ᱡᱩᱱᱦᱮᱵᱚᱛᱚ ᱦᱚᱱᱚᱛ

ᱡᱩᱱᱦᱮᱵᱚᱴᱚ ᱦᱚᱱᱚᱛ ᱫᱚ ᱠᱚᱧᱮ-ᱥᱟᱢᱟᱝ ᱥᱤᱧᱚᱛ ᱱᱟᱜᱟᱞᱮᱱᱰ ᱯᱚᱱᱚᱛ ᱨᱮᱭᱟᱜ ᱜᱮᱞ-ᱢᱤᱫ ᱜᱚᱴᱟᱝ ᱦᱚᱱᱚᱛ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱦᱚᱱᱚᱛ ᱠᱟᱱᱟ ᱾ ᱱᱟᱣᱟ ᱡᱩᱱᱦᱮᱵᱚᱴᱚ ᱱᱟᱝᱜᱽᱨᱟᱦᱟ ᱠᱟᱱ ᱜᱮᱭᱟ ᱱᱤᱭᱟᱹ ᱦᱚᱱᱚᱛ ᱨᱮᱭᱟᱜ ᱫᱚᱵᱷᱟᱹᱴᱤᱭᱟᱹ ᱴᱷᱟᱹᱭ ᱫᱚ ᱾ ᱱᱤᱭᱟᱹ ᱦᱚᱱᱚᱛ ᱫᱚ ᱚᱛ ᱦᱟᱥᱟ ᱨᱮᱭᱟᱜ ᱞᱮᱠᱷᱟ ᱡᱚᱠᱷᱟ ᱞᱮᱠᱟ ᱛᱮ - ᱑,᱒᱐᱐ ᱪᱟᱹᱣᱠᱟᱹ ᱠᱤᱞᱚᱢᱤᱴᱟᱨ ᱡᱟᱭᱜᱟ ᱛᱮ ᱫᱟᱯᱟᱞ ᱮᱥᱮᱫ ᱟᱠᱟᱱᱟ ᱾ ᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱱᱤᱭᱟᱹ ᱦᱚᱱᱚᱛ ᱨᱮᱭᱟᱜ ᱦᱚᱲ ᱞᱮᱠᱷᱟ ᱫᱚ ᱛᱟᱦᱮᱸ ᱠᱟᱱᱟ- ᱑᱔᱐,᱗᱕᱗ ᱡᱚᱱᱟ ᱾

ᱡᱩᱱᱦᱮᱵᱚᱴᱚ ᱦᱚᱱᱚᱛ
ᱱᱟᱜᱟᱞᱮᱱᱰ ᱨᱮᱭᱟᱜ ᱦᱚᱱᱚᱛ
ᱱᱟᱜᱟᱞᱮᱱᱰ ᱨᱮ ᱡᱩᱱᱦᱮᱵᱚᱴᱚ ᱦᱚᱱᱚᱛ ᱨᱮᱭᱟᱜ ᱴᱷᱟᱶ
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱱᱟᱜᱟᱞᱮᱱᱰ
ᱢᱟᱹᱪᱤ	ᱡᱩᱱᱦᱮᱵᱚᱴᱚ
ᱮᱨᱤᱭᱟ
• ᱡᱚᱛᱚ ᱛᱮ	1200 ᱠᱤᱢᱤ২ (500 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱑᱑)
• ᱡᱚᱛᱚ ᱛᱮ	᱑᱔᱐,᱗᱕᱗
• ᱰᱮᱱᱥᱤᱴᱤ	110/ᱠᱤᱢᱤ2 (300/ᱜᱟᱺᱴ ᱢᱟᱹᱭᱤᱞ)
ᱦᱚᱲ ᱮᱞᱮᱞ
• ᱥᱤᱠᱷᱱᱟᱹᱛ	᱘᱖.᱒᱖ ᱥᱟᱭᱠᱚᱲᱟ
IST (ᱭᱩᱴᱤᱥᱤ+᱐᱕:᱓᱐)
ᱣᱮᱵᱽᱥᱟᱭᱤᱴ	http://zunheboto.nic.in/

ᱚᱛᱱᱚᱛ

ᱱᱤᱭᱟᱹ ᱦᱚᱱᱚᱛ ᱨᱮᱭᱟᱜ ᱠᱚᱧᱮ ᱱᱟᱠᱷᱟ ᱛᱮ ᱫᱚ ᱢᱚᱠᱚᱠᱪᱚᱝ ᱦᱚᱱᱚᱛ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ, ᱯᱟᱪᱷᱮ ᱱᱟᱠᱷᱟ ᱛᱮ ᱫᱚ ᱠᱚᱦᱤᱢᱟ ᱦᱚᱱᱚᱛ ᱟᱨ ᱣᱚᱠᱷᱚ ᱦᱚᱱᱚᱛ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ, ᱮᱛᱚᱢ ᱱᱟᱠᱷᱟ ᱛᱮ ᱫᱚ ᱯᱷᱮᱠ ᱦᱚᱱᱚᱛ ᱨᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ, ᱥᱟᱢᱟᱝ ᱱᱟᱠᱷᱟ ᱨᱮ ᱫᱚ ᱛᱩᱣᱮᱱᱥᱟᱝ ᱦᱚᱱᱚᱛ ᱟᱨ ᱠᱤᱯᱷᱟᱭᱟᱨ ᱦᱚᱱᱚᱛ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ ᱾

ᱡᱩᱦᱮᱱᱵᱚᱴᱚ, ᱵᱩᱨᱩ ᱡᱟᱭᱜᱟ ᱠᱟᱱᱟ ᱱᱤᱭᱟᱹ ᱦᱚᱱᱚᱛ ᱨᱨᱭᱟᱜ ᱫᱚᱵᱷᱟᱹᱴᱤᱭᱟᱹ ᱴᱷᱟᱹᱭ ᱫᱚ, ᱱᱤᱭᱟᱹ ᱦᱚᱱᱚᱛ ᱫᱚ ᱦᱟᱹᱨᱤᱭᱟᱹᱲ ᱵᱤᱨ-ᱵᱩᱨᱩ, ᱫᱟᱨᱮ ᱱᱟᱹᱬᱤ ᱛᱮ ᱫᱟᱞᱚᱵ ᱟᱠᱟᱱᱟ ᱟᱨ ᱦᱩᱪᱤᱧ ᱵᱩᱨᱩ ᱡᱷᱟᱨᱱᱟ ᱛᱮ ᱾ ᱱᱤᱭᱟᱹ ᱦᱚᱱᱚᱛ ᱨᱮ ᱥᱟᱛᱚᱭ ᱵᱩᱨᱩ ᱢᱟᱞᱟ ᱢᱨᱱᱟᱜ ᱟᱠᱟᱫᱟ, ᱥᱟᱛᱟᱠᱷᱟ ᱦᱩᱰᱤᱧ ᱦᱚᱱᱚᱛ ᱨᱮ ᱜᱨᱞ ᱜᱚᱴᱟᱝ ᱦᱚᱱᱚᱛ ᱢᱮᱱᱟᱜ ᱟᱠᱟᱫᱟ᱾ ᱚᱠᱟ ᱫᱚ ᱪᱮᱬᱮ ᱥᱟᱬᱮᱥᱤᱭᱟᱹ ᱟᱨ ᱪᱮᱬᱮ ᱫᱩᱜ-ᱞᱟᱹᱲᱤᱭᱟᱹ ᱠᱚ ᱞᱟᱹᱜᱤᱫ ᱥᱚᱨᱚᱜᱽ ᱯᱩᱨᱤ ᱞᱮᱠᱟ ᱠᱟᱱᱟ᱾ ᱱᱤᱭᱟᱹ ᱵᱩᱨᱩ ᱢᱟᱞᱟ ᱫᱚ ᱠᱷᱟᱥ ᱪᱮᱬᱮ ᱴᱚᱴᱷᱟ ᱢᱮᱱ ᱛᱮ ᱵᱤᱠᱟᱹᱣᱜ ᱠᱟᱱᱟ ᱥᱮ ᱥᱤᱧᱚᱛ ᱨᱮᱱ ᱞᱚᱠᱟᱞ ᱪᱮᱬᱮ ᱭᱟᱜ ᱴᱷᱟᱹᱭ ᱢᱮᱱ ᱛᱮ ᱦᱚ ᱾ ᱟᱭᱢᱟ ᱟᱫᱚᱜ ᱠᱟᱱ ᱪᱮᱬᱮ ᱪᱤᱯᱨᱩ ᱡᱮᱞᱮᱠᱟ- ᱵᱞᱟᱭᱛᱷᱤ- ᱴᱨᱟᱜᱚᱯᱟᱱ (Blythi Tragopan) ᱠᱟᱞᱤᱡᱽ ᱯᱷᱤᱦᱮᱱᱴ (Kalij Pheasent) ᱟᱨ ᱯᱤᱠᱚᱠ ᱯᱷᱤᱡᱨᱱᱴ (Peacock Pheasent) ᱱᱤᱛ ᱦᱚ ᱱᱤᱭᱟᱹ ᱵᱩᱨᱩ ᱴᱚᱴᱷᱟ ᱨᱮ ᱢᱮᱱᱟᱜ ᱟᱠᱟᱫ ᱠᱚ ᱜᱮᱭᱟ ᱾

ᱦᱚᱲ ᱞᱮᱠᱷᱟ

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱡᱩᱱᱦᱮᱵᱚᱴᱚ ᱦᱚᱱᱚᱛ ᱨᱮᱭᱟᱜ ᱞᱮᱠᱷᱟ ᱫᱚ ᱞᱮᱠᱷᱟ ᱜᱩᱴ ᱑᱔᱐,᱗᱕᱗ ᱡᱚᱱᱟ, ᱦᱚᱲ ᱞᱮᱠᱷᱟ ᱦᱤᱥᱟᱹᱵᱽ ᱛᱮ ᱱᱚᱣᱟ ᱦᱚᱱᱚᱛ ᱫᱚ ᱥᱮᱭᱱ ᱞᱩᱥᱤᱭᱟ ᱩᱱᱟᱹᱜ ᱢᱟᱨᱟᱝ ᱦᱩᱭᱩᱜᱼᱟ ᱾ ᱱᱤᱭᱟᱹ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱖᱔᱐ ᱜᱚᱴᱟᱝ ᱦᱚᱱᱚᱛ ᱢᱩᱫᱽ ᱨᱮ ᱕᱙᱘ ᱮᱞᱟᱱ ᱦᱚᱱᱚᱛ ᱯᱟᱲᱟᱜ ᱠᱟᱱᱟ ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱢᱤᱫ ᱪᱟᱹᱣᱠᱟᱹ ᱠᱤᱞᱚᱢᱤᱴᱟᱨ ᱡᱟᱭᱜᱟ ᱨᱮ ᱑᱑᱐ ᱡᱚᱱᱟ ᱦᱚᱲ ᱠᱚ ᱜᱤᱨᱟᱹᱵᱟᱥ ᱟᱠᱟᱱ ᱢᱮᱱᱟᱜ ᱠᱚᱣᱟ ᱾ ᱡᱩᱱᱦᱮᱵᱚᱴᱚ ᱦᱚᱱᱚᱛ ᱨᱮ ᱢᱤᱫ ᱜᱮᱼ ᱥᱟᱭ ᱦᱮᱨᱮᱞ ᱵᱚᱫᱚᱞ ᱛᱮ ᱙᱘᱑ ᱡᱚᱱᱟ ᱢᱟᱭᱡᱤᱣ ᱢᱮᱱᱟᱜ ᱠᱚᱣᱟ ᱾ ᱟᱨ ᱥᱮᱪᱮᱜ ᱠᱚᱣᱟᱜ ᱦᱟᱨ ᱫᱚ ᱦᱩᱭᱩᱜ ᱠᱟᱱᱟ ᱘᱖.᱒᱖% ᱾

ᱥᱮᱪᱮᱫ

ᱛᱮᱦᱮᱧ ᱟᱜ ᱫᱤᱱ ᱱᱟᱜᱟᱞᱮᱱᱰ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱫᱚ ᱱᱤᱭᱟᱹ ᱦᱚᱱᱚᱛ ᱨᱮ ᱜᱮ ᱵᱟᱱᱫᱷᱟᱣ ᱟᱠᱟᱱᱟ, ᱱᱚᱣᱟ ᱨᱮᱭᱟᱜ ᱠᱮᱢᱯᱟᱥ ᱫᱚ ᱟᱠᱩᱞᱩᱛᱚ ᱥᱟᱵᱽ ᱰᱤᱵᱷᱤᱡᱚᱱ ᱨᱮᱭᱟᱜ ᱞᱩᱢᱟᱢᱤ ᱟᱹᱛᱩ ᱨᱮ ᱢᱮᱱᱟᱜ ᱟᱠᱟᱫᱟ ᱾ ᱱᱤᱭᱟᱹ ᱡᱟᱭᱜᱟ ᱫᱚ ᱱᱤᱛ ᱱᱟᱜᱟᱞᱮᱱᱰ ᱯᱚᱱᱚᱛ ᱨᱮᱭᱟᱜ ᱞᱟᱭ ᱞᱟᱠᱪᱟᱨ ᱛᱟᱞᱢᱟ ᱜᱮ ᱵᱮᱱᱟᱣ ᱟᱠᱟᱱᱟ, ᱚᱡᱟ ᱨᱮ ᱫᱚ ᱜᱚᱴᱟ ᱱᱟᱜᱟᱞᱮᱱᱰ ᱟᱨᱵᱟᱝ ᱯᱚᱱᱚᱛ ᱵᱟᱦᱨᱮ ᱠᱷᱚᱱ ᱦᱚ ᱯᱟᱹᱴᱷᱣᱟᱹ ᱠᱚ ᱯᱟᱲᱦᱟᱣᱚᱜ ᱠᱚ ᱦᱤᱡᱩᱜ ᱠᱟᱱᱟ ᱾