ᱛᱟᱨᱟᱥᱤᱧ ᱵᱟᱥᱠᱮ
ᱛᱟᱨᱟᱥᱤᱧ ᱵᱟᱥᱠᱮ ᱢᱤᱫ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱠᱟᱱᱟᱭ᱾ ᱱᱩᱭ ᱫᱚ ᱛᱩᱨᱭᱟᱹ ᱪᱟᱸᱫᱽ ᱵᱟᱥᱠᱮ ᱵᱟᱦᱟᱱᱟ ᱧᱩᱛᱩᱢ ᱛᱮᱦᱚᱸᱭ ᱚᱞ ᱜᱮᱭᱟ᱾ ᱛᱟᱨᱟᱥᱤᱧ ᱵᱟᱥᱠᱮ ᱜᱚᱢᱠᱮ ᱫᱚ ᱴᱤ.ᱥᱤ ᱵᱟᱥᱠᱮ ᱧᱩᱛᱩᱢ ᱛᱮᱦᱚᱸ ᱩᱨᱩᱢᱚᱜ ᱜᱮᱭᱟ᱾
| ᱛᱟᱨᱟᱥᱤᱧ ᱵᱟᱥᱠᱮ Taraceen Baskey | |
|---|---|
 ᱱᱟᱦᱟᱜ ᱚᱱᱚᱞ ᱯᱩᱛᱷᱤ ᱠᱷᱚᱱ ᱛᱟᱨᱟᱥᱤᱧ ᱵᱟᱥᱠᱮ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱓ ᱮᱯᱨᱤᱞ ᱑᱙᱖᱘ ᱯᱟᱱᱯᱩᱨᱤᱭᱟ, ᱵᱟᱸᱯᱩᱠᱷᱩᱨᱤᱭᱟ, ᱞᱟᱞᱜᱚᱲ, ᱯᱟᱪᱮ ᱢᱮᱫᱤᱱᱤᱯᱩᱨ ᱦᱚᱱᱚᱛ, ᱯᱚᱪᱷᱤᱢ ᱵᱟᱸᱜᱽᱞᱟ, ᱥᱤᱧᱚᱛ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | ᱚᱱᱚᱞᱤᱭᱟᱹ, ᱥᱟᱥᱟᱯᱲᱟᱣᱤᱡ |
ᱮᱛᱚᱦᱚᱵ ᱡᱤᱭᱚᱱ ᱥᱟᱯᱲᱟᱣ
ᱛᱟᱨᱟᱥᱤᱧ ᱵᱟᱥᱠᱮ ᱫᱚ ᱓ ᱮᱯᱨᱤᱞ ᱑᱙᱖᱘ ᱥᱮᱨᱢᱟ ᱨᱮ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱯᱟᱪᱮ ᱢᱮᱫᱤᱱᱤᱯᱩᱨ ᱦᱚᱱᱚᱛ ᱨᱮᱱᱟᱜ ᱞᱟᱞᱜᱚᱲ ᱯᱩᱞᱤᱥ ᱚᱲᱟᱜ ᱛᱟᱹᱨᱤ ᱨᱮ ᱢᱮᱱᱟᱜ ᱯᱟᱱᱯᱩᱨᱤᱭᱟ ᱟᱹᱛᱩ ᱨᱮᱭᱟᱜ ᱡᱟᱱᱟᱢ ᱞᱮᱱᱟ᱾ ᱟᱯᱟᱛ ᱧᱩᱛᱩᱢ ᱫᱚ ᱯᱟᱨᱩ ᱵᱟᱥᱠᱮ ᱟᱨ ᱟᱭᱳ ᱫᱚ ᱥᱤᱛᱚᱞ ᱢᱚᱱᱤ ᱵᱟᱥᱠᱮ (ᱢᱩᱨᱢᱩ)᱾
ᱚᱞᱚᱜ ᱯᱟᱲᱦᱟᱜ ᱥᱟᱯᱲᱟᱣ
ᱛᱟᱨᱟᱥᱤᱧ ᱵᱟᱥᱠᱮ ᱟᱡᱟᱜ ᱯᱟᱲᱦᱟᱜ ᱡᱤᱭᱚᱱ ᱫᱚ ᱟᱹᱛᱩ ᱨᱮᱭᱟᱜ ᱯᱨᱟᱭᱢᱟᱨᱤ ᱟᱥᱲᱟ ᱠᱷᱚᱱ ᱜᱮᱭ ᱮᱦᱚᱵ ᱞᱮᱫᱟ᱾ ᱛᱟᱞᱢᱟ ᱵᱤᱱᱰᱤ ᱫᱚ ᱨᱟᱢᱜᱚᱲ ᱮᱢ.ᱮᱥ ᱦᱟᱭ ᱥᱠᱩᱞ ᱠᱷᱚᱱ ᱑᱙᱘᱔ ᱥᱮᱨᱢᱟ ᱨᱮᱭ ᱯᱟᱥ ᱞᱮᱫᱟ ᱟᱨ ᱪᱮᱛᱟᱱ ᱛᱟᱞᱢᱟ ᱵᱤᱱᱤᱰ ᱫᱚ ᱱᱟᱭᱟᱵᱟᱥᱟᱛ ᱯᱟᱨᱵᱚᱛᱤᱢᱚᱭᱤ ᱥᱤᱠᱥᱟᱱᱤᱠᱮᱛᱚᱱ ᱠᱷᱚᱱ ᱑᱙᱘᱖ ᱥᱮᱨᱢᱟ ᱨᱮᱭ ᱯᱟᱥ ᱞᱮᱫᱟ᱾ ᱚᱱᱟ ᱛᱟᱭᱚᱢ ᱜᱷᱟᱴᱟᱞ ᱨᱚᱵᱤᱱᱫᱽᱨᱚ ᱥᱚᱛᱚᱵᱟᱨᱥᱤᱠᱤ ᱢᱟᱦᱟᱵᱤᱫᱽᱭᱟᱞᱚᱭ ᱨᱮ ᱤᱝᱞᱤᱥ ᱚᱱᱟᱨᱥ ᱨᱮᱭ ᱵᱷᱩᱨᱛᱤ ᱞᱮᱱᱟ ᱢᱮᱱᱠᱷᱟᱱ ᱠᱟᱹᱣᱰᱤ ᱟᱱᱟᱴ ᱠᱷᱟᱹᱛᱤᱨ ᱚᱱᱟ ᱵᱟᱲᱦᱟᱣ ᱫᱚ ᱵᱟᱹᱜᱤ ᱦᱩᱭᱮᱱ ᱛᱟᱭᱟ᱾ ᱛᱟᱭᱚᱢ ᱛᱮ, ᱩᱱᱤ ᱫᱚ ᱑᱙᱙᱐ ᱥᱮᱨᱢᱟ ᱨᱮ ᱥᱤᱞᱫᱟᱹ ᱪᱚᱸᱫᱽᱨᱚ ᱥᱮᱠᱷᱚᱨ ᱠᱚᱞᱮᱡᱽ ᱠᱷᱚᱱ ᱟᱡᱟᱜ ᱵᱤ.ᱮ. ᱰᱤᱜᱽᱨᱤ ᱮ ᱯᱟᱥ ᱞᱮᱫᱟ᱾
ᱠᱟᱹᱢᱤ ᱥᱟᱯᱲᱟᱣ
᱒᱗ ᱡᱩᱱ ᱑᱙᱙᱐ ᱥᱮᱨᱢᱟ ᱨᱮ ᱩᱱᱤ ᱫᱚ ᱥᱟᱢᱟᱝᱼᱠᱚᱧᱮ ᱨᱮᱞᱣᱮ ᱠᱚᱞᱠᱟᱛᱟ ᱨᱮᱭ ᱵᱚᱦᱟᱞᱤ ᱞᱮᱱᱟ᱾ ᱟᱨ ᱛᱟᱭᱚᱢ ᱛᱮ ᱩᱱᱤ ᱫᱚ ᱑᱙᱙᱕ ᱥᱮᱨᱢᱟ ᱨᱮ ᱥᱟᱢᱟᱝ ᱢᱮᱫᱤᱱᱤᱯᱩᱨ ᱦᱚᱱᱚᱛ ᱨᱮᱱᱟᱜ ᱵᱟᱵᱩᱯᱩᱨ ᱮᱜᱽᱨᱤᱠᱟᱞᱪᱟᱨ ᱦᱟᱭ ᱤᱥᱠᱩᱞ ᱨᱮ ᱢᱟᱪᱮᱫ ᱨᱮᱭᱟᱜ ᱮ ᱠᱟᱹᱢᱤ ᱞᱮᱫᱟ᱾
ᱥᱟᱶᱦᱮᱫ ᱪᱟᱨᱪᱟ ᱥᱟᱯᱲᱟᱣ
᱑᱙᱘᱒ ᱥᱮᱨᱢᱟ ᱨᱮ ᱟᱨᱮ ᱪᱟᱱᱟᱪ ᱨᱮ ᱯᱟᱲᱦᱟᱜ ᱚᱠᱛᱮ ᱠᱷᱚᱱ ᱜᱮ ᱩᱱᱤ ᱫᱚ ᱚᱞᱚᱜ ᱮ ᱮᱦᱚᱵ ᱞᱮᱱᱟ᱾ ᱛᱟᱨᱟᱥᱤᱧ ᱵᱟᱥᱠᱮ ᱟᱜ ᱚᱞ ᱠᱚ ᱟᱹᱰᱤ ᱜᱟᱱ ᱥᱟᱱᱛᱟᱲᱤ ᱟᱨ ᱵᱟᱝᱞᱟ ᱯᱟᱛᱷᱟᱢ ᱨᱮ ᱪᱷᱟᱯᱟ ᱟᱠᱟᱱᱟ᱾ ᱱᱩᱭᱟᱜ ᱚᱱᱚᱬᱦᱮᱸ, ᱦᱩᱰᱤᱧ ᱠᱟᱹᱦᱱᱤ ᱟᱨ ᱚᱱᱚᱞ ᱠᱚ ᱥᱮᱨᱢᱟ ᱟᱲᱟᱝ ᱠᱚᱞᱠᱟᱛᱟ ᱟᱨ ᱠᱚᱞᱠᱟᱛᱟ ᱥᱟᱺᱜᱤᱧ ᱧᱮᱱᱮᱞᱚᱢ ᱛᱟᱞᱢᱟ ᱠᱷᱚᱱ ᱩᱪᱷᱟᱹᱱ ᱟᱠᱟᱱᱟ᱾ ᱱᱩᱭ ᱫᱚ ᱟᱨᱦᱚᱸ ᱚᱞ ᱤᱱᱰᱤᱭᱟ ᱨᱮᱰᱤᱭᱳ (ᱵᱟᱝᱞᱟ) ᱨᱮᱱ ᱥᱚᱢᱤᱠᱥᱟ ᱚᱱᱚᱞᱤᱭᱟᱹ ᱠᱟᱱᱟᱭ᱾
ᱱᱩᱭ ᱫᱚ ᱑᱙᱙᱙ ᱥᱮᱨᱢᱟ ᱠᱷᱚᱱ ᱧᱩᱛᱩᱢᱟᱱ ᱛᱟᱨᱟ ᱥᱮᱨᱢᱟᱠᱤᱭᱟᱹ ᱥᱟᱱᱛᱟᱲᱤ ᱯᱟᱛᱷᱟᱢ ᱡᱤᱣᱤ ᱯᱚᱛᱨᱤᱠᱟ ᱨᱮ ᱥᱟᱥᱟᱯᱲᱟᱣᱤᱡ ᱢᱮᱱᱟᱭᱟ ᱟᱨ ᱒᱐᱐᱐-᱒᱐᱐᱒ ᱥᱮᱨᱢᱟ ᱞᱟᱹᱜᱤᱫ ᱵᱟᱝᱞᱟ ᱪᱟᱸᱫᱚᱠᱤᱭᱟᱹ ᱯᱟᱛᱷᱟᱢ ᱫᱭᱚᱛᱟᱱᱟ ᱨᱮᱱ ᱡᱚᱜᱚᱼᱥᱟᱥᱟᱯᱲᱟᱣᱤᱡ ᱮ ᱛᱟᱦᱮᱸ ᱠᱟᱱᱟ᱾
ᱱᱩᱭ ᱫᱚ ᱟᱹᱰᱤ ᱜᱟᱱ ᱥᱟᱶᱦᱮᱫ ᱟᱨ ᱞᱟᱠᱪᱟᱨᱤᱭᱟᱹ ᱜᱚᱱᱚᱴᱷᱚᱱ ᱠᱚ ᱥᱟᱶ ᱡᱚᱯᱲᱟᱣ ᱢᱮᱱᱟᱭᱟ᱾