ᱟᱨᱭᱟ ᱟᱢᱵᱮᱠᱚᱨ
ᱟᱨᱭᱟ ᱟᱢᱵᱮᱠᱚᱨ ᱫᱚ ᱢᱚᱦᱟᱨᱟᱥᱴᱨᱚ ᱨᱮᱱᱟᱜ ᱯᱩᱱᱮ ᱨᱤᱱᱤᱡ ᱢᱤᱫ ᱢᱟᱨᱟᱴᱷᱤ ᱯᱞᱮᱵᱮᱠ ᱥᱮᱨᱮᱧᱤᱭᱟᱹ ᱟᱨ ᱮᱱᱮᱡᱤᱭᱟᱹ ᱠᱟᱱᱟᱭ ᱾ ᱢᱟᱨᱟᱴᱷᱤ ᱟᱨ ᱦᱤᱱᱫᱤ ᱯᱷᱤᱞᱢ ᱟᱨ ᱮᱞᱵᱚᱢ ᱞᱟᱹᱜᱤᱫ ᱟᱭᱢᱟ ᱥᱮᱨᱮᱧ ᱠᱚᱭ ᱨᱮᱠᱚᱨᱰ ᱟᱠᱟᱫᱟ ᱾ ᱩᱱᱤ ᱫᱚ ᱥᱤᱧᱚᱛ ᱟᱨ ᱥᱮᱞᱮᱫ ᱟᱨᱚᱵᱽ ᱟᱢᱤᱨᱟᱛ, ᱡᱩᱢᱤᱫᱽ ᱯᱚᱱᱚᱛ ᱟᱢᱮᱨᱤᱠᱟ ᱥᱟᱶᱛᱮ ᱮᱴᱟᱜ ᱫᱤᱥᱚᱢ ᱠᱚᱨᱮ ᱦᱚᱸ ᱟᱭᱢᱟ ᱞᱮᱠᱟᱱ ᱥᱮᱨᱮᱧ ᱠᱚᱭ ᱥᱮᱨᱮᱧ ᱟᱠᱟᱫᱟᱭ ᱾ ᱟᱨᱭᱟ ᱫᱚ ᱯᱷᱤᱞᱢ ᱯᱷᱮᱭᱟᱨ ᱥᱤᱨᱯᱷᱟᱹ ᱥᱟᱶᱛᱮ ᱟᱭᱢᱟ ᱥᱤᱨᱯᱷᱟᱹᱭ ᱡᱤᱛᱠᱟᱹᱨ ᱟᱠᱟᱫᱟ ᱾
| ᱟᱨᱭᱟ ᱟᱢᱵᱮᱠᱚᱨ | |||||||||
|---|---|---|---|---|---|---|---|---|---|
 ᱟᱨᱭᱟ ᱒᱐᱒᱒ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱱᱟᱯᱟᱭ ᱯᱞᱮᱵᱮᱠ ᱥᱮᱨᱮᱧᱤᱭᱟᱹ ᱨᱤᱱᱤᱡ ᱡᱤ ᱜᱚᱣᱨᱚᱵᱽ ᱴᱨᱳᱯᱤ ᱥᱟᱶ | |||||||||
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱱᱟᱜᱽᱯᱩᱨ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ | ||||||||
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ | ||||||||
| ᱠᱟᱹᱢᱤ |
| ||||||||
| ᱠᱟᱹᱢᱤ ᱚᱠᱛᱚ | ᱒᱐᱐᱘ ᱠᱷᱚᱱ ᱱᱤᱛ ᱫᱷᱟᱹᱨᱤᱡ | ||||||||
| ᱧᱩᱢᱱᱟᱢ | |||||||||
| |||||||||
ᱩᱱᱤ ᱫᱚ ᱡᱩᱞᱟᱭ ᱒᱐᱐᱘ ᱟᱨ ᱯᱷᱮᱵᱽᱨᱩᱣᱟᱨᱤ ᱒᱐᱐᱙ ᱛᱟᱞᱟ ᱨᱮ ᱡᱤ ᱢᱟᱨᱟᱴᱷᱤ ᱪᱮᱱᱟᱞ ᱨᱮ ᱩᱪᱷᱟᱹᱱ ᱟᱠᱟᱱ ᱥᱟ ᱨᱮ ᱜᱟ ᱢᱟ ᱯᱟ ᱢᱟᱨᱟᱴᱷᱤ ᱞᱤᱞ ᱪᱟᱢᱯᱥ[᱑] ᱨᱮᱱᱟᱜ ᱯᱩᱭᱞᱩ ᱥᱤᱨᱯᱷᱟᱹ ᱨᱮ ᱥᱮᱞᱮᱫ ᱮᱱᱟᱭ ᱟᱨ ᱯᱷᱟᱭᱱᱟᱞ ᱨᱮ ᱥᱮᱱ ᱮᱱᱟᱭ ᱾
ᱟᱨᱭᱟ ᱫᱚ ᱒᱐᱑᱗ ᱥᱮᱨᱢᱟ ᱨᱮᱱᱟᱜ ᱡᱟᱱᱩᱣᱟᱨᱤ ᱪᱟᱸᱫᱚ ᱨᱮ ᱯᱷᱤᱞᱢ ᱛᱤ ᱥᱟᱫᱷᱭᱟ ᱠᱮ ᱠᱟᱨᱛᱮ ᱠᱷᱚᱱ ᱯᱟᱴ ᱮ ᱮᱛᱚᱦᱚᱵ ᱞᱮᱫᱼᱟ ᱾[᱑][᱒]
ᱱᱤᱡᱮᱨᱟᱜ ᱡᱤᱭᱚᱱ
ᱥᱟᱯᱲᱟᱣᱟᱨᱭᱟ ᱫᱚ ᱥᱚᱢᱤᱨ ᱟᱢᱵᱮᱠᱚᱨ ᱟᱨ ᱥᱨᱩᱛᱤ ᱟᱢᱵᱮᱠᱚᱨ ᱛᱤᱠᱤᱱᱤᱡ ᱦᱚᱯᱚᱱ ᱮᱨᱟ ᱠᱟᱱᱟᱭ ᱾ ᱥᱨᱩᱛᱤ ᱟᱢᱵᱮᱠᱚᱨ ᱫᱚ ᱡᱚᱭᱯᱩᱨ ᱜᱷᱟᱨᱟᱱᱟ ᱨᱤᱱᱤᱡ ᱥᱚᱥᱱᱚᱜ ᱥᱮᱨᱮᱧᱤᱭᱟᱹ ᱠᱟᱱᱟᱭ ᱾ ᱥᱚᱢᱤᱨ ᱫᱚ ᱟᱡᱟᱜ ᱠᱟᱹᱢᱤ ᱦᱚᱨᱟ ᱛᱮ ᱢᱤᱫ ᱰᱚᱠᱴᱚᱨ ᱠᱟᱱᱟᱭ ᱾ ᱟᱨᱭᱟ ᱫᱚ ᱮᱠᱚᱱᱚᱢᱚᱥᱴᱨᱤᱠᱥ ᱨᱮ ᱵᱮᱪᱞᱚᱨ ᱥᱟᱶᱛᱮ ᱟᱨᱴᱥ ᱨᱮ ᱵᱮᱪᱞᱚᱨ, ᱵᱤ.ᱮ. ᱰᱤᱜᱽᱨᱤ ᱢᱮᱱᱟᱜᱼᱟ ᱾ ᱩᱱᱤ ᱫᱚ ᱟᱡᱟᱜ ᱵᱮᱪᱞᱚᱨ ᱰᱤᱜᱽᱨᱤ ᱞᱟᱹᱜᱤᱫ ᱧᱩᱛᱩᱢᱟᱱ ᱯᱷᱚᱨᱜᱩᱥᱚᱱ ᱠᱚᱞᱮᱡᱽ ᱨᱮ ᱯᱟᱲᱦᱟᱣ ᱞᱮᱱᱟᱭ ᱾ ᱩᱱᱤ ᱫᱚ ᱥᱮᱨᱮᱧ ᱨᱮ ᱢᱟᱥᱴᱟᱨ ᱚᱯᱷ ᱟᱨᱴᱥ, ᱮᱢ.ᱮ. ᱰᱤᱜᱽᱨᱤ ᱮ ᱧᱟᱢ ᱟᱠᱟᱫᱟ ᱾ ᱩᱱᱤ ᱫᱚ ᱟᱡᱟᱜ ᱮᱢ.ᱮ. ᱯᱟᱲᱦᱟᱣ ᱞᱟᱹᱜᱤᱫ ᱛᱮ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱯᱩᱭᱞᱩ ᱴᱷᱟᱶ ᱮ ᱟᱢᱮᱴ ᱞᱮᱫᱼᱟ ᱟᱨ ᱥᱚᱱᱟ ᱢᱮᱰᱟᱞ ᱮ ᱟᱢᱮᱴ ᱞᱮᱫᱼᱟ ᱾ ᱩᱱᱤ ᱫᱚ ᱥᱟᱣᱩᱱᱰ ᱤᱱᱡᱤᱱᱤᱭᱟᱨᱤᱝ ᱨᱮ ᱥᱟᱨᱴᱤᱯᱷᱤᱠᱮᱴ ᱠᱚᱨᱥ ᱯᱩᱨᱟᱹᱣ ᱟᱠᱟᱫᱟ ᱾[᱓]
ᱚᱱᱚᱝ
ᱥᱟᱯᱲᱟᱣᱟᱨᱭᱟ ᱟᱜ ᱜᱚᱲᱚᱢ ᱵᱩᱰᱷᱤ ᱫᱚ ᱢᱤᱫ ᱠᱞᱟᱥᱤᱠᱟᱞ ᱥᱮᱨᱮᱧᱤᱭᱟᱹ ᱠᱟᱱᱟᱭ, ᱟᱨᱭᱟ ᱫᱚ ᱵᱟᱨ ᱥᱮᱨᱢᱟ ᱩᱢᱮᱨ ᱨᱮᱜᱮ ᱟᱡᱟᱜ ᱴᱮᱞᱮᱱᱴ ᱮ ᱧᱟᱢ ᱞᱮᱫᱼᱟ ᱾ ᱟᱨᱭᱟ ᱫᱚ ᱟᱡᱤᱡ ᱜᱩᱨᱩ ᱟᱨ ᱟᱭᱳ ᱥᱨᱩᱛᱤ ᱟᱢᱵᱮᱠᱚᱨ ᱴᱷᱮᱱ ᱠᱷᱚᱱ ᱕ ᱥᱮᱨᱢᱟ ᱩᱢᱮᱨ ᱨᱮ ᱥᱮᱨᱮᱧ ᱥᱮᱪᱮᱫ ᱮ ᱮᱛᱚᱦᱚᱵ ᱞᱮᱫᱼᱟ ᱾ ᱛᱩᱨᱩᱭ ᱥᱮᱨᱢᱟ ᱩᱢᱮᱨ ᱨᱮ, ᱡᱚᱠᱷᱚᱱ ᱩᱱᱤ ᱫᱚ ᱯᱩᱭᱞᱩ ᱥᱛᱟᱱᱰᱟᱨᱰ ᱨᱮ ᱛᱟᱦᱮᱸ ᱠᱟᱱᱟᱭ, ᱟᱨᱭᱟ ᱫᱚ ᱟᱡᱟᱜ ᱯᱩᱭᱞᱩ ᱥᱮᱨᱮᱧ ᱮᱱᱮᱡ ᱮ ᱮᱛᱚᱦᱚᱵ ᱞᱮᱫᱼᱟ ᱾[᱔]
ᱩᱱᱤ ᱫᱚ ᱒᱐᱐᱘ ᱥᱟᱞ ᱨᱮ ᱢᱤᱫ ᱨᱤᱭᱟᱞᱤᱴᱤ ᱴᱤᱵᱷᱤ ᱢᱤᱣᱡᱤᱠ ᱥᱤᱨᱯᱷᱟᱹ, ᱥᱟᱨᱮᱜᱟᱢᱟᱯᱟ ᱞᱤᱴᱞ ᱪᱟᱢᱯᱥ ᱨᱮ ᱵᱟᱪᱷᱚᱱ ᱞᱮᱱᱟᱭ ᱟᱨ ᱯᱷᱟᱭᱤᱱᱞᱤᱥᱴ ᱮ ᱵᱮᱱᱟᱣ ᱮᱱᱟᱭ ᱾
ᱠᱟᱹᱢᱤ ᱡᱤᱭᱚᱱ
ᱥᱟᱯᱲᱟᱣᱥᱟ ᱨᱮ ᱜᱟᱢᱟ ᱯᱟ ᱢᱟᱨᱟᱴᱷᱤ ᱞᱤᱴᱤᱞ ᱪᱟᱢᱯᱥ
ᱥᱟᱯᱲᱟᱣ᱒᱐᱐᱘ ᱥᱟᱞ ᱨᱮ, ᱡᱤ ᱢᱟᱨᱟᱴᱷᱤ ᱴᱮᱞᱤᱵᱤᱡᱚᱱ ᱪᱮᱱᱟᱞ ᱦᱚᱛᱮᱛᱮ ᱦᱮᱯᱨᱟᱣ ᱟᱠᱟᱱ ᱢᱤᱫᱴᱟᱹᱝ ᱥᱮᱨᱮᱧ ᱨᱤᱭᱟᱞᱤᱴᱤ ᱥᱳ, ᱥᱟ ᱨᱟᱭ ᱜᱟᱢᱟ ᱯᱟ ᱢᱟᱨᱟᱴᱷᱤ ᱞᱤᱴᱤᱞ ᱪᱟᱢᱯᱥ ᱨᱮᱱᱟᱜ ᱯᱩᱭᱞᱩ ᱥᱤᱡᱚᱱ ᱞᱟᱹᱜᱤᱫ ᱟᱨᱭᱟ ᱟᱜ ᱚᱰᱤᱥᱚᱱ ᱦᱟᱛᱟᱣ ᱞᱮᱱᱟ ᱾ ᱩᱱᱤ ᱫᱚ ᱢᱚᱦᱟᱨᱟᱥᱴᱨᱚ ᱨᱮ ᱘ ᱠᱷᱚᱱ ᱑᱔ ᱵᱚᱪᱷᱚᱨ ᱩᱢᱮᱨ ᱨᱮ ᱟᱭᱢᱟ ᱦᱟᱡᱟᱨ ᱜᱤᱫᱽᱨᱟᱹ ᱠᱚ ᱢᱩᱫᱽ ᱨᱮ ᱵᱟᱪᱷᱚᱱ ᱟᱠᱟᱱ ᱕᱐ ᱜᱚᱴᱟᱝ ᱜᱤᱫᱽᱨᱟᱹ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟᱭ ᱾ ᱱᱩᱭ ᱫᱚ ᱢᱩᱬᱩᱛ ᱑᱐ ᱜᱚᱴᱟᱝ ᱢᱩᱪᱟᱹᱫᱤᱭᱟᱹ ᱟᱨ ᱛᱟᱭᱚᱢ ᱛᱮ ᱢᱩᱪᱟᱹᱫ ᱕ ᱜᱚᱴᱟᱝ ᱢᱟᱨᱟᱝ ᱢᱩᱪᱟᱹᱫᱤᱭᱟᱹ ᱞᱮᱠᱟᱛᱮ ᱟᱡᱟᱜ ᱴᱷᱟᱶ ᱮ ᱵᱮᱱᱟᱣ ᱠᱮᱫᱼᱟ ᱾
ᱥᱳ ᱚᱠᱛᱚ ᱨᱮ ᱟᱨᱭᱟ ᱫᱚ "ᱯᱨᱤᱴᱤ ᱭᱟᱝ ᱜᱟᱨᱞ" ᱧᱩᱛᱩᱢ ᱠᱚ ᱢᱮᱛᱟᱭ ᱠᱟᱱ ᱛᱟᱦᱮᱸᱫ ᱾
ᱦᱮᱯᱨᱟᱣ ᱨᱮ ᱟᱨᱭᱟ ᱫᱚ ᱟᱭᱢᱟ ᱞᱮᱠᱟᱱ ᱥᱮᱨᱮᱧ ᱠᱚᱭ ᱥᱮᱨᱮᱧ ᱟᱠᱟᱫᱟ ᱾ ᱩᱱᱤ ᱫᱚ ᱟᱭᱢᱟ ᱫᱷᱟᱣ ᱵᱤᱪᱟᱹᱨᱤᱭᱟᱹ ᱠᱷᱚᱱ ᱡᱚᱛᱚ ᱚᱝᱠᱚᱨ ᱧᱟᱢ ᱨᱮᱱᱟᱜ ᱨᱮᱠᱳᱨᱰ ᱮ ᱵᱮᱱᱟᱣ ᱞᱮᱫᱼᱟ ᱾ ᱟᱨᱭᱟ ᱫᱚ ᱟᱡᱟᱜ ᱧᱩᱛᱩᱢᱟᱱ ᱥᱮᱨᱮᱧ "ᱯᱟᱱ ᱠᱷᱟᱭᱮ ᱥᱟᱭᱭᱟᱱ ᱦᱟᱢᱟᱨᱳ" ᱞᱟᱹᱜᱤᱫ ᱣᱟᱨᱱᱟ ᱪᱤ (᱒᱐᱐% ᱨᱮᱱᱟᱜ ᱥᱚᱢᱟᱱ) ᱧᱟᱢ ᱠᱟᱛᱮ ᱢᱤᱫᱴᱟᱹᱝ ᱨᱤᱠᱚᱨᱰ ᱮ ᱵᱮᱱᱟᱣ ᱠᱮᱫᱼᱟ, ᱡᱟᱦᱟᱸ ᱫᱚ ᱥᱟ ᱨᱮ ᱜᱟ ᱢᱟ ᱯᱟ ᱨᱮᱱᱟᱜ ᱡᱚᱛᱚ ᱙ ᱥᱮᱰᱭᱩᱞ ᱟᱨ ᱵᱟᱨᱭᱟ ᱥᱮᱨᱮᱧ ᱛᱟᱭᱚᱢ ᱦᱚᱸ ᱩᱪᱷᱟᱹᱱ ᱟᱠᱟᱱᱟ ᱾ ᱠᱟᱹᱢᱤᱭᱟᱹ ᱥᱮᱨᱮᱧᱤᱭᱟᱹ ᱠᱚ ᱞᱟᱹᱜᱤᱫ ᱥᱟ ᱜᱟ ᱢᱟ ᱯᱟ ᱥᱮᱨᱮᱧᱤᱭᱟᱹ ᱦᱚᱨᱤᱦᱚᱨᱚᱱ ᱫᱚ ᱱᱚᱶᱟ ᱮᱯᱤᱥᱚᱰ ᱨᱤᱱᱤᱡ ᱧᱩᱛᱩᱢᱟᱱ ᱵᱤᱪᱟᱹᱨᱤᱭᱟᱹ ᱛᱟᱦᱮᱸ ᱠᱟᱱᱟᱭ ᱾
ᱟᱨᱭᱟ ᱫᱚ ᱢᱚᱦᱟᱞᱚᱠᱥᱢᱤ ᱭᱮᱭᱟᱨ, ᱥᱨᱟᱭᱟ ᱜᱷᱳᱥᱟᱞ, ᱦᱚᱨᱤᱦᱚᱨᱚᱱ ᱮᱢᱟᱱ ᱧᱩᱛᱩᱢᱟᱱ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ ᱠᱚ ᱦᱚᱛᱮᱛᱮ ᱟᱭᱢᱟ ᱮᱯᱤᱥᱚᱰ ᱨᱮ ᱥᱮᱨᱢᱟᱠᱤᱭᱟᱹ ᱠᱚᱣᱟᱜ ᱥᱤᱨᱯᱷᱟᱹ ᱦᱚᱸᱭ ᱧᱟᱢ ᱟᱠᱟᱫᱼᱟ ᱾ ᱟᱨᱭᱟ ᱫᱚ ᱟᱹᱰᱤ ᱞᱮᱠᱟᱱ ᱥᱮᱨᱮᱧ ᱠᱚᱭ ᱥᱮᱨᱮᱧᱟ ᱡᱮᱢᱚᱱ ᱠᱞᱟᱥᱤᱠᱟᱞ ᱥᱮᱨᱮᱧ, ᱱᱟᱴᱭᱚᱜᱤᱛ, ᱵᱷᱚᱵᱽᱜᱤᱛ, ᱵᱷᱚᱠᱛᱤᱜᱤᱛ ᱠᱷᱚᱱ ᱢᱟᱨᱟᱴᱷᱤ ᱪᱤᱛᱨᱚᱯᱚᱛ ᱥᱮᱨᱮᱧ, ᱦᱤᱱᱫᱤ ᱥᱮᱨᱮᱧ, ᱯᱷᱳᱞᱠ ᱥᱮᱨᱮᱧ, ᱞᱚᱵᱷᱟᱱᱤ ᱦᱚᱸᱭ ᱥᱮᱨᱮᱧᱟ ᱾[᱕]
ᱩᱱᱤ ᱫᱚ ᱒᱖ ᱱᱚᱵᱷᱮᱢᱵᱚᱨ ᱒᱐᱐᱘ ᱨᱮ ᱢᱩᱢᱵᱟᱭ ᱨᱮ ᱦᱩᱭ ᱟᱠᱟᱱ ᱜᱷᱚᱴᱚᱱ ᱨᱮ ᱜᱩᱨ ᱟᱠᱟᱱ ᱦᱚᱲ ᱠᱚ ᱢᱟᱱᱟᱣ ᱵᱟᱛᱟᱣ ᱞᱟᱹᱜᱤᱫ "ᱮᱭᱮ ᱢᱟᱨᱮ ᱵᱚᱛᱚᱱ ᱠᱮ ᱞᱳᱜᱳ" ᱥᱮᱨᱮᱧ ᱮ ᱥᱮᱨᱮᱧ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱢᱩᱢᱵᱟᱭ ᱯᱩᱞᱤᱥ ᱦᱚᱛᱮᱛᱮ ᱥᱚᱦᱤᱫᱽ ᱠᱚ ᱥᱟᱨᱦᱟᱣ ᱞᱟᱹᱜᱤᱫ ᱛᱮ ᱥᱚᱫᱚᱨ ᱟᱠᱟᱱ ᱢᱤᱫ ᱯᱚᱨᱚᱵᱽ ᱨᱮ ᱫᱟᱫᱟᱨ ᱨᱮᱱᱟᱜ ᱥᱤᱵᱟᱡᱤ ᱯᱟᱨᱠ ᱨᱮ ᱦᱚᱸ ᱱᱚᱣᱟ ᱥᱮᱨᱮᱧ ᱮ ᱥᱮᱨᱮᱧ ᱞᱮᱫᱼᱟ ᱾ ᱚᱱᱠᱟᱱ ᱦᱚᱲ ᱡᱟᱦᱟᱸᱭ ᱱᱚᱣᱟ ᱜᱷᱚᱴᱚᱱ ᱨᱮ ᱟᱹᱭᱫᱟᱹᱨᱤᱭᱟᱹ ᱠᱚ ᱥᱟᱶ ᱞᱟᱹᱲᱦᱟᱹᱭ ᱨᱮ ᱟᱡᱟᱜ ᱡᱤᱭᱚᱱ ᱮ ᱮᱢ ᱞᱮᱫᱼᱟ ᱾ ᱱᱚᱣᱟ ᱥᱮᱨᱮᱧ ᱫᱚ ᱑᱙᱖᱒ ᱥᱮᱨᱢᱟ ᱨᱮᱱᱟᱜ ᱥᱤᱧᱚᱛ-ᱪᱤᱱ ᱞᱟᱹᱲᱦᱟᱹᱭ ᱛᱟᱭᱚᱢ ᱞᱚᱛᱟ ᱢᱚᱝᱜᱮᱥᱠᱚᱨ ᱦᱚᱛᱮᱛᱮ ᱥᱮᱨᱮᱧ ᱟᱠᱟᱱᱟ ᱾
ᱱᱚᱣᱟ ᱠᱟᱹᱢᱤᱦᱚᱨᱟ ᱚᱠᱛᱚ ᱨᱮ ᱟᱨᱭᱟ ᱫᱚ ᱢᱟᱱᱤᱠ ᱵᱚᱨᱢᱟ ᱥᱮᱪᱮᱫ ᱥᱤᱨᱯᱷᱟᱹ ᱦᱚᱸᱭ ᱧᱟᱢ ᱞᱮᱫᱼᱟ ᱾ ᱩᱱᱤ ᱫᱚ ᱥᱮᱪᱮᱫ ᱡᱤᱛᱠᱟᱹᱨ ᱟᱠᱟᱱ ᱡᱚᱛᱚ ᱠᱷᱚᱱ ᱠᱚᱢ ᱩᱢᱮᱨ ᱨᱤᱱᱤᱡ ᱥᱮᱨᱮᱧᱤᱭᱟᱹ ᱠᱟᱱᱟᱭ ᱾
ᱥᱟ ᱨᱮ ᱜᱟ ᱢᱟ ᱯᱟ ᱢᱟᱨᱟᱴᱷᱤ ᱞᱤᱞ ᱪᱟᱢᱯᱥ ᱥᱤᱡᱚᱱ ᱓
ᱥᱟᱯᱲᱟᱣᱟᱨᱭᱟ ᱫᱚ ᱯᱩᱭᱞᱩ ᱨᱤᱛᱩ ᱨᱮᱱᱟᱜ ᱮᱴᱟᱜ ᱯᱷᱟᱭᱤᱱᱞᱤᱥᱴ ᱠᱚ ᱥᱟᱶ ᱥᱳ ᱨᱮ ᱵᱤᱪᱟᱹᱨᱤᱭᱟᱹ ᱞᱮᱠᱟᱛᱮ ᱮᱛᱚᱦᱚᱵ ᱨᱤᱛᱩ ᱨᱮᱱᱟᱜ ᱑᱒ ᱥᱮᱨᱢᱟ ᱛᱟᱭᱚᱢ ᱥᱮᱨᱮᱧ ᱨᱤᱭᱟᱞᱤᱴᱤ ᱥᱳ ᱨᱮ ᱨᱩᱣᱟᱹᱲ ᱮᱱᱟᱭ ᱾[᱖]
ᱥᱮᱨᱮᱧ
ᱥᱟᱯᱲᱟᱣ
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ ᱑.᱐ ᱑.᱑ "Aarya Ambekar to make her debut in acting". The Times of India. 10 August 2015. Retrieved 8 May 2018.
- ↑ "4th Jio Filmfare Awards Marathi 2018: Aarya Ambekar roots for herself at the do". The Times of India. 27 September 2018.
- ↑ "Aarya Ambekar Bio". Retrieved 14 July 2021.
- ↑ "Spotting Talent" – Article on Aarya in Lokmat Times paper Archived ᱒᱙ ᱡᱩᱱ ᱒᱐᱑᱓ at Archive.is[dead link]
- ↑ "Singing over acting says Aarya Ambekar". The Times of India. 30 September 2018.
- ↑ "Rohit Raut, Aarya Ambekar, Kartiki Gaikwad, Mugdha Vaishampayan, and Prathamesh Laghate to join Sa Re Ga Ma Pa Li'l Champs' jury". The Times of India. 17 June 2021. Retrieved 14 July 2021.
ᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣ- ᱟᱨᱭᱟ ᱟᱜ ᱥᱚᱨᱠᱟᱨᱤ ᱯᱷᱮᱥᱵᱩᱠ ᱥᱟᱦᱴᱟ
- ᱟᱨᱭᱟ ᱟᱜ ᱥᱚᱨᱠᱟᱨᱤ ᱭᱩᱴᱭᱩᱵᱽ ᱪᱮᱱᱟᱞ
- ᱥᱟᱨᱮᱜᱟᱢᱟ ᱴᱷᱟᱶ ᱨᱮ ᱟᱨᱭᱟ ᱯᱨᱚᱯᱷᱟᱭᱤᱞ
- ᱟᱨᱭᱟ ᱟᱢᱵᱮᱠᱚᱨ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)