ᱠᱚᱬᱟᱨᱠ ᱪᱟᱸᱫᱚ ᱢᱩᱱᱫᱤᱨ

ᱠᱚᱬᱟᱨᱠᱚ ᱪᱟᱸᱫᱚ ᱢᱩᱱᱫᱤᱨ ᱫᱚ ᱑᱓ ᱥᱟᱭ ᱥᱟᱹᱦᱤᱛ ᱨᱮ ᱥᱤᱧᱚᱛ ᱨᱮᱱᱟᱜ ᱳᱰᱤᱥᱟ ᱯᱚᱱᱚᱛ ᱠᱚᱬᱟᱨᱠ ᱨᱮ ᱢᱮᱱᱟᱜ ᱢᱤᱫ ᱪᱟᱸᱫᱚ ᱢᱩᱱᱫᱤᱨ ᱠᱟᱱᱟ ᱾^[᱑] ᱑᱒᱘᱐ ᱥᱟᱹᱦᱤᱛ ᱥᱮᱫ ᱨᱮ ᱩᱛᱠᱚᱲ ᱨᱤᱱᱤᱡ ᱜᱚᱝᱜᱚ ᱵᱚᱝᱥᱚ ᱨᱟᱡᱟ ᱞᱟᱝᱜᱩᱲᱟ ᱱᱚᱨᱥᱤᱝ ᱫᱮᱵᱽ ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱᱟ ᱢᱮᱱᱛᱮ ᱵᱟᱰᱟᱭᱚᱜᱼᱟ ᱾^[᱒] ᱱᱚᱶᱟ ᱫᱚ ᱢᱟᱨᱟᱝ ᱨᱟᱛᱷ ᱜᱟᱹᱰᱤ ᱞᱮᱠᱟ ᱧᱮᱞᱚᱜᱼᱟ, ᱡᱟᱦᱟᱸ ᱨᱮ ᱫᱷᱤᱨᱤ ᱛᱮ ᱛᱮᱭᱟᱨ ᱟᱠᱟᱱ ᱪᱟᱠᱟ, ᱠᱷᱚᱱᱴᱤ ᱟᱨ ᱠᱟᱱᱛ ᱢᱮᱱᱟᱜᱼᱟ ᱾ ᱱᱚᱶᱟ ᱢᱩᱬ ᱵᱷᱟᱜᱽ ᱫᱚ ᱵᱟᱹᱭ ᱵᱟᱹᱭ ᱛᱮ ᱦᱮᱲᱚᱜ ᱠᱟᱱᱟ ᱾ ᱱᱚᱶᱟ ᱫᱚ ᱢᱤᱫ ᱡᱮᱜᱮᱛ ᱢᱚᱱᱩᱢᱮᱱᱴ ᱴᱷᱟᱶ ᱠᱟᱱᱟ ᱾^[᱓] ᱴᱟᱭᱤᱢᱥ ᱚᱯᱷ ᱤᱱᱰᱤᱭᱟ ᱦᱚᱛᱮ ᱛᱮ ᱞᱤᱥᱴᱤ ᱟᱠᱟᱱ ᱮᱭᱟᱭ ᱦᱟᱦᱟᱲᱟ ᱢᱩᱸᱫᱽ ᱨᱮ ᱟᱨ ᱮᱱᱹᱰᱤᱹᱴᱤᱹᱵᱷᱤᱹ ᱦᱚᱛᱮ ᱛᱮ ᱞᱤᱥᱴᱤ ᱟᱠᱟᱱ ᱮᱭᱟᱭ ᱦᱟᱦᱟᱲᱟ ᱢᱩᱸᱫᱽ ᱨᱮ ᱱᱚᱶᱟ ᱨᱮᱱᱟᱜ ᱧᱩᱛᱩᱢ ᱦᱚᱸ ᱠᱷᱚᱫᱟ ᱦᱟᱠᱟᱱᱟ

ᱪᱷᱟᱹᱴᱭᱟᱹᱨ ᱥᱟᱯᱲᱟᱣ

ᱠᱚᱬᱟᱨᱠ ᱢᱩᱱᱫᱤᱨ ᱧᱤᱫᱟᱹ ᱵᱮᱲᱟ

ᱱᱚᱶᱟ ᱢᱩᱱᱫᱤᱨ ᱫᱚ ᱯᱨᱟᱪᱤ ᱟᱨ ᱵᱚᱝᱜᱚᱯ ᱥᱟᱹᱢᱩᱸᱫᱽ ᱨᱮᱱᱟ ᱫᱩᱞᱢᱤᱫ ᱟᱠᱟᱱ ᱴᱷᱟᱶ ᱨᱮ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱡᱩᱜᱽ ᱨᱮ ᱚᱸᱰᱮ ᱢᱤᱫ ᱰᱷᱤᱯ ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸ ᱨᱮᱱᱟᱜ ᱧᱩᱛᱩᱢ ᱫᱚ "ᱠᱚᱬᱚᱜᱚᱨᱚ" ᱛᱟᱦᱮᱸ ᱠᱟᱱᱟ ᱾ "ᱠᱚᱬᱚᱜᱚᱨᱚ" ᱧᱩᱛᱩᱢ ᱠᱷᱚᱱ ᱜᱮ ᱢᱩᱱᱫᱤᱨ ᱨᱮᱱᱟᱜ ᱧᱩᱛᱩᱢ ᱫᱚ "ᱠᱚᱬᱟᱨᱠᱚ" ᱦᱩᱭ ᱠᱚᱜᱼᱟ ᱢᱮᱱᱛᱮ ᱠᱚ ᱟᱹᱱᱩᱢᱟᱱᱟ ᱾ ᱠᱚᱬᱟᱨᱠᱚ ᱟᱹᱲᱟᱹ ᱪᱷᱤᱢᱵᱽᱲᱤ ᱞᱮᱠᱷᱟᱱ ᱵᱟᱰᱟᱭᱚᱜᱼᱟ ᱵᱟᱝᱢᱟ ᱱᱚᱶᱟ ᱫᱚ ᱥᱚᱸᱥᱠᱨᱩᱛ ᱟᱹᱲᱟᱹ "ᱠᱚᱬᱚ" ᱟᱨ "ᱚᱨᱠᱚ" ᱨᱮᱱᱟᱜ ᱢᱮᱥᱟ ᱠᱟᱛᱮ ᱵᱮᱱᱟᱣ ᱟᱠᱟᱱᱟ ᱾ "ᱠᱚᱬᱚ" ᱨᱮᱱᱟᱜ ᱨᱮᱱᱟᱜ ᱢᱮᱱᱮᱛ ᱦᱩᱭᱩᱜ ᱠᱟᱱᱟ ᱵᱟᱨᱭᱟ ᱥᱮᱦᱮᱫ ᱵᱟᱝᱢᱟ ᱜᱟᱨ ᱨᱮᱱᱟᱜ ᱢᱤᱞᱚᱱ ᱟᱨ "ᱚᱨᱠᱚ" ᱨᱮᱱᱟᱜ ᱢᱮᱱᱮᱛ ᱫᱚ "ᱪᱟᱸᱫᱚ" ᱾ ᱱᱚᱶᱟ ᱢᱩᱱᱫᱤᱨ ᱫᱚ ᱪᱟᱸᱫᱚ ᱵᱚᱝᱜᱟ ᱞᱟᱹᱜᱤᱫ ᱵᱮᱱᱟᱣ ᱟᱠᱟᱱ ᱠᱷᱟᱹᱛᱤᱨ ᱱᱚᱶᱟ ᱴᱷᱟᱶ ᱨᱮᱱᱟᱜ ᱧᱩᱛᱩᱢ ᱫᱚ "ᱠᱚᱬᱟᱨᱠᱚ" ᱟᱠᱟᱱᱟ ᱢᱮᱱᱛᱮ ᱠᱚ ᱢᱮᱱᱵᱟᱲᱟᱭᱟ ᱾^[᱔]

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ

↑ "Official website". Tourism Department, Government of Orissa. Retrieved 3 May 2013.
↑ Indian History. Tata McGraw-Hill Education. p. 2. ISBN 978-0-07-132923-1. Retrieved 3 May 2013.
↑ "Sun Temple, Konârak". UNESCO. Retrieved 3 May 2013.
↑ http://www.indiaprofile.com/monuments-temples/india-monuments.htm

[1] "Official website". Tourism Department, Government of Orissa. Retrieved 3 May 2013.

[2] Indian History. Tata McGraw-Hill Education. p. 2. ISBN 978-0-07-132923-1. Retrieved 3 May 2013.

[3] "Sun Temple, Konârak". UNESCO. Retrieved 3 May 2013.

[4] ttp://www.indiaprofile.com/monuments-temples/india-monuments.htm

[᱑]

[᱒]

[᱓]

[᱔]