ᱡᱚᱜᱽᱫᱤᱯ
ᱥᱭᱮᱫᱽ ᱤᱥᱛᱤᱭᱟᱠ ᱚᱦᱢᱚᱫᱽ ᱡᱟᱯᱷᱮᱨᱤ (᱒᱙ ᱢᱟᱨᱪ ᱑᱙᱓᱙ – ᱘ ᱡᱩᱞᱟᱭ ᱒᱐᱒᱐),[᱔] ᱫᱚ ᱟᱡᱟᱜ ᱥᱴᱮᱡᱽ ᱧᱩᱛᱩᱢ ᱛᱮ ᱡᱚᱜᱽᱥᱤᱯ ᱢᱮᱱᱛᱮ ᱵᱟᱰᱟᱭ ᱠᱟᱱᱟᱭ ᱾ ᱱᱩᱭ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱟᱠᱴᱚᱨ ᱟᱨ ᱠᱚᱢᱮᱰᱤᱭᱟᱱ ᱠᱟᱱᱟᱭ ᱟᱨ ᱔᱐᱐ ᱠᱷᱚᱱ ᱡᱟᱹᱥᱛᱤ ᱦᱤᱱᱫᱤ ᱯᱷᱤᱞᱢ ᱨᱮ ᱠᱟᱹᱢᱤ ᱟᱠᱟᱫᱟᱭ ᱾ ᱱᱩᱭ ᱫᱚ ᱥᱳᱨᱢᱟ ᱵᱷᱳᱯᱟᱞᱤ ᱠᱮᱨᱮᱠᱴᱚᱨ ᱨᱮ ᱥᱳᱞᱮᱭ (᱑᱙᱗᱕) ᱯᱷᱤᱞᱢ ᱨᱮ ᱟᱠᱴᱤᱝ ᱞᱮᱫᱟᱭ, ᱯᱩᱨᱟᱱᱟ ᱢᱚᱱᱫᱤᱨ (᱑᱙᱘᱓) ᱯᱷᱤᱞᱢ ᱨᱮ ᱢᱚᱪᱷᱚᱨ, ᱟᱱᱫᱟᱡᱽ ᱟᱯᱱᱟ ᱟᱯᱱᱟ (᱑᱙᱙᱔) ᱯᱷᱤᱞᱢ ᱨᱮ ᱥᱚᱞᱢᱟᱱ ᱠᱷᱟᱱᱼᱤᱡ ᱵᱟᱵᱟ ᱞᱮᱠᱟᱛᱮ ᱚᱠᱴᱤᱝ ᱠᱟᱱᱟᱭ ᱾ ᱥᱳᱨᱢᱟ ᱵᱷᱳᱯᱟᱞᱤ ᱯᱷᱤᱞᱢ ᱨᱮ ᱰᱤᱨᱮᱠᱴᱚᱨ ᱞᱮᱠᱟᱛᱮ ᱠᱟᱹᱢᱤ ᱟᱠᱟᱫᱟᱭ ᱾[᱕]
| ᱡᱚᱜᱽᱫᱤᱯ | |
|---|---|
_at_the_Dadasaheb_Phalke_Academy_Awards_2010.jpg) ᱒᱐᱑᱐ ᱨᱮ ᱡᱚᱜᱽᱫᱤᱯ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱥᱭᱮᱫᱽ ᱤᱥᱛᱤᱭᱟᱠ ᱚᱦᱢᱚᱫᱽ ᱡᱟᱯᱷᱮᱨᱤ ᱢᱟᱨᱪ ᱒᱙, ᱑᱙᱓᱙ ᱫᱟᱴᱤᱭᱟ, ᱢᱚᱫᱷᱭᱚ ᱯᱨᱚᱫᱮᱥ, ᱥᱤᱧᱚᱛ |
| ᱜᱩᱨ | ᱘ ᱡᱩᱞᱟᱭ ᱒᱐᱒᱐ (᱘᱑ ᱵᱚᱭᱚᱥ) ᱢᱩᱢᱟᱭ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ[᱑] |
| ᱠᱟᱹᱢᱤ |
|
| ᱠᱟᱹᱢᱤ ᱚᱠᱛᱚ | ᱑᱙᱕᱑–᱒᱐᱒᱐[᱒] |
| ᱡᱤᱭᱚᱱ ᱥᱚᱦᱮᱫ | ᱱᱚᱥᱤᱢ ᱵᱮᱜᱚᱢ, ᱥᱩᱜᱷᱨᱚ ᱵᱮᱜᱚᱢ, ᱱᱚᱡᱤᱢᱟ |
| ᱦᱚᱯᱚᱱ | ᱖, ᱡᱚᱵᱷᱮᱫᱽ ᱡᱟᱯᱷᱨᱤ[᱓] |
ᱡᱚᱜᱽᱫᱤᱯ ᱫᱚ ᱵᱤ.ᱟᱨ. ᱪᱳᱯᱰᱟ-ᱟᱜ ᱯᱷᱤᱞᱢ ᱚᱯᱷᱥᱚᱱᱟ ᱨᱮ ᱢᱤᱫ ᱪᱟᱭᱤᱞᱰ ᱟᱨᱴᱤᱥᱴ ᱥᱮ ᱜᱤᱫᱽᱨᱟᱹ ᱟᱠᱴᱚᱨ ᱞᱮᱠᱟᱛᱮ ᱟᱠᱴᱤᱝ ᱡᱤᱭᱚᱱ ᱮ ᱮᱛᱚᱦᱟᱵ ᱞᱮᱜᱼᱟ ᱾ ᱚᱱᱟ ᱛᱟᱭᱚᱢ ᱟᱵᱽ ᱫᱤᱞᱞᱤ ᱫᱩᱨ ᱱᱮᱦᱤᱸ ᱨᱮ ᱜᱤᱫᱽᱨᱟᱹ ᱟᱠᱴᱚᱨ ᱞᱮᱠᱟᱛᱮ, ᱠᱮ.ᱮ.ᱟᱵᱟᱥ-ᱟᱜ ᱢᱩᱱᱱᱟ, ᱜᱩᱨᱩ ᱫᱚᱛᱛᱚᱼᱟᱜ ᱟᱨ ᱯᱟᱨ, ᱵᱤᱢᱚᱞ ᱨᱚᱭ-ᱟᱭ ᱫᱳ ᱵᱤᱜᱷᱟ ᱡᱚᱢᱤᱱ ᱟᱨ ᱮ.ᱵᱷᱤ.ᱮᱢ.-ᱟᱜ ᱦᱚᱢ ᱯᱚᱱᱪᱤ ᱮᱠ ᱫᱤᱞ ᱠᱮ ᱮᱢᱟᱱ ᱯᱷᱤᱞᱢ ᱠᱚᱨᱮ ᱠᱟᱹᱢᱤ ᱟᱠᱟᱫᱟᱭ ᱾ ᱦᱚᱢ ᱯᱚᱱᱪᱤ ᱮᱠ ᱫᱤᱞ ᱠᱮ ᱨᱮ ᱟᱠᱴᱤᱝ ᱛᱟᱭᱚᱢ ᱱᱩᱭ ᱟᱭᱢᱟ ᱥᱤᱨᱯᱷᱟᱹ ᱟᱨ ᱮᱴᱟᱜ ᱮᱴᱟᱜ ᱦᱚᱲ ᱠᱷᱚᱱ ᱧᱩᱢ ᱥᱟᱨᱦᱟᱣ ᱠᱚᱭ ᱯᱟᱲᱟᱣ ᱞᱮᱫᱼᱟ ᱾ ᱦᱚᱢ ᱯᱚᱱᱪᱤ ᱮᱠ ᱫᱤᱞ ᱠᱮ ᱨᱮ ᱟᱡᱟᱜ ᱟᱠᱴᱤᱝ ᱧᱮᱞ ᱛᱮ ᱯᱚᱱᱰᱮᱛ ᱡᱚᱣᱟᱦᱚᱨᱞᱟᱞ ᱱᱮᱦᱨᱩ ᱫᱚ ᱟᱡᱨᱤᱱ ᱮᱠᱞᱟ ᱥᱴᱟᱯᱷ ᱠᱚ ᱡᱚᱜᱽᱫᱤᱯ ᱴᱷᱮᱱ ᱪᱟᱞ ᱞᱮᱫ ᱠᱚᱣᱟ ᱾
ᱮ.ᱵᱷᱤ.ᱮᱢ. ᱯᱟᱦᱴᱟ ᱠᱷᱚᱱ ᱵᱷᱟᱵᱷᱤ, ᱵᱚᱨᱠᱷᱟ ᱟᱨ ᱵᱤᱱᱫᱚᱭᱟ ᱮᱢᱟᱱ ᱯᱷᱤᱞᱢ ᱠᱚᱨᱮ ᱱᱩᱭ ᱞᱤᱰᱤᱝ ᱨᱳᱞ ᱨᱮ ᱠᱟᱹᱢᱤ ᱧᱟᱢ ᱞᱮᱫᱟᱭ ᱾ ᱟᱨ ᱦᱚᱸ ᱚᱱᱟ ᱛᱟᱭᱚᱢ ᱵᱟᱨᱭᱟ ᱯᱷᱤᱞᱢ ᱨᱮ ᱞᱤᱰᱤᱝ ᱨᱳᱞ ᱨᱮ ᱠᱟᱹᱢᱤ ᱧᱟᱢ ᱞᱮᱫᱟᱭ ᱾ ᱵᱽᱨᱚᱢᱦᱚᱪᱟᱨᱤ ᱨᱮ ᱠᱚᱢᱮᱰᱤᱭᱟᱱ ᱞᱮᱠᱟᱛᱮ ᱠᱟᱹᱢᱤ ᱠᱟᱛᱮ ᱱᱩᱭ ᱫᱚ ᱢᱤᱫ ᱢᱟᱨᱟᱝ ᱠᱚᱢᱮᱰᱤᱭᱟᱱ ᱠᱟᱱᱟᱭ ᱢᱮᱱᱛᱮ ᱦᱚᱲᱠᱚ ᱴᱷᱮᱱ ᱵᱟᱰᱟᱭ ᱧᱟᱢ ᱦᱚᱪᱚ ᱞᱮᱱᱟᱭ ᱾ "ᱯᱟᱥ ᱵᱮᱭᱴᱷᱳ ᱛᱚᱵᱤᱭᱚᱛ ᱵᱚᱦᱚᱞ ᱡᱟᱭᱮᱜᱤ" ᱥᱮᱨᱮᱧ ᱯᱩᱨᱱᱚᱢᱤᱞᱚᱱ ᱯᱷᱤᱞᱢ ᱠᱷᱚᱱ, "ᱤᱱ ᱯᱭᱟᱨ ᱠᱤ ᱨᱟᱦᱳᱸ ᱢᱮᱸ" ᱥᱤᱨᱤᱧ "ᱪᱟᱞ ᱩᱪ ᱡᱟ ᱨᱮ ᱯᱚᱱᱪᱤ" ᱯᱷᱤᱞᱢ ᱠᱷᱚᱱ ᱟᱨ "ᱪᱚᱞᱤ ᱪᱚᱞᱤ ᱨᱮ ᱯᱚᱛᱚᱝ" ᱥᱮᱨᱮᱧ ᱫᱚ ᱥᱩᱯᱚᱨ ᱦᱤᱴ ᱵᱷᱟᱵᱤ ᱯᱷᱤᱞᱢ ᱠᱷᱚᱱ ᱟᱨ "ᱟ ᱜᱮᱭᱟ ᱭᱟᱨᱳ ᱡᱤᱱᱮ ᱠᱮ ᱫᱤᱱ" ᱥᱮᱨᱮᱧ ᱯᱷᱤᱨ ᱣᱩᱦᱤ ᱵᱟᱛ ᱯᱷᱤᱞᱢ ᱠᱚᱨᱮ ᱟᱡᱟᱜ ᱟᱠᱴᱤᱝ ᱦᱚᱲ ᱠᱚ ᱟᱹᱰᱤ ᱠᱚ ᱠᱩᱥᱤᱭᱟᱜ ᱛᱟᱦᱮᱸᱫ ᱟᱨ ᱱᱚᱶᱟ ᱠᱷᱟᱹᱛᱤᱨ ᱧᱩᱢ ᱥᱟᱨᱦᱟᱣ ᱦᱚᱸ ᱟᱭᱢᱟ ᱧᱟᱢ ᱞᱮᱫ ᱥᱟᱶᱛᱮ ᱫᱚᱢᱮ ᱦᱤᱴ ᱥᱤᱨᱤᱧ ᱢᱮᱱᱛᱮ ᱠᱚ ᱯᱟᱹᱛᱭᱟᱹᱣ ᱟᱠᱟᱫᱟ ᱾
ᱥᱟ.ᱠᱷᱭᱟ.ᱛ
ᱥᱟᱯᱲᱟᱣ- ↑ "Legendary actor Jagdeep passes away at 81". Mumbai Live. 8 ᱡᱩᱞᱟᱭ 2020. Retrieved 8 ᱡᱩᱞᱟᱭ 2020.
- ↑ "Veteran actor Jagdeep 'Soorma Bhopali' of 'Sholay' passes away". Times of India. 8 ᱡᱩᱞᱟᱭ 2020. Retrieved 8 ᱡᱩᱞᱟᱭ 2020.
- ↑ https://www.mid-day.com/articles/jagdeeps-first-born-dies-a-lonely-death/61226
- ↑ "Veteran actor Jagdeep, 81, dies in Mumbai". India Tv News. 8 ᱡᱩᱞᱟᱭ 2020. Retrieved 9 ᱡᱩᱞᱟᱭ 2020.
- ↑ https://www.imdb.com/name/nm0415556/
ᱵᱟᱨᱦᱮ ᱡᱚᱱᱚᱲ
ᱥᱟᱯᱲᱟᱣ- ᱡᱚᱜᱽᱫᱤᱯ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
- News on Rediff.com
.svg){kind=small} | This article about an Indian actor is a stub. You can help Wikipedia by expanding it. |