ᱠᱷᱟᱸᱰᱣᱤ
ᱠᱷᱟᱸᱰᱣᱤ ᱜᱩᱡᱨᱟᱛᱤ ᱡᱚᱢ ᱡᱤᱱᱤᱥ ᱠᱟᱱᱟ᱾ ᱱᱚᱶᱟ ᱡᱟᱦᱟᱸ ᱛᱟᱱᱟ ᱧᱮᱞᱚᱜ ᱨᱮ ᱱᱟᱯᱟᱭ ᱟᱹᱭᱠᱟᱹᱣᱜᱼᱟ ᱩᱱᱟᱹᱜ ᱜᱮ ᱡᱚᱢ ᱨᱮ ᱟᱹᱰᱤ ᱥᱤᱵᱤᱞᱟ᱾ ᱱᱚᱶᱟ ᱫᱚ ᱥᱩᱢᱩᱝ ᱜᱩᱡᱨᱟᱛ ᱨᱮ ᱟᱨ ᱢᱟᱦᱟᱨᱟᱥᱴᱨᱚ ᱨᱮ ᱦᱚᱸ ᱵᱟᱝ ᱢᱮᱱᱠᱷᱟᱱ ᱥᱟᱱᱟᱢ ᱯᱟᱲᱟ ᱥᱤᱧᱚᱛ ᱨᱮ ᱵᱟᱰᱟᱭ ᱢᱮᱱᱟᱜᱼᱟ᱾ ᱱᱚᱶᱟ ᱨᱮᱱᱟᱜ ᱨᱚᱞᱥ ᱧᱮᱞ ᱠᱟᱛᱮᱜ ᱟᱹᱭᱠᱟᱹᱜ ᱠᱟᱱᱟ ᱡᱮ ᱱᱚᱶᱟ ᱵᱟᱱᱟᱣ ᱟᱹᱰᱤ ᱟᱸᱴ ᱜᱮᱭᱟ ᱢᱮᱱᱠᱷᱟᱱ ᱢᱮᱱᱟᱜᱼᱟ ᱟᱸᱰᱤ ᱟᱞᱜᱟ᱾ ᱵᱟᱥ ᱜᱷᱚᱞᱟ ᱠᱮᱫᱟᱢ, ᱤᱥᱤᱱ ᱠᱮᱫᱟᱢ, ᱪᱷᱟᱹᱨᱭᱟᱹᱣ, ᱨᱚᱠ ᱠᱮᱫᱟᱢ, ᱛᱟᱲᱠᱟ ᱞᱟᱜᱟᱣ ᱠᱮᱫᱟᱢ ᱟᱨ ᱟᱢᱟᱜ ᱠᱷᱟᱸᱰᱣᱤ ᱵᱟᱱᱟᱣ ᱥᱟᱯᱲᱟᱣ ᱮᱱᱟ᱾ ᱠᱷᱟᱸᱰᱣᱤ ᱨᱮ ᱥᱩᱱᱩᱢ ᱵᱟᱝ ᱜᱮ ᱵᱟᱨᱟᱵᱟᱨᱤ ᱢᱮᱱᱟᱜᱼᱟ ᱟᱨ ᱱᱚᱶᱟ ᱨᱮ ᱵᱟᱬᱛᱤ ᱢᱟᱨᱤᱪ ᱢᱟᱥᱟᱞᱟ ᱦᱚᱸ ᱵᱟᱹᱱᱩᱜᱼᱟ ᱚᱱᱟᱛᱮ ᱟᱢᱟᱜ ᱞᱟᱡ ᱞᱟᱹᱜᱤᱫ ᱫᱚ ᱮᱠᱫᱚᱢ ᱯᱷᱤᱴ ᱜᱮᱭᱟ᱾ ᱛᱟᱣᱦᱚᱞᱮ ᱟᱨᱦᱚᱸ ᱵᱟᱱᱟᱣ ᱢᱮ ᱠᱷᱟᱸᱰᱣᱤ᱾
ᱥᱚᱢᱟᱱ ᱠᱚᱨᱮᱱᱟᱜ ᱫᱚᱨᱠᱟᱨ
ᱥᱟᱯᱲᱟᱣᱜᱷᱚᱠ ᱵᱟᱱᱟᱣ ᱞᱟᱹᱜᱤᱫ ᱵᱮᱥᱚᱱᱼ ᱑ ᱠᱚᱯ ᱫᱟᱦᱤᱼ ᱢᱤᱫ ᱠᱚᱯ ᱫᱟᱜ - ᱵᱟᱨ ᱠᱚᱯ ᱦᱤᱸᱜᱼ ᱑ ᱯᱤᱸᱪ ᱟᱹᱫᱤ ᱳᱮᱥᱴᱼ ᱑ ᱠᱟᱹᱴᱤᱡ ᱪᱟᱢᱚᱪ ᱥᱟᱥᱟᱝ ᱯᱟᱰᱚᱨᱼ ᱑/᱖ ᱠᱟᱹᱴᱤᱡ ᱪᱟᱢᱚᱪ ᱵᱩᱞᱩᱝᱼ ᱥᱤᱵᱤᱞ ᱥᱚᱲᱚᱢ ᱞᱮᱠᱟᱛᱮ (ᱢᱤᱫ ᱠᱟᱹᱴᱤᱡ ᱪᱟᱢᱚᱪ)
ᱛᱟᱲᱠᱟ ᱞᱟᱹᱜᱤᱫ ᱥᱩᱱᱩᱢᱼ᱑ ᱴᱮᱵᱩᱞ ᱥᱯᱤᱱ ᱨᱟᱭᱤᱼ ᱑ ᱠᱟᱹᱴᱤᱡ ᱪᱟᱢᱚᱪ ᱦᱟᱹᱨᱭᱟᱹᱲ ᱢᱟᱨᱤᱪᱼ ᱓ᱼ᱔ ᱡᱮᱞᱮᱝ ᱡᱮᱞᱮᱝ ᱥᱮᱸᱴᱮᱨ ᱨᱮ ᱫᱚᱦᱚᱭ ᱢᱮ ᱦᱟᱹᱨᱭᱟᱹᱲ ᱫᱟᱷᱹᱱᱤᱭᱟᱼ ᱑ ᱴᱮᱵᱩᱞ ᱥᱯᱤᱱ( ᱵᱟᱨᱤᱠ ᱥᱮᱸᱴᱮᱨ ᱢᱮ) ᱱᱟᱹᱨᱠᱟᱹᱲᱼ ᱑ ᱴᱮᱵᱩᱞ ᱥᱯᱩᱱ (ᱠᱚᱫᱫᱩᱠᱚᱥ ᱟᱠᱟᱱ) ᱡᱩᱫᱤ ᱟᱢᱮᱢ ᱢᱚᱱᱮ
ᱵᱤᱫᱷᱤ
ᱥᱟᱯᱲᱟᱣᱵᱮᱥᱟᱱ ᱫᱚ ᱡᱟᱦᱟᱱ ᱠᱷᱟᱸᱰᱟ ᱨᱮ ᱪᱟᱞᱱᱤ ᱠᱟᱛᱮᱜ ᱚᱰᱚᱜᱽ ᱢᱮ, ᱫᱟᱦᱤ ᱫᱚ ᱯᱷᱮᱸᱴ ᱠᱟᱛᱮᱜ ᱵᱮᱥᱟᱱ ᱨᱮ ᱢᱮᱥᱟᱭ ᱢᱮ, ᱫᱟᱜ, ᱦᱤᱸᱜ, ᱟᱹᱫᱤ ᱯᱮᱥᱴ, ᱥᱟᱥᱟᱝ ᱯᱟᱰᱚᱨ ᱟᱨ ᱵᱩᱞᱩᱝ ᱪᱟᱞᱟᱜ ᱠᱟᱛᱮᱜ ᱪᱟᱢᱚᱪ ᱛᱮ ᱪᱟᱞᱟᱣ ᱟᱛᱮᱜ ᱜᱷᱚᱞ ᱥᱟᱯᱲᱟᱣ ᱢᱮ (ᱜᱷᱚᱞ ᱨᱮ ᱨᱩᱜᱲᱩ ᱵᱟᱝ ᱛᱟᱦᱮᱱ ᱢᱟ) ᱢᱤᱫ ᱦᱟᱢᱟᱞ ᱛᱟᱞᱮ ᱠᱟᱸᱰᱟᱣ ᱫᱚᱦᱚᱭ ᱢᱮ, ᱱᱚᱶᱟ ᱨᱮ ᱥᱟᱯᱲᱟᱣ ᱟᱠᱟᱱ ᱜᱷᱚᱞ ᱪᱟᱞᱟᱣ ᱢᱮ ᱟᱨ ᱪᱷᱟᱠᱟᱣ ᱞᱟᱹᱜᱤᱫ ᱜᱮᱥ ᱨᱮ ᱫᱚᱦᱚᱭ ᱢᱮ, ᱪᱟᱢᱚᱪ ᱛᱮ ᱪᱟᱞᱟᱣ ᱥᱟᱶᱛᱮ ᱢᱚᱴᱟ ᱢᱚᱴᱤ ᱘ᱼ᱙ ᱴᱤᱯᱤᱢ ᱦᱟᱹᱵᱤᱡ ᱪᱷᱟᱠᱟᱣ ᱢᱮ᱾ ᱢᱟᱲᱟᱝ ᱡᱚᱨ ᱟᱸᱴ ᱜᱮᱥ ᱨᱮ ᱪᱷᱟᱠᱟᱣ ᱢᱮ, ᱡᱟᱹᱭᱥᱟᱹᱱ ᱜᱮ ᱜᱷᱚᱞ ᱜᱷᱟᱲᱷᱚ ᱟ ᱟᱨ ᱜᱷᱚᱞ ᱨᱮ ᱞᱚᱞᱚ ᱟᱠᱟᱭ, ᱜᱮᱥ ᱯᱷᱞᱮᱢ ᱵᱟᱹᱭ ᱧᱚᱜᱽ ᱢᱮ, ᱜᱷᱚᱞ ᱪᱟᱞᱟᱣ ᱤᱫᱤ ᱢᱮ, ᱱᱚᱶᱟ ᱜᱷᱚᱞ ᱥᱟᱨᱮᱡ ᱜᱟᱲᱷᱚ ᱟᱠᱟᱱ ᱡᱟᱭ ᱛᱚ ᱠᱷᱟᱸᱰᱣᱤ ᱡᱟᱢᱟᱣ ᱞᱟᱹᱜᱤᱫ ᱥᱟᱯᱲᱟᱣ ᱮᱱᱟ᱾
ᱱᱚᱶᱟ ᱜᱷᱚᱞ ᱫᱚ ᱛᱷᱟᱹᱨᱤ ᱥᱮ ᱴᱨᱮ ᱨᱮ ᱵᱟᱝ ᱪᱤᱠᱟᱬᱟᱱ, ᱪᱟᱢᱪᱟ ᱥᱮ ᱠᱷᱟᱸᱰᱟ ᱦᱟᱛᱮᱜ ᱯᱟᱛᱞᱟ ᱯᱷᱟᱹᱭᱞᱟᱹᱣ ᱠᱟᱛᱮᱜ ᱫᱚᱦᱚᱭ ᱢᱮ, ᱑᱐ᱼ᱑᱕ ᱴᱤᱯᱤᱡ ᱛᱟᱭᱚᱢ ᱱᱚᱶᱟ ᱜᱷᱚᱞ ᱡᱟᱢᱚᱜᱼᱟ, ᱪᱟᱠᱩ ᱛᱮ ᱒ ᱤᱧᱪ ᱟᱥᱟᱨ, ᱖ ᱤᱧᱪ ᱡᱮᱞᱮᱝ ᱯᱟᱴᱴᱤ ᱜᱮᱫ ᱢᱮ, ᱱᱚᱶᱟ ᱯᱟᱴᱴᱤ ᱫᱚ ᱨᱚᱞ ᱵᱟᱱᱟᱣ ᱥᱟᱶᱛᱮ ᱨᱟᱠᱟᱵ ᱢᱮ ᱟᱨ ᱯᱞᱮᱴ ᱨᱮ ᱫᱚᱦᱚ ᱠᱟᱛᱮᱜ ᱫᱚᱦᱚᱭ ᱢᱮ᱾
ᱠᱟᱹᱴᱤᱡ ᱞᱟᱹᱲᱷᱟᱹᱭ ᱨᱮ ᱥᱩᱱᱩᱢ ᱫᱩᱞ ᱠᱟᱛᱮᱜ ᱜᱮᱥ ᱨᱮ ᱫᱚᱦᱚᱭ ᱢᱮ, ᱥᱩᱱᱩᱢ ᱞᱚᱞᱚ ᱞᱮᱱᱠᱷᱟᱱ ᱨᱟᱜᱤ ᱫᱩᱠ ᱢᱮ, ᱨᱟᱭᱤ ᱛᱟᱲᱠᱟᱜ ᱛᱟᱭᱚᱢ ᱦᱟᱹᱨᱭᱟᱹᱲ ᱢᱟᱨᱤᱪ ᱮᱢᱟᱫ ᱢᱮ, ᱜᱮᱥ ᱵᱚᱸᱫᱚᱜ ᱢᱮ, ᱱᱚᱶᱟ ᱫᱚ ᱱᱟᱥᱮ ᱱᱟᱥᱮ ᱠᱷᱟᱸᱰᱣᱤ ᱪᱮᱛᱟᱱᱨᱮ ᱮᱢᱟᱫ ᱢᱮ, ᱦᱟᱹᱨᱭᱟᱹᱲ ᱫᱷᱟᱹᱱᱤᱭᱟ ᱟᱨ ᱱᱟᱹᱨᱠᱟᱹᱲ ᱪᱟᱞᱟᱣ ᱠᱟᱛᱮᱜ ᱥᱟᱡᱟᱣ ᱢᱭ, ᱟᱢᱟᱜ ᱠᱷᱟᱸᱰᱣᱤ ᱥᱟᱯᱲᱟᱣ ᱮᱱᱟ, ᱠᱷᱟᱸᱰᱣᱤ ᱫᱚ ᱦᱟᱹᱨᱭᱟᱹᱲ ᱫᱷᱟᱹᱱᱤᱭᱟ ᱨᱮᱱᱟᱜ ᱪᱟᱹᱴᱱᱤ ᱥᱟᱶ ᱦᱟᱹᱴᱤᱧ ᱢᱮ ᱟᱨ ᱡᱚᱢ ᱢᱮ᱾
ᱯᱩᱱ ᱦᱚᱲ ᱞᱟᱸᱜᱤᱫ, ᱚᱠᱛᱚ ᱔᱐ ᱴᱤᱯᱤᱡ
ᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣ- ᱠᱷᱟᱸᱰᱣᱤ -ᱢᱟᱫᱷᱩᱞᱤᱠᱟ ᱱᱤᱥᱟᱫ Archived ᱒᱐᱐᱙-᱐᱒-᱐᱘ at the Wayback Machine.
- ᱠᱷᱟᱸᱰᱣᱤ -ᱣᱮᱵᱫᱩᱱᱤᱭᱟ