ᱠᱟᱨᱟᱢ ᱵᱚᱝᱜᱟ ᱯᱟᱨᱟᱵᱽ
ᱠᱟᱨᱟᱢ/ᱠᱚᱨᱚᱢ ᱱᱚᱶᱟ ᱵᱚᱝᱜᱟ ᱵᱩᱨᱩ ᱯᱟᱨᱟᱵᱽ ᱫᱚ ᱪᱟᱥ ᱠᱷᱮᱛ ᱠᱚ ᱨᱟᱠᱟᱵᱽ ᱫᱮᱞᱟ ᱫᱮᱞᱤ ᱨᱟᱥᱠᱟ ᱛᱮ ᱟᱹᱛᱩ ᱦᱚᱲ ᱠᱚ ᱟᱱᱛᱮ ᱢᱟᱱᱟᱣ ᱦᱩᱭᱩᱜᱼᱟ ᱾ ᱠᱟᱨᱟᱢ ᱯᱟᱨᱟᱵᱽ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱡᱷᱟᱨᱠᱷᱟᱸᱰ, ᱢᱚᱫᱷᱭᱚᱯᱨᱚᱫᱮᱥ, ᱪᱷᱚᱛᱤᱥᱜᱚᱰ, ᱟᱥᱟᱢ, ᱳᱰᱤᱥᱟ ᱟᱨ ᱣᱚᱮᱥᱴ ᱵᱮᱸᱜᱚᱞ ᱯᱚᱱᱚᱛ ᱠᱚᱨᱮ ᱵᱟᱹᱲᱛᱤ ᱧᱮᱞ ᱧᱟᱢᱚᱜᱼᱟ ᱾ ᱱᱚᱶᱟ ᱵᱚᱝᱜᱟ ᱵᱩᱨᱩ ᱫᱚ ᱠᱟᱨᱟᱢ ᱵᱚᱝᱜᱟ ᱧᱩᱛᱩᱢ ᱛᱮ ᱵᱚᱝᱜᱟᱭᱟᱠᱚ, ᱫᱟᱲᱮ, ᱫᱷᱚᱱ ᱟᱨ ᱱᱟᱭ ᱱᱟᱯᱟᱭ ᱞᱟᱹᱜᱤᱫ ᱾ ᱠᱟᱨᱟᱢ ᱵᱚᱝᱜᱟ ᱫᱚ ᱠᱚᱨᱵᱟ, ᱵᱟᱤᱜᱟ, ᱵᱤᱧᱡᱷᱩᱣᱟᱨᱤ, ᱱᱟᱜᱯᱩᱨᱤ, ᱠᱚᱨᱛᱷᱟ, ᱠᱩᱰᱩᱢᱤ, ᱚᱨᱟᱶ, ᱢᱩᱸᱰᱟ, ᱥᱟᱱᱛᱟᱲ ᱟᱨ ᱟᱹᱰᱤ ᱞᱮᱠᱟᱱ ᱡᱟᱹᱛᱨᱤᱱ ᱦᱚᱲ ᱠᱚ ᱢᱟᱱᱟᱣᱼᱟ ᱾ ᱱᱚᱶᱟ ᱵᱟᱨᱟᱵᱽ ᱫᱚ ᱠᱩᱱᱟᱹᱢᱤ ᱨᱮᱭᱟᱜ ᱜᱮᱞ ᱢᱤᱫ ᱫᱤᱱ ᱨᱮ ᱵᱷᱟᱫᱚᱨ ᱵᱚᱝᱜᱟᱨᱮ ᱵᱚᱝᱜᱟᱭᱟ, ᱡᱟᱦᱟ ᱪᱤ ᱤᱸᱜᱨᱟᱡᱤ ᱵᱚᱝᱜᱟ ᱚᱜᱚᱥᱴ ᱟᱨ ᱥᱮᱯᱴᱮᱢᱵᱚᱨ ᱯᱟᱲᱟᱣᱚᱜᱼᱟ ᱾ ᱡᱩᱣᱟᱱ ᱠᱚᱲᱟ ᱠᱩᱲᱤ ᱟᱨ ᱟᱹᱛᱩ ᱦᱚᱲ ᱠᱚ ᱡᱚᱛᱚ ᱵᱤᱨ ᱪᱟᱞᱟᱣ ᱠᱟᱛᱮ ᱥᱟᱦᱟᱱ, ᱡᱚ ᱟᱨ ᱵᱟᱦᱟ ᱠᱚ ᱟᱹᱜᱩᱭᱟ ᱾ ᱱᱚᱶᱟ ᱠᱚᱫᱚ ᱡᱚᱛᱚ ᱵᱚᱝᱜᱟ ᱵᱩᱨᱩ ᱡᱷᱚᱜ ᱫᱚᱨᱠᱟᱨ ᱤᱫᱤ ᱠᱟᱛᱮ ᱞᱟᱜᱟᱣᱜᱼᱟ ᱾ ᱵᱚᱝᱜᱟ ᱵᱩᱨᱩ ᱛᱟᱭᱚᱢ ᱡᱚᱛᱚ ᱢᱮᱥᱟ ᱠᱟᱛᱮ ᱠᱚ ᱠᱟᱨᱟᱢ ᱮᱱᱮᱡ ᱥᱮᱨᱮᱧ ᱡᱚᱝᱟᱠᱚ ᱾ ᱟᱹᱛᱩ ᱡᱟᱠᱟᱛ ᱛᱮᱠᱚ ᱤᱱᱟᱹ ᱦᱤᱞᱚᱜ ᱫᱚ ᱮᱱᱮᱡ ᱥᱮᱨᱮᱧ ᱛᱮᱠᱚ ᱟᱫᱚᱲ ᱠᱟᱜᱼᱟ ᱾
ᱩᱱᱩᱫᱩᱜ
᱑ ᱠᱷᱟᱴᱚᱛᱮ ᱞᱟᱠᱪᱟᱨ,
᱒ ᱴᱷᱤᱠᱟᱹᱫᱷᱟᱨᱟ
᱓ ᱯᱟᱹᱛᱭᱟᱹᱣ ᱞᱮᱠᱟᱛᱮ
᱔ ᱠᱟᱦᱱᱤᱞᱮᱠᱟᱛᱮ,
᱕ ᱧᱮᱞᱡᱚᱝᱢᱮ
᱖ ᱨᱮᱯᱷᱟᱨᱮᱱᱥ
᱑ᱹ ᱠᱷᱟᱴᱚᱛᱮ ᱞᱟᱠᱪᱟᱨ ᱠᱟᱨᱟᱢ ᱵᱚᱝᱜᱟ ᱫᱚ ᱱᱟᱯᱟᱭᱛᱮ ᱟᱨ ᱥᱟᱨ ᱠᱚᱜᱼᱟ ᱪᱟᱥ ᱟᱨᱡᱟᱣ ᱠᱚ ᱤᱫᱤᱛᱮ ᱠᱷᱟᱹᱛᱤᱨ ᱠᱚ ᱵᱚᱝᱜᱟᱭᱟ ᱾ ᱟᱨᱮ ᱞᱮᱠᱟᱱ ᱪᱟᱥ ᱟᱱᱟᱡ ᱱᱚᱣᱟ ᱠᱷᱟᱹᱧᱪᱤ/ᱡᱷᱩᱰᱤ ᱨᱮ ᱡᱟᱣᱟ ᱚᱢᱚᱱ ᱚᱪᱚᱭᱟ, ᱚᱱᱟ ᱠᱚᱫᱚ ᱦᱩᱲᱩ, ᱜᱚᱦᱚᱢ, ᱡᱚᱱᱚᱬᱟ, ᱵᱷᱟᱹᱫᱟᱹᱭ ᱟᱨ ᱮᱢᱟᱱᱟᱜ ᱠᱚ ᱾ ᱠᱩᱲᱩ ᱦᱚᱯᱚᱱ ᱚᱱᱟᱠᱚ ᱗ᱼ᱙ ᱫᱤᱱ ᱫᱷᱟᱹᱨᱤᱡ ᱠᱚ ᱡᱚᱜᱟᱣ ᱡᱚᱛᱚᱱᱟ ᱾ ᱠᱟᱨᱟᱢ ᱵᱚᱝᱜᱟ ᱨᱮᱫᱚ ᱠᱩᱲᱤ ᱦᱚᱯᱚᱱ ᱜᱮ ᱢᱟᱬᱟᱝ ᱛᱮᱠᱚ ᱥᱚᱡᱚᱜ ᱟᱨ ᱵᱚᱝᱜᱟ ᱞᱟᱹᱜᱤᱫ ᱡᱚᱛᱚᱣᱟᱜ ᱠᱚ ᱡᱩᱜᱟᱹᱲ ᱜᱚᱫᱟ ᱾ ᱢ ᱟᱱᱟᱣ ᱵᱟᱛᱟᱣ ᱨᱮᱭᱟᱜ ᱠᱟᱹᱢᱤ ᱦᱚᱨᱟ, ᱟᱹᱛᱩ ᱦᱚᱲ ᱛᱮ ᱵᱤᱨ/ᱵᱩᱨᱩ ᱛᱩᱢᱫᱟᱜ ᱟᱨ ᱴᱟᱢᱟᱠ ᱨᱩᱨᱩᱛᱮᱠᱚ ᱪᱟᱞᱟᱜᱼᱟ ᱟᱨ ᱠᱟᱨᱟᱢ ᱫᱟᱨᱮ ᱨᱮ ᱵᱚᱝᱜᱟ ᱵᱩᱨᱩ ᱠᱟᱛᱮ ᱠᱟᱨᱟᱢ ᱰᱟᱹᱨ ᱛᱮᱫ ᱢᱟᱜ ᱟᱹᱜᱩᱭᱟᱠᱚ ᱟᱨ ᱚᱱᱟ ᱠᱟᱨᱟᱢ ᱰᱟᱹᱨ ᱨᱮᱠᱚ ᱵᱚᱝᱜᱟ ᱵᱩᱨᱩᱭᱟ ᱾ ᱚᱱᱟ ᱠᱟᱨᱟᱢ ᱰᱟᱹᱨ ᱫᱚ ᱰᱟᱺᱜᱩᱣᱟᱹ ᱠᱩᱲᱤ ᱠᱚ ᱟᱹᱜᱩᱭᱟ , ᱡᱟᱦᱟᱸᱭ ᱠᱟᱨᱟᱢ ᱵᱚᱝᱜᱟ ᱥᱮᱨᱮᱧᱟᱭ ᱾ ᱚᱱᱟ ᱛᱟᱭᱚᱢ ᱠᱟᱨᱟᱢ ᱰᱟᱹᱨ ᱠᱚ ᱟᱹᱜᱩᱜᱼᱟ ᱟᱨ ᱟᱹᱛᱩ ᱨᱮᱭᱟᱜ ᱴᱷᱟᱹᱣ ᱟᱠᱟᱱ ᱵᱚᱝᱜᱟ ᱡᱟᱭᱜᱟᱨᱮ ᱵᱤᱫᱩᱜᱼᱟ ᱾ ᱵᱚᱝᱜᱟ ᱴᱷᱟᱶ ᱨᱮᱫᱚ ᱜᱮᱡ ᱜᱩᱨᱤᱡ ᱠᱟᱛᱮ ᱵᱟᱦᱟ ᱟᱱᱛᱮ ᱠᱚ ᱪᱚᱨᱚᱠ ᱜᱮᱠᱚ ᱥᱟᱡᱟᱣ ᱠᱟᱜᱼᱟ ᱾ ᱟᱹᱛᱩ ᱜᱚᱨᱟᱢ ᱱᱟᱭᱠᱮ ᱵᱟᱵᱟ ᱡᱟᱦᱟᱸᱭ ᱠᱟᱨᱟᱢ ᱮ ᱵᱚᱝᱜᱟᱭᱟ ᱩᱱᱤᱫᱚ ᱵᱚᱝᱜᱟ ᱥᱮᱨᱣᱟᱠᱚ ᱟᱱᱛᱮ ᱵᱚᱝᱜᱟ ᱟᱭ ᱫᱷᱚᱱ ᱠᱚ ᱟᱨ ᱱᱟᱭ ᱱᱟᱯᱟᱭ ᱨᱮ ᱛᱟᱦᱮᱱ ᱞᱟᱹᱜᱤᱫ ᱾ ᱥᱤᱢ ᱠᱚ ᱵᱚᱝᱜᱟ ᱠᱟᱛᱮ ᱢᱟᱭᱟᱢ ᱠᱚ ᱚᱱᱟ ᱠᱟᱨᱟᱢ ᱰᱟᱹᱨᱮᱭ ᱮᱢᱟ ᱾ ᱵᱟᱠᱷᱮᱬ ᱡᱷᱚᱜ ᱟᱹᱛᱩ ᱦᱚᱲ ᱦᱚ ᱥᱟᱶᱨᱮ ᱠᱚ ᱵᱟᱠᱷᱮᱬᱟ ᱟᱹᱛᱩ ᱠᱚ ᱵᱷᱟᱹᱞᱟᱹᱭ ᱞᱟᱹᱜᱤᱫ,ᱦᱚᱱ ᱜᱟᱬᱟ ᱤᱫᱤᱠᱟᱛᱮ ᱟᱨ ᱡᱚᱛᱚᱣᱟᱜ ᱨᱮᱭᱟᱜ ᱥᱟᱨᱠᱚᱜ ᱥᱟᱹᱜᱩᱱ ᱠᱚᱜ ᱢᱟ ᱢᱮᱱᱛᱮ ᱾ ᱵᱚᱝᱜᱟ ᱫᱚᱥᱟᱨ ᱦᱤᱞᱚᱜ ᱫᱚ ᱚᱱᱟ ᱠᱟᱨᱟᱢ ᱰᱟᱹᱨ ᱱᱟᱹᱭ/ᱜᱟᱰᱟ ᱫᱟᱜ ᱨᱮᱠᱚ ᱟᱹᱛᱩ ᱦᱚᱲ ᱛᱮᱠᱚ ᱟᱹᱛᱩᱜ ᱜᱚᱫ ᱠᱟᱜᱼᱟ ᱾
᱒ᱹᱴᱷᱤᱠᱟᱹ ᱫᱷᱟᱨᱟ ᱠᱟᱨᱟᱢ ᱵᱚᱝᱜᱟ ᱯᱟᱨᱟᱵᱽ ᱫᱚ ᱵᱚᱫᱚ ᱮᱠᱟᱫᱩᱥᱤ ᱠᱩᱱᱟᱹᱢᱤ ᱨᱮᱭᱟᱜ ᱜᱮᱞᱢᱤᱫ ᱫᱤᱱ ᱨᱮᱠᱚ ᱢᱟᱱᱟᱣᱼᱟ (ᱚᱜᱚᱥᱴᱼᱥᱮᱯᱴᱮᱢᱵᱚᱨ)ᱹ ᱠᱟᱨᱟᱢ ᱫᱟᱨᱮ, ᱥᱟᱬᱮᱥ ᱛᱮᱫᱚ ᱱᱟᱩᱠᱞᱤᱟ ᱯᱟᱨᱵᱷᱤᱯᱷᱚᱞᱤᱟ ᱠᱚ ᱢᱮᱛᱟᱜᱼᱟ, ᱱᱚᱣᱟ ᱜᱮ ᱵᱚᱝᱜᱟ ᱵᱩᱨᱩ ᱡᱷᱚᱜ ᱠᱚ ᱵᱮᱵᱷᱟᱨᱟ ᱾ ᱠᱟᱨᱟᱢ ᱵᱚᱝᱜᱟ ᱵᱩᱨᱩ ᱞᱟᱹᱜᱤᱫ ᱛᱮ ᱜᱮᱞ ᱟᱨᱵᱟᱜᱝᱠᱷᱟᱱ ᱜᱮᱞᱵᱟᱨ ᱫᱤᱱ ᱢᱟᱬᱟᱝ ᱠᱷᱚᱱ ᱠᱚ ᱠᱩᱲᱟᱹᱣ ᱥᱚᱡᱚᱜᱼᱟ ᱾ ᱟᱨᱮ ᱞᱮᱠᱟᱱ ᱪᱟᱥ ᱟᱱᱟᱡ ᱱᱚᱣᱟ ᱠᱷᱟᱹᱧᱪᱤ/ᱡᱷᱩᱰᱤ ᱨᱮ ᱡᱟᱣᱟ ᱚᱢᱚᱱ ᱚᱪᱚᱭᱟ ᱾ ᱚᱱᱟᱠᱚᱫᱚ ᱦᱩᱲᱩ, ᱜᱚᱦᱚᱢ, ᱡᱚᱱᱚᱬᱟ, ᱢᱩᱜᱽ, ᱨᱟᱵᱲᱟ ᱟᱨ ᱮᱢᱟᱱᱟᱜᱠᱚ ᱾ ᱠᱩᱲᱤᱠᱚ ᱚᱱᱟ ᱟᱱᱟᱡ ᱡᱟᱝ ᱫᱚ ᱗ᱼ᱙ ᱫᱤᱱ ᱫᱷᱟᱹᱨᱤᱡ ᱠᱚ ᱡᱚᱜᱟᱣ ᱡᱚᱛᱚᱱᱟ ᱾
ᱠᱟᱨᱟᱢ ᱵᱚᱝᱜᱟ ᱫᱤᱱ ᱨᱮᱭᱟᱜ ᱥᱮᱛᱟᱜ ᱨᱮ ᱠᱩᱲᱤ ᱦᱚᱯᱚᱱ ᱫᱚ ᱰᱷᱤᱸᱠᱤ ᱨᱮ ᱟᱨ ᱩᱠᱷᱩᱲᱨᱮ ᱪᱟᱣᱞᱮᱭᱟᱜ ᱦᱚᱞᱚᱝ ᱠᱚ ᱵᱮᱱᱟᱣᱼᱟ ᱾ ᱚᱱᱟ ᱫᱚ ᱵᱚᱝᱜᱟ ᱞᱟᱹᱜᱤᱫ ᱵᱮᱵᱷᱟᱨᱚᱜᱼᱟ ᱟᱨ ᱯᱤᱴᱷᱟᱹ ᱞᱮᱴᱚ ᱮᱢᱟᱱ ᱵᱮᱱᱟᱣ ᱠᱟᱛᱮ ᱦᱟᱯᱟᱹᱴᱤᱧ ᱡᱚᱢᱟᱠᱚ ᱾
ᱯᱷᱟᱨᱪᱟ ᱯᱷᱟᱨᱪᱤ ᱞᱩᱜᱽᱲᱤ ᱯᱟᱸᱫᱮ ᱠᱟᱛᱮ ᱠᱟᱨᱟᱢ ᱵᱚᱝᱜᱟ ᱮᱱᱮᱡ ᱟᱠᱚ ᱾ ᱠᱟᱨᱟᱢ ᱰᱟᱹᱨ ᱦᱚ ᱮᱱᱮᱡ ᱟᱨ ᱥᱮᱨᱮᱧ ᱟᱱᱛᱮ ᱜᱮᱠᱚ ᱟᱹᱜᱩᱭᱼᱟ ᱾ ᱠᱟᱨᱟᱢ ᱰᱟᱹᱨ ᱫᱚ ᱛᱚᱣᱟ ᱟᱨ ᱦᱟᱺᱰᱤ ᱛᱮᱠᱚ ᱡᱟᱹᱛᱤ ᱛᱟᱞᱟᱭᱟ ᱾ ᱚᱱᱟ ᱛᱟᱭᱚᱢ ᱚᱱᱟᱫᱚ ᱵᱚᱝᱜᱟ ᱟᱠᱷᱲᱟ ᱨᱮᱭᱟᱜ ᱛᱟᱞᱟᱨᱮᱠᱚ ᱵᱤᱫᱽᱼᱟ ᱾ ᱵᱚᱝᱜᱟ ᱵᱩᱨᱩ ᱵᱟᱠᱷᱮᱲ ᱦᱩᱭᱥᱟᱹᱛ ᱮᱱ ᱯᱚᱨᱮ ᱠᱷᱟᱱᱜᱮ ᱵᱟᱰᱟᱭ ᱟᱠᱟᱫ ᱜᱟᱹᱠᱷᱩᱲᱟᱜ ᱠᱚ ᱠᱟᱨᱟᱢ ᱵᱚᱝᱜᱟ ᱤᱫᱤ ᱠᱟᱛᱮ ᱠᱚ ᱞᱟᱹᱭ ᱥᱚᱫᱚᱨᱼᱟ ᱠᱟᱦᱱᱤ ᱞᱮᱠᱟᱛᱮ ᱾ ᱤᱱᱟᱹ ᱧᱤᱸᱫᱟᱹ ᱫᱚ ᱡᱚᱛᱚ ᱦᱚᱲ ᱮᱱᱮᱡ ᱥᱮᱨᱮᱧ ᱛᱮ ᱟᱸᱜᱟ ᱜᱚᱫ ᱠᱟᱜᱼᱟ ᱠᱚ ᱾