ᱢᱩᱬᱩᱛ ᱢᱮᱱᱩ ᱡᱷᱤᱡᱽ ᱢᱮ
TE-Collage Los Angeles.png

ᱞᱚᱥ ᱮᱧᱡᱮᱞᱥ (/lɒs ˈændʒələs/)ᱫᱚ ᱠᱚᱧᱮ ᱠᱟᱞᱤᱯᱷᱚᱨᱱᱤᱭᱟ ᱨᱮᱱᱟᱜ ᱨᱮᱱᱟᱜ ᱱᱟᱜᱟᱨ ᱠᱟᱱᱟ ᱾ ᱱᱚᱸᱰᱮ ᱓,᱘᱔᱗,᱔᱐᱐ ᱜᱟᱱ ᱦᱚᱲ ᱠᱚ ᱛᱟᱦᱮᱸᱱ ᱠᱟᱱᱟ ᱟᱨ ᱱᱚᱶᱟ ᱱᱟᱜᱟᱨ ᱥᱩᱨᱥᱩᱯᱩᱨ ᱑᱘ ᱢᱤᱞᱤᱭᱚᱱ ᱜᱟᱱ ᱦᱚᱲ ᱠᱚ ᱛᱟᱦᱮᱸᱱ ᱠᱟᱱᱟ ᱾[᱑] ᱱᱟᱜᱟᱨ ᱫᱚ ᱑᱒᱐᱐ ᱠᱤᱞᱚᱢᱤᱴᱚᱨ ᱜᱟᱱ ᱚᱥᱟᱨᱼᱵᱤᱥᱟᱹᱨ ᱢᱮᱱᱟᱜ-ᱟ ᱾ ᱞᱚᱥ ᱮᱧᱡᱮᱞᱥ ᱫᱚ ᱡᱩᱢᱤᱫᱽ ᱯᱚᱱᱚᱛ (US) ᱨᱮᱱᱟᱜ ᱫᱚᱥᱟᱨ ᱵᱟᱹᱲᱛᱤ ᱦᱚᱲ ᱛᱟᱦᱮᱸᱱ ᱠᱟᱱᱟᱜ ᱱᱟᱜᱟᱨ ᱠᱟᱱᱟ, ᱡᱟᱦᱟᱸ ᱫᱚ ᱱᱤᱶ ᱭᱚᱨᱠ ᱠᱷᱚᱱ ᱯᱟᱹᱪᱷᱞᱟᱹ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱠᱟᱞᱤᱯᱷᱚᱨᱱᱤᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱟᱜᱟᱨ ᱦᱚᱸ ᱠᱟᱱᱟ ᱾

ᱩᱱᱩᱫᱩᱜ

ᱱᱟᱜᱟᱢᱥᱟᱯᱲᱟᱣ

ᱞᱚᱥ ᱮᱧᱡᱮᱞᱥ ᱧᱩᱛᱩᱢ ᱫᱚ ᱥᱯᱮᱱᱤᱥ ᱯᱟᱹᱨᱥᱤ ᱠᱷᱚᱱ ᱦᱮᱡ ᱟᱠᱟᱱᱟ ᱟᱴ ᱱᱚᱶᱟ ᱨᱮᱱᱟᱜ ᱢᱮᱱᱮᱛ ᱫᱚ "ᱵᱳᱝᱜᱟ ᱠᱩᱲᱤ"(The Angels) ᱾ ᱱᱚᱶᱟ ᱧᱩᱛᱩᱢ ᱫᱚ ᱚᱥᱚᱞ ᱴᱷᱟᱶ ᱧᱩᱛᱩᱢ ᱠᱷᱚᱱ ᱥᱤᱠᱩᱵ ᱟᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱚᱥᱚᱞ ᱧᱩᱛᱩᱢ ᱫᱚ "El Pueblo de Nuestra Señora la Reina de los Ángeles del Río Porciúncula" ᱡᱟᱦᱟᱸ ᱨᱮᱱᱟᱜ ᱢᱮᱱᱮᱛ ᱫᱚ ᱦᱩᱭᱜ ᱠᱟᱱᱟ "ᱯᱚᱨᱥᱤᱭᱩᱠᱩᱞᱟ ᱜᱟᱰᱟ ᱨᱤᱱᱤᱡ ᱵᱚᱝᱜᱟ ᱠᱩᱲᱤᱠᱚ ᱭᱤᱡ ᱨᱟᱹᱱᱤ ᱭᱟᱜ ᱱᱟᱜᱟᱨ" ᱾ ᱞᱚᱥ ᱮᱧᱡᱮᱞᱥ ᱫᱚ ᱑᱗᱘᱑ ᱥᱟᱞᱮ ᱨᱮ ᱛᱷᱟᱯᱚᱱ ᱞᱮᱱ ᱛᱟᱦᱮᱸᱫ ᱾ ᱟᱹᱰᱤ ᱥᱮᱫᱟᱭ ᱨᱮᱱᱟᱜ ᱠᱟᱛᱷᱟ ᱪᱤ ᱱᱚᱶᱟ ᱮᱞᱟᱠᱟ ᱫᱚ ᱯᱷᱨᱟᱱᱥᱤᱥᱠᱟᱱ ᱨᱤᱱ ᱵᱟᱨᱭᱟ ᱱᱟᱭᱠᱮ ᱡᱩᱱᱤᱯᱮᱨᱚ ᱥᱮᱨᱟ ᱟᱨ ᱡᱩᱟᱱ ᱠᱨᱮᱥᱯᱤ ᱛᱤᱠᱤᱱ ᱠᱤᱧᱟᱢ ᱞᱮᱫ ᱛᱟᱦᱮᱸᱫ,[᱒] ᱩᱱ ᱚᱠᱛᱚ ᱫᱚ ᱥᱯᱟᱱ ᱥᱟᱶ ᱢᱮᱥᱟ ᱠᱟᱛᱮ ᱜᱮ ᱛᱟᱦᱮᱸ ᱠᱟᱱᱟ ᱾ᱮᱯᱨᱤᱞ ᱔, ᱑᱘᱕᱐ ᱥᱟᱞᱮᱨᱮ ᱠᱟᱞᱤᱯᱷᱚᱨᱱᱤᱭᱟ ᱫᱚ ᱡᱩᱢᱤᱫᱽ ᱯᱚᱱᱚᱛ ᱟᱢᱮᱨᱤᱠᱟ(USA) ᱨᱮᱱᱟᱜ ᱢᱤᱫ ᱯᱚᱱᱚᱛ ᱞᱮᱠᱟᱛᱮ ᱵᱮᱱᱟᱶᱮᱱᱟ ᱾ ᱞᱚᱥ ᱮᱧᱡᱮᱞᱥ ᱫᱚ ᱚᱞᱤᱢᱯᱤᱠ ᱨᱮᱱᱟᱜ ᱜᱷᱟᱨᱚᱡᱽ ᱞᱮᱠᱟᱛᱮ ᱑᱙᱓᱐ - ᱑᱙᱔᱘ ᱥᱟᱞᱮ ᱦᱟᱹᱵᱤᱡ ᱛᱟᱦᱮᱸᱠᱟᱱᱟ ᱾ ᱫᱟᱨᱟᱭ ᱠᱟᱱᱟ ᱒᱐᱒᱘ ᱥᱟᱞᱮ ᱨᱮ ᱱᱚᱸᱰᱮ ᱜᱮ ᱚᱞᱤᱢᱯᱤᱠ ᱮᱱᱮᱡᱻᱮ ᱥᱟᱯᱲᱟᱶᱟ ᱱᱷᱟᱜ ᱾ ᱱᱚᱶᱟ ᱱᱟᱜᱟᱨ ᱫᱚ ᱯᱮ ᱫᱷᱟᱶ ᱨᱟᱹᱯᱩᱫ ᱞᱮᱱ ᱛᱟᱦᱮᱸᱫ ᱫᱚᱝᱜᱟ ᱠᱷᱟᱹᱛᱤᱨ ᱛᱮ ᱑᱙᱔᱓, ᱑᱙᱖᱕ ᱟᱨ ᱑᱙᱙᱒ ᱥᱟᱞᱮ ᱨᱮ, ᱡᱟᱦᱟᱸ ᱫᱚ ᱚᱸᱰᱮᱱᱠᱚ ᱟᱹᱫᱤᱵᱟᱹᱥᱤ ᱫᱟᱨᱟᱭ ᱛᱮ ᱥᱟᱟᱞᱟᱜᱟᱩ ᱞᱮᱱ ᱛᱟᱦᱮᱸᱫ ᱾ ᱑᱙᱙᱔ ᱥᱟᱞᱮ ᱨᱮᱱᱟᱜ ᱚᱛᱞᱟᱲᱟᱩ ᱛᱮ ᱗᱒ ᱦᱚᱲ ᱠᱚ ᱜᱚᱡ ᱞᱮᱱ ᱛᱟᱦᱮᱸᱫ ᱟᱨ ᱟᱭᱢᱟ ᱚᱲᱟᱜ ᱠᱚ ᱨᱟᱹᱯᱩᱫ ᱞᱮᱱ ᱛᱟᱦᱮᱸᱫ ᱾

ᱚᱛᱱᱚᱜᱥᱟᱯᱲᱟᱣ

ᱞᱚᱥ ᱮᱧᱡᱮᱞᱥ ᱫᱚ ᱟ,ᱰᱤ ᱢᱟᱨᱟᱝ ᱱᱟᱜᱟᱨ ᱠᱟᱱᱟ ᱟᱨ ᱱᱚᱶᱟ ᱨᱮᱱᱟᱜ ᱫᱷᱟᱨᱮ ᱫᱚ ᱱᱟᱜᱟᱨ ᱛᱟᱞᱢᱟ ᱠᱷᱚᱱ ᱟᱹᱰᱤ ᱥᱟᱺᱜᱤᱧᱟ, ᱡᱟᱦᱟᱸ ᱫᱚ ᱰᱷᱤᱯ ᱠᱷᱚᱱ ᱵᱩᱨᱩ ᱦᱟᱹᱵᱤᱡ ᱟᱴᱮᱫ ᱟᱠᱟᱱᱟ ᱾ᱥᱟᱱᱴᱟ ᱢᱚᱱᱤᱠᱟ ᱵᱩᱨᱩ ᱫᱚ ᱱᱚᱶᱟ ᱱᱟᱜᱟᱨ ᱛᱟᱞᱟᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱮᱛᱚᱢ ᱥᱮᱫ ᱥᱟᱱ ᱯᱷᱮᱨᱱᱟᱱᱰᱚ ᱵᱷᱮᱞᱞᱤ ᱟᱨ ᱠᱚᱧᱮ ᱥᱮᱫ ᱞᱚᱥ ᱮᱧᱡᱮᱞᱥ ᱠᱟᱱᱠᱷᱟ (basin) ᱞᱮᱠᱟᱛᱮ ᱵᱟᱨ ᱴᱷᱮᱱᱻᱮ ᱦᱟᱹᱴᱤᱧ ᱟᱠᱟᱫᱼᱟ ᱾ ᱞᱚᱥ ᱮᱧᱡᱮᱞᱥ ᱜᱟᱰᱟ ᱦᱚᱸ ᱱᱟᱜᱟᱨ ᱛᱟᱞᱟᱛᱮ ᱘᱒ ᱠᱤᱞᱚᱢᱤᱴᱚᱨ ᱡᱤᱞᱤᱧ ᱜᱟᱱ ᱞᱤᱸᱡᱤ ᱦᱟᱠᱟᱱᱟ ᱾ ᱞᱚᱥ ᱮᱧᱡᱮᱞᱥ ᱫᱚ ᱖ᱹ᱓ ᱢᱤᱞᱤᱢᱤᱴᱚᱨ ᱜᱟᱱ ᱡᱟᱶ ᱥᱮᱨᱢᱟ ᱜᱮ ᱥᱟᱢᱟᱝ ᱥᱮᱫ ᱥᱟᱦᱟᱜ ᱠᱟᱱᱟ ᱾ [᱓] ᱡᱟᱦᱟᱸ ᱫᱚ ᱒ᱹ᱕ ᱤᱸᱪ ᱮ ᱥᱩᱯᱩᱨᱮᱫᱼᱟ ᱡᱚᱛᱚ ᱥᱮᱨᱢᱟ ᱜᱮ ᱞᱚᱥ ᱮᱧᱡᱮᱞᱥ ᱟᱨ ᱥᱟᱱ ᱯᱷᱨᱟᱱᱥᱤᱥᱠᱚ ᱛᱟᱞᱟᱨᱮ ᱾

ᱦᱚᱭᱦᱤᱥᱤᱫᱥᱟᱯᱲᱟᱣ

 
Hollywood sign

ᱞᱚᱥ ᱮᱧᱡᱮᱞᱥ ᱨᱮᱱᱟᱜ ᱦᱚᱭᱦᱤᱥᱤᱫ ᱫᱚ ᱛᱟᱞᱟᱢᱟᱞᱟ ᱫᱷᱟᱨᱟ ᱜᱮᱭᱟ ᱾ ᱚᱸᱰᱮᱱᱟᱜ ᱦᱚᱭᱦᱤᱥᱤᱫ ᱫᱚ ᱩᱨᱜᱩᱢ ᱟᱨ ᱨᱚᱦᱚᱲ ᱜᱮᱭᱟ ᱥᱤᱛᱩᱝ ᱨᱤᱛᱩ ᱨᱮ ᱫᱚ ᱾ ᱨᱟᱶᱟᱞ ᱟᱨ ᱟᱹᱰᱤ ᱰᱟᱜ ᱡᱟᱹᱲᱤᱭᱟᱭ ᱶᱤᱱᱴᱮᱨ ᱨᱤᱛᱩ ᱨᱮ ᱫᱚ ᱾ ᱦᱚᱭᱦᱤᱥᱤᱫ ᱨᱮᱱᱟᱜ ᱵᱷᱮᱯᱮᱫ ᱫᱚ ᱥᱟᱹᱢᱩᱸᱫᱽ ᱠᱷᱚᱱ ᱛᱤᱱᱟᱹᱜ ᱥᱟᱹᱺᱜᱤᱧ ᱨᱮ ᱢᱮᱱᱟᱜᱼᱟ ᱛᱷᱟᱶ ᱚᱱᱟ ᱪᱮᱛᱟᱱ ᱨᱮ ᱵᱷᱟᱹᱨᱭᱟ ᱟ, ᱛᱮ ᱥᱟᱹᱢᱩᱸᱫᱽ ᱰᱷᱤᱯ ᱥᱩᱨ ᱦᱚᱲ ᱫᱚ ᱟᱹᱰᱤ ᱵᱟᱭ ᱞᱚᱞᱚ ᱠᱚᱶᱟ ᱥᱤᱛᱩᱝ ᱫᱤᱱ ᱦᱚᱸ ᱾ ᱟᱹᱰᱤ ᱠᱚᱢ ᱚᱠᱛᱚ ᱨᱮᱜᱮ ᱞᱚᱞᱚᱥᱚᱝ ᱫᱚ ᱫᱟᱲᱠᱮ ᱚᱵᱚᱥᱛᱟ ᱛᱮ ᱪᱟᱞᱟᱜᱼᱟ ᱾

ᱥᱟᱹᱠᱷᱭᱟᱹᱛᱥᱟᱯᱲᱟᱣ

  1. cite web|title=US Census 2016 city population estimates|url=https://factfinder.census.gov/faces/tableservices/jsf/pages/productview.xhtml?src=bkmk%7Caccessdate=May 25, 2017
  2. cite web|url = http://pacificahistory.wikispaces.com/Portola+Expedition+1769+Diaries%7Ctitle = Portola Expedition 1769 Diaries|accessdate = January 7, 2015|publisher = Pacifica Historical Society
  3. cite web|url=http://www.today.com/id/24581456/ns/today-today_books/t/frey-crafts-new-view-modern-day-los-angeles/#.UpZeQE7nbIU%7Ctitle=Frey crafts a new view of modern-day Los Angeles|publisher=Today.com|accessdate=November 27, 2013