ᱞᱟᱛᱟ ᱯᱟᱫᱟ
[᱑]ᱞᱚᱛᱟ ᱯᱚᱫᱚ, (ᱡᱟᱱᱟᱢᱺ ᱗ ᱱᱚᱵᱷᱮᱢᱵᱚᱨ, ᱑᱙᱔᱗) ᱫᱚ ᱢᱤᱫᱴᱟᱹᱝ ᱥᱤᱧᱚᱛ ᱨᱮ ᱡᱟᱱᱟᱢ ᱠᱟᱱᱟᱰᱤᱭᱟᱱ ᱠᱚᱨᱤᱭᱚᱜᱽᱨᱟᱯᱷᱟᱨ ᱟᱨ ᱵᱷᱟᱨᱟᱛ ᱱᱟᱴᱭᱟᱢ ᱰᱟᱱᱥᱟᱨ ᱠᱟᱱᱟᱭ| ᱞᱚᱛᱟ ᱯᱚᱫᱚ ᱫᱚ ᱥᱟᱢᱨᱟᱫᱟᱭᱟ ᱰᱟᱱᱥ ᱠᱨᱤᱭᱚᱥᱚᱱ ᱨᱮᱱ ᱜᱟᱭᱱᱟᱦᱤᱭᱟᱹ ᱰᱟᱭᱨᱮᱠᱴᱚᱨ ᱟᱨ ᱵᱟᱵᱟᱱᱫᱷᱟᱣᱤᱡ ᱠᱟᱱᱟᱭ| ᱱᱚᱶᱟ ᱰᱟᱱᱥ ᱠᱚᱢᱯᱟᱱᱤ ᱫᱚ ᱮᱛᱚᱢ ᱮᱥᱤᱭᱟᱱ ᱰᱟᱱᱥ ᱠᱚ ᱠᱚ ᱩᱫᱩᱜ ᱥᱚᱫᱚᱨᱟ | ᱩᱱᱤ ᱫᱚ ᱟᱨ ᱦᱚᱸ ᱥᱟᱢᱯᱨᱟᱫᱟᱭᱟ ᱰᱟᱱᱥ ᱟᱠᱟᱫᱮᱢᱤ ᱨᱮᱱ ᱫᱤᱥᱟᱹ ᱩᱫᱩᱜᱤᱡ ᱟᱨ ᱵᱟᱵᱱᱫᱷᱟᱣᱤᱡ ᱠᱟᱱᱟᱭ | ᱚᱠᱟ ᱫᱚ ᱱᱚᱨᱛᱷ ᱟᱢᱮᱨᱤᱠᱟ ᱨᱮᱭᱟᱜ ᱥᱮᱬᱟ ᱰᱟᱱᱥ ᱟᱥᱲᱟ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ, ᱚᱱᱟ ᱫᱚ ᱥᱟᱣᱩᱛ ᱮᱥᱤᱭᱟᱱ ᱰᱟᱱᱥ ᱥᱠᱩᱞ ᱫᱚ ᱤᱝᱜᱽᱞᱮᱱᱰ ᱨᱮᱭᱟᱜ ᱤᱢᱯᱟᱨᱥᱤᱭᱟᱞ ᱥᱚᱥᱟᱭᱴᱤ ᱯᱷᱚᱨ ᱴᱤᱪᱟᱨᱥ ᱚᱯᱷ ᱰᱟᱱᱥ ᱦᱚᱛᱮ ᱛᱮ ᱟᱝᱜᱚᱪ ᱟᱠᱟᱱ | ᱞᱚᱛᱟ ᱯᱚᱫᱚ ᱫᱚ ᱑᱙᱙᱐ ᱥᱮᱨᱢᱟ ᱨᱮ ᱱᱚᱶᱟ ᱮᱱᱮᱡ ᱠᱚᱢᱯᱟᱱᱤ ᱭᱮ ᱵᱟᱱᱫᱷᱟᱣ ᱞᱮᱫᱟ; ᱞᱚᱛᱟ ᱯᱚᱫᱚ ᱫᱚ ᱱᱚᱶᱟ ᱰᱟᱱᱥ ᱟᱠᱟᱫᱮᱢᱤ ᱵᱟᱱᱫᱷᱟᱣ ᱨᱮᱭᱟᱜ ᱡᱚᱥ ᱟᱨ ᱢᱚᱛᱞᱚᱵᱽ ᱫᱚ ᱱᱚᱶᱟ ᱜᱮ ᱛᱟᱦᱮᱸ ᱠᱟᱱ ᱛᱟᱭᱟ ᱡᱮ, ᱵᱷᱟᱨᱟᱛ ᱱᱟᱴᱭᱟᱢ ᱡᱮᱢᱚᱱ ᱜᱚᱴᱟ ᱫᱷᱟᱹᱨᱛᱤ ᱥᱟᱢᱟᱝ ᱨᱮ ᱥᱮᱯᱮᱧ ᱨᱟᱠᱟᱵᱚᱜ ᱢᱟ |
ᱮᱛᱚᱦᱚᱵ ᱡᱤᱭᱚᱱ ᱥᱟᱯᱲᱟᱣ
ᱡᱟᱱᱟᱢ ᱗ ᱱᱚᱵᱷᱮᱢᱵᱚᱨ ᱑᱙᱔᱗ ᱥᱮᱨᱢᱟ ᱨᱮ[᱒], ᱞᱚᱛᱟ ᱯᱚᱫᱚ ᱟᱠᱚ ᱜᱷᱟᱨᱚᱸᱡᱽ ᱨᱮᱱ ᱯᱩᱱ ᱵᱚᱭᱦᱟ ᱠᱚ ᱢᱩᱫᱽ ᱨᱮ ᱡᱚᱛᱚ ᱠᱷᱚᱱ ᱢᱟᱨᱟᱝ ᱤᱡ ᱮ ᱛᱟᱦᱮᱸ ᱠᱟᱱᱟ ᱟᱨ ᱩᱱᱠᱩ ᱟᱜ ᱜᱷᱟᱨᱚᱸᱡᱽ ᱫᱚ ᱥᱮᱪᱮᱫ ᱜᱷᱟᱨᱚᱸᱡᱽ ᱛᱟᱦᱮᱸ ᱠᱟᱱᱟ | ᱩᱱᱤ ᱨᱮᱱ ᱟᱯᱟᱛ ᱫᱚ ᱨᱚᱭᱟᱞ ᱱᱮᱵᱷᱤ ᱨᱮ ᱤᱞᱮᱠᱴᱨᱤᱠᱮᱞ ᱤᱱᱡᱤᱱᱤᱭᱟᱨᱮ ᱛᱟᱦᱮᱸ ᱠᱟᱱᱟ | ᱟᱨ ᱮᱝᱜᱟᱛᱮᱫ ᱫᱚ ᱤᱱᱥᱩᱨᱮᱱᱥ ᱠᱚᱢᱯᱟᱱᱤ ᱨᱮ ᱠᱟᱹᱢᱤ ᱠᱟᱱ ᱛᱟᱦᱮᱱᱟ| ᱩᱱᱤ ᱫᱚ ᱥᱤᱧᱚᱛᱤᱭᱟᱹ ᱮᱱᱮᱡ ᱞᱟᱦᱟ ᱥᱮᱡ ᱤᱫᱤ ᱞᱟᱹᱜᱤᱫ ᱯᱟᱲᱦᱟᱣᱚᱜ ᱟᱛᱨᱟ ᱫᱩᱨ ᱨᱮ ᱜᱮᱭᱮ ᱵᱟᱹᱜᱤ ᱠᱮᱫᱟ, ᱛᱤᱱ ᱨᱮ ᱩᱱᱤ ᱨᱮᱱ ᱯᱟᱹᱦᱤᱞ ᱡᱟᱶᱟᱭ, ᱵᱤᱥᱱᱩ ᱯᱚᱫᱚ ᱫᱚ ᱛᱷᱚᱢᱯᱥᱚᱱ, ᱢᱟᱱᱤᱛᱚᱵᱟ ᱛᱮ ᱤᱫᱤ ᱠᱮᱫᱮᱭᱟ, ᱚᱠᱟ ᱨᱮ ᱩᱱᱤ ᱫᱚ ᱤᱱᱠᱚ ᱥᱟᱶᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱠᱟᱱᱟ, ᱩᱱᱤ ᱫᱚ ᱢᱤᱫ ᱥᱟᱶᱛᱮ ᱟᱡᱟᱜ ᱚᱲᱟᱜ ᱫᱩᱣᱟᱹᱨ ᱨᱮᱭᱟᱜ ᱥᱟᱶᱛᱮ ᱥᱟᱶᱛᱟ ᱟᱹᱨᱤ ᱡᱤᱭᱚᱱ ᱟᱨ ᱟᱡᱟᱜ ᱜᱟᱭᱟᱱᱤᱭᱟᱹ ᱠᱟᱹᱢᱤ ᱦᱚᱸᱭ ᱠᱟᱹᱢᱤ ᱠᱟᱱ ᱛᱟᱦᱮᱸ ᱠᱟᱱᱟ | ᱩᱱᱤ ᱟᱨ ᱟᱡ ᱡᱟᱶᱟᱭ ᱫᱚ ᱢᱟᱭᱱᱤᱝ ᱴᱟᱣᱩᱱ ᱨᱮ ᱯᱟᱹᱦᱤᱞ ᱥᱤᱧᱚᱛᱤᱭᱟᱹ ᱜᱷᱟᱨᱚᱸᱡᱽ ᱠᱟᱱ ᱛᱟᱹᱠᱤᱱᱟᱹ|
ᱵᱷᱟᱨᱟᱛ ᱱᱟᱴᱭᱟᱢ ᱠᱮᱨᱤᱭᱟᱨ ᱥᱟᱯᱲᱟᱣ
ᱟᱡᱟᱜ ᱠᱩᱪᱤ ᱩᱢᱟᱹᱨ ᱑᱓ ᱥᱮᱨᱢᱟ ᱨᱮ, ᱞᱟᱛᱟ ᱯᱟᱫᱟ ᱣᱟᱜ ᱮᱛᱚᱦᱚᱵ ᱚᱠᱛᱮ ᱫᱚ ᱟᱨᱟᱝᱜᱟᱛᱨᱟᱢ ᱢᱮᱱᱛᱮ ᱵᱟᱰᱟᱭᱚᱜ ᱠᱟᱱ ᱛᱟᱭᱟ| ᱞᱟᱛᱟ ᱯᱟᱫᱟ ᱣᱟᱜ ᱥᱚᱞᱚᱴᱤᱠ ᱫᱚ ᱑᱙᱖᱕ ᱥᱮᱨᱢᱟ ᱨᱮ ᱮᱛᱚᱦᱚᱵ ᱞᱮᱱ ᱛᱟᱭᱟ, ᱠᱟᱱᱟᱰᱟ ᱨᱮ ᱩᱪᱟᱹᱲ ᱥᱮᱱ ᱛᱟᱭᱚᱢ ᱠᱷᱚᱱ| ᱩᱱ ᱚᱠᱛᱮ ᱨᱮ ᱩᱱᱭᱟᱜ ᱠᱟᱹᱢᱤ ᱫᱚ ᱥᱮᱨᱣᱟᱠᱤᱭᱟᱹ ᱛᱟᱦᱮᱸᱠᱟᱱ ᱛᱟᱭᱟ| ᱢᱮᱱ ᱠᱷᱟᱱ ᱫᱚ ᱟᱹᱰᱤ ᱟᱭᱢᱟ ᱥᱮᱨᱢᱟ ᱤᱱᱰᱚᱱᱮᱥᱤᱭᱟ ᱨᱮᱭᱮ ᱛᱟᱦᱮᱸᱠᱟᱱᱟ| ᱞᱟᱛᱟ ᱯᱟᱫᱟ ᱫᱚ ᱵᱟᱹᱲᱛᱤ ᱥᱮᱨᱢᱟᱠᱤᱭᱟᱹ ᱮᱱᱮᱡ ᱨᱮ ᱱᱟᱥᱮ ᱢᱮᱥᱟ ᱠᱟᱛᱮ ᱮᱱᱮᱡ-ᱮ ᱠᱩᱥᱤᱭᱟᱜ ᱠᱟᱱ ᱛᱟᱦᱮᱸᱠᱟᱱᱟ ᱟᱨ ᱩᱱᱤᱭᱟᱜ ᱠᱚᱨᱤᱭᱚᱜᱽᱨᱟᱯᱷᱟᱨ ᱫᱚ ᱮᱴᱟᱜ ᱮᱴᱟᱜ ᱮᱱᱮᱡ ᱛᱮ ᱮᱞᱟᱝ ᱚᱨᱥᱚᱝ ᱛᱟᱦᱮᱸᱠᱟᱱᱟ| ᱯᱟᱫᱟ ᱣᱟᱜ ᱥᱚᱞᱚ ᱮᱱᱮᱡ ᱵᱷᱟᱨᱟᱛ ᱱᱟᱴᱭᱟᱢ ᱨᱮᱭᱟᱜ ᱜᱩᱱ ᱟᱨ ᱱᱟᱦᱟᱜ ᱮᱱᱮᱡ ᱨᱮᱭᱟᱜ ᱜᱩᱱ ᱨᱮ ᱵᱟᱹᱲᱛᱤ ᱢᱮᱥᱟ ᱠᱮᱫᱟ|᱑᱙᱙᱐ ᱥᱮᱨᱢᱟ ᱨᱮ, ᱞᱟᱛᱟ ᱯᱟᱫᱟ ᱠᱟᱱᱟᱰᱟ ᱨᱮᱭᱟᱜ ᱛᱚᱨᱚᱱᱚᱛᱚ ᱱᱟᱝᱜᱽᱨᱟᱦᱟ ᱨᱮ ᱥᱟᱢᱯᱨᱟᱫᱟ ᱰᱟᱱᱥ ᱠᱨᱤᱭᱮᱥᱚᱱ ᱨᱮᱭᱟᱜ-ᱮ ᱵᱟᱱᱫᱷᱟᱣ ᱠᱮᱫᱟ|
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ "Biography". Retrieved 2009-02-11.
- ↑ "Resource guide, By dance reborn-By Keith Garebian". Archived from the original on 2016-03-04. Retrieved 2020-03-23.