ᱞᱩᱫᱷᱤᱭᱟᱱᱟ ᱦᱚᱱᱚᱛ
ᱞᱩᱫᱷᱤᱭᱟᱱᱟ ᱦᱚᱱᱚᱛ ᱫᱚ ᱠᱚᱧᱮ ᱯᱟᱪᱮ ᱥᱤᱧᱚᱛ ᱱᱟᱠᱷᱟ ᱯᱟᱧᱡᱟᱵᱽ ᱯᱚᱱᱚᱛ ᱨᱮᱭᱟᱜ ᱒᱒ ᱜᱚᱴᱟᱝ ᱦᱚᱱᱚᱛ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ ᱾ ᱱᱚᱶᱟ ᱫᱚ ᱯᱟᱧᱡᱟᱵᱽ ᱨᱮᱭᱟᱜ ᱴᱚᱴᱷᱟ ᱦᱤᱥᱟᱹᱵᱽ ᱛᱮ ᱟᱨ ᱞᱮᱠᱷᱟ ᱦᱤᱥᱟᱹᱵᱽ ᱛᱮ ᱵᱟᱱᱟᱨ ᱞᱮᱠᱟ ᱛᱮ ᱢᱟᱨᱟᱝ ᱜᱮᱭᱟ ᱾ ᱞᱩᱫᱷᱤᱭᱟᱱᱟ ᱱᱟᱝᱜᱽᱨᱟᱦᱟ ᱜᱮ ᱱᱚᱶᱟ ᱦᱚᱱᱚᱛ ᱨᱮᱭᱟᱜ ᱫᱚᱵᱷᱟᱹᱴᱤᱭᱟᱹ ᱴᱷᱟᱶ ᱫᱚ ᱠᱟᱱᱟ ᱟᱨ ᱯᱟᱧᱡᱟᱵᱽ ᱨᱮᱭᱟᱜ ᱢᱟᱨᱟᱝ ᱵᱮᱨᱛᱤᱭᱟᱹ ᱱᱟᱝᱜᱽᱨᱟᱦᱟ ᱦᱚᱸ ᱠᱟᱱᱟ ᱾ ᱱᱚᱰᱮᱱᱟᱜ ᱟᱥᱚᱞ ᱵᱮᱨᱮᱛ ᱫᱚ ᱥᱟᱭᱠᱮᱞ ᱟᱨ ᱢᱚᱡᱟ ( hosiery) ᱠᱟᱱᱟ ᱾ ᱞᱩᱫᱷᱤᱭᱟᱱᱟ ᱫᱚ ᱯᱚᱱᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱟᱝᱜᱽᱨᱟᱦᱟ ᱠᱟᱱᱟ, ᱱᱚᱶᱟ ᱨᱮ ᱫᱚ ᱤᱨᱟᱹᱞ ᱜᱚᱴᱟᱝ ᱛᱟᱦᱥᱤᱞ ᱟᱨ ᱮᱭᱟᱭ ᱜᱚᱴᱟᱝ ᱦᱩᱰᱤᱧ ᱛᱟᱦᱥᱤᱞ ᱢᱮᱱᱟᱜᱼᱟ ᱟᱨ ᱜᱮᱼᱵᱟᱨ ᱜᱚᱴᱟᱝ ᱩᱛᱱᱟᱹᱣ ᱵᱞᱚᱠ ᱢᱮᱱᱟᱜᱼᱟ ᱾ ᱒᱐᱑᱘ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱞᱩᱫᱷᱤᱭᱟᱱᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱫᱚ ᱦᱩᱭᱩᱜ ᱠᱟᱱᱟ ᱞᱮᱠᱷᱟ ᱜᱩᱴ : ᱓᱐,᱔᱕᱒,᱘᱗᱙ ᱱᱤᱡᱩᱛ ᱾
| ᱞᱩᱫᱷᱤᱭᱟᱱᱟ ᱦᱚᱱᱚᱛ | |
|---|---|
| ᱯᱚᱧᱡᱟᱵᱽ ᱨᱮᱱᱟᱜ ᱦᱚᱱᱚᱛ | |
.svg) | |
| Coordinates: 30°53′N 75°51′E / 30.883°N 75.850°ECoordinates: 30°53′N 75°51′E / 30.883°N 75.850°E | |
| ᱫᱤᱥᱚᱢ | ᱥᱤᱧᱚᱛ |
| ᱯᱚᱱᱚᱛ | ᱯᱚᱧᱡᱟᱵᱽ |
| ᱦᱮᱰᱠᱩᱣᱟᱴᱚᱨ | ᱞᱩᱫᱷᱤᱭᱟᱱᱟ |
| ᱮᱨᱤᱭᱟ | |
| • ᱜᱩᱴ | 3767 ᱠᱤᱢᱤ২ (1454 ᱜᱟᱺᱴ ᱢᱟᱭᱤᱞ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱜᱩᱴ | ᱓,᱔᱙᱘,᱗᱓᱙ |
| • ᱰᱮᱱᱥᱤᱴᱤ | 930/ᱠᱤᱢᱤ2 (2400/ᱜᱟᱺᱴ ᱢᱟᱹᱭᱤᱞ) |
| ᱦᱚᱲ ᱮᱞ | |
| • ᱥᱤᱠᱷᱱᱟᱹᱛ ᱫᱚᱨ | ᱗᱓.᱕% |
| • ᱡᱟᱱᱟᱝ ᱡᱟᱹᱱᱤ | ᱑᱐᱐᱐/᱘᱗᱓ |
| IST (ᱭᱩᱴᱤᱥᱤ+᱐᱕:᱓᱐) | |
| ᱦᱚᱲ ᱫᱚᱨᱵᱟᱨ ᱢᱟᱹᱪᱤ | ᱑ |
| ᱨᱟᱭ ᱫᱚᱨᱵᱟᱨ ᱢᱟᱹᱪᱤ | ᱑᱔ |
| ᱣᱮᱵᱽᱥᱟᱭᱤᱴ | http://www.ddinajpur.gov.in/ |
᱒᱐᱑᱑ ᱥᱮᱨᱢᱟ ᱨᱮ ᱯᱟᱧᱡᱟᱵᱽ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱞᱩᱫᱷᱤᱭᱟᱱᱟ ᱫᱚ ᱑᱒.᱕᱙% ᱦᱤᱥ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾
ᱱᱟᱜᱟᱢ ᱥᱟᱯᱲᱟᱣ
ᱞᱩᱫᱷᱤᱭᱟᱱᱟ ᱧᱩᱛᱩᱢ ᱫᱚ ᱞᱳᱫᱷᱤ ᱨᱟᱡᱽ ᱵᱚᱝᱥᱚ ᱠᱷᱚᱱ ᱦᱮᱡ ᱟᱠᱟᱱᱟ, ᱞᱟᱹᱭ ᱟᱠᱚ ᱵᱟᱝᱢᱟ ᱑᱔᱘᱐ ᱥᱮᱨᱢᱟ ᱨᱮ ᱱᱚᱶᱟ ᱱᱟᱝᱜᱽᱨᱟᱦᱟ ᱠᱚ ᱵᱟᱱᱫᱽᱦᱟᱣ ᱞᱮᱫᱼᱟ ᱾ ᱢᱚᱜᱚᱞ ᱥᱚᱢᱨᱟᱴ ᱟᱠᱵᱚᱨ ᱟᱜ ᱥᱟᱥᱚᱱ ᱚᱠᱛᱮ ᱨᱮ ᱱᱚᱶᱟ ᱴᱚᱴᱷᱟ ᱫᱚ ᱥᱟᱨ ᱦᱤᱱᱫᱽ ᱥᱚᱨᱠᱟᱨ ᱟᱜ ᱦᱤᱥ ᱨᱮ ᱯᱟᱲᱟᱣ ᱞᱮᱱᱟ ᱑᱔᱗᱘ ᱥᱮᱨᱢᱟ ᱨᱮ ᱪᱟᱠᱟᱨ, ᱛᱟᱞᱣᱟᱱᱰᱤ ᱨᱟᱭ, ᱑᱖᱔᱘ ᱥᱮᱨᱢᱟ ᱨᱮ, ᱨᱟᱭᱠᱚᱴ ᱑᱖᱘᱘ ᱥᱮᱨᱢᱟ ᱨᱮ ᱨᱟᱭ ᱜᱷᱟᱨᱚᱸᱡᱽ ᱦᱚᱛᱮ ᱛᱮ ᱵᱟᱱᱫᱽᱦᱟᱣ ᱦᱩᱭ ᱞᱮᱱᱟ ᱾[᱑]
ᱴᱷᱟᱶ ᱥᱟᱯᱲᱟᱣ
ᱞᱩᱫᱷᱤᱭᱟᱱᱟ ᱦᱚᱱᱚᱛ ᱫᱚ ᱯᱟᱧᱡᱟᱵᱽ ᱯᱚᱱᱚᱛ ᱨᱮᱭᱟᱜ ᱛᱟᱞᱟ ᱢᱟᱞᱟ ᱨᱮ ᱢᱟᱞᱣᱟ ᱴᱚᱴᱷᱟ ᱨᱮ ᱯᱟᱲᱟᱣ ᱟᱠᱟᱱᱟ ᱾ ᱥᱟᱥᱚᱱ ᱠᱟᱹᱢᱤ ᱱᱟᱭ ᱱᱟᱯᱟᱭ ᱛᱮ ᱥᱮᱱᱚᱜ ᱞᱟᱹᱜᱤᱫ ᱱᱚᱶᱟ ᱦᱚᱱᱚᱛ ᱫᱚ ᱯᱟᱴᱤᱭᱟᱞᱟ ᱰᱤᱵᱷᱤᱡᱚᱱ ᱨᱮ ᱠᱚ ᱥᱮᱞᱮᱫ ᱟᱠᱟᱫᱼᱟ ᱾
ᱱᱚᱶᱟ ᱦᱚᱱᱚᱛ ᱨᱮᱭᱟᱜ ᱠᱚᱧᱮ ᱱᱟᱠᱷᱟ ᱫᱚ ᱥᱚᱛᱞᱩᱡᱽ ᱜᱟᱰᱟ ᱛᱚᱞ ᱮᱥᱮᱫ ᱟᱠᱟᱱᱟ, ᱚᱠᱟ ᱫᱚ ᱱᱚᱶᱟ ᱡᱚᱞᱟᱱᱫᱷᱟᱨ ᱦᱚᱱᱚᱛ ᱠᱷᱚᱱ ᱮ ᱵᱮᱜᱟᱨ ᱟᱠᱟᱫᱼᱟ ᱾ ᱱᱚᱶᱟ ᱜᱟᱰᱟ ᱜᱮ ᱠᱚᱧᱮ ᱱᱟᱠᱷᱟ ᱨᱮ ᱦᱟᱨᱤᱥᱯᱩᱨ ᱦᱚᱱᱚᱛ ᱛᱩᱞᱩᱡ ᱥᱤᱢᱟᱹ ᱵᱮᱱᱟᱣ ᱟᱠᱟᱱᱟ ᱾ ᱟᱨ ᱦᱚᱸ ᱥᱟᱢᱟᱝ ᱱᱟᱠᱷᱟ ᱨᱮ ᱫᱚ ᱨᱩᱯᱱᱟᱜᱟᱨ ᱦᱚᱱᱚᱛ ᱛᱮ ᱮᱥᱮᱫ ᱟᱠᱟᱱᱟ, ᱯᱟᱪᱮ ᱱᱟᱠᱷᱟ ᱫᱚ ᱢᱳᱜᱟ ᱦᱚᱱᱚᱛ ᱛᱮ ᱮᱥᱮᱫ ᱟᱠᱟᱱᱟ, ᱮᱛᱚᱢ ᱱᱟᱠᱷᱟ ᱫᱚ ᱵᱚᱨᱱᱟᱞᱟ ᱦᱚᱱᱚᱛ, ᱥᱟᱝᱨᱩᱨ ᱦᱚᱱᱚᱛ ᱟᱨ ᱯᱟᱴᱤᱭᱟᱞᱟ ᱦᱚᱱᱚᱛ ᱛᱮ ᱮᱥᱮᱫ ᱟᱠᱟᱱᱟ ᱾
ᱦᱚᱲ ᱞᱮᱠᱷᱟ ᱥᱟᱯᱲᱟᱣ
᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱞᱩᱫᱷᱤᱭᱟᱱᱟ ᱦᱚᱱᱚᱛ ᱨᱮᱭᱟᱜ ᱦᱚᱲ ᱞᱮᱠᱷᱟ ᱫᱚ ᱛᱟᱦᱮ ᱠᱟᱱᱟ : ᱓,᱔᱙᱘,᱗᱓᱙ ᱡᱚᱱᱟ, ᱟᱢᱫᱟᱡᱽ ᱯᱟᱱᱟᱢᱟ ᱫᱤᱥᱚᱢ ᱟᱨᱵᱟᱝ ᱟᱢᱮᱨᱤᱠᱟ ᱨᱮᱭᱟᱜ ᱯᱚᱱᱚᱛ ᱠᱚᱱᱱᱮᱠᱴᱤᱠᱟᱴ ᱥᱟᱞᱟᱜ ᱥᱚᱢᱟᱱ ᱾ ᱱᱚᱣᱟ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱘᱗ ᱟᱱᱟᱜ ᱦᱚᱱᱚᱛ ᱞᱮᱠᱷᱟᱜ ᱠᱟᱱᱟ (᱖᱔᱐ ᱜᱚᱴᱟᱝ ᱦᱚᱱᱚᱛ ᱢᱩᱫᱽ ᱨᱮ) ᱾ ᱱᱚᱣᱟ ᱦᱚᱱᱚᱛ ᱨᱮ ᱢᱤᱫ ᱪᱟᱹᱣᱠᱟᱹ ᱠᱤᱞᱚᱢᱤᱴᱟᱨ ᱡᱟᱭᱜᱟ ᱨᱮ ᱙᱗᱘ ᱡᱚᱱᱟ ᱦᱚᱲ ᱜᱤᱨᱟᱹᱵᱟᱥ ᱟᱠᱟᱱ ᱾
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ Ludhiana Dist. Gazetteer 1888-89 & 1904. Chiefs of Punjab 1890, 1909 & 1940