ᱵᱮᱵᱷᱟᱨᱤᱭᱟᱹ:Fagu Baskey/sandbox/ᱫᱨᱚᱣᱯᱚᱫᱤ
ᱦᱟᱹᱞᱤ ᱜᱮ ᱮᱱ ᱰᱤ ᱮ ᱯᱟᱦᱴᱟ ᱠᱷᱚᱱᱟᱜ ᱫᱤᱥᱚᱢ ᱜᱚᱢᱠᱮ ᱵᱟᱪᱷᱚᱱ ᱞᱟᱹᱜᱤᱫ ᱫᱨᱚᱣᱯᱚᱫᱤ ᱢᱩᱨᱢᱩ ᱠᱚ ᱛᱤᱸᱜᱩ ᱟᱠᱟᱫᱮᱭᱟ ᱾ ᱩᱱᱤᱭᱟᱜ ᱧᱩᱛᱩᱢ ᱨᱟᱠᱟᱵ ᱮᱱ ᱥᱟᱶᱛᱮ ᱜᱮ ᱜᱟᱞᱚᱪ, ᱚᱠᱛᱟ ᱠᱚᱦᱚᱸ ᱮᱦᱚᱵ ᱜᱚᱫ ᱟᱠᱟᱱᱟ ᱾ ᱫᱨᱚᱣᱯᱚᱫᱤ ᱛᱤᱸᱜᱩ ᱠᱟᱛᱮ ᱮᱱ ᱰᱤ ᱮ ᱟᱜ ᱡᱩᱠᱛᱤ ᱫᱚ ᱦᱩᱭᱩᱜ ᱠᱟᱱᱟ ᱯᱷᱩᱨᱜᱟᱹᱞ ᱨᱮᱭᱟᱜ ᱗᱕ ᱥᱮᱨᱢᱟ ᱦᱩᱭᱮᱱ ᱨᱮᱦᱚᱸ ᱛᱮᱦᱮᱧ ᱦᱟᱹᱵᱤᱡ ᱟᱹᱫᱤᱵᱟᱹᱥᱤ ᱦᱚᱲ ᱫᱚ ᱱᱚᱝᱠᱟᱱ ᱪᱮᱛᱟᱱ ᱴᱷᱟᱶ ᱨᱮ ᱥᱮᱴᱮᱨᱚᱜ ᱨᱮᱭᱟᱜ ᱫᱟᱣ ᱵᱟᱠᱚ ᱧᱟᱢ ᱟᱠᱟᱫᱟ ᱾ ᱟᱞᱮ ᱫᱚ ᱯᱟᱹᱪᱷᱞᱟᱹ ᱟᱠᱟᱱ, ᱛᱟᱭᱚᱢ ᱟᱠᱟᱱ, ᱮᱲᱮ ᱚᱪᱚ ᱟᱠᱟᱱ ᱠᱷᱟᱥ ᱠᱟᱛᱮ ᱛᱤᱨᱞᱟᱹ ᱵᱟᱹᱲᱛᱤ ᱫᱟᱣ ᱞᱮ ᱮᱢᱟ ᱠᱚ ᱠᱟᱱᱟ ᱾
ᱮᱱ ᱰᱤ ᱮ ᱤᱡ ᱛᱤᱨᱞᱟᱹ ᱟᱨ ᱟᱹᱫᱤᱵᱟᱥᱤ ᱩᱢᱤᱫᱽᱵᱟᱨ ᱧᱮᱞ ᱛᱮ ᱵᱤᱨᱩᱫᱷᱤ ᱫᱚᱞ ᱦᱚᱸ ᱫᱤᱜᱽᱫᱷᱟᱹ ᱨᱮᱠᱚ ᱧᱩᱨ ᱜᱚᱫᱽ ᱟᱠᱟᱱᱟ ᱾ ᱵᱤ ᱡᱮ ᱯᱤ ᱤᱡ ᱡᱚᱛᱚ ᱠᱷᱚᱱᱟᱜ ᱢᱟᱨᱟᱝ ᱵᱤᱨᱩᱫᱷᱤ ᱢᱚᱢᱚᱛᱟ ᱵᱟᱱᱟᱨᱡᱤ ᱮ ᱞᱟᱹᱭ ᱟᱠᱟᱫᱟ, "ᱟᱞᱮ ᱢᱟᱬᱟᱝ ᱠᱷᱚᱱᱟᱜ ᱱᱚᱝᱠᱟ ᱞᱮ ᱵᱟᱰᱟᱭ ᱠᱟᱜ ᱠᱷᱟᱱ ᱦᱩᱱᱟᱹᱝ ᱟᱞᱮ ᱯᱟᱦᱴᱟ ᱠᱷᱚᱱ ᱠᱮᱱᱰᱤᱰᱮᱴ ᱵᱟᱞᱮ ᱛᱤᱸᱜᱩ ᱠᱮᱭᱟ ᱾" ᱡᱮ ᱮᱢ ᱮᱢ ᱦᱚᱸ ᱢᱚᱱᱮ ᱴᱷᱟᱹᱣᱠᱟᱹᱭ ᱞᱟᱹᱜᱤᱫ ᱟᱹᱰᱤ ᱫᱤᱱ ᱚᱠᱛᱚ ᱦᱟᱛᱟᱣ ᱛᱟᱭᱚᱢ ᱢᱩᱪᱟᱹᱫ ᱨᱮ ᱫᱨᱚᱣᱯᱚᱫᱤ ᱢᱩᱨᱢᱩ ᱥᱚᱦᱚᱫ ᱮ ᱞᱟᱹᱜᱤᱫ ᱯᱷᱟᱹᱭᱥᱟᱞᱟᱭ ᱦᱟᱛᱣ ᱠᱮᱫᱟ ᱾ ᱢᱩᱬ ᱠᱟᱛᱷᱟ ᱫᱚ ᱦᱩᱭᱩᱜ ᱠᱟᱱᱟ ᱮᱱ ᱰᱤ ᱮ ᱟᱜ ᱟᱹᱫᱤᱵᱟᱹᱥᱤ ᱟᱨ ᱛᱤᱨᱞᱟᱹ ᱠᱟᱰ ᱧᱮᱞ ᱛᱮ ᱵᱤᱨᱩᱫᱷᱤ ᱠᱚ ᱪᱤᱛᱯᱟᱴᱟᱝ ᱩᱛᱟᱹᱨ ᱟᱠᱟᱱᱟ ᱾ ᱱᱩᱭ ᱵᱩᱨᱩᱫᱷ ᱞᱮᱠᱷᱟᱱ ᱛᱤᱨᱞᱟᱹ ᱟᱨ ᱟᱹᱫᱤᱵᱟᱹᱥᱤ ᱠᱚ ᱟᱹᱲᱤᱥᱚᱜ-ᱟ ᱢᱮᱱᱛᱮ ᱵᱤᱨᱩᱫᱷᱤ ᱠᱚᱣᱟᱜ ᱵᱚᱛᱚᱨ ᱦᱚᱸ ᱛᱟᱦᱮᱸᱱ ᱠᱟᱱᱟ ᱾ ᱚᱱᱟᱛᱮ ᱵᱤ ᱡᱮ ᱯᱤ ᱠᱚ ᱵᱤᱨᱩᱫᱽ ᱟᱭ ᱫᱚᱞ ᱦᱚᱸ ᱫᱨᱚᱣᱯᱚᱫᱤ ᱥᱚᱦᱚᱫ ᱮ ᱞᱟᱹᱜᱤᱫ ᱠᱚ ᱴᱷᱟᱹᱣᱠᱟᱹ ᱟᱠᱟᱫ ᱟ ᱾ ᱱᱤᱛ ᱦᱟᱹᱵᱤᱡ ᱛᱮ ᱵᱤ ᱡᱮ ᱰᱤ, ᱵᱤ ᱮᱥ ᱯᱤ, ᱚᱠᱟᱲᱤ, ᱣᱟᱭ ᱮᱥ ᱟᱨ ᱥᱤ ᱯᱤ, ᱥᱤᱵᱚᱥᱮᱱᱟ, ᱮᱱ ᱮᱢ ᱮᱥ, ᱴᱤ ᱰᱤ ᱯᱤ ᱮᱢᱟᱱ ᱫᱚᱞ ᱫᱨᱚᱣᱯᱚᱫᱤ ᱥᱚᱦᱚᱫ ᱮ ᱞᱟᱹᱜᱤᱫ ᱠᱚ ᱜᱷᱚᱥᱬᱟ ᱟᱠᱟᱫᱟ ᱡᱟᱦᱟᱸ ᱨᱮᱭᱟᱜ ᱵᱷᱩᱴ ᱜᱚᱱᱚᱝ ᱫᱚ ᱛᱩᱨᱩᱭ ᱜᱮᱞ ᱥᱟᱭᱠᱚᱲᱟ ᱜᱟᱱ ᱦᱩᱭᱩᱜ ᱠᱟᱱᱟ ᱾ ᱱᱤᱛᱚᱜᱟᱜ ᱮᱞ ᱧᱮᱞ ᱞᱮᱠᱷᱟᱱ ᱫᱚ ᱥᱟᱯᱷᱟ ᱵᱟᱰᱟᱭᱚᱜ ᱠᱟᱱᱟ ᱡᱮ ᱫᱨᱚᱣᱯᱚᱫᱤ'ᱟᱜ ᱡᱤᱛᱠᱟᱹᱨ ᱫᱚ ᱴᱷᱟᱹᱣᱠᱟᱹ ᱜᱮᱭᱟ ᱾
ᱵᱮ-ᱨᱟᱡᱽᱱᱤᱛᱤ ᱦᱚᱲ ᱠᱷᱟᱥ ᱠᱟᱛᱮ ᱟᱹᱫᱤᱵᱟᱹᱥᱤ, ᱥᱟᱱᱛᱟᱲ ᱠᱚᱦᱚᱸ ᱟᱠᱚᱣᱟᱜ ᱢᱚᱱᱚᱛ ᱵᱷᱮᱜᱟᱨ ᱵᱷᱮᱜᱟᱨ ᱥᱚᱥᱟᱞ ᱢᱤᱰᱤᱭᱟ ᱨᱮᱠᱚ ᱥᱚᱫᱚᱨ ᱮᱫᱟ ᱾ ᱩᱱᱠᱩᱣᱟᱜ ᱢᱮᱱ ᱫᱚ ᱦᱩᱭᱩᱜ ᱠᱟᱱᱟ, "ᱵᱤ ᱡᱮ ᱯᱤ ᱢᱤᱫ ᱟᱹᱫᱤᱵᱟᱹᱥᱤ ᱛᱤᱨᱞᱟᱹ ᱫᱤᱥᱚᱢ ᱜᱚᱢᱠᱮ ᱞᱮᱠᱟᱛᱮ ᱛᱤᱸᱜᱩ ᱚᱪᱚ ᱠᱟᱛᱮ ᱟᱵᱚ ᱡᱚᱛᱚ ᱟᱹᱫᱤᱵᱟᱹᱥᱤ ᱦᱤᱱᱫᱩ ᱫᱷᱚᱨᱚᱢ ᱵᱷᱤᱛᱨᱤ ᱛᱮ ᱜᱚᱦᱚᱲ ᱠᱷᱟᱹᱲ ᱵᱚ ᱨᱮᱭᱟᱜ ᱮ ᱪᱮᱥᱴᱟ ᱟᱠᱟᱜ-ᱟ ᱾ ᱚᱱᱛᱮ ᱟᱵᱚ ᱡᱚᱛᱚ ᱦᱚᱲ ᱥᱚᱱᱛᱚᱨ ᱵᱚ ᱛᱟᱦᱮᱸᱱ ᱢᱟ ᱾ " ᱫᱨᱚᱣᱯᱚᱫᱤ ᱢᱩᱨᱢᱩ ᱦᱚᱸ ᱥᱚᱡᱷᱮ ᱥᱚᱢᱟᱞᱚᱪᱚᱱᱟ ᱠᱛᱮ ᱟᱫᱚᱢ ᱠᱚ ᱢᱮᱱ ᱟᱠᱟ-ᱟ ᱡᱮ ᱧᱮᱞᱮ ᱯᱮ ᱱᱩᱭ ᱟᱨ ᱮᱥ ᱮᱥ ᱨᱮᱱᱤᱡ ᱫᱚᱞᱟᱞ ᱚᱠᱟ ᱞᱮᱠᱟ ᱢᱚᱫᱤᱨ ᱠᱚᱨᱮ ᱮ ᱡᱤᱚᱜ ᱵᱵᱟᱲᱟᱭᱮᱰ ᱟ ᱟᱨ ᱮ ᱜᱚᱰ ᱡᱚᱦᱟᱨ ᱚᱜ ᱠᱟᱱᱟ ᱾
ᱥᱟᱱᱛᱟᱲ ᱫᱚᱵᱚ ᱛᱟᱭᱚᱢ ᱨᱮ ᱥᱟᱯᱲᱟᱣ
'ᱥᱟᱱᱛᱟᱲ ᱫᱚᱱᱵᱚ ᱛᱟᱭᱚᱢ ᱟᱠᱟᱱᱟ' ᱱᱤᱛ ᱱᱚᱶᱟ ᱠᱟᱛᱷᱟ ᱢᱮᱱ ᱞᱮᱠᱷᱟᱱ ᱫᱚ ᱤᱧ ᱫᱚ ᱵᱟᱹᱧ ᱯᱟᱹᱛᱭᱟᱵ ᱟ ᱾ ᱟᱵᱚ ᱥᱟᱱᱛᱟᱲ ᱦᱚᱱᱚᱱ ᱫᱤᱥᱚᱢ ᱜᱚᱢᱠᱮ ᱵᱮᱱᱟᱣ ᱮᱱᱟᱭ, ᱟᱵᱚ ᱥᱟᱱᱛᱟᱲ ᱦᱚᱯᱚᱱ ᱥᱤ ᱮ ᱡᱤ ᱵᱮᱱᱟᱣ ᱮᱱᱟᱭ, ᱟᱵᱚ ᱥᱟᱱᱟᱛᱟᱲ ᱦᱚᱯᱚᱱ ᱯᱚᱱᱚᱛ ᱜᱚᱢᱠᱮ, ᱡᱚᱜᱚ ᱯᱚᱱᱚᱛ ᱜᱚᱢᱠᱮ ᱠᱚ ᱵᱮᱱᱟᱣ ᱮᱱᱟ, ᱟᱵᱚ ᱥᱟᱱᱟᱛᱟᱲ ᱦᱚᱱᱚᱱ ᱥᱤᱨᱟᱹ ᱢᱚᱱᱛᱨᱤ ᱠᱚ ᱵᱮᱱᱟᱣ ᱮᱱᱟ ᱾ ᱮᱱᱦᱚᱸ ᱥᱟᱱᱛᱟᱲ ᱫᱚᱵᱚ ᱛᱟᱭᱚᱢ ᱟᱠᱟᱱᱟ ᱢᱮᱱ ᱞᱮᱠᱷᱟᱱ ᱤᱧ ᱫᱚ ᱵᱟᱹᱧ ᱯᱟᱹᱛᱭᱟᱵ ᱟ ᱾ ᱱᱤᱛ ᱫᱚ ᱟᱵᱚ ᱵᱚ ᱛᱟᱚᱢ ᱟᱠᱟᱱᱟ ᱵᱚᱫᱚᱞ ᱛᱮ ᱤᱧᱤᱧ ᱛᱟᱭᱚᱢ ᱟᱠᱟᱱᱟ ᱢᱮᱱᱞᱮᱠᱷᱟᱱ ᱡᱚᱛᱷᱟᱨᱚᱜ-ᱟ ᱾ ᱱᱟᱶᱟ ᱜᱮ ᱫᱤᱥᱚᱢ ᱜᱚᱢᱠᱮ ᱮ ᱵᱮᱱᱟᱣ ᱟᱠᱟᱱ ᱢᱟᱹᱱᱤᱡ ᱫᱨᱚᱣᱯᱚᱫᱤ ᱢᱩᱨᱢᱩ ᱟᱜ ᱡᱤᱭᱚᱱ ᱪᱮᱛᱟᱱ ᱨᱮ ᱱᱟᱥᱮᱱᱟᱜ ᱢᱮᱫ ᱵᱚ ᱟᱹᱪᱩᱨ ᱟᱜᱩᱭᱟ ᱾
ᱩᱱᱟᱹᱜ ᱫᱩᱠ ᱠᱚᱥᱴᱚᱭ ᱧᱮᱞ ᱠᱮᱫ ᱨᱮᱦᱚᱸ ᱤᱠᱷᱟᱹᱱ ᱩᱱᱤ ᱵᱟᱭ ᱨᱟᱹᱯᱩᱫ ᱞᱮᱱᱟ ᱵᱚᱨᱚᱢ ᱛᱟᱦᱩᱸᱭ ᱠᱮᱴᱮᱡ ᱮᱱᱟ ᱾ ᱛᱟᱲᱟᱢ ᱰᱟᱦᱟᱨ ᱨᱮ ᱮᱠᱞᱟ ᱨᱮᱱ ᱨᱮᱦᱚᱸ ᱛᱟᱲᱟᱢ ᱫᱚ ᱵᱟᱭ ᱵᱟᱹᱜᱤ ᱞᱮᱜ-ᱟ ᱥᱮ ᱰᱟᱦᱟᱨ ᱦᱚᱸ ᱵᱟ ᱵᱚᱫᱚᱞ ᱞᱮᱫ ᱟ, ᱚᱱᱟᱛᱮ ᱛᱮᱦᱮᱧ ᱨᱟᱱᱟᱠᱟᱵ ᱨᱮᱭᱟᱜ ᱪᱚᱴᱟᱛ ᱦᱚᱸᱭ ᱥᱮᱴᱮᱨ ᱠᱮᱫᱟ ᱾
ᱪᱮᱛᱟᱱ ᱨᱮ ᱢᱮᱱ ᱮᱱ ᱞᱮᱠᱟ ᱟᱵᱚ ᱱᱤᱛ ᱟᱹᱰᱤ ᱜᱟᱱ ᱪᱚᱴᱟᱛ ᱨᱮᱵᱚ ᱥᱮᱨᱴᱮᱨ ᱟᱠᱟᱱᱟ ᱟᱨᱦᱚᱸ ᱟᱹᱰᱤ ᱜᱟᱱ ᱴᱷᱟᱶ ᱨᱮ ᱥᱮᱴᱮᱨᱚᱜ ᱨᱮᱭᱟᱜ ᱢᱮᱱᱟᱜ-ᱟ ᱾ ᱟᱹᱣᱨᱤ ᱥᱮᱴᱮᱨ ᱡᱟᱜᱟ ᱨᱮ ᱥᱮᱴᱮᱨᱚᱜ ᱞᱟᱹᱜᱤᱫ ᱱᱤᱛ ᱟᱵᱚ ᱮᱴᱟᱜ ᱡᱟᱹᱛ ᱦᱚᱲ ᱥᱚᱠᱛᱚ ᱢᱮᱦᱱᱚᱛ ᱦᱩᱭ ᱟᱵᱚᱱᱟ, ᱵᱩᱞᱩᱜ ᱵᱟᱹᱜᱤ ᱦᱩᱭ ᱟᱵᱚᱱᱟ, ᱟᱹᱰᱤ ᱜᱟᱱ ᱚᱞ ᱯᱟᱲᱦᱟᱣᱜ ᱦᱩᱭ ᱟᱵᱚᱱᱟ ᱾