ᱛᱤᱨᱞᱟᱹ

ᱛᱤᱨᱞᱟᱹ ᱫᱚ ᱢᱟᱹᱱᱢᱤ ᱜᱟᱫᱮᱞ ᱨᱤᱱ ᱠᱩᱲᱤ ᱦᱚᱯᱚᱱ ᱠᱚ ᱢᱮᱛᱟ ᱠᱚᱣᱟ, ᱡᱟᱦᱟᱸᱭ ᱫᱚ ᱠᱚᱲᱟ ᱦᱚᱯᱚᱱᱟᱜ ᱠᱩᱲᱤ ᱡᱟᱱᱟᱝ ᱠᱟᱱᱟ ᱾ ᱛᱤᱨᱞᱟᱹ ᱟᱹᱲᱟᱹ ᱫᱚ ᱢᱮᱱ ᱞᱮᱠᱷᱟᱱ ᱵᱚᱭᱚᱥ ᱨᱮ ᱞᱟᱦᱟ ᱫᱷᱟᱨᱟ ᱠᱩᱲᱤ ᱦᱚᱯᱚᱱ ᱞᱟᱹᱜᱤᱫ ᱵᱮᱵᱷᱟᱨᱚᱜ ᱠᱟᱱᱟ ᱾ ᱱᱚᱶᱟ ᱟᱹᱲᱟᱹ ᱫᱚ ᱯᱩᱨᱟᱹᱯᱩᱨᱤ ᱛᱤᱨᱞᱟᱹ ᱞᱟᱹᱜᱤᱫ ᱜᱮ ᱵᱮᱵᱷᱟᱨᱚᱜᱼᱟ ᱾ ᱡᱮᱞᱮᱠᱟ ᱺ- ᱛᱤᱨᱞᱟᱹ ᱦᱚᱠ ᱾

ᱢᱤᱫ ᱛᱤᱨᱞᱟᱹ ᱞᱩᱜᱽᱲᱤ ᱛᱮᱧ-ᱮᱫ ᱟᱭ

ᱞᱮᱠᱟᱱ ᱞᱮᱠᱟᱱ ᱞᱟᱠᱪᱟᱨ ᱨᱮ ᱛᱤᱨᱞᱟᱹ

ᱵᱷᱟᱨᱚᱛᱤᱭᱟᱹ ᱛᱤᱨᱞᱟᱹ

ᱱᱟᱜᱟᱢᱮᱛ ᱞᱮᱠᱟᱛᱮ ᱵᱷᱟᱨᱚᱛᱤᱭᱟᱹ ᱛᱤᱨᱞᱟᱹ ᱠᱚᱣᱟᱜ ᱴᱷᱟᱶ ᱟᱢᱮᱴ ᱨᱮᱫᱚ ᱟᱹᱰᱤ ᱯᱷᱚᱨᱚᱠ ᱜᱮ ᱦᱮᱡ ᱟᱹᱜᱩ ᱟᱠᱟᱱᱟ ᱾ ᱯᱚᱨᱚᱢᱯᱚᱨᱟ ᱞᱮᱠᱟᱛᱮ ᱛᱟᱞᱟ ᱛᱷᱚᱠ ᱨᱤᱱ ᱛᱤᱨᱞᱟᱹ ᱦᱟᱜ ᱵᱷᱩᱢᱤᱠᱟ ᱫᱚ ᱚᱲᱟᱜ ᱠᱟᱹᱢᱤ ᱨᱮᱛᱮ ᱡᱩᱲᱟᱹᱭ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱫ ᱡᱮᱞᱮᱠᱟ ᱜᱤᱫᱽᱨᱟᱹᱠᱚ ᱧᱮᱞ ᱡᱚᱛᱚᱱ ᱠᱚ ᱟᱨ ᱵᱟᱹᱲᱛᱤ ᱠᱩᱲᱤ ᱦᱚᱯᱚᱱ ᱜᱮ ᱠᱟᱹᱣᱰᱤ ᱟᱨᱡᱟᱣ ᱞᱟᱹᱜᱤᱫ ᱫᱚ ᱵᱟᱦᱨᱮ ᱵᱟᱠᱚ ᱥᱮᱱᱚᱜ ᱠᱟᱱ ᱛᱟᱦᱮᱸᱫ ᱾ ᱨᱮᱸᱜᱮᱡ ᱱᱟᱪᱟᱨ ᱛᱤᱨᱞᱟᱹ ᱠᱚᱜᱮ ᱵᱟᱹᱲᱛᱤ ᱞᱮᱠᱟᱛᱮ ᱠᱷᱟᱹᱴᱟᱹᱲᱤ ᱛᱷᱚᱠ ᱨᱮ ᱠᱟᱹᱣᱰᱤ ᱨᱮᱭᱟᱜ ᱟᱱᱟᱴ ᱠᱷᱟᱹᱛᱤᱨ ᱜᱮ ᱛᱤᱨᱞᱟᱹ ᱫᱚ ᱠᱟᱹᱢᱤ ᱯᱟᱲᱟᱣ ᱟᱠᱚ ᱠᱟᱱ ᱛᱟᱦᱮᱸᱫ ᱾ ᱚᱱᱠᱟ ᱫᱚ ᱛᱤᱨᱞᱟᱹ ᱠᱚ ᱮᱢᱟ ᱟᱠᱚ ᱠᱟᱹᱢᱤ ᱫᱚ ᱥᱟᱨᱟ ᱵᱮᱲᱟ ᱜᱮ ᱠᱚᱲᱟ ᱦᱚᱯᱚᱱ ᱠᱚ ᱮᱢᱟ ᱟᱠᱚ ᱠᱟᱹᱢᱤ ᱠᱷᱚᱱ ᱦᱩᱰᱤᱧ ᱟᱨ ᱠᱟᱹᱡ ᱠᱟᱹᱣᱰᱤ ᱛᱟᱦᱮᱸᱱᱟᱜ ᱜᱮ ᱾ ᱵᱟᱹᱭ ᱵᱟᱹᱭ ᱛᱮ ᱚᱲᱟᱜ ᱨᱤᱱ ᱠᱩᱲᱤ ᱦᱚᱯᱚᱱ ᱠᱚ ᱵᱟᱝ ᱠᱟᱹᱢᱤ ᱫᱚ ᱚᱱᱟ ᱚᱲᱟᱜ ᱨᱮ ᱫᱷᱚᱱ ᱫᱩᱨᱤᱵᱽ ᱢᱮᱱᱟᱜ ᱟᱨ ᱢᱟᱹᱱ ᱢᱟᱱᱚᱛ ᱵᱟᱹᱲᱛᱤ ᱛᱟᱦᱮᱸᱱ ᱨᱮᱭᱟᱜ ᱩᱯᱨᱩᱢ ᱢᱮᱱᱛᱮ ᱠᱚ ᱢᱟᱱᱟᱣ ᱵᱟᱛᱟᱣ ᱠᱮᱜᱼᱟ ᱾ ᱡᱟᱦᱟᱸ ᱵᱮᱲᱟᱨᱮ ᱛᱤᱨᱞᱟᱹᱭ ᱠᱟᱹᱢᱤ ᱠᱟᱱᱟ ᱢᱮᱱᱮᱛ ᱚᱱᱟ ᱚᱲᱟᱜ ᱫᱚ ᱞᱟᱛᱟᱨ ᱛᱷᱚᱠ ᱨᱮᱠᱚ ᱞᱮᱠᱷᱟᱭᱮᱫ ᱛᱟᱦᱮᱸᱫ ᱾

ᱛᱤᱨᱞᱟᱹ ᱦᱟᱜ ᱩᱛᱱᱟᱹᱣ

ᱵᱷᱟᱨᱚᱛ ᱨᱮ ᱛᱤᱨᱞᱟᱹ ᱦᱟᱜ ᱴᱷᱟᱶ ᱫᱚ ᱯᱟᱹᱪᱷᱞᱟᱹ ᱛᱤᱱᱟᱹᱝ ᱥᱮᱨᱢᱟ ᱠᱷᱚᱱ ᱛᱤᱱᱟᱹᱝ ᱜᱟᱱ ᱟᱹᱰᱤ ᱢᱟᱨᱟᱝ ᱟᱹᱨᱩᱯᱷᱮᱨᱟᱣ ᱜᱮᱭ ᱥᱟᱢᱟᱝ ᱟᱠᱟᱜᱼᱟ ᱾ ᱥᱮᱫᱟᱭ ᱡᱩᱜᱽᱨᱮ ᱫᱚ ᱠᱚᱲᱟ ᱦᱚᱯᱚᱱ ᱥᱟᱶ ᱵᱟᱨᱟᱵᱟᱹᱨᱤ ᱚᱵᱚᱥᱛᱟ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱛᱟᱞᱟ ᱡᱩᱜᱽ ᱨᱮ ᱛᱤᱱᱟᱹᱜ ᱜᱟᱱ ᱥᱚᱞᱦᱮ ᱦᱚᱛᱮᱛᱮ ᱢᱤᱫ ᱞᱮᱠᱟᱱ ᱦᱚᱠ ᱮᱢ ᱫᱷᱟᱹᱵᱤᱡ, ᱵᱷᱟᱨᱚᱛ ᱨᱮ ᱛᱤᱨᱞᱟᱹ ᱠᱚᱣᱟᱜ ᱱᱟᱜᱟᱢ ᱨᱮᱭᱟᱜ ᱨᱤᱦᱤᱴ ᱫᱚ ᱟᱹᱰᱤ ᱵᱟᱹᱲᱛᱤ ᱜᱮᱭᱟ ᱾ ᱱᱤᱛᱚᱜᱟᱜ ᱵᱷᱟᱨᱚᱛ ᱨᱮᱫᱚ ᱛᱤᱨᱞᱟᱹ ᱠᱚ ᱫᱤᱥᱚᱢ ᱜᱚᱝᱠᱮ, ᱢᱟᱨᱟᱝ ᱢᱚᱱᱛᱨᱤ, ᱞᱚᱠ ᱥᱚᱵᱷᱟ ᱥᱯᱤᱠᱚᱨ, ᱵᱤᱨᱚᱫᱷᱤ ᱜᱟᱫᱮᱞ ᱱᱮᱛᱟ ᱥᱟᱶᱛᱮ ᱟᱹᱰᱤ ᱞᱮᱠᱟᱱ ᱪᱮᱛᱟᱱ ᱴᱷᱟᱶ ᱟᱢᱮᱴ ᱟᱠᱟᱫ ᱢᱮᱱᱟᱜ ᱠᱚᱣᱟ ᱾

ᱱᱟᱜᱟᱢ

ᱯᱚᱸᱰᱤᱛ ᱜᱮᱭᱟᱱ ᱠᱚᱣᱟᱜ ᱢᱟᱱᱟᱣ ᱵᱟᱛᱟᱣ ᱫᱚ ᱥᱮᱫᱟᱭ ᱵᱷᱟᱨᱚᱛ ᱨᱮᱫᱚ ᱛᱤᱨᱞᱟᱹ ᱠᱚᱣᱟᱜ ᱡᱤᱭᱚᱱ ᱨᱮᱫᱚ ᱡᱚᱛᱚ ᱴᱷᱟᱶ ᱨᱮᱜᱮ ᱠᱚᱲᱟ ᱦᱚᱯᱚᱱ ᱥᱚᱢᱟᱱ ᱵᱟᱨᱟᱵᱟᱹᱨᱤ ᱦᱚᱠ ᱛᱟᱦᱮᱸ ᱠᱟᱱ ᱛᱟᱠᱚᱣᱟ ᱾ ᱢᱮᱱᱠᱷᱟᱱ ᱛᱤᱱᱟᱹᱝ ᱜᱟᱱ ᱯᱚᱸᱰᱤᱛ ᱠᱚᱣᱟᱜ ᱱᱚᱡᱚᱨ ᱫᱚ ᱱᱚᱶᱟ ᱠᱷᱚᱱ ᱩᱞᱴᱟᱹ ᱾ ᱛᱤᱱᱟᱹᱜ ᱜᱟᱱ ᱯᱚᱸᱰᱤᱛ ᱫᱚ ᱱᱚᱶᱟ ᱦᱚᱸ ᱠᱚ ᱢᱮᱱᱟ ᱵᱚᱭᱫᱤᱠ ᱡᱩᱜᱽ ᱯᱩᱭᱞᱩ ᱨᱮᱫᱚ ᱛᱤᱨᱞᱟᱹ ᱠᱚ ᱥᱮᱪᱮᱫ ᱦᱚᱸᱠᱚ ᱟᱢᱮᱴ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱸᱫ ᱾ ᱦᱟᱨᱟ ᱡᱩᱣᱟᱹᱱ ᱠᱟᱛᱮ ᱮᱱᱟᱝ ᱠᱚ ᱡᱟᱶᱟᱭ ᱮᱫ ᱠᱚ ᱛᱟᱦᱮᱸᱫ ᱾ ᱥᱟᱶᱛᱮ ᱡᱟᱶᱟᱭ ᱵᱟᱪᱷᱟᱣ ᱨᱮᱭᱟᱜ ᱛᱟᱠ ᱦᱚᱸᱠᱚ ᱧᱟᱢ ᱮᱫ ᱛᱟᱦᱮᱸᱫ ᱾

ᱥᱚᱢᱟᱡᱽ ᱨᱮ ᱵᱷᱟᱨᱚᱛᱤᱭᱟᱹ ᱛᱤᱨᱞᱟᱹ ᱠᱚᱣᱟᱜ ᱦᱟᱞᱚᱛ ᱫᱚ ᱛᱟᱞᱟ ᱡᱩᱜᱽ ᱨᱮ ᱟᱨ ᱦᱚᱸ ᱵᱟᱹᱲᱛᱤ ᱞᱤᱪᱟᱹᱲ ᱞᱮᱱ ᱛᱟᱦᱮᱸᱱ ᱾ ᱵᱷᱟᱨᱚᱛ ᱨᱮᱭᱟᱜ ᱛᱤᱱᱟᱹᱜ ᱴᱚᱴᱷᱟ ᱨᱮᱪᱚ ᱥᱚᱛᱤ ᱯᱨᱚᱛᱷᱟ ᱛᱟᱦᱮᱸ ᱠᱟᱱᱟ ᱾ ᱨᱮ ᱵᱟᱯᱞᱟ ᱟᱭᱵᱟᱝ ᱨᱟᱺᱰᱤ ᱠᱚ ᱫᱚᱦᱲᱟ ᱵᱟᱯᱞᱟ ᱵᱟᱝ ᱫᱚ ᱥᱟᱶᱛᱟᱨᱤ ᱡᱤᱭᱚᱱ ᱨᱮ ᱢᱤᱫ ᱦᱟᱹᱴᱤᱧ ᱜᱮ ᱵᱮᱱᱟᱣ ᱦᱩᱭ ᱟᱠᱟᱱ ᱛᱟᱦᱮᱸᱫ ᱾ ᱟᱹᱰᱤ ᱫᱷᱟᱣ ᱵᱟᱯᱞᱟᱜ ᱨᱮᱭᱟᱜ ᱨᱤᱛ ᱦᱚᱸ ᱵᱷᱟᱨᱚᱛ ᱨᱮ ᱟᱹᱰᱤ ᱵᱟᱹᱲᱛᱤ ᱜᱮ ᱛᱟᱦᱮᱸ ᱟᱹᱜᱩ ᱞᱮᱱᱟ ᱾

ᱱᱚᱝᱠᱟᱱ ᱯᱚᱨᱤᱥᱛᱷᱤᱛᱤ ᱛᱟᱦᱮᱸᱱ ᱛᱩᱞᱩᱡ ᱦᱚᱸ ᱛᱤᱱᱟᱹᱜ ᱜᱟᱱ ᱛᱤᱨᱞᱟᱹ ᱫᱚ ᱨᱟᱡᱽᱟᱹᱨᱤ, ᱥᱟᱶᱦᱮᱫ, ᱥᱮᱪᱮᱫ, ᱟᱨ ᱫᱷᱚᱨᱚᱢ ᱴᱷᱟᱶ ᱨᱮᱦᱚᱸ ᱡᱤᱛᱠᱟᱹᱨ ᱠᱚ ᱟᱢᱮᱴ ᱟᱠᱟᱜᱼᱟ ᱾

ᱯᱷᱩᱨᱜᱟᱹᱞ ᱵᱷᱟᱨᱚᱛ

ᱵᱷᱟᱨᱚᱛ ᱨᱮ ᱛᱤᱨᱞᱟᱹ ᱠᱚ ᱱᱤᱛᱚᱜ ᱜᱚᱴᱟᱯᱟᱲᱟ ᱠᱷᱚᱱ ᱡᱚᱛᱚᱨᱮ ᱟᱹᱰᱤ ᱢᱟᱬᱟᱝ ᱨᱮ ᱾ ᱡᱮᱞᱮᱠᱟᱺ- ᱥᱮᱪᱮᱫ, ᱨᱟᱡᱽᱟᱹᱨᱤ, ᱢᱤᱰᱤᱭᱟ, ᱵᱟᱰᱚᱦᱤ, ᱞᱟᱭ ᱞᱟᱠᱪᱟᱨ, ᱥᱮᱵᱟ ᱡᱚᱛᱚᱱ, ᱥᱟᱬᱮᱥ, ᱟᱨ ᱴᱮᱠᱱᱳᱞᱳᱡᱤ ᱡᱚᱛᱚ ᱨᱮ ᱥᱮᱞᱮᱫᱚᱜ ᱨᱮᱭᱟᱜ ᱫᱟᱣ ᱠᱚ ᱦᱟᱛᱟᱣᱮᱜᱼᱟ ᱾ ᱤᱸᱫᱽᱨᱟ ᱜᱟᱸᱫᱷᱤ ᱡᱟᱦᱟᱸᱭ ᱫᱚ ᱡᱚᱛᱚᱨᱮ ᱥᱮᱞᱮᱫ ᱠᱟᱛᱮ ᱑᱕ ᱵᱚᱨᱥᱚ ᱫᱷᱟᱹᱵᱤᱡ ᱵᱷᱟᱨᱚᱛ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱞᱮᱠᱟᱛᱮᱭ ᱵᱷᱟᱨᱚᱛ ᱮ ᱥᱮᱵᱟ ᱠᱮᱜᱼᱟ ᱾ ᱫᱩᱱᱤᱭᱟᱹ ᱨᱤᱱᱤᱡ ᱡᱚᱛᱚ ᱠᱷᱚᱱ ᱡᱤᱞᱤᱧ ᱚᱠᱛᱚ ᱥᱮᱵᱟ ᱠᱟᱹᱢᱤᱨᱮ ᱛᱟᱦᱮᱸᱱ ᱠᱩᱲᱤ ᱦᱚᱯᱚᱱ ᱠᱟᱱᱟᱭ ᱾

ᱥᱟᱱᱛᱟᱲ ᱥᱟᱶᱛᱟᱨᱮ ᱛᱤᱨᱞᱟᱹ

ᱥᱟᱱᱛᱟᱲ ᱥᱟᱶᱛᱟ ᱨᱤᱱ ᱛᱤᱨᱞᱟᱹ ᱜᱮ ᱡᱚᱛᱚ ᱠᱷᱚᱱ ᱯᱷᱩᱨᱜᱟᱹᱞ ᱡᱤᱭᱚᱱ ᱠᱷᱮᱢᱟᱣ ᱦᱚᱲ ᱫᱚ ᱾ ᱚᱠᱛᱚ ᱛᱟᱦᱮᱸ ᱠᱟᱱᱟ ᱠᱩᱲᱤ ᱜᱤᱫᱽᱨᱟᱹ ᱠᱚ ᱠᱟᱹᱴᱤᱡ ᱵᱚᱭᱚᱥ ᱨᱮᱠᱚ ᱡᱟᱶᱟᱭ ᱠᱟᱠᱚ ᱠᱟᱱ ᱛᱟᱦᱮᱸᱫ ᱾ ᱚᱞ ᱯᱟᱲᱦᱟᱣ ᱩᱱᱟᱹᱜ ᱵᱟᱝ ᱛᱟᱦᱮᱸ ᱠᱟᱱᱟ ᱾ ᱤᱠᱷᱟᱹᱱ ᱱᱤᱛᱚᱜ ᱞᱮᱠᱟᱱ ᱡᱩᱜᱽᱨᱮ ᱥᱟᱱᱛᱟᱲ ᱛᱤᱨᱞᱟᱹ ᱦᱚᱸ ᱞᱟᱯᱷᱟᱝ ᱞᱟᱯᱷᱟᱝ ᱥᱮᱪᱮᱫᱚᱜ ᱨᱮᱭᱟᱜ ᱫᱟᱣ ᱠᱚ ᱧᱟᱢ ᱟᱠᱟᱜᱼᱟ ᱾ ᱜᱤᱫᱽᱨᱟᱹ ᱵᱟᱯᱞᱟ ᱦᱟᱹᱨᱥᱩᱲ ᱤᱫᱤᱭᱮᱱᱟ ᱾ ᱥᱟᱶᱛᱟ, ᱥᱟᱶᱦᱮᱫ, ᱨᱟᱡᱽᱟᱹᱨᱤ ᱫᱷᱚᱨᱚᱢ ᱞᱮᱠᱟᱱ ᱠᱟᱢᱠᱟᱡᱽ ᱨᱮᱦᱚᱸ ᱜᱚᱴᱟ ᱜᱮ ᱫᱟᱣ ᱮ ᱟᱢᱮᱴ ᱫᱟᱲᱮᱭᱟᱜ ᱠᱟᱱᱟ ᱾ ᱨᱟᱡᱽᱟᱹᱨᱤ ᱨᱮ ᱞᱟᱯᱷᱟᱝ ᱴᱷᱟᱶ ᱮ ᱟᱢᱮᱴ ᱟᱠᱟᱫ ᱛᱤᱨᱞᱟᱹ ᱦᱚᱯᱚᱱ ᱫᱨᱚᱣᱯᱚᱫᱤ ᱢᱩᱨᱢᱩ ᱚᱠᱚᱭ ᱴᱷᱮᱱ ᱦᱚᱸ ᱩᱠᱩ ᱨᱮᱫᱚ ᱵᱟᱹᱱᱩᱜ ᱮᱭᱟ ᱾ ᱮᱱᱮᱡ ᱥᱮᱨᱮᱧ, ᱠᱷᱮᱞ, ᱠᱷᱮᱞᱚᱸᱰ ᱜᱚᱴᱟᱯᱟᱲᱟ ᱜᱮ ᱛᱤᱨᱞᱟᱹ ᱦᱟᱜ ᱴᱷᱟᱶ ᱠᱚᱲᱟ ᱦᱚᱯᱚᱱ ᱥᱟᱶ ᱵᱟᱨᱟᱵᱟᱹᱨᱤ ᱜᱮᱭᱟ ᱾

ᱵᱟᱦᱨᱮ ᱡᱚᱱᱚᱲ

• Women's History in America
• A History of Women’s Entrance into Medicine in France studies and digitized texts by the BIUM (Bibliothèque interuniversitaire de médecine et d'odontologie, Paris) see its digital library Medic@.
• Women and Christianity: representations and practices
• Opinion of Ali Khamenei, leader of Iran, about Women's Issues