ᱢᱩᱬᱩᱛ ᱢᱮᱱᱩ ᱡᱷᱤᱡᱽ ᱢᱮ
Flag of Lebanon
   ᱞᱮᱵᱟᱱᱚᱣᱚ ᱟ.ᱭᱫᱟ.ᱨᱤ ᱨᱩᱯ ᱛᱮ ᱞᱮᱵᱱᱚᱱ ᱫᱤᱥᱣᱟ.ᱨᱟᱡᱽ ᱯᱟᱪᱷᱮ ᱮᱥᱤᱭᱟ ᱨᱮᱭᱟᱜ ᱞᱫᱤᱥᱣᱟ. ᱨᱟᱡᱽ ᱠᱟᱱᱟ. ᱯᱟᱪᱷᱮ ᱮᱥᱤᱭᱟ ᱨᱮ ᱵᱷᱩ-ᱢᱚᱫᱷᱚ ᱡᱟᱞᱟ ᱯᱩᱨᱤ ᱠᱷᱚᱱ ᱥᱟᱢᱟᱝ ᱨᱮ ᱢᱮᱱᱟᱜ ᱢᱤᱫ ᱴᱮᱱ ᱫᱤᱥᱚᱢ ᱠᱟᱱᱟ| ᱱᱚᱣᱟ ᱨᱮᱭᱟᱜ ᱠᱚᱭᱮ ᱟᱨ ᱥᱟᱢᱟᱝ ᱨᱮᱫᱚ ᱥᱮᱨᱤᱭᱟ ᱟᱨ ᱮᱛᱚᱢ ᱨᱮᱫᱚ ᱤᱥᱨᱟᱭᱮᱞ ᱫᱤᱥᱚᱢ ᱢᱮᱱᱟᱜ- ᱟ। ᱵᱷᱩ ᱢᱚᱫᱫᱷᱚ ᱜᱟᱢᱵᱽᱞᱟ ᱟᱨ ᱟᱨᱚᱵᱽ ᱨᱮᱭᱟᱜ ᱵᱷᱤᱛᱨᱤ ᱵᱷᱟᱜᱽ ᱨᱮ ᱥᱟᱠᱚ ᱞᱮᱠᱟ ᱵᱮᱱᱟᱣ ᱟᱠᱟᱱ ᱫᱤᱥᱚᱢ ᱨᱮᱭᱟᱜ ᱱᱟᱜᱟᱢ ᱥᱚᱨᱮᱥ ᱟᱨ ᱢᱮᱥᱟᱞ ᱜᱮᱭᱟ| ᱱᱚᱣᱟ ᱡᱟᱭᱜᱟ ᱯᱷᱤᱱᱤᱥᱤᱭᱟᱱ ᱠᱚ ᱟ.ᱰᱤ ᱥᱮᱫᱟᱭ (᱒᱕᱐᱐ ᱢᱟ.ᱥᱤᱢᱟᱲᱟᱝ - ᱕᱓᱙ ᱢᱟ.ᱥᱤᱢᱟᱲᱟᱝ) ᱞᱟᱭ ᱞᱟᱠᱪᱟᱨ ᱮᱮᱭᱟᱜ ᱴᱷᱟ:ᱭ ᱛᱟᱦᱮ ᱠᱟᱱ ᱛᱟᱠᱚᱣᱟ ᱡᱟᱦᱟ ᱠᱷᱚᱱ ᱜᱟᱭᱟᱱ ᱨᱮᱭᱟᱜ ᱦᱩᱰᱤᱧ ᱦᱩᱰᱤᱧ ᱩᱛᱷᱱᱟ.ᱣ ᱦᱩᱭ ᱟᱠᱟᱱ| ᱱᱤᱭᱟ. ᱛᱟᱭᱚᱢ ᱯᱷᱟᱨᱥᱤ, ᱭᱩᱱᱟᱱᱤ, ᱨᱳᱢᱟᱱ, ᱟᱨᱚᱵᱽ ᱟᱨ ᱩᱥᱢᱟᱱᱤ ᱛᱩᱲᱩᱠ ᱠᱚᱣᱟᱜ ᱜᱚᱵᱚᱞ ᱨᱮ ᱦᱮᱡ ᱞᱮᱱ ᱛᱟᱭᱚᱢ ᱛᱮ ᱯᱷᱨᱟᱱᱥ ᱟᱜ ᱜᱚᱵᱚᱞ ᱨᱮᱦᱚ ᱦᱮᱡ ᱞᱮᱱᱟ|  ᱱᱚᱣᱟ ᱠᱚ ᱠᱷᱟ.ᱛᱤᱨ ᱛᱮ ᱫᱤᱥᱚᱢ ᱨᱮᱭᱟᱜ ᱫᱷᱚᱨᱚᱢ ᱟᱨ ᱡᱟᱛᱤᱭᱚ ᱵᱷᱮᱱᱮᱜᱟᱨ ᱩᱯᱨᱩᱢ ᱩᱫᱩᱜᱚᱜ ᱠᱟᱱᱟ|[᱑]

ᱨᱟᱡᱟᱨᱤᱥᱟᱯᱲᱟᱣ

ᱱᱚᱣᱟ ᱫᱤᱥᱚᱢ ᱨᱮ ᱖᱐% ᱥᱟᱭ ᱠᱟᱲᱟ ᱦᱚᱲ ᱢᱩᱥᱞᱟ. ᱠᱟᱱᱟ ᱠᱚ, ᱩᱱᱠᱩ ᱢᱩᱫᱽ ᱨᱮ ᱥᱤᱭᱟ ᱟᱨ ᱥᱩᱱᱱᱤ ᱠᱚᱣᱟᱜ ᱞᱮᱠᱷᱟ ᱟᱢᱫᱟᱡᱽ ᱵᱟᱨᱟᱵᱟᱨᱤ ᱜᱮᱭᱟ ᱟᱨ ᱟᱢᱫᱟᱡᱽ ᱓᱘ ᱦᱤ'ᱥ ᱤᱥᱟ.ᱭ ᱦᱚᱲ ᱢᱮᱱᱟᱜ ᱠᱚᱣᱟ| ᱑᱙᱔᱓ ᱥᱮᱨᱢᱟ ᱨᱮ ᱯᱷᱨᱟᱱᱥ ᱠᱷᱚᱱ ᱯᱷᱩᱨᱜᱟ.ᱞ ᱧᱟᱢ ᱠᱟᱛᱮ ᱱᱚᱱᱰᱮ ᱚᱲᱟᱜ ᱛᱩᱯᱩᱱ ᱪᱟᱞᱟᱜ ᱠᱟᱱᱟ ᱟᱨ ᱒᱐᱐᱖ ᱥᱮᱨᱢᱟ ᱨᱮ ᱤᱥᱨᱟᱭᱮᱞ ᱥᱟᱶ ᱞᱟ.ᱲᱦᱟ.ᱭ ᱦᱩᱭ ᱞᱮᱱᱟ। ᱱᱚᱱᱰᱮ ᱴᱤᱫ ᱵᱤᱥᱮᱥ ᱛᱷᱚᱠ ᱨᱮᱱᱟᱜ ᱥᱚᱨᱠᱟᱨ ᱥᱟᱥᱚᱱ ᱪᱟᱞᱟᱜ ᱠᱟᱱᱟ, ᱡᱟᱦᱟ ᱨᱮ ᱫᱤᱥᱚᱢ ᱜᱚᱢᱠᱮ ᱫᱚ ᱤᱥᱟ.ᱭ ᱛᱟᱦᱮᱱ ᱦᱩᱭᱩᱜ-ᱟ, ᱢᱟᱨᱟᱝ ᱢᱚᱱᱛᱟᱨᱤ ᱢᱤᱫᱴᱮᱱ ᱥᱩᱱᱱᱤ ᱢᱩᱥᱞᱟ., ᱵᱟᱪᱱᱟᱣ ᱟᱠᱟᱱ ᱠᱚ ᱢᱩᱫᱽ ᱠᱷᱚᱱ ᱥᱤᱭᱟ ᱢᱩᱥᱞᱟ. ᱯᱟᱨᱥᱮᱛ ᱟᱨ ᱳᱯ ᱢᱟᱨᱟᱝ ᱢᱚᱱᱛᱟᱨᱤ ᱢᱤᱫᱴᱮᱱ ᱜᱨᱤᱠ ᱥᱮᱨᱣᱟ ᱫᱷᱚᱨᱚᱢ ᱨᱮᱱ ᱦᱩᱭᱩᱜ ᱡᱟᱨᱩᱲᱟ| ᱮᱨᱟᱵᱤ ᱱᱚᱱᱰᱮᱱᱟᱜ ᱡᱚᱛᱚ ᱠᱷᱚᱱ ᱵᱟ.ᱲᱛᱤ ᱨᱚᱨᱚᱲ ᱟᱨ ᱥᱟᱝᱵᱤᱫᱷᱟᱱᱤᱠ ᱯᱟ.ᱨᱥᱤ ᱠᱟᱱᱟ|

ᱢᱩᱥᱠᱟ. ᱠᱚᱣᱟᱜ ᱥᱟᱥᱚᱱᱥᱟᱯᱲᱟᱣ

ᱟᱨᱚᱵᱽ ᱫᱚ ᱱᱚᱣᱟ ᱨᱟᱡᱚᱥᱴᱷᱤ ᱨᱮ ᱮᱭᱟᱭ ᱥᱟᱭᱟᱱᱟᱜ ᱠᱚ ᱨᱮ ᱠᱚᱭᱮ ᱱᱟᱠᱷᱟ ᱨᱮ ᱢᱚᱱ ᱪᱟᱞᱟᱣᱮᱱ ᱛᱟᱠᱚᱣᱟ ,ᱩᱢᱢᱟᱭᱩᱫᱽ ᱠᱚᱣᱟᱜ ᱨᱟᱡᱽ ᱜᱟᱲ ᱫᱚ ᱥᱟᱢᱟᱝ ᱱᱟᱠᱷᱟ ᱫᱟᱢᱟᱥᱠᱟᱥ ᱨᱮ ᱵᱮᱱᱟᱣ ᱮᱱᱟ| ᱛᱟᱱᱟᱞᱟ ᱡᱩᱜᱽ ᱨᱮ ᱞᱮᱵᱟᱱᱚᱱ ᱠᱨᱩᱥᱮᱰ ᱞᱟ.ᱲᱦᱟ.ᱭ ᱨᱮ ᱥᱮᱞᱮᱫ ᱞᱮᱱᱟ | ᱥᱟᱞᱟᱣᱩᱫᱫᱤᱱ ᱟᱭᱭᱩᱵᱤ ᱫᱚ ᱱᱚᱣᱟ ᱡᱟᱭᱜᱟ ᱤᱥᱟ.ᱭ ᱠᱨᱩᱥᱮᱰᱤᱭᱟ. ᱠᱷᱚᱱ ᱥᱟᱦᱟ ᱠᱮᱫᱟ| 1390 ᱥᱮᱨᱢᱟ ᱨᱮ ᱢᱤᱥᱚᱨ ᱨᱮᱱ ᱢᱟᱢᱟᱞᱳᱠ ᱥᱟᱥᱚᱱᱤᱭᱟ. ᱠᱚ ᱞᱮᱵᱟᱱᱚᱱ ᱨᱮ ᱠᱚ ᱠᱟᱵᱡᱟ ᱞᱮᱫᱟ | ᱩᱥᱢᱟᱱᱤ ᱛᱩᱲᱩᱠ ᱛᱤᱱ ᱨᱮ ᱜᱮᱞ ᱛᱩᱨᱩᱭ ᱟᱱᱟᱜ ᱨᱮ ᱛᱚ-ᱛᱟᱞᱟ ᱡᱟᱞᱟᱯᱩᱨᱤ ᱨᱮᱭᱟᱜ ᱥᱟᱢᱟᱝ ᱱᱟᱠᱷᱟ ᱠᱚ ᱠᱚᱵᱡᱟ ᱠᱮᱫ ᱠᱷᱟᱱ ᱞᱮᱵᱟᱱᱚᱱ ᱦᱚ ᱥᱤᱥᱞᱤ ᱠᱷᱚᱱ ᱮᱦᱚᱵ ᱠᱟᱛᱮ ᱠᱮᱥᱯᱤᱛᱟᱱ ᱫᱚᱨᱭᱟ ᱦᱟ.ᱵᱤᱡ ᱯᱟᱥᱱᱟᱣ ᱠᱟᱛᱮ ᱚᱴᱚᱢᱟᱱ ᱨᱮᱭᱟᱜ ᱨᱟᱡᱚᱥᱴᱷᱤ ᱨᱮᱭᱟᱜ ᱦᱤᱥ ᱵᱮᱱᱟᱣᱮᱱᱟ | ᱯᱟ.ᱦᱤᱞ ᱫᱷᱟ.ᱨᱛᱤ ᱞᱟ.ᱲᱦᱟ.ᱭ ᱛᱟᱭᱚᱢ ᱯᱨᱟᱱᱥ ᱟᱜ ᱥᱟᱥᱚᱱ ᱦᱨᱡ ᱮᱱᱟ | ᱥᱮᱨᱢᱟ 1975-90 ᱦᱟ.ᱵᱤᱡ ᱢᱤᱫ ᱴᱮᱱ ᱚᱲᱟᱜ ᱞᱟ.ᱲᱦᱟᱭ ᱦᱩᱭ ᱞᱮᱱᱟ ᱚᱱᱟ ᱨᱮᱭᱟᱜ ᱟᱥᱚᱞ ᱠᱟᱨᱚᱱ ᱛᱟᱦᱮ ᱠᱟᱱᱟ ᱯᱷᱳᱞᱩᱥᱛᱤᱱ ᱠᱷᱚᱱ ᱦᱮᱡ ᱟᱠᱟᱱ ᱨᱤᱯᱷᱩᱡᱤ, ᱟᱨᱚᱵᱽ ᱤᱥᱨᱟᱭᱮᱞ ᱞᱟ.ᱲᱦᱟ.ᱭ, ᱤᱨᱟᱱ ᱤᱥᱞᱟᱢᱤᱠ ᱦᱩᱞ ᱟᱨ ᱫᱷᱚᱨᱚᱢ ᱠᱟ.ᱲᱷᱟ.ᱭ ᱮᱢᱟᱱ ᱛᱟᱦᱮ ᱠᱟᱱᱟ |

ᱥᱟᱹᱠᱷᱭᱟᱹᱛᱥᱟᱯᱲᱟᱣ

  1. McGowen, Afaf Sabeh (1989). "Historical Setting". In Collelo, Thomas. Lebanon: A Country Study. Area Handbook Series (3rd ed.). Washington, D.C.: The Division. OCLC 18907889. Retrieved 24 ᱡᱩᱞᱟᱭ 2009.