ᱜᱩᱞᱟᱵᱽ ᱠᱚᱣᱨ (ᱤᱝᱞᱤᱥ:Gulab Kaur) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱛᱤᱨᱞᱟᱹ ᱦᱩᱞᱜᱟᱹᱨᱤᱭᱟᱹ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱥᱤᱧᱚᱛᱤᱭᱟᱹ ᱯᱷᱩᱞᱜᱟᱹᱞ ᱦᱩᱞᱥᱟᱹᱭ ᱨᱮ ᱜᱚᱫᱽᱫᱚᱨ ᱫᱚᱞ ᱨᱤᱱᱤᱡ ᱢᱤᱫ ᱠᱟᱹᱢᱤᱭᱟᱹ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱯᱷᱤᱞᱤᱯᱟᱭᱤᱱᱥ ᱠᱷᱚᱱ ᱦᱮᱡ ᱠᱟᱛᱮ ᱥᱤᱧᱚᱛ ᱨᱮᱱᱟᱜ ᱯᱚᱧᱡᱟᱵᱽ ᱨᱮ ᱦᱩᱞᱥᱟᱹᱭ ᱥᱮᱝᱜᱮᱞ ᱫᱷᱩᱨᱟᱹᱣ ᱞᱟᱹᱜᱤᱫ ᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱟᱨ ᱯᱩᱸᱰ ᱦᱟᱨᱛᱟ (ᱤᱝᱨᱮᱡᱽ) ᱠᱚᱣᱟᱜ ᱛᱤ ᱨᱮ ᱫᱦᱚᱨᱟ ᱭᱮᱱ ᱛᱟᱭᱚᱢ ᱞᱟᱦᱚᱨ ᱨᱮᱱᱟᱜ ᱡᱮᱞ ᱨᱮ ᱵᱟᱨ ᱥᱮᱨᱢᱟ ᱠᱚ ᱥᱟᱢᱵᱟᱣ ᱞᱮᱫᱮ ᱛᱟᱦᱮᱸᱫ ᱾

ᱜᱩᱞᱟᱵᱽ ᱠᱚᱣᱨ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶᱜᱩᱞᱟᱵᱽ ᱠᱚᱣᱨ
ᱟᱹᱛᱩ ᱵᱟᱠᱥᱤᱣᱟᱞᱟ], ᱥᱟᱝᱜᱨᱩᱨ ᱡᱤᱞᱞᱟᱹ, ᱯᱚᱧᱡᱟᱵᱽ, ᱥᱤᱧᱚᱛ
ᱫᱤᱥᱚᱢᱤᱭᱟᱹᱥᱤᱧᱚᱛᱤᱭᱟᱹ
ᱠᱟᱹᱢᱤᱯᱷᱩᱨᱜᱟᱹᱞ ᱦᱩᱞᱜᱟᱹᱨᱤᱭᱟᱹ

ᱡᱤᱭᱚᱱ ᱥᱟᱯᱲᱟᱣ

ᱜᱩᱞᱟᱵᱽ ᱠᱚᱣᱨ ᱫᱚ ᱑᱙᱘᱐ ᱥᱟᱞᱮ ᱨᱮ ᱯᱚᱧᱡᱟᱵᱽ ᱨᱮᱱᱟᱜ ᱥᱚᱝᱜᱨᱩᱛ ᱡᱤᱞᱞᱟᱹ ᱵᱚᱠᱥᱤᱵᱟᱞᱟ ᱟᱹᱛᱩ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾[᱑] ᱩᱱᱤ ᱫᱚ ᱢᱚᱱᱱ ᱥᱤᱝ ᱥᱟᱶ ᱮ ᱵᱟᱯᱞᱟ ᱞᱮᱱ ᱛᱟᱦᱮᱸᱫ ᱾ ᱟᱢᱮᱨᱤᱠᱟ ᱨᱮ ᱩᱪᱟᱹᱲᱚᱜ ᱞᱟᱹᱜᱤᱫ ᱜᱷᱟᱨᱚᱽ ᱥᱟᱶ ᱯᱷᱤᱞᱤᱯᱟᱭᱤᱱᱥ ᱨᱮᱱᱟᱜ ᱢᱚᱱᱤᱞᱟ ᱛᱮ ᱠᱚ ᱥᱮᱱ ᱞᱮᱱ ᱛᱟᱦᱮᱸᱫ ᱾[᱑][᱒]

ᱨᱟᱡᱽ ᱟᱹᱨᱤ ᱡᱤᱭᱚᱱ ᱥᱟᱯᱲᱟᱣ

ᱯᱷᱤᱞᱤᱯᱟᱭᱤᱱᱥ ᱪᱟᱞᱟᱣᱮᱱ ᱛᱟᱭᱚᱢ ᱢᱚᱱᱤᱞᱟ ᱨᱮ ᱜᱚᱫᱚᱨ ᱯᱟᱨᱴᱤ ᱧᱩᱛᱩᱢᱟᱱᱟᱜ ᱢᱤᱫ ᱜᱟᱶᱛᱟ ᱨᱮ ᱥᱮᱞᱮᱮᱫ ᱞᱮᱱ ᱛᱟᱦᱮᱸᱫ ᱾ ᱥᱤᱧᱚᱛ ᱫᱤᱥᱚᱢ ᱫᱚ ᱵᱨᱤᱴᱤᱥ ᱠᱚᱣᱟᱜ ᱜᱚᱵᱚᱞ ᱠᱷᱚᱱ ᱨᱟᱲᱟ ᱫᱚᱜᱽ ᱞᱟᱹᱜᱤᱫᱽ ᱚᱸᱰᱮ ᱢᱮᱱᱟᱜ ᱠᱚ ᱥᱤᱠᱷ- ᱯᱚᱧᱡᱟᱵᱤ ᱠᱚ ᱢᱮᱥᱟ ᱠᱟᱛᱮ ᱱᱚᱶᱟ ᱜᱟᱶᱛᱟ ᱠᱚ ᱵᱮᱨᱮᱫ ᱞᱮᱫᱟ ᱾[᱑]

ᱜᱩᱞᱟᱵᱽ ᱠᱚᱣᱨ ᱫᱚ ᱯᱨᱤᱴᱤᱝ ᱯᱨᱮᱥ ᱨᱮ ᱠᱟᱹᱢᱤ ᱥᱟᱶᱛᱮ ᱟᱹᱰᱤ ᱫᱤᱞ ᱫᱟᱲᱮ ᱠᱟᱛᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱾ ᱢᱤᱫ ᱠᱷᱚᱵᱚᱨ ᱫᱚᱜᱚᱨᱤᱭᱟᱹ (ᱨᱤᱯᱚᱨᱴᱚᱨ) ᱧᱩᱛᱩᱢ ᱛᱮ ᱥᱟᱡᱟᱣ ᱠᱟᱛᱮ ᱠᱟᱹᱢᱤ ᱨᱮ ᱵᱷᱤᱲᱟᱹᱣ ᱞᱮᱱ ᱛᱟᱦᱮᱸᱫ ᱾ ᱰᱚᱜᱚᱨᱤᱭᱟᱹ ᱨᱩᱯ ᱛᱮ ᱥᱟᱡᱟᱣ ᱠᱟᱛᱮ ᱜᱚᱫᱚᱨ ᱫᱚᱞ ᱨᱤᱱ ᱠᱟᱹᱢᱤᱭᱟᱹ ᱠᱚ ᱟᱭᱢᱟ ᱞᱮᱠᱟᱱ ᱦᱟᱹᱛᱭᱟᱹᱨ ᱠᱚ ᱡᱩᱜᱟᱹᱲ ᱟᱠᱚ ᱠᱟᱱ ᱛᱟᱦᱮᱸᱫ ᱾ ᱚᱱᱟ ᱥᱟᱶᱛᱮ ᱮᱴᱟᱜ ᱦᱚᱲ ᱠᱚ ᱦᱚᱸ ᱱᱚᱶᱟ ᱜᱟᱶᱛᱟ ᱨᱮ ᱥᱮᱞᱮᱫᱚᱦᱜ ᱞᱟᱹᱜᱤᱫ ᱮ ᱢᱮᱛᱟ ᱠᱚ ᱠᱟᱱ ᱛᱟᱦᱮᱸᱫ ᱾ ᱯᱷᱩᱨᱜᱟᱹᱞ ᱞᱟᱲᱟᱣᱱᱟ ᱵᱟᱵᱚᱫᱽ ᱟᱭᱢᱟ ᱞᱮᱠᱟᱱ ᱥᱟᱠᱟᱢ ᱠᱚ ᱦᱟᱹᱴᱤᱧ ᱠᱟᱛᱮ ᱮᱴᱟᱜ ᱦᱚ ᱠᱚ ᱜᱚᱫᱚᱨ ᱯᱟᱨᱴᱤ ᱥᱮᱫ ᱮ ᱨᱤᱡᱷᱟᱹᱣᱮᱫ ᱥᱟᱶᱛᱮ ᱦᱩᱞᱜᱟᱹᱨ ᱝᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱮ ᱟᱸᱫᱮ ᱭᱮᱫ ᱠᱚ ᱛᱟᱦᱮᱸᱫ ᱾[᱒]

ᱜᱩᱞᱟᱵᱽ ᱠᱚᱣᱨ ᱯᱷᱤᱞᱤᱯᱟᱭᱤᱱᱥ ᱨᱤᱱ ᱕᱐ ᱜᱚᱴᱟᱝ ᱜᱟᱱ ᱦᱚᱲ ᱜᱚᱫᱚᱨ ᱜᱟᱶᱛᱟ ᱨᱤᱱ ᱯᱷᱩᱨᱜᱟᱹᱞ ᱦᱩᱞᱜᱟᱹᱨᱤᱭᱟᱹ ᱠᱚ ᱥᱟᱶ ᱢᱮᱛᱟ ᱠᱟᱛᱮ ᱥ.ᱥ. ᱠᱳᱨᱤᱭᱟ ᱵᱮᱪ ᱥᱟᱶ ᱫᱚᱨᱭᱟ ᱰᱟᱦᱟᱨ ᱛᱮ ᱥᱤᱧᱚᱛ ᱠᱚ ᱢᱚᱸᱦᱰᱟ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱥ.ᱥ. ᱠᱳᱨᱤᱭᱟ ᱠᱷᱚᱱ ᱥᱤᱝᱜᱟᱯᱩᱨ ᱨᱮᱱᱟᱜ ᱛᱚᱥᱟ ᱢᱟᱨᱩ ᱠᱚ ᱥᱮᱱ ᱞᱮᱱ ᱛᱟᱦᱮᱸᱫ ᱾ ᱥᱤᱧᱚᱛ ᱥᱮᱴᱮᱨᱮᱱ ᱛᱟᱭᱚᱢ ᱮᱴᱟᱜ ᱠᱟᱹᱢᱤᱭᱟᱹ ᱠᱚ ᱥᱟᱶ ᱯᱚᱧᱡᱟᱵᱽ ᱨᱮᱱᱟᱜ ᱡᱚᱞᱚᱱᱫᱷᱚᱨ, ᱦᱚᱥᱤᱭᱟᱨ ᱯᱩᱨ, ᱠᱚᱯᱩᱨᱛᱷᱚᱞᱟ ᱮᱢᱟᱱ ᱟᱹᱛᱩ ᱠᱚᱨᱮ ᱦᱟᱱᱟ ᱱᱷᱟᱣᱟ ᱠᱟᱹᱢᱤ ᱨᱮ ᱵᱷᱤᱲᱟᱹᱣ ᱠᱟᱛᱮ ᱦᱚᱲ ᱠᱚ ᱥᱟᱢᱴᱟᱣ ᱨᱮᱱᱟᱜ ᱠᱚ ᱫᱷᱩᱨᱟᱹᱣ ᱞᱮᱱᱟ ᱾ ᱡᱮᱢᱚᱱ ᱥᱤᱧᱚᱛ ᱨᱮᱱᱟᱜ ᱯᱷᱩᱨᱜᱟᱹᱞ ᱞᱟᱹᱜᱤᱫ ᱦᱟᱹᱛᱭᱟᱹᱨ ᱥᱟᱵ ᱠᱟᱛᱮ ᱥᱚᱡᱷᱮ ᱤᱝᱨᱮᱡᱽ ᱥᱚᱨᱠᱟᱨ ᱥᱟᱶ ᱞᱟᱹᱲᱦᱟᱹᱭ ᱞᱟᱹᱜᱤᱫ ᱠᱚ ᱯᱚᱨᱛᱚ ᱞᱮᱫᱼᱟ ᱾[᱓]

ᱯᱷᱩᱨᱜᱟᱹᱞ ᱦᱩᱞᱜᱟᱹᱨ ᱞᱟᱹᱲᱦᱟᱹᱭ ᱵᱷᱤᱛᱤᱨ ᱨᱮ ᱜᱩᱞᱟᱵᱽ ᱫᱚ ᱤᱝᱨᱮᱡᱽ ᱴᱷᱮᱱᱮ ᱛᱚᱞ ᱚᱪᱚ ᱞᱮᱱ ᱛᱟᱦᱮᱸᱫ ᱟᱨ ᱫᱤᱥᱚᱢ ᱵᱤᱨᱩᱫᱽ ᱠᱟᱹᱢᱤ ᱠᱷᱟᱹᱛᱤᱨ ᱤᱝᱨᱮᱡᱽ ᱥᱚᱨᱠᱟᱨ ᱫᱟᱨᱟᱭ ᱛᱮ ᱵᱟᱨ ᱥᱮᱨᱢᱟ ᱡᱤᱦᱚᱞ ᱨᱮ ᱠᱚ ᱫᱚᱦᱚ ᱞᱮᱫᱮ ᱛᱟᱦᱮᱸᱫ ᱾[᱑] ᱩᱱ ᱚᱠᱛᱚ ᱨᱮ ᱩᱱᱤ ᱫᱚ ᱵᱨᱤᱴᱤᱥ ᱵᱷᱟᱨᱚᱛ ᱨᱮᱱᱟᱜ ᱞᱟᱦᱚᱨ ᱨᱮ ᱠᱚ ᱡᱤᱦᱚᱞ ᱛᱚᱞ ᱫᱚᱦᱚ ᱞᱮᱫᱮ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱱᱤᱛ ᱯᱟᱠᱤᱥᱛᱟᱱ ᱨᱮ ᱢᱮᱱᱟᱜᱼᱟ ᱾[᱒]

ᱜᱩᱞᱟᱵᱽ ᱠᱚᱣᱨ ᱟᱜ ᱡᱤᱭᱚᱱ ᱠᱟᱛᱷᱟ ᱵᱟᱝᱢᱟ ᱯᱷᱩᱨᱜᱟᱹ ᱞᱟᱲᱦᱟᱹᱭ ᱨᱮ ᱟᱡᱟᱜ ᱮᱱᱮᱢ ᱪᱮᱛᱟᱱ ᱨᱮ ᱢᱤᱫ ᱯᱚᱧᱡᱟᱵᱤ ᱯᱟᱹᱨᱥᱤ ᱯᱚᱛᱚᱵ ''ᱜᱚᱫᱚᱨ ᱫᱤ ᱫᱷᱤ ᱜᱩᱞᱟᱵᱽ ᱠᱚᱣᱨ'' ᱒᱐᱑᱔ ᱥᱟᱞᱮ ᱨᱮ ᱩᱪᱷᱟᱹᱱ ᱞᱮᱱ ᱛᱟᱦᱮᱸᱫ, ᱡᱟᱦᱟᱸ ᱨᱤᱱᱤᱡ ᱚᱱᱚᱞᱤᱭᱟᱹ ᱫᱚ ᱮᱥ. ᱠᱮᱥᱚᱨ ᱥᱤᱝ ᱠᱟᱱᱟᱭ ᱾ [᱔]

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ

  1. ᱑.᱐ ᱑.᱑ ᱑.᱒ ᱑.᱓ "Gulab Kaur-A Great Punjabi Woman". Uddari Weblog. Retrieved 2015-06-28.
  2. ᱒.᱐ ᱒.᱑ ᱒.᱒ "Trailblazers". SikhChic. Retrieved 2015-06-28.
  3. Gill, M. S. (2007). Trials that Changed History: From Socrates to Saddam Hussein (in ᱟᱝᱜᱽᱨᱮᱡᱤ). Sarup & Sons. ISBN 9788176257978.
  4. "Archive copy". Archived from the original on 2015-07-07. Retrieved 2019-02-19.{{cite web}}: CS1 maint: archived copy as title (link)