ᱛᱟᱞᱮ (ᱥᱟᱲᱮᱸᱥ ᱧᱩᱛᱩᱢ: Borassus flabellifer, en: Asian Palmyra Palm) ᱫᱚ ᱮᱥᱤᱭᱟ ᱟᱨ ᱟᱯᱷᱨᱤᱠᱟ ᱨᱮᱱᱟᱜ ᱥᱤᱛᱩᱝ ᱫᱤᱱ ᱟᱜ ᱢᱤᱫᱴᱟᱹᱝ ᱫᱟᱨᱮ ᱟᱨ ᱡᱚ ᱠᱟᱱᱟ ᱾ ᱥᱤᱧᱚᱛ, ᱱᱮᱯᱟᱞ, ᱵᱟᱝᱞᱟᱫᱮᱥ, ᱥᱨᱤᱞᱚᱝᱠᱟ, ᱠᱮᱢᱵᱳᱰᱤᱭᱟ, ᱞᱟᱣᱥ, ᱵᱟᱨᱢᱟ, ᱛᱷᱟᱭᱤᱞᱮᱱᱰ, ᱵᱷᱤᱭᱮᱛᱱᱟᱢ, ᱢᱟᱞᱚᱭᱥᱤᱭᱟ, ᱤᱱᱰᱳᱱᱮᱥᱤᱭᱟ, ᱯᱷᱤᱞᱤᱯᱤᱱᱥ ᱱᱚᱣᱟᱠᱚ ᱞᱮᱠᱟᱱ ᱫᱤᱥᱚᱢ ᱠᱚᱨᱮ ᱛᱟᱞᱮ ᱫᱟᱨᱮ ᱧᱮᱞᱚᱜᱼᱟ ᱾ ᱛᱟᱞᱮ ᱫᱟᱨᱮ ᱥᱮ ᱡᱚ ᱫᱚ ᱟᱭᱢᱟ ᱡᱟᱜᱟ ᱨᱮᱜᱮ ᱵᱚᱸᱜᱟ ᱠᱟᱹᱢᱤ ᱨᱮ ᱠᱚ ᱵᱮᱵᱷᱟᱨᱟ ᱾ ᱵᱤᱥᱮᱥ ᱠᱟᱛᱮ ᱦᱤᱱᱫᱩ ᱫᱷᱚᱨᱚᱢ ᱨᱮ ᱛᱟᱞᱮ ᱨᱮᱱᱟᱜ ᱟᱭᱢᱟ ᱞᱮᱠᱟᱱ ᱫᱷᱚᱨᱚᱢ ᱵᱮᱵᱷᱟᱨ ᱢᱮᱱᱟᱜᱼᱟ ᱾ ᱛᱟᱞᱮ ᱥᱚᱡᱚ ᱟᱨ ᱛᱟᱞᱮ ᱵᱤᱞᱤ ᱨᱮ ᱟᱹᱰᱤ ᱜᱮ ᱵᱷᱤᱴᱟᱢᱤᱱ ᱢᱮᱱᱟᱜᱼᱟ ᱾ ᱛᱟᱞᱮ ᱫᱟᱨᱮ ᱠᱟᱴ ᱟᱹᱰᱤ ᱜᱮ ᱠᱮᱴᱮᱡᱼᱟ ᱾ ᱥᱤᱧᱚᱛ ᱨᱮᱱᱟᱜ ᱛᱟᱢᱤᱞᱱᱟᱰᱩ ᱯᱚᱱᱚᱛ ᱨᱮ ᱵᱚᱸᱜᱟ ᱵᱳᱨᱳ ᱨᱮ ᱛᱟᱞᱮ ᱨᱮᱱᱟᱜ ᱟᱹᱰᱤ ᱠᱟᱡᱟᱠ ᱵᱮᱵᱷᱟᱨ ᱧᱮᱞᱚᱜᱼᱟ ᱾ ᱥᱮᱫᱟᱭ ᱦᱚᱲ ᱦᱚᱯᱚᱱᱟᱜ ᱡᱟᱹᱲ ᱠᱚᱨᱮ ᱛᱟᱞᱮ ᱫᱟᱨᱮ ᱨᱮ ᱫᱚ ᱵᱷᱩᱛ ᱠᱚ ᱩᱠᱩ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱱᱟ ᱾

ᱛᱟᱞᱮ
ᱥᱟᱬᱮᱥ ᱞᱮᱠᱟᱛᱮ ᱦᱟᱹᱴᱤᱧ edit
Missing taxonomy template (fix): Monocots
Clade: Commelinids
Order: Arecales
Family: Arecaceae
Genus: Borassus
ᱡᱟᱹᱛ: B. flabellifer
ᱵᱟᱭᱱᱚᱢᱤᱭᱟᱞ ᱧᱩᱛᱩᱢ
Borassus flabellifer
Synonyms[᱑]
  • Borassus flabelliformis L.
  • Borassus flabelliformis Roxb.
  • Borassus sundaicus Becc.
  • Borassus tunicatus Lour.
  • Lontarus domestica Gaertn. nom. illeg.
  • Pholidocarpus tunicatus (Lour.) H.Wendl.
  • Thrinax tunicata (Lour.) Rollisson

ᱵᱤᱵᱨᱚᱱ (Description) ᱥᱟᱯᱲᱟᱣ

 
ᱵᱤᱞᱤ ᱛᱟᱞᱮ

ᱛᱟᱞᱮ ᱫᱟᱨᱮ ᱫᱚ ᱯᱟᱢ ᱡᱟᱹᱛ ᱨᱮᱱᱟᱜ ᱟᱹᱰᱤ ᱩᱥᱩᱞ ᱫᱟᱨᱮ ᱠᱟᱱᱟ ᱾ ᱢᱤᱫᱴᱟᱹᱝ ᱛᱟᱞᱮ ᱫᱟᱨᱮ ᱖᱐ ᱯᱷᱤᱴ ᱡᱤᱞᱤᱧ ᱦᱩᱭ ᱫᱟᱲᱮᱭᱟᱜᱼᱟ ᱾ ᱛᱟᱞᱮ ᱥᱟᱠᱟᱢ ᱫᱚ ᱯᱷᱮᱱ ᱨᱮᱱᱟᱜ ᱯᱟᱸᱠᱷᱟ ᱞᱮᱠᱟ, ᱚᱱᱟᱛᱮ ᱯᱟᱢ ᱡᱟᱹᱛ ᱨᱮᱱᱟᱜ ᱫᱟᱨᱮ ᱠᱚ ᱫᱚ ᱢᱤᱫ ᱥᱟᱶᱛᱮ ᱯᱷᱮᱱ ᱯᱟᱢ ᱦᱚᱸ ᱠᱚ ᱢᱮᱱᱟ ᱾ ᱫᱟᱨᱮ ᱧᱩᱛᱩᱢ ᱞᱮᱠᱟ ᱛᱮᱜᱮ ᱛᱟᱞᱮ ᱥᱟᱠᱟᱢ ᱨᱚᱦᱚᱲ ᱠᱟᱛᱮ ᱛᱤᱻᱛᱮᱭᱟᱜ ᱯᱷᱮᱱ ᱟᱨᱵᱟᱝ ᱯᱟᱸᱠᱷᱟ ᱠᱚ ᱵᱮᱱᱟᱣᱼᱟ ᱾

ᱛᱟᱞᱮ ᱫᱚ ᱥᱤᱧᱚᱛ ᱩᱯᱚ ᱢᱚᱦᱟᱫᱮᱥ ᱨᱮᱱᱟᱜ ᱢᱤᱫᱴᱟᱹᱝ ᱧᱩᱛᱩᱢᱟᱱ ᱫᱟᱨᱮ ᱟᱨ ᱡᱚ ᱠᱟᱱᱟ ᱾ ᱪᱮᱫᱟᱜ ᱡᱮ ᱱᱤᱭᱟᱹ ᱨᱮᱱᱟᱜ ᱡᱚᱛᱚ ᱜᱮ ᱵᱮᱵᱷᱟᱨ ᱥᱮ ᱡᱚᱢ ᱜᱟᱱᱚᱜᱼᱟ ᱾

ᱛᱟᱞᱮ ᱥᱟᱠᱟᱢ ᱛᱮ ᱚᱲᱟᱜ ᱠᱚ ᱫᱟᱞᱚᱵᱟ, ᱵᱤᱱᱤ ᱠᱚ ᱛᱮᱭᱟᱨᱟ, ᱯᱟᱹᱴᱭᱟᱹ, ᱯᱩᱛᱩᱞ ᱟᱨᱦᱚᱸ ᱮᱢᱟᱱ ᱛᱮᱭᱟᱜ ᱡᱤᱱᱤᱥ ᱠᱚ ᱵᱮᱱᱟᱣᱟ ᱾

ᱛᱟᱞᱮ ᱠᱟᱴᱷ ᱛᱮ ᱚᱲᱟᱜ ᱨᱮᱱᱟᱜ ᱟᱹᱰᱤ ᱵᱷᱟᱜᱮ ᱵᱚᱨᱜᱟ ᱦᱩᱭᱩᱜᱼᱟ ᱾ ᱟᱫᱚ ᱛᱟᱞᱮ ᱫᱟᱨᱮ ᱫᱚ ᱟᱹᱰᱤ ᱟᱥᱛᱮ ᱟᱥᱛᱮ ᱦᱟᱨᱟᱜᱼᱟ ᱾ ᱦᱤᱥᱤ ᱪᱮᱬᱮ ᱫᱚ ᱛᱟᱞᱮ ᱫᱟᱨᱮ ᱨᱮ ᱜᱮ ᱡᱟᱹᱥᱛᱤ ᱠᱚ ᱛᱩᱠᱟᱹᱭᱟ ᱾ ᱛᱟᱞᱮ ᱫᱟᱨᱮ ᱫᱚ ᱟᱹᱰᱤᱜᱮ ᱠᱮᱴᱮᱡᱼᱟ ᱾ ᱚᱱᱟᱛᱮ ᱟᱹᱰᱤ ᱠᱟᱡᱟᱠ ᱦᱚᱭ ᱫᱟᱜ ᱨᱮ ᱦᱚᱸ ᱵᱟᱝ ᱵᱷᱤᱸᱫᱟᱹᱲᱚᱜᱼᱟ ᱾

ᱟᱭᱢᱟ ᱡᱟᱜᱟ ᱨᱮᱜᱮ ᱛᱟᱞᱮ ᱫᱟᱨᱮ ᱪᱮᱛᱟᱱ ᱨᱮᱜᱮ ᱢᱟᱹᱱᱢᱤᱭᱟᱜ ᱜᱷᱟᱨᱚᱸᱡᱽ ᱦᱚᱸ ᱪᱟᱞᱟᱜ ᱠᱟᱱᱟ ᱾ ᱛᱟᱞᱮ ᱠᱟᱴᱷ ᱥᱮ ᱡᱚ ᱥᱮ ᱛᱟᱹᱲᱤ ᱟᱹᱠᱷᱨᱤᱧ ᱠᱟᱛᱮ ᱢᱟᱹᱱᱢᱤ ᱟᱠᱚᱣᱟᱜ ᱜᱷᱟᱸᱨᱚᱡᱽ ᱠᱚ ᱪᱟᱞᱟᱣ ᱮᱫᱼᱟ ᱾

ᱡᱚᱢ ᱜᱩᱱ ᱥᱟᱯᱲᱟᱣ

ᱛᱟᱞᱮ ᱡᱚ ᱟᱹᱰᱤ ᱥᱤᱵᱤᱞ ᱟᱱ ᱡᱚᱢᱟᱜ ᱠᱟᱱᱟ ᱾ ᱡᱚ ᱵᱷᱤᱛᱨᱤ ᱨᱮᱱᱟᱜ ᱡᱟᱝ ᱫᱚ ᱠᱟᱹᱴᱤᱡ ᱨᱮ ᱵᱟᱫᱟᱲ ᱟᱨ ᱛᱟᱞᱮ ᱵᱤᱞᱤ ᱯᱩᱨᱟᱹᱴ ᱛᱟᱭᱚᱢ ᱜᱤᱰᱤ ᱠᱟᱜ ᱡᱟᱝ ᱠᱷᱚᱱ ᱛᱟᱞᱮ ᱵᱷᱟᱹᱛᱤ ᱦᱚᱸ ᱠᱚ ᱡᱚᱢᱟ ᱾ ᱵᱤᱞᱤ ᱛᱟᱞᱮ ᱜᱟᱥᱟᱣ ᱠᱟᱛᱮ ᱡᱟᱸᱦᱟᱸ ᱜᱟᱲᱦᱟ ᱨᱟᱥᱟ ᱚᱰᱚᱠᱚᱜᱼᱟ ᱚᱱᱟ ᱥᱟᱶᱛᱮ ᱦᱚᱞᱚᱝ ᱢᱮᱥᱟ ᱠᱟᱛᱮ ᱯᱤᱴᱷᱟᱹ, ᱵᱚᱲᱟ, ᱛᱟᱞᱮ ᱯᱤᱴᱷᱟᱹ ᱵᱮᱱᱟᱣ ᱠᱟᱛᱮ ᱠᱚ ᱡᱚᱢᱟ ᱾ ᱚᱱᱟ ᱛᱟᱞᱮ ᱵᱤᱞᱤ ᱨᱟᱥᱟ ᱨᱮ ᱫᱚ ᱯᱷᱳᱞᱤᱠ ᱮᱥᱤᱰ ᱧᱩᱛᱩᱢ ᱵᱷᱤᱴᱟᱢᱤᱱ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱡᱚᱢ ᱞᱮᱠᱷᱟᱱ ᱦᱚᱲᱢᱚ ᱨᱮ ᱟᱹᱰᱤ ᱜᱮ ᱫᱟᱲᱮ ᱦᱤᱡᱩᱜᱼᱟ ᱾

ᱛᱟᱞᱮ ᱫᱟᱨᱮ ᱪᱚᱴ ᱨᱮᱱᱟᱜ ᱵᱟᱞᱮ ᱥᱟᱠᱟᱢ ᱯᱷᱮᱰᱟᱛ ᱠᱷᱚᱱ ᱩᱰᱩᱜᱚᱜ ᱨᱟᱥᱟ ᱦᱚᱸ ᱟᱹᱰᱤᱜᱮ ᱥᱤᱵᱤᱞᱟ ᱾ ᱚᱱᱟ ᱨᱟᱥᱟᱛᱮ ᱜᱩᱲ, ᱛᱟᱹᱲᱤ ᱦᱚᱸ ᱠᱚ ᱵᱮᱱᱟᱣᱟ ᱾

ᱛᱟᱞᱮ ᱵᱤᱞᱤ ᱨᱮ ᱫᱚ ᱵᱷᱤᱴᱟᱢᱤᱱ ᱮᱹ, ᱵᱤ, ᱥᱤ, ᱡᱤᱝᱠ, ᱯᱚᱴᱟᱥᱤᱭᱟᱢ, ᱟᱭᱨᱚᱱ, ᱠᱮᱞᱥᱤᱭᱟᱢ ᱢᱮᱱᱟᱜᱼᱟ ᱾

ᱛᱟᱞᱮ ᱡᱚᱻ ᱪᱤᱛᱟᱹᱨ ᱥᱟᱯᱲᱟᱣ

ᱵᱟᱨᱦᱮ ᱡᱚᱱᱚᱲ ᱥᱟᱯᱲᱟᱣ

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ