ᱟᱧᱡᱟᱞᱤ ᱜᱚᱯᱟᱞᱟᱱ

ᱟᱧᱡᱟᱞᱤ ᱜᱚᱯᱟᱞᱟᱱ (ᱡᱟᱱᱟᱢᱺ ᱑ ᱥᱮᱯᱴᱟᱢᱵᱚᱨ ᱑᱙᱕᱗) ᱫᱚ ᱢᱤᱫᱴᱟᱹᱝ ᱥᱤᱧᱚᱛ ᱫᱤᱥᱚᱢ ᱨᱮᱱ ᱢᱟᱱᱣᱟ ᱟᱹᱭᱫᱟᱹᱨ ᱠᱟᱹᱢᱭᱟᱹ ᱟᱨ ᱡᱟᱱᱣᱟᱨ ᱟᱹᱭᱫᱟᱹᱨᱤ ᱠᱟᱹᱢᱭᱟᱹ ᱠᱩᱲᱤ ᱦᱚᱯᱚᱱ ᱠᱟᱱᱟᱭ ᱾ ᱩᱱᱤ ᱫᱚ ᱟᱥᱚᱠᱟᱭ ᱛᱮ ᱮᱞᱹᱡᱤᱹᱵᱤᱹᱴᱤ ᱜᱟᱛᱟᱠ ᱨᱮᱱ ᱦᱚᱲ ᱧᱩᱛᱩᱢ ᱛᱮ ᱠᱟᱹᱢᱤᱭᱟ ᱾ ᱩᱱᱤ ᱫᱚ ᱵᱮᱥᱚᱨᱠᱟᱨᱤ ᱱᱟᱡᱽ ᱯᱷᱟᱣᱩᱱᱰᱮᱥᱚᱱ ᱨᱮᱱ ᱵᱟᱵᱟᱱᱫᱷᱟᱣᱤᱡ ᱠᱟᱱᱟᱭ ᱟᱨ ᱱᱟᱦᱟᱜ ᱚᱱᱟ ᱨᱮ ᱢᱟᱨᱟᱝ ᱰᱟᱭᱨᱮᱠᱴᱚᱨ ᱠᱟᱱᱟᱭ ᱾ ᱱᱟᱡᱽ ᱯᱷᱟᱣᱩᱱᱰᱮᱥᱚᱱ ᱫᱚ ᱠᱩᱲᱤ ᱦᱚᱯᱚᱱ ᱠᱚ, ᱜᱤᱫᱽᱨᱟᱹ, ᱛᱮᱥᱟᱨ ᱡᱟᱱᱟᱝ ᱟᱨ ᱮᱞᱹᱡᱤᱹᱵᱤᱹᱴᱤᱹ ᱜᱟᱛᱟᱠ ᱨᱮᱱ ᱦᱚᱲ ᱠᱚ ᱛᱟᱞᱟ ᱨᱮ ᱮᱭᱰᱥ ᱟᱡᱟᱨ ᱤᱫᱤ ᱠᱟᱛᱮ ᱮᱵᱷᱮᱱ ᱞᱮᱫ ᱠᱚᱣᱟᱭ ᱾

ᱟᱧᱡᱟᱞᱤ ᱜᱚᱯᱟᱞᱟᱱ
ᱜᱚᱯᱟᱞᱟᱱ ᱥᱟᱨᱠᱟ ᱒᱐᱐᱙
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶ᱑ ᱥᱮᱯᱴᱮᱢᱵᱚᱨ ᱑᱙᱕᱗ (1957-09-01) (᱖᱖ ᱥᱮᱨᱢᱟ)
Madras, Madras State, India[᱑]
ᱫᱤᱥᱚᱢᱤᱭᱟᱹᱥᱤᱧᱚᱛn
ᱠᱟᱹᱢᱤLGBT rights activist,[᱒] Executive Director of The Naz Foundation (India) Trust[᱓]
ᱥᱤᱨᱯᱷᱟᱹChevalier de la Legion d'Honneur

ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ ᱥᱟᱯᱲᱟᱣ

ᱟᱧᱡᱟᱞᱤ ᱜᱚᱯᱟᱞᱟᱱ ᱫᱚ ᱑᱙᱕᱗ ᱥᱮᱨᱢᱟ ᱨᱮ ᱛᱟᱢᱤᱞ ᱱᱟᱰᱩ ᱯᱚᱱᱚᱛ ᱨᱮᱭᱟᱜ ᱪᱮᱱᱱᱟᱭ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱩᱱᱤ ᱨᱮᱱ ᱟᱯᱟᱛ ᱟᱜ ᱧᱩᱛᱩᱧ ᱫᱚ ᱰᱨᱹ ᱠᱮᱹ ᱟᱨᱹ ᱜᱚᱯᱟᱞᱟᱱ ᱛᱟᱦᱮᱸ ᱠᱟᱱᱟ, ᱩᱱᱤ ᱫᱚ ᱮᱭᱟᱨ ᱯᱷᱳᱨᱥ ᱨᱮᱱ ᱜᱽᱨᱩᱯ ᱠᱮᱯᱴᱮᱭᱱ ᱮ ᱛᱟᱦᱮᱸ ᱠᱟᱱᱟ ᱟᱨ ᱩᱱᱤ ᱨᱮᱱ ᱯᱟᱧᱡᱟᱵᱤ ᱮᱝᱜᱟᱛ ᱫᱚ ᱜᱷᱟᱨᱚᱸᱡᱽ ᱮᱨᱟ ᱜᱮ ᱛᱟᱦᱮ ᱠᱟᱱᱟᱭ ᱾ ᱟᱧᱡᱟᱞᱤ ᱫᱚ ᱟᱡᱟᱜ ᱮᱛᱚᱦᱚᱵ ᱥᱮᱪᱮᱫ ᱫᱚ ᱞᱟᱠᱷᱱᱟᱣ ᱨᱮ ᱦᱟᱛᱟᱣ ᱞᱮᱫᱼᱟ ᱾

ᱩᱱᱤ ᱫᱚ ᱵᱟᱨ ᱡᱟᱭᱜᱟ ᱨᱮ ᱯᱟᱲᱦᱟᱣ ᱞᱮᱱᱟ ᱥᱤᱧᱚᱛ ᱟᱨ ᱟᱢᱮᱨᱤᱠᱟᱱ ᱨᱮ ᱦᱚᱸ, ᱟᱨ ᱩᱱᱤ ᱫᱚ ᱞᱮᱰᱤ ᱥᱨᱤ ᱨᱟᱢ ᱠᱚᱞᱮᱡᱽ ᱯᱷᱚᱨ ᱣᱩᱢᱮᱱ ᱠᱷᱚᱱ ᱨᱟᱡᱽ ᱟᱹᱨᱤ ᱥᱟᱬᱮᱥ ᱨᱮ ᱰᱤᱜᱽᱨᱤ (ᱥᱚᱱᱮᱨ ᱥᱟᱹᱛ) ᱟᱢᱮᱴ ᱞᱮᱫᱼᱟ, ᱟᱨ ᱡᱟᱣᱟᱦᱟᱨ ᱞᱟᱞ ᱱᱮᱦᱨᱩ ᱭᱩᱱᱤᱵᱷᱟᱨᱥᱤᱴᱤ ᱠᱷᱚᱱ ᱡᱟᱨᱱᱟᱞᱤᱡᱚᱢ ᱨᱮ ᱯᱳᱥᱴ ᱜᱽᱨᱮᱡᱩᱣᱮᱴ ᱰᱤᱯᱞᱚᱢᱟᱭ ᱦᱟᱛᱟᱣ ᱞᱮᱫᱼᱟ ᱾

ᱠᱟᱹᱢᱭᱟᱹ ᱡᱤᱭᱚᱱ ᱥᱟᱯᱲᱟᱣ

ᱟᱧᱡᱟᱞᱤ ᱫᱚ ᱟᱢᱫᱟᱡᱽ ᱢᱤᱫ ᱜᱮᱞ ᱥᱮᱨᱢᱟ ᱱᱤᱣ ᱭᱚᱨᱠ ᱨᱮ ᱢᱤᱫᱴᱟᱹᱝ ᱜᱟᱶᱛᱟ ᱥᱟᱶ ᱮ ᱠᱟᱹᱢᱤ ᱞᱮᱫᱼᱟ ᱾ ᱱᱚᱣᱟ ᱜᱟᱶᱛᱟ ᱫᱚ ᱞᱟᱹᱠᱛᱤᱭᱟᱱ ᱵᱤᱱ-ᱥᱟᱠᱟᱢ ᱛᱮ ᱟᱢᱮᱨᱤᱠᱟ ᱛᱮ ᱠᱚ ᱥᱮᱱ ᱟᱠᱟᱱ ᱮᱛᱚᱢ ᱥᱟᱢᱟᱝ ᱮᱥᱤᱭᱟ ᱨᱮᱱ ᱦᱚᱲ ᱠᱚ ᱜᱚᱲᱚ ᱟᱠᱚ ᱠᱟᱱ ᱛᱟᱦᱮᱸ ᱠᱟᱱᱟ ᱾ ᱛᱟᱭᱚᱢ ᱛᱮ ᱥᱤᱧᱚᱛ ᱫᱤᱥᱚᱢ ᱛᱮ ᱦᱮᱡ ᱠᱟᱛᱮ ᱱᱟᱡᱽ ᱯᱷᱟᱣᱩᱱᱰᱮᱥᱚᱱ ᱮ ᱵᱟᱸᱫᱷᱟᱣ ᱠᱮᱫᱼᱟ ᱾ ᱱᱟᱡᱽ ᱯᱷᱟᱣᱩᱱᱰᱮᱥᱚᱱ ᱫᱚ ᱮᱭᱰᱥ ᱟᱡᱟᱨ ᱨᱮ ᱯᱟᱲᱟᱣ ᱟᱠᱟᱱ ᱟᱭᱢᱟ ᱠᱩᱲᱤ ᱦᱚᱯᱚᱱ, ᱜᱤᱫᱽᱨᱟᱹ ᱟᱨ ᱮᱞᱹᱡᱤᱹᱵᱤᱹᱴᱤᱹ ᱜᱟᱶᱛᱟ ᱨᱮᱱ ᱦᱚᱲᱠᱚ ᱱᱟᱣᱟ ᱡᱤᱭᱚᱱ ᱮ ᱮᱢᱟᱫ ᱠᱚᱣᱟ ᱾ ᱑᱙᱙᱔ ᱥᱮᱨᱢᱟ ᱨᱮ ᱩᱱᱤ ᱫᱚ ᱱᱟᱣᱟ ᱫᱤᱞᱞᱤ ᱨᱮ ᱯᱟᱹᱦᱤᱞ ᱮᱪᱹᱟᱭᱹᱵᱷᱤᱹ ᱠᱞᱤᱱᱤᱠ ᱮ ᱵᱟᱱᱫᱷᱟᱣ ᱞᱮᱫᱼᱟ ᱾ ᱒᱐᱐᱐ ᱥᱮᱨᱢᱟ ᱨᱮ ᱫᱤᱥᱚᱢ ᱨᱮᱭᱟᱜ ᱯᱟᱹᱦᱤᱞ ᱩᱛᱟᱹᱨ ᱮᱪᱹᱟᱭᱹᱵᱷᱤᱹ ᱛᱮ ᱵᱟᱡᱟᱣ ᱟᱠᱟᱱ ᱠᱩᱲᱤ ᱦᱚᱯᱚᱱ ᱟᱨ ᱜᱤᱫᱽᱨᱟᱹ ᱠᱚᱣᱟᱜ ᱜᱷᱟᱨᱚᱸᱡᱽ ᱮ ᱡᱚᱛᱚᱱ ᱮᱫ ᱛᱟᱦᱮᱱᱟ ᱾

ᱥᱤᱨᱯᱷᱟᱹ ᱟᱨ ᱢᱟᱱᱚᱛ ᱥᱟᱯᱲᱟᱣ

ᱟᱧᱡᱟᱞᱤ ᱜᱚᱯᱟᱞᱟᱱ ᱫᱚ ᱟᱹᱰᱤ ᱟᱭᱢᱟ ᱡᱟᱹᱛᱨᱤᱭᱟᱹ ᱟᱨ ᱡᱟᱹᱡᱟᱹᱛᱨᱤᱭᱟᱹ ᱥᱤᱨᱯᱷᱟᱹ ᱠᱚᱭ ᱟᱢᱮᱴ ᱟᱠᱟᱫᱼᱟ ᱾ ᱒᱐᱐᱑ ᱥᱮᱨᱢᱟ ᱨᱮ ᱩᱱᱤ ᱫᱚ ᱠᱚᱢᱚᱱ ᱣᱮᱞᱛᱷ ᱥᱤᱨᱯᱷᱟᱹᱭ ᱟᱢᱮᱴ ᱞᱮᱫᱼᱟ ᱾ ᱒᱐᱐᱓ ᱥᱮᱨᱢᱟ ᱨᱮ ᱩᱱᱤ ᱫᱚ ᱮᱭᱰᱥ ᱛᱮ ᱠᱚ ᱵᱟᱡᱟᱣ ᱟᱠᱟᱱ ᱦᱚᱲ ᱠᱚ ᱧᱩᱛᱩᱢ ᱛᱮ ᱪᱮᱱᱱᱟᱭ ᱨᱮᱭᱟᱜ ᱢᱟᱱᱣᱟ ᱥᱮᱣᱟ ᱫᱷᱚᱨᱚᱢ ᱯᱟᱥᱴᱟ ᱠᱷᱚᱱ ᱥᱟᱫᱽ ᱜᱩᱨᱩ ᱜᱽᱭᱟᱱᱟᱱᱫᱟᱱ ᱥᱤᱨᱯᱷᱟᱹ ᱛᱮ ᱠᱚ ᱢᱟᱱᱚᱛ ᱞᱮᱫᱮᱭᱟ ᱾ ᱒᱐᱐᱗ ᱥᱮᱨᱢᱟ ᱨᱮ ᱩᱱᱤ ᱫᱚ ᱥᱤᱧᱚᱛ ᱥᱟᱨᱠᱟᱨ ᱟᱜ ᱠᱩᱲᱤ ᱦᱚᱯᱚᱱ ᱟᱨ ᱜᱤᱫᱽᱨᱟᱹ ᱩᱛᱱᱟᱹᱣ ᱢᱚᱱᱛᱨᱚᱱᱟᱭᱚᱭ ᱯᱟᱥᱴᱟ ᱠᱷᱚᱱ ᱠᱚ ᱢᱟᱱᱚᱛ ᱞᱮᱫᱮᱭᱟ ᱾ ᱒᱐᱑᱒ ᱥᱮᱨᱢᱟ ᱨᱮ ᱮᱥᱤᱭᱟ ᱨᱮᱱ ᱯᱟᱹᱦᱤᱞ ᱡᱮᱱᱰᱟᱨ ᱠᱩᱭᱤᱨ ᱯᱨᱟᱭᱤᱰ ᱯᱟᱨᱮᱰ ᱞᱮᱠᱟᱱ ᱴᱩᱨᱤᱝ ᱯᱟᱨᱟᱵ ᱨᱮ ᱢᱤᱫ ᱯᱚᱨᱚᱵ ᱮ ᱩᱰᱦᱟᱹᱣ ᱞᱮᱫᱼᱟ ᱾

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ

  1. "World People's Blog". Archived from the original on 2 April 2015. Retrieved 20 March 2015.
  2. Activists welcome India gay ruling BBC 3 July 2009 06:55 UK
  3. About Naz India Archived ᱒᱙ ᱡᱩᱱ ᱒᱐᱑᱒ at Archive.is Naz Foundation (India) Trust retrieved 14 May 2012