ᱜᱷᱟᱱᱴᱟᱲ

ᱜᱷᱟᱱᱴᱷᱟᱲ ᱥᱮ ᱠᱷᱟᱱᱴᱟᱲ (Artocarpus heterophyllus) ᱫᱚ ᱠᱚᱧᱮ ᱮᱥᱤᱭᱟ ᱨᱮ ᱧᱮᱞᱚᱜ ᱠᱟᱱ ᱢᱤᱫ ᱫᱟᱨᱮ ᱠᱟᱱᱟ ᱾ ᱱᱚᱣᱟ ᱨᱮᱱᱟᱜ ᱡᱚ ᱫᱚ ᱡᱤᱞ ᱜᱮᱭᱟ ᱟᱨ ᱵᱤᱞᱤ ᱠᱟᱛᱮ ᱫᱚ ᱥᱟᱥᱟᱝ ᱜᱮ ᱧᱮᱞᱚᱜᱼᱟ ᱟᱨ ᱵᱮᱨᱮᱞ ᱛᱮ ᱫᱚ ᱦᱟᱹᱨᱭᱟᱹᱲ ᱜᱮ ᱾ ᱮᱛᱚᱦᱚᱵ ᱠᱷᱚᱱ ᱜᱮ ᱱᱚᱣᱟ ᱫᱚ ᱥᱤᱧᱚᱛ ᱨᱮ ᱧᱮᱞᱚᱜ ᱠᱟᱱ ᱛᱟᱦᱮᱸᱫ ᱾ ᱜᱳᱣᱟ, ᱠᱮᱨᱚᱲ, ᱳᱰᱤᱥᱟ, ᱛᱟᱢᱤᱞᱱᱟᱰᱩ , ᱢᱚᱦᱟᱨᱟᱥᱴᱨᱚ ᱮᱢᱟᱱ ᱯᱚᱱᱚᱛ ᱠᱚᱨᱮ ᱱᱚᱣᱟ ᱫᱚ ᱧᱮᱞᱚᱜᱼᱟ ᱾ ᱱᱚᱣᱟ ᱫᱚ ᱡᱚᱛᱚ ᱠᱷᱚᱱ ᱢᱟᱨᱟᱝ ᱡᱚ ᱠᱟᱱᱟ ᱾ ᱡᱚᱛᱚ ᱠᱷᱚᱱ ᱢᱟᱨᱟᱝ ᱜᱷᱟᱱᱴᱟᱲ ᱨᱮᱱᱟᱜ ᱦᱟᱢᱟᱞ ᱫᱚ ᱓᱕ ᱠᱤᱞᱚ, ᱡᱤᱞᱤᱧ ᱙᱐ ᱥᱮᱱᱴᱤᱢᱤᱴᱚᱨ ᱟᱨ ᱚᱥᱟᱨ ᱫᱚ ᱕᱐ ᱥᱮᱱᱴᱤᱢᱤᱴᱚᱨ ᱾

ᱜᱷᱟᱱᱴᱷᱟᱲ

ᱟᱨᱡᱟᱣ

Developing jackfruit in Bangladesh

ᱜᱷᱟᱱᱴᱟᱲ ᱫᱟᱨᱮ ᱨᱮ ᱡᱚ ᱥᱟᱵ ᱨᱮᱱᱟᱜ ᱪᱤᱛᱟᱹᱨ

ᱥᱤᱧᱚᱛ ᱨᱮᱱᱟᱜ ᱪᱟᱥ ᱨᱮ ᱓᱐᱐᱐ ᱠᱷᱚᱱ ᱔᱐᱐᱐ ᱥᱮᱨᱢᱟ ᱢᱟᱬᱟᱝ ᱠᱷᱚᱱ ᱢᱟᱨᱟᱝ ᱴᱷᱟᱶ ᱜᱮ ᱟᱢᱮᱴ ᱟᱠᱟᱫᱟᱭ ᱾ ᱠᱚᱧᱮ ᱮᱥᱤᱭᱟ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱟᱨᱡᱟᱣ ᱦᱞᱭᱩᱜ ᱠᱟᱱᱟ ᱾ ᱥᱤᱧᱚᱛ ᱨᱮᱱᱟᱜ ᱵᱟᱹᱲᱛᱤ ᱞᱚᱞᱚᱣᱟᱱ ᱴᱷᱟᱶ ᱠᱚᱨᱮ ᱡᱟᱹᱥᱛᱤ ᱪᱟᱥ ᱦᱩᱭᱩᱜ ᱠᱟᱱᱟ ᱾ ᱥᱤᱧᱚᱛ ᱨᱮᱱᱟᱜ ᱯᱟᱪᱮ ᱥᱮᱦᱮᱫ ᱫᱷᱟᱨᱮ ᱫᱷᱟᱨᱮ ᱛᱮ ᱜᱚᱴᱟ ᱟᱨ ᱥᱟᱢᱟᱝ ᱥᱮᱦᱮᱫ ᱨᱮ ᱫᱚ ᱟᱥᱟᱢ, ᱯᱟᱪᱮ ᱵᱟᱝᱞᱟ, ᱳᱰᱤᱥᱟ, ᱵᱤᱦᱟᱨ ᱯᱚᱱᱚᱛ ᱠᱚᱨᱮ ᱪᱟᱥ ᱦᱩᱭᱩᱜ ᱠᱟᱱᱟ ᱾

ᱦᱚᱭ ᱦᱤᱥᱤᱫ

ᱜᱷᱟᱱᱴᱟᱲ ᱫᱚ ᱞᱚᱞᱚ ᱢᱟᱸᱰᱣᱟ ᱨᱮᱱᱟᱜ ᱪᱟᱥ ᱠᱟᱱᱟ ᱾ ᱱᱚᱣᱟ ᱫᱚ ᱩᱨᱜᱩᱢ ᱟᱨ ᱦᱟᱣᱮᱫ ᱦᱚᱭ ᱦᱤᱥᱤᱫ ᱨᱮ ᱱᱟᱯᱟᱭ ᱦᱩᱭᱩᱜ-ᱟ ᱾ ᱥᱟᱹᱢᱩᱸᱫᱽ ᱛᱩᱬᱩᱝ ᱠᱷᱚᱱ ᱑᱕᱐᱐ ᱢᱤᱴᱚᱨ ᱩᱥᱩᱞ ᱦᱟᱹᱵᱤᱡ ᱪᱟᱥ ᱦᱩᱭ ᱫᱟᱲᱮᱭᱟᱜ-ᱟ ᱾ ᱢᱮᱱᱠᱷᱟᱱ ᱑᱒᱐᱐ ᱢᱤᱴᱚᱨ ᱠᱷᱚᱱ ᱪᱮᱛᱟᱱ ᱨᱮ ᱫᱚ ᱠᱚᱢ ᱜᱮ ᱡᱚ ᱟ ᱾ ᱱᱚᱣᱟ ᱫᱟᱨᱮ ᱫᱟᱜ ᱧᱩᱨᱩᱜ ᱴᱷᱟᱶᱨᱮ ᱵᱷᱟᱹᱜᱤ ᱦᱟᱨᱟᱜ ᱨᱮᱦᱚᱸ ᱱᱚᱣᱟ ᱨᱱᱟᱜ ᱢᱩᱬ ᱨᱮ ᱫᱟᱜ ᱛᱚᱢᱵᱟ ᱛᱟᱦᱮᱸ ᱞᱮᱱᱠᱷᱟᱱ ᱵᱟᱭ ᱥᱟᱦᱟᱣ ᱫᱟᱲᱮᱭᱟᱜ-ᱟ ᱾

ᱦᱚᱱᱵᱟᱹᱲᱛᱤ

ᱱᱚᱣᱟ ᱫᱟᱨᱮ ᱨᱮᱱᱟᱜ ᱦᱚᱱ ᱵᱟᱹᱲᱛᱤ ᱞᱟᱹᱜᱤᱫ ᱡᱟᱝ ᱠᱚ ᱨᱚᱦᱚᱭᱟ ᱾ ᱡᱟᱝ ᱨᱚᱦᱚᱭ ᱵᱮᱜᱚᱨ ᱫᱟᱨᱮ ᱰᱟᱹᱨ ᱨᱮ ᱠᱩᱞᱢᱤ ᱠᱟᱛᱮ ᱦᱚᱸ ᱦᱚᱱ ᱠᱚ ᱵᱟᱨᱟᱭ ᱜᱮᱭᱟ ᱾ ᱢᱮᱱᱠᱷᱟᱱ ᱠᱩᱞᱢᱤ ᱠᱟᱛᱮ ᱦᱟᱨᱟ ᱱᱟᱥᱮ ᱢᱮᱦᱱᱚᱛ ᱫᱷᱟᱨᱟ ᱜᱮᱭᱟ ᱢᱮᱱᱠᱷᱟᱱ ᱢᱤᱫ ᱫᱷᱟᱣ ᱮᱢ ᱥᱟᱵ ᱚᱪᱚᱣᱟᱠᱟᱫ ᱠᱷᱟᱱ ᱵᱟᱭ ᱜᱩᱡᱩᱜ-ᱟ ᱾ ᱡᱟᱝ ᱨᱚᱦᱚᱭ ᱞᱮᱠᱷᱟᱱ ᱚᱱᱟ ᱡᱟᱝ ᱚᱢᱚᱱ ᱠᱟᱛᱮ ᱦᱟᱨᱟᱜ-ᱟ ᱥᱮ ᱵᱟᱝ, ᱱᱚᱣᱟ ᱫᱚ ᱴᱷᱟᱹᱣᱠᱟᱹ ᱵᱟᱹᱱᱩᱜ-ᱟ ᱾

ᱡᱚ ᱧᱟᱢ

ᱡᱟᱝ ᱨᱚᱦᱚᱭ ᱟᱠᱟᱱ ᱫᱟᱨᱮ ᱨᱮ ᱫᱚ ᱗/᱘ ᱥᱮᱨᱢᱟ ᱛᱟᱭᱚᱢ ᱮᱱᱟᱝ ᱡᱚ ᱧᱟᱢᱚᱜ-ᱟ ᱾ ᱢᱮᱱᱠᱷᱟᱱ ᱠᱩᱞᱢᱤ ᱟᱠᱟᱫ ᱫᱟᱨᱮ ᱫᱚ ᱕/᱖ ᱥᱮᱨᱢᱟ ᱠᱷᱟᱱ ᱜᱮ ᱡᱚ ᱧᱟᱢᱚᱜ-ᱟ ᱾ ᱢᱤᱫᱴᱟᱝ ᱫᱟᱨᱮ ᱨᱮ ᱑᱐᱐ ᱠᱤᱞᱚ ᱠᱷᱚᱱ ᱑᱐᱐᱐ ᱠᱤᱞᱚ ᱜᱟᱱ ᱡᱚ ᱧᱟᱢᱚᱜ-ᱟ ᱾

ᱵᱮᱵᱷᱟᱨ

ᱠᱟᱱᱴᱷᱟᱲ ᱵᱚᱜᱚᱡ

ᱵᱮᱨᱮᱞ ᱛᱮ ᱡᱚᱢ

• 

  Gudeg (left), the unripe jackfruit curry in reddish color acquired from teak leaf, a specialty of Yogyakarta in Java.

• 

  Ginataang langka, jackfruit cooked in coconut milk.

• 

  Green jackfruit and potato curry, Kolkata.

• 

  Baby Jackfruit Masala.