ᱚᱣᱨᱟᱭᱭᱟ ᱦᱚᱱᱚᱛ
ᱚᱣᱨᱟᱭᱭᱟ ᱦᱚᱱᱚᱛ ᱫᱚ ᱥᱤᱧᱚᱛ ᱨᱮᱱᱟᱜ ᱩᱛᱛᱚᱨ ᱯᱨᱚᱫᱮᱥ ᱯᱚᱱᱚᱛ ᱨᱮᱱᱟᱜ ᱢᱤᱫᱴᱟᱹᱝ ᱦᱚᱱᱚᱛ ᱠᱟᱱᱟ ᱟᱨ ᱚᱣᱨᱟᱭᱭᱟ ᱥᱚᱦᱚᱨ ᱫᱚ ᱦᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾[᱑] ᱱᱚᱣᱟ ᱫᱚ ᱩᱛᱛᱚᱨ ᱯᱨᱚᱫᱮᱥ ᱨᱮᱱᱟᱜ ᱮᱛᱚᱢ ᱯᱟᱪᱮ ᱴᱚᱴᱷᱟ ᱨᱮ ᱢᱮᱱᱟᱜᱼᱟ ᱟᱨ ᱠᱟᱱᱯᱩᱨ ᱰᱤᱵᱤᱡᱚᱱ ᱨᱮᱱᱟᱜ ᱦᱚᱸ ᱢᱤᱫ ᱴᱷᱟᱶ ᱠᱟᱱᱟ ᱾
| ᱚᱣᱨᱟᱭᱭᱟ ᱦᱚᱱᱚᱛ | |
|---|---|
| ᱩᱛᱛᱚᱨ ᱯᱨᱚᱫᱮᱥ ᱨᱮᱱᱟᱜ ᱦᱚᱱᱚᱛ | |
.jpg) ᱯᱷᱟᱯᱷᱩᱸᱰ ᱥᱩᱨ ᱨᱮ ᱯᱷᱤᱞᱰᱥ | |
 ᱩᱛᱛᱚᱨ ᱯᱨᱚᱫᱮᱥ ᱨᱮ ᱚᱣᱨᱟᱭᱭᱟ ᱦᱚᱱᱚᱛ ᱨᱮᱱᱟᱜ ᱴᱷᱟᱶ | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱩᱛᱛᱚᱨ ᱯᱨᱚᱫᱮᱥ |
| ᱰᱤᱵᱤᱡᱚᱱ | ᱠᱟᱱᱯᱩᱨ |
| ᱦᱮᱰᱠᱩᱣᱟᱴᱚᱨ | ᱚᱣᱨᱟᱭᱭᱟ |
| ᱛᱟᱦᱥᱤᱞ | ᱓ |
| ᱥᱚᱨᱠᱟᱨ | |
| • ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ | ᱑. ᱠᱟᱱᱱᱟᱣᱡᱽ ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ- ᱵᱤᱫᱷᱩᱱᱟ ᱒. ᱤᱴᱟᱣᱟ ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ- ᱚᱣᱨᱟᱭᱭᱟ, ᱫᱤᱵᱤᱭᱟᱯᱩᱨ-ᱦᱟᱢᱟᱨᱟ-ᱥᱣᱟᱵᱷᱤᱢᱟᱱ |
| • ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ | ᱑. ᱚᱣᱨᱟᱭᱭᱟ ᱒. ᱵᱤᱫᱷᱩᱱᱟ ᱓. ᱫᱤᱵᱤᱭᱟᱯᱩᱨ |
| ᱮᱨᱤᱭᱟ | |
| • ᱜᱩᱴ | 2054 ᱠᱤᱢᱤ২ (793 ᱜᱟᱺᱴ ᱢᱟᱭᱤᱞ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑ᱚ) |
| • ᱜᱩᱴ | ᱑,᱓᱗᱙,᱕᱔᱕ |
| • ᱰᱮᱱᱥᱤᱴᱤ | 670/ᱠᱤᱢᱤ2 (1700/ᱜᱟᱺᱴ ᱢᱟᱹᱭᱤᱞ) |
| • ᱱᱟᱜᱟᱨ | ᱒᱓᱔,᱒᱐᱕ |
| ᱦᱚᱲ ᱮᱞ | |
| • ᱥᱤᱠᱷᱱᱟᱹᱛ | ᱘᱐.᱒᱕% |
| • ᱡᱟᱱᱟᱝ ᱡᱟᱹᱱᱤ | ᱘᱖᱔ |
| IST (ᱭᱩᱴᱤᱥᱤ+᱐᱕:᱓᱐) | |
| ᱢᱩᱬ ᱰᱟᱦᱟᱨ | ᱮᱱ.ᱮᱪ.-᱑᱙, ᱵᱩᱱᱫᱮᱞᱠᱷᱚᱸᱰ ᱮᱠᱥᱯᱨᱮᱥ |
| Average annual precipitation | 792 mm |
| ᱣᱮᱵᱽᱥᱟᱭᱤᱴ | auraiya |
ᱱᱟᱜᱟᱢ
ᱥᱟᱯᱲᱟᱣ
᱑᱗ ᱥᱮᱯᱴᱮᱢᱵᱚᱨ ᱑᱙᱙᱗ ᱥᱟᱞ ᱨᱮ ᱚᱣᱨᱟᱭᱭᱟ ᱟᱨ ᱵᱤᱫᱷᱩᱱᱟ ᱧᱩᱛᱩᱢᱟᱜ ᱵᱟᱨᱭᱟ ᱛᱚᱦᱥᱤᱞ ᱫᱚ ᱤᱴᱟᱣᱟ ᱦᱚᱱᱚᱛ ᱠᱷᱚᱱ ᱵᱷᱮᱜᱟᱨ ᱠᱟᱛᱮ ᱚᱣᱨᱟᱭᱭᱟ ᱧᱩᱛᱩᱢ ᱛᱮ ᱢᱤᱫᱴᱟᱹᱝ ᱱᱟᱣᱟ ᱦᱚᱱᱚᱛ ᱵᱮᱱᱟᱣ ᱞᱮᱱᱟ ᱾ ᱱᱚᱣᱟ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱑᱙ (ᱢᱩᱜᱚᱞ ᱨᱳᱰ) ᱨᱮ ᱢᱮᱱᱟᱜᱼᱟ ᱟᱨ ᱤᱴᱟᱣᱟ ᱫᱚ ᱦᱚᱱᱚᱛ ᱦᱮᱰᱠᱩᱣᱟᱴᱚᱨ ᱠᱷᱚᱱ ᱖᱔ ᱠᱤᱞᱚᱢᱤᱴᱚᱨ ᱥᱟᱢᱟᱝ ᱨᱮ ᱟᱨ ᱠᱟᱱᱯᱩᱨ ᱠᱷᱚᱱ ᱑᱐᱕ ᱠᱤᱞᱚᱢᱤᱴᱚᱨ ᱯᱟᱪᱮ ᱨᱮ ᱢᱮᱱᱟᱜᱼᱟ ᱾
ᱚᱛᱱᱚᱜ
ᱥᱟᱯᱲᱟᱣ
ᱚᱣᱨᱟᱭᱭᱟ ᱦᱚᱱᱚᱛ ᱫᱚ ᱩᱛᱛᱚᱨ ᱯᱨᱚᱫᱮᱥ ᱨᱮᱱᱟᱜ ᱮᱛᱚᱢ ᱯᱟᱪᱮ ᱥᱮᱦᱮᱫ ᱨᱮ ᱒᱖.᱔᱖᱖᱗° ᱠᱚᱧᱮ ᱗᱙.᱕᱑᱖᱗° ᱥᱟᱢᱟᱝ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱠᱟᱱᱯᱩᱨ ᱰᱤᱵᱤᱡᱚᱱ ᱨᱮᱱᱟᱜ ᱦᱚᱸ ᱢᱤᱫ ᱴᱷᱟᱶ ᱠᱟᱱᱟ ᱾ ᱱᱚᱣᱟ ᱨᱮᱱᱟᱜ ᱥᱤᱢᱟᱹ ᱫᱚ ᱠᱚᱧᱮ ᱨᱮ ᱠᱚᱱᱱᱚᱡᱽ ᱦᱚᱱᱚᱛ, ᱯᱟᱪᱮ ᱨᱮ ᱤᱴᱟᱣᱟ, ᱥᱟᱢᱟᱝ ᱨᱮ ᱨᱟᱢᱟᱵᱟᱭ ᱱᱚᱜᱚᱨ ᱦᱚᱱᱚᱛ ᱟᱨ ᱮᱛᱚᱢ ᱨᱮ ᱡᱟᱞᱳᱱ ᱛᱮ ᱞᱟᱜᱟᱣ ᱟᱠᱟᱱᱟ ᱾ ᱱᱚᱣᱟ ᱨᱮᱱᱟᱜ ᱩᱥᱩᱞ ᱫᱚ ᱑᱓᱓ ᱢᱤᱴᱚᱨ (᱔᱓᱖ ᱯᱷᱤᱴ) ᱢᱮᱱᱟᱜᱼᱟ ᱾
ᱚᱣᱨᱟᱭᱭᱟ ᱦᱚᱱᱚᱛ ᱫᱚ ᱒,᱐᱕᱔ ᱜᱟᱺᱴ ᱠᱤᱞᱚᱢᱤᱴᱟᱨ (᱗᱙᱓ ᱥᱠᱚᱭᱟᱨ ᱢᱟᱭᱤᱞ) ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ, ᱚᱱᱟ ᱢᱩᱸᱫᱽ ᱠᱷᱚᱱ ᱫᱚ ᱯᱮ ᱜᱟᱵᱟᱬ ᱠᱷᱚᱱ ᱡᱟᱹᱥᱛᱤ ᱫᱚ ᱟᱹᱛᱩ ᱴᱚᱴᱷᱟ ᱠᱟᱱᱟ ᱾ ᱦᱚᱱᱚᱛ ᱞᱮᱠᱟᱛᱮ ᱞᱤᱸᱜᱤᱱ ᱠᱟᱱ ᱢᱩᱬ ᱜᱟᱰᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱡᱚᱢᱩᱱᱟ ᱟᱨ ᱥᱮᱝᱜᱟᱨ ᱾ ᱦᱚᱱᱚᱛ ᱨᱮ ᱡᱚᱢᱩᱱᱟ ᱨᱮᱱᱟᱜ ᱜᱩᱴ ᱡᱤᱞᱤᱧ ᱫᱚ ᱑᱑᱒ ᱠᱤᱞᱚᱢᱤᱴᱚᱨ ᱢᱮᱱᱟᱜᱼᱟ ᱾ ᱚᱣᱨᱟᱭᱭᱟ ᱫᱚ ᱥᱤᱱᱫᱷᱩ-ᱜᱟᱝᱱᱟᱹᱭ ᱴᱟᱺᱰᱤ ᱨᱮ ᱢᱮᱱᱟᱜᱼᱟ, ᱢᱮᱱᱠᱷᱟᱱ ᱱᱚᱣᱟ ᱵᱷᱤᱛᱨᱤ ᱨᱮ ᱟᱹᱰᱤᱜᱟᱱ ᱵᱷᱮᱜᱟᱨ ᱵᱷᱮᱜᱟᱨ ᱚᱨᱡᱚ ᱢᱮᱱᱟᱜᱼᱟ ᱟᱨ ᱱᱚᱣᱟ ᱫᱚ ᱱᱚᱣᱟ ᱴᱚᱴᱷᱟ ᱨᱮ ᱢᱮᱱᱟᱜ ᱜᱟᱰᱟ ᱠᱚ ᱦᱚᱛᱮᱛᱮ ᱪᱟᱞᱟᱜ ᱠᱟᱱᱟ ᱾[᱑]
ᱱᱚᱜᱚᱨᱤᱭᱟᱹ ᱥᱟᱥᱚᱱ ᱪᱟᱪᱞᱟᱣ
ᱥᱟᱯᱲᱟᱣ᱒᱐᱑᱒ ᱥᱮᱨᱢᱟ ᱫᱷᱟᱹᱨᱤᱡ, ᱚᱣᱨᱟᱭᱭᱟ ᱦᱚᱱᱚᱛ ᱨᱮ ᱵᱟᱨᱭᱟ ᱛᱚᱦᱥᱤᱞ (ᱚᱣᱨᱟᱭᱭᱟ ᱟᱨ ᱵᱤᱫᱷᱩᱱᱟ), ᱵᱟᱨᱭᱟ ᱦᱚᱲᱞᱮᱠᱷᱟ ᱥᱚᱦᱚᱨ, ᱗ ᱜᱚᱴᱟᱝ ᱥᱚᱦᱚᱨ (ᱚᱡᱤᱛᱢᱚᱞ, ᱵᱷᱚᱜᱽᱭᱚᱱᱚᱜᱚᱨ, ᱥᱚᱦᱟᱨ, ᱵᱤᱫᱷᱩᱱᱟ, ᱚᱪᱚᱞᱫᱟ, ᱮᱨᱣᱟᱠᱚᱴᱨᱟ ᱟᱨ ᱚᱣᱨᱟᱭᱭᱟ) ᱟᱨ ᱘᱔᱑ ᱜᱚᱴᱟᱝ ᱟᱹᱛᱩ ᱢᱮᱱᱟᱜᱼᱟ ᱾ ᱱᱤᱡᱮᱨᱟᱜ ᱢᱩᱱᱥᱤᱯᱟᱞᱴᱤ ᱠᱟᱣᱩᱱᱥᱤᱞ ᱦᱚᱸ ᱢᱮᱱᱟᱜᱼᱟ ᱾ ᱒᱐᱑᱔ ᱥᱮᱨᱢᱟ ᱨᱮ ᱢᱤᱫᱴᱟᱹᱝ ᱱᱟᱣᱟ ᱛᱚᱦᱥᱤᱞ, ᱚᱡᱤᱛᱢᱚᱞ ᱵᱮᱱᱟᱣ ᱮᱱᱟ ᱾
ᱢᱟᱹᱱᱤᱡ ᱱᱮᱦᱟ ᱯᱨᱚᱠᱟᱥ, ᱟᱭᱤ.ᱮ.ᱮᱥ. ᱱᱤᱛᱚᱜ ᱫᱚ ᱦᱚᱱᱚᱛ ᱢᱟᱡᱤᱥᱴᱨᱮᱴ ᱠᱟᱱᱟᱭ ᱾ ᱠᱚᱢᱚᱞ ᱥᱤᱝ ᱫᱳᱦᱨᱮ ᱫᱚ ᱮᱢ.ᱮᱞ.ᱥᱤ. ᱠᱟᱱᱟᱭ, ᱜᱩᱲᱤᱭᱟ ᱠᱚᱴᱷᱮᱨᱤᱭᱟ ᱫᱚ ᱱᱤᱛᱚᱜ ᱮᱢ.ᱮᱞ.ᱮ. ᱠᱟᱱᱟᱭ ᱾
ᱟᱹᱛᱩ ᱠᱚ
ᱥᱟᱯᱲᱟᱣᱨᱟᱡᱽᱟᱹᱨᱤ ᱠᱚ
ᱥᱟᱯᱲᱟᱣᱚᱣᱨᱟᱭᱭᱟ ᱦᱚᱱᱚᱛ ᱫᱚ ᱤᱴᱟᱣᱟ ᱞᱳᱠᱥᱚᱵᱷᱟ ᱴᱚᱴᱷᱟ ᱟᱨ ᱠᱚᱱᱱᱚᱡᱽ ᱦᱚᱱᱚᱛ ᱛᱟᱞᱟ ᱨᱮ ᱢᱮᱱᱟᱜᱼᱟ ᱾ ᱨᱟᱢᱥᱚᱝᱠᱚᱨ ᱠᱚᱴᱷᱮᱨᱤᱭᱟ ᱫᱚ (ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ) ᱨᱤᱱᱤᱡ ᱥᱚᱝᱥᱚᱫᱽ ᱥᱚᱦᱮᱫ ᱠᱟᱱᱟᱭ ᱾ ᱡᱚᱠᱷᱚᱱ ᱥᱩᱵᱽᱨᱚᱛ ᱯᱟᱴᱷᱚᱠ (ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ) ᱫᱚ ᱠᱚᱱᱱᱚᱡᱽ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱱᱤᱛᱚᱜᱤᱡ ᱥᱚᱝᱥᱚᱫᱽ ᱥᱚᱦᱮᱛ ᱠᱟᱱᱟᱭ ᱾ ᱚᱥᱳᱠ ᱠᱩᱢᱟᱨ ᱫᱚ ᱥᱤᱧᱚᱛ ᱨᱮᱱᱟᱜ ᱑᱖ ᱟᱱᱟᱜ ᱞᱳᱠ ᱥᱚᱵᱷᱟ ᱨᱤᱱᱤᱡ ᱥᱚᱦᱮᱫ ᱠᱟᱱᱟᱭ ᱾ ᱩᱱᱤ ᱫᱚ ᱩᱛᱛᱚᱨ ᱯᱨᱚᱫᱮᱥ ᱨᱮᱱᱟᱜ ᱤᱴᱟᱣᱟ ᱵᱟᱪᱷᱱᱟᱣ ᱴᱚᱴᱷᱟ ᱨᱤᱱᱤᱡ ᱥᱚᱦᱮᱫ ᱠᱟᱱᱟᱭ ᱟᱨ ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ ᱨᱤᱱᱤᱡ ᱥᱚᱦᱮᱫ ᱠᱟᱱᱟᱭ ᱾ ᱤᱴᱟᱣᱟ ᱵᱟᱪᱷᱱᱟᱣ ᱴᱚᱴᱷᱟ ᱫᱚ ᱵᱟᱝ ᱟᱹᱫᱤᱵᱟᱹᱥᱤ ᱡᱟᱹᱛᱤ ᱠᱚ ᱞᱟᱹᱜᱤᱫ ᱛᱮ ᱡᱚᱜᱟᱣ ᱢᱟᱹᱪᱤ ᱛᱟᱦᱮᱸ ᱠᱟᱱᱟ ᱾
᱒᱐᱑᱒ ᱥᱟᱞ ᱨᱮᱱᱟᱜ ᱩᱛᱛᱚᱨ ᱯᱨᱚᱫᱮᱥ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱨᱮ, ᱥᱚᱢᱟᱡᱽᱵᱟᱫᱤ ᱯᱟᱨᱴᱤ ᱨᱤᱱᱤᱡ ᱠᱟᱱᱰᱤᱰᱮᱴ ᱠᱚ ᱦᱚᱱᱚᱛ ᱨᱮᱱᱟᱜ ᱯᱮᱭᱟ ᱵᱤᱫᱷᱟᱱ ᱥᱚᱵᱷᱟ ᱴᱚᱴᱷᱟ ᱨᱮ ᱡᱤᱛᱟᱹᱣ ᱮᱱᱟ ᱾ ᱒᱐᱑᱗ ᱥᱟᱞ ᱨᱮ ᱯᱮᱭᱟ ᱵᱤᱫᱷᱟᱱ ᱥᱚᱵᱷᱟ ᱴᱚᱴᱷᱟ ᱨᱮ ᱵᱤ.ᱡᱮ.ᱯᱤ. ᱨᱤᱱ ᱥᱚᱦᱮᱛ ᱠᱚ ᱡᱤᱛᱠᱟᱹᱨ ᱞᱮᱱᱟ ᱾
- ᱚᱣᱨᱟᱭᱭᱟ- ᱨᱚᱢᱮᱥ ᱫᱤᱣᱟᱠᱚᱨ (ᱵᱤ.ᱡᱮ.ᱯᱤ.)
- ᱵᱤᱫᱷᱩᱱᱟ- ᱵᱤᱱᱟᱭ ᱥᱟᱠᱭᱚ (ᱵᱤ.ᱡᱮ.ᱯᱤ.)
- ᱫᱤᱵᱤᱭᱟᱯᱩᱨ- ᱞᱚᱠᱷᱚᱱ ᱥᱤᱝ ᱨᱟᱡᱽᱯᱩᱛ (ᱵᱤ.ᱡᱮ.ᱯᱤ.) ᱾
ᱠᱟᱹᱣᱰᱤ ᱟᱹᱨᱤ
ᱥᱟᱯᱲᱟᱣᱚᱣᱨᱟᱭᱭᱟ ᱦᱚᱱᱚᱛ ᱫᱚ ᱩᱛᱛᱚᱨ ᱯᱨᱚᱫᱮᱥ ᱥᱚᱨᱠᱟᱨ ᱦᱚᱛᱮᱛᱮ ᱯᱟᱥᱱᱟᱣ ᱟᱠᱟᱱ ᱤᱱᱰᱚᱥᱴᱨᱤᱭᱟᱞ ᱴᱚᱴᱷᱟ ᱨᱮ ᱯᱟᱹᱪᱷᱞᱟᱹ ᱦᱚᱱᱚᱛ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ ᱾ ᱫᱤᱵᱤᱭᱟᱯᱩᱨ ᱟᱨ ᱚᱣᱨᱟᱭᱭᱟ, ᱱᱚᱣᱟ ᱵᱟᱨᱭᱟ ᱥᱚᱦᱚᱨ ᱜᱮ ᱢᱩᱬᱩᱛ ᱤᱱᱰᱟᱥᱴᱨᱤᱭᱟ ᱛᱮ ᱥᱟᱡᱟᱣ ᱟᱠᱟᱱᱟ ᱾
ᱦᱩᱰᱤᱧ ᱥᱠᱮᱞ ᱠᱟᱹᱨᱜᱟᱲ ᱠᱚ
ᱥᱟᱯᱲᱟᱣᱫᱤᱵᱤᱭᱟᱯᱩᱨ ᱟᱨ ᱚᱣᱨᱟᱭᱭᱟ ᱨᱮ ᱪᱟᱣᱞᱮ ᱢᱤᱞ ᱟᱨ ᱫᱟᱹᱞ ᱢᱤᱞ ᱱᱟᱯᱟᱭ ᱛᱮ ᱠᱟᱹᱢᱤ ᱠᱟᱱᱟ ᱾ ᱱᱚᱣᱟ ᱢᱤᱞ ᱠᱚ ᱵᱮᱜᱚᱨ ᱚᱣᱨᱟᱭᱭᱟ ᱦᱚᱱᱚᱛ ᱨᱮ ᱵᱷᱮᱜᱟᱨ ᱵᱷᱮᱜᱟᱨ ᱡᱟᱭᱜᱟ ᱨᱮ ᱥᱴᱤᱞ ᱯᱷᱚᱨᱱᱤᱪᱚᱨ ᱟᱨ ᱥᱤᱢᱮᱱᱴ ᱯᱨᱚᱰᱭᱩᱠᱥ ᱦᱩᱰᱤᱧ ᱥᱠᱮᱞ ᱠᱟᱹᱨᱜᱟᱲ ᱠᱚ ᱢᱮᱱᱟᱜᱼᱟ ᱾ ᱱᱚᱣᱟ ᱠᱚ ᱦᱩᱰᱤᱧ ᱥᱠᱮᱞ ᱠᱟᱹᱨᱜᱟᱲ ᱞᱟᱹᱜᱤᱫ ᱵᱮᱨᱮᱞ ᱢᱟᱞ ᱫᱚ ᱟᱜᱽᱨᱟ ᱟᱨ ᱠᱟᱱᱯᱩᱨ ᱠᱷᱚᱱ ᱮᱢᱚᱜ ᱦᱩᱭᱩᱜᱼᱟ ᱾ ᱢᱩᱬ ᱞᱮᱠᱟᱛᱮ ᱪᱟᱣᱞᱮ, ᱫᱟᱹᱞ ᱟᱨ ᱫᱤᱥᱤ ᱜᱷᱤ ᱫᱚ ᱮᱴᱟᱜ ᱦᱚᱱᱚᱛ ᱟᱨ ᱯᱚᱱᱚᱛ ᱠᱚᱨᱮ ᱥᱮᱴᱮᱨᱚᱜᱼᱟ ᱾ ᱚᱣᱨᱟᱭᱭᱟ ᱥᱚᱦᱚᱨ ᱨᱮᱜᱮ ᱥᱟᱦᱟᱱ ᱯᱷᱚᱨᱱᱤᱪᱚᱨ ᱨᱮᱱᱟᱜ ᱠᱟᱹᱢᱤ ᱟᱹᱰᱤ ᱢᱟᱨᱟᱝ ᱞᱮᱠᱟᱛᱮ ᱦᱩᱭᱩᱜᱼᱟ ᱟᱨ ᱟᱡᱟᱜ ᱠᱮᱪᱮᱫ ᱟᱨ ᱥᱤᱠᱷᱱᱟᱹᱛ ᱠᱷᱟᱹᱛᱤᱨ ᱛᱮ ᱚᱱᱟ ᱥᱩᱨᱥᱩᱯᱩᱨ ᱦᱚᱱᱚᱛ ᱠᱚᱨᱮ ᱯᱷᱚᱨᱱᱤᱪᱚᱨ ᱵᱮᱵᱚᱥᱛᱟ ᱨᱮ ᱱᱟᱯᱟᱭ ᱴᱷᱟᱶ ᱮ ᱟᱢᱮᱴ ᱟᱠᱟᱫᱼᱟ ᱾
ᱫᱤᱵᱤᱭᱟᱯᱩᱨ ᱫᱚ ᱱᱚᱣᱟ ᱦᱚᱱᱚᱛ ᱨᱮᱱᱟᱜ ᱢᱤᱫ ᱧᱩᱛᱩᱢᱟᱱ ᱠᱟᱹᱨᱜᱟᱲ ᱥᱚᱦᱚᱨ ᱠᱟᱱᱟ, ᱡᱟᱦᱟᱸ ᱨᱮ ᱥᱤᱧᱚᱛ ᱨᱮᱱᱟᱜ ᱢᱩᱬᱩᱛ ᱫᱤᱥᱩᱣᱟᱹ ᱴᱚᱴᱷᱟ ᱨᱮᱱᱟᱜ ᱤᱱᱴᱟᱨᱯᱨᱟᱭᱤᱡᱽ ᱠᱚ ᱢᱮᱱᱟᱜᱼᱟ ᱾ ᱮᱱ.ᱴᱤ.ᱯᱤ.ᱥᱤ. ᱨᱮᱱᱟᱜ ᱖᱖᱓ ᱢᱮᱜᱟᱣᱟᱴ ᱨᱮᱱᱟᱜ ᱡᱩᱢᱤᱫᱽ ᱪᱤᱠᱨᱚ ᱵᱤᱰᱟᱣᱩᱴ ᱯᱞᱟᱸᱴ,[᱒] ᱜᱮᱞ ᱨᱮᱱᱟᱜ ᱯᱮᱴᱨᱳᱠᱮᱢᱤᱠᱚᱞ ᱯᱞᱟᱸᱴ ᱟᱨ ᱜᱮᱥ ᱠᱚᱢᱯᱨᱮᱥᱚᱨ ᱥᱴᱮᱥᱚᱱ ᱾[᱓] ᱜᱮᱥ ᱚᱛᱷᱚᱨᱤᱴᱤ ᱚᱯᱷ ᱤᱱᱰᱤᱭᱟ ᱞᱤᱢᱤᱴᱮᱰ ᱨᱮᱱᱟᱜ ᱩᱛᱛᱚᱨ ᱯᱨᱚᱫᱮᱥ ᱯᱮᱴᱨᱳᱠᱮᱢᱤᱠᱚᱞ ᱠᱚᱢᱯᱞᱮᱠᱥ (ᱭᱩ.ᱯᱤ.ᱯᱤ.ᱥᱤ.) ᱯᱟᱛᱟ, ᱦᱚᱱᱚᱛ ᱨᱮ ᱢᱮᱱᱟᱜᱼᱟ ᱾ ᱚᱣᱨᱟᱭᱭᱟ, ᱩᱛᱛᱚᱨ ᱯᱨᱚᱫᱮᱥ ᱱᱚᱣᱟ ᱫᱚ ᱜᱮᱞ ᱨᱮᱱᱟᱜ ᱢᱤᱥᱚᱱ ᱞᱮᱠᱟᱛᱮ ᱵᱮᱱᱟᱣ ᱟᱠᱟᱱᱟ ᱡᱮ ᱱᱚᱣᱟ ᱫᱚ ᱡᱚᱛᱚ ᱞᱮᱠᱟᱱ ᱱᱮᱪᱩᱨᱟᱞ ᱜᱮᱥ ᱠᱷᱚᱱ ᱡᱟᱹᱥᱛᱤ ᱫᱷᱚᱱ ᱮᱢᱚᱜᱼᱟ ᱾
ᱦᱮᱡ ᱥᱮᱱ
ᱥᱟᱯᱲᱟᱣ
ᱨᱮᱞ
ᱥᱟᱯᱲᱟᱣᱦᱚᱱᱚᱛ ᱨᱮ ᱘ ᱜᱚᱴᱟᱝ ᱨᱮᱞᱣᱮ ᱥᱴᱮᱥᱚᱱ/ᱦᱚᱞᱴ ᱢᱮᱱᱟᱜᱼᱟ ᱾ ᱦᱚᱱᱚᱛ ᱫᱚ "ᱮ" ᱜᱨᱮᱰ ᱯᱷᱚᱯᱷᱩᱸᱫᱽ (ᱫᱤᱵᱤᱭᱟᱯᱩᱨ) ᱨᱮᱞᱣᱮ ᱥᱴᱮᱥᱚᱱ ᱦᱚᱛᱮᱛᱮ ᱱᱟᱯᱟᱭ ᱛᱮ ᱥᱮᱵᱟ ᱮᱢᱚᱜ ᱠᱟᱱᱟ ᱾ ᱦᱚᱱᱚᱛ ᱨᱮ ᱨᱮᱞᱣᱮ ᱞᱟᱭᱤᱱ ᱨᱮᱱᱟᱜ ᱡᱤᱞᱤᱧ ᱫᱚ ᱓᱓ ᱠᱤᱞᱚᱢᱤᱴᱚᱨ ᱢᱮᱱᱟᱜᱼᱟ ᱟᱨ ᱱᱚᱣᱟ ᱠᱚᱧᱮ ᱛᱟᱞᱢᱟ ᱨᱮᱞᱣᱮ ᱴᱚᱴᱷᱟ ᱨᱮᱱᱟᱜ ᱴᱷᱟᱶ ᱠᱟᱱᱟ ᱾
ᱥᱚᱲᱚᱠ
ᱥᱟᱯᱲᱟᱣᱥᱚᱦᱚᱨ ᱟᱨ ᱟᱹᱛᱩ ᱠᱚᱫᱚ ᱥᱚᱲᱚᱠ ᱛᱮ ᱱᱟᱯᱟᱭ ᱛᱮ ᱥᱟᱡᱟᱣ ᱟᱠᱟᱱᱟ ᱪᱮᱫᱟᱜ ᱥᱮ ᱱᱚᱣᱟ ᱴᱚᱴᱷᱟ ᱨᱮ ᱦᱤᱡᱩᱜ ᱥᱮᱱᱚᱜ ᱨᱮᱱᱟᱜ ᱢᱩᱬᱩᱛ ᱦᱚᱨ ᱠᱟᱱᱟ ᱾ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱑᱙ (ᱢᱩᱜᱚᱞ ᱨᱳᱰ) ᱦᱚᱱᱚᱛ ᱨᱮᱱᱟᱜ ᱮᱛᱚᱢ ᱥᱮᱦᱮᱫ ᱠᱷᱚᱱ ᱪᱟᱞᱟᱜ ᱠᱟᱱᱟ ᱾ ᱚᱣᱨᱟᱭᱭᱟ ᱦᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱤᱴᱟᱣᱟ ᱠᱷᱚᱱ ᱖᱔ ᱠᱤᱞᱚᱢᱤᱴᱚᱨ ᱟᱨ ᱠᱟᱱᱯᱩᱨ ᱠᱷᱚᱱ ᱑᱐᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱚᱣᱨᱟᱭᱭᱟ ᱵᱟᱥ ᱥᱴᱮᱥᱚᱱ ᱫᱚ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱑᱙ ᱨᱮ ᱢᱮᱱᱟᱜᱼᱟ ᱾ ᱩᱛᱛᱚᱨ ᱯᱨᱚᱫᱮᱥ ᱯᱚᱱᱚᱛ ᱥᱚᱲᱚᱠ ᱥᱟᱜᱟᱲᱚᱢ ᱠᱚᱨᱯᱚᱨᱮᱥᱚᱱ ᱫᱚ ᱩᱛᱛᱚᱨ ᱯᱨᱚᱫᱮᱥ ᱨᱮᱱᱟᱜ ᱡᱚᱛᱚ ᱥᱚᱦᱚᱨ ᱜᱮ ᱵᱟᱥ ᱫᱚ ᱪᱟᱞᱟᱜ ᱠᱟᱱᱟ ᱾ ᱚᱣᱨᱟᱭᱭᱟ ᱠᱷᱚᱱ ᱠᱚᱱᱱᱚᱡᱽ, ᱠᱟᱱᱯᱩᱨ, ᱟᱜᱽᱨᱟ, ᱤᱞᱟᱦᱟᱵᱟᱫᱽ ᱟᱨ ᱯᱷᱮᱭᱡᱟᱵᱟᱫᱽ ᱞᱟᱹᱜᱤᱫ ᱨᱤᱜᱩᱞᱚᱨ ᱵᱟᱥ ᱪᱟᱞᱟᱜᱼᱟ ᱾
ᱦᱚᱲ ᱮᱞ
ᱥᱟᱯᱲᱟᱣ| ᱦᱚᱲ ᱮᱞᱥᱚᱝ ᱱᱟᱜᱟᱢ | ||
|---|---|---|
| ᱥᱮᱨᱢᱟ | ᱦᱚᱲ. | ±% ᱥᱮ.ᱯᱤ. |
| 1901 | ᱓᱖᱕,᱙᱑᱙ | — |
| 1911 | ᱓᱔᱔,᱗᱔᱘ | −0.59% |
| 1921 | ᱓᱓᱒,᱖᱘᱙ | −0.36% |
| 1931 | ᱓᱓᱘,᱓᱔᱖ | +0.17% |
| 1941 | ᱔᱐᱐,᱕᱙᱙ | +1.70% |
| 1951 | ᱔᱔᱐,᱒᱕᱓ | +0.95% |
| 1961 | ᱕᱔᱓,᱕᱕᱕ | +2.13% |
| 1971 | ᱖᱖᱙,᱑᱘᱑ | +2.10% |
| 1981 | ᱘᱐᱘,᱒᱒᱒ | +1.91% |
| 1991 | ᱑,᱐᱐᱐,᱐᱓᱕ | +2.15% |
| 2001 | ᱑,᱑᱗᱙,᱙᱙᱓ | +1.67% |
| 2011 | ᱑,᱓᱗᱙,᱕᱔᱕ | +1.57% |
| source:[᱔] | ||
᱒᱐᱑᱑ ᱥᱮᱨᱢᱟ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱚᱣᱨᱟᱭᱭᱟ ᱦᱚᱱᱚᱛ ᱨᱮ ᱑,᱓᱗᱙,᱕᱔᱕ ᱦᱚᱲ ᱢᱮᱱᱟᱜ ᱠᱚᱣᱟ ᱾[᱕] ᱡᱟᱦᱟᱸ ᱫᱚ ᱤᱥᱣᱟᱛᱤᱱᱤ ᱫᱤᱥᱚᱢ[᱖] ᱟᱨᱵᱟᱝ ᱡᱩᱢᱤᱫᱽ ᱯᱚᱱᱚᱛ ᱟᱢᱮᱨᱤᱠᱟ ᱦᱟᱣᱟᱭ ᱥᱟᱶ ᱵᱟᱨᱟᱵᱟᱹᱨᱤ ᱟᱠᱚ ᱾[᱗] ᱱᱚᱣᱟ ᱫᱚ ᱥᱤᱧᱚᱛ ᱨᱮ ᱓᱕᱗ ᱟᱱᱟᱜ ᱨᱮᱝᱠᱤᱝ ᱨᱮ ᱢᱮᱱᱟᱜᱼᱟ (ᱜᱩᱴ ᱖᱔᱐ ᱠᱷᱚᱱ) ᱾[᱕] ᱦᱚᱱᱚᱛ ᱨᱮᱱᱟᱜ ᱦᱚᱲ ᱮᱞ ᱰᱮᱱᱥᱤᱴᱤ ᱫᱚ ᱖᱘᱑ ᱜᱚᱴᱟᱝ ᱦᱚᱲ ᱜᱚᱴᱟ ᱠᱤᱞᱚᱢᱤᱴᱚᱨ (᱑,᱗᱖᱐/ᱜᱟᱺᱴ ᱢᱟᱭᱤᱞ) ᱢᱮᱱᱟᱜ ᱠᱚᱣᱟ ᱾[᱕] ᱒᱐᱐᱑-᱒᱐᱑᱑ ᱥᱮᱨᱢᱟ ᱨᱮ ᱱᱚᱸᱰᱮ ᱨᱤᱱ ᱦᱚᱲ ᱮᱞ ᱜᱨᱚᱛᱷ ᱫᱚᱨ ᱫᱚ ᱑᱖.᱓% ᱛᱟᱦᱮᱸ ᱠᱟᱱᱟ ᱾[᱕] ᱚᱣᱨᱟᱭᱭᱟ ᱨᱮ ᱡᱟᱱᱟ ᱡᱟᱹᱱᱤ ᱫᱚ ᱑᱐᱐᱐ ᱠᱚᱲᱟ ᱨᱮ ᱘᱖᱔ ᱛᱤᱨᱞᱟᱹ ᱢᱮᱱᱟᱜ ᱠᱚᱣᱟ,[᱕] ᱟᱨ ᱥᱤᱠᱷᱱᱟᱹᱛ ᱫᱚᱨ ᱫᱚ ᱘᱐.᱒᱕% ᱢᱮᱱᱟᱜᱼᱟ ᱾ ᱑᱖.᱙᱘% ᱦᱚᱲ ᱮᱞ ᱫᱚ ᱥᱚᱦᱨᱤ ᱴᱚᱴᱷᱟ ᱨᱮ ᱠᱚ ᱛᱟᱦᱮᱸᱱᱟ ᱾ ᱵᱟᱝ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱦᱚᱲ ᱮᱞ ᱫᱚ ᱒᱘.᱓᱙% ᱢᱮᱱᱟᱜ ᱠᱚᱣᱟ ᱾[᱕]
ᱭᱩᱯᱤ ᱡᱟᱠᱟᱛ ᱨᱮ ᱚᱣᱨᱟᱭᱭᱟ ᱫᱚ ᱛᱮᱭᱟᱨ ᱴᱷᱟᱶ ᱨᱮ ᱢᱮᱱᱟᱜᱼᱟ ᱾ ᱒᱐᱑᱑ ᱥᱮᱨᱢᱟ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱦᱚᱱᱚᱛ ᱨᱮᱱᱟᱜ ᱴᱷᱟᱶ
᱑᱙᱙᱑ ᱥᱟᱞ ᱨᱮ ᱯᱚᱱᱚᱛ ᱨᱮ ᱘᱓.᱗᱖% ᱥᱟᱶ ᱵᱟᱨᱟᱵᱟᱹᱨᱤ ᱠᱷᱟᱱᱮᱢ ᱦᱤᱱᱫᱩ ᱠᱚᱣᱟᱜ ᱫᱚ ᱙᱒.᱗᱙% ᱛᱟᱦᱮᱸ ᱠᱟᱱᱟ ᱟᱨ ᱯᱚᱱᱚᱛ ᱨᱮ ᱑᱕.᱔᱘% ᱦᱤᱥ ᱦᱚᱲ ᱫᱚ ᱢᱩᱥᱞᱤᱢ ᱠᱟᱱᱟ ᱠᱚ, ᱖.᱖᱓% ᱾ ᱡᱤᱞᱟ. ᱨᱮᱭᱟᱜ ᱥᱟᱨᱮᱡ ᱐.᱕᱘% ᱦᱚᱲ ᱫᱚ ᱥᱤᱠᱷ, ᱤᱥᱟ.ᱭ, ᱡᱚᱭᱚᱱ ᱟᱨ ᱵᱩᱫᱫᱷᱚ ᱫᱷᱚᱨᱚᱢ ᱨᱮᱱ ᱠᱟᱱᱟ ᱠᱚ। ᱒᱐᱑᱑ ᱥᱮᱨᱢᱟ ᱨᱮ ᱚᱨᱟᱭᱚᱭᱟ ᱦᱚᱱᱚᱛ ᱨᱮ ᱙᱒% ᱦᱤᱱᱫᱩ ᱟᱨ ᱗% ᱢᱩᱥᱞᱤᱢ ᱠᱚ ᱛᱟᱦᱮᱸ ᱠᱟᱱᱟ ᱾
᱑᱙᱙᱑ ᱥᱟᱞ ᱨᱮ ᱦᱤᱱᱫᱩ ᱫᱷᱚᱨᱚᱢ ᱨᱤᱱ ᱦᱚᱲ ᱠᱚᱣᱟᱜ ᱞᱮᱠᱷᱟ ᱫᱚ ᱙᱒.᱗᱙% ᱛᱟᱦᱮᱸ ᱠᱟᱱᱟ ᱟᱨ ᱢᱩᱥᱞᱤᱢ ᱫᱷᱚᱨᱚᱢ ᱨᱤᱱ ᱦᱚᱲ ᱠᱚᱣᱟᱜ ᱞᱮᱠᱷᱟ ᱫᱚ ᱖.᱖᱓% ᱛᱟᱦᱮᱸ ᱠᱟᱱᱟ ᱾ ᱦᱚᱱᱚᱛ ᱨᱮᱱᱟᱜ ᱮᱴᱟᱜ ᱐.᱕᱘% ᱦᱚᱲ ᱫᱚ ᱥᱤᱠᱷ, ᱤᱥᱟᱹᱭ, ᱡᱮᱭᱱ ᱟᱨ ᱵᱩᱫᱫᱷᱚ ᱫᱷᱚᱨᱚᱢ ᱨᱤᱱ ᱠᱟᱱᱟ ᱠᱚ ᱾ ᱒᱐᱑᱑ ᱥᱮᱨᱢᱟ ᱨᱮ ᱚᱣᱨᱟᱭᱭᱟ ᱦᱚᱱᱚᱛ ᱨᱮ ᱙᱒% ᱦᱤᱱᱫᱩ ᱟᱨ ᱗% ᱢᱩᱥᱞᱤᱢ ᱠᱚ ᱛᱟᱦᱮ ᱠᱟᱱᱟ, ᱦᱤᱱᱫᱩ ᱠᱚ ᱫᱚ ᱟᱹᱛᱩ ᱴᱚᱴᱷᱟ ᱨᱮ ᱡᱟᱹᱥᱛᱤ ᱜᱮᱠᱚ ᱛᱟᱦᱮᱱᱟ ᱾[᱘]
ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱚᱠᱛᱚ, ᱦᱚᱱᱚᱛ ᱨᱮ ᱙᱘.᱕᱒% ᱦᱚᱲ ᱫᱚ ᱦᱤᱱᱫᱤ (ᱟᱨᱵᱟᱝ ᱚᱱᱟ ᱥᱟᱶ ᱡᱚᱯᱲᱟᱣ ᱯᱟᱹᱨᱥᱤ) ᱠᱚ ᱨᱚᱲᱟ ᱟᱨ ᱑.᱓᱗% ᱦᱚᱲ ᱫᱚ ᱩᱨᱫᱩ ᱫᱚ ᱟᱠᱚᱣᱟᱜ ᱯᱩᱭᱞᱩ ᱯᱟᱹᱨᱥᱤ ᱞᱮᱠᱟᱛᱮ ᱠᱚ ᱨᱚᱲᱟ ᱾[᱙]
ᱢᱤᱰᱤᱭᱟ
ᱥᱟᱯᱲᱟᱣᱦᱤᱱᱫᱤ, ᱤᱝᱞᱤᱥ ᱟᱨ ᱩᱨᱫᱩ ᱨᱮ ᱟᱭᱢᱟ ᱠᱷᱚᱵᱚᱨ ᱠᱟᱜᱚᱡᱽ ᱟᱨ ᱚᱱᱚᱞ ᱠᱚ ᱯᱟᱨᱥᱟᱞᱚᱜᱼᱟ ᱾ ᱚᱢᱚᱨ ᱩᱡᱟᱞᱟ, ᱫᱟᱭᱱᱤᱠ ᱵᱷᱟᱥᱠᱚᱨ ᱟᱨ ᱫᱟᱭᱱᱤᱠ ᱡᱚᱜᱚᱨᱚᱱ ᱨᱮᱱᱟᱜ ᱯᱟᱥᱱᱟᱣ ᱟᱹᱰᱤ ᱵᱟᱹᱲᱛᱤ ᱢᱮᱱᱟᱜᱼᱟ, ᱟᱨ ᱟᱭᱢᱟ ᱧᱩᱛᱩᱢᱟᱱ ᱥᱚᱦᱚᱨ ᱠᱷᱚᱱ ᱴᱚᱴᱷᱟᱠᱤᱭᱟᱹ ᱮᱰᱤᱥᱟᱱ ᱠᱚ ᱯᱟᱥᱱᱟᱣ ᱦᱩᱭᱩᱜᱼᱟ ᱾ ᱢᱩᱬᱩᱛ ᱤᱝᱞᱤᱥ ᱯᱟᱹᱨᱥᱤ ᱨᱮᱱᱟᱜ ᱠᱷᱚᱵᱚᱨ ᱯᱚᱛᱚᱵ ᱠᱚ ᱚᱞ ᱟᱨ ᱵᱮᱵᱷᱟᱨᱚᱜ ᱠᱟᱱᱟ, ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱴᱟᱭᱤᱢᱥ ᱚᱯᱷ ᱤᱱᱰᱤᱭᱟ, ᱦᱤᱱᱫᱩᱥᱛᱟᱱ ᱴᱟᱭᱤᱢᱥ ᱟᱨ ᱫᱟ ᱦᱤᱱᱫᱩ ᱾
ᱢᱟᱞᱴᱤ ᱥᱤᱥᱴᱮᱢ ᱚᱯᱨᱮᱴᱚᱨ ᱠᱮᱵᱮᱞ ᱤᱫᱤ ᱛᱮ ᱦᱤᱱᱫᱤ, ᱤᱝᱞᱤᱥ, ᱵᱟᱝᱞᱟ, ᱱᱮᱯᱟᱞᱤ ᱟᱨ ᱡᱮᱜᱮᱛᱟᱹᱨᱤ ᱪᱮᱱᱮᱞ ᱠᱚ ᱨᱮᱱᱟᱜ ᱢᱤᱪᱷᱤᱞ ᱮᱢᱚᱜᱼᱟ ᱥᱮᱞ ᱯᱷᱚᱱ ᱯᱨᱚᱰᱭᱩᱥᱚᱨ ᱨᱮ ᱵᱷᱳᱰᱟᱯᱷᱚᱱ, ᱮᱭᱟᱨᱴᱮᱞ, ᱵᱤ.ᱮᱥ.ᱮᱱ.ᱮᱞ., ᱨᱤᱞᱟᱭᱤᱱᱥ ᱠᱚᱢᱭᱩᱱᱤᱠᱮᱥᱚᱱ, ᱭᱩᱱᱤᱱᱟᱨ, ᱮᱭᱟᱨᱥᱮᱞ, ᱴᱟᱴᱟ ᱤᱱᱰᱤᱠᱚᱢ, ᱤᱰᱤᱭᱟ ᱥᱮᱞᱭᱩᱞᱟᱨ, ᱡᱤᱭᱳ ᱟᱨ ᱴᱟᱴᱟ ᱰᱳᱠᱳᱢᱳ ᱥᱮᱞᱮᱫ ᱢᱮᱱᱟᱜᱼᱟ ᱾
ᱠᱷᱮᱞᱚᱸᱰ ᱠᱚ
ᱥᱟᱯᱲᱟᱣᱠᱨᱤᱠᱮᱴ ᱟᱨ ᱯᱷᱩᱴᱵᱚᱞ ᱫᱚ ᱦᱚᱱᱚᱛ ᱨᱮ ᱡᱚᱛᱚ ᱠᱷᱚᱱ ᱵᱟᱰᱟᱭᱚᱜ ᱠᱟᱱ ᱠᱷᱮᱞ ᱠᱟᱱᱟ ᱾ ᱡᱚᱛᱚ ᱴᱚᱴᱷᱟ ᱨᱮ ᱟᱭᱢᱟ ᱠᱨᱤᱠᱮᱴ ᱴᱟᱺᱰᱤ ᱢᱮᱱᱟᱜᱼᱟ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ ᱑.᱐ ᱑.᱑ "Official Website of District Auraiya, Uttar Pradesh". Archived from the original on 2007-09-06. Retrieved 2010-08-08.
- ↑ NTPC
- ↑ GAIL
- ↑ Decadal Variation In Population Since 1901
- ↑ ᱕.᱐ ᱕.᱑ ᱕.᱒ ᱕.᱓ ᱕.᱔ ᱕.᱕ "District Census Handbook: Auraiya" (PDF). censusindia.gov.in. Registrar General and Census Commissioner of India. 2011.
- ↑ US Directorate of Intelligence. "Country Comparison:Population". Archived from the original on 27 September 2011. Retrieved 2011-10-01.
Swaziland 1,370,424
- ↑ "2010 Resident Population Data". U. S. Census Bureau. Archived from the original on 2013-10-19. Retrieved 2011-09-30.
Hawaii 1,360,301
- ↑ ᱘.᱐ ᱘.᱑ "Table C-01 Population by Religion: Uttar Pradesh". censusindia.gov.in. Registrar General and Census Commissioner of India. 2011.
- ↑ ᱙.᱐ ᱙.᱑ "Table C-16 Population by Mother Tongue: Uttar Pradesh". www.censusindia.gov.in. Registrar General and Census Commissioner of India.
ᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣ| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱚᱣᱨᱟᱭᱭᱟ ᱦᱚᱱᱚᱛ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
| ᱣᱤᱠᱤᱥᱟᱸᱜᱷᱟᱨ ᱨᱮ ᱫᱤᱵᱤᱭᱟᱯᱩᱨ ᱵᱟᱵᱚᱛ ᱥᱟᱸᱜᱷᱟᱨ ᱫᱤᱥᱼᱦᱩᱫᱤᱥ ᱢᱮᱱᱟᱜᱼᱟ ᱾ |