ᱟᱨᱵᱤᱱᱫᱽ ᱠᱮᱡᱽᱨᱤᱣᱟᱞ
ᱟᱨᱵᱤᱱᱫᱽ ᱠᱮᱡᱽᱨᱤᱣᱟᱞ (ᱡᱟᱱᱟᱢ; ᱑᱖ ᱟᱜᱚᱥᱴᱚ ᱑᱙᱖᱘) ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱ ᱢᱤᱫᱴᱟᱹᱝ ᱨᱟᱡᱟᱨᱤᱭᱟᱹ ᱠᱟᱱᱟᱭ ᱟᱨ ᱢᱟᱨᱮ ᱟᱹᱢᱞᱟᱹᱭ (Indian Revenue Service Officer) ᱛᱟᱦᱮᱸ ᱠᱟᱱᱟᱭ ᱟᱨ ᱱᱟᱦᱟᱜ ᱫᱤᱞᱞᱤ ᱨᱮᱱ ᱗ ᱟᱱᱟᱱᱤᱡ ᱢᱩᱠᱷᱭᱟᱹ ᱢᱚᱱᱛᱨᱤ ᱠᱟᱱᱟᱭ ᱒᱐᱑᱕ ᱥᱮᱨᱢᱟ ᱠᱷᱚᱱ ᱱᱤᱛ ᱦᱟᱹᱵᱤᱡ ᱾ᱩᱱᱤ ᱫᱚ ᱱᱤᱭᱟᱹ ᱢᱟᱲᱟᱝ ᱒᱐᱑᱓ ᱥᱮᱨᱢᱟ ᱨᱮᱭᱟᱜ ᱰᱤᱥᱮᱢᱵᱚᱨ ᱪᱟᱱᱫᱚ ᱠᱷᱚᱱ ᱒᱐᱑᱔ ᱥᱮᱨᱢᱟ ᱨᱮᱭᱟᱜ ᱯᱷᱮᱵᱽᱨᱩᱣᱟᱨᱤ ᱪᱟᱱᱫᱚ ᱦᱟᱹᱵᱤᱡ ᱫᱤᱞᱞᱤ ᱨᱮᱱ ᱢᱩᱠᱷᱭᱟᱹ ᱢᱚᱱᱛᱨᱤ ᱭᱮ ᱛᱟᱦᱮᱸ ᱠᱟᱱᱟ, ᱔᱙ ᱫᱤᱱ ᱫᱤᱥᱚᱢ ᱪᱟᱞᱟᱣ ᱠᱟᱛᱮ ᱥᱚᱨᱠᱟᱨ ᱧᱩᱨᱦᱟᱹ ᱭᱮᱱᱟ ᱾ ᱱᱟᱦᱟᱜ ᱩᱱᱤ ᱫᱚ, ᱟᱢ ᱟᱫᱽᱢᱤ ᱯᱟᱨᱴᱤ ᱨᱮᱱ ᱡᱟᱹᱡᱟᱹᱛᱨᱤᱭᱟᱹ ᱞᱮᱵᱮᱞ ᱨᱮᱱ ᱠᱚᱵᱷᱮᱱᱚᱨ ᱠᱟᱱᱟᱭ, ᱚᱠᱚᱭ ᱫᱚ ᱒᱐᱑᱕ ᱥᱮᱨᱢᱟ ᱨᱮ ᱫᱤᱞᱞᱤ ᱵᱤᱫᱦᱟᱱ ᱥᱚᱵᱷᱟ ᱨᱮ ᱱᱟᱜᱟᱢᱤᱭᱟᱹ ᱡᱤᱛᱠᱟᱹᱨ ᱠᱚ ᱟᱢᱮᱴ ᱞᱮᱫᱼᱟ, ᱗᱐ ᱜᱚᱴᱟᱝ ᱢᱟᱹᱪᱤ ᱨᱮ ᱖᱗ ᱜᱚᱴᱟᱝ ᱢᱟᱹᱪᱤ ᱜᱮ ᱟᱢ ᱟᱫᱽᱢᱤ ᱯᱟᱨᱴᱤ ᱟᱢᱮᱴ ᱞᱮᱫᱤᱟ ᱾ ᱒᱐᱐᱖ ᱥᱮᱨᱢᱟ ᱨᱮ ᱟᱨᱵᱤᱱᱫᱽ ᱠᱮᱡᱽᱨᱤᱣᱟᱞ ᱫᱚ ᱟᱡᱟᱜ ᱞᱤᱰᱟᱨᱥᱤᱯ ᱠᱷᱟᱹᱛᱤᱨ ᱛᱮ ᱨᱟᱢᱚᱱ ᱢᱮᱜᱽᱥᱮᱥᱮ ᱥᱤᱨᱯᱟᱹ ᱠᱚ ᱪᱟᱞ ᱟᱫᱮᱭᱟ ᱾
| ᱟᱨᱵᱤᱱᱫᱽ ᱠᱮᱡᱽᱨᱤᱣᱟᱞ | |
|---|---|
 ᱒᱐᱑᱗ ᱥᱮᱨᱢᱟ ᱨᱮ ᱟᱨᱱᱤᱫᱽ ᱠᱮᱡᱨᱤᱣᱟᱞ | |
| ᱫᱤᱞᱞᱤ ᱨᱤᱱᱤᱡ ᱢᱩᱠᱷᱭᱟᱹ ᱢᱚᱱᱛᱨᱤ | |
ᱵᱟᱭᱴᱷᱮᱨ ᱟᱠᱟᱱᱤᱡ | |
| Assumed office ᱑᱔ ᱯᱷᱮᱵᱽᱨᱩᱣᱟᱨᱤ ᱒᱐᱑᱕ | |
| ᱯᱚᱱᱚᱛᱤᱭᱟᱹ | ᱱᱟᱡᱤᱵᱽ ᱡᱟᱝ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱫᱤᱥᱚᱢ ᱜᱚᱢᱠᱮ ᱥᱟᱥᱚᱱ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱑᱖ ᱚᱜᱚᱥᱴ ᱑᱙᱖᱘ ᱥᱤᱣᱟᱱᱤ, ᱵᱷᱤᱣᱟᱱᱤ, ᱦᱟᱨᱤᱭᱟᱱᱟ |
| ᱨᱟᱡᱽᱟᱹᱨᱤ ᱫᱚᱞ | ᱟᱢ ᱟᱫᱽᱢᱤ ᱯᱟᱨᱴᱤ |
| ᱡᱤᱭᱚᱱ ᱥᱚᱦᱮᱫ | ᱥᱚᱱᱤᱛᱟ ᱠᱮᱡᱽᱨᱤᱣᱟᱞ |
| ᱦᱚᱯᱚᱱ | ᱦᱟᱨᱥᱤᱛᱟ ᱠᱮᱡᱽᱨᱤᱣᱟᱞ ᱯᱩᱞᱠᱤᱛ ᱠᱮᱡᱽᱨᱤᱣᱟᱞ |
| ᱚᱲᱟᱜ | ᱱᱟᱣᱟ ᱫᱤᱞᱞᱤ ,ᱥᱤᱧᱚᱛ |
ᱨᱟᱡᱟᱨᱤ ᱵᱚᱞᱚᱜ ᱢᱟᱲᱟᱝ, ᱠᱮᱡᱽᱨᱤᱣᱟᱞ ᱫᱚ ᱤᱱᱰᱤᱭᱟᱱ ᱨᱤᱵᱷᱤᱱᱤᱭᱣ ᱥᱟᱨᱵᱷᱤᱥ ᱨᱮ ᱱᱟᱣᱟ ᱫᱤᱞᱞᱤ ᱨᱮᱭᱟᱜ ᱤᱱᱠᱚᱢ ᱴᱮᱠᱥ ᱰᱤᱯᱟᱨᱴᱢᱮᱱᱴ ᱨᱮ ᱡᱚᱭᱱᱴ ᱠᱚᱢᱤᱥᱚᱱᱟᱨ ᱞᱮᱠᱟ ᱛᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱜ ᱠᱟᱱᱟ ᱾ ᱠᱮᱡᱽᱨᱤᱣᱟᱞ ᱫᱚ ᱠᱷᱚᱰᱚᱜᱯᱩᱨ ᱯᱩᱨ ᱨᱮᱭᱟᱜ ᱤᱱᱰᱤᱭᱟᱱ ᱤᱥᱴᱤᱴᱤᱣᱩᱴ ᱚᱯᱷ ᱴᱮᱠᱱᱚᱞᱚᱡᱤ ᱠᱷᱚᱱ ᱢᱮᱠᱟᱱᱤᱠᱮᱞ ᱤᱱᱡᱤᱱᱤᱭᱟᱨ ᱨᱮ ᱵᱮᱪᱞᱚᱨ ᱰᱤᱜᱽᱨᱤ ᱥᱟᱹᱛ ᱟᱠᱟᱫᱼᱟ ᱾ ᱒᱐᱑᱒ ᱥᱮᱨᱢᱟ ᱩᱱᱤ ᱫᱚ ᱟᱢ ᱟᱫᱽᱢᱤ ᱯᱟᱨᱴᱤ ᱛᱷᱟᱯᱚᱱ ᱞᱮᱫᱼᱟ, ᱤᱱᱟᱹ ᱛᱟᱭᱚᱢ ᱜᱮ ᱒᱐᱑᱓ ᱥᱮᱨᱢᱟ ᱨᱮᱭᱟᱜ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱦᱱᱟᱣ ᱨᱮ ᱠᱚ ᱡᱤᱛᱠᱟᱹᱨ ᱞᱮᱱᱟ ᱾ ᱵᱟᱪᱷᱱᱟᱣ ᱨᱮ ᱡᱤᱛᱠᱟᱹᱨ ᱠᱟᱛᱮ ᱒᱘ ᱰᱤᱥᱮᱢᱵᱚᱨ ᱒᱐᱑᱓ ᱢᱟᱹᱦᱤᱛ ᱠᱷᱚᱱ ᱫᱤᱞᱞᱤ ᱨᱮᱱ ᱢᱩᱠᱷᱭᱟᱹ ᱢᱚᱱᱛᱨᱤ ᱞᱮᱠᱟ ᱛᱮ ᱠᱟᱹᱢᱤ ᱵᱷᱟᱨ ᱨᱮᱭᱟᱜ ᱫᱟᱭᱤᱠ ᱮ ᱜᱚᱜ ᱞᱮᱫᱼᱟ ᱾ ᱢᱮᱱᱠᱷᱟᱱ ᱔᱙ ᱫᱤᱱ ᱛᱟᱭᱚᱢ ᱠᱷᱟᱱ ᱜᱮ ᱦᱩᱫᱟᱹᱚᱜ ᱦᱩᱭ ᱞᱮᱱ ᱛᱟᱭᱟ ᱾
ᱮᱛᱚᱦᱚᱵ ᱡᱤᱭᱚᱱ ᱥᱟᱯᱲᱟᱣ
ᱟᱨᱵᱤᱱᱫᱽ ᱠᱮᱡᱽᱨᱤᱣᱟᱞ ᱫᱚ ᱑᱖ ᱟᱜᱚᱥᱴᱚ ᱑᱙᱖᱘ ᱥᱮᱨᱢᱟ ᱨᱮ ᱢᱤᱫᱴᱟᱹᱝ ᱥᱮᱪᱮᱫ ᱟᱜᱟᱨᱣᱟᱞ ᱜᱷᱟᱸᱨᱚᱧᱡᱽ ᱨᱮᱭᱟᱜ ᱞᱟᱯᱷᱟᱝ-ᱛᱟᱞᱱᱟ ᱛᱷᱚᱠ ᱚᱲᱟᱜ ᱨᱮ ᱡᱟᱱᱟᱢ ᱞᱮᱱᱟ, ᱱᱟᱦᱟᱜ ᱦᱟᱨᱤᱭᱟᱱᱟ ᱯᱚᱱᱚᱛ ᱨᱮᱭᱟᱜ ᱵᱷᱤᱣᱟᱱᱤ ᱦᱚᱱᱚᱛ ᱨᱮᱭᱟᱜ ᱥᱤᱣᱟᱱᱤ ᱟᱹᱛᱳ ᱨᱮ ᱾ ᱟᱯᱟᱛᱮᱫᱟᱜ ᱧᱩᱛᱩᱢ ᱫᱚ ᱜᱚᱵᱤᱸᱫᱽ ᱨᱟᱢ ᱠᱮᱡᱽᱨᱤᱣᱟᱞ ᱟᱨ ᱮᱝᱜᱟᱛᱮᱫ ᱟᱜ ᱧᱩᱛᱩᱢ ᱫᱚ ᱜᱤᱛᱟ ᱫᱮᱣᱤ ᱠᱟᱱᱟ, ᱩᱱᱤ ᱟᱠᱚ ᱯᱮ ᱵᱚᱭᱦᱟ ᱢᱩᱫᱽᱨᱮ ᱡᱚᱛᱚ ᱠᱷᱚᱱ ᱢᱟᱨᱟᱝ ᱩᱛᱟᱹᱨᱤᱡ ᱠᱟᱱᱟᱭ ᱾ ᱩᱱᱤ ᱨᱮᱱ ᱟᱯᱟᱛᱮᱫ ᱫᱚ ᱮᱞᱮᱠᱴᱨᱤᱥᱤᱭᱟᱞ ᱤᱱᱡᱤᱱᱤᱭᱟᱨ ᱮ ᱛᱟᱦᱮᱸ ᱠᱟᱱᱟ ᱚᱠᱚᱭ ᱫᱚ ᱵᱤᱨᱞᱟ ᱤᱱᱥᱴᱤᱴᱤᱣᱩᱴ ᱚᱯᱷ ᱴᱮᱠᱱᱚᱞᱚᱡᱤ ᱢᱮᱥᱨᱟ ᱠᱷᱚᱱ ᱮ ᱜᱽᱨᱮᱡᱩᱣᱮᱴ ᱞᱮᱱᱟ ᱾ ᱠᱮᱡᱽᱨᱤᱣᱟᱞ ᱫᱚ ᱟᱡᱟᱜ ᱦᱩᱰᱤᱧ ᱩᱢᱟᱹᱨ ᱰᱷᱮᱨ ᱠᱟᱭ ᱛᱮ ᱠᱚᱧᱮ ᱥᱤᱧᱚᱛ ᱨᱮᱭᱟᱜ ᱱᱟᱝᱜᱽᱨᱟᱦᱟ ᱠᱚ ᱨᱮ ᱵᱤᱛᱟᱹᱣ ᱞᱮᱫᱼᱟ, ᱡᱮᱞᱮᱠᱟ- ᱯᱟᱱᱤᱯᱟᱛ, ᱜᱷᱟᱡᱤᱭᱟᱵᱟᱫᱽ, ᱟᱨ ᱦᱤᱥᱟᱨ ᱮᱢᱟᱱ ᱠᱚ ᱨᱮ ᱾ ᱩᱱᱤ ᱫᱚ ᱦᱤᱥᱟᱨ ᱨᱮᱭᱟᱜ ᱠᱮᱢᱯᱟᱥ ᱥᱠᱩᱞ ᱨᱮ ᱯᱟᱲᱦᱟᱣ ᱞᱮᱱᱟ ᱟᱨ ᱥᱚᱱᱤᱯᱟᱛ ᱨᱮᱭᱟᱜ ᱠᱨᱤᱥᱴᱟᱱ ᱢᱤᱥᱚᱱᱟᱨᱤ ᱥᱠᱩᱞ ᱨᱮ ᱯᱟᱲᱦᱟᱣ ᱞᱮᱱᱟ ᱾