ᱜᱩᱦᱩᱢ

ᱜᱳᱴᱟ ᱫᱷᱟᱨᱛᱤ ᱯᱩᱨᱤᱨᱮ ᱥᱤᱨᱡᱚᱱᱚᱜ ᱜᱷᱟᱥ ᱞᱮᱠᱟᱱᱟᱜ ᱢᱤᱫᱴᱟᱝ ᱫᱟᱨᱮ (ᱜᱟᱹᱪᱷᱤ) ᱡᱟᱦᱟᱸ ᱫᱚ ᱯᱳᱭᱞᱳ ᱡᱟᱱᱟᱢ ᱞᱮᱢᱟ ᱢᱚᱫᱫᱷᱚ ᱯᱨᱟᱪᱪᱚ ᱨᱮᱱᱟᱜ ᱞᱮᱵᱷᱟᱱᱴ ᱯᱤᱲ ᱨᱮ, ᱢᱮᱱᱠᱷᱟᱱ ᱱᱮᱛᱟᱨ ᱫᱚ ᱜᱳᱴᱟ ᱫᱷᱟᱹᱨᱛᱤ ᱨᱮᱜᱮ ᱜᱩᱦᱩᱢ ᱠᱚ ᱟᱨᱡᱟᱣ ᱮᱫᱟ᱾ ᱒᱐᱐᱗ ᱥᱮᱨᱢᱟ ᱨᱮ ᱜᱩᱦᱩᱢ ᱫᱷᱟᱨᱛᱤ ᱨᱮ ᱟᱨᱡᱟᱣ ᱞᱮᱱᱟ ᱖᱐᱗ ᱢᱤᱞᱤᱭᱚᱱ ᱴᱚᱱ, ᱡᱟᱦᱟ ᱫᱚ ᱛᱟᱦᱮ ᱠᱟᱱᱟ ᱫᱷᱟᱨᱛᱤᱨᱮ ᱛᱮᱥᱟᱨ ᱡᱟᱹᱥᱛᱤᱭᱟᱱ ᱟᱨᱡᱟᱣ ᱪᱟᱥ ᱚᱨᱡᱚ ᱡᱚ᱾ ᱯᱳᱭᱞᱳ ᱟᱨ ᱫᱚᱥᱟᱨ ᱴᱷᱟᱸᱣ ᱮ ᱦᱟᱢᱮᱴ ᱞᱮᱫᱟ ᱡᱮ ᱞᱮᱠᱟ- ᱦᱳᱲᱳ ᱟᱨ ᱡᱚᱸᱰᱨᱟ᱾ [᱑] ᱜᱳᱴᱟ ᱫᱷᱟᱨᱛᱤ ᱨᱮ ᱜᱩᱦᱩᱢ ᱱᱤᱭᱳᱜ ᱯᱨᱳᱴᱤᱱ ᱨᱮᱭᱟᱜ ᱵᱟᱝ ᱥᱤᱲᱤᱪ ᱞᱮᱠᱟᱛᱮ ᱟᱹᱰᱤᱜᱟᱱ ᱜᱮ ᱞᱟᱠᱛᱤᱭᱟᱱ ᱡᱟᱦᱟ ᱫᱚ ᱢᱟᱱᱢᱤ ᱠᱩᱭᱟᱜ ᱡᱚᱢ ᱧᱩ ᱨᱮ ᱛᱟᱦᱮᱱ ᱫᱚ ᱮᱠᱟᱞᱜᱮ ᱞᱟᱹᱠᱛᱤᱭᱟᱱ ᱠᱟᱱᱟ, ᱜᱩᱦᱩᱢ ᱨᱮ ᱟᱹᱰᱤᱜᱟᱱ ᱜᱮ ᱯᱨᱳᱴᱤᱱ ᱢᱮᱱᱟᱜᱼᱟ, ᱱᱚᱳᱭᱟ ᱪᱷᱟᱰᱟ ᱦᱳᱲᱳ ᱟᱨ ᱡᱚᱸᱰᱨᱟ ᱨᱮᱦᱚ ᱱᱤᱭᱟᱹ ᱯᱨᱳᱴᱤᱱ ᱧᱟᱢᱚᱜ ᱜᱮᱭᱟ᱾ ᱡᱚᱢ ᱞᱟᱜᱤᱫ ᱛᱮ ᱵᱮᱳᱦᱟᱨᱚᱜ ᱥᱟᱱᱟᱢᱟᱜ ᱜᱩᱴ ᱟᱨᱡᱟᱣ ᱡᱚ ᱞᱮᱠᱟᱛᱮ ᱜᱩᱦᱩᱢ ᱫᱚ ᱢᱮᱱᱟᱜᱼᱟ ᱫᱚᱥᱟᱨ ᱴᱷᱟᱸᱣ ᱨᱮ, ᱡᱮ ᱦᱤᱞᱳᱜ ᱠᱷᱚᱱᱟᱜ ᱡᱚᱸᱰᱨᱟ ᱫᱚ ᱡᱤᱭᱟᱹᱞᱤ ᱠᱳᱭᱟᱜ ᱡᱚᱢᱟᱜ ᱞᱟᱹᱜᱤᱫ ᱵᱮᱳᱦᱟᱨ ᱮᱛᱚᱦᱚᱵ ᱞᱮᱱᱟ᱾ ᱟᱨ ᱦᱚᱸ ᱦᱳᱲᱳ ᱢᱮᱱᱟᱜ ᱟ ᱯᱳᱭᱞᱳ ᱨᱮ ᱪᱮᱫᱟᱜ ᱥᱮ ᱦᱳᱲᱳ ᱫᱚ ᱢᱟᱱᱢᱤᱭᱟᱜ ᱡᱚᱢᱟᱜ ᱧᱩ ᱟᱜ ᱢᱩᱠᱷᱚᱭᱟᱹ ᱪᱟᱥ ᱚᱨᱡᱚ ᱡᱚ ᱠᱟᱱᱟ᱾

ᱱᱟᱜᱟᱢᱥᱟᱯᱲᱟᱣ

ᱜᱩᱦᱩᱢ ᱢᱟᱱᱢᱤ ᱥᱟᱶᱛᱟ ᱨᱮᱭᱟᱜ ᱮᱛᱚᱦᱚᱵ ᱨᱮ ᱱᱟᱜᱟᱨ ᱞᱮᱠᱟᱱ ᱥᱟᱸᱳᱛᱟ ᱛᱚᱨᱟᱣ ᱨᱟᱠᱟᱵ ᱨᱮᱭᱟᱜ ᱢᱩᱠᱷᱚᱭᱟᱹ ᱞᱮᱠᱟ ᱛᱟᱦᱮ ᱠᱟᱱᱟ, ᱪᱮᱫᱟᱜ ᱥᱮ ᱜᱩᱦᱩᱢ ᱜᱮ ᱛᱟᱦᱮ ᱠᱟᱱᱟ ᱯᱳᱭᱞᱳ ᱨᱮᱱᱟᱜ ᱪᱟᱥ ᱚᱨᱡᱚ ᱡᱚ, ᱥᱤᱨᱡᱟᱹᱣ ᱢᱩᱫᱽᱨᱮ ᱢᱤᱫ ᱴᱟᱝ; ᱡᱟᱦᱟᱸ ᱫᱚ ᱪᱟᱥ ᱚᱨᱡᱚ ᱡᱚ ᱟᱹᱰᱤ ᱢᱟᱨᱟᱝ ᱛᱮ ᱟᱨᱡᱟᱣ ᱜᱟᱱᱚᱜᱼᱟ, ᱟᱨ ᱦᱚᱸ ᱵᱟᱹᱲᱛᱤ ᱟᱨᱡᱟᱣ ᱫᱷᱚᱱ ᱞᱮᱠᱟᱛᱮ ᱟᱭᱢᱟ ᱫᱤᱱ ᱵᱟᱺᱫᱤ ᱠᱟᱛᱮ ᱫᱚᱦᱚ ᱜᱟᱱᱚᱜᱼᱟ᱾

ᱵᱮᱵᱷᱟᱨᱥᱟᱯᱲᱟᱣ

ᱜᱩᱦᱩᱢ ᱡᱟᱝ ᱟᱹᱰᱤ ᱞᱟᱹᱠᱛᱤᱭᱟᱱ ᱡᱚᱢᱟᱜ ᱨᱮᱭᱟᱜ ᱞᱟᱜᱟᱜ ᱞᱮᱠᱟᱛᱮ ᱵᱮᱳᱦᱟᱨᱚᱜᱼᱟ, ᱡᱟᱦᱟ ᱫᱚ ᱜᱩᱸᱰᱟᱹ ᱠᱟᱛᱮ ᱛᱮᱭᱟᱨ ᱦᱚᱞᱚᱝ, ᱱᱟᱱᱟ ᱦᱩᱱᱟᱹᱨ ᱨᱩᱴᱤ, ᱵᱤᱥᱠᱩᱴ, ᱠᱩᱠᱤᱡ, ᱠᱮᱠ, ᱯᱤᱴᱷᱟᱹ, ᱯᱟᱥᱛᱟ, ᱱᱩᱰᱩᱞᱚᱥ ᱟᱨ ᱦᱚᱸ ᱟᱭᱢᱟ ᱡᱚᱢᱟᱜ ᱧᱩ ᱟᱜ ᱛᱮᱭᱟᱨ ᱞᱟᱹᱜᱤᱫ ᱵᱮᱳᱦᱟᱨᱚᱜᱼᱟ᱾ ᱱᱚᱳᱭᱟ ᱪᱷᱟᱰᱟ ᱦᱚᱸ ᱵᱤᱭᱟᱨ ᱵᱷᱚᱫᱠᱟ ᱮᱢᱟᱱ ᱮᱢᱟᱱ ᱯᱟᱹᱣᱨᱟᱹ ᱟᱨ ᱦᱚᱸ ᱡᱚᱭᱵᱚ ᱥᱟᱦᱟᱱ ᱛᱮᱭᱟᱨ ᱞᱟᱹᱜᱤᱫ ᱜᱩᱦᱩᱢ ᱵᱮᱳᱦᱟᱨᱚᱜᱼᱟ᱾ ᱜᱩᱦᱩᱢ ᱨᱮᱭᱟᱜ ᱵᱩᱥᱩᱵ ᱚᱲᱟᱜ ᱨᱮᱱ ᱠᱟᱰᱟ ᱰᱟᱝᱨᱟ ᱟᱜ ᱡᱚᱢᱟᱜ ᱞᱮᱠᱟᱛᱮ ᱵᱮᱳᱦᱟᱨ ᱦᱳᱭᱳᱜ ᱜᱮᱭᱟ᱾ ᱟᱨ ᱦᱚᱸ ᱚᱲᱟᱜ ᱫᱟᱞᱚᱵ ᱞᱟᱹᱜᱤᱫ ᱛᱮᱦᱚᱸ ᱵᱮᱳᱦᱟᱨ ᱜᱮᱭᱟ ᱠᱚ᱾

ᱵᱟᱨᱦᱮ ᱡᱚᱱᱚᱲᱥᱟᱯᱲᱟᱣ