ᱢᱩᱬᱩᱛ ᱢᱮᱱᱩ ᱡᱷᱤᱡᱽ ᱢᱮ
ᱟᱛᱟᱛᱩᱨᱠ ᱢᱩᱥᱛᱚᱯᱷᱟ ᱠᱟᱢᱟᱞ
ᱟᱛᱟᱛᱩᱨᱠ ᱢᱩᱥᱛᱚᱯᱷᱟ ᱠᱟᱢᱟᱞ

ᱟᱛᱟᱛᱩᱨᱠ ᱢᱩᱥᱛᱚᱯᱷᱟ ᱠᱟᱢᱟᱞ

ᱠᱟᱢᱟᱞ ᱟᱛᱟᱛᱩᱨᱠ ᱩᱨᱯᱷ ᱢᱩᱥᱛᱚᱯᱷᱟ ᱠᱟᱢᱟᱞ ᱯᱟᱥᱟ (᱑᱘᱘᱑ ᱼ ᱑᱙᱓᱘) ᱫᱚ ᱦᱟᱹᱞᱤ ᱛᱩᱨᱠᱤ ᱨᱤᱱᱤᱡ ᱥᱤᱨᱡᱚᱱᱤᱭᱟᱹ ᱢᱮᱱᱛᱮ ᱦᱚᱸᱠᱚ ᱢᱮᱛᱟᱭᱟ ᱾ ᱛᱩᱨᱠᱤ ᱨᱤᱱᱤᱡ ᱥᱟᱢᱨᱟᱡᱭᱚᱵᱟᱫᱤ ᱥᱟᱥᱚᱠ ᱫᱚᱥᱟᱨ ᱥᱩᱞᱛᱟᱱ ᱚᱵᱽᱫᱩᱞ ᱦᱚᱢᱤᱫᱽ ᱟᱜ ᱯᱟᱥᱟ ᱩᱞᱴᱟ.ᱣ ᱠᱟᱛᱮ ᱚᱸᱰᱮ ᱠᱟᱢᱟᱞᱟᱜ ᱥᱟᱶᱛᱟᱨᱤ, ᱨᱟᱡᱽᱼᱟ.ᱨᱤᱭᱟ., ᱟᱨ ᱠᱟ.ᱣᱰᱤ ᱵᱮᱵᱚᱥᱛᱟ ᱛᱚᱸᱜᱮ ᱫᱚᱦᱚᱭ ᱞᱟ.ᱜᱤᱫ ᱡᱟᱦᱟᱸ ᱦᱩᱞᱥᱟ.ᱭ ᱠᱟ.ᱢᱤ ᱩᱱᱤᱭ ᱛᱚᱨᱟᱣ ᱞᱮᱜᱼᱟ ᱚᱱᱟ ᱱᱟᱜᱟᱢᱮᱛ ᱠᱟ.ᱢᱤ ᱜᱮ ᱩᱱᱤᱭᱟᱜ ᱧᱩᱛᱩᱢ ᱫᱚ ᱢᱮᱱᱮᱛᱟᱱᱟᱜ ᱮ ᱯᱚᱨᱢᱟᱱ ᱞᱮᱜᱼᱟ ᱾

ᱡᱟᱱᱟᱢ ᱟᱨ ᱜᱤᱫᱽᱨᱟᱹ ᱚᱠᱛᱚᱥᱟᱯᱲᱟᱣ

ᱠᱟᱢᱟᱞ ᱯᱟᱥᱟ ᱦᱟᱜ ᱡᱟᱱᱟᱢ ᱫᱚ ᱑᱙ ᱢᱮ ᱑᱘᱘᱑ ᱥᱟᱞᱮᱨᱮ ᱥᱮᱞᱳᱱᱤᱠᱟ ᱨᱮᱭᱟᱜ ᱢᱤᱫ ᱪᱟ.ᱥᱤ ᱚᱲᱟᱜ ᱨᱮ ᱦᱩᱭ ᱞᱮᱱᱟ ᱾ ᱩᱱᱤ ᱟᱡ ᱟᱭᱳ ᱣᱟᱜ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ ᱡᱩᱵᱮᱭᱫᱟ ᱟᱨ ᱵᱟᱵᱟᱦᱟᱜ ᱧᱩᱛᱩᱢ ᱫᱚ ᱚᱞᱤ ᱨᱟᱡᱟ ᱛᱟᱦᱮᱸ ᱠᱟᱱᱟ ᱾ ᱚᱞᱤ ᱨᱟᱡᱟ ᱫᱚ ᱥᱚᱞᱳᱱᱤᱠᱟ ᱨᱮᱭᱟᱜ ᱪᱩᱸᱜᱤ ᱚᱯᱷᱤᱥ ᱨᱮ ᱠᱞᱚᱨᱠ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤᱭᱟᱜ ᱜᱤᱫᱽᱨᱟᱹ ᱨᱮᱭᱟᱜ ᱧᱩᱛᱩᱢ ᱫᱚ ᱢᱩᱥᱛᱚᱯᱷᱟ ᱛᱟᱦᱮᱸ ᱠᱟᱱᱟ ᱾ ᱡᱟᱱᱟᱢ ᱠᱟᱛᱮ ᱛᱤᱱᱟᱹᱜ ᱥᱮᱨᱢᱟ ᱛᱟᱭᱚᱢ ᱠᱷᱟᱱ ᱜᱮ ᱵᱟᱵᱟ ᱫᱚᱭ ᱵᱚᱸᱜᱟ ᱫᱤᱥᱚᱢ ᱮᱱᱟ ᱾ ᱟᱭᱳ ᱡᱩᱵᱮᱭᱫᱟ ᱫᱚ ᱫᱷᱚᱨᱚᱢ ᱪᱮᱛᱟᱱ ᱨᱮ ᱥᱮᱪᱮᱫ ᱦᱚᱪᱚᱭᱮ ᱞᱟ.ᱜᱤᱫ ᱩᱭᱦᱟ.ᱨ ᱠᱟᱛᱮ ᱢᱚᱫᱚᱨᱥᱮ ᱨᱮᱭ ᱵᱷᱩᱨᱛᱤ ᱠᱟᱫᱮᱭᱟ ᱾ ᱚᱸᱰᱮ ᱟᱡ ᱨᱤᱱ ᱪᱮᱛᱟᱱ ᱪᱟᱱᱚᱪ ᱪᱮᱛᱮᱫᱤᱭᱟ. ᱠᱚᱣᱟᱜ ᱟᱡ ᱪᱮᱛᱟᱱ ᱨᱮ ᱦᱟᱞᱵᱟᱞ (ᱨᱮᱜᱤᱝ) ᱠᱮᱫ ᱠᱷᱟ.ᱛᱤᱨ ᱩᱱᱤ ᱫᱚ ᱜᱩᱡᱩᱜ ᱟᱨᱵᱟᱝ ᱜᱚᱡ ᱠᱚ ᱫᱷᱟ.ᱵᱤᱡ ᱮ ᱟᱬᱜᱚ ᱮᱱᱟ ᱾ ᱥᱩᱢᱩᱝ ᱜᱮᱢᱤᱫ ᱥᱮᱨᱢᱟ ᱵᱚᱭᱚᱥ ᱨᱮᱜᱮ ᱩᱱᱤ ᱩᱱᱟ.ᱜ ᱦᱟ.ᱲᱩᱣᱟ. (ᱫᱟᱞ ᱯᱟᱦᱟᱨ ᱮᱫᱤᱡ) ᱭ ᱦᱩᱭ ᱮᱱᱟ ᱫᱚ ᱩᱱᱤ ᱚᱸᱰᱮ ᱠᱷᱚᱱ ᱩᱰᱩᱠ ᱜᱤᱰᱤ ᱦᱩᱭ ᱟᱫ ᱠᱚᱣᱟ ᱾ ᱛᱟᱭᱚᱢ ᱛᱮ ᱩᱱᱤ ᱢᱮᱱᱤᱥᱴᱚᱨ ᱨᱮᱭᱟᱜ ᱥᱚᱭᱱᱤᱠ ᱟᱥᱲᱟ ᱨᱮᱠᱚ ᱵᱷᱩᱨᱛᱤ ᱠᱟᱫᱮᱭᱟ ᱾ ᱤᱠᱷᱟ.ᱱ ᱚᱸᱰᱮ ᱦᱚᱸ ᱩᱱᱤᱭᱟᱜ ᱜᱩᱡᱩᱜ ᱢᱮᱴᱟᱣᱜ ᱨᱮᱭᱟᱜ ᱚᱡᱽ ᱫᱚ ᱛᱚᱸᱜᱮ ᱛᱟᱦᱮᱸ ᱮᱱ ᱜᱮ ᱛᱟᱭᱟ ᱾ ᱤᱠᱷᱟ.ᱱ ᱥᱮᱱᱟ ᱥᱮᱪᱮᱫᱚᱜ ᱨᱮ ᱢᱚᱱᱮ ᱛᱟᱭ ᱞᱟᱜᱟᱣ ᱮᱱ ᱠᱷᱟ.ᱛᱤᱨ ᱩᱱᱤᱭᱟᱜ ᱯᱚᱲᱦᱚᱱ ᱛᱚᱸᱜᱮ ᱛᱟᱦᱮᱸ ᱮᱱᱟ ᱾

ᱥᱮᱱᱟ ᱥᱮᱪᱮᱫᱥᱟᱯᱲᱟᱣ

 
The house where Atatürk was born in the Ottoman city of Selanik (Thessaloniki in present-day Greece)
 
The reconstructed house of Atatürk's paternal grandparents, in the Ottoman village of Kocacık (Kodžadžik in present-day North Macedonia)

ᱠᱚᱲᱟ ᱜᱤᱫᱽᱨᱟ. ᱢᱩᱥᱛᱚᱯᱷᱟ ᱦᱟ.ᱲᱩᱣᱟ. ᱫᱚ ᱱᱤᱦᱟ.ᱛᱤ ᱜᱮᱭ ᱛᱟᱦᱮᱸ ᱠᱟᱱᱟ ᱤᱠᱷᱟ.ᱱ ᱮᱞᱠᱷᱟ ᱨᱮ ᱩᱱᱤᱭᱟᱜ ᱨᱤᱦᱤᱴ ᱦᱟᱦᱟᱲᱟ ᱜᱮ ᱛᱟᱦᱮᱸ ᱠᱟᱱᱟ ᱾ ᱢᱟᱪᱮᱛᱟᱜ ᱦᱮᱸᱫᱮ ᱯᱟᱴᱟᱨᱮ ᱠᱩᱠᱞᱤ ᱚᱞ ᱵᱟᱲᱟᱭ ᱛᱮᱠᱷᱟᱱ ᱜᱮ ᱩᱱᱤ ᱫᱚ ᱚᱱᱟ ᱢᱚᱪᱟ ᱛᱮᱜᱮ ᱞᱟ.ᱭ ᱠᱟᱛᱮᱭ ᱥᱚᱞᱦᱮ ᱜᱚᱫ ᱠᱟᱜ ᱠᱟᱱ ᱛᱟᱦᱮᱸᱫ ᱾ ᱚᱱᱟᱨᱮ ᱠᱟᱢᱟᱞ ᱟᱜ ᱜᱟᱱ ᱫᱟᱲᱮ ᱧᱮᱞ ᱠᱟᱛᱮ ᱟᱥᱲᱟ ᱨᱤᱱᱤᱡ ᱮᱞᱠᱷᱟ ᱢᱟᱪᱮᱛ ᱠᱮᱯᱴᱚᱱ ᱢᱩᱥᱛᱚᱯᱷᱟ ᱩᱯᱷᱮᱫᱤ ᱫᱚ ᱧᱩᱛᱩᱢ ᱟ.ᱨᱩ ᱠᱟᱛᱮ ᱠᱟᱢᱟᱞ ᱮ ᱫᱚᱦᱚ ᱠᱮᱫ ᱛᱟᱭᱟ ᱾ ᱤᱱᱟ. ᱛᱟᱭᱚᱢ ᱠᱷᱟᱱ ᱜᱮ ᱩᱱᱤ ᱫᱚ ᱠᱟᱢᱟᱞ ᱯᱟᱥᱟ ᱧᱩᱛᱩᱢ ᱛᱮᱭ ᱩᱯᱨᱩᱢ ᱤᱫᱤᱭᱮᱱᱟ ᱾ ᱜᱮᱭᱟᱭ ᱥᱮᱨᱢᱟ ᱵᱚᱪᱷᱚᱨ ᱨᱮ ᱢᱳᱱᱟᱥᱛᱤᱨ ᱨᱮᱭᱟᱜ ᱯᱨᱟᱭᱢᱟᱨᱤ ᱥᱚᱭᱱᱤᱠ ᱟᱥᱲᱟ ᱨᱮ ᱮᱛᱚᱦᱚᱵᱟᱜ ᱥᱮᱱᱟ ᱥᱮᱪᱮᱫ ᱟᱢᱮᱴ ᱠᱮᱫ ᱛᱟᱭᱚᱢ ᱩᱱᱤ ᱫᱚ ᱠᱚᱱᱥᱴᱮᱱᱴᱤᱱᱳᱯᱞ ᱥᱴᱟᱯ ᱵᱤᱨᱫᱟ.ᱜᱟᱲ (ᱣᱟᱨ ᱮᱠᱟᱰᱮᱢᱤ) ᱞᱟᱯᱷᱟᱝ ᱥᱮᱱᱟ ᱥᱮᱪᱮᱫ ᱞᱟ.ᱜᱤᱫ ᱵᱷᱮᱡᱟ ᱦᱩᱭ ᱮᱱᱟ ᱾ ᱤᱱᱟ. ᱫᱤᱱ ᱨᱮᱫᱚ ᱠᱚᱱᱥᱴᱮᱱᱴᱤᱱᱳᱯᱞ ᱨᱮ ᱚᱵᱽᱫᱩᱞ ᱦᱚᱢᱤᱫᱽ (ᱫᱚᱥᱟᱨ) ᱨᱤᱡ ᱥᱚᱞᱛᱚᱱᱚᱛ ᱮ ᱛᱟᱦᱮᱸ ᱠᱟᱱᱟ ᱾ ᱟᱨ ᱩᱱᱤ ᱫᱚ ᱥᱩᱞᱛᱟᱱ ᱢᱮᱱᱛᱮ ᱠᱚ ᱢᱮᱛᱟᱭ ᱠᱟᱱ ᱛᱟᱦᱮᱸᱫ ᱾

ᱵᱚᱛᱚᱱ ᱥᱟᱶ ᱥᱟ.ᱜᱟ.ᱭᱥᱟᱯᱲᱟᱣ

ᱚᱸᱰᱮ ᱩᱱᱤ ᱯᱚᱲᱦᱚᱱ ᱥᱟᱶᱼᱥᱟᱶᱛᱮ ᱵᱟ.ᱲᱤᱡ ᱦᱚᱨ ᱨᱮ ᱫᱟᱬᱟ ᱟᱠᱟᱭ ᱛᱟᱦᱮᱸ ᱮᱱᱟ ᱾ ᱛᱤᱱᱟ.ᱝ ᱫᱤᱱ ᱫᱚ ᱵᱚᱫᱽᱢᱟᱥ ᱛᱮ ᱯᱮᱨᱮᱡ ᱡᱤᱭᱚᱱ ᱮ ᱠᱷᱟᱸᱰᱟᱣ ᱠᱮᱫ ᱛᱟᱭᱚᱢ ᱩᱱᱤ ᱫᱚ ᱵᱚᱛᱚᱱ ᱧᱩᱛᱩᱢᱟᱱ ᱢᱤᱫ ᱫᱟᱱᱟᱝ ᱦᱩᱞᱥᱟ.ᱭ ᱜᱟᱫᱮᱞ ᱨᱤᱱᱤᱡ ᱯᱩᱭᱞᱩ ᱥᱚᱦᱮᱫ ᱮ ᱵᱮᱱᱟᱣ ᱮᱱᱟ ᱟᱨ ᱛᱤᱱᱟ.ᱝ ᱫᱤᱱ ᱛᱟᱭᱚᱢ ᱠᱷᱟᱱ ᱜᱮ ᱚᱱᱟ ᱨᱤᱱᱤᱡ ᱱᱮᱛᱟ ᱦᱚᱸᱭ ᱵᱮᱱᱟᱣ ᱮᱱᱟ ᱾ ᱵᱚᱛᱚᱱ ᱟᱜ ᱡᱚᱥ ᱢᱤᱫ ᱯᱟᱦᱴᱟ ᱫᱚ ᱥᱩᱞᱛᱟᱱ ᱟᱜ ᱛᱟᱱᱟᱥᱟᱦᱤ ᱟᱨ ᱫᱚᱥᱟᱨ ᱯᱟᱦᱴᱟ ᱫᱚ ᱵᱤᱫᱮᱥ ᱠᱚᱣᱟᱜ ᱥᱚᱰᱚᱡᱚᱱᱛᱨᱚ ᱨᱮᱦᱮᱫ ᱥᱟᱶ ᱢᱩᱪᱟ.ᱫᱽ ᱨᱮᱭᱟᱜ ᱾ ᱢᱤᱫ ᱫᱤᱱ ᱜᱟᱫᱮᱞ ᱟᱜ ᱫᱩᱯᱲᱩᱵ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱤᱱᱟ. ᱚᱠᱛᱚ ᱨᱮ ᱚᱠᱚᱭ ᱫᱟᱱᱟᱝ ᱥᱮᱱᱟ ᱪᱚ ᱥᱩᱞᱛᱟᱱ ᱵᱮᱣᱨᱟᱭ ᱮᱢᱟ ᱫᱮᱭᱟ ᱟᱨ ᱡᱚᱛᱚ ᱯᱟ.ᱭᱛᱟ.ᱨᱤᱭᱟ. ᱚᱯᱷᱤᱥᱚᱨ ᱦᱟ.ᱲᱤ ᱠᱟᱛᱮ ᱡᱤᱦᱚᱞ ᱠᱚ ᱵᱷᱮᱡᱟ ᱠᱮᱫ ᱠᱚᱣᱟ ᱾ ᱪᱟᱞᱟᱜ ᱠᱟᱱ ᱠᱟᱱᱩᱱ ᱞᱮᱠᱟᱛᱮ ᱡᱩᱜᱩᱜ ᱥᱟᱡᱟ ᱠᱚ ᱮᱢ ᱫᱟᱲᱮᱭᱟᱠᱚᱣᱟ ᱦᱩᱱᱟ.ᱝ, ᱤᱠᱷᱟ.ᱱ ᱞᱤᱪᱟ.ᱲ ᱩᱨᱦᱟ.ᱨ ᱥᱩᱞᱛᱟᱱ ᱴᱷᱮᱱ ᱵᱚᱛᱚᱨ ᱛᱟᱦᱮᱸ ᱠᱟᱱᱟ ᱫᱚ ᱯᱟᱞᱮ ᱱᱚᱝᱠᱟ ᱞᱮᱠᱷᱟᱱ ᱫᱤᱥᱚᱢ ᱨᱮ ᱦᱩᱞ ᱥᱮᱸᱜᱮᱞ ᱵᱟᱝ ᱡᱩᱞ ᱨᱟᱠᱟᱵ ᱟᱛᱚ ᱾ ᱡᱟᱦᱟᱸ ᱠᱷᱟ.ᱛᱤᱨ ᱢᱩᱪᱟ.ᱫ ᱨᱮ ᱩᱱᱤ ᱫᱚ ᱡᱚᱛᱚ ᱦᱚᱲ ᱤᱠᱟ. ᱠᱟᱠᱚ ᱨᱮᱭᱟᱜ ᱮ ᱴᱷᱟ.ᱣᱠᱟ. ᱠᱮᱜᱼᱟ ᱾

ᱤᱠᱟ. ᱛᱟᱭᱚᱢ ᱦᱚᱸ ᱚᱱᱟ ᱠᱟ.ᱢᱤᱨᱮᱥᱟᱯᱲᱟᱣ

ᱚᱱᱠᱟ ᱜᱮ ᱮᱴᱟᱜ ᱫᱩᱥᱤ ᱞᱮᱠᱟᱜᱮ ᱠᱟᱢᱟᱞ ᱦᱚᱸ ᱤᱠᱟ. ᱨᱮᱠᱚ ᱟᱲᱟᱜ ᱠᱟᱫᱮᱭᱟ ᱾ ᱤᱱᱟ. ᱛᱟᱭᱚᱢ ᱥᱩᱞᱛᱟᱱ ᱫᱚ ᱫᱨᱩᱡᱽ ᱡᱟᱛᱤᱭᱟᱜ ᱦᱩᱞᱥᱟ.ᱨ ᱟᱠᱚᱴ ᱞᱟ.ᱜᱤᱫ ᱛᱮ ᱩᱱᱠᱩ ᱫᱚ ᱫᱟᱢᱟᱥᱠᱚᱥ ᱮ ᱵᱷᱮᱡᱟ ᱠᱮᱫ ᱠᱚᱣᱟ ᱾ ᱚᱸᱰᱮ ᱠᱟᱢᱟᱞ ᱫᱚ ᱠᱟ.ᱢᱤ ᱢᱟ ᱟ.ᱰᱤ ᱱᱟᱯᱟᱭ ᱜᱮᱭ ᱠᱟ.ᱢᱤ ᱠᱮᱜᱼᱟ ᱾ ᱤᱠᱷᱟ.ᱱ ᱪᱟ.ᱭᱼᱪᱚᱞᱚᱱ ᱞᱮᱠᱟᱛᱮ ᱠᱚᱥᱛᱟᱱᱛᱤᱭᱟᱸ ᱭ ᱨᱩᱣᱟ.ᱲ ᱮᱱ ᱠᱷᱟᱱ ᱜᱮ ᱩᱱᱤ ᱫᱚ ᱥᱛᱟᱢᱵᱩᱞ ᱨᱮ ᱢᱤᱫ ᱠᱷᱩᱸᱫᱽᱲᱤ ᱦᱟᱛᱟᱣ ᱠᱟᱛᱮ ᱵᱚᱛᱚᱱ ᱼᱚᱼᱦᱩᱨᱤᱭᱚᱛ ᱯᱟᱨᱴᱤ ᱠᱟ.ᱢᱤᱥᱟᱲᱟ ᱡᱷᱤᱡ ᱠᱟᱛᱮ ᱚᱱᱟᱨᱮ ᱯᱷᱩᱨᱜᱟ.ᱞ ᱨᱮᱭᱟᱜ ᱩᱠᱩ ᱜᱟᱶᱛᱟ ᱨᱮᱭᱟᱜ ᱠᱟ.ᱢᱤᱭ ᱮᱛᱚᱦᱚᱵ ᱠᱮᱜᱼᱟ ᱾ ᱱᱤᱭᱟ. ᱚᱠᱛᱚ ᱨᱮ ᱩᱱᱤ ᱱᱚᱶᱟᱭ ᱵᱟᱰᱟᱭ ᱧᱟᱢ ᱠᱮᱜᱼᱟ ᱫᱚ ᱢᱚᱠᱫᱩᱱᱤᱭᱟ. ᱨᱮ ᱥᱩᱞᱛᱟᱱ ᱵᱤᱨᱩᱫᱷ ᱠᱟᱛᱮ ᱠᱷᱩᱞᱟ. ᱦᱩᱞᱥᱟ.ᱭ ᱦᱩᱭᱩᱜ ᱞᱟ.ᱜᱤᱫ ᱾ ᱚᱠᱛᱚ ᱨᱮᱭᱟᱜ ᱛᱟᱠ ᱵᱟᱪᱷᱟᱣ ᱠᱟᱛᱮ ᱠᱟᱢᱟᱞ ᱫᱚ ᱥᱩᱞᱛᱟᱱ ᱨᱤᱱ ᱯᱷᱟ.ᱫᱽ ᱠᱷᱚᱱ ᱰᱤᱜᱟ. ᱦᱟᱛᱟᱣ ᱠᱟᱛᱮ ᱡᱟᱯᱷᱟ, ᱢᱤᱨᱩᱫᱟ, ᱟᱨ ᱮᱛᱷᱮᱱᱥ ᱥᱮᱫ ᱛᱮ ᱨᱩᱯ ᱟ.ᱨᱩ ᱠᱟᱛᱮ ᱦᱩᱞᱥᱟ.ᱭ ᱨᱮᱭᱟᱜ ᱛᱟᱞᱢᱟ ᱥᱚᱞᱳᱱᱤᱠᱟᱭ ᱥᱮᱱ ᱥᱮᱴᱮᱨ ᱮᱱᱟ ᱾ ᱤᱠᱷᱟ.ᱱ ᱚᱸᱰᱮ ᱩᱱᱤ ᱠᱚ ᱪᱤᱱᱦᱟ.ᱣ ᱠᱮᱫᱮᱭᱟ ᱾

ᱟᱯᱚᱱ ᱡᱤᱭᱚᱱᱥᱟᱯᱲᱟᱣ

ᱚᱱᱠᱟ ᱢᱟ ᱠᱟᱢᱟᱞ ᱯᱟᱥᱟᱦᱟᱜ ᱡᱤᱭᱚᱱ ᱨᱮ ᱯᱩᱱᱭᱟ. ᱠᱩᱲᱤ ᱦᱚᱯᱚᱱ ᱥᱟᱶ ᱩᱱᱤᱭᱟᱜ ᱫᱩᱯᱩᱞᱟ.ᱲ ᱥᱟ.ᱜᱟ.ᱭ ᱛᱟᱦᱮᱸ ᱠᱟᱱᱟ ᱤᱠᱷᱟ.ᱱ ᱵᱟᱯᱞᱟ ᱫᱚ ᱩᱱᱤ ᱠᱷᱟ.ᱞᱤ ᱞᱚᱛᱤᱯᱷᱤ ᱩᱥᱥᱟᱠᱤ ᱥᱟᱶ ᱮ ᱵᱟᱯᱞᱟ ᱮᱱᱟ ᱾ ᱡᱩᱫᱤ ᱦᱚᱸ ᱠᱟᱢᱟᱞ ᱨᱤᱱ ᱢᱤᱫ ᱦᱚᱸ ᱦᱚᱯᱚᱱ ᱵᱟᱠᱚ ᱦᱩᱭ ᱞᱮᱱᱟ ᱟᱨ ᱮᱨᱟ ᱛᱟᱭ ᱵᱤᱱ ᱦᱚᱯᱚᱱ ᱜᱮᱭ ᱵᱚᱸᱜᱟ ᱫᱤᱥᱚᱢ ᱮᱱᱟ ᱾ ᱮᱨᱟᱦᱟᱜ ᱜᱩᱨ ᱛᱟᱭᱚᱢ ᱢᱩᱥᱛᱟᱯᱷᱟ ᱠᱟᱢᱟᱞ ᱯᱟᱥᱟ ᱫᱚ ᱛᱤᱥ ᱦᱚᱸ ᱵᱟᱭ ᱵᱟᱯᱞᱟ ᱞᱮᱱᱟ ᱾ ᱡᱤᱭᱚᱱ ᱨᱮᱭᱟᱜ ᱮᱠᱞᱟ ᱚᱠᱛᱚ ᱥᱟᱦᱟᱭ ᱞᱟ.ᱜᱤᱫ ᱩᱱᱤ ᱜᱮᱯᱮ ᱜᱚᱴᱟᱝ ᱴᱩᱣᱟ.ᱨ ᱜᱤᱫᱟᱹᱨᱟᱭ ᱟᱯᱱᱟᱨ ᱠᱮᱫ ᱠᱚᱣᱟ ᱾ ᱟᱨ ᱩᱱᱠᱩ ᱟ.ᱰᱤ ᱱᱟᱯᱟᱭ ᱛᱮᱭ ᱡᱚᱛᱚᱱ ᱦᱟᱨᱟ ᱠᱮᱫ ᱠᱚᱣᱟ ᱾ ᱱᱩᱠᱩ ᱜᱮᱯᱮ ᱜᱚᱴᱟᱝ ᱜᱤᱫᱽᱨᱟ. ᱠᱷᱚᱱ ᱜᱮᱵᱟᱨ ᱦᱚᱲ ᱫᱚ ᱠᱩᱲᱤ ᱜᱤᱫᱽᱨᱟ. ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱢᱤᱫ ᱦᱚᱲ ᱜᱮ ᱠᱚᱲᱟ ᱜᱤᱫᱽᱨᱟ. ᱫᱚᱭ ᱛᱟᱦᱮᱸ ᱠᱟᱱᱟ ᱾


ᱟᱨ ᱦᱚᱸ ᱧᱮᱞ ᱢᱮᱥᱟᱯᱲᱟᱣ

ᱥᱟ.ᱠᱷᱭᱟ.ᱛᱥᱟᱯᱲᱟᱣ

ᱵᱟᱦᱨᱮ ᱡᱚᱱᱚᱲᱥᱟᱯᱲᱟᱣ