ᱚᱣᱨᱚᱝᱜᱟᱵᱟᱫᱽ, ᱵᱤᱦᱟᱨ
ᱚᱣᱨᱚᱝᱜᱟᱵᱟᱫᱽ ᱫᱚ ᱚᱣᱨᱚᱝᱜᱟᱵᱟᱫᱽ ᱦᱚᱱᱚᱛ, ᱵᱤᱦᱟᱨ, ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ᱱᱚᱶᱟ ᱫᱚ ᱚᱱᱟ ᱦᱚᱱᱚᱛ ᱨᱮᱭᱟᱜ ᱛᱟᱞᱢᱟ ᱠᱟᱱᱟ ᱟᱨ ᱒᱐᱑᱑ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱑᱐᱒,᱒᱒᱔ ᱜᱚᱴᱟᱝ ᱦᱚᱲ ᱠᱚ ᱛᱟᱦᱮᱸ ᱞᱮᱱᱟ ᱾ ᱱᱚᱰᱟᱱ ᱠᱚ ᱦᱚᱲ ᱫᱚ ᱢᱚᱜᱚᱦᱤ ᱟᱨ ᱦᱤᱱᱫᱤ ᱛᱮ ᱠᱚ ᱨᱚᱯᱚᱲᱼᱟ ᱾
| ᱚᱣᱨᱚᱝᱜᱟᱵᱟᱫᱽ | |
|---|---|
| ᱦᱚᱱᱚᱛ | |
  ᱚᱣᱨᱚᱝᱜᱟᱵᱟᱫᱽ  ᱚᱣᱨᱚᱝᱜᱟᱵᱟᱫᱽ  ᱚᱣᱨᱚᱝᱜᱟᱵᱟᱫᱽ | |
| Coordinates: 24°42′N 84°21′E / 24.70°N 84.35°ECoordinates: 24°42′N 84°21′E / 24.70°N 84.35°E | |
| ᱫᱤᱥᱚᱢ | ᱥᱤᱧᱚᱛ |
| ᱯᱚᱱᱚᱛ | ᱵᱤᱦᱟᱨ |
| ᱦᱚᱱᱚᱛ | ᱚᱣᱨᱚᱝᱜᱟᱵᱟᱫᱽ |
| ᱮᱨᱤᱭᱟ | |
| • ᱞᱮᱠᱷᱟᱜᱩᱴ | 1419.7 ᱠᱤᱢᱤ২ (548.1 ᱜᱟᱺᱴ ᱢᱟᱭᱤᱞ) |
| ᱩᱥᱩᱞ | 108 ᱢᱤᱴᱚᱨ (354 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑)[᱑] |
| • ᱞᱮᱠᱷᱟᱜᱩᱴ | ᱑᱐᱒,᱒᱔᱔ |
| • ᱰᱮᱱᱥᱤᱴᱤ | 72/ᱠᱤᱢᱤ2 (190/ᱜᱟᱺᱴ ᱢᱟᱹᱭᱤᱞ) |
| ᱯᱟᱹᱨᱥᱤ | |
| • common | ᱢᱚᱜᱚᱦᱤ, ᱦᱤᱱᱫᱤ |
| IST (ᱭᱩᱴᱤᱥᱤ+᱐᱕:᱓᱐) | |
| ᱯᱤᱱ ᱠᱳᱰ | ᱘᱒᱔᱑᱐᱑ |
| ᱴᱮᱞᱤᱯᱷᱚᱱ ᱠᱳᱰ | ᱐᱖᱑᱘᱖ |
| ᱟᱭ.ᱮᱥ.ᱳ ᱓᱑᱖᱖ ᱠᱳᱰ | IN-BR |
| ᱜᱟᱹᱰᱤ ᱨᱤᱡᱤᱥᱴᱨᱤ | BR-26 |
| ᱡᱟᱱᱟᱝ ᱡᱟᱹᱱᱤ | ᱑᱐᱐᱐:᱙᱑᱐ ♂/♀ |
| ᱣᱮᱵᱽᱥᱟᱭᱤᱴ | aurangabad |
ᱱᱟᱜᱟᱢ
ᱥᱟᱯᱲᱟᱣᱚᱣᱨᱚᱝᱜᱟᱵᱟᱫᱽ ᱫᱚ ᱥᱮᱫᱟᱭ ᱥᱮ ᱱᱟᱦᱟᱜ ᱦᱚᱸ "ᱵᱤᱦᱟᱨ ᱨᱮᱭᱟᱜ ᱪᱤᱛᱛᱳᱨᱜᱚᱰ" ᱠᱚ ᱢᱮᱛᱟᱜ ᱜᱮᱭᱟ ᱾ ᱪᱮᱫᱟᱜ ᱥᱮ ᱱᱚᱰᱮ ᱟᱭᱢᱟ ᱞᱮᱠᱷᱟ ᱛᱮᱭᱟᱱ ᱥᱩᱨᱭᱚᱵᱚᱱᱥᱤ, ᱨᱟᱡᱽᱯᱩᱛ ᱠᱚ ᱵᱟᱥᱟᱜ ᱠᱟᱱ ᱜᱮᱭᱟ ᱾ ᱚᱱᱟ ᱛᱮ ᱚᱱᱠᱟ ᱧᱩᱛᱩᱢ ᱫᱚ ᱾ ᱥᱤᱧᱚᱛ ᱨᱮᱭᱟᱜ ᱑᱙᱕᱒, ᱯᱩᱭᱞᱩ ᱵᱟᱪᱷᱱᱟᱣ ᱠᱷᱚᱱᱟᱜ ᱱᱤᱛ ᱦᱟᱹᱵᱤᱡ ᱛᱮ ᱱᱚᱰᱮ ᱫᱚ ᱨᱟᱡᱽᱯᱩᱛ ᱦᱚᱲ ᱜᱮ ᱠᱚ ᱫᱟᱲᱮ ᱦᱤᱡᱩᱜ ᱠᱟᱱᱟ ᱾ [᱒]
ᱥᱮᱫᱟᱭ ᱠᱷᱚᱱᱟᱜ, ᱢᱚᱜᱚᱫᱷ (᱑᱒᱐᱐ - ᱓᱒᱒ ᱵᱤ.ᱥᱤ.ᱤ.) ᱠᱚᱜᱟᱣ ᱨᱟᱡᱽᱜᱟᱲ ᱢᱚᱦᱟᱡᱚᱱᱯᱚᱫᱽ ᱛᱟᱞᱟᱨᱮ ᱚᱣᱨᱚᱝᱜᱟᱵᱟᱫᱽ ᱫᱚ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱦᱚᱱᱚᱛ ᱨᱮᱱ ᱥᱮᱫᱟᱭ ᱥᱟᱥᱚᱱᱤᱭᱟᱹ ᱠᱚ ᱫᱚ, ᱵᱤᱢᱵᱤᱥᱟᱨᱚ (ᱢᱚᱬᱮ ᱜᱚᱴᱟᱝ-ᱟᱜ ᱥᱟᱹᱭᱟᱹᱛ ᱵᱤ.ᱥᱤ.ᱤ.), ᱚᱡᱟᱛᱚᱥᱚᱛᱨᱩ (ᱯᱩᱱ ᱜᱚᱴᱟᱝ-ᱟᱜ ᱥᱟᱹᱭᱟᱹᱛ ᱵᱤ.ᱥᱤ.ᱤ.), ᱪᱚᱱᱫᱽᱨᱚᱜᱩᱯᱛᱚ ᱢᱩᱨᱭᱚ (᱓᱒᱑ - ᱒᱘᱙ ᱵᱤ.ᱥᱤ.ᱤ.) ᱟᱨ ᱚᱥᱳᱠᱟ (᱒᱖᱘ - ᱒᱓᱒ ᱵᱤ.ᱥᱤ.ᱤ.) ᱮᱢᱟᱱ ᱠᱚ ᱾
ᱥᱮᱨ ᱥᱟᱦ ᱥᱩᱨᱤ (᱑᱔᱘᱖ - ᱑᱕᱔᱕ ᱥᱤ.ᱤ)-ᱟᱜ ᱥᱟᱥᱚᱱ ᱚᱠᱛᱚᱨᱮ ᱚᱣᱨᱚᱝᱜᱟᱵᱟᱫᱽ ᱫᱚ ᱟᱭᱢᱟ ᱨᱳᱦᱛᱟᱥ ᱥᱤᱨᱠᱟᱨ ᱡᱤᱞᱞᱟᱹ ᱞᱟᱹᱜᱤᱱ ᱟᱹᱰᱤ ᱤᱢᱯᱳᱨᱴᱟᱸᱴ ᱜᱮ ᱛᱟᱦᱮᱸ ᱠᱟᱱᱟ ᱾ ᱥᱮᱨ ᱥᱟᱦ ᱥᱩᱨᱤ-ᱟᱜ ᱜᱩᱨ ᱫᱚᱥᱟᱨ, ᱚᱣᱨᱚᱝᱜᱟᱵᱟᱫᱽ ᱫᱚ ᱚᱥᱳᱠ-ᱟᱜ ᱥᱟᱥᱚᱱ ᱛᱮ ᱦᱮᱡ ᱮᱱᱟ ᱾ ᱱᱚᱰᱮ ᱠᱤᱪᱷᱩ ᱜᱟᱱ ᱟᱯᱷᱜᱟᱱ ᱨᱟᱡᱽ ᱠᱚ ᱛᱟᱦᱮᱸ ᱮᱢᱟᱱ ᱞᱮᱱᱟ, ᱚᱱᱟ ᱛᱮ ᱠᱤᱪᱷᱩ ᱟᱯᱷᱜᱟᱱ ᱟᱨᱠᱳᱴᱮᱠ ᱠᱚ ᱧᱮᱞᱚᱜ ᱜᱮᱭᱟ ᱾
ᱚᱣᱨᱚᱝᱜᱟᱵᱟᱫᱽ ᱨᱮ ᱢᱩᱜᱚᱞ ᱥᱟᱥᱚᱱᱤᱭᱟᱹ ᱠᱚᱣᱟᱜ ᱫᱟᱲᱮ ᱪᱟᱵᱟᱭᱮᱱ ᱛᱟᱭᱚᱢ, ᱱᱚᱶᱟ ᱫᱚ ᱡᱚᱢᱤᱱᱫᱟᱨ ᱠᱚᱣᱟᱜ ᱦᱟᱛ ᱛᱮ ᱦᱮᱡ ᱮᱱᱟ ᱾ ᱱᱩᱠᱩ ᱡᱚᱢᱤᱱᱫᱟᱨ ᱠᱚ ᱫᱚ ᱟᱹᱰᱤ ᱠᱤᱥᱟᱹᱬ ᱠᱚ ᱛᱟᱦᱮᱸ ᱠᱟᱱᱟ ᱡᱮᱢᱚᱱ ᱫᱮᱣ ᱨᱟᱡᱽ, ᱠᱩᱴᱩᱢᱵᱚ, ᱢᱟᱲᱤ,ᱯᱟᱣᱟᱭᱤ,ᱪᱚᱸᱫᱽᱨᱟᱜᱚᱰ ᱟᱨ ᱥᱤᱨᱤᱥ ᱨᱮᱱ ᱮᱢᱟᱱ ᱾ ᱱᱩᱠᱩ ᱡᱷᱚᱛᱚ ᱡᱚᱢᱤᱱᱫᱟᱨ ᱠᱚ ᱫᱚ ᱡᱷᱚᱛᱚ ᱵᱽᱨᱤᱴᱤᱥ ᱥᱚᱨᱠᱟᱨ-ᱟᱜ ᱠᱟᱛᱷᱟ ᱞᱮᱠᱟᱛᱮ ᱠᱚ ᱵᱟᱛᱟᱣ ᱞᱮᱫ-ᱟ ᱾ ᱡᱮᱢᱚᱱ ᱫᱮᱣ ᱨᱟᱡᱽ ᱨᱤᱱᱤᱡ ᱯᱷᱚᱛᱮᱭ ᱱᱟᱨᱟᱭᱚᱬ ᱥᱤᱝ, ᱢᱮᱣᱟᱨᱤ ᱥᱤᱥᱳᱫᱤᱭᱟ ᱨᱟᱡᱽᱯᱩᱛ ᱮᱢᱟᱱ ᱠᱚ ᱾
᱒᱙᱖᱕ ᱥᱟᱹᱦᱤᱛ ᱨᱮ ᱵᱤᱦᱟᱨ ᱡᱤᱞᱞᱟᱹ ᱫᱚ ᱯᱟᱴᱱᱟ ᱡᱤᱞᱞᱟᱹ ᱠᱷᱚᱱᱟᱜ ᱵᱮᱜᱟᱨ ᱮᱱᱟᱭ ᱾ ᱩᱱ ᱚᱠᱛᱚ ᱚᱣᱨᱚᱝᱜᱟᱵᱟᱫᱽ ᱫᱚ ᱵᱤᱦᱟᱨ ᱨᱮᱭᱟᱜ ᱥᱚᱵᱽ-ᱰᱤᱵᱷᱤᱡᱚᱱ ᱠᱚ ᱵᱮᱱᱟᱣ ᱞᱮᱫ-ᱟ ᱾ ᱥᱢᱮᱢᱮᱸᱴ ᱫᱚ ᱚᱣᱨᱚᱝᱜᱟᱵᱟᱫᱽ ᱨᱤᱱᱤᱡ ᱯᱩᱭᱞᱩ ᱥᱚᱵᱽ-ᱰᱤᱵᱷᱤᱡᱚᱱᱟᱞ ᱚᱯᱷᱤᱥᱚᱨ ᱮ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱡᱤᱞᱞᱟᱹᱨᱤᱱᱤᱡ ᱯᱩᱭᱞᱩ ᱮᱢ.ᱯᱤ. ᱥᱮ ᱥᱟᱝᱥᱚᱫᱽ ᱫᱚ ᱥᱮᱫᱟᱭ ᱵᱤᱦᱟᱨ ᱨᱤᱱᱤᱡᱽ ᱢᱟᱨᱟᱝ ᱢᱩᱱᱛᱨᱤ ᱥᱚᱛᱭᱮᱱᱫᱽᱨᱚ ᱱᱟᱨᱟᱭᱚᱬ ᱥᱤᱝ (ᱪᱷᱳᱴᱮ ᱥᱟᱦᱮᱵᱽ) ᱠᱟᱱᱟᱭ ᱾[᱓]
᱒᱖ ᱡᱟᱱᱩᱭᱟᱨᱤ ᱑᱙᱗᱓ ᱨᱮ ᱚᱣᱨᱚᱝᱜᱟᱵᱟᱫᱽ ᱡᱤᱞᱞᱟᱹ, ᱵᱤᱦᱟᱨ ᱫᱚ ᱛᱷᱟᱯᱚᱱ ᱞᱮᱱᱟ ᱾ (ᱥᱚᱨᱠᱟᱨ-ᱟᱜ ᱑᱙ ᱡᱟᱱᱩᱭᱟᱨᱤ ᱑᱙᱗᱓ ᱨᱮᱭᱟᱜ ᱐᱗/᱑᱑ - ᱒᱐᱗᱑-᱗᱒ ᱱᱳᱴᱤᱯᱷᱤᱠᱮᱥᱚᱱ ᱱᱟᱢᱵᱟᱨ ᱞᱮᱠᱟᱛᱮ) ᱾ ᱠᱮ.ᱮ.ᱮᱪ. ᱥᱩᱵᱽᱨᱚᱢᱚᱱᱭᱚᱢ ᱫᱚ ᱱᱚᱶᱟ ᱡᱤᱞᱞᱟᱹ ᱨᱤᱱᱤᱡ ᱯᱩᱭᱞᱩ ᱢᱟᱡᱤᱥᱴᱨᱮᱴ ᱟᱨ ᱥᱩᱨᱡᱤᱛ ᱠᱩᱢᱟᱨ ᱥᱟᱦᱟ ᱫᱚ ᱯᱩᱭᱞᱩ ᱥᱚᱵᱽᱰᱤᱵᱷᱤᱡᱚᱱᱟᱞ ᱚᱯᱷᱤᱥᱚᱨ ᱠᱟᱱᱟᱭ ᱾
ᱚᱛᱱᱚᱜ
ᱥᱟᱯᱲᱟᱣᱚᱣᱨᱚᱝᱜᱟᱵᱟᱫᱽ ᱫᱚ ᱠᱚᱧᱮ ᱥᱟᱢᱟᱝ ᱥᱤᱧᱚᱛ ᱨᱮᱭᱟᱜ ᱮᱱ.ᱮᱪ. ᱒ ᱱᱤᱛᱟᱜ ᱮᱱ ᱮᱪ. ᱑᱙ (ᱜᱨᱟᱸᱰ ᱴᱨᱚᱠ ᱨᱳᱰ) ᱡᱟᱦᱟᱸ ᱨᱮ ᱮᱱ.ᱮᱪ. ᱙᱘ ᱱᱤᱛᱚᱜ ᱮᱱ.ᱮᱪ. ᱑᱓᱙ ᱥᱟᱝ ᱧᱟᱯᱟᱢ ᱠᱟᱱᱟ ᱚᱱᱰᱮ ᱜᱮ ᱧᱟᱢᱚᱜᱼᱟ ᱾ ᱜᱟᱭᱟ ᱠᱷᱚᱱ ᱥᱩᱨ ᱦᱚᱱᱚᱛ ᱠᱟᱱᱟ, ᱢᱮᱱᱫᱚ ᱗᱐ ᱠᱤᱞᱳᱢᱤᱴᱚᱨ ᱦᱩᱭᱩᱜᱼᱟ ᱾ ᱵᱤᱦᱟᱨ ᱨᱮᱭᱟᱜ ᱨᱟᱡᱽᱜᱟᱲ ᱯᱟᱴᱱᱟ ᱠᱷᱚᱱ ᱑᱔᱐ ᱠᱤᱞᱳᱢᱤᱴᱚᱨ ᱠᱚᱧᱮ ᱥᱟᱢᱟᱝ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱦᱚᱱᱚᱛ ᱛᱟᱞᱟ ᱛᱮ ᱵᱟᱨᱭᱟ ᱢᱟᱨᱟᱝ ᱜᱟᱰᱟ ᱯᱟᱨᱚᱢ ᱠᱟᱱᱟ ᱺ- ᱑ᱹ ᱥᱳᱱ ᱜᱟᱰᱟ ᱒ᱹ- ᱯᱩᱱᱯᱩᱱ ᱜᱟᱰᱟ
ᱱᱚᱶᱟ ᱦᱚᱱᱚᱛ ᱨᱮᱭᱟᱜ ᱴᱷᱟᱶ ᱫᱚ ᱙᱘ ᱥᱠᱩᱭᱟᱨ ᱠᱤᱞᱳᱢᱤᱴᱚᱨ ᱦᱩᱭᱩᱜᱼᱟ ᱾[᱔]
ᱚᱣᱨᱚᱝᱜᱟᱵᱟᱫᱽ ᱟᱫᱽᱨᱤ ᱜᱟᱰᱟ ᱫᱷᱟᱨᱮ ᱨᱮ [᱕] ᱟᱞᱞᱩᱵᱷᱤᱭᱟᱞ ᱯᱞᱮᱱ ᱢᱮᱱᱟᱜ ᱟ ᱾ ᱱᱚᱶᱟ ᱨᱮᱭᱟᱜ ᱯᱟᱪᱮ ᱨᱮ ᱥᱳᱱ ᱜᱟᱰᱟ ᱒᱖ ᱠᱤᱞᱳᱢᱤᱴᱚᱨ ᱥᱟᱸᱜᱤᱧ ᱨᱮ ᱢᱮᱱᱟᱜᱼᱟ ᱾ ᱮᱴᱟᱜ ᱜᱟᱰᱟ ᱠᱚ ᱡᱮᱢᱚᱱ, ᱯᱩᱱᱯᱩᱱ, ᱚᱣᱨᱚᱝᱜᱟ,ᱵᱚᱴᱟᱱᱮ, ᱢᱳᱦᱚᱨ ᱟᱨ ᱢᱟᱫᱟᱨ ᱮᱴᱟᱱ ᱠᱚ ᱦᱚᱸ ᱱᱚᱶᱟ ᱥᱩᱨ ᱛᱮ ᱠᱚ ᱞᱤᱝᱜᱤᱱ ᱠᱟᱱᱟ ᱾
ᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "2011 census data". Retrieved 8 July 2019.
- ↑ https://www.deccanherald.com/national/end-of-a-dynasty-in-chittorgarh-of-bihar-728009.html
- ↑ "Aurangabad (Bihar) Lok Sabha Election Results 2014 with Sitting MP and Party Name". Archived from the original on 1 ᱚᱠᱴᱚᱵᱚᱨ 2016. Retrieved 15 ᱚᱠᱴᱚᱵᱚᱨ 2016.
- ↑ Srivastava, Dayawanti et al. (ed.) (2010). "States and Union Territories: Bihar: Government". India 2010: A Reference Annual (54th ed.). New Delhi, India: Additional Director General, Publications Division, Ministry of Information and Broadcasting (India), Government of India. pp. 1118–1119. ISBN 978-81-230-1617-7.
{{cite book}}:|last1=has generic name (help) - ↑ Dilip K. Chakrabarti (2001). Archaeological Geography of the Ganga Plain: The Lower and the Middle Ganga. Orient Blackswan. p. 2. ISBN 978-81-7824-016-9.