ᱜᱚᱣᱨᱤ ᱡᱳᱜᱽ
ᱜᱚᱣᱨᱤ ᱡᱚᱜᱽ ᱫᱚ ᱢᱤᱫ ᱠᱚᱛᱷᱚᱠ ᱮᱱᱮᱡᱤᱡ, ᱠᱳᱨᱤᱭᱳᱜᱽᱨᱟᱯᱷᱚᱨ ᱟᱨ ᱥᱤᱠᱟᱜᱳ ᱨᱤᱱᱤᱡ ᱨᱤᱥᱚᱨᱪ ᱥᱠᱳᱞᱟᱨ ᱠᱟᱱᱟᱭ ᱾ ᱜᱚᱣᱨᱤ ᱡᱚᱜᱽ ᱟᱜ ᱡᱟᱱᱟᱢ ᱫᱚ ᱑᱙᱗᱐ ᱥᱟᱞᱮ ᱨᱮ ᱱᱟᱜᱽᱯᱩᱨ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱜᱩᱨᱩ ᱢᱚᱫᱚᱱ ᱯᱟᱱᱰᱮ ᱴᱷᱮᱱ ᱠᱷᱚᱱ ᱤᱱᱴᱮᱱᱥᱤᱵᱽ, ᱱᱮᱢᱚᱥ ᱵᱮᱵᱷᱟᱨ ᱟᱨ ᱡᱚᱛᱚ ᱞᱮᱠᱟᱱᱟᱜ ᱥᱮᱪᱮᱫ ᱮ ᱟᱢᱮᱴ ᱠᱮᱫ-ᱟ ᱾ ᱩᱱᱤ ᱫᱚ ᱡᱚᱭᱯᱩᱨ ᱚᱲᱟᱜ ᱨᱤᱱᱤᱡ ᱞᱚᱞᱤᱛᱟ ᱦᱚᱨᱫᱟᱥ ᱴᱷᱮᱱ ᱠᱷᱚᱱ ᱦᱚᱸ ᱠᱚᱛᱷᱚᱠ ᱮᱱᱮᱡ ᱫᱚᱭ ᱥᱮᱪᱮᱫ ᱮᱱᱟ ᱾ ᱡᱟᱦᱟᱸᱭ ᱫᱚ ᱦᱩᱱᱟᱹᱨ ᱨᱮᱱᱟᱜ ᱩᱫᱩᱜ ᱥᱚᱫᱚᱨ ᱞᱮᱠᱟᱛᱮ ᱵᱷᱟᱹᱜᱤ ᱩᱯᱨᱩᱢ ᱢᱮᱱᱟᱜ ᱛᱟᱭᱟ ᱾
| ᱜᱚᱣᱨᱤ ᱡᱚᱜᱽ | |
|---|---|
 Gauri Jog performing Kathak Dance | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱜᱚᱣᱨᱤ ᱠᱟᱞᱮ ᱑᱙᱗᱐ ᱱᱟᱜᱽᱯᱩᱨ, ᱥᱤᱧᱚᱛ |
| ᱠᱟᱹᱢᱤ | ᱠᱚᱛᱷᱚᱠ ᱮᱱᱮᱡᱤᱡ, ᱢᱟᱪᱮᱛᱟᱹᱱᱤ ᱟᱨ ᱠᱚᱨᱤᱭᱳᱜᱽᱨᱟᱯᱷᱚᱨ |
| ᱣᱮᱵᱽᱥᱟᱭᱤᱴ | http://www.gaurijog.com |
ᱜᱚᱣᱨᱤ ᱡᱚᱜᱽ ᱫᱚ ᱱᱟᱜᱽᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱵᱮᱪᱞᱚᱨ ᱳᱯᱷ ᱥᱟᱭᱤᱱᱥ ᱟᱨ ᱱᱤᱣᱴᱨᱤᱥᱚᱱ ᱟᱨ ᱮᱫᱩᱠᱮᱥᱚᱱ ᱨᱮ ᱢᱟᱥᱴᱚᱨ ᱰᱤᱜᱽᱨᱤᱭ ᱟᱢᱮᱴ ᱠᱮᱫ-ᱟ ᱾ ᱩᱱᱤ ᱫᱚ ᱥᱤᱧᱚᱛ ᱨᱤᱱ ᱧᱩᱛᱩᱢᱟᱱ ᱠᱚᱛᱷᱚᱠ ᱜᱩᱨᱩ ᱠᱚ ᱦᱚᱛᱮᱛᱮ ᱯᱚᱸᱰᱤᱛ ᱵᱤᱨᱡᱩ ᱢᱟᱦᱟᱨᱟᱡᱽ ᱥᱟᱶ ᱟᱹᱰᱤ ᱜᱟᱱ ᱠᱟᱹᱢᱤ-ᱟᱠᱷᱲᱟ ᱨᱮ ᱫᱟᱣ ᱠᱤᱱ ᱦᱟᱛᱟᱣ ᱟᱠᱟᱫ-ᱟ ᱾ ᱩᱱᱤ ᱫᱚ ᱠᱚᱛᱷᱚᱠ ᱨᱮᱱᱟᱜ ᱞᱚᱠᱷᱱᱚᱣ ᱟᱨ ᱡᱚᱭᱯᱩᱨ ᱚᱲᱟᱜ ᱨᱮ ᱡᱚᱱᱚᱲᱟᱣ ᱨᱮᱱᱟᱜ ᱦᱮᱣᱟᱛ ᱦᱚᱸᱭ ᱦᱟᱛᱟᱣ ᱞᱮᱫ-ᱟ ᱾ ᱩᱱᱤᱭᱟᱜ ᱠᱨᱤᱭᱮᱥᱚᱱ ᱨᱮ ᱠᱨᱤᱥᱱᱟ ᱞᱤᱞᱟ, ᱥᱚᱠᱩᱱᱛᱚᱞᱟ, ᱡᱷᱟᱱᱥᱤ ᱨᱤᱱᱤᱡ ᱨᱟᱹᱱᱤ, ᱠᱚᱛᱷᱚᱠ ᱡᱟᱛᱨᱟ, ᱯᱩᱨᱩᱵᱽ ᱨᱮ ᱯᱩᱪᱷᱤᱢ, ᱚᱜᱽᱱᱤ - ᱫᱤ ᱯᱷᱟᱭᱚᱨ ᱴᱮᱞ ᱮᱢᱟᱱ ᱥᱮᱞᱮᱫ ᱢᱮᱱᱟᱜ-ᱟ ᱾ [᱑]ᱩᱱᱤ ᱫᱚ ᱠᱚᱛᱷᱚᱠ ᱨᱮ ᱴᱮᱠᱱᱤᱠᱚᱞ ᱮᱞᱤᱢᱮᱸᱴ ᱞᱮᱠᱟᱛᱮ ᱡᱤᱭᱚᱱ ᱨᱮᱱᱟᱜ ᱟᱹᱨᱤᱴᱟᱹᱞᱤ ᱛᱮᱫ "ᱠᱟᱹᱦᱱᱤ ᱞᱟᱹᱭ ᱨᱮᱱᱟᱜ ᱦᱩᱱᱟᱹᱨ" ᱟᱹᱜᱩᱭᱟᱭ ᱩᱱᱤ ᱫᱚ ᱵᱟᱹᱲᱛᱤ ᱞᱮᱠᱟᱛᱮ ᱡᱩᱣᱟᱹᱱ ᱯᱤᱲᱦᱤ ᱠᱚ ᱛᱟᱞᱟᱨᱮ ᱟᱹᱰᱤ ᱜᱮ ᱦᱚᱲ ᱠᱩᱥᱤᱭᱟᱱ ᱠᱟᱱᱟᱭ ᱪᱮᱫᱟᱜ ᱥᱮ ᱩᱱᱤ ᱫᱚ ᱟᱹᱨᱤᱪᱟᱹᱞᱟᱭᱟᱱ ᱥᱤᱢᱟᱹ ᱠᱚ ᱵᱟᱝ ᱯᱟᱨᱚᱢ ᱠᱟᱛᱮ ᱦᱚᱸ ᱵᱚᱞᱤᱣᱩᱰ ᱟᱨ ᱡᱚᱜᱟ ᱠᱚ ᱠᱚᱛᱷᱚᱠ ᱥᱟᱶ ᱡᱩᱲᱟᱹᱭ ᱠᱟᱛᱮ ᱢᱤᱫ ᱟᱞᱟᱫᱟ ᱧᱮᱞᱴᱷᱟᱶ ᱮ ᱪᱟᱞ ᱟ ᱾ ᱯᱷᱞᱮᱢᱮᱱᱠᱳ, ᱵᱟᱨᱚᱛᱱᱟᱴᱭᱚᱢ, ᱳᱰᱤᱥᱤ, ᱢᱮᱠᱥᱤᱠᱚᱱ, ᱟᱨ ᱟᱢᱮᱨᱤᱠᱟᱱ ᱵᱟᱞᱮᱴ ᱥᱟᱶ ᱠᱚᱛᱷᱚᱠ ᱨᱮᱱᱟᱜ ᱡᱚᱱᱚᱲᱟᱣ ᱥᱟᱞᱟᱜ ᱩᱱᱤᱭᱟᱜ ᱵᱮᱵᱷᱟᱨ ᱫᱚ ᱟᱹᱰᱤ ᱜᱟᱱ ᱥᱤᱨᱯᱷᱟᱹ ᱦᱚᱸᱭ ᱡᱤᱛᱠᱟᱹᱨ ᱟᱠᱟᱱᱟ ᱾ ᱑᱙᱙᱙ ᱛᱟᱭᱚᱢ ᱠᱷᱚᱱ ᱜᱚᱣᱨᱤ ᱡᱚᱜᱽ ᱟᱨ ᱩᱱᱤᱭᱟᱜ ᱜᱩᱴ ᱫᱚ ᱮᱛᱚᱢ ᱟᱢᱮᱨᱤᱠᱟ ᱟᱨ ᱥᱤᱧᱚᱛ ᱨᱮ ᱓᱒᱕ ᱠᱷᱚᱱ ᱦᱚᱸ ᱵᱟᱹᱲᱛᱤ ᱮᱱᱮᱡ ᱠᱟᱹᱢᱤᱦᱚᱨᱟ ᱠᱚ ᱩᱫᱩᱜ ᱥᱚᱫᱚᱨ ᱟᱠᱟᱫ-ᱟ ᱾ [᱒]
ᱜᱤᱫᱽᱨᱟᱹ ᱡᱤᱭᱚᱱ ᱟᱨ ᱯᱟᱹᱪᱷᱞᱟᱹᱛ ᱥᱟᱯᱲᱟᱣ
ᱜᱚᱣᱨᱤ ᱡᱳᱜᱽ ᱟᱜ ᱡᱟᱱᱟᱢ ᱫᱚ ᱑᱙᱗᱐ ᱥᱟᱞᱮ ᱨᱮ ᱱᱟᱜᱽᱯᱩᱨ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱟᱨ ᱩᱱᱤ ᱫᱚ ᱞᱚᱠᱷᱱᱚᱣ ᱜᱷᱟᱨᱚᱸᱡᱽ ᱨᱤᱱᱤᱡ ᱟᱡᱤᱡ ᱜᱩᱨᱩ ᱢᱚᱫᱚᱱ ᱯᱟᱱᱰᱮ ᱴᱷᱮᱱ ᱠᱷᱚᱱ ᱤᱱᱴᱮᱱᱥᱤᱵᱽ, ᱱᱮᱢᱚᱥ ᱵᱮᱵᱷᱟᱨ ᱟᱨ ᱡᱚᱛᱚ ᱞᱮᱠᱟᱱᱟᱜ ᱥᱮᱪᱮᱫ ᱮ ᱟᱢᱮᱴ ᱠᱮᱫ-ᱟ ᱾ ᱩᱱᱤ ᱫᱚ ᱢᱩᱢᱵᱟᱭᱤ ᱨᱤᱱᱤᱡ ᱢᱚᱫᱷᱩᱨᱤᱛᱟ ᱥᱟᱨᱚᱝ ᱴᱷᱮᱱ ᱠᱷᱚᱱ ᱦᱚᱸᱭ ᱯᱟᱲᱦᱟᱣ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱢᱚᱬᱮ ᱥᱮᱨᱢᱟ ᱩᱢᱮᱨ ᱨᱮᱜᱮ ᱮᱱᱮᱡ ᱥᱮᱪᱮᱫᱚᱜ ᱫᱚᱭ ᱮᱛᱚᱦᱚᱵ ᱞᱮᱫ ᱛᱟᱦᱮᱸᱫ ᱟᱨ ᱗ ᱵᱚᱪᱷᱚᱨ ᱥᱮᱨᱢᱟ ᱨᱮ ᱩᱱᱤ ᱫᱚ ᱟᱡᱟᱜ ᱯᱩᱭᱞᱩ ᱮᱱᱮᱡ ᱮ ᱩᱫᱩᱜ ᱥᱚᱫᱚᱨ ᱞᱮᱫ-ᱟ ᱾ ᱜᱚᱣᱨᱤ ᱡᱚᱜᱽ ᱫᱚ ᱱᱟᱜᱽᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱥᱟᱬᱮᱥ ᱟᱨ ᱱᱤᱣᱴᱨᱤᱥᱚᱱ ᱟᱨ ᱮᱡᱩᱠᱮᱥᱚᱱ ᱨᱮ ᱢᱟᱥᱴᱚᱨ ᱰᱤᱜᱽᱨᱤᱭ ᱟᱢᱮᱴ ᱞᱮᱫ ᱛᱟᱦᱮᱸᱫ ᱾