ᱟᱜᱷᱟᱬ ᱵᱚᱝᱜᱟ
ᱟᱜᱷᱟᱬ ᱵᱚᱝᱜᱟ ᱫᱚ ᱥᱮᱨᱢᱟ ᱨᱮᱱᱟᱜ ᱜᱮᱢᱤᱫᱟᱜ ᱵᱚᱝᱜᱟ ᱵᱟᱝ ᱪᱟᱸᱫᱚ ᱠᱟᱱᱟ ᱾ ᱱᱚᱶᱟ ᱪᱟᱸᱫᱚ ᱫᱚ ᱥᱚᱦᱨᱟᱭ ᱵᱚᱝᱜᱟ ᱛᱟᱭᱚᱢ ᱟᱨ ᱯᱩᱥ ᱵᱚᱝᱜᱟ ᱢᱟᱬᱟᱝ ᱦᱤᱡᱩᱜ-ᱟ ᱾ ᱱᱚᱶᱟ ᱪᱟᱸᱫᱚ ᱨᱮ ᱫᱚ ᱴᱚᱴᱷᱟ ᱡᱟᱹᱱᱤᱡ ᱦᱳᱲᱳ ᱤᱨᱩᱜ ᱠᱚ ᱥᱟᱹᱨᱫᱤ ᱠᱚᱜ-ᱟ ᱾ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱚᱠᱟ ᱠᱚᱬ ᱠᱚᱨᱮ ᱪᱚᱝ ᱨᱟᱵᱟᱝ ᱵᱚᱞᱚ ᱠᱚᱜ-ᱟ ᱾ ᱫᱟᱨᱮ ᱥᱟᱠᱟᱢ ᱧᱩᱨᱚᱜ ᱮᱭᱦᱚᱵ ᱠᱚᱜ-ᱟ ᱾ ᱥᱮᱨᱢᱟ ᱨᱮ ᱠᱩᱦᱲᱟᱹ ᱛᱟᱦᱮᱱᱟ ᱾ ᱪᱮᱬᱮ ᱪᱤᱯᱨᱩᱡ ᱠᱚᱣᱟᱜ ᱦᱚᱲᱢᱚ ᱪᱚᱨᱚᱠᱚᱜ-ᱟ ᱟᱨ ᱫᱟᱲᱮ ᱥᱟᱨᱥᱟᱣᱜ-ᱟ ᱾ ᱡᱟᱹᱱᱤ ᱠᱚᱣᱟᱜ ᱦᱚᱲᱢᱚ ᱞᱤᱪᱟᱹᱲᱚᱜ-ᱟ ᱟᱨ ᱫᱟᱲᱮ ᱱᱟᱦᱮᱫᱚᱜ-ᱟ ᱾ ᱫᱷᱟᱹᱨᱛᱤ ᱨᱮ ᱫᱷᱩᱲᱤ ᱚᱴᱟᱝ ᱚᱜ-ᱟ ᱾ ᱧᱤᱫᱟᱹ ᱥᱤᱥᱤᱨ ᱧᱩᱨᱚᱜ-ᱟ ᱾ ᱜᱚᱸᱜᱷᱟ, ᱠᱟᱴᱠᱚᱢ, ᱵᱤᱧ, ᱠᱤᱫᱤᱧ ᱠᱚ ᱫᱚ ᱠᱚ ᱵᱟᱭᱚᱜ-ᱟ ᱾ ᱠᱷᱤᱠᱲᱤ ᱠᱚ ᱨᱟᱜᱽᱼᱟ ᱟᱨ ᱛᱩᱭᱩ ᱠᱚ ᱠᱟᱨᱟᱡᱚᱜ-ᱟ ᱾
ᱵᱚᱝᱜᱟ ᱵᱳᱨᱳ ᱠᱚ
ᱥᱟᱯᱲᱟᱣᱵᱚᱝᱜᱟ ᱵᱳᱨᱳ ᱞᱮᱠᱟ ᱛᱮᱫᱚ ᱟᱵᱽᱜᱮ ᱠᱚ ᱵᱚ ᱝᱜᱟᱜ-ᱟ ᱾ ᱟᱵᱽᱜᱮ ᱵᱚᱝᱜᱟ ᱫᱚ ᱯᱟᱹᱨᱤᱥ ᱡᱟᱹᱱᱤᱡ ᱠᱚ ᱡᱩᱫᱟᱹ ᱡᱩᱫᱟᱹ ᱜᱮᱭᱟ ᱾ ᱟᱵᱽᱜᱮ ᱫᱚ ᱚᱲᱟᱜ ᱠᱷᱚᱱ ᱯᱷᱟᱨᱟᱠ ᱴᱟᱺᱰᱤ ᱨᱮ ᱠᱚ ᱵᱚᱝᱜᱟᱜ-ᱟ ᱾ ᱵᱩᱱᱩᱢ ᱵᱩᱴᱟᱹ ᱨᱮ ᱠᱚ ᱵᱚᱝᱜᱟᱜ-ᱟ ᱾ ᱵᱩᱱᱩᱢ ᱫᱚ ᱱᱟᱶᱟᱱᱟᱜ ᱠᱷᱟᱱ ᱱᱟᱯᱟᱭᱟ ᱵᱟᱝᱠᱷᱟᱱ ᱢᱟᱨᱮ ᱵᱩᱱᱩᱱ ᱨᱮ ᱦᱚᱸ ᱱᱟᱯᱟᱭ ᱜᱮᱭᱟ ᱾ ᱵᱚᱝᱜᱟ ᱧᱩᱛᱩᱱ ᱫᱟᱬᱮ ᱟᱨ ᱮᱢᱟᱱ ᱥᱮᱨᱣᱟ ᱠᱚ ᱫᱚ ᱯᱟᱹᱨᱤᱥ ᱡᱟᱹᱱᱤᱡ ᱡᱩᱫᱟᱹ ᱡᱩᱫᱟᱹ ᱜᱮᱭᱟ ᱾ ᱟᱵᱽᱜᱮ ᱵᱚᱝᱜᱟ ᱨᱮ ᱫᱚ ᱠᱩᱲᱤ ᱠᱚ ᱫᱚ ᱵᱟᱠᱚ ᱥᱮᱞᱮᱫ ᱠᱚᱣᱟ ᱾ ᱚᱝᱥᱚ ᱵᱚᱝᱥᱚ ᱟᱨ ᱦᱚᱯᱚᱱ ᱮᱨᱟ ᱢᱤᱥᱨᱟ ᱡᱟᱶᱟᱭ ᱠᱚ ᱫᱚ ᱠᱚ ᱥᱮᱞᱮᱫ ᱠᱚᱜᱮᱭᱟ ᱾ ᱮᱴᱟᱜ ᱦᱚᱲ ᱠᱚ ᱫᱚ ᱱᱚᱣᱟ ᱵᱚᱝᱜᱟ ᱡᱤᱞ ᱠᱚ ᱵᱟᱠᱚ ᱮᱢᱟ ᱠᱚᱣᱟ ᱾ ᱡᱟᱦᱟᱭ ᱠᱚ ᱡᱚᱢ ᱚᱠᱛᱚ ᱠᱚᱨᱮ ᱠᱚ ᱥᱮᱴᱮᱨ ᱞᱮᱱᱠᱷᱟᱱ ᱟᱨᱵᱟᱝ ᱠᱷᱟᱱ ᱵᱚᱝᱜᱟ ᱡᱤᱞ ᱠᱚ ᱡᱚᱢ ᱵᱟᱹᱲᱛᱤ ᱞᱮᱠᱷᱟᱱ ᱡᱟᱦᱟᱸᱭ ᱜᱮ ᱠᱚ ᱦᱚᱦᱚ ᱟᱠᱚᱣᱟ ᱥᱮᱛᱟ ᱞᱮᱠᱟ ᱞᱮ~ᱮ ᱞᱮ~ᱮ ᱵᱷᱩᱞᱟᱹ ᱞᱮ~ᱮ ᱞᱮ~ᱮ ᱾ ᱢᱟᱹᱱᱢᱤ ᱞᱮᱠᱟ ᱫᱚ ᱵᱟᱠᱚ ᱵᱮᱵᱷᱟᱨ ᱠᱚᱣᱟ ᱾ ᱢᱮᱱᱫᱚ ᱟᱵᱽᱜᱮ ᱵᱚᱝᱜᱟ ᱡᱤᱞ ᱫᱚ ᱮᱴᱟᱜ ᱦᱚᱲ ᱫᱚ ᱵᱟᱠᱚ ᱮᱢᱟ ᱠᱚᱣᱟ ᱾
ᱯᱟᱨᱟᱵᱽ ᱯᱩᱱᱟᱹᱭ
ᱥᱟᱯᱲᱟᱣᱯᱟᱨᱟᱵᱽ ᱠᱚ ᱫᱚ ᱚᱱᱠᱟ ᱡᱩᱫᱟᱹ ᱛᱮᱫᱚ ᱵᱟᱹᱱᱩᱜ ᱟ.ᱱᱤᱡ ᱾ ᱮᱱᱦᱚᱸ ᱱᱚᱶᱟ ᱫᱚ ᱤᱨᱩᱜ ᱥᱤᱫ ᱪᱟᱸᱫᱚ ᱠᱷᱟᱹᱛᱤᱨ, ᱛᱤᱱᱟᱹᱜ ᱯᱟᱹᱨᱤᱥ ᱟᱱ ᱦᱚᱲ ᱫᱚ ᱵᱟᱹᱫᱽ ᱠᱷᱚᱱ ᱠᱷᱮᱛ ᱠᱚ ᱨᱟᱠᱟᱵᱼᱟ ᱟᱨ ᱚᱲᱟᱜ ᱨᱮ ᱰᱩᱸᱵᱩᱜ ᱯᱤᱴᱷᱟᱹ ᱠᱚ ᱵᱮᱱᱟᱣᱟ ᱾ ᱯᱟᱹᱨᱤᱥ ᱥᱮ ᱵᱚᱝᱥᱚ ᱡᱟ ᱮᱴᱟᱜ ᱜᱟᱫᱮᱞ ᱨᱤᱱ ᱦᱚᱲ ᱥᱟᱞᱟᱜ ᱜᱮ ᱯᱤᱴᱷᱟᱹ ᱰᱩᱸᱵᱩᱜ ᱡᱚᱢ ᱯᱟᱨᱟᱵᱽ ᱠᱚ ᱢᱟᱱᱟᱶᱟ ᱾
ᱡᱚᱢᱟᱜ ᱧᱩᱣᱟᱜ ᱠᱚ
ᱥᱟᱯᱲᱟᱣᱡᱚᱢᱟᱜ ᱢᱮᱱᱞᱮᱠᱷᱟᱱ ᱫᱟᱠᱟ, ᱩᱛᱩ , ᱡᱤᱞ .ᱦᱟᱹᱠᱩ , ᱡᱚ , ᱫᱟ , ᱟᱲᱟᱜ ᱮᱢᱟᱱ ᱠᱚ ᱾ ᱪᱟᱥ ᱦᱳᱲᱳ ᱨᱟᱠᱟᱵ ᱡᱚᱠᱷᱟᱜ ᱦᱳᱲᱳ ᱜᱮᱞᱮ ᱠᱚ ᱨᱟᱹᱯᱩᱫ ᱧᱩᱨ ᱠᱚᱜ-ᱟ ᱵᱟᱹᱫᱽ ᱠᱚᱨᱮ ᱾ ᱚᱱᱟᱠᱚ ᱦᱟᱞᱟᱝ ᱡᱟᱣᱨᱟ ᱠᱟᱛᱮ ᱚᱱᱟ ᱦᱳᱲᱳ ᱨᱮᱱᱟᱜ ᱦᱚᱞᱚᱝ ᱵᱮᱱᱟᱣ ᱠᱟᱛᱮ ᱠᱚ ᱰᱩᱸᱵᱩᱜᱟ ᱟᱨ ᱠᱚ ᱯᱤᱴᱷᱟᱹᱭᱟ ᱞᱮᱴᱚᱭ ᱟᱠᱚ ᱾ ᱧᱩᱨ ᱦᱳᱲᱳ ᱨᱮᱱᱟᱜ ᱪᱟᱣᱞᱮ ᱫᱚ ᱠᱚᱭ ᱫᱚ ᱵᱟᱠᱚ ᱮᱢᱟ ᱠᱚᱣᱟ ᱾
ᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣᱱᱚᱶᱟ ᱪᱟᱸᱫᱚ ᱨᱮ ᱫᱚ ᱫᱟᱨᱮ ᱥᱟᱠᱟᱢ ᱠᱚ ᱧᱩᱨᱩᱜ-ᱟ ᱾ ᱵᱤᱨ ᱵᱩᱨᱩ ᱠᱚᱨᱮ ᱡᱟᱹᱱᱤ ᱠᱚ ᱛᱩᱠᱟᱹ ᱠᱚᱨᱮ ᱰᱟᱹᱨ ᱠᱚᱨᱮ ᱛᱟᱦᱮᱱ ᱠᱚ ᱦᱟᱞᱮ ᱰᱟᱞᱮᱜ-ᱟ ᱾ ᱚᱱᱟ ᱛᱮ ᱥᱩᱭᱟᱹᱜ ᱟᱠᱚ ᱾ ᱢᱟᱹᱱᱢᱤ ᱦᱚᱸ ᱵᱤᱨ ᱵᱩᱨᱩ ᱵᱚᱞᱚᱱ ᱠᱚ ᱦᱟᱹᱯᱤᱫᱚᱜ-ᱟ ᱾ ᱟᱲᱟᱜ ᱥᱟᱠᱟᱢ ᱵᱟᱝ ᱧᱟᱢᱚᱜ-ᱟ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣᱦᱟᱯᱲᱟᱢ ᱠᱚᱣᱟᱜ ᱛᱷᱩᱛᱤ ᱵᱤᱱᱛᱤ ᱟᱨ ᱥᱤᱨᱡᱚᱱ ᱨᱮᱱᱟᱜ ᱦᱚᱭᱞᱚᱝ ᱧᱮᱞ ᱟᱠᱟᱱᱟ ᱾