ᱡᱟᱹᱱᱟᱹᱯᱤᱫ
ᱡᱟᱹᱱᱟᱹᱯᱤᱫ ᱫᱚ ᱢᱤᱫ ᱞᱮᱠᱟᱱ ᱯᱩᱨ ᱱᱟᱹᱬᱤ ᱠᱟᱱᱟ ᱾ ᱡᱟᱦᱟᱸ ᱨᱮᱱᱟᱜ ᱤᱝᱞᱤᱥ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱᱟ 'Touch Me Not' ᱟᱨ ᱥᱟᱬᱮᱥᱤᱭᱟᱹ ᱧᱩᱛᱩᱢ ᱫᱚ ᱢᱟᱭᱤᱢᱚᱥᱟ ᱯᱩᱰᱤᱠᱟ (Mimosa pudica) [᱑]᱾ ᱱᱚᱣᱟ ᱫᱚ ᱢᱟᱭᱢᱚᱥᱮᱥᱤ (Mimosaceae) ᱵᱚᱝᱥᱚ ᱥᱩᱯᱩᱨ ᱡᱟᱹᱱᱩᱢ ᱯᱮᱨᱮᱡ ᱠᱮᱴᱮᱡ ᱱᱟᱹᱬᱤ ᱠᱟᱱᱟ ᱾ ᱱᱚᱣᱟ ᱨᱮᱱᱟᱜ ᱨᱮᱦᱮᱫ ᱜᱟᱸᱴ ᱨᱮ ᱵᱷᱮᱨᱣᱮᱫ ᱠᱚ ᱵᱟᱥᱟᱜᱼᱟ ᱟᱨ ᱱᱩᱠᱩ ᱫᱚ ᱦᱚᱭ ᱠᱷᱚᱱ ᱱᱟᱭᱴᱨᱚᱡᱮᱱ ᱠᱚ ᱥᱟᱢᱴᱟᱣᱟ ᱾ ᱱᱚᱣᱟ ᱫᱚ ᱡᱚᱴᱮᱫ ᱞᱮᱠᱟᱱ ᱜᱮ ᱠᱩᱲᱪᱩᱝ ᱢᱤᱫᱩᱜᱼᱟ, ᱡᱟᱦᱟᱸ ᱫᱚ ᱱᱮᱥᱴᱤᱠ ᱢᱩᱵᱽᱢᱮᱱᱴ (Nastic movement) ᱠᱚ ᱢᱮᱛᱟᱜ ᱠᱟᱱᱟ ᱾
ᱩᱯᱨᱩᱢ
ᱥᱟᱯᱲᱟᱣ
ᱡᱟᱹᱱᱟᱹᱯᱤᱫ ᱫᱚ ᱨᱟᱱᱢᱩᱜᱟᱹᱱ ᱜᱩᱱ ᱟᱱ ᱱᱟᱹᱬᱤ ᱠᱟᱱᱟ ᱾ ᱱᱚᱣᱟ ᱫᱚ ᱞᱚᱥᱚᱫ ᱯᱟᱹᱠᱣᱟᱹ ᱦᱟᱥᱟ ᱨᱮ ᱚᱢᱚᱱᱚᱜᱼᱟ ᱾ ᱥᱤᱧᱚᱛ ᱫᱤᱥᱚᱢ ᱨᱮ ᱫᱚ ᱜᱚᱴᱟ ᱫᱷᱟᱨᱟ ᱜᱚ ᱱᱚᱣᱟ ᱱᱟᱬᱤ ᱧᱮᱞ ᱧᱟᱢᱚᱜᱼᱟ ᱾ ᱱᱚᱣᱟ ᱨᱮᱱᱟᱜ ᱩᱥᱩᱞ ᱫᱚ ᱔᱕ ᱥᱮ.ᱢᱤ. ᱠᱷᱚᱱ ᱙᱐ ᱥᱮ.ᱢᱤ. ᱜᱟᱱ ᱦᱩᱭᱩᱜᱼᱟ ᱾ ᱱᱚᱣᱟ ᱨᱮᱱᱟᱜ ᱫᱟᱨᱮ ᱰᱟᱹᱨ ᱠᱚ ᱫᱚ ᱞᱟᱛᱟᱨ ᱥᱮᱫ ᱜᱮ ᱞᱟᱛᱣᱟᱜ ᱠᱚᱜᱼᱟ ᱟᱨ ᱱᱟᱹᱬᱤ ᱨᱮ ᱡᱟᱹᱱᱩᱢ ᱟᱨ ᱥᱟᱠᱟᱢ ᱠᱚ ᱫᱚ ᱟᱨᱟᱜ ᱫᱷᱟᱨᱟ ᱜᱮ ᱧᱮᱞᱚᱜᱼᱟ ᱾ ᱱᱚᱣᱟ ᱨᱮᱱᱟᱜ ᱢᱩᱬ ᱨᱮᱦᱮᱫ ᱫᱚ ᱒ ᱯᱷᱩᱴ ᱜᱟᱱ ᱵᱷᱤᱛᱤᱨ ᱨᱮ ᱵᱚᱞᱚ ᱫᱟᱲᱮᱭᱟᱜᱼᱟ ᱾ ᱱᱚᱣᱟ ᱫᱚ ᱠᱮᱴᱮᱡ ᱟᱨ ᱡᱟᱹᱱᱩᱢ ᱡᱟᱹᱱᱩᱢ ᱜᱮᱭᱟ ᱾ ᱱᱚᱣᱟ ᱨᱮᱱᱟᱜ ᱥᱟᱠᱟᱢ ᱫᱚ ᱒.᱕ ᱥᱮ.ᱢᱤ. ᱠᱷᱚᱱ ᱕.᱐ ᱥᱮ.ᱢᱤ. ᱜᱟᱱ ᱟᱨ ᱪᱮᱛᱟᱱ ᱯᱟᱦᱴᱟ ᱫᱚ ᱪᱤᱠᱟᱹᱬ ᱜᱮ ᱧᱮᱞᱚᱜᱼᱟ ᱾ ᱱᱚᱣᱟ ᱨᱮ ᱫᱚ ᱵᱟᱦᱟ ᱯᱷᱩᱴᱟᱹᱣᱜᱼᱟ ᱟᱨ ᱡᱚ ᱦᱚᱸ ᱡᱚᱜ ᱜᱮᱭᱟ ᱾ ᱱᱚᱣᱟ ᱨᱮᱱᱟᱜ ᱵᱟᱦᱟ ᱫᱚ ᱜᱩᱞᱟᱹᱯᱤ ᱨᱚᱝ ᱜᱮᱭᱟ ᱟᱨ ᱑.᱐ ᱠᱷᱚᱱ ᱑.᱕ ᱥᱮ.ᱢᱤ. ᱚᱥᱟᱨ ᱦᱩᱭᱩᱜᱼᱟ ᱾ ᱡᱟᱹᱯᱩᱫ ᱟᱨ ᱨᱟᱵᱟᱝ ᱨᱩᱛᱩ ᱨᱮ ᱱᱚᱣᱟ ᱫᱟᱨᱮ ᱨᱮ ᱫᱚ ᱵᱟᱦᱟ ᱟᱨ ᱡᱚ ᱛᱮ ᱯᱮᱨᱮᱡᱚᱜᱼᱟ ᱾ ᱱᱚᱣᱟ ᱨᱮᱱᱟᱜ ᱡᱟᱝ ᱫᱚ ᱢᱩᱜᱽ ᱡᱟᱝ ᱠᱷᱚᱱ ᱱᱟᱥᱮ ᱦᱩᱰᱤᱧ ᱫᱷᱟᱨᱟ ᱾ ᱱᱚᱣᱟ ᱥᱟᱠᱟᱢ ᱫᱚ ᱡᱚᱴᱮᱫ ᱞᱮᱠᱷᱟᱱᱮ ᱡᱟᱹᱯᱤᱫ ᱜᱚᱫᱟ, ᱚᱱᱟᱛᱮ ᱡᱟᱹᱱᱟᱹᱯᱤᱫ ᱠᱚ ᱧᱩᱛᱩᱢ ᱟᱠᱟᱫᱟ ᱾
ᱟᱭᱢᱟ ᱯᱟᱹᱨᱥᱤ ᱛᱮ ᱧᱩᱛᱩᱢ
ᱥᱟᱯᱲᱟᱣᱥᱚᱸᱥᱠᱨᱩ ᱯᱟᱹᱨᱥᱤ ᱛᱮ ᱱᱚᱣᱟ ᱨᱮᱱᱟᱜ ᱧᱩᱛᱩᱢ ᱫᱚ ᱞᱚᱡᱽᱣᱟᱲᱩ, ᱚᱧᱡᱚᱞᱤᱠᱟ, ᱠᱚᱱᱫᱤᱨᱤ, ᱨᱚᱠᱛᱚᱯᱟᱫᱤ, ᱥᱚᱢᱤᱯᱚᱛᱨᱟ, ᱠᱷᱫᱤᱨᱚᱯᱚᱛᱨᱤᱠᱟ, ᱥᱚᱝᱠᱚᱪᱤᱱᱤ, ᱠᱷᱚᱫᱤᱨᱤ, ᱱᱚᱢᱚᱥᱠᱟᱨᱤ, ᱯᱨᱚᱥᱟᱨᱚᱬᱤ, ᱜᱚᱱᱰᱚᱢᱟᱬᱤᱠᱟ, ᱞᱚᱡᱽᱣᱟᱵᱚᱛᱤ [᱒] ᱮᱢᱟᱱ ᱟᱨ ᱦᱤᱸᱫᱤ ᱛᱮ ᱫᱚ ᱞᱟᱡᱽᱣᱚᱱᱛᱤ, ᱪᱷᱩᱭᱢᱩᱸᱭ ᱠᱚ ᱢᱮᱛᱟᱜ ᱠᱟᱱᱟ ᱾
ᱜᱩᱱ
ᱥᱟᱯᱲᱟᱣᱡᱟᱹᱱᱟᱹᱯᱤᱫ ᱫᱟᱨᱮ ᱨᱮᱱᱟᱜ ᱨᱟᱥᱟ ᱫᱚ ᱠᱚᱥ ᱟᱨ ᱠᱟᱥᱟ ᱜᱮᱭᱟ, ᱛᱚᱜᱚᱡ ᱞᱮᱠᱷᱟᱱ ᱛᱟᱺᱦᱩ ᱵᱩᱡᱷᱟᱹᱣᱜᱼᱟ ᱾ ᱠᱚᱨᱷᱚ ᱟᱨ ᱯᱤᱛ ᱞᱟᱹᱜᱤᱫ ᱫᱚ ᱟᱹᱰᱤ ᱱᱟᱯᱟᱭᱮ ᱠᱟᱹᱢᱤᱭᱟ ᱾
ᱵᱮᱵᱷᱟᱨ
ᱥᱟᱯᱲᱟᱣᱱᱚᱣᱟ ᱨᱮᱱᱟᱜ ᱫᱟᱨᱮ, ᱥᱟᱠᱟᱢ, ᱡᱟᱝ ᱟᱭᱢᱟ ᱞᱮᱠᱟᱱ ᱨᱟᱱ ᱢᱩᱨᱜᱟᱱ ᱨᱮ ᱠᱚ ᱵᱮᱵᱷᱟᱨᱮᱜᱼᱟ ᱾ ᱠᱩᱠᱢᱩᱪᱷᱮᱣ, ᱴᱟᱴᱠᱟᱪᱷᱮᱣ, ᱞᱮᱲᱵᱷᱟᱵᱽ, ᱵᱚᱥᱢᱚᱛᱟ ᱨᱟᱹᱯᱩᱫ, ᱢᱟᱭᱟᱢ ᱞᱩᱸᱡᱤ ᱮᱢᱟᱱ ᱠᱚ ᱨᱮ ᱱᱚᱣᱟ ᱫᱚ ᱨᱟᱱ ᱞᱮᱠᱟᱛᱮ ᱠᱚ ᱵᱮᱵᱷᱟᱨᱮᱜᱼᱟ ᱾ ᱚᱱᱟ ᱵᱮᱜᱚᱨ ᱟᱨᱦᱚᱸ ᱢᱟᱭᱟᱢ ᱡᱷᱟᱲᱟ, ᱠᱷᱩᱜ, ᱢᱟᱨᱮ ᱜᱷᱟᱣ ᱮᱢᱟᱱ ᱠᱚᱨᱮ ᱵᱮᱵᱷᱟᱨ ᱞᱮᱠᱷᱟᱱ ᱵᱮᱜ-ᱵᱮᱥ ᱠᱟᱱ ᱜᱮᱭᱟ ᱾
ᱵᱟᱨᱦᱮ ᱡᱚᱱᱚᱲ
ᱥᱟᱯᱲᱟᱣ- A list of notable chemical compounds found in Mimosa pudica
- View occurrences of Mimosa pudica in the Biodiversity Heritage Library
- "Sensitive Plant" page by Dr. T. Ombrello
- Page about nyctinasty and leaf movement of Mimosa pudica by John Hewitson
- Youtube video: Mimosa Pudica
- Indiana.edu "Plants in motion" videos of Mimosa pudica: 1 and *2