ᱞᱮᱥᱞᱤ ᱠᱞᱟᱣᱰᱤᱭᱳᱥ

ᱞᱮᱥᱞᱤ ᱣᱟᱞᱴᱚᱨ ᱠᱞᱟᱣᱰᱤᱭᱳᱥ (᱒᱕ ᱢᱟᱨᱪ ᱑᱙᱒᱗ - ᱒᱐ ᱰᱤᱥᱮᱢᱵᱚᱨ ᱒᱐᱑᱒) ᱫᱚ ᱥᱤᱧᱚᱛ ᱨᱤᱱᱤᱡ ᱢᱤᱫ ᱦᱚᱠᱤ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱵᱤᱞᱟᱥᱯᱩᱨ ᱠᱚᱧᱮ-ᱥᱟᱢᱟᱝ ᱨᱮᱞᱣᱮ ᱤᱝᱞᱤᱥ ᱢᱤᱰᱤᱭᱩᱢ ᱟᱥᱲᱟ ᱨᱮᱭ ᱥᱮᱪᱮᱫ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱟᱥᱲᱟ ᱠᱷᱚᱱ ᱟᱭᱢᱟ ᱡᱟᱹᱛᱤᱭᱟᱹᱨᱤ ᱠᱷᱮᱞᱚᱸᱰᱤᱭᱟᱹ ᱠᱚ ᱚᱰᱚᱠ ᱞᱮᱱ ᱛᱟᱦᱮᱸᱫ ᱾

Olympic rings without rims

ᱞᱮᱥᱞᱤ ᱫᱚ ᱩᱫᱷᱟᱢ ᱥᱤᱝ ᱥᱟᱶᱛᱮ ᱔ ᱫᱷᱟᱣ ᱚᱞᱤᱢᱯᱤᱠ ᱯᱚᱫᱚᱠ ᱠᱤᱱ ᱧᱟᱢ ᱞᱮᱫ ᱛᱟᱡᱦᱮᱸᱫ ᱾ ᱩᱱᱤ ᱑᱙᱔᱘, ᱑᱙᱕᱒ ᱟᱨ ᱑᱙᱕᱖ ᱨᱮ ᱚᱞᱤᱢᱯᱤᱠ ᱥᱚᱱᱟ ᱯᱚᱫᱚᱠ ᱡᱤᱛᱠᱟᱹᱨ ᱥᱟᱶᱛᱮ ᱑᱙᱖᱐ ᱨᱮ ᱟᱡᱟᱜ ᱟᱹᱭᱩᱨ ᱛᱮ ᱨᱩᱯᱟᱹ ᱯᱚᱫᱚᱠ ᱠᱚ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱥᱤᱧᱚᱛ ᱨᱤᱱᱤᱡ ᱯᱩᱭᱞᱩ ᱠᱷᱮᱞᱚᱸᱰᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱑᱐᱐ ᱠᱷᱚᱞ ᱵᱟᱹᱲᱛᱤ ᱢᱮᱪ ᱮ ᱮᱱᱮᱡ ᱞᱮᱫ ᱛᱟᱦᱮᱸᱫ ᱾ ᱚᱞᱤᱢᱯᱤᱥ ᱥᱟᱶᱛᱮ ᱚᱥᱴᱨᱮᱞᱤᱭᱟ, ᱱᱤᱣᱡᱤᱞᱟᱸᱰ, ᱢᱟᱞᱮᱭᱥᱤᱭᱟ ᱮᱢᱟᱱ ᱫᱤᱥᱚᱢ ᱪᱟᱞᱟᱣ ᱠᱟᱛᱮ ᱮᱱᱮᱡ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱮᱱᱮᱡ ᱠᱷᱚᱱ ᱑᱙᱕᱖ ᱥᱟᱞᱮᱨᱮ ᱡᱤᱨᱥᱟᱹᱣ ᱞᱮᱱ ᱛᱟᱦᱮᱸᱫ ᱾ ᱩᱱᱤᱫᱚ ᱑᱙᱗᱑ ᱥᱟᱞᱮ ᱨᱮ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱯᱚᱫᱽᱢᱚᱥᱨᱤ ᱢᱟᱹᱱ ᱥᱟᱨᱦᱟᱣ ᱠᱚ ᱟᱞ ᱟᱫᱮ ᱛᱟᱦᱮᱸᱫ ᱾

ᱡᱤᱭᱚᱱ

ᱯᱩᱭᱞᱩ ᱡᱤᱭᱚᱱ

ᱞᱮᱥᱞᱤ ᱮᱛᱚᱦᱚᱵ ᱫᱚ ᱯᱷᱩᱴᱵᱚᱞ (ᱪᱤᱸᱰᱩ)ᱭ ᱮᱱᱮᱡ ᱠᱟᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱵᱮᱱᱜᱚᱞ-ᱱᱟᱜᱽᱯᱩᱨ ᱯᱷᱩᱴᱵᱚᱞ ᱨᱮ ᱠᱟᱯᱴᱮᱱ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱛᱟᱭᱚᱢ ᱩᱱᱚᱠᱛᱚ ᱨᱤᱱᱤᱡ ᱠᱚᱪ ᱢᱮᱱᱫᱚ ᱑᱙᱓᱖ ᱚᱞᱤᱢᱯᱤᱠ ᱨᱮ ᱥᱚᱱᱟ ᱯᱚᱫᱚᱠ ᱡᱤᱛᱠᱟᱹᱨᱤᱭᱟᱹ ᱢᱟᱨᱮ ᱥᱤᱧᱚᱛᱤᱭᱟᱹ ᱠᱷᱮᱞᱚᱸᱰᱤᱭᱟᱹ ᱰᱤᱠᱤ ᱰᱟᱨᱠ ᱫᱟᱨᱟᱭ ᱚᱨᱥᱚᱝ ᱮᱱ ᱛᱮ ᱵᱟᱝᱞᱟ ᱱᱟᱜᱽᱯᱩᱨ ᱨᱮᱞᱣᱮ ᱦᱚᱠᱤ ᱫᱚᱞ ᱨᱮᱭ ᱥᱮᱞᱮᱫ ᱞᱮᱱ ᱛᱟᱦᱮᱸᱫ ᱾ ᱱᱚᱶᱟ ᱫᱚᱞ ᱴᱩᱨᱱᱟᱢᱮᱸᱴ ᱨᱮ ᱫᱚᱥᱟᱨ ᱴᱷᱟᱶ ᱮ ᱟᱢᱮᱴ ᱠᱮᱫᱼᱟ ᱟᱨ ᱚᱱᱟ ᱛᱟᱭᱚᱢ ᱞᱮᱥᱞᱤ ᱯᱷᱩᱴᱵᱚᱞ ᱵᱟᱹᱜᱤ ᱠᱟᱛᱮ, ᱵᱮᱥ ᱞᱮᱠᱟ ᱦᱚᱠᱤ ᱨᱮ ᱢᱚᱱᱮᱭ ᱮᱢ ᱠᱮᱫᱼᱟ ᱾

ᱡᱮᱡᱟᱹᱛᱤᱭᱟᱹᱨᱤ ᱥᱚᱱᱚᱫᱚᱨ

᱑᱙᱔᱘, ᱑᱙᱕᱒, ᱑᱙᱕᱖ ᱨᱮ ᱥᱚᱱᱟ ᱟᱨ ᱑᱙᱖᱐ ᱚᱞᱤᱢᱯᱤᱠ ᱨᱮ ᱨᱩᱯᱟᱹ ᱯᱚᱫᱚᱠ ᱫᱚᱞ ᱨᱤᱱᱤᱡ ᱥᱚᱦᱮᱫ ᱮ ᱛᱟᱦᱮᱸᱠᱟᱱ ᱞᱮᱥᱞᱤ ᱯᱩᱭᱞᱩ ᱠᱷᱮᱞᱚᱸᱰᱤᱭᱟᱹ ᱞᱮᱠᱟᱛᱮ ᱑᱐᱐ ᱠᱷᱚᱱ ᱵᱟᱹᱲᱛᱤ ᱡᱟᱹᱛᱤᱭᱟᱹᱨᱤ ᱫᱚᱞ ᱞᱟᱹᱜᱤᱫ ᱡᱮᱡᱟᱹᱛᱤᱭᱟᱹᱨᱤ ᱛᱷᱚᱠ ᱨᱮᱭ ᱟᱹᱭᱩᱨ ᱞᱮᱫ ᱛᱟᱦᱮᱸᱫ ᱾ ᱩᱱ ᱚᱠᱛᱚ ᱫᱚ ᱫᱷᱭᱟᱱ ᱪᱟᱸᱫᱽ ᱫᱚᱞ ᱨᱤᱱᱤᱡ ᱠᱚᱪ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱾ ᱑᱙᱖᱐ ᱥᱟᱞᱮ ᱨᱮ ᱟᱡᱟᱜ ᱫᱚᱞ ᱨᱩᱯᱟᱹ ᱯᱚᱫᱚᱠ ᱮ ᱟᱢᱮᱴ ᱞᱮᱫ ᱛᱟᱦᱮᱸᱫ ᱾

ᱪᱟᱪᱞᱟᱣᱤᱭᱟᱹ

ᱞᱮᱥᱞᱤ ᱫᱚ ᱵᱮᱝᱠᱚᱠ ᱮᱥᱤᱭᱚ ᱠᱷᱮᱞᱚᱸᱰ ᱨᱮ ᱑᱙᱗᱘ ᱥᱟᱞᱮᱨᱮ ᱪᱟᱪᱞᱟᱣᱤᱭᱟᱹ (ᱢᱮᱱᱮᱡᱚᱨ) ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱾

ᱟᱹᱯᱱᱟᱹᱛ ᱡᱤᱭᱚᱱ

ᱞᱮᱥᱞᱤ ᱫᱚ ᱟᱝᱜᱽᱞᱚ ᱤᱱᱰᱤᱭᱟᱱ ᱛᱟᱦᱮᱸ ᱠᱟᱱᱟᱭ ᱾ ᱟᱡᱤᱡ ᱦᱚᱯᱚᱱ ᱨᱚᱵᱚᱨᱴ ᱦᱚᱸ ᱥᱤᱧᱚᱛᱤᱭᱟᱹ ᱫᱚᱞ ᱞᱟᱹᱜᱤᱫᱮ ᱮᱱᱮᱡ ᱞᱮᱫ ᱛᱟᱦᱮᱸᱫ ᱾ ᱨᱚᱵᱚᱨᱴ ᱫᱚ ᱦᱚᱨ ᱫᱩᱨᱜᱷᱚᱴᱚᱱ ᱛᱮᱭ ᱜᱩᱨ ᱞᱮᱱ ᱛᱟᱦᱮᱸᱫ ᱾ ᱟᱡ ᱨᱤᱱ ᱯᱮᱭᱟ ᱦᱚᱯᱚᱱ ᱢᱩᱸᱫ ᱠᱷᱚᱱ ᱢᱤᱫ ᱦᱚᱲ ᱫᱚ ᱟᱡ ᱥᱟᱶ ᱠᱚᱞᱠᱟᱛᱟ ᱨᱮᱭ ᱛᱟᱦᱮᱸ ᱠᱟᱱ ᱨᱟᱦᱮᱸᱫ ᱟᱨ ᱟᱨ ᱵᱟᱨ ᱦᱚᱲ ᱫᱚ ᱢᱮᱞᱵᱚᱨᱱ ᱨᱮ ᱠᱤᱱ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱫ ᱾

ᱢᱟᱹᱱ ᱟᱨ ᱥᱤᱨᱯᱷᱟᱹ ᱠᱚ

• In 1971 he was awarded the Padma Shri.
• Mention in the Guinness Book of World Records along with Udham Singh for having won the most number of Olympic medals in field hockey.
• In 2011 The West Bengal Chief Minister Mamata Banerjee presented the Bharat Gaurav award instituted by East Bengal Club to Leslie Claudius.
• For the 2012 Olympics the Bushey tube station was renamed after Claudius in the special "Olympic Legends Map". He was one of six all time hockey greats who were honored in this manner.
• In 2012 he was awarded The Banga Bibhushan.

ᱵᱚᱝᱜᱟ ᱛᱟᱞᱟ

ᱞᱮᱥᱞᱤ ᱫᱚ ᱒᱐ ᱰᱤᱥᱮᱢᱵᱚᱨ ᱒᱐᱑᱒ ᱥᱟᱞᱮᱨᱮ ᱠᱚᱞᱠᱟᱛᱟ ᱨᱮᱭ ᱵᱚᱝᱜᱟᱛᱟᱞᱟ ᱞᱮᱱ ᱛᱟᱦᱮᱸᱫ ᱾ ᱩᱱᱤᱫᱚ ᱞᱟᱛᱟᱨ ᱥᱚᱨᱚ ᱥᱩᱨ ᱨᱮᱱᱟᱜ ᱨᱳᱰ ᱢᱟᱬᱜᱷᱟᱹᱴᱤ ᱨᱮ ᱠᱚ ᱛᱚᱯᱟ ᱞᱮᱫᱮ ᱛᱟᱦᱮᱸᱫ ᱾