ᱚᱢᱨᱩᱛᱥᱚᱨ ᱦᱚᱱᱚᱛ
ᱚᱢᱨᱩᱛᱥᱚᱨ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮ ᱯᱚᱧᱡᱟᱵᱽ ᱨᱮᱭᱟᱜ ᱢᱟᱡᱟ ᱵᱷᱟᱜᱽ ᱨᱮ ᱢᱮᱱᱟᱜ ᱒᱒ ᱦᱚᱱᱚᱛ ᱠᱚᱨᱮ ᱠᱷᱚᱱ ᱢᱤᱫᱴᱟᱹᱝ ᱦᱚᱱᱚᱛ ᱠᱟᱱᱟ ᱾ ᱚᱢᱨᱩᱛᱥᱚᱨ ᱵᱟᱡᱟᱨ ᱱᱚᱶᱟ ᱦᱚᱱᱚᱛ ᱨᱮᱭᱟᱜ ᱢᱩᱬ ᱵᱟᱹᱠᱷᱩᱞ ᱫᱚ ᱾
ᱦᱚᱲ ᱞᱮᱠᱷᱟ ᱒᱐᱑᱑ ᱥᱟᱹᱦᱤᱛ ᱞᱮᱠᱟᱛᱮ, ᱱᱚᱶᱟ ᱦᱚᱱᱚᱛ ᱫᱚ ᱞᱩᱫᱷᱤᱭᱟᱱᱟ ᱛᱟᱭᱚᱢ ᱫᱚᱥᱟᱨ ᱢᱟᱱᱣᱟ ᱜᱷᱩᱲ ᱦᱚᱱᱚᱛ ᱠᱟᱱᱟ (᱒᱒ ᱜᱚᱴᱟᱝ ᱵᱷᱤᱛᱤᱨ ᱠᱷᱚᱱ)ᱯᱚᱧᱡᱟᱵᱽ ᱯᱚᱱᱚᱛ ᱨᱮ ᱾
ᱱᱟᱜᱟᱢ ᱥᱟᱯᱲᱟᱣ
ᱵᱨᱤᱴᱤᱥ ᱥᱟᱥᱚᱱ ᱚᱠᱛᱚ ᱡᱚᱦᱚᱜ ᱚᱢᱨᱩᱛᱥᱚᱨ ᱦᱚᱱᱚᱛ ᱞᱟᱦᱚᱨ ᱯᱤᱲ ᱨᱮ ᱛᱟᱦᱮᱸ ᱠᱟᱱᱟ, ᱟᱨ ᱯᱨᱚᱥᱟᱥᱚᱱᱤᱠ ᱞᱮᱠᱟᱛᱮ ᱫᱚ ᱯᱮᱭᱟ ᱛᱚᱦᱥᱤᱞ ᱨᱮᱠᱚ ᱦᱟᱹᱴᱤᱧ ᱞᱮᱫ-ᱟ - ᱚᱢᱨᱩᱛᱥᱚᱨ, ᱚᱡᱽᱱᱟᱞᱟ ᱟᱨ ᱛᱚᱨᱱᱚᱛᱟᱨᱚᱱ ᱾ ᱡᱩᱫᱤ ᱦᱚᱸ ᱑᱙᱔᱙ ᱥᱟᱹᱦᱤᱛ ᱨᱮ ᱥᱤᱧᱚᱛ ᱫᱤᱥᱚᱢ ᱦᱟᱯᱟᱴᱤᱧᱚᱜ ᱞᱮᱠᱟᱛᱮ ᱚᱢᱨᱩᱛᱥᱚᱨ ᱦᱚᱱᱚᱛ ᱫᱚ ᱵᱟᱹᱲᱛᱤ ᱚᱝᱥᱚ ᱦᱟᱹᱴᱤᱧ ᱠᱷᱚᱱ ᱠᱚ ᱵᱷᱮᱜᱟᱨ ᱠᱮᱫᱮᱭᱟ ᱟᱨ ᱥᱤᱧᱚᱛ ᱫᱤᱥᱚᱢ ᱠᱚ ᱜᱩᱱ ᱢᱟᱱᱟᱶ ᱠᱮᱫᱮᱭᱟ ᱾ ᱡᱩᱫᱤ ᱦᱚᱸ ᱛᱤᱱᱟᱹᱝ ᱜᱟᱱ ᱚᱝᱥᱚ ᱡᱟᱦᱟᱸ ᱞᱮᱠᱟ ᱯᱚᱴᱼᱴᱤ ᱟᱨ ᱠᱷᱮᱢ ᱠᱚᱨᱚᱬᱞᱟᱦᱚᱨ ᱦᱚᱱᱚᱛ ᱨᱮ ᱞᱟᱲᱟᱣᱚᱜ ᱠᱟᱱᱟ, ᱢᱮᱱᱠᱷᱟᱱ ᱦᱟᱯᱟᱴᱤᱧᱚᱜ ᱞᱮᱠᱟᱛᱮ ᱱᱚᱶᱟ ᱠᱤᱱ ᱵᱟᱡᱟᱨ ᱫᱚ ᱚᱢᱨᱩᱛᱥᱚᱨ ᱦᱚᱱᱚᱛ ᱨᱮᱭᱟᱜ ᱦᱩᱭ ᱮᱱᱟ ᱾ ᱦᱟᱯᱟᱴᱤᱧᱚᱜ ᱚᱠᱛᱚ ᱨᱮ ᱢᱩᱥᱞᱟᱹ ᱠᱚᱣᱟᱜ, ᱠᱤᱪᱷᱩ ᱔᱖%, ᱯᱟᱠᱤᱥᱛᱟᱱ ᱛᱮᱠᱚ ᱪᱟᱞᱟᱣᱮᱱᱟ, ᱡᱟᱦᱟᱸ ᱫᱚ ᱱᱟᱶᱟ ᱵᱮᱱᱟᱣ ᱯᱟᱠᱤᱥᱛᱟᱱ ᱯᱟᱪᱷᱮ ᱯᱚᱧᱡᱟᱵᱽ ᱠᱷᱚᱱ ᱦᱤᱱᱫᱩ ᱟᱨ ᱥᱤᱠᱷ ᱟᱯᱟᱱ ᱟᱹᱯᱤᱱ ᱦᱚᱨ ᱛᱮᱠᱚ ᱪᱟᱞᱟᱣᱮᱱᱟ ᱾ ᱥᱤᱠᱷ ᱟᱨ ᱦᱤᱱᱫᱩ (᱓᱗% ᱟᱨ ᱑᱕ᱹ᱓᱘%) ᱚᱢᱨᱩᱛᱥᱚᱨ ᱦᱚᱱᱚᱛ ᱨᱮ ᱟᱭᱢᱟ ᱮᱞᱮᱞ ᱛᱮᱠᱚ ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸᱨᱮ ᱦᱚᱲ ᱑᱙᱔᱗ ᱥᱟᱹᱦᱤᱛ ᱦᱟᱯᱟᱴᱤᱧ ᱢᱟᱬᱟᱝᱨᱮ ᱠᱟᱪᱷᱟ ᱠᱟᱹᱪᱷᱤ ᱕᱒% ᱠᱚ ᱛᱟᱦᱮᱸ ᱠᱟᱱᱟ ᱾