ᱵᱤᱡᱚᱭ ᱢᱚᱦᱟᱱᱛᱤ
ᱵᱤᱡᱚᱭ ᱢᱚᱦᱟᱱᱛᱤ (* ᱘ ᱮᱯᱨᱤᱞ ᱑᱙᱕᱐ - ᱒᱐ ᱡᱩᱞᱟᱭ ᱒᱐᱒᱐) ᱫᱚ ᱢᱤᱫ ᱩᱰᱤᱭᱟᱹ ᱯᱷᱤᱞᱤᱢ ᱵᱟᱰᱚᱦᱤ , ᱫᱤᱥᱟᱹ ᱩᱫᱩᱜᱤᱡ ᱟᱨ ᱠᱷᱮᱞᱚᱸᱰᱤᱭᱟ. ᱠᱟᱱ ᱛᱟᱦᱮᱸᱫ ᱮ ᱾ [᱑] ᱟᱡ ᱪᱩᱨᱤᱛ ᱵᱟᱰᱚᱦᱤ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱰᱤᱸᱜᱚᱨ ᱵᱟᱰᱚᱦᱤ, ᱵᱤᱞᱤᱭᱟᱱ, ᱦᱤᱨᱳ ᱮᱢᱟᱱ ᱨᱩᱞ ᱮ ᱠᱚᱨᱟᱣ ᱟᱠᱟᱫ-ᱟ ᱾ ।[᱒] ᱑᱙᱗᱗ ᱥᱟᱞ ᱨᱮ ᱵᱤᱡᱚᱭ ᱢᱚᱦᱟᱱᱛᱤ ᱫᱚ ᱪᱤᱞᱤᱠᱟ ᱛᱤᱨᱮ ᱯᱷᱤᱞᱢ ᱨᱮᱱᱟᱜ ᱢᱤᱫ ᱦᱩᱰᱤᱧ ᱨᱩᱞ ᱨᱮ ᱯᱟᱴ ᱞᱮᱫ-ᱟ , ᱡᱟᱦᱟᱸ ᱫᱚ ᱟᱡᱟᱜ ᱡᱤᱵᱚᱱ ᱨᱮᱱᱟᱜ ᱯᱩᱭᱞᱩ ᱯᱷᱤᱞᱢ ᱠᱟᱱᱟ ᱾ [᱓] ᱒᱐᱑᱔ ᱥᱟᱞ ᱨᱮ ᱵᱷᱩᱵᱚᱱᱮᱥᱣᱚᱨ ᱨᱮᱱᱟᱜ ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱢᱟᱰᱮᱨ ᱠᱚᱸᱜᱽᱨᱮᱥ ᱫᱚᱲ ᱠᱷᱚᱱ ᱦᱮᱯᱨᱟᱣ ᱨᱮ ᱟᱬᱜᱚ ᱞᱮᱱᱟᱭ ᱾[᱔]
| ᱵᱤᱡᱚᱭ ᱢᱚᱦᱟᱱᱛᱤ | |
|---|---|
 ᱵᱷᱩᱵᱚᱱᱮᱥᱣᱚᱨ ᱨᱮ ᱵᱤᱡᱚᱭ ᱢᱚᱦᱟᱱᱛᱤ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱘ ᱮᱯᱨᱤᱞ ᱑᱙᱕᱐ |
| ᱜᱩᱨ | ᱒᱐/᱐᱗/᱒᱐᱒᱐ ᱵᱷᱩᱵᱚᱱᱮᱥᱣᱚᱨ |
| ᱜᱩᱨ ᱨᱮᱱᱟᱜ ᱚᱡᱮ | ᱨᱩᱣᱟᱹ |
| ᱠᱟᱹᱢᱤ | ᱯᱷᱤᱞᱤᱢ ᱵᱟᱰᱚᱦᱤ |
| ᱠᱟᱹᱢᱤ ᱚᱠᱛᱚ | ᱑᱙᱗᱗-᱒᱐᱒᱐ |
| ᱡᱤᱭᱚᱱ ᱥᱚᱦᱮᱫ | ᱛᱚᱱᱫᱽᱨᱟ ᱨᱟᱭ |
| ᱥᱤᱨᱯᱷᱟᱹ | ᱡᱚᱭᱫᱮᱵᱽ ᱥᱤᱨᱯᱟᱹ, ᱳᱰᱤᱥᱟ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱯᱩᱨᱚᱥᱠᱟᱨ (ᱠᱷᱮᱞᱚᱸᱰ) |
| ᱣᱮᱵᱽᱥᱟᱭᱤᱴ | www |
ᱜᱤᱫᱽᱨᱟᱹ ᱚᱠᱛᱚ ᱟᱨ ᱚᱞᱚᱜ ᱯᱟᱲᱦᱟᱣ ᱥᱟᱯᱲᱟᱣ
ᱵᱤᱡᱚᱭ ᱢᱚᱦᱟᱱᱛᱤ ᱑᱙᱕᱐ ᱥᱟᱞ ᱮᱯᱨᱤᱞ ᱘ ᱨᱮ ᱳᱰᱤᱥᱟ ᱯᱚᱱᱚᱛᱚ ᱨᱮᱱᱟᱜ ᱠᱮᱱᱫᱽᱨᱟᱯᱚᱰᱟ ᱦᱚᱱᱚᱛ ᱨᱮᱱᱟᱜ ᱯᱟᱱᱰᱤᱨᱤ ᱟᱹᱛᱩ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡ ᱵᱟᱵᱟ ᱵᱟᱨᱤᱯᱚᱫᱟ ᱨᱮ ᱪᱟᱹᱠᱨᱤ ᱞᱮᱫ ᱠᱷᱟᱹᱛᱤᱨ ᱚᱱᱰᱮ ᱜᱮ ᱟᱡᱟᱜ ᱚᱞᱚᱜ ᱯᱟᱲᱦᱟᱣ ᱮᱛᱚᱦᱚᱵ ᱞᱮᱱᱟ ᱾ ᱵᱟᱨᱤᱯᱚᱫᱟ ᱨᱮᱱᱟᱜ ᱢᱚᱦᱟᱨᱟᱡᱟ ᱠᱨᱩᱥᱱᱚ ᱪᱚᱸᱫᱽᱨᱚ ᱵᱤᱨᱫᱟᱹᱜᱟᱲ ᱨᱮ ᱜᱮᱞ ᱪᱟᱱᱚᱪ ᱯᱟᱲᱦᱟᱣ ᱚᱠᱛᱚᱨᱮ ᱟᱡ ᱯᱩᱭᱞᱩ ᱫᱷᱟᱣ ᱟᱥᱲᱟ ᱨᱮᱱᱟᱜ ᱥᱮᱨᱢᱟᱠᱤᱭᱟᱹ ᱯᱟᱨᱟᱵᱽ ᱨᱮ ᱢᱤᱫ ᱨᱩᱞ ᱨᱮ ᱯᱟᱴ ᱞᱮᱫ-ᱟ ᱾ ᱢᱮᱴᱨᱤᱠ ᱯᱟᱥ ᱠᱮᱫ ᱛᱟᱭᱚᱢ ᱟᱡ ᱯᱚᱱᱚᱛ ᱯᱚᱨᱤᱵᱚᱦᱚᱱ ᱪᱟᱸᱜᱟ ᱨᱮ ᱪᱟᱹᱠᱨᱤ ᱠᱟᱱ ᱛᱟᱦᱮᱸᱫ ᱾ ᱪᱟᱹᱠᱨᱤ ᱥᱟᱶ ᱟᱡ ᱢᱚᱦᱟᱨᱟᱡᱟ ᱯᱩᱨᱱᱚᱪᱚᱱᱫᱽᱨᱚ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱨᱮ ᱚᱞᱚᱜ ᱠᱟᱱ ᱛᱟᱦᱮᱸᱫ ᱾ ᱯᱩᱭᱞᱩ ᱥᱮᱨᱢᱟ ᱠᱚᱞᱮᱡᱨᱮ ᱟᱡᱟᱜ ᱯᱟᱴ ᱠᱷᱟᱹᱛᱤᱨ ᱥᱚᱨᱮᱥ ᱵᱟᱰᱚᱦᱤ ᱥᱤᱨᱯᱟᱹᱭ ᱧᱟᱢ ᱞᱮᱫ-ᱟ ᱾ ᱞᱮᱛᱟᱲ ᱞᱮᱛᱟᱲ ᱱᱟᱯᱟᱭ ᱯᱟᱴ ᱛᱮ ᱥᱤᱫ ᱤᱫᱤᱠᱮᱫᱟᱭ ᱾ ᱡᱚᱴᱟᱣ ᱠᱚ ᱥᱟᱶ ᱢᱮᱥᱟ ᱠᱟᱛᱮᱫ ᱟᱡ "ᱡᱩᱜᱮᱪᱷᱟ ᱱᱟᱴᱭᱚ ᱥᱚᱸᱥᱛᱷᱟ " ᱧᱩᱛᱩᱢ ᱢᱤᱫ ᱜᱟᱶᱛᱟᱭ ᱵᱮᱨᱮᱫ ᱞᱮᱫ-ᱟ ᱟᱨ ᱟᱹᱰᱤᱜᱟᱱ ᱠᱷᱮᱞᱚᱸᱰ ᱨᱮᱱᱟᱜ ᱟᱠᱷᱲᱟᱭ ᱥᱟᱡᱟᱣ ᱞᱮᱫ-ᱟ ᱾ ᱯᱟᱴ ᱨᱮ ᱟᱨ ᱦᱚᱸ ᱞᱟᱦᱟ ᱞᱟᱹᱜᱤᱫ ᱟᱡ ᱫᱤᱞᱞᱤ ᱨᱮᱱᱟᱜ ᱱᱮᱥᱱᱟᱞ ᱥᱠᱩᱞ ᱚᱯᱷ ᱰᱨᱟᱢᱟ ᱨᱮ ᱵᱷᱩᱨᱛᱤ ᱮᱱᱟᱭ ,ᱚᱱᱰᱮ ᱥᱠᱚᱞᱟᱨᱥᱤᱯ ᱦᱚᱸᱭ ᱧᱟᱢ ᱠᱮᱫ-ᱟ ᱾
ᱠᱟᱛᱷᱟ ᱪᱤᱛᱟᱹᱨ ᱨᱮᱱᱟᱜ ᱡᱤᱭᱚᱱ ᱥᱟᱯᱲᱟᱣ
ᱱᱮᱥᱱᱟᱞ ᱥᱠᱩᱞ ᱚᱯᱷ ᱰᱨᱟᱢᱟ,ᱱᱟᱣᱫᱤᱞᱤ ᱨᱮ ᱵᱤᱡᱚᱭ ᱢᱚᱦᱟᱱᱛᱤ ᱚᱞ ᱯᱟᱲᱦᱟᱣ ᱠᱮᱫ ᱛᱟᱭᱚᱢ , ᱑᱙᱗᱗ ᱥᱟᱞ ᱨᱮ ᱪᱤᱞᱤᱠᱟ ᱛᱤᱨᱮ ᱠᱟᱛᱷᱟ ᱪᱤᱛᱟᱹᱨ ᱨᱮ ᱟᱡ ᱟᱡᱟᱜ ᱵᱟᱰᱚᱦᱤ ᱡᱤᱭᱚᱱ ᱮ ᱮᱛᱚᱦᱚᱵ ᱞᱮᱫ-ᱟ ᱟᱨ ᱡᱤᱭᱚᱱ ᱨᱮ ᱑᱙᱐ ᱠᱷᱚᱱ ᱡᱟᱹᱥᱛᱤ ᱩᱰᱤᱭᱟ ᱥᱤᱱᱮᱢᱟ ᱨᱮ ᱨᱩᱞ ᱥᱟᱶ ᱢᱤᱫᱴᱟᱝ ᱯᱷᱤᱞᱤᱢ ᱨᱮ ᱫᱤᱥᱟᱹ ᱩᱫᱩᱜ ᱠᱟᱹᱢᱤ ᱦᱚᱨᱟ ᱦᱚᱸᱭ ᱥᱟᱹᱛ ᱞᱮᱫ-ᱟ ᱾
ᱱᱮᱥᱱᱟᱞ ᱥᱠᱩᱞ ᱚᱯᱷ ᱰᱨᱟᱢᱟ ᱨᱮ ᱯᱟᱲᱦᱟᱣᱠᱟᱱ ᱚᱠᱛᱚᱨᱮ ᱵᱚᱥᱚᱱᱛᱚ ᱢᱚᱦᱟᱯᱟᱛᱨᱚ ᱦᱟᱜ ᱦᱚᱦᱚᱜ ᱛᱮ "ᱥᱚᱸᱠᱚᱲᱯᱚ" ᱠᱟᱛᱷᱟ ᱪᱤᱛᱟᱹᱨ ᱨᱮ ᱯᱟᱨᱴ ᱞᱟᱹᱜᱤᱫ ᱠᱚᱴᱚᱠ ᱮ ᱦᱮᱡ ᱥᱮᱴᱮᱨ ᱞᱮᱱᱟ ᱾ ᱤᱠᱷᱟᱹᱱ ᱚᱱᱟ ᱠᱟᱛᱷᱟ ᱪᱤᱛᱟᱹᱨ ᱵᱟᱝ ᱥᱟᱹᱛ ᱞᱮᱱ ᱛᱟᱦᱮᱸᱫ ᱾ ᱑᱙᱗᱗ ᱥᱟᱞᱨᱮ ᱩᱛᱠᱚᱲᱚ ᱥᱚᱸᱜᱤᱛᱚ ᱢᱚᱦᱟᱵᱤᱫᱽᱭᱟᱲᱚᱭᱚ ᱨᱮ ᱯᱨᱚᱯᱷᱮᱥᱚᱨ ᱞᱮᱠᱟᱛᱮ ᱵᱟᱦᱟᱞ ᱞᱮᱱᱟᱭ ᱾ ᱚᱱᱟ ᱥᱮᱨᱢᱟ ᱜᱮ ᱵᱤᱯᱲᱚᱵᱽᱨᱟᱭ ᱪᱚᱣᱫᱷᱩᱨᱤ ᱦᱟᱜ ᱫᱤᱥᱟᱹᱩᱫᱩᱜ ᱛᱮ ᱥᱟᱯᱲᱟᱣ ᱞᱮᱱ ᱠᱟᱛᱷᱟ ᱪᱤᱛᱟᱹᱨ "ᱪᱤᱞᱤᱠᱟ ᱛᱤᱨᱮ" ᱨᱮ ᱯᱟᱴ ᱞᱮᱫᱟᱭ ᱾ ᱪᱤᱞᱤᱠᱟ ᱛᱤᱨᱮ ᱟᱡ ᱯᱩᱨᱞᱭ ᱯᱟᱨᱴ ᱟᱠᱟᱫ ᱨᱮᱦᱚᱸ ᱱᱟᱜᱚ ᱯᱷᱟᱥᱚ ᱯᱩᱭᱞᱩ ᱨᱤᱞᱤᱡᱽ ᱞᱮᱱᱟ ᱾ ᱱᱟᱜᱚ ᱯᱷᱟᱥᱚ ᱨᱮ ᱟᱡᱟᱜ ᱵᱤᱞᱤᱭᱟᱱ ᱨᱩᱞ ᱠᱷᱟᱹᱛᱤᱨ ᱟᱹᱰᱤᱜᱟᱱ ᱠᱟᱹᱢᱤ ᱧᱟᱢ ᱞᱮᱫᱟᱭ ᱾ ᱑᱙᱘᱓ ᱨᱮ ᱠᱟᱵᱮᱨᱤ ᱠᱟᱛᱷᱟ ᱪᱤᱛᱟᱹᱨ ᱨᱮ ᱥᱚᱨᱮᱥᱟᱱ ᱨᱩᱞ ᱨᱮ ᱯᱟᱴ ᱞᱮᱫᱟᱭ ᱾[᱕] ᱚᱱᱟ ᱛᱟᱭᱚᱢ ᱟᱹᱰᱤᱜᱟᱱ ᱠᱟᱛᱷᱟ ᱪᱤᱛᱟᱹᱨ ᱨᱮᱦᱚᱸ ᱟᱹᱰᱤ ᱞᱮᱠᱟᱱ ᱨᱩᱞ ᱯᱟᱴ ᱟᱛᱮᱫ ᱟᱡᱟᱜ ᱵᱟᱰᱚᱦᱤ ᱜᱩᱱ ᱮ ᱥᱚᱫᱚᱨ ᱞᱮᱫ-ᱟ ᱾ ᱑᱙᱘᱗ ᱥᱟᱞ ᱨᱮ ᱟᱡ ᱵᱷᱩᱞᱤ ᱦᱩᱭᱮᱱᱟ ᱠᱟᱛᱷᱟ ᱪᱤᱛᱟᱹᱨ ᱛᱩᱞᱩᱡ ᱫᱤᱥᱟᱹ ᱩᱫᱩᱜ ᱠᱟᱹᱢᱤᱦᱚᱨᱟᱭ ᱥᱟᱵ ᱞᱮᱫ-ᱟ [᱕] ᱤᱠᱷᱟᱹᱱ ᱚᱱᱟ ᱠᱟᱹᱢᱤ ᱵᱟᱝ ᱜᱟᱱ ᱞᱮᱱ ᱛᱟᱭᱟ ᱾ ᱫᱩᱨᱚᱫᱚᱨᱥᱚᱱ ᱨᱮᱱᱟᱜ ᱟᱹᱰᱤᱜᱟᱱ ᱠᱷᱮᱞᱚᱸᱰ ᱨᱮᱦᱚᱸ ᱟᱡ-ᱮ ᱯᱟᱴ ᱟᱠᱟᱫ ᱛᱟᱦᱮᱸᱫ ᱾
ᱨᱟᱡᱽᱟᱹᱨᱤ ᱡᱤᱭᱚᱱ ᱥᱟᱯᱲᱟᱣ
᱒᱐᱑᱔ ᱥᱟᱞ ᱨᱮ ,ᱵᱤᱡᱚᱭ ᱢᱚᱦᱟᱱᱛᱤ ᱠᱚᱸᱜᱽᱨᱮᱥ ᱫᱚᱲ ᱨᱮ ᱥᱮᱞᱮᱫ ᱮᱱᱟᱭ ᱟᱨ ᱵᱷᱩᱵᱚᱱᱮᱥᱣᱚᱨ ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱢᱟᱰᱮᱨ ᱠᱷᱚᱱ ᱦᱮᱯᱨᱟᱣ ᱨᱮ ᱟᱬᱜᱚ ᱞᱮᱱᱟᱭ ᱾ ᱱᱚᱣᱟ ᱵᱟᱪᱷᱟᱱ ᱨᱮ ᱟᱡ ᱮ ᱯᱟᱹᱰᱩ ᱮᱱᱟ , ᱛᱤᱱᱟᱹᱜ ᱫᱤᱱ ᱛᱟᱭᱚᱢ ᱟᱡ ᱠᱚᱸᱜᱨᱮᱥ ᱫᱚᱲ ᱠᱷᱚᱱ ᱤᱥᱛᱚᱯᱷᱟᱭ ᱮᱢ ᱠᱟᱛᱮᱫ ᱨᱟᱡᱽᱟᱹᱨᱤ ᱠᱷᱚᱱ ᱥᱟᱦᱟᱭ ᱛᱟᱦᱮᱸ ᱮᱱᱟ ᱾[᱖][᱗]
ᱜᱷᱟᱨᱚᱸᱡᱽ ᱥᱟᱯᱲᱟᱣ
ᱟᱡ ᱯᱷᱤᱞᱤᱢ ᱵᱟᱰᱚᱦᱤ ᱛᱚᱸᱫᱽᱨᱟ ᱨᱟᱭ ᱥᱟᱶ ᱮ ᱵᱟᱯᱨᱞᱟ ᱞᱮᱱ ᱛᱟᱦᱮᱸᱫ, ᱟᱹᱠᱤᱱ ᱨᱤᱱ ᱢᱤᱫᱴᱟᱝ ᱦᱚᱯᱚᱱ ᱮᱨᱟ ᱢᱮᱱᱟᱭᱟ ᱾
ᱜᱩᱨ ᱥᱟᱯᱲᱟᱣ
᱒᱐ ᱡᱩᱞᱟᱭ ᱒᱐᱒᱐ ᱨᱮ ᱵᱷᱩᱵᱚᱱᱮᱥᱣᱚᱨ ᱨᱮᱱᱟᱜ ᱢᱤᱫ ᱯᱨᱟᱭᱵᱷᱮᱴ ᱫᱟᱠᱛᱚᱨ ᱠᱷᱟᱱᱟ ᱨᱮ ᱵᱤᱡᱚᱭ ᱢᱚᱦᱟᱱᱛᱤ ᱗᱐ ᱥᱟᱞ ᱩᱢᱮᱨ ᱨᱮ ᱦᱚᱲᱢᱚ ᱨᱩᱣᱟᱹ ᱟᱨ ᱚᱥᱩᱠ ᱠᱷᱟᱹᱛᱤᱨ ᱵᱚᱸᱜᱟ ᱛᱟᱞᱟ ᱮᱱᱟᱭ ᱾ [᱘]
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ P.Ram (1 December 2014). Life in India. AnVi. pp. 163–. GGKEY:43NZKK4BRBF.[permanent dead link]
- ↑ "ଷ୍ଟାଇଲ ମାଷ୍ଟର ବିଜୟ" (PDF). ନିତିଦିନ. 8 April 2018. Retrieved 30 August 2018.[permanent dead link]
- ↑ "ପୁନରୁଦ୍ଧାର ହେବ 'ଅଭିମାନ'". Sambad (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2018-09-15. Retrieved 2019-08-18.
- ↑ http://www.telegraphindia.com/1140328/jsp/odisha/story_18126885.jsp#.VlbfQl4wDSg
- ↑ ᱕.᱐ ᱕.᱑ Orissa reference: glimpses of Orissa. TechnoCAD Systems. 2001.
- ↑ "Odia film star Bijay Mohanty joins Congress". Zee News. 27 February 2014. Retrieved 29 August 2015.
- ↑ Special Correspondent (28 February 2014). "Actor Bijay Mohanty joins Congress". The Hindu. Retrieved 29 August 2015.
- ↑ https://www.dharitri.com/veteran-odia-actor-bijay-mohanty-passed-away/
ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ
- ᱵᱤᱡᱚᱭ ᱢᱚᱦᱟᱱᱛᱤ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)