ᱡᱚᱫᱩᱱᱟᱛᱷ ᱴᱩᱰᱩ
ᱱᱚᱣᱟ ᱥᱟᱛᱟᱢ ᱣᱤᱠᱤ ᱞᱚᱵᱽᱥ ᱞᱤᱴᱮᱨᱮᱪᱚᱨ ᱒᱐᱒᱒ ᱞᱟᱹᱜᱤᱫ ᱵᱮᱨᱮᱫ ᱟᱠᱟᱱᱟ । |  |
ᱡᱚᱫᱩᱱᱟᱛᱷ ᱴᱩᱰᱩ ᱫᱚ ᱢᱤᱫ ᱧᱩᱛᱩᱢᱟᱱ ᱥᱟᱱᱛᱟᱲᱤ ᱜᱟᱭᱟᱱ ᱚᱱᱚᱞᱤᱭᱟᱹ ᱠᱟᱱᱟᱭ᱾ ᱟᱡᱟᱜ ᱚᱞ ᱜᱟᱭᱟᱱ ᱠᱚ ᱛᱮᱛᱨᱮ ᱯᱟᱛᱷᱟᱢ ᱠᱚᱨᱮ ᱦᱚᱸ ᱪᱷᱟᱯᱟ ᱟᱠᱟᱱᱟ᱾
| ᱡᱚᱫᱩᱱᱟᱛᱷ ᱴᱩᱰᱩ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱡᱩᱱ ᱒᱑, ᱑᱙᱔᱙ ᱫᱚᱵᱟᱹᱴᱤ ᱟᱹᱛᱩ, ᱜᱳᱣᱟᱞᱛᱳᱲ, ᱯᱟᱪᱷᱮ ᱢᱮᱫᱤᱱᱤᱯᱩᱨ |
| ᱜᱩᱨ | ᱒᱕ ᱥᱮᱯᱴᱮᱢᱵᱚᱨ ᱒᱐᱑᱘ (᱖᱙ ᱵᱚᱭᱚᱥ) |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | ᱢᱟᱪᱮᱫ, ᱥᱟᱥᱟᱯᱲᱟᱣᱤᱡ (ᱥᱮᱨᱢᱟ ᱟᱲᱟᱝ) |
| ᱧᱩᱢᱱᱟᱢ | ᱜᱟᱭᱟᱱ ᱚᱱᱚᱞᱤᱭᱟᱹ |
| ᱧᱩᱢᱦᱟᱞᱟᱝ ᱠᱟᱹᱢᱤ | "ᱞᱚ ᱵᱤᱨ", "ᱥᱩᱛᱟᱹᱱ ᱰᱟᱺᱰᱤ " |
ᱜᱤᱫᱽᱨᱟᱹ ᱡᱤᱭᱚᱱ ᱟᱨ ᱥᱮᱪᱮᱫ
ᱥᱟᱯᱲᱟᱣᱡᱚᱫᱩᱱᱟᱛᱷ ᱴᱩᱰᱩ ᱫᱚ ᱑᱙᱔᱙ ᱥᱮᱨᱢᱟ ᱨᱮᱭᱟᱜ ᱒᱑ ᱡᱩᱱ, ᱯᱚᱪᱷᱤᱢ ᱢᱮᱫᱤᱱᱤᱯᱩᱨ ᱡᱮᱞᱟ ᱨᱮᱭᱟᱜ ᱜᱳᱣᱟᱞᱛᱳᱲ ᱥᱩᱨ ᱫᱚᱵᱟᱹᱴᱤ ᱟᱹᱛᱩ ᱨᱮᱭᱟᱜ ᱡᱟᱱᱟᱢ ᱞᱮᱱᱟ᱾ ᱟᱯᱟᱛ ᱧᱩᱛᱩᱢ ᱫᱚ ᱵᱳᱭᱫᱚᱱᱟᱛᱷ ᱴᱩᱰᱩ ᱟᱨ ᱟᱭᱳ ᱫᱚ ᱪᱟᱸᱫᱽᱢᱚᱱᱤ ᱴᱩᱰᱩ᱾ ᱡᱚᱫᱩᱱᱟᱛᱷ ᱟᱜ ᱮᱛᱚᱦᱚᱵ ᱥᱮᱪᱮᱫ ᱫᱚ ᱟᱹᱛᱩ ᱥᱩᱨ ᱥᱩᱱᱫᱚᱨᱵᱮᱲᱤᱭᱟ ᱯᱨᱟᱭᱢᱟᱨᱤ ᱥᱠᱩᱞ ᱠᱷᱚᱱ ᱦᱩᱭ ᱞᱮᱱᱟ᱾ ᱚᱱᱟ ᱛᱟᱭᱚᱢ ᱑᱙᱖᱖ ᱥᱮᱨᱢᱟ ᱨᱮ ᱜᱳᱣᱟᱞᱛᱳᱲ ᱦᱟᱭ ᱥᱠᱩᱞ ᱠᱷᱚᱱ ᱦᱟᱭᱟᱨ ᱥᱮᱠᱮᱱᱰᱟᱨᱤ ᱮ ᱯᱟᱥ ᱞᱮᱫᱟ᱾ ᱑᱙᱖᱙ ᱥᱮᱨᱢᱟ ᱨᱮ ᱦᱩᱜᱽᱞᱤ ᱡᱮᱞᱟ ᱨᱮᱭᱟᱜ ᱵᱮᱝᱜᱟᱭ ᱨᱮ ᱢᱮᱱᱟᱜ ᱚᱜᱷᱳᱨ ᱠᱟᱢᱤᱱᱤ ᱯᱨᱚᱠᱟᱥ ᱪᱚᱱᱫᱽᱨᱟ ᱢᱚᱦᱟᱵᱤᱫᱫᱟᱞᱚᱭ ᱠᱷᱚᱱ ᱵᱤ.ᱮ. ᱭ ᱯᱟᱥ ᱞᱮᱫᱟ᱾
ᱠᱟᱹᱢᱤ
ᱥᱟᱯᱲᱟᱣᱟᱡᱟᱜ ᱠᱟᱹᱢᱤ ᱡᱤᱭᱚᱱ ᱫᱚ ᱢᱟᱪᱮᱫ ᱞᱮᱠᱟᱛᱮ ᱮᱦᱚᱵ ᱞᱮᱱ ᱛᱟᱭᱟ᱾ ᱑᱙᱖᱙ ᱥᱮᱨᱢᱟ ᱨᱮ ᱢᱮᱫᱤᱱᱤᱯᱩᱨ ᱦᱚᱱᱚᱛ (ᱱᱤᱛ ᱯᱟᱪᱷᱮ ᱢᱮᱫᱤᱱᱤᱯᱩᱨ) ᱨᱮᱭᱟᱜ ᱟᱴᱷᱟᱝᱜᱤ ᱰᱟᱠ ᱚᱲᱟᱜ ᱨᱮᱭᱟᱜ ᱰᱩᱢᱨᱳ ᱯᱨᱟᱭᱢᱟᱨᱤ ᱥᱠᱩᱞ ᱨᱮ ᱢᱟᱪᱮᱫ ᱠᱟᱹᱢᱤ ᱮ ᱮᱦᱚᱵ ᱞᱮᱫᱟ᱾ ᱚᱱᱟ ᱛᱟᱭᱚᱢ ᱑᱙᱗᱐ ᱥᱮᱨᱢᱟ ᱨᱮ ᱡᱟᱞᱵᱮᱴᱤ ᱯᱨᱟᱭᱢᱟᱨᱤ ᱥᱠᱩᱞ ᱨᱮ, ᱑᱙᱗᱒ ᱥᱮᱨᱢᱟ ᱨᱮ ᱦᱩᱜᱽᱞᱤ ᱨᱮᱭᱟᱜ ᱪᱩᱢᱠᱟᱭᱛᱚᱞᱟ ᱯᱨᱟᱭᱢᱟᱨᱤ ᱥᱠᱩᱞ ᱨᱮ ᱟᱨ ᱑᱙᱗᱒ ᱥᱮᱨᱢᱟ ᱨᱮ ᱯᱟᱪᱷᱮ ᱢᱮᱫᱤᱱᱤᱯᱩᱨ ᱨᱮᱭᱟᱜ ᱦᱟᱵᱽᱲᱟ ᱯᱨᱟᱭᱢᱟᱨᱤ ᱥᱠᱩᱞ ᱨᱮᱭ ᱩᱪᱟᱹᱲ ᱞᱮᱱᱟ᱾ ᱑᱙᱗᱕ ᱥᱟᱞᱮ ᱨᱮ ᱥᱮᱨᱢᱟ ᱟᱲᱟᱝ (ᱟᱠᱟᱥᱵᱟᱱᱤ) ᱠᱚᱞᱠᱟᱛᱟ ᱩᱪᱷᱟᱹᱱ ᱛᱟᱞᱢᱟ ᱨᱮ ᱥᱟᱱᱛᱟᱲᱤ ᱟᱠᱷᱲᱟ ᱪᱟᱹᱞᱩ ᱮᱱ ᱠᱷᱟᱱ ᱡᱚᱫᱩᱱᱟᱛᱷ ᱴᱩᱰᱩ ᱫᱚ ᱱᱚᱣᱟ ᱨᱮ ᱥᱟᱥᱟᱯᱲᱟᱣᱤᱡ ᱞᱮᱠᱟᱛᱮᱭ ᱵᱚᱦᱟᱞ ᱮᱱᱟ᱾ ᱱᱚᱣᱟ ᱨᱮ ᱠᱟᱹᱢᱤ ᱚᱠᱛᱮ ᱩᱱᱤ ᱫᱚ ᱥᱟᱱᱛᱟᱲᱤ ᱞᱟᱠᱪᱟᱨ ᱥᱮᱨᱮᱧ ᱠᱚ ᱡᱤᱭᱟᱹᱲ ᱫᱚᱦᱚ ᱨᱮᱭᱟᱜ ᱠᱩᱨᱩᱢᱩᱴᱩ ᱨᱮᱭ ᱪᱷᱩᱴᱟᱹᱣ ᱞᱮᱱᱟ᱾ ᱞᱟᱹᱭ ᱛᱚᱨᱟ ᱜᱟᱱᱚᱜᱼᱟ, ᱑᱙᱗᱗ ᱥᱮᱨᱢᱟ ᱨᱮᱭᱟᱜ ᱒᱐ ᱟᱨ ᱒᱑ ᱢᱟᱹᱦᱤᱛ ᱨᱮ ᱡᱚᱫᱩᱱᱟᱛᱷ ᱴᱩᱰᱩ ᱟᱜ ᱥᱟᱯᱲᱟᱣ ᱛᱮ ᱥᱚᱢᱤᱨ ᱠᱩᱢᱟᱨ ᱢᱩᱨᱢᱩ ᱟᱜ "ᱴᱩᱣᱟᱹᱨ" ᱜᱟᱭᱟᱱ ᱩᱪᱷᱟᱹᱱ ᱞᱮᱱᱟ᱾ ᱱᱚᱣᱟ ᱜᱟᱭᱟᱱ ᱫᱚ ᱵᱷᱟᱨᱚᱛ ᱡᱟᱠᱟᱛ ᱥᱮᱨᱢᱟ ᱟᱲᱟᱝ ᱦᱮᱯᱲᱟᱣ ᱨᱮ ᱮᱴᱟᱜ ᱜᱟᱭᱟᱱ ᱥᱟᱶᱛᱮ ᱯᱩᱭᱞᱩ ᱥᱤᱨᱯᱷᱟᱹ ᱮ ᱦᱟᱢᱮᱴ ᱞᱮᱫᱟ᱾
ᱥᱟᱶᱦᱮᱫ ᱪᱟᱨᱪᱟ
ᱥᱟᱯᱲᱟᱣᱠᱚᱞᱮᱡᱽ ᱡᱤᱭᱚᱱ ᱠᱷᱚᱱ ᱜᱮ ᱡᱚᱫᱩᱱᱟᱛᱷ ᱴᱩᱰᱩ ᱫᱚ ᱥᱟᱱᱛᱟᱲᱤ ᱥᱟᱶᱦᱮᱫ ᱪᱟᱨᱪᱟ ᱮ ᱮᱦᱚᱵ ᱞᱮᱫᱟ᱾ ᱜᱟᱭᱟᱱ ᱥᱮᱫ ᱜᱮ ᱡᱟᱹᱥᱛᱤᱭ ᱞᱤᱸᱰᱩᱨ ᱞᱮᱱᱟ᱾ ᱩᱱᱚᱠᱛᱚ ᱥᱟᱱᱛᱟᱲᱤ ᱜᱟᱭᱟᱱ ᱨᱮᱭᱟᱜ ᱟᱱᱟᱴ ᱧᱮᱞ ᱠᱟᱛᱮ ᱜᱟᱭᱟᱱ ᱚᱞ ᱮ ᱪᱷᱩᱴᱟᱹᱣ ᱞᱮᱱᱟ᱾ ᱑᱙᱗᱗ ᱥᱮᱨᱢᱟ ᱨᱮ ᱠᱚᱞᱠᱟᱛᱟ ᱨᱮ ᱪᱟᱹᱠᱨᱤ ᱞᱟᱹᱜᱤᱫ ᱠᱚ ᱦᱮᱡ ᱟᱠᱟᱱ ᱥᱟᱱᱛᱟᱲ ᱠᱷᱮᱨᱣᱟᱞ ᱚᱯᱮᱨᱟ ᱠᱳᱞᱠᱟᱛᱟ ᱠᱚ ᱛᱷᱟᱯᱚᱱ ᱞᱮᱫᱟ, ᱱᱚᱣᱟ ᱨᱮᱦᱚᱸ ᱡᱚᱫᱩᱱᱟᱛᱷ ᱴᱩᱰᱩ ᱟᱜ ᱟᱹᱰᱤ ᱢᱟᱨᱟᱝ ᱮᱱᱮᱢ ᱢᱮᱱᱟᱜᱼᱟ᱾ ᱑᱙᱗᱘ ᱥᱮᱨᱢᱟ ᱨᱮ ᱟᱡᱟᱜ "ᱥᱟᱨᱡᱚᱢ ᱜᱤᱨᱟᱹ" ᱜᱟᱭᱟᱱ ᱛᱮᱛᱨᱮ ᱯᱟᱛᱷᱟᱢ ᱨᱮ ᱯᱟᱨᱥᱟᱞ ᱞᱮᱱᱟ᱾ ᱡᱚᱫᱩᱱᱟᱛᱷ ᱫᱚ ᱥᱟᱶᱛᱟ, ᱱᱟᱜᱟᱢ, ᱫᱤᱥᱚᱢ ᱫᱩᱞᱟᱹᱲ ᱮᱢᱟᱱ ᱥᱟᱛᱟᱢ ᱪᱮᱛᱟᱱ ᱟᱭᱢᱟ ᱜᱟᱭᱟᱱ ᱟᱨ ᱨᱮᱰᱤᱭᱳ ᱜᱟᱭᱟᱱ ᱦᱚᱸᱭ ᱚᱞ ᱟᱠᱟᱫᱟ᱾ ᱨᱮᱰᱤᱭᱳ ᱜᱟᱭᱟᱱ ᱥᱟᱯᱲᱟᱣ ᱥᱟᱶᱛᱮ ᱚᱱᱟᱨᱮ ᱚᱵᱷᱤᱱᱚᱭ ᱦᱚᱸᱭ ᱚᱵᱷᱤᱱᱚᱭ ᱟᱠᱟᱫᱟ᱾
ᱚᱞ ᱯᱚᱛᱚᱵ
ᱥᱟᱯᱲᱟᱣᱡᱚᱫᱩᱱᱟᱛᱷ ᱴᱩᱰᱩ ᱟᱜ ᱚᱞ ᱯᱚᱛᱚᱵ ᱠᱚᱫᱚ ᱦᱩᱭᱩᱜ ᱠᱟᱱᱟ᱾
- "ᱚᱞ ᱛᱟᱢ" ᱟᱨ "ᱯᱟᱹᱨᱥᱤ ᱛᱟᱢ" ᱥᱟᱱᱛᱟᱲᱤ ᱯᱨᱟᱭᱢᱟᱨᱤ ᱞᱟᱹᱜᱤᱫ ᱾
- "ᱨᱤᱸᱫᱤ ᱢᱟᱹᱭ ᱞᱚᱫᱚᱢ ᱵᱟᱹᱵᱩ ᱛᱟᱹᱠᱤᱱᱟᱜ ᱠᱟᱛᱷᱟ" - ᱑᱙᱗᱙ (ᱜᱟᱭᱟᱱ)
- ᱱᱟᱵᱟᱞᱚᱠ ᱥᱤᱠᱟᱹᱨᱤᱭᱟᱹ" - ᱑᱙᱘᱐ (ᱜᱟᱭᱟᱱ)
- "ᱤᱝᱨᱮᱡᱤ ᱨᱮᱱ ᱥᱟᱱᱛᱟᱲ ᱜᱩᱨᱩ"[᱑] - ᱑᱙᱙᱒
- "ᱞᱚᱼᱵᱤᱨ" - ᱒᱐᱐᱕ (ᱜᱟᱭᱟᱱ)
- "ᱠᱷᱮᱨᱣᱟᱲ ᱥᱟᱶᱛᱟ "
- "ᱥᱩᱛᱟᱹᱱ ᱰᱟᱺᱰᱤ"
- "ᱥᱤᱠᱟᱹᱨᱤᱭᱟᱹ "
- "ᱫᱷᱤᱨᱤ ᱵᱚᱸᱜᱟ"
- "ᱥᱤᱨᱤᱡᱟᱞᱟ"
ᱮᱢᱟᱱ᱾
ᱢᱟᱹᱱ
ᱥᱟᱯᱲᱟᱣ- ᱑᱙᱗᱗ ᱨᱮ "ᱴᱩᱣᱟᱹᱨ" ᱜᱟᱭᱟᱱ ᱥᱟᱯᱲᱟᱣ ᱞᱟᱹᱜᱤᱫ ᱥᱚᱨᱮᱥ ᱥᱟᱥᱟᱯᱲᱟᱣᱤᱡ ᱟᱜ ᱥᱤᱨᱯᱷᱟᱹ᱾
- ᱒᱐᱐᱑ ᱥᱮᱨᱢᱟ ᱨᱮ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱠᱷᱚᱱ 'ᱜᱩᱨᱩ ᱜᱚᱢᱠᱮ ᱯᱚᱸᱰᱮᱛ ᱨᱟᱹᱜᱷᱩᱱᱟᱛᱷ ᱢᱩᱨᱢᱩ ᱩᱱᱩᱭᱦᱟᱹᱨ ᱥᱤᱨᱯᱷᱟᱹ'᱾
ᱵᱚᱸᱜᱟ ᱛᱟᱞᱟ
ᱥᱟᱯᱲᱟᱣ᱒᱐᱑᱘ ᱨᱮᱭᱟᱜ ᱥᱮᱯᱴᱮᱢᱵᱚᱨ ᱒᱕ ᱨᱮ ᱱᱩᱭ ᱞᱟᱥᱮᱨ ᱦᱟᱛᱟᱝ ᱚᱱᱚᱞᱤᱭᱟᱹ ᱟᱵᱚᱠᱚ ᱵᱟᱹᱜᱤ ᱠᱟᱛᱮ ᱵᱚᱸᱜᱟ ᱫᱤᱥᱚᱢ ᱛᱮᱭ ᱪᱟᱞᱟᱣ ᱮᱱᱟ᱾
ᱵᱟᱨᱦᱮ ᱡᱚᱱᱚᱲ
ᱥᱟᱯᱲᱟᱣᱥᱟ.ᱠᱷᱭᱟ.ᱛ
ᱥᱟᱯᱲᱟᱣ- ↑ "Santali Book". WeSanthals. Retrieved 1 July 2022.
- ᱯᱚᱨᱤᱢᱚᱞ ᱦᱮᱢᱵᱽᱨᱚᱢ ᱟᱜ ᱥᱟᱱᱛᱟᱞᱤ ᱥᱟᱦᱤᱛᱛᱮᱨ ᱤᱛᱤᱦᱟᱥ