱮ ᱥᱟᱠᱟᱢ ᱟᱫᱷᱮᱠ ᱵᱮᱞᱮ ᱞᱮᱠᱟ, ᱧᱮᱞᱛᱮ ᱠᱟᱸᱴᱷᱟᱲ ᱥᱟᱠᱟᱢ ᱞᱮᱠᱟ ᱾ ᱱᱚᱵᱷᱮᱢᱵᱚᱨ ᱠᱷᱚᱱ ᱡᱟᱱᱩᱭᱟᱨᱤ ᱫᱷᱟᱹᱵᱤᱡ ᱵᱟᱦᱟ ᱥᱟᱸᱲᱚᱜ ᱜᱮᱭᱟ ᱾ ᱮᱯᱨᱤᱞ ᱠᱷᱚᱱ ᱡᱩᱱ ᱵᱚᱸᱜᱟ ᱨᱮ ᱡᱚ ᱠᱚ ᱛᱤᱭᱩᱜᱟ ᱾ ᱵᱤᱞᱟᱹᱛᱤ ᱥᱚᱥᱚ ᱢᱟᱹᱞ ᱟ ᱔ ᱠᱷᱚᱱ ᱕ ᱥᱮᱱᱴᱤᱢᱤᱴᱟᱨ ᱾ ᱟᱨ ᱱᱚᱣᱟ ᱕ ᱠᱷᱚᱱ ᱒᱐ ᱜᱨᱟᱢ ᱦᱩᱭᱩᱜ ᱜᱮᱭᱟ ᱾

ᱟᱨᱡᱟᱣ ᱫᱷᱟᱸᱪ

ᱨᱚᱦᱚᱭ

ᱡᱟᱝ ᱟᱨ ᱠᱚᱞᱚᱢ ᱠᱟᱛᱮ ᱦᱚᱸ ᱵᱤᱞᱟᱹᱛᱤ ᱥᱚᱥᱚ ᱨᱮᱭᱟᱜ ᱫᱟᱨᱮ ᱟᱨᱡᱟᱣ ᱜᱟᱱᱚᱜ ᱜᱮᱭᱟ᱾ ᱠᱚᱞᱚᱢ ᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱧᱩᱛᱩᱢ ᱢᱮᱱᱟᱜᱼᱟ ᱜᱩᱴᱤ, ᱡᱳᱲ, ᱢᱮᱫ ᱟᱨ ᱦᱚᱸ ᱟᱭᱢᱟ ᱟᱭᱢᱟ ᱾ ᱵᱤᱞᱟᱹᱛᱤ ᱥᱚᱥᱚ ᱖᱐-᱗᱐ ᱥᱮᱨᱢᱟ ᱫᱷᱟᱹᱵᱤᱡ ᱵᱟᱸᱪᱟᱜᱼᱟ ᱟᱨ ᱕᱐-᱖᱐ ᱥᱮᱨᱢᱟ ᱫᱷᱟᱹᱵᱤᱡ ᱡᱚ ᱧᱟᱢᱚᱜᱼᱟ ᱾ ᱡᱚ ᱠᱷᱚᱱ ᱯᱚᱞᱤ ᱵᱮᱜᱽᱨᱮ ᱵᱤᱞᱟᱹᱛᱤ ᱥᱚᱥᱚ ᱫᱟᱨᱮ ᱦᱩᱭᱩᱜᱼᱟ ᱾ ᱟᱨ ᱵᱟᱝ ᱠᱷᱟᱱ ᱠᱚᱞᱚᱢ ᱫᱟᱨᱮ ᱵᱮᱱᱟᱣ ᱦᱩᱭᱩᱜᱼᱟ, ᱟᱨ ᱨᱚᱦᱚᱭ ᱦᱩᱭᱩᱜᱼᱟ ᱾ ᱫᱟᱨᱮ ᱨᱚᱦᱚᱭ ᱢᱟᱲᱟᱝ ᱗-᱘ ᱢᱤᱴᱟᱨ ᱥᱟᱦᱟᱨᱮ ᱑ ᱜᱷᱚᱱᱚ ᱢᱤᱴᱟᱨ ᱨᱮᱭᱟᱜ ᱰᱳᱵ ᱞᱟᱭ ᱦᱩᱭᱩᱜᱼᱟ ᱾ ᱦᱟᱹᱨᱭᱟᱹᱲ ᱥᱟᱨ, ᱤᱣᱨᱡᱭᱟ, ᱴᱤ ᱮᱥ ᱯᱡ ᱥᱟᱨ ᱦᱟᱥᱟ ᱢᱮᱥᱟ ᱠᱟᱛᱮ ᱑᱕ ᱡᱟᱦᱟ ᱛᱟᱭᱚᱢ ᱫᱟᱨᱮ ᱨᱚᱦᱚᱭ ᱜᱟᱱᱚᱜᱼᱟ ᱾

ᱡᱚᱛᱚᱱ

ᱵᱤᱞᱟᱹᱛᱤ ᱥᱚᱥᱚ ᱫᱟᱨᱮ ᱵᱩᱴᱟᱹᱨᱮ ᱜᱷᱟᱥ ᱜᱟᱡᱟᱲ ᱫᱚᱦᱚ ᱵᱟᱝ ᱜᱟᱱᱚᱜᱼᱟ ᱾ ᱜᱚᱡᱽ ᱟᱨ ᱵᱟᱹᱲᱛᱤ ᱰᱟᱹᱨ ᱜᱮᱫ ᱜᱤᱰᱤ ᱠᱟᱱ ᱦᱩᱭᱩᱜᱼᱟ ᱾

ᱡᱚ ᱡᱟᱞᱤ

ᱫᱟᱨᱮ ᱨᱚᱦᱚᱭ ᱛᱟᱭᱚᱢ ᱯᱮ ᱥᱮᱨᱢᱟ ᱛᱟᱭᱚᱢ ᱵᱟᱦᱟ ᱟᱨ ᱡᱚ ᱧᱮᱧᱚᱜᱼᱟ ᱾ ᱱᱚᱵᱷᱮᱢᱵᱚᱨ ᱠᱷᱚᱱ ᱡᱟᱱᱩᱭᱟᱨᱤ ᱨᱮ ᱫᱚ ᱵᱟᱦᱟ ᱯᱷᱚᱴᱮᱞᱚᱜᱼᱟ ᱾ ᱮᱯᱨᱤᱞ ᱠᱷᱚᱱ ᱡᱩᱱ ᱵᱚᱸᱜᱟ ᱨᱮᱫᱚ ᱵᱮᱞᱮ ᱡᱚ ᱠᱚ ᱛᱤᱭᱩᱜᱟ ᱾ ᱥᱤᱛᱩᱝ ᱨᱮ ᱛᱟᱥᱮ ᱨᱚᱦᱚᱲ ᱟᱨ ᱯᱮᱠᱮᱴ ᱠᱟᱛᱮ ᱟᱠᱷᱨᱤᱧ ᱜᱟᱱᱚᱜᱼᱟ ᱾ ᱧᱮᱞ ᱜᱟᱱᱚᱜ ᱟ ᱢᱤ ᱢᱤᱫ ᱜᱚᱴᱟᱝ ᱫᱟᱨᱮ ᱨᱮ ᱕᱐-᱖᱐ ᱠᱮᱡᱤ ᱡᱚ ᱧᱟᱢᱚᱜ ᱜᱮᱭᱟ ᱾ ᱑ ᱠᱮᱡᱤ ᱡᱚ ᱨᱮ ᱒᱕᱐ ᱜᱨᱟᱢ ᱵᱤᱞᱟᱹᱛᱤ ᱥᱚᱥᱚ ᱨᱮᱭᱟᱜ ᱵᱷᱟᱹᱛᱤ ᱧᱟᱢᱚᱜᱼᱟ ᱾

• 
  Young cashew fruits
• 
  Cashew sprouts are eaten raw or cooked
• 
  Cashew fruit seller in India
• 
  Distilling cashew apple liquor (muchekele) in Mozambique
• 
  Shriveled, fermented cashew apples ready for distillation, Mozambique
• 
  Anacardium occidentale, from Koehler's Medicinal-Plants (1887)
• 
  Mameluca woman under a fruiting cashew tree (1641–1644) by Albert Eckhout. National Museum of Denmark
• 
  View of a Cashew tree stem in Lawachara National Park, Bangladesh. Photo of 2016.