ᱠᱚᱞᱟᱢᱚᱱᱰᱚᱞᱚᱢ ᱨᱟᱫᱷᱤᱠᱟ
ᱰᱨ.ᱠᱚᱞᱟᱢᱚᱱᱰᱚᱞᱚᱢ ᱨᱟᱫᱷᱤᱠᱟ ᱫᱚ ᱥᱤᱧᱚᱛᱤᱭᱟ. ᱠᱞᱟᱥᱤᱠᱟᱞ ᱰᱮᱱᱥᱚᱨ, ᱠᱳᱨᱤᱭᱳᱜᱨᱳᱯᱷᱳᱨ, ᱠᱷᱚᱸᱫᱽᱨᱚᱸᱫᱤᱭᱟ.,ᱢᱟᱪᱮᱛ ᱟᱨ ᱚᱱᱚᱞᱤᱭᱟ. ᱠᱟᱱᱟᱭ ᱾ ᱟᱡ ᱜᱮ ᱯᱩᱭᱞᱩ ᱱᱚᱱ-ᱠᱮᱨᱚᱲ ᱦᱚᱲ,ᱡᱟᱦᱟᱸᱭ ᱫᱚ ᱢᱳᱦᱤᱱᱤ ᱟᱛᱛᱟᱢ ᱮᱱᱮᱡ ᱞᱟ.ᱜᱤᱫ ᱠᱮᱨᱚᱲ ᱥᱚᱝᱜᱤᱛ ᱱᱟᱴᱚᱠ ᱮᱠᱟᱰᱮᱢᱤ ᱟᱣᱟᱨᱰ ᱧᱟᱢ ᱟᱠᱟᱫᱟᱭ ᱾ ᱟᱡ ᱫᱚ ᱵᱷᱟᱨᱚᱛᱱᱟᱴᱭᱚᱢ, ᱠᱚᱛᱷᱚᱠᱚᱞᱤ,ᱠᱩᱪᱤᱯᱩᱰᱤ ᱮᱢᱟᱱ ᱥᱤᱧᱚᱛ ᱠᱞᱟᱥᱤᱠᱟᱞ ᱮᱱᱮᱫ ᱨᱮ ᱯᱟ.ᱨᱩᱠᱤᱭᱟ. ᱦᱩᱱᱟ.ᱨ ᱢᱮᱱᱟᱜ ᱛᱟᱭᱟ ᱾
| ᱰᱨ. ᱠᱚᱞᱟᱢᱚᱱᱰᱚᱞᱚᱢ ᱨᱟᱫᱷᱤᱠᱟ | |
|---|---|
 Dr. Kalamandalam Radhika | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | Bangalore |
| ᱠᱟᱹᱢᱤ | Dancer, choreographer and stage performer |
ᱯᱩᱭᱞᱩ ᱡᱤᱭᱚᱱ ᱟᱨ ᱥᱤᱠᱷᱱᱟ.ᱛ ᱥᱟᱯᱲᱟᱣ
ᱰᱨ. ᱨᱟᱫᱷᱤᱠᱟ ᱫᱚ ᱵᱟᱝᱞᱳᱨ ᱨᱮ ᱡᱟᱱᱟᱢ ᱟᱠᱟᱱᱟᱭ ᱾ ᱵᱟᱵᱟ ᱠᱮ.ᱠᱮ ᱱᱟᱭᱚᱨ (K.K Nair) ᱫᱚ ᱢᱤᱫ ᱪᱟᱴᱟᱨᱰ ᱟᱠᱟᱣᱩᱴᱴᱟᱸᱰ ᱛᱟᱦᱮᱸ ᱠᱟᱱᱟᱭ ᱾ ᱟᱡ ᱫᱚ ᱓ ᱥᱮᱨᱢᱟ ᱩᱢᱮᱨ ᱠᱷᱚᱱ ᱜᱩᱨᱩ ᱨᱚᱱᱡᱚᱱ (Guru Rajan) ᱴᱷᱮᱱ ᱠᱷᱚᱱ ᱮᱱᱮᱡ ᱥᱮᱬᱟ ᱞᱮᱜ-ᱟᱭ ᱾ ᱤᱱᱟ. ᱛᱟᱭᱚᱢ ᱢᱩᱛᱛᱟᱨ ᱨᱤᱱ ᱥᱨᱤ ᱱᱟᱨᱟᱭᱚᱱ ᱯᱟᱱᱤᱠᱠᱚᱨ (Sri. Narayana Panicker ) ᱟᱨ ᱢᱨᱤᱫᱷᱟᱱᱜᱟᱢᱵᱷᱚᱭᱛᱷᱟᱨᱤᱥ (mridhangamvaitharis) ᱨᱤᱱ ᱜᱩᱨᱩ ᱯᱳᱱᱱᱤᱭᱟᱦᱯᱤᱞᱞᱟᱭᱤ (Guru Ponniahpillai) ᱛᱤᱠᱤᱱ ᱴᱷᱮᱱ ᱠᱷᱚᱱ ᱠᱚᱛᱷᱚᱠᱚᱞᱤ ᱮᱱᱮᱡ ᱥᱮᱬᱟ ᱞᱮᱜ-ᱟᱭ ᱾ ᱑᱙᱖᱐ ᱥᱟᱞ ᱨᱮ, ᱪᱮᱨᱩᱛᱷᱩᱨᱩᱛᱷᱤ (en:Cheruthuruthy) ᱛᱮ ᱦᱮᱡ ᱞᱮᱱᱟ ᱟᱨ ᱱᱚᱸᱰᱮ ᱔ ᱥᱮᱨᱢᱟ ᱛᱟᱦᱮᱸ ᱞᱮᱱᱟᱭ ᱾ ᱪᱤᱱᱱᱟᱢᱢᱩ ᱟᱢᱢᱟ (Chinnammu Amma), ᱠᱚᱞᱚᱢᱚᱱᱫᱚᱞᱚᱢ ᱥᱚᱛᱭᱚᱵᱷᱟᱢᱟ (Kalamandalam Sathyabhama) ᱟᱨ ᱠᱚᱞᱚᱢᱚᱱᱫᱚᱞᱚᱢ ᱯᱚᱫᱽᱢᱚᱱᱟᱵᱷᱚᱢ ᱱᱟᱭᱚᱨ (Kalamandalam Padmanabhan Nair) ᱛᱮᱠᱚᱣᱟᱜ ᱛᱟ.ᱨᱤᱨᱮ ᱦᱩᱱᱟ.ᱨ ᱛᱟᱭᱮ ᱫᱚᱲᱦᱚ ᱞᱮᱫ ᱛᱟᱭᱟ ᱾
ᱠᱮᱨᱤᱭᱚᱨ ᱥᱟᱯᱲᱟᱣ
ᱟᱡ ᱫᱚ ᱫᱤᱥᱚᱢ ᱟᱨ ᱵᱤᱫᱮᱥ ᱠᱚᱨᱮ ᱒᱐᱐ ᱠᱷᱚᱱ ᱵᱟ.ᱲᱛᱤᱜᱮ ᱡᱟ.ᱛᱤᱭᱟ.ᱨᱤ ᱟᱨ ᱡᱮ-ᱡᱟ.ᱛᱤᱭᱟᱨᱤ ᱛᱷᱚᱠ ᱨᱮᱭᱟᱜ ᱩᱫᱩᱜ-ᱥᱚᱫᱚᱨ ᱟᱠᱟᱫᱟᱭ ᱾ ᱟᱡ ᱫᱚ ᱭᱩᱱᱮᱥᱠᱳ (en:UNESCO) ᱨᱮᱭᱟᱜ ᱡᱮ-ᱡᱟᱛᱤᱭᱟ.ᱨᱤ ᱠᱟᱣᱩᱱᱥᱤᱞ ᱨᱮᱱ ᱥᱚᱦᱮᱫ ᱦᱚᱸᱭ ᱛᱟᱦᱮᱸ ᱠᱟᱱᱟ ᱟᱨ ᱰᱚᱵᱞᱩ.ᱮᱪ.ᱳ (WHO) ᱞᱟ.ᱜᱤᱱ ᱦᱚᱸ ᱩᱫᱩᱜ-ᱥᱚᱫᱚᱨ ᱟᱠᱟᱫᱟᱭ ᱾ ᱢᱳᱦᱤᱱᱤ ᱟᱛᱛᱟᱢ ᱜᱟ.ᱦᱤᱨ ᱛᱮ ᱵᱟᱰᱟᱭ ᱞᱟ.ᱜᱤᱱ ᱑᱙᱔᱐ ᱠᱷᱚᱱ ᱵᱟᱰᱚᱦᱤᱠᱚ ᱵᱮᱵᱷᱟᱨ ᱟ.ᱜᱩᱭᱮᱫ ᱮᱱᱮᱡ ᱥᱟᱯᱟᱵ ᱠᱚ ᱪᱮᱛᱟᱱ ᱨᱮ ᱠᱷᱚᱸᱫᱽᱨᱚᱫ ᱞᱮᱫᱟᱭ ᱾ ᱥᱤᱧᱚᱛ ᱨᱮ ᱤᱥᱟ.ᱭ ᱫᱷᱚᱨᱚᱢ ᱵᱚᱞᱚᱱ ᱟᱨ ᱡᱤᱥᱩᱣᱟᱜ ᱵᱟᱭᱵᱮᱞ ᱠᱚᱭ ᱛᱚᱨᱡᱚᱢᱟ ᱠᱟ.ᱢᱤ ᱞᱮᱫᱟ ᱥᱟᱶᱛᱮ ᱚᱱᱟᱠᱚ ᱩᱫᱩᱜ-ᱥᱚᱫᱚᱨ ᱚᱪᱚᱭ ᱨᱮ ᱠᱳᱨᱤᱭᱳᱜᱨᱟᱯᱷᱤ ᱠᱚᱦᱚᱸᱭ ᱮᱢ ᱟᱠᱟᱫᱟ ᱾ ᱟᱡ ᱫᱚ ᱭᱩ.ᱮᱥ, ᱭᱩ.ᱠᱮ, ᱟᱴᱞᱟᱱᱴᱟ, ᱡᱚᱨᱢᱟᱱᱤ, ᱭᱩᱨᱳᱯ ᱠᱚᱨᱮ ᱠᱟ.ᱢᱤᱥᱟᱲᱟ ᱠᱚᱭ ᱥᱟᱯᱲᱟᱣ ᱟᱠᱟᱫᱟ ᱾
ᱠᱷᱚᱫᱽᱨᱚᱫᱽ ᱚᱞ ᱠᱟ.ᱢᱤ ᱟᱡ ᱫᱚ ᱟᱭᱢᱟ ᱚᱱᱚᱞ ᱥᱮᱨᱮᱧ ᱟᱨ ᱮᱱᱮᱡ ᱪᱮᱛᱟᱱ ᱨᱮ ᱚᱞ ᱟᱠᱟᱫᱟᱭ,ᱡᱟᱦᱟᱸ ᱠᱚᱫᱚ ᱥᱨᱩᱛᱤᱞᱚᱭᱟ (Shrutilaya) ᱯᱟᱛᱷᱟᱢ ᱨᱮ ᱩᱪᱷᱟ.ᱱ ᱟᱠᱟᱱᱟ ᱵᱟ.ᱲᱛᱤ ᱠᱟᱭᱛᱮ ᱾ ᱢᱳᱦᱤᱱᱤ ᱟᱛᱛᱟᱢ ᱮᱱᱮᱡ,ᱥᱮᱨᱮᱧ ᱨᱮ ᱠᱷᱚᱸᱫᱽᱨᱚᱫᱽ ᱥᱟᱛᱟᱢ ᱰᱮᱱᱥ ᱥᱤᱠᱷᱱᱟ.ᱛ ᱟᱥᱲᱟ ᱠᱚᱨᱮ (Dance Education in Schools) ᱮᱱ.ᱥᱤ.ᱟᱨ.ᱴᱤ (en:NCERT) ᱨᱮᱭᱟᱜ ᱥᱮᱢᱤᱱᱟᱨ ᱨᱮ ᱫᱟᱠᱷᱚᱞ ᱞᱮᱫ ᱛᱟᱭᱟ ᱾ ᱠᱮᱨᱚᱲ ᱨᱮᱭᱟᱜ ᱫᱮᱵᱽᱫᱟᱥᱤ (Devadasi) ᱯᱚᱨᱚᱢᱯᱚᱨᱟ ᱤᱫᱤ ᱠᱟᱛᱮᱱ ᱦᱟᱯᱛᱟᱠᱤᱭᱟ. ᱯᱟᱛᱷᱟᱢ ᱤᱱᱫᱩ (Indu) ᱨᱮ ᱯᱩᱭᱞᱩ ᱫᱷᱟᱣ ᱩᱪᱷᱟ.ᱱ ᱞᱮᱱᱟ,ᱡᱟᱦᱟᱸ ᱫᱚ ᱭᱩ.ᱮᱥ.ᱮ(USA) ᱨᱮᱭᱟᱜ ᱦᱳᱣᱩᱥᱴᱳᱱ (en:Houston) ᱠᱷᱚᱱ ᱩᱪᱷᱟ.ᱱᱚᱜ ᱠᱟᱱᱟ ᱾ ᱟᱡᱟᱜ ᱜᱚᱱᱚᱝ ᱟᱱ ᱯᱩᱛᱷᱤ ᱠᱤᱱᱫᱚ ᱢᱳᱦᱤᱱᱤᱭᱟᱛᱛᱚᱢ -ᱫᱤ ᱞᱟᱭᱨᱤᱠᱟᱞ ᱰᱮᱱᱥ ᱳᱯᱷ ᱠᱮᱨᱚᱲ (Mohiniyattom-The Lyrical Dance of Kerala) ᱟᱨ ᱢᱩᱫᱽᱨᱟ (Mudra),ᱡᱟᱦᱟᱸ ᱫᱚ ᱢᱟᱛᱷᱨᱟᱵᱷᱩᱢᱤ (Mathrabhoomi) ᱯᱟᱨᱥᱟᱞᱮᱛ ᱠᱷᱚᱱ ᱩᱪᱷᱟ.ᱱ ᱟᱠᱟᱱᱟ ᱾