ᱜᱩᱨᱩᱝ ᱯᱟᱹᱨᱥᱤ

ᱜᱩᱨᱩᱝ (ᱫᱮᱵᱽᱱᱟᱜᱽᱨᱤ: गुरुङ), ᱡᱟᱦᱟᱸ ᱫᱚ ᱛᱟᱢᱩ ᱠᱭᱤ (तमु क्यी, tamu kyī; ᱛᱤᱵᱵᱚᱛᱤ: ཏམུ་ཀི) ᱟᱨᱵᱟᱝ ᱛᱟᱢᱩ ᱵᱷᱟᱥᱟ (तमु भाषा, tamu bhāṣā) ᱧᱩᱛᱩᱢ ᱛᱮᱦᱚᱸ ᱵᱟᱰᱟᱭᱚᱜᱼᱟ, ᱱᱮᱯᱟᱞ ᱨᱮᱱ ᱜᱩᱨᱩᱝ ᱦᱚᱲ ᱠᱚᱠᱚ ᱨᱚᱲᱼᱮᱫ ᱠᱟᱱ ᱢᱤᱫ ᱪᱤᱱᱟ-ᱛᱤᱵᱵᱚᱛᱤ ᱯᱟᱹᱨᱥᱤ ᱠᱟᱱᱟ᱾ ᱑᱙᱙᱑ ᱥᱮᱨᱢᱟ ᱨᱮ ᱱᱮᱯᱟᱞ ᱨᱮ ᱜᱩᱨᱩᱝ ᱯᱟᱹᱨᱥᱤ ᱨᱚᱲ ᱦᱚᱲ ᱠᱚᱣᱟᱜ ᱞᱮᱠᱷᱟ ᱫᱚ ᱒᱒᱗,᱙᱑᱘ ᱟᱨ ᱒᱐᱑᱑ ᱥᱮᱨᱢᱟ ᱨᱮ ᱓᱒᱕,᱖᱒᱒ ᱛᱟᱦᱮᱸ ᱠᱟᱱᱟ᱾

ᱱᱮᱯᱟᱞ ᱨᱮᱱᱟᱜ ᱥᱚᱨᱠᱟᱨᱤ ᱯᱟᱹᱨᱥᱤ, ᱱᱮᱯᱟᱞᱤ, ᱢᱤᱫ ᱤᱱᱫᱳᱼᱤᱣᱨᱳᱯᱤᱭᱟᱱ ᱯᱟᱹᱨᱥᱤ ᱠᱟᱱᱟ, ᱡᱚᱠᱷᱚᱱ ᱜᱩᱨᱩᱝ ᱫᱚ ᱥᱤᱱᱳᱼᱛᱤᱵᱵᱚᱛᱤ ᱯᱟᱹᱨᱥᱤ ᱠᱟᱱᱟ᱾ ᱜᱩᱨᱩᱝ ᱫᱚ ᱱᱮᱯᱟᱞ ᱨᱮᱱᱟᱜ ᱢᱩᱬᱩᱛ ᱯᱟᱹᱨᱥᱤ ᱠᱚ ᱢᱩᱫᱽ ᱨᱮ ᱢᱤᱫ ᱯᱟᱹᱨᱥᱤ ᱠᱟᱱᱟ, ᱟᱨ ᱥᱤᱧᱚᱛ, ᱵᱷᱩᱴᱟᱱ, ᱟᱨ ᱥᱤᱝᱜᱟᱯᱩᱨ ᱟᱨ ᱦᱚᱝᱠᱚᱝ ᱞᱮᱠᱟᱱ ᱫᱤᱥᱚᱢ ᱨᱮᱱ ᱰᱟᱭᱟᱥᱯᱳᱨᱟ ᱥᱟᱶᱛᱟ ᱨᱮᱱ ᱦᱚᱲ ᱠᱚᱦᱚᱸ ᱱᱚᱶᱟ ᱯᱟᱹᱨᱥᱤ ᱛᱮᱠᱚ ᱨᱚᱲᱼᱟ᱾