ᱡᱚᱜᱚᱱᱱᱟᱛᱷ ᱠᱤᱥᱚᱨ ᱠᱚᱞᱮᱡᱽ
ᱡᱮ. ᱠᱮ. ᱠᱚᱞᱮᱡᱽ, ᱡᱟᱦᱟᱸ ᱨᱮᱭᱟᱜ ᱯᱩᱨᱟᱹ ᱧᱩᱛᱩᱢ ᱫᱚ ᱡᱚᱜᱚᱱᱱᱟᱛᱷ ᱠᱤᱥᱚᱨ ᱠᱚᱞᱮᱡᱽ, ᱱᱚᱣᱟ ᱫᱚ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱯᱩᱨᱩᱞᱤᱭᱟᱹ ᱦᱚᱱᱚᱛ ᱨᱮᱭᱟᱜ ᱥᱟᱱᱟᱢ ᱠᱷᱚᱱ ᱢᱟᱨᱮ ᱠᱚᱞᱮᱡᱽ ᱠᱟᱱᱟ᱾ ᱱᱚᱣᱟ ᱫᱚ ᱑᱙᱔᱘ ᱥᱮᱨᱢᱟ ᱨᱮ ᱛᱷᱟᱯᱚᱱ ᱟᱠᱟᱱᱟ᱾[᱑] ᱡᱮ. ᱠᱮ. ᱠᱚᱞᱮᱡᱽ ᱫᱚ ᱥᱤᱫᱚ ᱠᱟᱹᱱᱦᱩ ᱵᱤᱨᱥᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱟᱶ ᱡᱚᱯᱲᱟᱣ ᱢᱮᱱᱟᱜᱼᱟ ᱟᱨ ᱱᱚᱸᱰᱮ ᱟᱨᱴᱥ, ᱥᱟᱬᱮᱥ ᱟᱨ ᱵᱮᱯᱟᱨ ᱥᱟᱛᱟᱢ ᱪᱮᱛᱟᱱ ᱨᱮ ᱟᱱᱰᱟᱨᱜᱽᱨᱮᱡᱩᱭᱮᱴ ᱠᱳᱨᱥ ᱟᱨ ᱱᱟᱜᱟᱢ, ᱤᱝᱞᱤᱥ ᱟᱨ ᱮᱞᱠᱷᱟ ᱥᱟᱬᱮᱥ ᱥᱟᱛᱟᱢ ᱠᱚ ᱪᱮᱛᱟᱱ ᱨᱮ ᱯᱳᱥᱴ ᱜᱨᱮᱡᱩᱭᱮᱴ ᱪᱟᱞ ᱦᱩᱭᱩᱜ ᱠᱟᱱᱟ᱾[᱒]
| ᱡᱮ. ᱠᱮ. ᱠᱚᱞᱮᱡᱽ, ᱯᱩᱨᱩᱞᱤᱭᱟᱹ | |
|---|---|
| ᱨᱮᱫ:J. K. College logo.png | |
| ᱨᱮᱫ:J. K. College logo.png | |
| ᱛᱷᱟᱯᱚᱱ | ᱑᱙᱔᱘; ᱗᱔ ᱥᱮᱨᱢᱟ ᱢᱟᱲᱟᱝ ᱨᱮ |
| ᱞᱮᱠᱟᱱ | ᱟᱱᱰᱟᱨᱜᱽᱨᱮᱡᱩᱭᱮᱴ ᱠᱚᱞᱮᱡᱽ |
| ᱯᱨᱤᱱᱥᱤᱯᱟᱞ | ᱥᱟᱱᱛᱩᱱᱩ ᱪᱮᱴᱟᱨᱡᱤ |
| ᱴᱷᱟᱶ | ᱯᱩᱨᱩᱞᱤᱭᱟᱹ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱠᱮᱢᱯᱚᱥ | ᱵᱟᱡᱟᱨ ᱨᱮ |
| ᱢᱟᱱᱚᱛᱮᱢ | ᱥᱤᱫᱚ ᱠᱟᱹᱱᱦᱩ ᱵᱤᱨᱥᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ |
| ᱣᱮᱵᱽᱥᱟᱭᱤᱴ | www |
   | |
ᱱᱟᱜᱟᱢ ᱥᱟᱯᱲᱟᱣ
᱑᱙᱔᱘ ᱥᱮᱨᱢᱟ ᱨᱮ ᱛᱷᱟᱯᱚᱱ ᱟᱠᱟᱱ ᱡᱚᱜᱚᱱᱱᱟᱛᱷ ᱠᱤᱥᱚᱨ ᱠᱚᱞᱮᱡᱽ ᱫᱚ ᱯᱟᱴᱱᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱟᱶ ᱡᱚᱯᱲᱟᱣ ᱢᱤᱫ ᱵᱮᱼᱥᱚᱨᱠᱟᱨᱤ ᱠᱚᱞᱮᱡᱽ ᱞᱮᱠᱟᱛᱮ ᱮᱛᱚᱦᱚᱵ ᱞᱮᱱᱟ᱾ ᱱᱚᱣᱟ ᱫᱚ ᱩᱱᱚᱠᱛᱚ ᱵᱤᱦᱟᱨ ᱯᱚᱱᱚᱛ ᱨᱮᱭᱟᱜ ᱢᱟᱱᱵᱷᱩᱢ ᱦᱚᱱᱚᱛ, ᱱᱤᱛ ᱫᱚ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱭᱟᱜ ᱯᱩᱨᱩᱞᱤᱭᱟᱹ ᱦᱚᱱᱚᱛ ᱨᱮᱭᱟᱜ ᱯᱩᱭᱞᱩ ᱠᱚᱞᱮᱡᱽ ᱠᱟᱱᱟ᱾ ᱠᱟᱥᱤᱯᱩᱨ ᱨᱟᱡᱽ ᱨᱮᱱ ᱥᱨᱤ ᱡᱚᱜᱚᱱᱱᱟᱛᱷ ᱠᱤᱥᱚᱨ ᱞᱟᱞ ᱥᱤᱝ ᱨᱮᱱ ᱪᱷᱟᱹᱰᱣᱤ ᱜᱳᱠᱩᱠ ᱠᱩᱢᱟᱨᱤ ᱫᱮᱵᱤ ᱱᱚᱣᱟ ᱠᱚᱞᱮᱡᱽ ᱛᱷᱟᱯᱚᱱ ᱞᱟᱹᱜᱤᱫ ᱢᱤᱫ ᱞᱟᱠᱷ ᱴᱟᱠᱟ ᱠᱟᱹᱣᱰᱤ ᱮ ᱫᱟᱱ ᱞᱮᱫᱟ᱾ ᱩᱱᱚᱠᱛᱚ ᱨᱮᱱ ᱧᱩᱛᱩᱢᱟᱱ ᱵᱮᱯᱟᱨᱤᱭᱟᱹ ᱥᱚᱝᱠᱚᱨᱞᱟᱞ ᱥᱤᱝᱜᱷᱟᱱᱤᱭᱟ ᱦᱚᱸ ᱠᱚᱞᱮᱡᱽ ᱛᱷᱟᱯᱚᱱ ᱞᱟᱹᱜᱤᱫ ᱜᱮᱞ ᱛᱩᱨᱩᱭ ᱥᱟᱥᱟᱭ (ᱦᱟᱡᱟᱨ) ᱴᱟᱠᱟ ᱮ ᱪᱟᱱ ᱞᱮᱫᱟ᱾ ᱠᱚᱞᱮᱡᱽ ᱫᱚ ᱡᱚᱜᱚᱱᱱᱟᱛᱷ ᱠᱤᱥᱚᱨ ᱫᱮᱣ ᱟᱜ ᱧᱩᱛᱩᱢ ᱛᱮ ᱫᱚᱦᱚ ᱦᱩᱭᱟᱠᱟᱱᱟ, ᱟᱨ ᱱᱚᱣᱟ ᱫᱚ ᱟᱭ.ᱮᱥ ᱠᱳᱨᱥ ᱨᱮᱱ ᱑᱐᱙ ᱯᱟᱹᱴᱷᱩᱣᱟᱹ ᱠᱚ ᱛᱩᱞᱩᱪ ᱪᱟᱹᱞᱩ ᱟᱠᱟᱱᱟ᱾ ᱑᱙᱕᱖ ᱥᱮᱨᱢᱟ ᱨᱮ ᱡᱚᱠᱷᱚᱱ ᱢᱟᱱᱵᱷᱩᱢ ᱦᱚᱱᱚᱛ ᱯᱚᱪᱷᱤᱢ ᱵᱟᱝᱞᱟ ᱨᱮ ᱥᱮᱞᱮᱫ ᱮᱱᱟ ᱟᱨ ᱯᱩᱨᱩᱞᱤᱭᱟᱹ ᱧᱩᱢ ᱩᱪᱟᱹᱲᱮᱱᱟ, ᱩᱱᱚᱠᱛᱚ ᱱᱚᱣᱟ ᱠᱚᱞᱮᱡᱽ ᱫᱚ ᱠᱚᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱩᱢᱩᱞ ᱨᱮ ᱦᱮᱡᱽ ᱮᱱᱟ᱾ ᱛᱟᱭᱚᱢ ᱛᱮ ᱑᱙᱖᱒ ᱥᱮᱨᱢᱟ ᱨᱮ ᱱᱚᱣᱟ ᱠᱚᱞᱮᱡᱽ ᱫᱚ ᱵᱚᱨᱫᱷᱚᱢᱟᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱟᱶ ᱡᱚᱯᱲᱟᱣ ᱮᱱᱟ᱾ ᱑᱙᱖᱓ ᱥᱮᱨᱢᱟ ᱠᱷᱚᱱ ᱱᱚᱣᱟ ᱠᱚᱞᱮᱡᱽ ᱫᱚ ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨᱟᱜ ᱜᱚᱲᱚ ᱠᱚᱞᱮᱡᱽ ᱞᱮᱠᱟᱛᱮ ᱢᱟᱹᱱ ᱟᱠᱟᱱᱟ᱾ ᱒᱐᱑᱐ ᱥᱮᱨᱢᱟ ᱨᱮ ᱱᱚᱣᱟ ᱠᱚᱞᱮᱡᱽ ᱨᱮᱭᱟᱜ ᱡᱚᱯᱲᱟᱣ ᱵᱚᱨᱫᱷᱚᱢᱟᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱥᱤᱫᱚ ᱠᱟᱹᱱᱦᱩ ᱵᱤᱨᱥᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱟᱶ ᱫᱚᱦᱚ ᱩᱪᱟᱹᱲ ᱦᱩᱭᱟᱠᱟᱱᱟ᱾
ᱵᱤᱵᱷᱟᱜᱽ ᱥᱟᱯᱲᱟᱣ
ᱥᱟᱬᱮᱥ ᱥᱟᱯᱲᱟᱣ
- ᱯᱷᱤᱡᱤᱠᱥ
- ᱮᱞᱠᱷᱟ ᱥᱟᱬᱮᱥ
- ᱡᱤᱭᱳᱞᱚᱡᱤ
- ᱠᱮᱢᱤᱥᱴᱨᱤ
- ᱠᱚᱢᱯᱤᱭᱩᱴᱟᱨ ᱥᱟᱬᱮᱥ
- ᱵᱚᱴᱟᱱᱤ
- ᱡᱩᱞᱚᱡᱤ
- ᱢᱟᱭᱠᱨᱳᱵᱟᱭᱚᱞᱚᱡᱤ
ᱟᱨᱴᱥ ᱟᱨ ᱵᱮᱯᱟᱨ ᱥᱟᱯᱲᱟᱣ
- ᱵᱮᱯᱟᱨ
- ᱮᱠᱟᱭᱩᱱᱴᱮᱱᱥᱤ
- ᱤᱝᱞᱤᱥ
- ᱱᱟᱜᱟᱢ
- ᱚᱛᱱᱚᱜ
- ᱠᱟᱹᱣᱰᱤᱭᱟᱹᱨᱤ
- ᱥᱚᱸᱥᱠᱨᱤᱛ
- ᱨᱟᱡᱽᱟᱹᱨᱤ ᱥᱟᱬᱮᱥ
- ᱧᱮᱱᱮᱞ (ᱯᱷᱤᱞᱚᱡᱚᱯᱤ)
- ᱮᱰᱩᱠᱮᱥᱚᱱ
- ᱦᱤᱱᱫᱤ
- ᱵᱟᱝᱞᱟ
- ᱩᱨᱫᱩ
- ᱥᱴᱮᱴᱟᱥᱴᱤᱠ
- ᱥᱮᱨᱮᱧ
- ᱯᱷᱤᱡᱤᱠᱟᱞ ᱮᱰᱩᱠᱮᱥᱚᱱ
ᱮᱱ.ᱥᱤ.ᱥᱤ ᱟᱨ ᱮᱱ.ᱮᱥ.ᱮᱥ ᱥᱟᱯᱲᱟᱣ
ᱢᱟᱹᱱ ᱥᱟᱯᱲᱟᱣ
ᱱᱚᱣᱟ ᱠᱚᱞᱮᱡᱽ ᱨᱮᱭᱟᱜ ᱫᱚ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱢᱟᱹᱧᱡᱩᱨ ᱠᱚᱢᱤᱥᱚᱱ (ᱭᱩ.ᱡᱤ.ᱥᱤ) ᱦᱚᱛᱮᱛᱮ ᱢᱟᱹᱱ ᱮᱢ ᱢᱮᱱᱟᱜᱼᱟ᱾[᱓] ᱱᱚᱣᱟ ᱫᱚ ᱒᱐᱐᱕ ᱥᱮᱨᱢᱟ ᱨᱮ ᱱᱮᱥᱟᱱᱟᱞ ᱮᱥᱮᱥᱢᱮᱱᱴ ᱮᱱᱰ ᱮᱠᱨᱮᱰᱮᱴᱮᱥᱚᱱ ᱠᱟᱭᱩᱱᱥᱤᱞ (ᱮᱱ.ᱮ.ᱮ.ᱥᱤ) ᱦᱚᱛᱮᱛᱮ ᱢᱟᱹᱱ ᱟᱠᱟᱱ ᱛᱟᱦᱮᱸᱱᱟ, ᱟᱨ B+ ᱜᱽᱨᱮᱰ ᱪᱟᱞ ᱦᱩᱭ ᱞᱮᱱᱟ᱾[᱔]
ᱵᱟᱨᱦᱮ ᱡᱚᱱᱚᱲ ᱥᱟᱯᱲᱟᱣ
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ "College Profile". Retrieved 6 April 2014.
- ↑ "Affiliated College of Sidho Kanho Birsha University". Archived from the original on 2012-02-25.
- ↑ Colleges in West Bengal, University Grants Commission Archived ᱒᱐᱑᱑-᱑᱑-᱑᱖ at the Wayback Machine.
- ↑ "Institutions Accredited/ Re- accredited by NAAC whose accreditation validity period is over" (PDF). Archived from the original (PDF) on 2012-05-12.