ᱠᱟᱢᱟᱞᱟ ᱥᱟᱦᱟᱱᱤ
ᱠᱟᱢᱟᱞᱟ ᱥᱟᱦᱟᱱᱤ (᱑᱔ ᱥᱮᱯᱴᱮᱢᱵᱚᱨ,᱑᱙᱑᱒ - ᱒᱘ ᱡᱩᱱ, ᱑᱙᱙᱘) ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱ ᱢᱤᱫᱴᱮᱱ ᱯᱟᱹᱦᱤᱞ ᱛᱷᱟᱨ ᱨᱮᱱ ᱡᱤᱣ ᱥᱟᱬᱮᱥᱤᱭᱟᱹᱭ ᱛᱟᱦᱮᱸᱠᱞᱟᱱᱟ, ᱩᱱᱤ ᱫᱚ ᱑᱙᱓᱙ ᱥᱮᱨᱢᱟ ᱨᱮ ᱥᱟᱬᱮᱥᱤᱭᱟᱹ ᱯᱟᱦᱴᱟ ᱨᱮ ᱟᱹᱨᱤ ᱵᱟᱹᱱᱫᱷᱤ ᱠᱟᱛᱮ ᱯᱤᱹᱮᱪᱹ ᱰᱤᱹ ᱰᱤᱜᱽᱨᱤ ᱦᱟᱢᱮᱴ ᱟᱠᱟᱫ ᱯᱟᱹᱦᱤᱞ ᱥᱤᱧᱚᱛ ᱫᱤᱥᱚᱢ ᱨᱮᱱ ᱢᱟᱭᱡᱤᱣ ᱠᱟᱱᱟᱭ| ᱵᱮᱝᱜᱚᱞᱚᱨ ᱨᱮ ᱢᱮᱱᱟᱜ ᱥᱤᱧᱚᱛ ᱥᱟᱬᱮᱥ ᱟᱠᱷᱲᱟ ᱩᱱᱤᱭᱟᱜ ᱟᱝᱜᱚᱪ ᱜᱮ ᱱᱟᱜᱟᱢ ᱨᱮ ᱯᱟᱹᱦᱤᱞ ᱫᱷᱟᱣ ᱞᱟᱹᱜᱤᱫ ᱢᱟᱹᱭᱡᱤᱣ ᱠᱚᱣᱟᱜ ᱰᱟᱦᱟᱨ ᱫᱚ ᱛᱮᱭᱟᱨ ᱞᱮᱱᱟ|
| ᱠᱟᱢᱟᱞ ᱥᱟᱦᱟᱱᱤ (कमला सोहनी) | |
|---|---|
| ᱨᱮᱫ:Kamala Sohonie.jpg | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱔ ᱥᱮᱯᱴᱮᱱᱢᱚᱨ ᱑᱙᱑᱒ Iᱤᱱᱫᱚᱨ, ᱢᱚᱫᱽᱭᱚ ᱯᱨᱚᱫᱮᱥ, ᱥᱤᱧᱚᱛ |
| ᱜᱩᱨ | ᱒᱘ ᱡᱩᱱ ᱑᱙᱙᱘ ᱱᱟᱣᱟ ᱫᱤᱞᱞᱤ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱥᱮᱪᱮᱫ ᱟᱠᱷᱲᱟ | ᱵᱚᱢᱵᱮ ᱡᱮᱜᱮᱫ ᱵᱤᱨᱫᱟᱹ ᱜᱟᱲ, ᱢᱩᱢᱵᱟᱭ, ᱱᱮᱣᱱᱦᱟᱢ ᱠᱚᱞᱮᱡᱽ, ᱠᱮᱢᱵᱽᱨᱤᱡᱽ ᱡᱮᱜᱮᱫ ᱵᱤᱨᱫᱟᱹᱜᱟᱲ |
| ᱧᱩᱢᱱᱟᱢ | Being the first Indian female to earn a PHD |
| ᱡᱤᱭᱚᱱ ᱥᱚᱦᱮᱫ | ᱮᱢᱹ ᱵᱦᱤᱹ ᱥᱟᱦᱟᱱᱤ |
| Scientific career | |
| Fields | ᱵᱟᱭᱳ ᱠᱮᱢᱤᱥᱴᱨᱤ |
ᱩᱱᱤᱭᱟᱜ ᱟᱹᱨᱤ ᱵᱟᱹᱱᱫᱦᱤ ᱨᱮᱭᱟᱜ ᱥᱟᱛᱷᱟᱢ ᱫᱚ ᱛᱟᱦᱮᱸᱠᱟᱱᱟ ᱵᱷᱤᱴᱟᱢᱤᱱ ᱨᱮᱭᱟᱜ ᱚᱨᱥᱚᱝ ᱛᱮ ᱛᱟᱦᱟᱸ ᱥᱤᱧᱚᱛ ᱫᱤᱥᱚᱢ ᱨᱮᱱ ᱨᱮᱝᱜᱮᱡ ᱱᱟᱪᱟᱨ ᱱᱮ-ᱦᱚᱲ ᱦᱚᱛᱮ ᱛᱮ ᱟᱨᱡᱟᱣᱚᱜ ᱠᱟᱱ ᱟᱭᱢᱟ ᱞᱮᱠᱟᱱ ᱡᱚ, ᱦᱩᱲᱩ ᱮᱢᱟᱱ ᱯᱩᱨᱴᱷᱟᱹᱣᱟᱱᱟᱜ ᱵᱮᱜᱟᱨ ᱵᱟᱰᱟᱭ ᱜᱮ|
ᱮᱛᱚᱦᱚᱵ ᱡᱤᱭᱚᱱ
ᱥᱟᱯᱲᱟᱣ᱑᱙᱑᱒ ᱥᱮᱨᱢᱟ ᱨᱮ ᱢᱚᱫᱽᱭᱚ ᱯᱨᱚᱫᱮᱥ ᱯᱚᱱᱚᱛ ᱨᱮᱭᱟᱜ ᱤᱱᱫᱚᱨ ᱧᱩᱛᱩᱢᱟᱱ ᱡᱟᱭᱜᱟ ᱨᱮ ᱠᱟᱢᱟᱞᱟ ᱥᱟᱟᱦᱟᱱᱤᱭᱟᱜ ᱡᱟᱱᱟᱢ ᱫᱚ ᱦᱚᱭ ᱞᱮᱱᱟ| ᱟᱯᱟᱛ ᱱᱟᱨᱟᱭᱟᱱ ᱨᱟᱮ ᱵᱷᱟᱜᱟᱣᱟᱛ ᱟᱨ ᱠᱟᱠᱟᱛ ᱛᱮᱫ ᱢᱟᱫᱷᱩᱛᱨᱚ ᱵᱷᱟᱜᱟᱣᱟᱛ ᱛᱟᱠᱤᱱ ᱫᱚ, ᱴᱟᱴᱟ ᱤᱱᱥᱴᱤᱴᱤᱣᱩᱰ ᱚᱯᱷ ᱥᱟᱭᱤᱱᱥ (ᱚᱠᱟ ᱛᱟᱭᱟᱢ ᱛᱮ ᱫᱚ ᱥᱤᱧᱚᱛ ᱥᱟᱬᱮᱥ ᱟᱠᱷᱲᱟ ᱦᱚᱭᱮᱱ) ᱨᱮᱱ ᱨᱟᱥᱟᱭᱚᱱᱵᱤᱫᱽ ᱟᱨ ᱢᱟᱨᱮ ᱯᱟᱹᱴᱷᱩᱣᱟᱹ ᱠᱤᱱ ᱛᱟᱦᱮᱸᱠᱟᱱᱟ| ᱠᱟᱢᱟᱞᱟ ᱫᱚ "ᱜᱷᱟᱨᱚᱧᱡᱽ ᱨᱮᱭᱟᱜ ᱥᱮᱨᱣᱟ" ᱯᱟᱧᱡᱟ ᱠᱟᱛᱮ ᱑᱙᱓᱓ ᱥᱮᱨᱢᱟ ᱨᱮ ᱵᱚᱢᱵᱮ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱷᱚᱱ ᱨᱟᱥᱟᱭᱚᱱ ᱥᱟᱢᱮᱥ (ᱢᱟᱨᱟᱝ) ᱟᱨ ᱯᱚᱫᱷᱟᱨᱛᱷᱚ ᱥᱟᱬᱮᱥ (ᱥᱟᱫᱷᱟᱨᱚᱱ) ᱦᱟᱛᱟᱣ ᱠᱟᱛᱮ ᱵᱤᱹᱮᱹᱥᱤᱹ ᱰᱤᱜᱽᱨᱤ ᱫᱚᱭ ᱦᱟᱢᱮᱴ ᱞᱮᱫᱟ| ᱤᱱᱟᱹ ᱴᱟᱭᱱᱚᱢ ᱩᱱᱤ ᱰᱚ ᱥᱤᱧᱚᱛ ᱥᱟᱬᱮᱥ ᱟᱠᱷᱲᱟ ᱨᱮ ᱟᱹᱨᱤᱵᱟᱹᱫᱷᱤ ᱞᱟᱹᱜᱤᱫ ᱱᱮᱦᱚᱨ ᱥᱟᱠᱟᱢᱮ ᱥᱟᱢᱟᱝ ᱞᱮᱫᱟ| ᱢᱮᱱᱠᱦᱟᱱ ᱚᱱᱟ ᱚᱠᱛᱮ ᱨᱮ ᱟᱹᱨᱤ ᱵᱟᱹᱱᱫᱷᱤ ᱞᱟᱹᱜᱤᱫ ᱠᱩᱲᱤ ᱦᱚᱯᱚᱱ ᱫᱚ ᱞᱮᱠᱟᱢ ᱵᱟᱝ ᱠᱟᱱᱟ ᱠᱚ ᱢᱮᱱᱛᱮ ᱩᱱᱤᱭᱟᱜ ᱱᱮᱦᱚᱨ ᱥᱟᱠᱟᱢ ᱫᱚ ᱩᱱ ᱚᱠᱛᱮ ᱨᱮᱱ ᱰᱟᱭᱨᱮᱠᱴᱚᱨ ᱛᱟᱸᱦᱟᱸ ᱱᱚᱵᱮᱞ ᱥᱤᱨᱯᱟᱹ ᱦᱟᱢᱮᱴ ᱟᱠᱟᱫ ᱥᱤᱹ ᱵᱷ᱾ᱹ ᱨᱟᱢᱟᱱ ᱦᱚᱛᱮ ᱛᱮ ᱵᱟᱝ ᱟᱝᱜᱚᱪ ᱞᱮᱱ ᱛᱟᱭᱟ| ᱱᱤᱭᱟᱹ ᱵᱟᱝ ᱟᱝᱜᱚᱪ ᱠᱷᱟᱹᱛᱤᱨ ᱛᱮ ᱠᱟᱢᱟᱞ ᱫᱚ ᱥᱤᱹ ᱵᱷᱤᱹ ᱨᱟᱢᱟᱱ ᱟᱜ ᱚᱯᱷᱤᱥ ᱥᱟᱢᱟᱝ ᱨᱮ ᱥᱚᱛᱛᱟ ᱜᱽᱨᱚᱦᱚ ᱛᱟᱨᱫᱷᱟᱢ ᱟᱱᱫᱝᱚᱲᱮ ᱮᱦᱚᱵ ᱞᱮᱫᱟ| ᱟᱫᱚ ᱤᱱᱟᱹ ᱛᱟᱭᱱᱚᱢ ᱥᱤᱹ ᱵᱦᱤᱹ ᱨᱟᱢᱟᱱ ᱫᱚ ᱢᱤᱫ ᱵᱟᱨ ᱥᱚᱨᱛᱚ ᱫᱚᱦᱚ ᱠᱟᱛᱮ ᱩᱱᱤᱭᱟᱜ ᱟᱹᱨᱤ ᱵᱟᱹᱱᱫᱷᱤ ᱞᱟᱹᱜᱤᱫ-ᱮ ᱟᱝᱜᱚᱪ ᱟᱫᱮ ᱛᱟᱸᱦᱮᱸᱠᱟᱱᱟ|
ᱠᱟᱹᱢᱤ ᱟᱨ ᱟᱹᱨᱤ ᱵᱟᱹᱵᱷᱤ
ᱥᱟᱯᱲᱟᱣᱥᱤᱧᱚᱛ ᱥᱟᱢᱮᱥ ᱟᱠᱷᱲᱟ ᱨᱮ ᱠᱟᱢᱟᱞ ᱫᱮᱵᱤ ᱨᱮᱱ ᱥᱚᱥᱚᱞᱦᱟᱭᱤᱡ ᱫᱚᱭ ᱛᱟᱸᱦᱮᱸᱠᱟᱱᱟ ᱥᱨᱤ ᱥᱨᱤ ᱱᱤᱵᱟᱥᱟᱭ| ᱩᱱᱤᱭᱟᱜ ᱧᱮᱞ ᱛᱚᱫᱟᱨᱚᱛ ᱨᱮ ᱠᱟᱢᱟᱞᱟ ᱫᱚ ᱛᱚᱣᱟ, ᱢᱚᱴᱚᱨ ᱛᱟᱸᱦᱟᱸ ᱢᱟᱞᱦᱟᱱ ᱨᱮ ᱢᱮᱱᱟᱜ ᱯᱨᱚᱴᱤᱱ ᱤᱫᱤ ᱠᱟᱛᱮᱭᱮ ᱟᱹᱨᱤ ᱵᱟᱹᱱᱫᱷᱤ ᱞᱮᱫᱟ| ᱩᱱᱤᱭᱟᱜ ᱟᱹᱨᱤ ᱵᱟᱹᱱᱫᱤ ᱥᱟᱛᱷᱟᱢ ᱟᱨ ᱟᱹᱨᱤ ᱵᱟᱹᱱᱫᱷᱤ ᱧᱩᱛᱩᱢ ᱛᱮ ᱥᱩᱯᱨᱩᱛ ᱧᱮᱞ ᱛᱮ ᱯᱨᱚᱯᱷᱮᱥᱟᱨ ᱨᱟᱢᱟᱱ ᱫᱚ ᱑᱙᱓᱖ ᱥᱮᱨᱢᱟ ᱨᱮ ᱠᱟᱢᱟᱞᱟ ᱥᱟᱦᱟᱱᱤ ᱮᱢᱹᱮᱥᱹᱥᱤᱹ ᱰᱤᱜᱽᱨᱤ ᱦᱟᱢᱮᱴ ᱢᱤᱫ ᱥᱮᱨᱢᱟ ᱛᱟᱭᱱᱚᱢ ᱜᱮ ᱥᱤᱧᱚᱛ ᱥᱟᱬᱮᱥ ᱟᱠᱷᱲᱟ ᱨᱮ ᱢᱟᱭᱡᱤᱣ ᱠᱚ ᱦᱤᱸᱥ ᱦᱟᱛᱟᱣ ᱫᱟᱲᱮᱭᱟᱜ-ᱟ ᱠᱚ ᱢᱮᱱ ᱛᱮ ᱟᱝᱜᱚᱪ ᱠᱮᱫᱟ|