ᱥᱯᱮᱱᱤᱥ ᱯᱟᱹᱨᱥᱤ
ᱥᱯᱮᱱᱤᱥ ᱯᱟᱹᱨᱥᱤ ᱫᱚ ᱦᱤᱸᱫᱽ-ᱤᱣᱨᱚᱯᱤᱭᱚ ᱯᱟᱹᱨᱥᱤ ᱜᱷᱟᱨᱚᱡᱽ ᱴᱮᱱᱟᱜ ᱨᱚᱢᱟᱸᱥ ᱦᱟᱹᱴᱤᱧ ᱨᱮᱱᱟᱜ ᱢᱤᱫ ᱯᱟᱹᱨᱥᱤ ᱠᱟᱱᱟ ᱾ ᱡᱮᱜᱮᱛ ᱨᱮ ᱵᱟᱹᱲᱛᱤ ᱜᱟᱱ ᱦᱚᱲ ᱠᱚ ᱨᱚᱲᱮᱫ ᱠᱟᱱ ᱯᱟᱹᱨᱥᱤ ᱠᱚ ᱢᱩᱫ ᱠᱷᱚᱱ ᱱᱚᱶᱟ ᱦᱚᱸ ᱢᱤᱫ ᱠᱟᱱᱟ ᱾ ᱥᱩᱨᱥᱩᱯᱩᱨ ᱔᱐ ᱠᱚᱨᱚᱲ ᱜᱟᱱ ᱦᱚᱲ ᱢᱮᱱᱟᱜ ᱠᱚᱣᱟ ᱟᱠᱚᱣᱟᱜ ᱡᱟᱱᱟᱢ ᱯᱟᱹᱨᱥᱤ ᱞᱮᱠᱟᱛᱮ ᱠᱚ ᱵᱮᱵᱷᱟᱨᱮᱫᱼᱟ ᱾ [᱑][᱒] ᱥᱯᱮᱱᱚᱤᱥ ᱯᱟᱹᱨᱥᱤ ᱫᱚ ᱨᱟᱡᱽᱯᱟᱹᱨᱥᱤ ᱞᱮᱠᱟᱛᱮ ᱢᱟᱱᱚᱛ ᱮ ᱮᱢ ᱟᱠᱟᱫ ᱫᱤᱥᱚᱢ ᱠᱚᱫᱚ ᱦᱩᱭᱩᱜ ᱠᱟᱱᱟ ᱺ- ᱥᱯᱮᱱ, ᱟᱨᱡᱮᱱᱴᱤᱱᱟ, ᱪᱤᱞᱤ, ᱵᱚᱞᱤᱵᱤᱭᱟ, ᱯᱟᱱᱟᱢᱟ, ᱯᱚᱨᱟᱜᱩᱭ, ᱯᱮᱨᱩ, ᱢᱮᱠᱥᱤᱠᱚ, ᱠᱚᱥᱴᱟᱨᱤᱠᱟ, ᱮᱞ ᱥᱮᱞᱵᱟᱰᱚᱨ, ᱠᱭᱩᱵᱟ, ᱩᱨᱩᱜᱩᱭᱮ, ᱵᱤᱱᱤᱡᱩᱭᱮᱞ ᱮᱢᱟᱱ ᱮᱢᱟᱱ ᱾
ᱫᱚᱥᱟᱨ ᱨᱟᱡᱽᱯᱟᱹᱨᱥᱤ ᱞᱮᱠᱟᱛᱮ ᱖ ᱠᱚᱨᱚᱲ ᱜᱟᱱ ᱦᱚᱲ ᱥᱯᱮᱱᱤᱥ ᱯᱟᱹᱨᱥᱤ ᱠᱚ ᱵᱮᱵᱦᱟᱨᱮᱫᱼᱟ [᱒] ᱟᱨ ᱵᱤᱫᱮᱥ ᱯᱟᱹᱨᱥᱤ ᱞᱮᱠᱟᱛᱮ ᱒ ᱠᱚᱨᱚᱲ ᱜᱟᱱ ᱯᱟᱹᱴᱷᱣᱟᱹ ᱥᱯᱮᱱᱤᱥ ᱠᱚ ᱨᱚᱲ ᱠᱟᱱᱟ ᱾ ᱢᱮᱱᱰᱮᱨᱤᱱ ᱟᱨ ᱤᱝᱞᱤᱥ ᱛᱟᱭᱚᱢ ᱨᱮ ᱡᱮᱜᱮᱛ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱦᱚᱲ ᱠᱚ ᱨᱚᱲᱮᱫ ᱯᱟᱹᱨᱥᱤ ᱞᱮᱠᱟᱛᱮ ᱥᱯᱮᱱᱤᱥ ᱯᱟᱹᱨᱥᱤ ᱫᱚ ᱛᱮᱥᱟᱨ ᱴᱷᱟᱶ ᱨᱮ ᱦᱤᱡᱩᱜᱼᱟᱭ ᱾ [᱓]
ᱡᱩᱢᱤᱫ ᱫᱤᱥᱚᱢ ᱨᱮᱱᱟᱜ ᱛᱩᱨᱩᱭ ᱜᱚᱴᱟᱝ ᱥᱚᱨᱠᱟᱨᱤ ᱢᱟᱱᱚᱛᱟᱱ ᱯᱟᱹᱨᱥᱤ ᱢᱩᱸᱫᱽ ᱨᱮ ᱥᱯᱮᱱᱤᱥ ᱦᱚᱸ ᱢᱮᱱᱟᱜ ᱜᱮᱭᱟ ᱾ ᱭᱩᱨᱚᱯᱤᱭᱚ ᱜᱟᱶᱛᱟ ᱨᱮ ᱥᱯᱮᱱᱤᱥ ᱫᱚ ᱚᱯᱷ᱾ᱥᱤᱭᱟᱞ ᱯᱟᱹᱨᱥᱤ ᱞᱮᱠᱟᱛᱮ ᱵᱮᱵᱷᱟᱨᱚᱜ ᱠᱟᱱᱟ ᱾ [᱔]
ᱟᱢᱮᱨᱤᱠᱟ ᱨᱤᱱ ᱤᱝᱞᱤᱥ ᱯᱟᱹᱨᱥᱤ ᱛᱮ ᱨᱚᱲᱮᱫ ᱦᱚᱲ ᱠᱚ ᱫᱚᱥᱟᱨ ᱯᱟᱹᱨᱥᱤ ᱞᱮᱠᱟᱛᱮ ᱥᱯᱮᱱᱤᱥ ᱯᱟᱹᱨᱥᱤ ᱪᱮᱫᱚᱜ ᱠᱚ ᱠᱩᱥᱤᱭᱟᱜ ᱠᱟᱱᱟ ᱾ ᱒᱐ ᱥᱟᱭ ᱥᱥᱮᱨᱢᱟ ᱥᱮᱫ ᱠᱷᱚᱱ ᱥᱯᱮᱱᱤᱥ ᱯᱟᱹᱨᱥᱤ ᱫᱚ ᱵᱤᱫᱮᱥ ᱯᱟᱹᱨᱥᱤ ᱞᱮᱠᱟᱛᱮ ᱦᱚᱲ ᱠᱚ ᱪᱮᱫᱚᱜ ᱠᱟᱱᱟᱜ ᱫᱚ ᱵᱟᱹᱲᱛᱤ ᱟᱜᱩᱶᱟᱠᱟᱱᱟ ᱾ ᱒᱑ ᱥᱟᱭ ᱥᱮᱨᱢᱟ ᱥᱮᱫ ᱠᱷᱚᱱ ᱫᱚ ᱤᱝᱞᱤᱥ ᱯᱟᱹᱨᱥᱤ ᱛᱟᱭᱚᱢ ᱨᱮ ᱫᱚᱥᱟᱨ ᱵᱟᱹᱲᱛᱤ ᱠᱚ ᱥᱮᱪᱮᱫᱚᱜ ᱠᱟᱱ ᱴᱷᱟᱶ ᱨᱮ ᱥᱯᱮᱱᱤᱥ ᱯᱟᱹᱨᱥᱤ ᱦᱤᱡᱩᱜ ᱠᱟᱱᱟ ᱾[᱔]
ᱧᱩᱛᱩᱢ
ᱥᱟᱯᱲᱟᱣᱥᱯᱮᱱ ᱟᱨ ᱥᱯᱮᱱᱤᱥ ᱯᱟᱹᱨᱥᱤ ᱠᱚ ᱨᱚᱲᱮᱫ ᱮᱴᱟᱜ ᱫᱤᱥᱚᱢ ᱠᱚᱨᱮ ᱥᱯᱮᱱᱤᱥ, ᱠᱚᱥᱴᱮᱞᱤᱭᱚᱱ ᱟᱨ ᱮᱥᱯᱟᱱᱚᱭᱮᱞ ᱧᱩᱛᱩᱢ ᱛᱮ ᱠᱚ ᱵᱟᱰᱟᱭᱮᱫᱼᱟ ᱾ [᱕]
ᱱᱟᱜᱟᱢ
ᱥᱟᱯᱲᱟᱣᱥᱯᱮᱱᱤᱥ ᱯᱟᱹᱨᱥᱤ ᱫᱚ ᱚᱥᱤᱥᱴ ᱞᱟᱴᱤ ᱯᱟᱹᱨᱥᱤ ᱠᱷᱚᱱ ᱜᱟᱥᱟᱣ ᱰᱚᱠ ᱟᱠᱟᱱᱟ, ᱡᱟᱦᱟᱸ ᱫᱚ ᱒᱑᱐ BC ᱨᱮ ᱨᱚᱢᱟᱱ ᱦᱚᱲ ᱠᱚ ᱟᱹᱜᱩ ᱞᱮᱫ ᱛᱟᱦᱮᱸᱫ ᱤᱵᱮᱨᱤᱭᱟᱱ ᱯᱮᱱᱤᱥᱩᱞᱟ ᱨᱮ ᱾ ᱥᱯᱮᱱᱤᱥ ᱫᱚ ᱫᱚᱲᱦᱚ ᱯᱟᱹᱨᱥᱤ ᱞᱮᱠᱟᱛᱮ ᱑᱓ ᱥᱟᱭ ᱥᱮᱨᱢᱟ ᱨᱮᱠᱚ ᱩᱛᱱᱟᱹᱶ ᱞᱮᱫ ᱛᱟᱦᱮᱸᱫ ᱴᱚᱞᱮᱰᱚ ᱨᱮ ᱾[᱖] ᱑᱙᱔᱒ ᱥᱟᱞᱮ ᱨᱮ ᱮᱞᱤᱭᱚ ᱟᱱᱴᱚᱱᱤᱭᱚ ᱰᱤ ᱱᱮᱵᱽᱨᱤᱡᱟ, ᱥᱟᱞᱟᱢᱟᱠᱟ ᱛᱮᱭ ᱞᱮᱫ ᱨᱚᱱᱚᱲ ᱯᱚᱛᱚᱵ ᱫᱚ ᱯᱩᱭᱞᱩ ᱢᱚᱰᱚᱨᱱ ᱤᱶᱨᱚᱯᱤᱭᱟᱱ ᱯᱟᱹᱨᱥᱤ ᱨᱮᱱᱟᱜ ᱠᱟᱱᱟ ᱾ [᱗] ᱑᱖ ᱥᱟᱭ ᱥᱮᱨᱢᱟ ᱥᱮᱫ ᱛᱮ ᱫᱚ ᱱᱚᱶᱟ ᱯᱟᱹᱨᱥᱤ ᱟᱢᱮᱨᱤᱠᱟ ᱟᱨ ᱥᱯᱮᱱᱤᱥ ᱤᱥᱴ ᱤᱸᱰᱤᱡᱽ ᱥᱮᱫ ᱠᱚ ᱤᱫᱤ ᱯᱟᱨᱚᱢ ᱞᱮᱫ ᱛᱟᱦᱮᱸᱫ ᱾
ᱚᱛᱱᱚ ᱪᱷᱮᱨ
ᱥᱟᱯᱲᱟᱣ
ᱵᱟᱨᱦᱮ ᱡᱚᱱᱚᱲ
ᱥᱟᱯᱲᱟᱣ- Real Academia Española
- Spanish language at BBC Online
- Tips to Learn Spanish Fast Archived ᱒᱐᱑᱘-᱐᱖-᱑᱑ at the Wayback Machine.
- Films for learning Spanish Archived ᱒᱐᱑᱘-᱐᱖-᱑᱑ at the Wayback Machine.
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "Logga in på NE". NE.se (in ᱥᱣᱤᱫᱤᱥ). Retrieved 2019-03-16.
- ↑ ᱒.᱐ ᱒.᱑ "Spanish". Ethnologue. 2010-01-01. Retrieved 2019-03-16.
- ↑ "Top Ten Internet Languages in The World". Internet Statistics. 2017-12-31. Archived from the original on 2012-04-26. Retrieved 2019-03-16.
- ↑ ᱔.᱐ ᱔.᱑ "स्पेनिश भाषा (Spanish language)". CultureAlley's Blog (in ᱦᱤᱱᱫᱤ). 2012-10-03. Archived from the original on 2013-10-29. Retrieved 2019-03-16.
- ↑ "Names given to the Spanish language". Wikipedia. 2002-10-22. Retrieved 2019-03-18.
- ↑ "History of the Spanish language". Wikipedia. 2004-07-13. Retrieved 2019-03-18.
- ↑ "Spanish language". Wikipedia. 1973-03-15. Retrieved 2019-03-18.