ᱞᱟᱝᱛᱤᱛᱤ ᱠᱤᱥᱠᱩ

ᱞᱟᱝᱛᱤᱛᱤ ᱠᱤᱥᱠᱩ (ᱡᱟᱱᱟᱢ: ᱖ ᱱᱚᱵᱷᱮᱢᱵᱚᱨ ᱒᱐᱐᱔) ᱫᱚ ᱥᱤᱧᱚᱛ ᱨᱮᱱ ᱟᱹᱰᱤ ᱧᱩᱛᱩᱢᱟᱱ ᱢᱤᱫᱴᱟᱹᱝ ᱥᱟᱱᱛᱟᱲᱤ ᱥᱮᱨᱮᱧ ᱵᱟᱰᱚᱦᱤᱭᱟᱹ ᱠᱟᱱᱟᱭ ᱾ ᱥᱤᱧᱚᱛ ᱨᱮᱱᱟᱜ ᱯᱟᱹᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱱᱟᱜ ᱢᱩᱨᱥᱤᱫᱟᱵᱟᱫᱽ ᱦᱚᱱᱚᱛ ᱨᱮᱱᱟᱜ ᱵᱚᱦᱚᱨᱚᱢᱯᱩᱨ ᱨᱮ ᱱᱩᱭ ᱜᱩᱱᱢᱟᱱ ᱥᱮᱨᱮᱧ ᱵᱟᱰᱚᱦᱤᱭᱟᱹ ᱫᱚᱭ ᱡᱟᱱᱟᱢ ᱟᱠᱟᱱᱟ ᱾ ᱟᱡ ᱵᱟᱵᱟ ᱫᱤᱞᱤᱯ ᱠᱤᱥᱠᱩ ᱟᱨ ᱜᱚᱜᱚ ᱢᱚᱫᱷᱩᱢᱤᱛᱟ ᱢᱟᱺᱨᱰᱤ ᱛᱤᱠᱤᱱ ᱦᱚᱸ ᱠᱤᱱ ᱥᱮᱨᱮᱧ ᱵᱟᱰᱚᱦᱤ ᱥᱟᱶ ᱚᱱᱚᱞᱤᱭᱟᱹ ᱟᱨ ᱥᱟᱶᱛᱟ ᱨᱮᱱᱟᱜ ᱞᱟᱹᱭ ᱞᱟᱠᱪᱟᱨ ᱪᱟᱨᱪᱟ, ᱵᱟᱝᱪᱟᱣ ᱠᱟᱹᱢᱤ ᱨᱮ ᱪᱷᱩᱴᱟᱹᱣ ᱢᱮᱱᱟᱜ ᱠᱤᱱᱟ ᱾ ᱟᱡ ᱵᱟᱵᱟ ᱫᱚ ᱛᱟᱱᱟᱞᱟ ᱤᱛᱩᱱ ᱟᱥᱲᱟ ᱨᱮᱱ ᱵᱟᱝᱞᱟ ᱥᱟᱛᱟᱢ ᱨᱮᱱ ᱢᱟᱪᱮᱫ ᱦᱚᱸ ᱠᱟᱱᱟᱭ ᱾ ᱞᱟᱝᱛᱤᱛᱤ ᱨᱮᱱ ᱠᱟᱹᱴᱤᱡ ᱵᱚᱭᱦᱟ ᱱᱩᱢᱮᱞ ᱠᱤᱥᱠᱩ ᱫᱚ ᱱᱤᱛ ᱨᱮᱜᱮ ᱠᱟᱨᱟᱴᱮ ᱨᱮ ᱟᱹᱰᱤ ᱵᱷᱟᱹᱜᱤ ᱧᱩᱛᱩᱢ ᱮᱫᱼᱟ ᱾

ᱞᱟᱝᱛᱤᱛᱤ ᱠᱤᱥᱠᱩ
Langtiti Kisku
ᱟᱡ ᱵᱟᱵᱟ ᱥᱟᱶᱛᱮ ᱞᱟᱝᱛᱤᱛᱤ ᱠᱤᱥᱠᱩ, ᱵᱟᱝᱞᱟᱫᱮᱥ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶ᱖ ᱱᱚᱵᱷᱮᱢᱵᱚᱨ ᱒᱐᱐᱔ (2004-11-06) (᱑᱙ ᱥᱮᱨᱢᱟ)
ᱵᱚᱦᱚᱨᱚᱢᱯᱩᱨ, ᱢᱩᱨᱥᱤᱫᱟᱵᱟᱫᱽ, ᱯᱟᱹᱪᱷᱤᱢ ᱵᱟᱝᱞᱟ, ᱥᱤᱧᱚᱛ
ᱠᱟᱹᱢᱤᱥᱮᱨᱮᱧ ᱵᱟᱰᱚᱦᱤ
ᱥᱤᱨᱯᱷᱟᱹᱯᱷᱟᱹᱜᱩᱱ ᱥᱤᱨᱯᱟᱹ - ᱒᱐᱑᱙

ᱮᱛᱚᱦᱚᱵ ᱡᱤᱭᱚᱱ ᱥᱟᱯᱲᱟᱣ

ᱞᱟᱝᱛᱤᱛᱤ ᱠᱤᱥᱠᱩ ᱡᱟᱱᱟᱢ ᱛᱟᱭᱚᱢ ᱜᱮ ᱟᱡ ᱱᱟᱱᱟ ᱟᱨ ᱠᱩᱢᱟᱹᱝ ᱛᱟᱹᱠᱤᱱᱟᱜ ᱚᱲᱟᱜ ᱨᱮᱜᱮ ᱒ ᱥᱮᱨᱢᱟᱭ ᱛᱟᱦᱮᱸᱣᱠᱟᱱᱟ ᱾ ᱤᱱᱟᱹ ᱛᱟᱭᱚᱢ ᱒᱐᱐᱖ ᱥᱮᱨᱢᱟ ᱥᱮᱡ ᱟᱡ ᱵᱟᱵᱟ ᱟᱜ ᱠᱟᱹᱢᱤ ᱠᱷᱟᱹᱛᱤᱨ ᱮᱛᱚᱢ ᱫᱤᱱᱟᱹᱡᱽᱯᱩᱨ ᱨᱮᱱᱟᱜ ᱪᱚᱠ ᱵᱷᱚᱵᱟᱱᱤᱯᱩᱨ ᱨᱮᱠᱚ ᱦᱮᱡ ᱮᱱᱟ ᱾ ᱚᱸᱰᱮ ᱜᱮ ᱠᱟᱞᱤᱭᱟᱜᱚᱸᱡᱽ ᱯᱨᱚᱱᱚᱵᱟᱱᱚᱱᱫᱚ ᱤᱥᱠᱩᱞ ᱨᱮ ᱠᱩ ᱵᱷᱳᱨᱛᱤ ᱠᱮᱫᱮᱭᱟ ᱾ ᱤᱱᱟᱹ ᱛᱟᱭᱚᱢ ᱠᱟᱞᱤᱭᱟᱜᱚᱸᱡᱽ ᱢᱤᱞᱚᱱᱢᱚᱭᱤ ᱵᱟᱞᱤᱠᱟ ᱩᱪᱪᱚ ᱵᱤᱨᱫᱟᱹᱜᱟᱲ ᱨᱮ ᱢᱚᱬᱮ ᱠᱞᱟᱥ ᱨᱮ ᱠᱚ ᱵᱷᱳᱨᱛᱤ ᱠᱮᱫᱮᱭᱟ ᱾

ᱠᱟᱹᱴᱤᱡ ᱠᱷᱚᱱ ᱜᱮ ᱞᱟᱝᱛᱤᱛᱤ ᱫᱚ ᱚᱞᱚᱜ ᱯᱟᱲᱦᱟᱣ, ᱮᱱᱮᱡ-ᱥᱮᱨᱮᱧ, ᱪᱤᱛᱟᱹᱨ ᱵᱮᱱᱟᱣ ᱟᱨ ᱠᱟᱨᱟᱴᱮ ᱵᱮᱥ ᱛᱮᱭ ᱥᱮᱬᱟ ᱠᱮᱫᱼᱟ ᱾

ᱠᱟᱹᱢᱤ ᱡᱤᱭᱚᱱ ᱥᱟᱯᱲᱟᱣ

ᱥᱮᱨᱮᱧ ᱵᱟᱰᱚᱦᱤ ᱞᱮᱠᱟᱛᱮ ᱠᱟᱹᱴᱤᱡ ᱠᱷᱚᱱ ᱜᱮ ᱧᱩᱛᱩᱢ ᱠᱚ ᱯᱟᱥᱱᱟᱣ ᱫᱷᱩᱨᱟᱹᱣᱮᱱ ᱛᱟᱭᱟ ᱾ ᱤᱣᱴᱤᱣᱵᱽ ᱪᱮᱱᱮᱞ ᱫᱟᱨᱟᱭᱛᱮ ᱱᱮᱛᱚᱜ ᱞᱟᱝᱛᱤᱛᱤ ᱥᱮᱨᱮᱧ ᱫᱷᱟᱹᱨᱛᱤ ᱨᱮᱱ ᱡᱚᱛᱚ ᱥᱟᱱᱛᱟᱲ ᱴᱷᱮᱱ ᱯᱟᱥᱱᱟᱣ ᱟᱠᱟᱱᱟ ᱾ ᱩᱱᱟᱹᱜ ᱦᱩᱰᱤᱧ ᱚᱠᱛᱚᱨᱮᱜᱮ ᱞᱟᱝᱛᱤᱛᱤ ᱟᱜ ᱞᱤᱴᱷᱩᱨ ᱟᱲᱟᱝ ᱛᱮ ᱥᱟᱱᱛᱟᱲ ᱦᱚᱯᱚᱱᱟᱜ ᱡᱟᱹᱛ, ᱯᱟᱹᱨᱥᱤ, ᱟᱹᱨᱤᱪᱟᱹᱞᱤ ᱨᱩᱠᱷᱤᱭᱟᱹ ᱨᱮᱱᱟᱜ ᱥᱮᱨᱮᱧ ᱡᱚᱛᱚ ᱥᱟᱱᱛᱟᱲ ᱦᱚᱯᱚᱱᱟᱜ ᱢᱚᱱ ᱨᱮᱜᱮ ᱵᱟᱥᱟᱣ ᱟᱠᱟᱱᱟ ᱾

ᱥᱮᱨᱮᱧ ᱠᱷᱟᱹᱛᱤᱨ ᱛᱮᱜᱮ ᱥᱤᱧᱚᱛ ᱨᱮᱱᱟᱜ ᱟᱭᱢᱟ ᱡᱟᱜᱟ ᱦᱚᱸ ᱱᱤᱛ ᱨᱮᱜᱮᱭ ᱫᱟᱬᱟ ᱯᱩᱨᱟᱹᱣ ᱟᱠᱟᱫᱼᱟ ᱾ ᱤᱱᱟᱹ ᱵᱟᱫᱽ ᱠᱟᱛᱮ ᱦᱚᱸ ᱵᱟᱝᱞᱟᱫᱮᱥ ᱨᱮ ᱵᱟᱦᱟ ᱯᱚᱨᱚᱵᱽ ᱟᱠᱷᱲᱟ ᱨᱮ ᱦᱚᱸᱭ ᱥᱮᱨᱮᱧ ᱟᱠᱟᱫᱼᱟ ᱾

ᱥᱤᱨᱯᱷᱟᱹ ᱠᱚ ᱥᱟᱯᱲᱟᱣ

ᱞᱟᱝᱛᱤᱛᱤ ᱠᱤᱥᱠᱩ ᱥᱮᱨᱮᱧ ᱠᱷᱟᱹᱛᱤᱨ ᱜᱮ ᱟᱭᱢᱟ ᱚᱱᱩᱥᱴᱷᱟᱱ ᱠᱚᱨᱮ ᱠᱚ ᱱᱮᱶᱛᱟᱣ ᱟᱠᱟᱫᱮᱭᱟ ᱟᱨ ᱱᱟᱱᱟ ᱦᱩᱱᱟᱹᱨ ᱢᱟᱹᱱ ᱦᱚᱸ ᱠᱚ ᱪᱟᱞ ᱟᱠᱟᱣᱫᱮᱭᱟ ᱾ ᱒᱐᱑᱙ ᱥᱮᱨᱢᱟ ᱨᱮ ᱩᱰᱤᱥᱟ ᱨᱮᱱᱟᱜ ᱵᱷᱩᱵᱱᱮᱥᱥᱚᱨ ᱠᱷᱚᱱ ᱯᱟᱨᱥᱟᱞᱚᱜ ᱠᱟᱱ ᱥᱟᱱᱛᱟᱲᱤ ᱠᱷᱚᱵᱚᱨ ᱠᱟᱜᱚᱡᱽ ᱯᱷᱟᱹᱜᱩᱱ ᱟᱜ ᱑᱐ ᱥᱮᱨᱢᱟ ᱨᱮ ᱞᱟᱝᱛᱤᱛᱤ ᱢᱟᱹᱱ ᱥᱤᱨᱯᱷᱟᱹ ᱠᱚ ᱪᱟᱞ ᱟᱠᱟᱣᱫᱮᱭᱟ ᱾

ᱪᱤᱛᱟᱹᱨ ᱠᱚ ᱥᱟᱯᱲᱟᱣ

ᱥᱟ.ᱠᱷᱭᱟ.ᱛ ᱥᱟᱯᱲᱟᱣ