ᱛᱨᱤᱥᱩᱨ ᱦᱚᱱᱚᱛ

(ᱛᱷᱨᱤᱥᱥᱩᱨ ᱦᱚᱱᱚᱛ ᱠᱷᱚᱱ ᱟᱹᱪᱩᱨ ᱦᱮᱡᱠᱟᱱᱟ)

ᱛᱨᱤᱥᱩᱨ ᱦᱚᱱᱚᱛ ᱫᱚ ᱮᱛᱚᱢ ᱥᱤᱧᱚᱛ ᱨᱮᱭᱟᱜ ᱠᱮᱨᱟᱞᱟ ᱯᱚᱱᱚᱛ ᱨᱮᱭᱟᱜ ᱜᱮᱯᱩᱱ ᱜᱟᱴᱟᱝ ᱦᱚᱱᱚᱛ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ ᱾ ᱟᱨᱦᱚᱸ ᱱᱚᱶᱟ ᱠᱮᱨᱟᱞᱟ ᱯᱚᱱᱚᱛ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱩᱛᱟ.ᱨ ᱦᱚᱱᱚᱛ ᱠᱟᱱᱟ ᱾ ᱱᱚᱶᱟ ᱦᱚᱱᱚᱛ ᱨᱮᱭᱟᱜ ᱦᱚᱱᱚᱛ ᱫᱚᱵᱷᱟᱹᱴᱤᱭᱟᱹ ᱫᱚ ᱦᱩᱭᱩᱜ ᱛᱷᱨᱤᱥᱥᱩᱨ ᱱᱟᱝᱜᱽᱨᱟᱦᱟ ᱜᱮ ᱾ ᱱᱚᱶᱟ ᱦᱚᱱᱚᱛ ᱫᱚ ᱓,᱐᱓᱒ ᱪᱟᱹᱣᱠᱟᱹ ᱠᱤᱞᱚᱢᱤᱴᱟᱨ ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ ᱾ ᱱᱚᱶᱟ ᱦᱚᱱᱚᱛ ᱨᱮᱭᱟᱜ ᱑᱐ ᱦᱤᱥ ᱴᱚᱴᱷᱟ ᱜᱮ ᱱᱟᱝᱜᱽᱨᱟᱦᱟ ᱨᱮ ᱯᱟᱲᱟᱣ ᱟᱠᱟᱱᱟ, ᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱥᱮᱱᱥᱟᱥ ᱨᱤᱯᱚᱨᱴ ᱞᱮᱠᱟ ᱛᱮ ᱾

ᱛᱨᱤᱥᱩᱨ ᱦᱚᱱᱚᱛ
ᱯᱚᱱᱚᱛᱠᱮᱨᱟᱞᱟ
ᱡᱤᱞᱞᱟᱹ ᱠᱟᱹᱢᱤᱭᱟᱹᱢᱮᱞᱟᱛᱨᱤᱥᱩᱨ
ᱮᱨᱤᱭᱟ3,032 km2 (1,171 sq mi)
ᱦᱚᱲᱮᱞ3110327 (2011)
ᱣᱮᱵᱽᱥᱟᱭᱤᱴ

ᱛᱨᱤᱥᱩᱨ ᱦᱚᱱᱚᱛ ᱨᱮᱭᱟᱜ ᱠᱚᱧᱮ ᱱᱟᱠᱷᱟ ᱨᱮ ᱫᱚ ᱢᱟᱞᱟᱯᱯᱩᱨᱟᱢ ᱦᱚᱱᱚᱛ ᱟᱨ ᱯᱟᱞᱟᱠᱠᱟᱰ ᱦᱚᱱᱚᱛ ᱢᱮᱱᱟᱜ ᱟᱠᱟᱝᱟ, ᱱᱷᱟᱛᱮ ᱮᱛᱚᱢ ᱱᱟᱠᱷᱟ ᱨᱮ ᱫᱚ ᱮᱨᱱᱟ ᱠᱩᱞᱟᱞ ᱦᱚᱱᱚᱛ ᱟᱨ ᱤᱰᱩᱠᱠᱤ ᱦᱚᱱᱚᱛ ᱢᱮᱱᱟᱜ ᱟᱠᱟᱫᱼᱟ ᱾ ᱯᱟᱪᱷᱮ ᱱᱟᱠᱷᱟ ᱨᱮ ᱫᱚ ᱟᱨᱟᱵᱤᱭᱟᱱ ᱫᱚᱨᱭᱟ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ ᱟᱨ ᱥᱟᱢᱟᱝ ᱱᱟᱠᱷᱟ ᱨᱮ ᱫᱚ ᱣᱮᱥᱴᱮᱨᱱ ᱜᱷᱟᱴ ᱨᱮ ᱡᱟᱯᱟᱜ ᱟᱠᱟᱱᱟ ᱾

ᱛᱨᱤᱥᱩᱨ ᱦᱚᱱᱚᱛ ᱫᱚ ᱑ ᱡᱩᱞᱟᱭ ᱑᱙᱔᱙ ᱥᱮᱨᱢᱟ ᱨᱮ ᱵᱟᱱᱫᱷᱟᱣ ᱞᱮᱱᱟ, ᱟᱨ ᱱᱚᱶᱟ ᱨᱮᱱᱟᱜ ᱫᱚᱵᱷᱟᱹᱴᱤᱭᱟ ᱴᱷᱟᱶ ᱫᱚ ᱛᱨᱤᱥᱩᱨ ᱱᱟᱝᱜᱟᱨᱟᱦᱟ ᱨᱮ ᱜᱮ ᱠᱚ ᱫᱚᱦᱚ ᱞᱮᱫᱼᱟ ᱾ ᱛᱷᱨᱤᱥᱥᱩᱨ ᱫᱚ ᱠᱮᱨᱟᱞᱟ ᱯᱚᱱᱚᱛ ᱨᱮᱭᱟᱜ ᱞᱟᱹᱭ ᱞᱟᱠᱪᱟᱨ ᱨᱟᱡᱽ ᱵᱟᱠᱷᱳᱞ ᱢᱮᱱ ᱛᱮ ᱠᱚ ᱢᱮᱛᱟᱣᱟᱜᱼᱟ ᱟᱨ ᱯᱩᱨᱟᱢ ᱨᱮᱭᱟᱜ ᱫᱷᱟᱹᱨᱛᱤ ᱾ ᱱᱚᱶᱟ ᱦᱚᱱᱚᱛ ᱫᱚ ᱟᱨᱦᱚᱸ ᱱᱚᱸᱰᱮᱱᱟᱜ ᱢᱚᱸᱫᱤᱨ, ᱜᱤᱨᱡᱟ. ᱟᱨ ᱢᱚᱥᱡᱤᱫᱽ ᱧᱩᱛᱩᱢ ᱛᱮ ᱱᱟᱢ ᱰᱟᱠ ᱜᱮᱭᱟ ᱾ ᱛᱷᱨᱤᱥᱥᱩᱨ ᱯᱩᱨᱟᱢ ᱫᱚ ᱠᱮᱨᱟᱞᱟ ᱨᱮᱭᱟᱜ ᱡᱚᱛᱚ ᱠᱷᱚᱱ ᱱᱟᱱᱟᱱ ᱨᱩᱝᱜᱤᱱ ᱢᱚᱸᱫᱤᱨ ᱯᱚᱨᱚᱵᱽ ᱠᱟᱱᱟ ᱾

ᱪᱷᱟ.ᱴᱤᱭᱟ.ᱨ ᱥᱟᱯᱲᱟᱣ

ᱱᱚᱶᱟ ᱛᱨᱤᱥᱩᱨ (ᱛᱷᱨᱤᱥᱣᱟ ᱯᱮᱨᱩᱨ) ᱧᱩᱛᱩᱢ ᱫᱚ ᱛᱟᱢᱤᱞ ᱟᱹᱲᱟᱹ ᱛᱷᱤᱨᱩ-ᱥᱤᱵᱟ-ᱯᱮᱨᱩᱨ ᱠᱷᱚᱱ ᱚᱢᱚᱱ ᱟᱠᱟᱱᱟ, ᱚᱠᱟ ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ ᱵᱷᱟᱜᱽᱣᱟᱱ ᱥᱤᱵᱟ ᱣᱟᱜ ᱱᱟᱝᱜᱽᱨᱟᱦᱟ ᱾

ᱦᱚᱲ ᱞᱮᱠᱷᱟ ᱥᱟᱯᱲᱟᱣ

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱨᱮ ᱛᱨᱤᱥᱩᱨ ᱦᱚᱱᱚᱛ ᱨᱮᱭᱟᱜ ᱞᱮᱠᱷᱟ ᱫᱚ ᱞᱮᱠᱷᱟ ᱜᱩᱴ ᱓,᱑᱑᱐,᱓᱒᱗ ᱡᱚᱱᱟ, ᱡᱟᱦᱟ ᱫᱚ ᱦᱚᱲ ᱞᱮᱠᱷᱟ ᱦᱤᱥᱟᱹᱵᱽ ᱭᱮ ᱢᱚᱝᱜᱚᱞᱤᱭᱟ ᱫᱤᱥᱚᱢ ᱟᱨᱵᱟᱝ ᱟᱢᱮᱨᱤᱠᱟ ᱫᱤᱥᱚᱢ ᱨᱮᱭᱟᱜ ᱞᱚᱣᱟ ᱯᱚᱱᱚᱛ ᱩᱱᱟᱹᱜ ᱢᱟᱨᱟᱝ ᱦᱩᱭᱩᱜᱼᱟ ᱾ ᱱᱤᱭᱟᱹ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱖᱔0 ᱜᱚᱴᱟᱝ ᱦᱚᱱᱚᱛ ᱢᱩᱫᱽ ᱨᱮ ᱑᱑᱓ ᱮᱞᱟᱱ ᱦᱚᱱᱚᱛ ᱯᱟᱲᱟᱜ ᱠᱟᱱᱟ ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱢᱤᱫ ᱪᱟᱹᱣᱠᱟᱹ ᱠᱤᱞᱚᱢᱤᱴᱟᱨ ᱡᱟᱭᱜᱟ ᱨᱮ ᱑,᱐᱒᱖ ᱡᱚᱱᱟ ᱦᱚᱲ ᱠᱚ ᱜᱤᱨᱟᱹᱵᱟᱥ ᱟᱠᱟᱱ ᱢᱮᱱᱟᱜ ᱠᱚᱣᱟ ᱾ ᱯᱟᱨᱚᱢᱮᱱ ᱜᱮ-ᱥᱮᱨᱢᱟ ᱒᱐᱐᱑ - ᱒᱐᱑᱑ ᱦᱟᱹᱵᱤᱡ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱵᱟᱹᱰᱚᱜ ᱦᱟᱨ ᱫᱚ ᱛᱟᱦᱮ ᱠᱟᱱᱟ ᱔.᱘᱕%᱾ ᱡᱩᱢᱟᱭ ᱦᱚᱱᱚᱛ ᱨᱮ ᱢᱤᱫ ᱜᱮ- ᱥᱟᱭ ᱦᱮᱨᱮᱞ ᱵᱚᱫᱚᱞ ᱛᱮ ᱑,᱑᱐᱙ ᱡᱚᱱᱟ ᱢᱟᱭᱡᱤᱣ ᱢᱮᱱᱟᱜ ᱠᱚᱣᱟ ᱾ᱟᱨ ᱥᱮᱪᱮᱜ ᱠᱚᱣᱟᱜ ᱦᱟᱨ ᱫᱚ ᱦᱩᱭᱩᱜ ᱠᱟᱱᱟ ᱙᱕.᱓᱒% ᱦᱤᱥ ᱾ ᱟᱨᱦᱚ ᱱᱚᱣᱟ ᱦᱚᱱᱚᱛ ᱫᱚᱥᱟᱨ ᱰᱷᱮᱨ ᱱᱟᱝᱜᱽᱨᱟᱦᱟ ᱴᱚᱯᱟᱨ ᱦᱚᱱᱚᱛ ᱠᱟᱱᱟ, ᱮᱨᱱᱟ ᱠᱩᱞᱟᱢ ᱦᱚᱱᱚᱛ ᱛᱟᱭᱚᱢ ᱾

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ

ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ