ᱥᱟᱠᱟᱢ ᱚᱲᱮᱡ: ᱨᱮᱱᱟᱜ ᱫᱚᱦᱲᱟᱭᱮᱱ ᱛᱟᱞᱟᱨᱮᱭᱟᱜ ᱯᱷᱟᱨᱟᱠ ᱠᱚ

ᱫᱷᱚᱨᱚᱢ ᱟᱠᱷᱲᱟ ᱟᱨ ᱵᱟᱝᱠᱷᱟᱱ ᱫᱚᱵᱟᱹᱴᱤ ᱠᱩᱞᱦᱤ ᱢᱩᱪᱟᱹᱫ ᱠᱚᱨᱮ ᱱᱚᱶᱟ ᱫᱚᱠᱚ ᱠᱟᱹᱢᱤᱭᱟ ᱾ ᱱᱚᱶᱟ ᱠᱟᱹᱢᱤ ᱫᱚ ᱯᱩᱭᱞᱩ ᱨᱮ ᱨᱟᱭᱵᱟᱨᱤᱡ ᱵᱟᱝ ᱛᱟᱦᱮᱱ ᱨᱮ ᱜᱚᱰᱮᱛ ᱵᱟᱝ ᱨᱮ ᱡᱚᱜᱽ ᱢᱟᱹᱡᱷᱤ ᱵᱟᱝ ᱨᱮ ᱢᱟᱹᱡᱷᱤ ᱠᱚ ᱥᱚᱡᱽ ᱜᱚᱲᱚ ᱨᱮᱠᱚ ᱛᱟᱦᱮᱸᱱᱟ ᱾ ᱯᱷᱟᱨᱪᱟ ᱚᱛᱨᱮ ᱯᱩᱱ ᱠᱚᱬ ᱠᱚ ᱜᱩᱨᱤᱡᱟ , ᱚᱱᱟ ᱪᱚᱴ ᱨᱮ ᱯᱮᱨᱮᱡ ᱞᱚᱴᱟ ᱫᱟᱜ ᱠᱚ ᱫᱚᱲᱚᱢᱟ , ᱞᱚᱴᱟ ᱫᱟᱜ ᱪᱚᱴ ᱨᱮ ᱯᱮᱭᱟ ᱡᱚᱲ ᱥᱤᱨ ᱥᱟᱨᱡᱚᱢ ᱥᱟᱠᱟᱢ ᱦᱟᱹᱨᱩᱵ ᱛᱮᱠᱚ ᱫᱚᱦᱚᱭᱟ , ᱚᱱᱟ ᱪᱮᱛᱟᱱ ᱨᱮ ᱯᱮᱭᱟ ᱠᱟᱴᱠᱚᱢ ᱪᱟᱨᱮᱡ ᱠᱚ ᱫᱚᱦᱚᱭᱟ ᱾ ᱥᱟᱠᱟᱢ ᱚᱲᱮᱡᱮᱫ ᱠᱤᱱ ᱡᱩᱨᱤ ᱠᱤᱱ ᱞᱚᱴᱟ ᱫᱟᱜ ᱨᱮᱱᱟᱜ ᱯᱟᱪᱮ ᱯᱟᱦᱴᱟ ᱨᱮ ᱵᱚᱝᱜᱟ ᱨᱟᱠᱟᱵ ᱥᱮᱫ ᱥᱟᱢᱟᱝ ᱠᱟᱛᱮ ᱠᱤᱱ ᱛᱤᱸᱜᱩᱱᱟ ᱾ ᱞᱟᱹᱭ ᱟᱹᱠᱤᱱᱟᱠᱚ ᱹᱹᱹᱵᱟᱱᱟ ᱦᱚᱲᱟᱜ ᱞᱮᱸᱜᱟ ᱛᱤᱛᱮ ᱢᱟᱬᱟᱝ ᱢᱤᱫ ᱫᱷᱟᱣᱛᱮ ᱯᱮᱭᱟ ᱠᱟᱴᱠᱚᱢ ᱪᱟᱨᱮᱡ ᱠᱤᱱ ᱨᱟᱹᱯᱩᱫᱟ ᱾ ᱨᱟᱹᱯᱩᱫ ᱠᱟᱛᱮ ᱞᱚᱴᱟ ᱫᱟᱜ ᱥᱩᱨ ᱨᱮᱠᱤᱱ ᱧᱩᱨ ᱠᱟᱜ-ᱟ ᱾ ᱚᱱᱟ ᱛᱟᱭᱚᱢ ᱯᱮᱭᱟ ᱡᱚᱲ ᱥᱤᱨ ᱥᱟᱨᱡᱚᱢ ᱥᱟᱠᱟᱢ ᱦᱚᱸ ᱢᱤᱫ ᱫᱷᱟᱣ ᱨᱮ ᱞᱮᱸᱜᱟ ᱛᱤᱛᱮ ᱜᱮ ᱪᱩᱯᱤ ᱥᱮᱫ ᱨᱮ ᱥᱟᱵ ᱠᱟᱛᱮ ᱵᱚᱦᱚᱜ ᱥᱮᱫ ᱠᱤᱱ ᱪᱤᱨᱟᱹ ᱟᱹᱜᱩᱭᱟ ᱾ ᱤᱱᱟᱹ ᱛᱟᱭᱚᱢ ᱞᱚᱴᱟ ᱫᱟᱜ ᱦᱚᱸ ᱵᱟᱱᱟ ᱦᱚᱲ ᱞᱮᱸᱜᱟ ᱡᱟᱸᱜᱟ ᱛᱮ ᱠᱤᱱ ᱠᱚᱞᱥᱟ ᱦᱤᱨᱤᱡᱟ ᱵᱚᱝᱜᱟ ᱨᱟᱠᱟᱵ ᱥᱮᱫ ᱾ ᱢᱩᱪᱟᱹᱫ ᱨᱮᱫᱚ ᱚᱱᱟ ᱜᱩᱨᱤᱡᱟᱜ ᱨᱮᱜᱮ ᱛᱤᱸᱜᱩ ᱠᱟᱛᱮ ᱦᱚᱨᱟᱥᱤ ᱨᱮᱱᱟᱜ ᱥᱤᱸᱫᱩᱨ ᱯᱮ ᱫᱷᱟᱣ ᱞᱮᱸᱜᱟ ᱛᱤ ᱛᱮ ᱜᱮᱭ ᱜᱟᱥᱟᱣ ᱤᱬᱤᱡ ᱛᱟᱭ ᱛᱮ ᱞᱮᱸᱜᱟ ᱛᱤ ᱨᱮᱱᱟᱜ ᱢᱮᱬᱦᱮᱫ ᱥᱟᱠᱚᱢᱮ ᱛᱩᱫ ᱛᱟᱨᱟᱭᱮᱭᱟ ᱾ ᱟᱫᱚ ᱟᱯᱟᱱ ᱟᱹᱯᱤᱱ ᱦᱚᱨ ᱛᱮ ᱠᱤᱱ ᱥᱮᱱᱚᱜ ᱚᱠᱛᱚ ᱨᱮ ᱢᱟᱯᱟᱧᱡᱤ ᱠᱚ ᱞᱟᱹᱭ ᱟᱠᱤᱱᱟ >