ᱵᱮᱵᱷᱟᱨᱤᱭᱟᱹ:Fagu Baskey/sandbox/ᱨᱮᱸᱜᱮᱡ ᱜᱩᱛᱤ

ᱨᱮᱸᱜᱮᱡ ᱜᱩᱛᱤᱭᱟᱜ ᱠᱟᱹᱦᱤᱸᱥ ᱟᱲᱟᱝ


ᱚᱱᱠᱟᱱ ᱚᱲᱟᱜ ᱨᱮ ᱜᱩᱛᱤᱧ ᱛᱟᱦᱮᱸ ᱠᱟᱱ ᱚᱱᱠᱟᱱ ᱠᱩᱲᱤ ᱜᱮ ᱚᱱᱰᱮ ᱛᱟᱦᱮᱸ ᱠᱟᱱ ᱾

ᱛᱤᱥ ᱦᱚᱸ ᱚᱠᱟ ᱡᱩᱜᱽ ᱨᱮ ᱯᱟᱞᱮ ᱛᱚᱠᱚᱭ ᱦᱚᱸ ᱯᱟᱹᱪᱩᱜ ᱠᱚᱣᱟ ᱨᱮ ᱾

ᱜᱩᱯᱤ ᱜᱩᱛᱤ ᱦᱚᱲ ᱠᱟᱱ ᱨᱮᱦᱚᱸᱧ ᱜᱟᱹᱦᱤᱸᱨ ᱚᱱᱛᱚᱨ ᱠᱷᱚᱱ ᱮ ᱫᱩᱞᱟᱹᱲ ᱞᱮᱫᱤᱧ ᱾

ᱞᱟᱹᱭ ᱛᱮ ᱟᱡᱟᱜ ᱨᱩᱯ ᱵᱟᱝ ᱪᱟᱵᱟᱜ ᱞᱟᱹᱭ ᱞᱟᱜᱟᱱ ᱟᱹᱲᱟᱹ ᱵᱟᱝ ᱧᱟᱢᱚᱜ ᱾

ᱟᱯᱱᱟᱨ ᱫᱚ ᱦᱮᱱᱫᱮ ᱩᱨᱩ ᱠᱷᱟᱱ ᱦᱩᱱᱟᱹᱝ ᱟᱡ ᱫᱚ ᱪᱚᱨᱚᱠ ᱯᱤᱯᱤᱲᱡᱟᱝ ᱾

ᱠᱷᱟᱹᱞᱤ ᱨᱩᱯ ᱥᱩᱢᱩᱝ ᱫᱚ ᱯᱟᱹᱪᱩᱜ ᱛᱟᱭ ᱠᱚᱱᱚᱰᱤᱭᱟᱹ ᱜᱩᱱ ᱦᱚᱸ ᱵᱟᱭ ᱚᱞ ᱪᱟᱵᱟᱭ ᱾

ᱡᱟᱦᱟᱸᱭ ᱟᱜ ᱱᱩᱱᱟᱹᱝ ᱨᱩᱯ ᱛᱟᱭ ᱡᱟᱦᱟᱸᱭ ᱟᱜ ᱱᱩᱱᱟᱝ ᱜᱩᱱ ᱛᱟᱭ ᱾

ᱢᱟᱹᱱᱢᱤ ᱡᱟᱹᱛ ᱨᱮᱱᱤᱡ ᱪᱚᱨᱚᱠ ᱠᱩᱲᱤ ᱢᱤᱨᱛᱤᱠᱟ ᱨᱮᱱᱤᱡ ᱥᱚᱨᱮᱥ ᱠᱩᱲᱩᱤ ᱾

ᱤᱧ ᱞᱮᱠᱟᱱ ᱞᱮᱞᱦᱟᱭ ᱫᱩᱞᱟᱹᱲ ᱠᱮᱫᱤᱧ ᱤᱧᱟᱜ ᱫᱚ ᱪᱮᱫ ᱢᱮᱱᱟᱜ ᱛᱤᱧ ᱾

ᱥᱟᱹᱨᱤ ᱜᱮ ᱡᱩᱫᱤ ᱫᱩᱞᱟᱹᱲ ᱟᱠᱟᱫᱤᱧ ᱥᱮᱵᱟᱭᱟᱹᱧ ᱟᱡᱟᱜ ᱛᱷᱚᱯᱟ ᱨᱮᱦᱚᱸ ᱾

ᱦᱩᱭᱩᱜ ᱟᱹᱧ ᱟᱡᱤᱡ ᱫᱟᱥ ᱨᱮᱦᱚᱸ ᱦᱟᱭ ᱨᱮ ᱱᱤᱱᱟᱹᱜ ᱦᱚᱸ ᱵᱟᱹᱧ ᱦᱩᱭ ᱠᱮᱭᱟ ᱪᱮ ?

ᱨᱟᱡᱽᱢᱟᱹᱱᱤ ᱩᱱᱤ ᱞᱩᱜᱩᱵ ᱟᱴᱮᱫ ᱪᱮᱛᱟᱱ ᱨᱮᱱᱤᱡ ᱨᱮᱭᱟᱲ ᱫᱚᱞᱟᱱ ᱞᱟᱛᱟᱨ ᱨᱮᱱᱤᱡ ᱾

ᱪᱮᱛᱮ ᱨᱮᱦᱚᱸ ᱦᱟᱨᱠᱮᱛ ᱜᱮ ᱵᱟᱹᱱᱩᱜ ᱟᱱ ᱪᱮᱛᱮ ᱨᱮᱦᱚᱸ ᱟᱱᱟᱴ ᱜᱮ ᱵᱟᱹᱱᱩᱜ ᱟᱱ ᱾

ᱫᱟᱹᱥᱤᱭᱟᱜ ᱫᱤᱞᱚᱝ ᱜᱮ ᱟᱹᱰᱤ ᱫᱟᱢᱟᱱ ᱫᱟᱢᱟᱱ ᱟᱡᱟᱜ ᱫᱤᱞᱚᱝ ᱫᱚ ᱛᱤᱱᱟᱹᱝ ᱪᱚ?

ᱮ ᱦᱮᱱᱫᱮ ᱨᱤᱢᱤᱞ ᱨᱟᱭᱵᱟᱨᱚᱜ ᱢᱮᱥᱮ ᱮᱱᱛᱮ ᱟᱠᱚ ᱥᱮᱫ ᱛᱤᱥᱮᱢ ᱥᱮᱱᱚᱜ ᱡᱷᱚᱜ ᱾

ᱯᱟᱠᱟ ᱫᱚᱞᱟᱱ ᱨᱮ ᱟᱡ ᱮ ᱫᱩᱲᱩᱵ ᱠᱚᱜ ᱡᱷᱚᱜ ᱯᱟᱨᱦᱟᱲ ᱠᱟᱛᱮ ᱞᱟᱹᱭ ᱟᱭ ᱢᱮ ᱥᱟᱸᱫᱮᱥ ᱤᱧᱟᱜ ᱾

ᱰᱷᱟᱠᱟ ᱚᱰᱚᱠ ᱟᱠᱟᱫᱤᱧ ᱨᱮᱦᱚᱸ ᱠᱚ ᱰᱟᱹᱨᱤ ᱢᱮᱨᱚᱢ ᱵᱟᱹᱧ ᱦᱤᱲᱤᱧ ᱟᱠᱟᱫ ᱠᱚ ᱾

ᱱᱟᱪᱟᱨ ᱱᱤᱫᱷᱟᱹᱱ ᱨᱮᱦᱚᱸᱧ ᱤᱧ; ᱵᱟᱹᱧ- ᱱᱤᱫᱷᱟᱹᱱ ᱫᱩᱞᱟᱹᱲ ᱛᱮᱫᱚ ᱤᱧ ᱾

ᱴᱷᱮᱞᱟᱣ ᱚᱰᱚᱠ ᱟᱠᱟᱫᱤᱧ ᱨᱮᱦᱚᱸ ᱠᱚ ᱴᱟᱨᱦᱟᱣ ᱟᱠᱟᱱ ᱢᱚᱱ ᱫᱚ ᱚᱱᱰᱮ ᱜᱮ ᱾

ᱵᱟᱦᱮᱨ ᱟᱠᱟᱫᱤᱧ ᱨᱮᱦᱚᱸ ᱠᱚ ᱫᱚᱞᱟᱱ ᱠᱷᱚᱱ ᱵᱟᱹᱧ ᱦᱤᱲᱤᱧ ᱟᱠᱟᱫᱮ ᱢᱚᱱᱮ ᱠᱷᱚᱱ ᱾᱾