ᱠᱚᱢᱞᱟ ᱵᱷᱟᱥᱤᱱ
ᱠᱚᱢᱞᱟ ᱵᱷᱟᱥᱤᱱ (ᱮᱯᱨᱤᱞ ᱒᱔, ᱑᱙᱔᱖ - ᱥᱮᱯᱴᱮᱢᱵᱚᱨ ᱒᱕, ᱒᱐᱒᱑) ᱫᱚ ᱢᱤᱫᱴᱮᱱ ᱥᱤᱧᱚᱛᱤᱭᱟᱹ ᱛᱤᱨᱞᱟᱹ ᱩᱱᱱᱚᱭᱚᱱᱠᱚᱨᱢᱤ ᱠᱟᱱᱟᱭ᱾ ᱚᱱᱟ ᱥᱟᱶ ᱩᱱᱤ ᱫᱚ ᱟᱱᱚᱲᱦᱤᱭᱟᱹ, ᱚᱱᱚᱞᱤᱭᱟᱹ ᱟᱨ ᱥᱚᱢᱟᱡᱽ ᱥᱟᱬᱮᱥᱤᱭᱟᱹ ᱦᱚᱸ ᱠᱟᱱᱟᱭ᱾ ᱛᱤᱨᱞᱟᱹ ᱦᱚᱲᱟᱜ ᱟᱹᱭᱫᱟᱹᱨᱤ ᱠᱩ ᱞᱟᱹᱜᱤᱛ ᱠᱟᱹᱢᱤ ᱠᱷᱟᱹᱛᱤᱨ ᱛᱮ ᱩᱱᱤᱭᱟᱜ ᱫᱚ ᱵᱮᱥ ᱩᱯᱨᱩᱢ ᱢᱮᱱᱟᱜᱼᱟ᱾ ᱩᱱᱤᱭᱟᱜ ᱚᱱᱚᱲᱦᱮᱸ ᱠᱤᱣᱠᱤ ᱢᱮ ᱞᱟᱹᱲᱠᱤ ᱦᱩᱸ, ᱢᱩᱡᱷᱮ ᱯᱟᱲᱱᱟ ᱦᱮᱭ ᱫᱚ ᱟᱹᱰᱤ ᱧᱩᱛᱩᱢᱟᱱ ᱠᱟᱱᱟ᱾ ᱩᱱᱤ ᱫᱚ ᱚᱣᱟᱱ ᱵᱤᱞᱤᱭᱚᱱ ᱨᱟᱭᱡᱤᱝ ᱨᱮᱱ ᱠᱚᱧᱮ ᱮᱥᱤᱭᱟᱹ ᱨᱮᱱ ᱠᱳᱚᱨᱰᱤᱱᱮᱴᱚᱨᱮ ᱛᱟᱸᱦᱮᱸᱠᱟᱱᱟ᱾
| ᱠᱚᱢᱞᱟ ᱵᱷᱟᱥᱤᱱ | |
|---|---|
 Bhasin in Dhaka Lit Fest 2017 | |
| ᱡᱟᱱᱟᱢ | ᱒᱔ ᱮᱯᱨᱤᱞ ᱑᱙᱔᱖ Shaheedanwali,Mandi Bahauddin ,Punjab,British India (now in Punjab, Pakistan)[᱑] |
| ᱜᱩᱨ | ᱒᱕ ᱥᱮᱯᱴᱮᱢᱵᱚᱨ ᱒᱐᱒᱑ (᱗᱕ ᱵᱚᱭᱚᱥ) ᱫᱤᱞᱞᱤ, ᱥᱤᱧᱚᱛ |
| ᱠᱟᱹᱢᱤ | feminist activist, poet, author |
| ᱯᱟᱹᱨᱥᱤ | Hindi, English |
| ᱥᱮᱪᱮᱫ | Master's in Arts |
| ᱥᱮᱪᱮᱫ ᱟᱥᱲᱟ | Rajasthan University, University of Münster |
| ᱥᱟᱶᱦᱮᱫ ᱮᱱᱮᱢ | Borders & Boundaries: Women in India's Partition (book) |
᱒᱐᱐᱒ ᱥᱮᱨᱢᱟ ᱨᱮ ᱟᱭᱟᱜ ᱵᱮᱱᱟᱣ ᱟᱠᱟᱱ 'ᱥᱟᱝᱜᱟᱛ' ᱨᱮᱱᱟᱜ ᱠᱟᱹᱢᱤ ᱠᱷᱟᱹᱛᱤᱨ ᱟᱡ ᱤᱣ ᱮᱱ ᱨᱮᱱᱟᱜ ᱠᱟᱹᱢᱤᱭ ᱵᱟᱹᱜᱤ ᱜᱤᱰᱤ ᱞᱮᱫᱟ᱾ ᱩᱱᱤ ᱫᱚ ᱥᱚᱢᱟᱡᱽ ᱨᱮᱱ ᱛᱟᱭᱚᱢ ᱟᱠᱟᱱ ᱛᱤᱨᱞᱟᱹ ᱦᱚᱲ ᱡᱟᱸᱦᱟᱸ ᱞᱮᱠᱟ ᱟᱹᱰᱤᱵᱟᱹᱥᱤ, ᱢᱟᱴᱷ ᱜᱷᱟᱴ ᱨᱮᱱ ᱠᱟᱹᱢᱤᱭᱟᱹ ᱠᱚ ᱥᱟᱶ ᱢᱮᱥᱟ ᱠᱟᱛᱮᱜ ᱮ ᱠᱟᱹᱢᱤ ᱟᱠᱟᱫᱟ᱾ ᱩᱱᱤᱭᱟᱜ ᱢᱮᱱᱮᱫᱽ ᱫᱚ ᱛᱟᱸᱦᱮᱸᱠᱟᱱᱟ ᱡᱟᱸᱦᱟᱸ ᱞᱮᱠᱟ ᱵᱚᱫᱚᱞ ᱞᱟᱹᱜᱤᱛ ᱢᱤᱫ ᱥᱟᱶ ᱠᱟᱹᱢᱤ ᱟᱨ ᱞᱟᱜᱟᱜ ᱠᱷᱟᱡ ᱟᱱᱫᱳᱞᱳᱱ ᱦᱚᱸ ᱡᱟᱹᱨᱩᱲᱟ᱾
ᱜᱷᱟᱸᱨᱚᱡᱽ ᱡᱤᱭᱚᱱ
ᱥᱟᱯᱲᱟᱣᱢᱚᱬᱮ ᱵᱚᱭᱦᱟ ᱛᱟᱞᱟᱨᱮ ᱟᱡ ᱫᱚ ᱞᱟᱹᱴᱩ ᱩᱛᱟᱹᱨᱮ ᱛᱟᱸᱦᱮᱸᱠᱟᱱᱟ᱾ ᱟᱡ ᱵᱟᱵᱟ ᱫᱚ ᱨᱟᱡᱚᱥᱛᱷᱟᱱ ᱨᱮᱱ ᱢᱤᱫ ᱰᱟᱠᱛᱟᱨᱮ ᱛᱟᱸᱦᱮᱸᱠᱟᱱᱟ᱾ ᱩᱱᱤ ᱫᱚ ᱥᱤᱧᱚᱛ ᱫᱤᱥᱟᱹᱢ ᱨᱮᱱᱟᱜ ᱟᱛᱚ ᱚᱲᱟᱜ ᱨᱮᱭ ᱦᱟᱨᱟᱵᱩᱨᱩ ᱟᱠᱟᱱᱟ ᱚᱱᱟᱛᱮ ᱟᱛᱚ ᱫᱤᱥᱟᱹᱢ ᱨᱮᱱ ᱛᱤᱨᱞᱟᱹ ᱦᱚᱲ ᱠᱚ ᱫᱚ ᱪᱮᱫ ᱞᱮᱠᱟᱱ ᱮᱴᱠᱮᱴᱚᱬᱮ ᱨᱮ ᱢᱮᱱᱟᱜ ᱠᱳᱣᱟ ᱚᱱᱟ ᱢᱚᱡᱽᱛᱮᱭ ᱵᱟᱰᱟᱭᱟ᱾ ᱱᱚᱣᱟᱜᱮ ᱟᱭᱟᱜ ᱠᱟᱹᱢᱤ ᱡᱤᱭᱚᱱ ᱨᱮ ᱟᱹᱰᱤ ᱠᱟᱡᱟᱠᱮ ᱜᱚᱸᱲᱚᱸᱠᱟᱫᱮᱭᱟ᱾
ᱥᱮᱵᱟ ᱢᱚᱱᱰᱤᱨ ᱨᱮ ᱠᱟᱹᱢᱤ ᱚᱠᱛᱚ ᱨᱮ ᱟᱡ ᱡᱟᱸᱣᱟᱸᱭ ᱥᱟᱶᱛᱮ ᱧᱟᱯᱟᱢ ᱦᱩᱭᱞᱮᱱ ᱛᱟᱭᱟ᱾ ᱟᱡ ᱡᱟᱸᱣᱟᱸᱭ ᱫᱚ ᱛᱤᱨᱞᱟᱹ ᱟᱹᱭᱫᱟᱹᱨᱤ ᱦᱚᱲᱮ ᱛᱟᱸᱦᱮᱸᱠᱟᱱᱟ᱾ ᱟᱡ ᱡᱟᱸᱣᱟᱸᱭ ᱫᱚᱭ ᱢᱮᱱᱞᱮᱫᱟ ᱟᱹᱠᱤᱱ ᱨᱮᱱ ᱜᱤᱫᱽᱨᱟᱹ ᱠᱚᱫᱚ ᱵᱟᱱᱟ ᱦᱚᱲᱟᱜ ᱯᱚᱫᱚᱵᱤ ᱠᱤᱱ ᱦᱟᱛᱟᱣᱟ᱾ ᱟᱫᱚ ᱛᱟᱭᱚᱢ ᱫᱟᱨᱟᱢᱛᱮ ᱟᱹᱠᱤᱱ ᱜᱷᱟᱸᱨᱚᱡᱽ ᱨᱮ ᱠᱷᱟᱹᱯᱟᱹᱨᱤ ᱠᱷᱟᱹᱛᱤᱨ ᱠᱤᱱ ᱵᱟᱯᱟᱜᱽ ᱞᱮᱱᱟ᱾
ᱩᱤᱱᱤᱨᱮᱱ ᱞᱟᱹᱴᱩ ᱠᱩᱲᱤ ᱜᱤᱫᱽᱨᱟᱹᱭ ᱵᱚᱸᱜᱟᱛᱟᱞᱟᱭᱮᱱ ᱛᱟᱭᱚᱢ ᱠᱚᱢᱞᱟ ᱵᱷᱟᱥᱤᱱ ᱟᱹᱰᱤ ᱟᱴᱜᱮᱭ ᱨᱟᱹᱯᱩᱫᱽ ᱞᱮᱱᱟ ᱟᱨᱦᱚᱸ ᱟᱡ ᱨᱮᱱ ᱠᱚᱲᱟ ᱜᱤᱫᱽᱨᱟᱹ ᱦᱚᱸ ᱢᱤᱫᱴᱮᱱ ᱴᱤᱠᱟᱹ ᱦᱟᱛᱟᱣ ᱯᱚᱨᱮ ᱟᱹᱰᱤ ᱜᱮᱭ ᱨᱩᱣᱟᱹ ᱞᱮᱱᱟ᱾
ᱥᱮᱪᱮᱫ ᱟᱨ ᱠᱟᱹᱢᱤ
ᱥᱟᱯᱲᱟᱣᱠᱚᱢᱞᱟ ᱵᱷᱟᱥᱤᱱ ᱫᱚ ᱨᱟᱡᱚᱥᱛᱷᱟᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱮᱢᱮ ᱰᱤᱜᱨᱤᱭ ᱦᱟᱢᱮᱴ ᱞᱮᱫᱟ᱾ ᱤᱱᱟᱹ ᱛᱟᱭᱚᱢ ᱵᱟᱨᱦᱮ ᱫᱤᱥᱟᱹᱢ ᱨᱮᱱᱟᱜ ᱯᱷᱮᱞᱳᱥᱤᱯ ᱦᱟᱛᱟᱣ ᱠᱟᱛᱮ ᱡᱟᱨᱢᱟᱱᱤ ᱨᱮᱱᱟᱜ ᱢᱩᱭᱮᱱᱥᱴᱟᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱥᱚᱢᱟᱡᱽ ᱥᱟᱬᱮᱥ ᱱᱤᱭᱟᱹYᱮᱭ ᱯᱟᱲᱦᱟᱣ ᱞᱮᱱᱟ᱾ ᱚᱸᱰᱮᱜᱮ ᱩᱱᱤ ᱢᱤᱫ ᱥᱮᱨᱢᱟᱭ ᱯᱟᱲᱦᱟᱣ ᱞᱮᱫ ᱠᱳᱣᱟ᱾ ᱤᱱᱟᱹ ᱛᱟᱭᱚᱢ ᱥᱤᱧᱚᱛ ᱨᱩᱣᱟᱹᱲ ᱠᱟᱛᱮ ᱩᱱᱤ ᱡᱟᱸᱦᱟᱸᱭ ᱯᱟᱲᱦᱟᱣ ᱟᱠᱟᱫᱟ ᱚᱱᱟ ᱨᱮᱱᱟᱜ ᱠᱟᱹᱢᱤᱭ ᱮᱛᱦᱚᱵ ᱞᱮᱫᱟ᱾ ᱩᱱᱤ ᱫᱚ ᱥᱮᱵᱟ ᱢᱚᱱᱰᱤᱨ ᱨᱮ ᱠᱟᱹᱢᱤᱭ ᱮᱛᱦᱚᱵ ᱞᱮᱫᱟ᱾ ᱩᱱᱠᱩᱣᱟᱜ ᱠᱟᱹᱢᱤ ᱫᱚ ᱛᱟᱸᱦᱮᱸᱠᱟᱱᱟ ᱪᱮᱠᱟᱛᱮ ᱫᱷᱟᱹᱨᱛᱤ ᱨᱮᱱᱟᱜ ᱥᱚᱦᱟᱭ ᱥᱚᱢᱯᱚᱫᱽ ᱪᱮᱠᱟᱛᱮ ᱴᱤᱠᱟᱹᱣ ᱛᱟᱸᱦᱮᱱᱟ ᱚᱱᱟ ᱱᱤᱭᱟᱹᱛᱮ᱾ ᱚᱸᱰᱮ ᱛᱟᱸᱦᱮᱸ ᱡᱚᱠᱷᱚᱡ ᱜᱮ ᱩᱱᱤ ᱫᱚ ᱛᱤᱨᱞᱟᱹ ᱦᱚᱲᱟᱜ ᱟᱹᱭᱫᱟᱹᱨᱤ ᱱᱤᱭᱟᱹᱛᱮ ᱟᱱᱫᱳᱞᱳᱱᱮ ᱮᱛᱦᱚᱵ ᱞᱮᱫᱟ᱾
ᱥᱟ.ᱠᱷᱭᱟ.ᱛ
ᱥᱟᱯᱲᱟᱣ- ↑ "Let's change the world: Kamla Bhasin". The Dawn. 29 July 2005. Retrieved 25 September 2021.