ᱵᱤᱡᱚᱨᱤ ᱵᱟᱨᱠᱟᱛᱩᱞᱞᱟ
ᱵᱤᱡᱚᱨᱤ ᱵᱟᱨᱠᱟᱛᱩᱞᱞᱟ ᱫᱚ ᱵᱟᱝᱞᱟᱫᱮᱥ ᱨᱮᱱ ᱢᱤᱫ ᱴᱮᱱ ᱟᱹᱰᱤ ᱧᱩᱛᱩᱢ ᱟᱱ ᱴᱤᱞᱤᱵᱷᱤᱥᱚᱱ ᱮᱠᱴᱨᱮᱥ ᱟᱨ ᱱᱟᱪᱚᱱᱤᱭᱟᱹ ᱠᱟᱱᱟᱭ,[᱑][᱒][᱓] ᱚᱠᱚᱭ ᱫᱚ ᱗᱐ ᱜᱮᱞ ᱟᱱᱟᱜ ᱥᱮᱨᱢᱟ ᱠᱷᱚᱱ ᱵᱟᱝᱞᱟᱫᱮᱥ ᱨᱮᱭᱟᱜ ᱨᱚᱢᱚᱡᱽ ᱥᱮ ᱥᱤᱱᱮᱢᱟ ᱫᱩᱱᱭᱟᱹ ᱨᱮ ᱟᱡᱟᱜ ᱧᱩᱛᱩᱢᱮ ᱛᱷᱟᱯᱚᱱ ᱟᱠᱟᱫ|
| ᱵᱤᱡᱚᱨᱤ ᱵᱟᱨᱠᱟᱛᱩᱞᱞᱟ | |
|---|---|
 | |
| ᱥᱮᱪᱮᱫ ᱟᱠᱷᱲᱟ | ᱰᱷᱟᱠᱟ ᱵᱤᱨᱫᱟᱹᱜᱟᱲ |
| ᱠᱟᱹᱢᱤ | ᱮᱠᱴᱨᱮᱥ ᱟᱨ ᱱᱟᱪᱚᱱᱤᱭᱟᱹ |
| ᱠᱟᱹᱢᱤ ᱚᱠᱛᱚ | ᱑᱙᱘᱘-ᱱᱟᱦᱟᱜ ᱦᱟᱹᱵᱤᱡ |
| ᱡᱤᱭᱚᱱ ᱥᱚᱦᱮᱫ | ᱤᱱᱛᱮᱠᱟᱵᱽ ᱫᱤᱱᱟᱨ |
| ᱟᱯᱟᱛ ᱮᱸᱜᱟᱛ |
|
ᱚᱞ ᱯᱟᱲᱦᱟᱣ ᱥᱟᱯᱲᱟᱣ
ᱵᱤᱡᱚᱨᱤ ᱵᱟᱨᱠᱟᱛᱩᱞᱞᱟ ᱫᱚ ᱱᱟᱜᱟᱢ ᱥᱟᱛᱷᱟᱢ ᱤᱫᱤ ᱠᱟᱛᱮ ᱰᱷᱟᱠᱟ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱠᱷᱚᱱ ᱮᱢᱹᱮᱹ ᱰᱤᱜᱽᱨᱤ ᱯᱟᱥ ᱞᱮᱫᱟ|
ᱠᱟᱹᱢᱤ ᱡᱤᱭᱚᱱ ᱥᱟᱯᱲᱟᱣ
ᱵᱤᱡᱚᱨᱤ ᱵᱟᱨᱠᱟᱛᱩᱞᱞᱟ ᱫ ᱯᱟᱹᱦᱤᱞ ᱯᱚᱨᱛᱷᱚᱢ ᱫᱷᱟᱣ ᱥᱩᱠᱷᱮᱨ ᱪᱷᱟᱲ ᱯᱚᱛᱨᱚ ᱧᱩᱛᱩᱢ ᱟᱱ ᱜᱟᱭᱟᱱ ᱨᱮ ᱯᱟᱹᱦᱤᱞ ᱫᱷᱟᱣ ᱦᱤᱸᱥᱮ ᱦᱟᱛᱟᱣ ᱞᱮᱫᱟ, ᱑᱙᱘᱘ ᱥᱮᱨᱢᱟ ᱨᱮ[᱔][᱕][᱖] | ᱱᱤᱭᱟᱹ ᱜᱟᱭᱟᱢ ᱨᱮ ᱫᱚ ᱟᱡ ᱨᱮᱱ ᱡᱟᱱᱟᱢ ᱫᱟᱛᱟ ᱢᱚᱦᱚᱢᱢᱚᱫᱽ ᱵᱟᱨᱠᱟᱛᱩᱞᱞᱟᱭ ᱫᱤᱥᱟᱹ ᱩᱫᱩᱜ ᱞᱮᱫᱟ| ᱤᱱᱟᱹ ᱛᱟᱭᱚᱢ ᱟᱭᱢᱟ ᱫᱤᱱ ᱡᱤᱨᱟᱹᱣ ᱠᱟᱛᱮ, ᱚᱠᱟ ᱨᱮ ᱪᱮᱫ ᱥᱤᱨᱤᱭᱟᱞ ᱨᱮ ᱜᱮ ᱵᱟᱭ ᱮᱠᱴᱤᱝ ᱞᱮᱫᱟ| ᱚᱱᱟ ᱛᱟᱭᱚᱢ ᱢᱟᱦᱯᱷᱩᱡᱽ ᱟᱦᱢᱮᱫᱽ ᱟᱜ ᱢᱮᱜᱷ ᱠᱟᱞᱚ ᱜᱟᱭᱟᱱ ᱨᱮᱭᱮ ᱮᱠᱴᱤᱝ ᱠᱮᱫᱟ, ᱱᱤᱭᱟᱹ ᱜᱟᱭᱟᱱ ᱨᱮᱱ ᱫᱤᱥᱟᱹ ᱩᱫᱩᱜᱤᱡ ᱫᱚᱭ ᱛᱟᱸᱦᱮᱸ ᱠᱟᱱᱟ ᱟᱵᱫᱩᱥ ᱥᱟᱛᱛᱟᱨ| ᱩᱱᱤᱭᱟᱜ ᱧᱩᱢᱚᱜ ᱞᱮᱜᱽ ᱠᱟᱹᱢᱤ ᱠᱚ ᱫᱚ ᱦᱩᱭᱩᱜ ᱠᱟᱱᱟ, ᱡᱟᱦᱤᱨ ᱨᱟᱭ ᱥᱮᱱᱟᱜ ᱡᱤᱭᱚᱱ ᱠᱷᱳᱱ ᱦᱟᱛᱟᱣ ᱟᱠᱟᱱ ᱜᱟᱭᱟᱱ| ᱚᱱᱟ ᱵᱮᱜᱚᱨ ᱦᱚᱸ ᱟᱹᱰᱤ ᱟᱭᱢᱟ ᱵᱤᱜᱜᱟᱯᱚᱱ ᱠᱚ ᱨᱮ ᱢᱚᱰᱮᱞ ᱦᱚᱭ ᱦᱩᱭ ᱞᱮᱱᱟ|
ᱟᱡᱟᱜ ᱡᱤᱭᱚᱱ ᱥᱟᱯᱲᱟᱣ
ᱵᱤᱡᱚᱨᱤ ᱵᱟᱨᱠᱟᱛᱩᱞᱞᱟ ᱨᱮᱱ ᱟᱯᱟᱛ ᱟᱜ ᱧᱩᱛᱩᱢ ᱫᱚ ᱢᱚᱦᱚᱢᱢᱚᱫᱽ ᱵᱟᱨᱠᱟᱛᱩᱞᱞᱟ ᱛᱟᱸᱦᱮ ᱠᱟᱱᱟ ᱛᱟᱭᱟ ᱟᱨ ᱮᱝᱜᱟᱛ ᱟᱜ ᱧᱩᱛᱩᱢ ᱫᱚ ᱡᱤᱸᱱᱟᱛ ᱵᱟᱨᱠᱟᱛᱩᱞᱞᱟ ᱛᱟᱸᱦᱮᱸ ᱠᱟᱱᱟ ᱛᱟᱭᱟ| ᱵᱤᱡᱚᱨᱤ ᱵᱟᱨᱠᱟᱛᱩᱞᱞᱟ ᱨᱮᱱ ᱟᱯᱟᱛ ᱫᱚ ᱯᱟᱹᱦᱤᱞ ᱮᱱᱮᱡ ᱵᱟᱰᱚᱦᱤ ᱛᱟᱸᱦᱮ ᱠᱟᱱᱟ, ᱤᱱᱟᱹ ᱛᱟᱭᱚᱢ ᱴᱤᱞᱤᱵᱷᱤᱡᱚᱱ ᱯᱨᱚᱫᱤᱭᱩᱥᱟᱨᱮ ᱦᱩᱭ ᱞᱮᱱᱟ| ᱟᱨ ᱮᱝᱜᱟᱛ ᱛᱮᱫ ᱦᱚᱸ ᱮᱱᱮᱡ ᱵᱟᱰᱚᱦᱤ ᱜᱮᱭᱮ ᱛᱟᱸᱦᱮᱸ ᱠᱟᱱᱟ, ᱚᱠᱚᱭ ᱫᱚ ᱒᱐᱐᱘ ᱥᱮᱨᱢᱟ ᱨᱮ ᱵᱟᱝᱞᱟᱫᱮᱥ ᱥᱤᱞᱯᱤ ᱠᱟᱞᱟ ᱮᱠᱮᱰᱮᱢᱤ ᱥᱤᱨᱯᱟᱹᱭ ᱦᱟᱢᱮᱴ ᱞᱮᱫ| ᱵᱤᱨᱡᱚᱨᱤ ᱨᱮᱱ ᱢᱤᱥᱨᱟᱛ ᱛᱮᱫ ᱟᱜ ᱧᱩᱛᱩᱢ ᱫᱚ ᱠᱟᱡᱚᱨᱤ ᱵᱟᱨᱠᱟᱛᱩᱞᱞᱟ ᱠᱟᱱ ᱛᱟᱭᱟ, ᱩᱱᱤ ᱦᱚᱸ ᱯᱨᱚᱰᱤᱭᱩᱥᱟᱨ ᱠᱟᱱᱟᱭ ᱟᱨ ᱴᱤᱞᱤᱵᱷᱤᱡᱚᱱ ᱯᱨᱚᱜᱽᱨᱟᱱ ᱦᱚᱥᱴ ᱦᱚᱸᱭ ᱛᱟᱸᱦᱮᱸ ᱵᱟᱲᱟᱜ ᱜᱮᱭᱟ|
ᱵᱟᱯᱞᱟ ᱥᱟᱯᱲᱟᱣ
ᱵᱤᱡᱚᱨᱤ ᱵᱟᱨᱠᱟᱛᱩᱞᱞᱟ ᱫᱚ ᱑᱙᱙᱕ ᱥᱮᱨᱢᱟ ᱨᱮ ᱵᱟᱝᱞᱟᱫᱮᱥᱤ ᱢᱤᱣᱡᱤᱠ ᱰᱟᱭᱨᱮᱠᱴᱚᱨ ᱥᱚᱣᱠᱳᱴ ᱟᱞᱤ ᱮᱢᱚᱱ ᱥᱟᱶᱮ ᱵᱟᱯᱞᱟ ᱞᱮᱱᱟ| ᱢᱮᱱ ᱠᱷᱟᱱ ᱒᱐᱑᱒ᱥᱮᱨᱢᱟ ᱨᱮ ᱩᱱᱠᱤᱱ ᱟᱜ ᱥᱟᱠᱟᱢ ᱚᱲᱮᱡ ᱦᱩᱭ ᱮᱱᱟ| ᱤᱱᱟᱹ ᱛᱟᱭᱚᱢ ᱒᱐᱑᱓ ᱥᱮᱨᱢᱟ ᱨᱮᱭᱟᱜ ᱑᱔ ᱮᱯᱨᱤᱞ ᱢᱟᱹᱦᱤᱛ ᱦᱤᱞᱚᱜ, ᱢᱤᱫᱴᱮᱱ ᱵᱟᱝᱞᱟᱫᱮᱥᱤ ᱮᱠᱴᱚᱨ ᱤᱱᱛᱮᱠᱷᱟᱵᱽ ᱫᱤᱱᱦᱟᱨ ᱥᱟᱶ ᱛᱮᱭᱮ ᱵᱟᱯᱞᱟ ᱞᱮᱱᱟ ᱟᱨ ᱱᱤᱛ ᱦᱟᱹᱵᱤᱡ ᱛᱮ ᱡᱩᱨᱤ ᱡᱤᱛᱟᱹ ᱡᱤᱭᱚᱱ ᱱᱟᱭ ᱱᱟᱯᱟᱭ ᱛᱮ ᱜᱮ ᱪᱟᱞᱟᱜ ᱠᱟᱱ ᱛᱟᱠᱤᱱᱟᱹ|
ᱵᱤᱡᱚᱨᱤ ᱵᱟᱨᱠᱟᱛᱩᱞᱞᱟ ᱨᱮᱱ ᱢᱟᱲᱟᱝᱤᱡ ᱡᱟᱶᱟᱭ, ᱢᱮᱛᱟᱜ ᱢᱮ ᱥᱳᱣᱠᱚᱛ ᱟᱞᱤ ᱮᱢᱚᱱ ᱥᱟᱶ ᱢᱤᱫᱴᱮᱱ ᱠᱩᱲᱤ ᱜᱤᱫᱽᱨᱟᱹᱭ ᱢᱮᱱᱟᱭᱟ| ᱩᱱᱤ ᱭᱟᱜ ᱧᱩᱛᱩᱢ ᱫᱚ ᱩᱨᱵᱚᱱᱟ ᱥᱳᱣᱠᱳᱛ|
ᱴᱤᱞᱤᱵᱷᱤᱡᱚᱱ ᱜᱟᱭᱟᱱ ᱛᱟᱹᱞᱠᱟᱹ ᱥᱟᱯᱲᱟᱣ
| ᱥᱮᱨᱢᱟ | ᱴᱤᱞᱤᱵᱷᱤᱡᱚᱱ ᱜᱟᱭᱟᱱ | ᱪᱟᱹᱨᱤᱛ ᱧᱩᱛᱩᱢ | ᱫᱤᱥᱟᱹ ᱩᱫᱩᱜᱤᱡ | |
|---|---|---|---|---|
| ᱒᱐᱑᱔ | ᱡᱚᱱᱰᱤᱥ[᱗] | ᱚᱱᱤᱨᱩᱫᱫᱷᱩ ᱨᱟᱥᱮᱞ | ||
| ᱚᱛᱤᱠᱚᱠᱨᱚᱢ[᱗] | ᱥᱚᱭᱚᱫᱽ ᱥᱟᱠᱤᱞ | |||
| ᱒᱐᱑᱓ | ᱠᱟᱞᱟᱱᱛᱚᱨ[᱗] | ᱥᱳᱣᱢᱚ ᱱᱚᱡᱽᱨᱩᱞ | ||
| ᱵᱟᱛᱤ ᱜᱷᱚᱨ[᱗] | ᱥᱳᱣᱢᱚ ᱱᱚᱡᱽᱨᱩᱞ | |||
| ᱪᱚᱨ ᱠᱟᱴᱟ[᱗][᱘] | ᱚᱢᱞᱟᱱ ᱵᱤᱥᱥᱟᱥ | |||
| ᱠᱚᱨᱯᱚᱨᱮᱴ[᱘] | ᱛᱩᱦᱤᱱ ᱚᱵᱚᱱᱛᱚ | |||
| ᱒᱐᱑᱐ | ᱵᱤᱥᱥᱟᱥ[᱙] | |||
| ᱑᱙᱙᱐ | ᱠᱚᱛᱷᱟᱣ ᱠᱮᱣ ᱱᱮᱭ | ᱢᱚᱦᱚᱢᱢᱚᱫᱽ ᱵᱚᱨᱠᱟᱛᱩᱞᱞᱟ | ||
| ᱑᱙᱘᱘ | ᱥᱩᱠᱷᱮᱨ ᱪᱷᱟᱲ ᱯᱟᱛᱨᱚ | ᱢᱚᱦᱚᱢᱢᱚᱫᱽ ᱵᱚᱨᱠᱟᱛᱩᱞᱞᱟ |
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ "মায়ের কাছেই বেশ আছি: বিজরী" ["Happy living with mom : Bijori] (in Bengali). Prothom Alo. 2013-01-08. Archived from the original on 2013-01-11. Retrieved 2013-01-08.
- ↑ "Bjiori still fresh on tv". The Daily Star (in ᱟᱝᱜᱽᱨᱮᱡᱤ). 2014-08-23. Retrieved 2017-12-13.
- ↑ "Bijori". thedailystar.net. Retrieved 23 June 2019.
- ↑ "Style Icon - Bijori Barkatullah". The Daily Star (in ᱟᱝᱜᱽᱨᱮᱡᱤ). 2015-12-05. Retrieved 2017-12-13.
- ↑ Tanjila Haq (2010-10-25). "I have lost my interest in serials : Bijori Barkatullah". Daily Sun. Archived from the original on 2013-03-15. Retrieved 2013-01-08.
- ↑ "BIJORI: A powerhouse on the small screen". The Daily Star. 2014-01-22.
- ↑ ᱗.᱐ ᱗.᱑ ᱗.᱒ ᱗.᱓ ᱗.᱔ ᱪᱷᱟᱸᱪ:সংবাদ উদ্ধৃতিᱪᱷᱟᱸᱪ:অকার্যকর সংযোগ ᱛᱩᱢᱟᱹᱞ ᱦᱩᱲᱟᱹᱜ:Invalid
<ref>tag; name "Ruposhi" defined multiple times with different content - ↑ ᱘.᱐ ᱘.᱑ ᱪᱷᱟᱸᱪ:সংবাদ উদ্ধৃতি
- ↑ http://onlyfilmy.com/bijori-barkatullah-biography-biodata-profile/
ᱵᱟᱨᱦᱮ ᱡᱚᱱᱚᱲ ᱥᱟᱯᱲᱟᱣ
| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱵᱤᱡᱚᱨᱤ ᱵᱟᱨᱠᱟᱛᱩᱞᱞᱟ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
- ᱵᱤᱡᱚᱨᱤ ᱵᱟᱨᱠᱟᱛᱩᱞᱞᱟ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)