ᱵᱷᱟᱨᱟᱛᱤ ᱥᱤᱵᱟᱡᱤ
ᱵᱷᱟᱨᱟᱛᱤ ᱥᱤᱵᱟᱡᱤ ᱫᱚ ᱢᱤᱫᱴᱮᱱ ᱥᱤᱧᱚᱛ ᱫᱤᱥᱚᱢ ᱨᱮᱱ ᱢᱚᱦᱤᱱᱤ ᱟᱴᱴᱟᱢ ᱮᱱᱮᱡ ᱜᱟᱭᱱᱟᱦᱤᱭᱟᱹ ᱠᱟᱱᱟᱭ, ᱮᱱᱮᱡ ᱪᱮᱪᱮᱫ-ᱤᱡ ᱟᱨ ᱚᱱᱚᱞᱤᱭᱟᱹ ᱠᱟᱱᱟᱭ| ᱢᱚᱦᱤᱱᱤ ᱟᱴᱴᱟᱢ ᱮᱱᱮᱡ ᱦᱩᱱᱟᱹᱨ ᱨᱮ ᱵᱷᱟᱨᱟᱛᱤ ᱥᱤᱵᱟᱡᱤ ᱟᱜ ᱮᱱᱮᱢ ᱠᱚ ᱫᱚ ᱦᱩᱭᱩᱜ ᱠᱟᱱᱟ, ᱮᱱᱮᱡ ᱩᱫᱩᱜ ᱥᱚᱫᱚᱨ, ᱜᱟᱵᱟᱱ, ᱟᱹᱨᱤ ᱵᱟᱹᱱᱫᱷᱤ, ᱟᱨ ᱮᱱᱮᱡ ᱦᱩᱱᱟᱹᱨ ᱨᱮᱭᱟᱜ ᱩᱛᱱᱟᱹᱣ ᱟᱨ ᱯᱚᱪᱟᱨ ᱯᱟᱥᱱᱟᱣ ᱨᱮ ᱵᱤᱨᱤᱛᱮ ᱦᱟᱛᱟᱣ ᱞᱮᱫᱟ| ᱩᱱᱤ ᱫᱚ ᱥᱮᱱᱴᱟᱨ ᱯᱷᱚᱨ ᱢᱚᱦᱤᱱᱤ ᱟᱴᱴᱟᱢ ᱧᱩᱛᱩᱢᱟᱱ ᱢᱤᱫᱴᱮᱱ ᱮᱱᱮᱡ ᱟᱠᱟᱫᱮᱢᱤ ᱨᱮᱱ ᱵᱟᱱᱫᱷᱟᱣᱤᱡ ᱠᱟᱱᱟᱭ ᱟᱨ ᱟᱨᱴ ᱚᱯᱷ ᱢᱚᱦᱤᱱᱤ ᱟᱴᱴᱟᱢ ᱟᱨ ᱢᱚᱦᱤᱱᱤ ᱟᱴᱴᱟᱢ ᱯᱚᱛᱚᱵ ᱨᱮᱱ ᱥᱟᱶ ᱚᱱᱚᱞᱤᱭᱟᱹ ᱠᱟᱱᱟᱭ| ᱩᱱᱤ ᱫᱚ ᱥᱟᱝᱜᱤᱛ ᱱᱟᱴᱟᱠ ᱟᱠᱟᱫᱮᱢᱤ ᱥᱤᱨᱯᱟᱹ ᱟᱨ ᱥᱟᱦᱤᱛᱭᱟ ᱠᱟᱞᱟ ᱯᱟᱨᱤᱥᱟᱫᱽ ᱢᱟᱱᱚᱛᱮ ᱦᱟᱢᱮᱴ ᱟᱠᱟᱫᱟ| ᱥᱤᱧᱚᱛ ᱥᱟᱥᱛᱚᱨ ᱮᱱᱮᱡ ᱨᱮ ᱩᱱᱤᱭᱟᱜ ᱮᱱᱮᱢ ᱞᱟᱹᱜᱤᱫ ᱒᱐᱐᱔ ᱥᱮᱨᱢᱟ ᱨᱮ ᱥᱤᱧᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱯᱚᱱᱟᱜ ᱥᱚᱨᱮᱥ ᱚᱥᱟᱢᱚᱨᱤᱠ ᱢᱟᱱᱳᱴ ᱯᱚᱫᱽᱢᱚ ᱥᱨᱤ ᱛᱮᱠᱚ ᱚᱡᱚᱜ ᱵᱟᱦᱟᱞ ᱞᱮᱫᱮᱭᱟ|
ᱡᱤᱭᱚᱱ
ᱥᱟᱯᱲᱟᱣᱵᱷᱟᱨᱟᱛᱤ ᱥᱤᱵᱟᱡᱤ ᱫᱚ ᱑᱙᱔᱘ ᱥᱮᱨᱢᱟ ᱨᱮ ᱮᱛᱚᱢ ᱥᱤᱧᱚᱴ ᱨᱮᱭᱟᱜ ᱛᱟᱢᱤᱞ ᱱᱟᱰᱩ ᱯᱚᱱᱚᱛ ᱨᱮᱭᱟᱜ ᱛᱟᱱᱡᱟᱣᱩᱨ ᱦᱚᱱᱚᱛ ᱨᱮᱭᱟᱜ ᱠᱚᱢᱵᱟᱠᱩᱱᱟᱢ ᱧᱩᱛᱩᱢᱟᱱ ᱢᱩᱱᱫᱤᱞ ᱱᱟᱝᱜᱽᱨᱟᱦᱟ ᱨᱮᱭᱮ ᱡᱟᱱᱟᱢ ᱞᱮᱱᱟ| ᱦᱩᱰᱤᱧ ᱚᱠᱛᱮ ᱨᱮ ᱩᱱᱤ ᱫᱚ ᱞᱟᱞᱤᱛᱟ ᱥᱟᱛᱨᱤ ᱴᱷᱮᱱ ᱠᱷᱚᱱ ᱵᱷᱟᱨᱟᱛ ᱱᱟᱴᱭᱟᱢ ᱮᱱᱮᱡ-ᱮ ᱪᱮᱫ-ᱮᱫ ᱠᱟᱱ ᱛᱟᱦᱮᱸ ᱠᱟᱱᱟ, ᱟᱨ ᱠᱮᱞᱩ ᱪᱚᱨᱚᱱ ᱢᱚᱦᱟ ᱯᱟᱛᱨᱚ ᱴᱷᱮᱱ ᱠᱷᱚᱱ ᱫᱚ ᱚᱰᱤᱥᱤ ᱮᱱᱮᱡ-ᱮ ᱪᱮᱫ-ᱮᱫ ᱠᱟᱱ ᱛᱟᱦᱮᱸ ᱠᱟᱱᱟ| ᱛᱟᱭᱚᱢ ᱛᱮ ᱜᱟᱹᱠᱷᱩᱲ ᱥᱚᱢᱟᱡᱽ ᱥᱩᱥᱟᱹᱨᱤᱭᱟᱹ ᱠᱟᱢᱟᱞᱟ ᱫᱮᱵᱤ ᱭᱟᱜ ᱥᱚᱞᱟᱦ ᱛᱮ ᱢᱚᱦᱤᱱᱤ ᱟᱴᱴᱟᱢ ᱤᱫᱤ ᱠᱟᱛᱮ ᱠᱷᱚᱱᱫᱽᱨᱚᱝᱮ ᱮᱦᱚᱵ ᱠᱮᱫᱟ, ᱚᱠᱟ ᱫᱚ ᱠᱮᱨᱟᱞᱟ ᱯᱚᱱᱚᱛ ᱨᱮᱭᱟᱜ ᱥᱮᱨᱢᱟ ᱮᱱᱮᱡ ᱠᱟᱱ| ᱤᱱᱟᱹ ᱴᱟᱭᱚᱢ ᱥᱟᱝᱜᱤᱛ ᱱᱟᱴᱟᱠ ᱟᱠᱟᱫᱮᱢᱤ ᱠᱷᱚᱱ ᱠᱷᱚᱱᱫᱽᱨᱚᱝ ᱯᱷᱤᱞᱚᱥᱤᱯ ᱦᱟᱢᱮᱴ ᱛᱟᱭᱚᱢ, ᱩᱱᱤ ᱫᱚ ᱠᱮᱨᱟᱞᱟ ᱛᱮᱭᱮ ᱪᱟᱞᱟᱣ ᱮᱱᱟ ᱟᱨ ᱚᱱᱰᱮ ᱠᱟᱣᱟᱞᱟᱢ ᱱᱟᱨᱟᱭᱟᱱ ᱯᱟᱱᱤᱠᱟᱨ ᱟᱜ ᱛᱟᱹᱨᱤ ᱨᱮ ᱠᱷᱚᱱᱫᱽᱨᱚᱝᱮ ᱮᱦᱚᱵ ᱮᱱᱟ, ᱚᱠᱚᱭ ᱫᱚ ᱠᱮᱨᱟᱞᱟ ᱢᱩᱱᱫᱤᱞ ᱦᱩᱱᱟᱹᱨ ᱨᱮᱱ ᱜᱟᱹᱠᱷᱩᱲᱤᱭᱟᱹ ᱠᱟᱱᱮ ᱟᱨ ᱢᱟᱨᱮ ᱥᱟᱝᱜᱤᱛ ᱱᱟᱴᱟᱠ ᱟᱠᱟᱫᱮᱢᱤ ᱨᱮᱱ ᱥᱩᱛᱨᱮᱛ| ᱵᱷᱟᱨᱟᱛ ᱱᱟᱴᱭᱟ ᱟᱨ ᱚᱰᱤᱥᱤ ᱠᱷᱚᱱ ᱢᱚᱱ ᱯᱷᱮᱨᱟᱣ ᱠᱟᱛᱮ, ᱩᱱᱤ ᱫᱚ ᱨᱟᱫᱷᱟ ᱢᱟᱨᱟᱨ ᱟᱜ ᱛᱟᱵᱮ ᱨᱮ ᱢᱚᱦᱤᱱᱤ ᱟᱴᱴᱟᱢ ᱤᱛᱩᱱᱮ ᱮᱛᱚᱦᱚᱵ ᱮᱱᱟ, ᱛᱟᱭᱚᱢ ᱛᱮ ᱠᱟᱞᱟᱢᱟᱱ ᱫᱟᱞᱟᱢ ᱥᱟᱛᱷᱭᱟ ᱵᱷᱟᱢᱟ ᱟᱨ ᱠᱟᱞᱟᱢᱟᱱ ᱫᱟᱞᱟᱢ ᱠᱟᱞᱭᱟᱱᱤ ᱠᱩᱴᱴᱤ ᱟᱢᱢᱟ ᱴᱷᱮᱱ ᱦᱚᱸ ᱤᱛᱩᱱᱮ ᱥᱮᱬᱟ ᱞᱮᱫᱟ, ᱚᱠᱚᱭ ᱫᱚ ᱢᱚᱦᱤᱱᱤ ᱟᱴᱴᱟᱢ ᱨᱮᱱ ᱮᱝᱜᱟᱛ ᱞᱮᱠᱟ ᱠᱚ ᱞᱮᱠᱷᱟᱭ ᱫᱤ ᱠᱟᱱ|
ᱥᱤᱨᱯᱟᱹ ᱟᱨ ᱢᱟᱱᱚᱛ
ᱥᱟᱯᱲᱟᱣᱢᱚᱦᱤᱱᱤ ᱟᱴᱴᱟᱢ ᱨᱮ ᱵᱷᱟᱨᱟᱛᱤ ᱥᱤᱵᱟᱡᱤ ᱭᱟᱜ ᱮᱱᱮᱢ ᱠᱷᱟᱹᱛᱤᱨ ᱛᱮ, ᱒᱐᱐᱐ ᱥᱮᱨᱢᱟ ᱨᱮ ᱥᱟᱝᱜᱤᱛ ᱱᱟᱴᱟᱠ ᱟᱠᱟᱫᱮᱢᱤ ᱨᱮᱭᱟᱜ ᱥᱤᱨᱯᱟᱹ ᱛᱮᱠᱚ ᱦᱚᱨᱚᱜ ᱪᱤᱠᱷᱱᱟᱹ ᱢᱟᱱᱚᱛ ᱠᱮᱫᱮᱭᱟ| ᱟᱨᱦᱚᱸ ᱯᱚᱱ ᱥᱮᱨᱢᱟ ᱛᱟᱭᱚᱢ, ᱵᱷᱟᱨᱚᱛ ᱨᱮᱭᱟᱜ ᱯᱚᱱᱟᱜ ᱥᱚᱨᱮᱥ ᱚᱥᱟᱢᱚᱨᱤᱠ ᱢᱟᱱᱚᱛ ᱯᱚᱫᱢᱚ ᱥᱨᱤ ᱛᱮ ᱠᱚ ᱢᱟᱱᱚᱛ ᱠᱮᱫᱮᱭᱟ| ᱱᱤᱭᱟᱹ ᱵᱮᱜᱚᱨ ᱦᱚᱸ ᱥᱟᱦᱤᱛᱭᱟ ᱠᱟᱞᱟ ᱯᱟᱨᱤᱥᱟᱫᱽ ᱢᱟᱱᱚᱛ, ᱠᱮᱨᱮᱞ ᱠᱩᱱᱪᱟᱱ ᱱᱟᱢᱵᱤᱭᱟᱨ ᱴᱨᱟᱥᱴ ᱨᱮᱭᱟᱜ ᱞᱟᱠᱥᱢᱤ ᱯᱟᱹᱨᱤᱥ ᱟᱨ ᱪᱮᱱᱱᱟᱭ ᱠᱨᱤᱥᱱᱟ ᱜᱟᱱᱟ ᱥᱟᱵᱦᱟ ᱠᱷᱚᱱ ᱮᱱᱮᱡ ᱪᱩᱬᱟᱹ ᱢᱩᱱᱤ ᱯᱟᱹᱨᱤᱥᱮ ᱦᱟᱢᱮᱴ ᱟᱠᱟᱫᱟ| ᱩᱱᱤ ᱰᱚ ᱒᱐᱑᱓ ᱥᱮᱨᱢᱟ ᱨᱮ ᱠᱮᱨᱟᱞᱟ ᱥᱚᱨᱠᱟ ᱟᱜ ᱱᱤᱥᱟ ᱜᱟᱱᱷᱤ ᱯᱩᱨᱟᱥᱠᱟᱨᱟᱢᱮ ᱦᱟᱢᱮᱴ ᱞᱮᱫᱟ|