ᱠᱷᱩᱞᱱᱟ ᱠᱷᱚᱸᱰ
ᱠᱷᱩᱞᱱᱟ ᱠᱷᱚᱸᱰ ᱵᱟᱝᱞᱟᱫᱤᱥᱟᱹᱢ ᱨᱮᱭᱟᱜ ᱤᱨᱟᱹᱞ(᱘) ᱜᱚᱴᱮᱝ ᱠᱷᱚᱸᱰ ᱨᱮᱭᱟᱜ ᱢᱤᱴᱴᱟᱝ ᱠᱟᱱᱟ ᱟᱨ ᱱᱤᱭᱟᱹ ᱫᱚ ᱫᱤᱥᱟᱹᱢ ᱨᱮᱭᱟᱜ ᱫᱟᱹᱠᱷᱤᱱ-ᱯᱟᱹᱪᱷᱤᱢ ᱱᱟᱠᱷᱟ ᱨᱮ ᱢᱮᱱᱟᱜ-ᱟ ᱾ ᱒᱐᱑᱑ ᱥᱮᱨᱢᱟᱨᱮ ᱞᱮᱠᱷᱟ ᱥᱩᱢᱩᱝ(ᱟᱫᱚᱢᱥᱩᱢᱟᱨᱤ) ᱠᱟᱛᱮᱜᱮ ᱧᱟᱢ ᱮᱱᱟ ᱱᱚ-ᱳᱭᱟ ᱠᱷᱚᱸᱰ ᱨᱮᱭᱟᱜ ᱡᱚᱠᱷᱟ ᱒᱒,᱒᱘᱕ ᱵᱚᱨᱜᱚ ᱠᱤᱞᱚᱢᱤᱴᱟᱹᱨ ᱟᱨ ᱑᱕,᱕᱖᱓,᱐᱐ ᱦᱚᱲ ᱢᱮᱱᱟᱜ ᱠᱚ-ᱳᱭᱟ ᱾ ᱠᱷᱩᱞᱱᱟ ᱠᱷᱚᱸᱰ ᱨᱮᱭᱟᱜ ᱥᱚᱫᱚᱨ ᱦᱚᱸ ᱠᱷᱩᱞᱱᱟ ᱜᱮ ᱾ ᱵᱷᱟᱠᱟ ᱟᱨ ᱪᱚᱴᱴᱚᱜᱮᱨᱟᱢ ᱛᱟᱭᱚᱢ ᱵᱟᱝᱞᱟᱫᱤᱥᱟᱹᱢ ᱨᱮᱭᱟᱜ ᱯᱮ ᱡᱚᱠᱷᱟ ᱞᱟᱹᱴᱩ ᱵᱟᱡᱟᱨ ᱠᱟᱱᱟ ᱾ ᱠᱷᱩᱞᱱᱟ ᱵᱟᱝᱞᱟᱫᱤᱥᱟᱹᱢ ᱨᱮᱭᱟᱜ ᱫᱟᱹᱠᱷᱤᱱ-ᱯᱟᱹᱪᱷᱤᱢ ᱱᱟᱠᱷᱟ ᱨᱩᱯᱚᱥᱤ ᱜᱟᱰᱟ ᱟᱨ ᱵᱷᱚᱹᱭᱨᱚᱹᱵᱽ ᱜᱟᱰᱟ ᱢᱮᱱᱟᱜ-ᱟ ᱾ ᱢᱟᱨᱮ ᱜᱟᱰᱟ ᱠᱚ ᱞᱟᱹᱜᱤᱫᱽ ᱛᱮ ᱠᱷᱩᱞᱱᱟ ᱨᱮᱭᱟᱜ ᱟᱰᱤ ᱧᱩᱛᱩᱢ ᱢᱮᱱᱟᱜ-ᱟ ᱾ ᱠᱷᱩᱞᱱᱟ ᱵᱟᱝᱞᱟᱫᱤᱥᱟᱹᱢ ᱨᱮᱭᱟᱜ ᱛᱩᱢᱟᱹᱞ ᱟᱨ ᱠᱟᱹᱨᱤ ᱡᱟᱹᱥᱛᱤ ᱛᱮ ᱢᱮᱱᱟᱜ ᱠᱷᱟᱹᱛᱤᱨ ᱠᱷᱩᱞᱱᱟ ᱫᱚ ᱠᱟᱹᱨᱤ(ᱥᱤᱞᱯᱚ)ᱫᱤᱥᱟᱹᱢ ᱦᱚᱸ ᱠᱚ ᱢᱮᱛᱟᱜ ᱜᱮᱭᱟ ᱾ ᱠᱷᱩᱞᱱᱟ ᱵᱟᱡᱟᱨ ᱠᱷᱚᱡᱽ ᱔᱘ ᱠᱤᱞᱚᱢᱤᱴᱟᱹᱨ ᱥᱟᱶᱜᱤᱧ ᱨᱮ ᱵᱟᱝᱞᱟᱫᱤᱥᱟᱹᱢ ᱨᱮᱭᱟᱜ ᱵᱟᱨ ᱡᱚᱠᱷᱟ ᱢᱟᱨᱟᱝ ᱜᱟᱰᱟ ᱚᱝᱞᱟ ᱜᱟᱰᱟ ᱢᱮᱱᱟᱜ-ᱟ ᱾ ᱫᱷᱟᱹᱛᱤ ᱨᱮᱭᱟᱜ ᱢᱟᱨᱟᱝ ᱞᱟᱹᱴᱩ ᱵᱤᱨ ᱜᱟᱴᱟᱲ ᱥᱩᱱᱫᱚᱨᱵᱚᱱ ᱫᱚ ᱠᱷᱩᱞᱱᱟ ᱠᱷᱚᱸᱰ ᱨᱮᱭᱟᱜ ᱫᱟᱹᱡᱷᱤᱱ ᱨᱮᱜᱮ ᱢᱮᱱᱟᱜ-ᱟ᱾ ᱠᱷᱩᱞᱱᱟ ᱠᱷᱚᱸᱰ ᱨᱮᱭᱟᱜ ᱠᱷᱩᱞᱱᱟ,ᱵᱟᱜᱮᱨᱦᱟᱴ,ᱥᱟᱛᱠᱷᱤᱨᱟ ᱡᱮᱞᱟ ᱠᱚᱨᱮ ᱥᱩᱱᱫᱚᱨᱵᱚᱱ ᱫᱚ ᱯᱟᱥᱱᱟᱣ ᱟᱠᱟᱱᱟ ᱾ ᱠᱷᱩᱞᱱᱟ ᱫᱚ ᱥᱩᱱᱫᱚᱨᱵᱚᱱ ᱵᱚᱞᱚᱜ ᱰᱟᱦᱟᱨ ᱦᱚᱸ ᱠᱚ ᱢᱮᱛᱟᱼᱳᱭᱟᱜ ᱜᱮᱭᱟ ᱾ ᱠᱷᱚᱸᱰ ᱰᱷᱟᱠᱟ ᱠᱷᱚᱱ ᱠᱷᱩᱞᱱᱟ ᱵᱟᱡᱟᱨ ᱓᱓᱓ ᱠᱤᱞᱚᱢᱤᱴᱟᱹᱨ ᱥᱚᱲᱚᱠ ᱰᱟᱦᱟᱨ ᱛᱮ ᱾ ᱟᱨᱦᱚᱸ ᱥᱚᱲᱚᱠ ᱰᱟᱦᱟᱨ,ᱥᱮᱨᱢᱟ ᱰᱟᱦᱟᱨ,ᱫᱟᱜ ᱰᱟᱦᱟᱨ ᱠᱚ ᱦᱚᱸ ᱢᱮᱱᱟᱜ ᱜᱮᱭᱟ ᱾ ᱑᱙᱑᱒ ᱥᱮᱨᱢᱟ ᱠᱷᱚᱱ ᱜᱮ ᱚᱱᱟ ᱱᱟᱠᱷᱟ ᱫᱟᱜ ᱰᱟᱦᱟᱨ ᱛᱮ ᱞᱟᱹᱣᱠᱟᱹ ᱮᱥᱴᱤᱢᱟᱨ ᱠᱚ ᱥᱮᱱᱚᱜ ᱜᱮᱭᱟ ᱾
| ᱠᱷᱩᱞᱱᱟ ᱠᱷᱚᱸᱰ Khulna Division খুলনা বিভাগ | |
|---|---|
| ᱵᱟᱝᱞᱟᱫᱮᱥ ᱨᱮᱱᱟᱜ ᱠᱷᱚᱸᱰᱠᱚ | |
 Location of Khulna | |
 Districts of Khulna Division | |
| Coordinates: 22°55′N 89°15′E / 22.917°N 89.250°ECoordinates: 22°55′N 89°15′E / 22.917°N 89.250°E | |
| ᱫᱤᱥᱟᱹᱢ |  Bangladesh |
| ᱵᱮᱱᱟᱣᱠᱟᱱ | ᱑᱙᱖᱐ |
| ᱨᱟᱡᱽᱜᱟᱲ | ᱠᱷᱩᱞᱱᱟ ᱠᱷᱚᱸᱰ |
| ᱮᱨᱤᱭᱟ | |
| • ᱞᱮᱠᱷᱟᱜᱩᱴ | 22284.22 ᱠᱤᱢᱤ২ (8603.99 ᱜᱟᱺᱴ ᱢᱟᱭᱤᱞ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2011 census) |
| • ᱞᱮᱠᱷᱟᱜᱩᱴ | ᱑᱕,᱖᱘᱗,᱗᱕᱙ |
| • ᱰᱮᱱᱥᱤᱴᱤ | 700/ᱠᱤᱢᱤ2 (1800/ᱜᱟᱺᱴ ᱢᱟᱹᱭᱤᱞ) |
| IST (ᱭᱩᱴᱤᱥᱤ+6) | |
| ᱟᱭ.ᱮᱥ.ᱳ ᱓᱑᱖᱖ ᱠᱳᱰ | BD-D |
| HDI (2017) | 0.620[᱑] medium |
| Notable sport teams | Khulna Titans, Khulna Division |
| ᱣᱮᱵᱽᱥᱟᱭᱤᱴ | khulna |
ᱥᱤᱨᱡᱚᱱ ᱢᱟᱦᱟ
ᱥᱟᱯᱲᱟᱣ᱑᱙᱔᱗ ᱥᱮᱨᱢᱟ ᱫᱤᱥᱟᱹᱢ ᱦᱟᱹᱴᱤᱧᱟ ᱛᱟᱭᱚᱢ ᱚᱱᱟ ᱚᱠᱛᱚ ᱨᱮᱱᱟᱜ ᱯᱩᱨᱩᱵᱽ ᱯᱟᱠᱤᱥᱛᱟᱱ, ᱰᱷᱟᱠᱟ, ᱪᱚᱴᱴᱚᱜᱨᱟᱢ ᱟᱨ ᱨᱟᱡᱽᱥᱟᱦᱤ ᱠᱷᱚᱸᱰ ᱦᱩᱭᱟᱠᱟᱱᱟ᱾ ᱱᱤᱛᱚᱜ ᱨᱮᱱᱟᱜ ᱠᱷᱩᱞᱱᱟ ᱠᱷᱚᱸᱰ ᱫᱚ ᱚᱱᱟ ᱚᱠᱛᱚ ᱨᱮ ᱨᱟᱡᱽᱥᱟᱦᱤ ᱠᱷᱚᱸᱰ ᱨᱮ ᱛᱟᱦᱮᱱ ᱠᱟᱱᱟ᱾ ᱟᱨ ᱵᱚᱨᱤᱥᱟᱞ ᱫᱚ ᱛᱟᱦᱮᱱ ᱠᱟᱱᱟ ᱰᱷᱟᱠᱟ ᱠᱷᱚᱸᱰ ᱨᱮ᱾ ᱚᱱᱟ ᱛᱟᱭᱚᱢ ᱠᱩᱥᱴᱤᱭᱟ, ᱡᱚᱥᱚᱨ, ᱠᱷᱩᱞᱱᱟ ᱟᱨ ᱵᱟᱜᱷᱮᱨᱜᱚᱸᱡᱽ ᱦᱚᱱᱚᱛ ᱠᱚ ᱱᱤᱭᱟᱸᱛᱮ ᱠᱷᱩᱞᱱᱟ ᱠᱷᱚᱸᱰ ᱦᱩᱭᱟᱠᱟᱱᱟ᱾
ᱚᱛᱱᱚ
ᱥᱟᱯᱲᱟᱣᱠᱷᱩᱞᱱᱟ ᱠᱷᱚᱸᱰ ᱨᱮᱱᱟᱜ ᱯᱩᱪᱷᱤᱢ ᱫᱚ ᱯᱚᱪᱷᱤᱢ ᱵᱟᱸᱜᱽᱞᱟ ᱯᱚᱱᱚᱛ ᱨᱮᱱᱟᱜ ᱥᱤᱢᱟᱱᱟ, ᱩᱛᱟᱹᱨ ᱫᱚ ᱨᱟᱡᱽᱥᱟᱦᱤ ᱠᱷᱚᱸᱰ, ᱯᱩᱨᱩᱵᱽ ᱫᱚ ᱰᱷᱟᱠᱟ ᱠᱷᱚᱸᱰ ᱟᱨ ᱵᱚᱨᱤᱥᱟᱞ ᱠᱷᱚᱸᱰ, ᱫᱟᱹᱠᱷᱤᱱ ᱫᱚ ᱧᱩᱛᱩᱢᱟᱱ ᱢᱮᱱᱜᱨᱮᱰ ᱵᱤᱨ ᱧᱩᱛᱩᱢ ᱛᱮ ᱪᱤᱱᱦᱟᱹᱯ ᱢᱮᱱᱟᱜ ᱥᱩᱱᱫᱚᱨᱵᱚᱱ ᱥᱟᱶ ᱵᱚᱝᱜᱚᱯᱚ ᱥᱟᱜᱚᱨ ᱢᱮᱱᱟᱜ-ᱟ᱾
ᱯᱚᱨᱥᱟᱥᱚᱱᱤᱠ ᱦᱚᱱᱚᱛᱠᱚ
ᱥᱟᱯᱲᱟᱣᱱᱤᱭᱟᱸ ᱠᱷᱩᱞᱱᱟ ᱠᱷᱚᱸᱰ ᱨᱮ ᱕᱙ ᱜᱚᱴᱟᱝ ᱩᱯᱚᱡᱮᱞᱟ ᱟᱨ ᱞᱟᱛᱟᱨᱨᱮ ᱚᱞᱟᱠᱟᱱ ᱑᱐ ᱜᱚᱴᱟᱝ ᱦᱚᱱᱚᱛ ᱢᱮᱱᱟᱜ-ᱟ᱾
ᱧᱩᱛᱩᱢᱟᱱ ᱢᱟᱹᱱᱢᱤᱠᱚ
ᱥᱟᱯᱲᱟᱣᱥᱟ.ᱠᱷᱭᱟ.ᱛ
ᱥᱟᱯᱲᱟᱣ- ↑ "Sub-national HDI - Area Database - Global Data Lab". hdi.globaldatalab.org (in ᱟᱝᱜᱽᱨᱮᱡᱤ). Retrieved 2018-09-13.