ᱡᱚᱞᱰᱷᱟᱠᱟ ᱜᱟᱰᱟ
ᱡᱚᱞᱰᱷᱟᱠᱟ ᱜᱟᱰᱟ (ᱟᱲᱟᱝ: / ˌdɪdælˈdɑːkə/′ (ᱵᱟᱝᱞᱟ: জলঢাকা নদী), ᱡᱟᱦᱟᱸ ᱫᱚ ᱰᱤᱪᱩ ᱧᱩᱛᱩᱢ ᱛᱮ ᱦᱚᱸ ᱩᱯᱨᱩᱢᱚᱜᱼᱟ, ᱵᱨᱚᱦᱢᱚᱯᱩᱛᱨᱚ ᱨᱮᱭᱟᱜ ᱢᱤᱫᱴᱟᱝ ᱥᱟᱵᱟ ᱱᱟᱹᱭ ᱠᱟᱱᱟ ᱡᱟᱦᱟᱸ ᱵᱷᱟᱨᱚᱛ, ᱵᱷᱩᱴᱟᱱ ᱟᱨ ᱵᱟᱝᱞᱟᱫᱮᱥ ᱛᱟᱞᱟᱛᱮ ᱒᱓᱓ ᱠᱤᱞᱳᱢᱤᱴᱟᱨ ᱡᱮᱞᱮᱧ ᱢᱤᱫᱴᱟᱝ ᱥᱤᱢᱟᱹ ᱯᱟᱨᱚᱢ ᱜᱟᱰᱟ ᱠᱟᱱᱟ᱾ [᱑] ᱱᱚᱶᱟ ᱫᱚ ᱫᱚᱝᱠᱟ ᱵᱩᱨᱩ ᱨᱮᱧᱡᱽ ᱞᱟᱛᱟᱨ ᱨᱮ ᱡᱮᱞᱤᱯ ᱞᱟ ᱯᱟᱥ ᱴᱷᱮᱱ ᱠᱩᱯᱩᱯ ᱜᱮᱝᱴᱚᱠ ᱦᱚᱱᱚᱛ, ᱥᱤᱠᱤᱢ ᱨᱮ ᱵᱤᱴᱟᱝ ᱫᱟᱨᱦᱟ (ᱥᱮ ᱠᱩᱯᱩᱯ ᱫᱟᱨᱦᱟ) ᱠᱷᱚᱱ ᱮᱛᱚᱦᱚᱵ ᱟᱠᱟᱱᱟ᱾ ᱱᱚᱶᱟ ᱫᱚ ᱵᱷᱟᱨᱚᱛ, ᱥᱤᱠᱤᱢ ᱨᱮᱭᱟᱜ ᱯᱮᱠᱤᱭᱚᱝ ᱦᱚᱱᱚᱛ ᱛᱟᱞᱟᱛᱮ ᱞᱤᱸᱜᱤᱱ ᱠᱟᱱᱟ ᱟᱨ ᱚᱱᱟ ᱛᱟᱭᱚᱢ ᱵᱷᱩᱴᱟᱱ ᱨᱮᱭᱟᱜ ᱥᱟᱢᱥᱮᱥ ᱦᱚᱱᱚᱛ ᱨᱮᱭᱟᱜ ᱵᱤᱨ ᱛᱟᱞᱟᱛᱮ ᱪᱟᱞᱟᱣ ᱟᱠᱟᱱᱟ, ᱡᱟᱦᱟᱸᱨᱮ ᱱᱚᱶᱟ ᱫᱚ ᱔᱐ ᱠᱤᱞᱳᱢᱤᱴᱟᱨ ᱜᱟᱱ ᱫᱷᱟᱹᱵᱤᱡ ᱞᱤᱸᱜᱤᱱ ᱟᱠᱟᱱᱟ ᱟᱨ ᱵᱤᱱᱫᱩ ᱠᱚᱞᱤᱢᱯᱚᱝ ᱦᱚᱱᱚᱛ ᱴᱷᱮᱱ ᱵᱷᱟᱨᱚᱛ ᱨᱮ ᱫᱚᱲᱦᱟᱛᱮ ᱞᱤᱸᱜᱤᱱ ᱵᱚᱞᱚ ᱟᱠᱟᱱᱟ᱾ᱱᱚᱶᱟ ᱵᱮᱜᱚᱨ ᱱᱚᱶᱟ ᱜᱟᱰᱟ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱱᱮᱣᱨᱟ ᱵᱷᱮᱞᱤ ᱡᱟᱹᱛᱤᱭᱟᱹᱨᱤ ᱵᱟᱜᱽᱣᱟᱱ ᱪᱚᱯᱨᱟᱢᱟᱨᱤ ᱨᱟᱠᱷᱟ ᱵᱤᱨ ᱟᱨ ᱜᱳᱨᱩᱢᱟᱨᱟ ᱡᱟᱹᱛᱤᱭᱟᱹᱨᱤ ᱵᱟᱜᱽᱣᱟᱱ ᱛᱟᱞᱟᱛᱮ ᱯᱟᱨᱚᱢ ᱟᱠᱟᱱᱟ ᱟᱨ ᱱᱚᱶᱟ ᱥᱟᱶᱛᱮ ᱯᱮᱨᱮᱱ, ᱜᱚᱭᱨᱤᱵᱟᱥ, ᱡᱟᱞᱳᱝ, ᱫᱷᱩᱯᱜᱩᱨᱤ, ᱯᱷᱟᱞᱟᱠᱟᱴᱟ, ᱢᱟᱛᱷᱟᱵᱷᱟᱝᱜᱟ ᱞᱮᱠᱟᱱ ᱵᱟᱡᱟᱨ ᱟᱨ ᱥᱟᱦᱟᱨ ᱠᱚ ᱥᱮᱫ ᱛᱮ ᱜᱟᱰᱟ ᱫᱚ ᱵᱷᱟᱨᱚᱛ ᱨᱮᱭᱟᱜ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱠᱟᱞᱤᱢᱯᱚᱝ ᱡᱟᱞᱯᱟᱭᱜᱩᱨᱤ ᱟᱨ ᱠᱩᱪ ᱵᱤᱦᱟᱨ ᱦᱚᱱᱚᱛ ᱛᱟᱞᱟᱛᱮ ᱪᱟᱞᱟᱣ ᱟᱠᱟᱱᱟ᱾ ᱱᱚᱶᱟ ᱫᱚ ᱵᱟᱝᱞᱟᱫᱮᱥ ᱨᱮ ᱫᱷᱚᱨᱞᱟ ᱜᱟᱰᱟ ᱧᱩᱛᱩᱢ ᱛᱮ ᱩᱯᱨᱩᱢᱚᱜᱼᱟ ᱟᱨ ᱠᱳᱞᱟᱦᱟᱴ ᱯᱷᱩᱞᱵᱟᱨᱤ ᱟᱨ ᱠᱩᱲᱤᱜᱨᱟᱢ ᱥᱟᱦᱟᱨ ᱞᱮᱠᱟᱱ ᱥᱟᱦᱟᱨ ᱛᱟᱞᱟᱛᱮ ᱪᱟᱞᱟᱣ ᱟᱠᱟᱱᱟ ᱟᱨ ᱠᱩᱲᱤᱜᱨᱟᱢ ᱦᱚᱱᱚᱛ ᱨᱮᱭᱟᱜ ᱵᱟᱜᱩᱭᱟ ᱚᱱᱚᱱᱛᱚᱯᱩᱨ ᱨᱮ ᱫᱷᱚᱨᱞᱟ ᱵᱨᱚᱦᱢᱚᱯᱩᱛᱨᱚ ᱜᱟᱰᱟ ᱨᱮ ᱵᱟᱝ ᱥᱮᱞᱮᱫᱚᱜ ᱦᱟᱹᱵᱤᱡ ᱮᱛᱚᱢ ᱥᱮᱫ ᱞᱤᱸᱜᱤ ᱟᱠᱟᱱᱟ᱾ ᱱᱟᱹᱭ ᱫᱚ ᱵᱮᱥ ᱠᱤᱪᱷᱩ ᱡᱮᱜᱮᱫ ᱡᱟᱠᱟᱛ ᱥᱤᱢᱟᱹ ᱨᱮ ᱟᱡᱟᱨᱤ ᱠᱷᱟᱹᱛᱤᱨ ᱛᱮ ᱜᱟᱰᱟ ᱨᱮᱭᱟᱜ ᱱᱟᱥᱫ ᱡᱮᱞᱮᱧ ᱫᱚ ᱵᱟᱝᱞᱟᱫᱮᱥ ᱟᱨ ᱵᱷᱩᱴᱟᱱ ᱨᱮ ᱢᱮᱱᱟᱜᱼᱟ ᱟᱨ ᱱᱚᱶᱟ ᱦᱚᱨ ᱨᱮᱭᱟᱜ ᱡᱟᱹᱥᱛᱤ ᱦᱤᱸᱥ ᱜᱮ ᱵᱷᱟᱨᱚᱛ ᱨᱮ ᱢᱮᱱᱟᱜᱼᱟ᱾ ᱠᱤᱪᱷᱩ ᱴᱚᱴᱷᱟ ᱨᱮ ᱱᱚᱶᱟ ᱱᱟᱹᱭ ᱫᱚ ᱢᱟᱱᱥᱟᱭ ᱱᱟᱹᱭ ᱟᱨ ᱥᱤᱝᱦᱤᱢᱟᱨᱤ ᱱᱟᱹᱭ ᱧᱩᱛᱩᱢ ᱛᱮ ᱦᱚᱸ ᱩᱯᱨᱩᱢᱚᱜᱼᱟ ᱾
| ᱡᱚᱞᱰᱷᱟᱠᱟ ᱜᱟᱰᱟ | |
|---|---|
 | |
| ᱫᱤᱥᱚᱢ ᱠᱚ | |
| ᱦᱚᱱᱚᱛ ᱠᱚ | |
| ᱯᱚᱱᱚᱛ ᱠᱚ | |
| Physical characteristics | |
| Main source | ᱵᱚᱭᱛᱟᱝ ᱫᱟᱨᱦᱟ ᱠᱩᱯᱩᱯ, ᱜᱮᱝᱴᱚᱠ ᱦᱚᱱᱚᱛ, ᱥᱤᱠᱠᱤᱢ, ᱥᱤᱧᱚᱛ |
| ᱜᱟᱰᱟ ᱰᱟᱦᱟᱨ | ᱫᱷᱚᱨᱞᱟ ᱜᱟᱰᱟ, ᱵᱨᱚᱢᱦᱚᱯᱩᱛᱨᱚ ᱜᱟᱰᱟ ᱞᱟᱞᱢᱚᱱᱤᱨᱦᱟᱴ ᱦᱚᱱᱚᱛ, ᱵᱟᱝᱞᱟᱫᱮᱥ |
ᱚᱛᱱᱚᱜ
ᱥᱟᱯᱲᱟᱣᱡᱚᱞᱰᱷᱟᱠᱟ ᱥᱮ ᱰᱤᱪᱩ ᱥᱤᱠᱠᱤᱢ ᱨᱮᱭᱟᱜ ᱢᱤᱫᱴᱟᱝ ᱠᱟᱹᱴᱤᱡ ᱵᱚᱨᱚᱯᱷ ᱫᱟᱨᱦᱟ ᱠᱩᱯᱩᱯ ᱫᱟᱨᱦᱟ ᱠᱷᱚᱱ ᱮᱛᱚᱦᱚᱵ ᱟᱠᱟᱱᱟ᱾ ᱱᱚᱶᱟ ᱫᱚ ᱵᱤᱱᱫᱩ ᱥᱳᱨ ᱨᱮ ᱮᱴᱟᱜ ᱵᱟᱨᱭᱟ ᱱᱟᱹᱭ , ᱡᱟᱦᱟᱸ ᱫᱚ ᱦᱩᱭᱩᱜ ᱠᱟᱱᱟ ᱵᱤᱱᱫᱩ ᱠᱷᱳᱞ ᱟᱨ ᱰᱩᱫᱷ ᱯᱩᱠᱷᱚᱨᱤ , ᱨᱮᱭᱟᱜ ᱢᱮᱥᱟ ᱛᱟᱞᱟᱛᱮ ᱢᱟᱨᱟᱝ ᱧᱚᱜ ᱟᱠᱟᱱᱟ᱾ ᱡᱚᱞᱰᱷᱟᱠᱟ ᱱᱟᱹᱭ ᱨᱮᱭᱟᱜ ᱫᱟᱜ ᱵᱟᱹᱲᱛᱤ ᱞᱟᱹᱜᱤᱫ ᱱᱚᱶᱟ ᱢᱮᱥᱟ ᱫᱟᱜ ᱞᱤᱸᱜᱤᱱ ᱵᱤᱱᱫᱩ ᱨᱮ ᱢᱮᱥᱟ ᱟᱠᱟᱱᱟ ᱟᱨ ᱱᱚᱶᱟ ᱞᱮᱠᱟᱛᱮ ᱵᱷᱟᱨᱚᱛ ᱟᱨ ᱵᱷᱩᱴᱟᱱ ᱥᱟᱶᱛᱮ ᱢᱤᱫᱴᱟᱝ ᱱᱟᱹᱭ ᱥᱤᱢᱟᱹ ᱵᱮᱱᱟᱣ ᱟᱠᱟᱱᱟ᱾ ᱱᱟᱹᱭ ᱨᱮᱭᱟᱜ ᱮᱛᱚᱢ ᱫᱷᱟᱨᱮ ᱨᱮ ᱥᱮᱞᱮᱫ ᱟᱠᱟᱱ ᱢᱩᱲᱩᱫ ᱥᱟᱵᱟ ᱱᱟᱹᱭ ᱠᱚᱫᱚ ᱦᱩᱭᱩᱜ ᱠᱟᱱᱟ ᱢᱩᱨᱛᱤ, ᱡᱳᱞᱚᱝ ᱠᱷᱳᱞ , ᱱᱟᱠᱥᱟᱞ ᱠᱷᱳᱞ, ᱥᱩᱴᱩᱝᱜᱟ ᱟᱨ ᱞᱟᱛᱟᱨ ᱨᱮ ᱡᱟᱨᱫᱟ᱾ ᱰᱟᱭᱟᱱᱟ, ᱨᱮᱦᱛᱤᱼᱰᱩᱰᱩᱭᱟ ᱟᱨ ᱢᱩᱡᱱᱟᱭ ᱦᱩᱭᱩᱜ ᱠᱟᱱᱟ ᱢᱩᱲᱩᱫ ᱞᱮᱸᱜᱟ ᱟᱲᱮ ᱨᱮᱭᱟᱜ ᱥᱟᱵᱟ ᱱᱟᱹᱭ᱾
ᱱᱟᱹᱭ ᱫᱚ ᱩᱛᱛᱚᱨ ᱵᱟᱝᱞᱟ ᱨᱮᱭᱟᱜ ᱯᱮᱭᱟ ᱦᱚᱱᱚᱛ ᱠᱚᱞᱤᱢᱯᱚᱝ, ᱡᱚᱞᱯᱟᱭᱜᱩᱲᱤ ᱟᱨ ᱠᱳᱪ ᱵᱤᱦᱟᱨ ᱛᱟᱞᱟᱛᱮ ᱞᱤᱸᱜᱤᱱ ᱠᱟᱱᱟ᱾ ᱛᱤᱥᱟᱛᱟ ᱵᱮᱰᱟ ᱥᱟᱶ ᱥᱟᱶᱛᱮ ᱥᱟᱱᱟᱢ ᱫᱟᱜᱼᱫᱩᱱᱩᱞ ᱫᱚ ᱡᱚᱛᱚ ᱠᱷᱚᱱ ᱰᱷᱮᱨ ᱡᱳᱨᱟᱣᱟᱱ ᱪᱟᱥ ᱴᱚᱴᱷᱟ ᱠᱟᱱᱟ᱾ ᱪᱮᱛᱟᱱ ᱨᱮᱭᱟᱜ ᱞᱤᱸᱜᱤᱱ ᱦᱚᱨ ᱫᱚ ᱡᱤᱧᱡᱟᱨ, ᱨᱟᱱ ᱫᱟᱨᱮ ᱟᱨ ᱠᱚᱢᱞᱟ ᱡᱚ ᱟᱨ ᱵᱮᱫᱟᱱᱟ ᱞᱮᱠᱟᱱ ᱡᱚ ᱪᱟᱥ ᱞᱟᱹᱜᱤᱫ ᱧᱩᱛᱩᱢᱟᱱ ᱜᱮᱭᱟ᱾ ᱡᱟᱞᱯᱟᱭᱜᱩᱲᱤ ᱦᱚᱱᱚᱛ ᱨᱮᱭᱟᱜ ᱛᱟᱞᱟ ᱦᱚᱨ ᱫᱚ ᱥᱟᱱᱟᱢ ᱞᱮᱠᱟᱛᱮ ᱪᱟ ᱟᱨ ᱡᱚᱸᱰᱨᱟ ᱨᱮᱭᱟᱜ ᱰᱚᱢᱤᱱᱮᱱᱥ ᱨᱮ ᱟᱨ ᱞᱟᱛᱟᱨ ᱦᱚᱨ ᱨᱮ ᱫᱚ ᱦᱩᱲᱩ, ᱯᱟᱴ ᱟᱨ ᱛᱷᱟᱢᱟᱠᱩᱨ ᱨᱮᱭᱟᱜ ᱪᱟᱥ ᱵᱟᱹᱲᱛᱤ ᱢᱮᱱᱟᱜᱼᱟ᱾ ᱱᱟᱹᱭ ᱠᱚ ᱢᱩᱫ ᱨᱮ ᱵᱮᱱᱟᱣ ᱟᱠᱟᱱ ᱦᱟᱸᱥᱟ ᱰᱷᱤᱯ ᱨᱮ ᱢᱟᱫ ᱟᱨ ᱯᱟᱹᱴᱭᱟᱹ ᱴᱷᱮᱸᱜᱟ ᱞᱮᱠᱟ ᱪᱟᱥ ᱦᱩᱭᱩᱜᱼᱟ᱾ ᱞᱟᱛᱟᱨ ᱫᱟᱜ-ᱫᱩᱱᱩᱞ ᱨᱮ ᱱᱟᱹᱭ ᱢᱩᱫ ᱨᱮᱭᱟᱜ ᱦᱟᱸᱥᱟ ᱰᱷᱤᱯ ᱨᱮ ᱠᱟᱭᱨᱟ ᱪᱟᱥ ᱦᱩᱭᱩᱜᱼᱟ᱾
ᱱᱟᱹᱭ ᱫᱚ ᱜᱷᱳᱠᱥᱟᱰᱟᱝᱜᱟ ᱦᱚᱱᱚᱛ ᱨᱮ ᱵᱟᱝᱞᱟᱫᱮᱥ ᱨᱮ ᱥᱮᱴᱮᱨ ᱠᱟᱛᱮ ᱵᱨᱚᱢᱦᱚᱯᱩᱛᱨᱚ ᱥᱮ ᱡᱚᱢᱩᱱᱟ ᱥᱟᱶ ᱢᱮᱥᱟ ᱟᱠᱟᱱᱟ ᱡᱟᱦᱟᱸ ᱫᱚ ᱚᱸᱰᱮ ᱩᱯᱨᱩᱢᱟ᱾
ᱫᱟᱜ ᱰᱩᱵᱟᱹ
ᱥᱟᱯᱲᱟᱣᱡᱩᱱ ᱠᱷᱚᱱ ᱥᱮᱯᱴᱮᱢᱵᱚᱨ ᱨᱮᱭᱟᱜ ᱛᱟᱞᱟ ᱨᱮ ᱫᱟᱜᱼᱡᱟᱹᱲᱤ ᱚᱠᱛᱮ ᱨᱮ ᱛᱤᱥᱛᱟ ᱱᱟᱹᱭ ᱥᱟᱶᱛᱮ ᱡᱚᱞᱰᱷᱟᱠᱟ ᱱᱟᱹᱭ ᱫᱚ ᱵᱟᱝᱞᱟᱫᱮᱥ ᱨᱮ ᱟᱭᱢᱟ ᱫᱷᱟᱣ ᱢᱟᱨᱟᱝ ᱰᱩᱵᱟᱹ ᱨᱮᱭᱟᱜ ᱮ ᱥᱤᱨᱡᱟᱹᱣ ᱟᱠᱟᱫᱟ᱾[᱒]
ᱵᱟᱨᱦᱮ ᱡᱚᱱᱚᱲ
ᱥᱟᱯᱲᱟᱣᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ Discovery of North-East India: Geography, History, Culture, Religion, Politics, Sociology, Science, Education and Economy. Assam. Volume three, 2005
- ↑ "Several thousand houses inundated in Kurigram". 28 August 2021.