ᱠᱚᱸᱥᱟᱵᱚᱛᱤ ᱜᱟᱰᱟ
ᱠᱚᱸᱥᱟᱵᱚᱛᱤ ᱟᱨ ᱵᱟᱸ ᱠᱟᱸᱥᱟ.ᱭ-ᱫᱩᱠᱷᱤᱱ - ᱯᱩᱪᱷᱤᱢ ᱯᱩᱪᱷᱤᱢᱵᱟᱝᱞᱟ ᱨᱮᱱᱟᱜ ᱢᱤᱫ ᱧᱩᱢᱩᱨᱩᱢ ᱜᱟᱰᱟ᱾ᱠᱟᱞᱤᱫᱟᱥᱽ ᱟᱜ ᱚᱞ ᱢᱮᱜᱷᱫᱩᱛ ᱟᱨᱮᱴᱟᱜ ᱥᱟᱶᱦᱮᱫ ᱨᱮ ᱱᱚᱣᱟ ᱜᱟᱰᱟ ᱫᱚ ᱠᱚᱯᱤᱥᱟ ᱧᱩᱛᱟᱢ ᱛᱮ ᱚᱞ ᱟᱠᱟᱱᱟ᱾ ᱞᱮᱭ ᱞᱮᱠᱟᱛᱮ,ᱫᱚᱨᱭᱟ ᱴᱷᱮᱱ ᱥᱟᱨ ᱥᱟ.ᱜᱩᱱ ᱵᱟᱯᱞᱟ ᱜᱚᱴᱟ ᱟᱠᱟᱱ ᱮᱨᱟ ᱠᱚᱸᱥᱟᱵᱚᱛᱤ ᱠᱤᱨᱥᱱᱚ ᱫᱚᱢᱚᱫᱚᱨ ᱨᱩᱭ ᱛᱮ ᱧᱟᱯᱟᱢ ᱞᱟ.ᱜᱤᱫ ᱮ ᱫᱟ.ᱲ ᱥᱮᱱ ᱞᱮᱱ ᱨᱮ, ᱠᱚᱸᱥᱟᱵᱚᱛᱤ ᱟ.ᱰᱤ ᱞᱚᱜᱚᱱ ᱧᱤᱨ ᱥᱮᱱ ᱠᱟᱛᱮ ᱫᱚᱨᱭᱟ ᱨᱮᱭ ᱢᱮᱥᱟᱭᱮᱱᱟ᱾ ᱢᱤᱫᱱᱤᱯᱩᱨ ᱱᱟᱜᱟᱨ ᱫᱷᱟᱨᱮ ᱨᱮ ᱱᱟᱣᱟ ᱜᱟᱰᱟ ᱢᱮᱱᱟᱜ -ᱟ᱾[᱑]
| ᱠᱚᱸᱥᱟᱵᱚᱛᱤ ᱜᱟᱰᱟ | |
|---|---|
| ᱨᱮᱫ:ᱠᱟᱸᱥᱟ.ᱭ(ᱠᱚᱸᱥᱟᱵᱚᱛᱤ) ᱜᱟᱰᱟKasai.jpg ᱠᱚᱸᱥᱟᱵᱚᱛᱤ ᱜᱟᱰᱟ ᱥᱩᱨ ᱢᱤᱫᱱᱤᱯᱩᱨ town | |
| ᱨᱮᱫ:ᱫᱟᱢᱚᱫᱚᱨ Map.jpg | |
| ᱮᱴᱟᱜ ᱧᱩᱛᱩᱢ(s) | ᱠᱚᱥᱟᱭCossye |
| Country | ᱥᱤᱧᱚᱛ |
| State | ᱯᱩᱪᱷᱤᱢᱵᱟᱝᱞᱟ |
| Cities | ᱯᱩᱨᱩᱞᱤᱭᱟ, ᱵᱟᱸᱠᱩᱲᱟ, ᱢᱤᱫᱱᱤᱯᱩᱨ, ᱠᱷᱚᱨᱚᱜ ᱯᱩᱨ |
| Physical characteristics | |
| Main source | ᱡᱟᱵᱚᱨ ᱵᱩᱨᱩ, ᱯᱩᱨᱩᱞᱤᱭᱟ ᱡᱤᱞᱟ, ᱪᱷᱳᱴᱟ ᱱᱟᱜᱯᱩᱨ ᱯᱟᱞᱴᱮᱣᱟ, ᱯᱩᱪᱷᱤᱢᱵᱟᱝᱞᱟ |
| ᱡᱤᱞᱤᱧ | 465.23 km (289.08 mi) units? |
| Discharge |
|
| Basin features | |
| Tributaries |
|
_%E1%B1%9C%E1%B1%9F%E1%B1%B0%E1%B1%9FKasai.jpg){kind=link}
ᱞᱤᱡᱤᱜ ᱦᱚᱨ ᱯᱩᱨᱩᱞᱤᱭᱟ.ᱡᱤᱞᱟ ᱡᱷᱟᱞᱫᱟ ᱴᱚᱴᱷᱟ ᱤᱱᱠᱟ.᱖᱐᱐ ᱢᱤᱴᱟᱨ ᱩᱥᱩᱞ ᱵᱩᱨᱩ᱾ᱠᱷᱚᱱ ᱡᱷᱟᱵᱚᱨᱵᱚᱱ ᱠᱟᱸᱥᱟ.ᱭ ᱱᱟᱞᱟ ᱦᱤᱥᱟᱵ ᱧᱩᱛᱩᱢ ᱛᱮ ᱠᱚᱸᱥᱟᱵᱚᱛᱤ ᱜᱟᱰᱟ ᱢᱟᱱᱟᱢ ᱟᱠᱟᱱᱟ᱾ ᱥᱩᱨ ᱵᱩᱨᱩ ᱟᱡᱳᱫᱤᱭᱟ.ᱵᱩᱨᱩ ᱠᱷᱚᱱ ᱥᱟᱦᱟᱨᱡᱷᱳᱨᱟ ᱧᱩᱛᱩᱢ ᱛᱮ ᱢᱤᱫ ᱦᱩᱰᱤᱧ ᱱᱟᱞᱟ ᱵᱮᱜᱩᱱᱠᱩᱫᱟᱨ ᱥᱩᱨ ᱨᱮᱠᱚᱸᱥᱟᱵᱚᱛᱤ ᱥᱟᱞᱟᱜ ᱢᱮᱥᱟ ᱟᱠᱟᱱᱟ᱾ ᱛᱮᱞ ᱰᱤᱦᱤ ᱟ.ᱛᱩ ᱥᱩᱨ ᱵᱟᱱᱫᱩ ᱟᱨ ᱵᱟᱝ ᱵᱚᱱᱫᱷᱩ ᱜᱟᱰᱟ ᱠᱚᱸᱥᱟᱵᱚᱛᱤ ᱨᱮ ᱫᱩᱞ ᱢᱤᱫ ᱟᱠᱟᱱᱟ᱾
ᱱᱚᱣᱟ ᱛᱟᱭᱚᱢ ᱯᱩᱨᱩᱞᱤᱭᱟ.- ᱪᱟᱱᱰᱤᱞ ᱨᱮᱞ ᱞᱟᱭᱤᱱ ᱯᱟᱨᱚᱢ ᱠᱟᱛᱮ ᱯᱩᱨᱵᱚ ᱯᱟᱦᱴᱟ ᱱᱟᱥᱮᱞᱟᱦᱟ ᱠᱟᱛᱮ ᱠᱟᱨᱢᱟᱨᱟ ᱱᱟᱢᱟᱨ ᱥᱟᱞᱟᱜ ᱢᱮᱥᱟ ᱟᱠᱟᱱᱟ᱾ᱵᱷᱮᱫᱩᱣᱟ ᱟ.ᱛᱩ ᱯᱟᱨᱚᱢ ᱠᱟᱛᱮ ᱱᱚᱣᱟ ᱜᱟᱰᱟ ᱵᱟᱸᱠᱩᱲᱟ ᱨᱮ ᱵᱚᱞᱚ ᱟᱠᱟᱱᱟ᱾ ᱵᱟᱸᱠᱩᱲᱟ ᱨᱮᱜᱮ ᱠᱚᱸᱥᱟᱵᱚᱛᱤᱭᱟᱜ ᱵᱚᱦᱟᱜ ᱫᱚ ᱠᱩᱡᱟᱨᱤ ᱜᱟᱰᱟ ᱥᱟᱞᱟᱜ ᱢᱮᱥᱟᱭᱮᱱᱟ᱾ᱢᱩᱠᱩᱴ ᱢᱚᱱᱤᱯᱩᱨ ᱠᱚᱸᱥᱟᱵᱚᱛᱤ ᱟᱨ ᱠᱩᱢᱟᱨᱤ ᱜᱟᱰᱟ ᱢᱮᱥᱟ ᱠᱟᱛᱮ ᱧᱩᱛᱩᱢᱟᱱ ᱵᱟᱸᱫᱽ ᱫᱟᱜᱵᱟᱺᱫᱤ ᱵᱮᱱᱟᱣ ᱟᱠᱟᱱᱟ᱾
ᱟᱸᱫᱽ ᱠᱷᱚᱱ ᱩᱰᱩᱠ ᱠᱟᱛᱮ ᱨᱟᱭᱯᱩᱨ ᱥᱩᱨ ᱥᱮᱫ ᱛᱮ ᱫᱩᱠᱷᱤᱱ ᱯᱩᱨᱵᱚ ᱢᱤᱫᱱᱤᱯᱩᱨ ᱡᱤᱞᱟ ᱵᱤᱱᱯᱩᱨ ᱴᱚᱴᱷᱟ ᱨᱮ ᱠᱚᱸᱥᱟᱵᱚᱛᱤ ᱵᱚᱞᱚ ᱟᱠᱟᱱᱟ᱾ ᱵᱷᱚᱭᱨᱚᱵᱵᱟᱸᱠᱤ ᱜᱟᱰᱟ ᱥᱟᱞᱟᱜ ᱢᱮᱥᱟ ᱠᱟᱛᱮ ᱯᱩᱪᱷᱤᱢ ᱢᱤᱫᱱᱤᱯᱩᱨ ᱡᱤᱞᱟ ᱨᱮᱵᱚᱞᱚ ᱟᱠᱟᱱᱟ᱾ ᱠᱮᱥᱯᱩᱨ ᱥᱩᱨ ᱨᱮ ᱵᱟᱨ ᱦᱟ.ᱴᱤᱧ ᱛᱮ ᱦᱟ.ᱴᱤᱧ ᱟᱠᱟᱱᱟ᱾ ᱢᱤᱫᱴᱟᱸ ᱟ.ᱴᱤᱧ ᱫᱚ,ᱫᱟᱥᱽᱯᱩᱨ ᱴᱚᱴᱷᱟ ᱪᱮᱛᱟᱱ ᱛᱮ ᱯᱟᱞᱟᱨᱯᱟᱭ ᱧᱩᱛᱩᱢ ᱛᱮ ᱞᱤᱸᱜᱤ ᱠᱟᱛᱮ ᱨᱩᱯᱱᱟᱨᱟᱭᱟᱱ ᱜᱟᱰᱟ ᱥᱮᱫ ᱞᱟᱦᱟ ᱥᱮᱱ ᱟᱠᱟᱱᱟ᱾ᱟᱨ ᱢᱤᱫ ᱴᱟᱸ ᱫᱚ ᱫᱩᱠᱷᱤᱱ ᱯᱩᱨᱵᱚ ᱥᱮᱫ ᱠᱟᱞᱤᱭᱟᱜᱷᱟᱭ ᱟᱨ ᱵᱟᱸ ᱠᱮᱞᱮᱜᱷᱟᱭ ᱜᱟᱰᱟ ᱢᱮᱥᱟ ᱟᱠᱟᱱᱟ᱾
ᱪᱟᱸᱜᱲᱟ ᱜᱟᱰᱟ ᱠᱚ
ᱥᱟᱦᱟᱨᱡᱷᱳᱨᱟ -ᱟᱡᱳᱫᱤᱭᱟ.ᱵᱩᱨᱩ ᱠᱷᱚᱱ ᱳᱰᱚᱜ ᱟᱠᱟᱱᱟ᱾ ᱢᱩᱨᱜᱩᱱᱟᱭ ᱜᱟᱰᱟ ᱨᱮ ᱫᱟᱜ ᱵᱟ.ᱫᱤ ᱠᱚ ᱵᱮᱱᱟᱣ ᱟᱠᱟᱫᱟ ᱱᱚᱣᱟ ᱫᱚ ᱪᱟᱥ ᱠᱟ.ᱢᱤ ᱨᱮ ᱟᱥᱟᱱ ᱞᱟ.ᱜᱤᱫ᱾ ᱵᱮᱜᱩᱱᱠᱩᱫᱟᱨ ᱥᱩᱨ ᱨᱮ ᱱᱚᱣᱟ ᱠᱚᱸᱥᱟᱵᱚᱛᱤ ᱜᱺᱰᱟ ᱫᱚ ᱢᱮᱥᱟ ᱟᱠᱟᱱᱟ᱾
ᱵᱟᱱᱫᱩ - ᱟᱨ ᱵᱟᱸ ᱵᱚᱱᱫᱷᱩ ᱜᱟᱰᱟ ᱥᱟᱨᱟᱢᱵᱤᱥᱤ,ᱵᱩᱨᱩᱰᱤ ᱮᱢᱟᱱ ᱱᱟᱞᱟ ᱥᱟᱞᱟᱜ ᱢᱮᱥᱟ ᱠᱟᱛᱮ ᱥᱤᱨᱠᱟᱵᱟᱫ ᱥᱩᱨ ᱟᱡᱳᱫᱤᱭᱟ ᱵᱩᱨᱩ ᱠᱷᱚᱱ ᱟᱸᱲᱜᱚ ᱦᱮᱡ ᱟᱠᱟᱱᱟ᱾ ᱤᱱᱟ. ᱛᱟᱭᱚᱢ ᱒᱔ ᱠᱤᱞᱚᱢᱤᱴᱟᱨ ᱦᱚᱨ ᱯᱟᱨᱚᱢ ᱠᱟᱛᱮ ᱛᱮᱞᱰᱤᱦᱤ ᱟ.ᱛᱩ ᱥᱩᱨ ᱠᱚᱸᱥᱟ ᱵᱚᱛᱤ ᱨᱮ ᱞᱤᱸᱜᱤ ᱢᱮᱥᱟ ᱟᱠᱟᱱᱟ᱾
ᱠᱩᱢᱟᱨᱤ ᱜᱟᱰ ᱠᱩᱢᱟᱨᱤ ᱫᱚ ᱠᱚᱸᱥᱟᱵᱚᱛᱤ ᱨᱮᱱᱟᱜ ᱨᱮᱦᱮᱫ ᱜᱟᱰᱟ᱾ ᱱᱚᱣᱟ ᱜᱟᱰᱟ ᱫᱚ ᱟᱡᱟᱫᱤᱭᱟ. ᱵᱩᱨᱩ ᱠᱷᱚᱱ ᱳᱰᱚᱠ ᱠᱟᱛᱮ ᱫᱤᱲᱟ.ᱸ ᱫᱤᱲᱟᱸ ᱛᱮ ᱞᱤᱸᱜᱤ ᱠᱟᱛᱮ ᱦᱩᱰᱤᱧ ᱜᱟᱰᱟ ᱥᱟᱞᱟᱜ ᱠᱩᱢᱟᱨᱤ ᱢᱮᱥᱟ ᱟᱠᱟᱱᱟ᱾ ᱤᱱᱟ.ᱛᱟᱭᱚᱢ ᱫᱩᱠᱷᱤᱱ ᱯᱩᱨᱵᱚ ᱥᱮᱫ ᱛᱮ ᱞᱤᱸᱜᱤ ᱠᱟᱛᱮ ᱯᱩᱨᱩᱞᱤᱭᱟ ᱪᱟᱱᱰᱩᱞ ᱨᱮᱞ ᱞᱟᱭᱤᱱ ᱯᱟᱨᱚᱢ ᱠᱟᱛᱮ ᱵᱚᱨᱟᱰᱷᱩᱢ ᱢᱟᱱᱵᱟᱡᱟᱨ ᱥᱮᱫ ᱛᱮ ᱵᱟᱸᱠᱩᱲᱟ ᱵᱚᱞᱚ ᱟᱠᱟᱱᱟ᱾ ᱱᱚᱣᱟ ᱵᱷᱤᱛᱨᱤ ᱯᱩᱱᱭᱟ. ᱜᱟᱰᱟ ᱠᱚᱫᱚ ᱦᱚᱱᱩᱢᱟᱛᱟ,ᱱᱟᱝᱜᱟᱥᱟᱤ ᱡᱚᱡᱚᱢ ᱯᱟᱦᱴᱟ ᱜᱟᱰᱟ ᱟᱨ ᱡᱷᱳᱨ ᱟᱨ ᱪᱟᱠᱟ ᱞᱮᱸᱜᱟ ᱯᱟᱦᱴᱟ ᱜᱟᱰᱟ᱾ ᱟᱨ ᱚᱱᱛᱮ ᱴᱳᱴᱠᱟ᱾ᱜᱟᱰᱟ ᱡᱷᱟᱲᱠᱷᱚᱱᱰ ᱨᱮ ᱴᱳᱴᱠᱟ ᱜᱟᱰᱟ ᱵᱟᱱᱫᱚᱣᱟᱱ ᱯᱟᱨᱚᱢ ᱠᱟᱛᱮ ᱢᱟ.ᱡᱷᱤᱰᱤᱦᱤ ᱥᱩᱨ ᱠᱩᱢᱟᱨᱤ ᱨᱮ ᱢᱮᱥᱟ ᱟᱠᱟᱱᱟ᱾ ᱗᱐ ᱠᱤᱞᱳ ᱡᱤᱞᱤᱧ ᱠᱩᱢᱟᱨᱤ ᱜᱟᱰᱟ ᱠᱚᱸᱥᱟᱵᱚᱛᱤ ᱨᱮ ᱫᱩᱞ ᱢᱤᱫ ᱟᱠᱟᱱᱟ᱾
ᱵᱷᱚᱭᱨᱚᱵᱵᱟᱸᱠᱤ ᱵᱷᱚᱭᱨᱚᱵ ᱵᱟᱸᱠᱤ ᱵᱟᱸᱠᱩᱲᱟ ᱡᱤᱞᱟ ᱨᱟᱱᱤᱵᱟᱸᱫᱽ ᱠᱷᱚᱱ ᱫᱩᱠᱷᱤᱱ ᱯᱩᱨᱵᱚ ᱞᱤᱸᱜᱤ ᱠᱟᱛᱮ ᱠᱚᱸᱥᱟᱵᱚᱛᱤ ᱨᱮ ᱢᱮᱥᱟ ᱟᱠᱟᱱᱟ᱾ᱱᱚᱣᱟ ᱨᱮᱱᱟᱜ ᱪᱮᱛᱟᱱ ᱜᱟᱰᱟ ᱫᱚ ᱛᱟᱨᱟᱯᱷᱮᱱᱩ᱾